ព័ត៌មានអន្តរជាតិ
តម្លៃលក់លំនៅដ្ឋាននៅសឹង្ហបុរីធ្លាក់ចុះ ១៤% ដោយសារកូវីដ ១៩
ក្រុមហ៊ុនប្រឹក្សាអចលនទ្រព្យសិង្ហបុរី EDMUND TIE & Company បានឱ្យដឹងថាតម្លៃលំនៅដ្ឋានឯកជននៅសិង្ហបុរីធ្លាក់ចុះប្រមាណ ១% ក្នុងត្រីមាស១ ឆ្នាំ២០២០ បើធៀបនឹងត្រីមាសដដែលនៃឆ្នាំមុន។ នេះបើយោងតាមសន្ទស្សន៍តម្លៃអចលនទ្រព្យនៃលំនៅដ្ឋាន (URA All Residential Property Price Index)។ សន្ទស្សន៍តម្លៃអចលនទ្រព្យមិនមែនដីធ្លី (PPI) ធ្លាក់ចុះប្រមាណ ១% បើធៀបនឹងត្រីមាសដូចគ្នាក្នុងឆ្នាំ ២០១៩ ហើយសន្ទស្សន៍ថ្លៃអចលនទ្រព្យបានចុះបញ្ជីក៏ធ្លាក់ចុះប្រមាណ ០,៩% ផងដែរ។ ការធ្លាក់ចុះតម្លៃនេះគឺបណ្ដាលមកពី ការរីករាលដាលនៃជំងឺកូវីដ ១៩ ដែលធ្វើឱ្យសេដ្ឋកិច្ចធ្លាក់ចុះ និងកាត់បន្ថយតម្រូវការអ្នកទិញ។ វីរ៉ុសកូវីដ ១៩ បណ្ដាលឱ្យប្រទេសមួយចំនួនត្រូវបានអនុវត្តប្រធានការបិទប្រទេស និងមានការរឹតត្បិតការហោះហើរចេញចូល។ កត្តាទាំងនេះ កាត់បន្ថយចំនួនអ្នកមកទស្សនាផ្ទះល្វែង កាត់បន្ថយសកម្មភាពទិញ និងជួល ដែលជះឥទ្ធិពលដល់ការទិញលក់ និងតម្លៃផ្ទះឯកជនផងដែរ។ (អានបន្ថែម)
អានបន្ថែម
ក្រុមហ៊ុនអចលនទ្រព្យក្នុងតំបន់អាស៊ានកំពុងស្វែងរកដំណោះស្រាយស្ដារអាជីវកម្មពីវិបត្តិកូវីដ ១៩
អាជីវកម្មជាង ៨០ ភាគរយនៅទូទាំងតំបន់អាស៊ីប៉ាស៊ីហ្វិកបាន និងកំពុងស្វែងរកដំណោះស្រាយ និងរៀបចំរចនាសម្ព័ន្ធឡើងវិញ ដើម្បីសម្របខ្លួននឹងការរស់នៅរបៀបថ្មី (new normal) ក្នុងកំឡុងនិងក្រោយពេលវិបត្តិកូវីដ ១៩។ នេះបើយោងតាមការស្ទង់មតិរបស់ JLL។ ម្ចាស់អាជីវកម្មខ្លះ បានស្វះស្វែងរកដំណោះស្រាយគ្រប់វិធី ធ្វើយ៉ាងណាឲ្យអាជីវកម្មរបស់ខ្លួនដំណើរការទៅបាន ដែលក្នុងនោះរួមបញ្ជូលការបន្ថែមនូវវិធានការផ្សេងៗ ដើម្បីទប់ស្កាត់ការឆ្លងវីរុសនេះផងដែរ។ របាយការណ៍ស្ដីពី «មគ្គុទេសក៍សម្រាប់ការរៀបចំកន្លែងធ្វើការ» បានបង្លាញអំពីគោលនយោបាយអាទិភាព សម្រាប់ទាំងរយៈពេលខ្លី និងរយៈពេលវែង រួមមានដំណោះស្រាយផែនការការដាក់គន្លាតសង្គម ការប្រើប្រាស់បច្ចេកវិទ្យាជំនួស និងមុខងារប្រតិបត្តិការមួយចំនួនទៀត។ វិធានការគឺដើម្បីជួយសម្រួលក្រុមហ៊ុនក្រៅស្រុក ដែលមិនអាចធ្វើដំណើរចេញចូលបាន ឱ្យនៅតែមានដំណើរការ។ ជាមួយនេះដែរ របាយការណ៍នេះ ក៏បានផ្ដល់នូវវិធីសាស្ត្រក្នុងការ រៀបចំឡើងវិញនូវទីតាំងការិយាល័យឲ្យស្របទៅតាមការរស់នៅរបៀបថ្មី ក៏ដូចជាការរចនាការិយាល័យឡើងវិញផងដែរ ដើម្បីជួយសម្រួលដល់អាជីវកម្មឱ្យដំណើរការបាន និងជួយបុគ្គលិកឱ្យមានការងារធ្វើក្នុងរយៈពេលវែង។ វិធានការទាំងនោះរួមមាន ការបង្កើតកន្លែងធ្វើការឯកជន ហ៊ុមព័ទ្ធតុធ្វើការនីមួយៗ កន្លែងសម្រាប់ទំនាក់ទំនងគ្នាដែលមានគន្លាតពីគ្នាគ្រប់គ្រាន់ ស្លាកសញ្ញាបញ្ចាក់ពីការបែងចែកកន្លែងឯកជន និងតំឡើងបច្ចេកវិទ្យារូបភាពកន្លែងរង់ចាំ និងកន្លែងទទួលភ្ញៀវផងដែរ។
អានបន្ថែម
សួនកម្សាន្តខ្នាតយក្សតម្លៃ ១.០០០ លានដុល្លារ ត្រូវបានសង់ឡើងនៅលើកោះ Phu Quoc
ក្រុមហ៊ុន Vinpearl Joint Stock របស់វៀតណាម បានប្រកាសបើកជាផ្លូវការថា នឹងចំណាយទឹកប្រាក់ប្រមាណ ១.០០០ លានដុល្លារ សម្រាប់គម្រោងសាងសង់សួនកម្សាន្តខ្នាតយក្សធំជាងគេបង្អស់នៅវៀតណាម ឈ្មោះគម្រោង VinWonders Phu Quoc នៅលើកោះត្រល់ ឬ (Phu Quoc) នៅថ្ងៃទី ១ ខែ មិថុនា ស្ថិតនៅចម្ងាយប្រមាណជិត ៥០ គីឡូម៉ែត្រ ពីខេត្តហៀទៀង ចុងភាគនិរតីប្រទេសវៀតណាម។ គ្រោងនឹងសង់នៅលើ ផ្ទៃដី ២៧ ហិកតា VinWonders Phu Quoc ជាប់ឯតទគ្គកម្មជាសំណង់ឧទ្យានដ៏ធំជាងគេនៅប្រទេសវៀតណាម ដែលគ្រោងនឹងផ្តល់ជូននូវកន្ត្រកជិះទំនើបជាង ១០០ សម្រាប់ភ្ញៀវទេសចរ។ សមិទ្ធផលសួនកម្សាន្តដ៏ធំនេះ ត្រូវបានគេរំពឹងថា នឹងនាំមកនូវបទពិសោធន៍នៃការកម្សាន្តដ៏រំភើបនិងធំជាងគេ នៅក្នុងទ្វីបអាស៊ីផងដែរ។ VinWonders Phu Quoc ក្នុងដំណាក់កាលដំបូងនៃគម្រោង ចែកចេញជាផ្នែករងចំនួន ៦ រួមមាន៖ កន្លែងមជ្ឈិមសម័យអឺរ៉ុប, ពិភពវេទមន្ត, ភូមិអាថ៌កំបាំង, វិមានមហាសមុទ្រ, ពិភពព្យុះស៊ីក្លូន និងដំណើរពិភពផ្សងព្រេង […]
អានបន្ថែម
អាស៊ាន៖ប្រើ StoryTeller ក្រុមហ៊ុននិងអតិថិជន អាចទិញលក់អចលនទ្រព្យតាមប្រព័ន្ធឌីជីថល
PropertyGuru FastKey បើកដំណើរការវេទិកាឌីជីថល ‘StoryTeller’ ជាដំណើរទស្សនកិច្ចគម្រោងអចលនទ្រព្យឌីជីថល ៣៦០ ដឺក្រេ ដែលបង្កើនបទពិសោធន៍ថ្មីដល់ អ្នកទិញផ្ទះ ដី និងអចលនទ្រព្យផ្សេងទៀត អាចស្វែងយល់ពីគម្រោងតាមប្រព័ន្ធឌីជីថល ហាក់ដូចជាដំណើរបានទៅពិនិត្យគម្រោងផ្ទាល់ជាក់ស្តែងនៅនឹងកន្លែង និងទេសភាពជុំវិញកន្លែងគម្រោងផងដែរ។ អ្នកទិញ អាចជ្រើសរើសមើលគម្រោងទាំងមូលដែលខ្លួនចាប់អារម្មណ៍ ហើយក៏អាចជ្រើសរើសមើលតែលក្ខណៈពិសេស រឺមុខងារណាដែលខ្លួនចង់បាន។ បន្ថែមពីនេះដែរ ប្រព័ន្ធបច្ចេកវិទ្យាដ៏ទំនើបមួយនេះ និងបង្ហាញ ទាំងការមើលឃើញចំនួនផ្ទះ ឬ ខនដូ ដែលនៅសល់ តាមការធ្វើបច្ចុប្បន្នភាពតាមពេលវេលាជាក់ស្តែង។ បទពិសោធន៍នៃការមើល ៣៦០ ដឺក្រេនេះ បានរៀបចំព័ត៌មានរបស់ម្ចាស់គម្រោងអភិវឌ្ឍន៍អចលនទ្រព្យដែលបានផ្តល់ជូន។ ជាមួយនឹងមុខងារនេះ PropertyGuru FastKey នឹងជួយអោយអ្នកអភិវឌ្ឍន៍អចលនទ្រព្យ អាចបង្ហាញគម្រោងភ្លាមៗ ទៅកាន់ទីផ្សារដោយមិនចាំបាច់រង់ចាំការសាងសង់ផ្ទះ ឬខុនដូគំរូជាមុន ។ ទន្ទឹមនឹងការអនុវត្តវិធានការ រក្សាគម្លាតសង្គមក្នុងកំឡុងពេលទប់ស្កាត់ការរីករាលដាល COVID 19 នេះ អ្នកទិញលក់អចលនទ្រព្យ បានផ្លាស់ប្តូរអាកប្បកិរិយារបស់ខ្លួន។ ខណៈពេលដែល គម្រោងផ្ទះឬខនដូ និងអចលនទ្រព្យផ្សេងៗ មានការធ្លាក់ចុះ ប៉ុន្តែតម្រូវការក្នុងការស្វែងរករបស់អតិថិជន តាមបណ្តាញអនឡាញ មិនថមថយឡើយ តែអាចនឹងមានកំណើនជាងមុន។ ដូច្នេះគឺជាពេលវេលាសមស្របបំផុតសម្រាប់អ្នកអភិវឌ្ឍន៍អចលនទ្រព្យ ផ្តល់ជូនសេវាកម្មថ្មីៗ […]
អានបន្ថែម
តុលាការយោធាវៀតណាម កាត់ទោសអតីតអនុរដ្ឋមន្ត្រីក្រសួងការពារជាតិ ឱ្យជាប់គុក ៤ ឆ្នាំ ជុំវិញរឿងអាស្រូវដីធ្លី
តុលាការយោធាវៀតណាម កាលពីថ្ងៃព្រហស្បតិ៍នេះ បានកាត់ទោសអតីតអនុរដ្ឋមន្រ្តីក្រសួងការពារជាតិម្នាក់ ឱ្យជាប់ពន្ធនាគាររយៈពេល ៤ ឆ្នាំ ពីបទអនុញ្ញាតឱ្យមានការផ្ទេរដីចំនួន ៣ កន្លែងនៅក្នុងទីក្រុងហូជីមិញ ពីកងទ័ពជើងទឹក ទៅឱ្យវិនិយោគិនឯកជន ដោយខុសច្បាប់។ យោងតាមការចុះផ្សាយរបស់បណ្តាញព័ត៌មានវៀតណាមអ៊ីចប្រែស៍( e.vnexpress.net) ចេញផ្សាយកាលពីថ្ងៃទី ២១ ខែ ឧសភា ឆ្នាំ ២០២០ នេះ។ ប្រព័ន្ធផ្សព្វផ្សាយរដ្ឋរបស់វៀតណាម បាននិយាយថា ឧត្តមនាវីកងទ័ពជើងទឹកឈ្មោះ ង្វៀន វ៉ាន់ ហៀន អាយុ ៦៥ ឆ្នាំ ត្រូវបានតុលាការរកឃើញថា មានកំហុសពីការខ្វះការទទួលខុសត្រូវ ដែលបានបណ្តាលឱ្យមានការផ្ទេរដីទំហំ ៧.៣០០ ម៉ែត្រក្រឡា ក្នុងរយៈពេល ៤៥-៤៩ ឆ្នាំ សម្រាប់ការសាងសង់អគារការិយាល័យ នៅក្នុងទីក្រុងហូជីមិញ។ “សកម្មភាពរបស់លោក ហៀន បែបនេះ មានន័យថា កងទ័ពជើងទឹកបានបាត់បង់ ការប្រើប្រាស់ដីឡូត៍អស់រយៈពេល ៤៩ ឆ្នាំ។ ការណ៍នេះ បណ្តាលឱ្យរដ្ឋការវៀតណាម ខាតបង់ទឹកប្រាក់ជិត ៩៤០ ពាន់លានដុង (៤០ លានដុល្លារ)” […]
អានបន្ថែម
កូវីដ១៩ បង្ខំសិង្ហបុរីឱ្យផ្អាកស្ថានីយចុះចតលេខ ៤ នៃអាកាសយានដ្ឋានចាងស៊ី មួយទៀតហើយ
អាកាសយានដ្ឋានសិង្ហបុរី ចាងស៊ី ប្រកាសបិទស្ថានីយចុះចតលេខ ៤ (Terminal 4) របស់ខ្លួន ចាប់ពីថ្ងៃទី ១៦ ឧសភា ទៅ បន្ទាប់ពីព្រលានយន្តហោះនេះ បានផ្អាកដំណើរការស្ថានីយលេខ ២ (Terminal 2) មួយរួចមកហើយ កាលពីដើមខែឧសភាកន្លងទៅ។ ការប្រកាសបិទធើមីណលលេខ៤ បណ្តោះអាសន្ននេះ ត្រូវបានធ្វើឡើងដោយសារតែចំនួននៃការហោះហើរ បានធ្លាក់ចុះខ្លាំង បណ្ដាលមកពីវិបត្តិកូវីដ ១៩ នេះបើយោងតាមសេចក្តីប្រកាសរបស់ព្រលានយន្តហោះចាងស៊ីប្រទេសសិង្ហបុរី កាលពីថ្ងៃទី ១២ ខែឧសភាកន្លងទៅ ។ សម្រាប់ជើងហោះហើរទាំងអស់ ដែលធ្លាប់ចុះចត និងហោះហើរនៅស្ថានីយទី៤ (Terminal 4) នេះ ត្រូវប្ដូរទីតាំងទៅដំណើរការនៅស្ថានីយផ្នែកទី ១ ( Terminal 1) និងទី៣ ( Terminal 3) វិញ។ សម្រាប់ជើងហោះហើររបស់ក្រុមហ៊ុនកាថាយ (Cathay Pacific) និងក្រុមហ៊ុនយន្តហោះកូរ៉េ (Korean Air) ត្រូវប្តូរទៅស្ថានីយផ្នែកទី១ (Terminal 1) ចំណែកស្ថានីយចុះចត […]
អានបន្ថែម
អ្នកជំនាញចិន៖ វិស័យសេវាកម្មប៉ះពាល់ខ្លាំង ក្រោយរកឃើញមនុស្ស៩ នាក់ឆ្លងកូវីដ១៩ ដោយសារ ម៉ាស៊ីនត្រជាក់
អ្នកស្រាវជា្រវចិន បានឱ្យដឹងថាកូវីដ១៩ ប៉ះពាល់យ៉ាងខ្លាំងដល់ឧស្សាហកម្មសេវាកម្ម ក្រោយពីមានមនុស្សបីគ្រួសារ បានឆ្លងកូវីដ១៩ ពីអ្នកជំងឺម្នាក់ ដែលពួកគេបានអង្គុយញ៉ាំអាហារជិតគ្នានៅក្នុងភោជនីយដ្ឋានបិទជិតមួយកន្លែង នៅខេត្តក្វាងចូវ ប្រទេសចិន។ ការឆ្លងនេះ បណ្តាលមកពីសំណើមខ្យល់នៃម៉ាស៊ីនត្រជាក់នៅក្នុងភោជនីយដ្ឋាននោះផ្ទាល់តែម្តង ដែលជាអ្នកចម្លងវីរុសកូវីដពីអ្នកមានជំងឺ ទៅកាន់មនុស្ស៩នាក់ទៀត ។ នេះបើតាមការស្រាវជ្រាវរបស់មជ្ឍមណ្ឌលការពារ និងគ្រប់គ្រងជំងឺឆ្លងរបស់ខេត្តក្វាងចូវ ចុះផ្សាយកាលពីខែមីនាកន្លែងទៅនេះ។ អ្នកស្រាវជ្រាវចិនបានធ្វើការពន្យល់ថា ការចម្លងនេះកើតចេញពីស្រ្តីអាយុ៦៣ ឆ្នាំម្នាក់ ដែលបានទទួលលទ្ធផលតេស្តវិជ្ជមាននៅមន្ទីរពេទ្យមួយក្រោយពីបរិភោគអាហារនៅទីនោះរួច។ ពីរសប្តាហ៍ក្រោយ មនុស្ស៩នាក់ទៀត ដែលមិនធ្លាប់មានប្រវត្តិប៉ះពាល់កន្លែងអ្នកជំងឺកូវីដ១៩ ពីមុនៗសោះ លើកលែងតែកន្លែងភោជនីយដ្ឋានមួយនោះចេញ ត្រូវបានរកឃើញថាមានផ្ទុកមេរោគនេះដែរ។ កាលពីថ្ងៃឆ្លងនោះ ស្ត្រីវ័យចំណាស់នោះ គាត់បានទៅភោជនីយដ្ឋាននោះជាមួយសាច់ញាតិគាត់ ទាំងដែលគាត់គ្មានអាការៈរោគណាមួយដូចជាក្អក ឬក្តៅខ្លួនគួរឱ្យកត់សម្គាល់នោះទេ។ ពេលនោះគាត់បាន ចម្លងទៅសមាជិកគ្រួសាររបស់គាត់០៤នាក់ទៀត និងមនុស្ស៥នាក់ទៀត ដែលអង្គុយជុំគ្នានឹងពីរគ្រួសារទៀត នៅក្បែរនោះ។ គេដឹងគ្រប់គ្នាហើយថា វីរុសចម្លងកូរ៉ូណា ឆ្លងពីមនុស្សម្នាក់ទៅមនុស្សម្នាក់ទៀត ដោយតំណក់តូចៗចេញពីសំណើមទឹកមាត់ ហើយមិនអាចអណ្តែតសាយភាយក្នុងបរិយាកាសឆ្ងាយជាងមួយម៉ែត្រនោះទេ។ ចំពោះករណីខាងលើ ក្រុមគ្រួសារទាំងបី គឺអង្គុយឆ្ងាយដាច់ពីគ្នាជាងមួយម៉ែត្រ ដែលការណ៍នេះ អ្នកស្រាវជ្រាវចិនបាន សន្និដ្ឋានថា ការចម្លងនេះបណ្តាលមកពីម៉ាស៊ីនត្រជាក់ក្នុងភោជនីយដ្ឋាននោះតែម្តង ដែលបានបក់ឱ្យតំណក់ទឹកមាត់តូចៗនោះអណ្តែតទៅក្នុងបរិយាកាសបានកាន់តែឆ្ងាយជាងចម្ងាយមួយម៉ែត្រនោះ។ សូមបញ្ជាក់ថា នេះជាលើកទីពីរហើយដែលអ្នកវិទ្យាសាស្ត្រចិនបានរកឃើញនូវករណីឆ្លងដែលបណ្តាលមកពីសំណើមខ្យលចេញពីម៉ាស៊ីនត្រជាក់ បន្ថែមទៅលើករណីឆ្លងកូវីដ១៩ លើកម្មករធ្វើការនៅលើកប៉ាល់ ដាយមឹនព្រីនស៍ […]
អានបន្ថែម
សិង្ហបុរីយកមជ្ឈមណ្ឌល ពិព័រណ៍ដ៏ល្បី ចាងស៊ី ( Changi ) ជាមជ្ឈមណ្ឌលថែទាំអ្នកជំងឺកូវីដ ១៩
ប្រទេសសិង្ហបុរីបានសម្រេចយកមជ្ឈមណ្ឌលតាំងពិព័រណ៍ដ៏ល្បីរបស់ខ្លួន គឺមជ្ឈមណ្ឌលពិព័រណ៍ចាងស៊ី ( Changi Exhibition Centre) ធ្វើជាមជ្ឈមណ្ឌលថែទាំអ្នកជំងឺកូវីដ ១៩ ខណៈដែលប្រទេសនេះ ក្លាយជាប្រទេសដែលមានករណីឆ្លងច្រើនជាងគេនៅអាស៊ី បន្ទាប់ពីប្រទេសចិន ឥណ្ឌា។ អតីតមជ្ឈមណ្ឌលពិព័រណ៍យន្តហោះចាងស៊ី Changi ត្រូវបានប្រែក្លាយជាមជ្ឈមណ្ឌលថែទាំអ្នកជំងឺកូវីដ ១៩។ មជ្ឈមណ្ឌលនេះ ផ្ទៃក្រឡា ៣៣ ០០០ ម៉ែត្រការ៉េ ដែលអាចផ្ទុកអ្នកជំងឺបាន ២ ៧០០ នាក់ ក្នុងមជ្ឍមណ្ឌល និងកំពុងសាងសង់បរិវេណក្រៅមជ្ឍមណ្ឌលប្រមាណ ៧៥ ០០០ ម៉ែត្រការ៉េបន្ថែមទៀត ដែលអាចផ្ទុកអ្នកជំងឺបាន ៤ ៤០០ នាក់។ មជ្ឍមណ្ឌលនេះបើកទទួលអ្នកជំងឺ ៥០នាក់ លើកដំបូង កាលពីថ្ងៃទី២៥ ខែមេសាឆ្នាំ ២០២០នេះ។ នេះជាមជ្ឈមណ្ឌលថែទាំអ្នកជំងឺកូវីដ ១៩ ទីបីរបស់ប្រទេសបុរី សិង្ហបុរី ក្រៅពីរីស៊ត DESRESort NTUC ដែលស្ថិតនៅតំបន់ Pasir Ris ដែលអាចផ្ទុកអ្នកជំងឺបាន ៥០០ នាក់ និងមជ្ឈមណ្ឌលពិព័រណ៍សាំងហ្គាពួរ Singapore […]
អានបន្ថែម
ទីផ្សារអចលនទ្រព្យថៃកំពុងរងផលប៉ះពាល់ខ្លាំងដោយសារកូវិដ-១៩
ជាមួយនឹង “ភាពអាសន្នផ្នែកសុខភាពជាសកល” ដែលត្រូវបានប្រកាសដោយអង្គការសុខភាពពិភពលោក (WHO)ជាបន្តបន្ទាប់ អំពីផលប៉ះពាល់ដោយមេរោគរាតត្បាត-កូរ៉ូណាវីរូស វាបានជៈឥទ្វិពលខ្លាំងទៅលើការធ្វើដំណើររបស់វិនិយោគិនចិន សេដ្ឋកិច្ចក្នុងតំបន់ និង ទីផ្សារអចលនទ្រព្យ នៅក្នុងប្រទេសថៃ ដែរនេះជាការព្រួយបារម្ភដ៏ធំមួយសម្រាប់វិស័យអចនទ្រព្យក្នុងតំបន់ ។ តាំងពីឆ្នាំ ២០១៦មក ភាគច្រើននៃអ្នកវិនិយោគលើវិស័យអចលនទ្រព្យនៅប្រទេសថៃ គឺជាជនជាតិចិន។ ដោយឡែក ក្រោយមានការប្រកាសអាសន្នពីសុខភាពពិភពលោកជុំវិញបញ្ហាវីរុសកូរ៉ូណានេះ បានធ្វើឱ្យអចនទ្រព្យនៅប្រទេសមួយនេះរងផលប៉ះពាល់យ៉ាងដំណំ ដោយបាត់បង់រាល់ទំនុកចិត្ត និងភាពជឿជាក់ពីវិនិយោគិនចិនទាំងនោះផងដែរ។ អ្នកជំនាញម្នាក់ក្នុងវិស័យនេះ បានចង្អុលបង្ហាញពីការធ្លាក់ចុះយ៉ាងគំហុកនៃការលក់អចលនទ្រព្យ ដែលមានដូចជា៖ ប្រាក់កក់ក្នុងធនាគារត្រូវបានគេឈប់បង់ និង មានជាសំណូមពរឱ្យសងប្រាក់វិញ ឬ ការផ្ទេរកម្មសិទ្ធិត្រូវលើកពេល ដែលទាំងអស់នេះជាប្រការ ដែលមានការកើនឡើងយ៉ាងខ្លាំងជាបន្តបន្ទាប់។ ឥទ្ធិពលរបស់អ្នកវិនិយោគចិនបានធ្វើអោយទីផ្សារអចលនទ្រព្យប្រទេសថៃ គឺកំពុងប្រឈមមុខនឹងនិន្នាការធ្លាក់ចុះយ៉ាងកំហុក ប្រសិនបើស្ថានភាពនេះមិនត្រលប់មកភាពប្រក្រតីវិញក្នុងពេលអនាគតដ៏ឆាប់ខាងមុខនេះ។
អានបន្ថែម
ការវិនិយោគអចលនទ្រព្យនៅទីផ្សារអន្តរជាតិ
ជាទូទៅ គំនិតនៃការវិនិយោគអចលនទ្រព្យនៅបរទេសមិនមែនជារឿងថ្មីនោះទេ និងនៅតែជាចំណុចគួរឲ្យចាប់អារម្មណ៍ខ្លាំងសម្រាប់អ្នកមានស្តុកស្តមមួយចំនួននៅក្នុងប្រទេសកម្ពុជា ដោយផ្អែកលើមូលហេតុមួយចំនួនដូចជា ប្រព័ន្ធអប់រំមានស្តង់ដាខ្ពស់ សេវាដឹកជញ្ជូនសាធារណៈល្អ ជាតំបន់ដែលជាគោលដៅទេសចរណ៍ឈានមុខគេ ឋិតក្នុងតំបន់ដែលមានអាកាសធាតុនិងម៉ោងពេលដែលមនុស្សភាគច្រើនចូលចិត្ត ប្រព័ន្ធច្បាប់ល្អ ជាពិសេសមានសុខសុវត្ថិភាព។ល។ ម្យ៉ាងវិញទៀត គេសង្កេតឃើញថា លំនឹងទីផ្សារអចលនទ្រព្យ និងភាពរឹងមាំនៃតម្រូវការជួលនៅទីនោះ គឺជាហេតុផលដ៏សំខាន់មួយដែលធ្វើឱ្យអ្នកទិញអចលនទ្រព្យភាគច្រើនកំពុងស្វែងរការវិនិយោគនៅបរទេស។ ដោយឡែកនៅប្រទេសអូស្រ្តាលីតម្រូវការអចលនទ្រព្យនៅតាមទីក្រុងមូយចំនួនដូចជា ទីក្រុង Melbourne គឺតម្រូវការមានអាត្រាខ្ពស់ជាងការផ្គត់ផ្គង់ ដោយកើនរហូតដល់ ៥% ក្នុងមួយឆ្នាំ ជាពិសេសនៅតាមតំបន់សំខាន់ៗមួយចំនួន។ សម្រាប់ទីផ្សារអចលនទ្រព្យនៅក្នុងទីក្រុងមួយចំនួនទៀតដូចជា Brisbane, Melbourne និង Sydney បានចាប់ផ្តើមកើនឡើងជាបន្តបន្ទាប់ និងមានភាពល្អប្រសើរខ្លាំង ដែលនេះជាហេតុធ្វើឲ្យអ្នកវិនិយោគមួយចំនួនមានទំនុកចិត្ត។ ក្នុងនោះផងដែរ ទីក្រុង Melbourne បានបង្ហាញពីភាពលេចល្លោលើវិស័យអចលនទ្រព្យនៅឆ្នាំនេះ ដែលបានទាក់ទាញអ្នកវិនិយោគជាច្រើនទៅក្នុងតំបន់ ដោយផ្អែកលើមូលដ្ឋាន សេវាសាធារណៈផ្សេងៗល្អ ដូចជាមធ្យោបាយធ្វើដំណើរស្ថិតនៅជិតសាលារៀន និង សាកលវិទ្យាល័យធំៗ។ កត្តាដែលសំខាន់បំផុតក្នុងការទិញអចលនទ្រព្យនៅក្រៅប្រទេសដូចជា អូស្ត្រាលី សឹង្ហបូរី ឬចក្រភពអង់គ្លេស គឺដើម្បីផ្តល់ជាកន្លែងស្នាក់នៅសម្រាប់កូនៗ របស់ពួកគេដែលកំពុងសិក្សានៅទីនោះ។ បើយោងតាម the Times Higher Education ដែលហៅកាត់ថា (THE) របស់សកលវិទ្យាល័យពិភពលោកមួយបានបង្ហាញថា សកលវិទ្យាល័យដែលពួកគេកំពុងសិក្សានោះគឺសុទ្ធតែជាសកលវិទ្យាល័យស្ថិតក្នុងលំដាប់ល្អបំផុតលើពិភពលោក […]
អានបន្ថែម