ព័ត៌មានអន្តរជាតិ
គម្រោងលំនៅឋានមួយនេះនឹងក្លាយជាគម្រោងដ៏ធំបំផុតនៅប្រទេសថៃ
ក្រុមហ៊ុនអចលនទ្រព្យថៃ Magnolia Quality Development (MQDC) នឹងពង្រីកគម្រោងលំនៅដ្ឋាន Forestias នៅជាយក្រុងបាងកកដើម្បីបង្កើតគម្រោងលំនៅឋានធំជាងគេនៅប្រទេសថៃ។ ការពង្រីកនេះនឹងត្រូវបានផ្តល់មូលនិធិដោយការវិនិយោគចំនួន ១,២ ប៊ីលានដុល្លារបន្ថែមពីលើការវិនិយោគចំនួន ៣ ប៊ីលានដុល្លារអាមេរិក។ ទំហំគម្រោងនឹងកើនដល់ទៅ ១៦ ហិកតា ដែលពីមុនមានត្រឹមតែ ៤៨ ហិកតាប៉ុណ្ណោះ ប៉ុន្តែឥឡូវនេះនឹងពង្រីករហូតដល់ទៅ ៦៤ ហិកតា។ ស្ថិតនៅចម្ងាយប្រមាណ ១៥ គីឡូម៉ែត្រភាគអាគ្នេយ៍នៃភាគកណ្តាលទីក្រុងបាងកក Forestias នឹង មានវីឡា និង ខុនដូដែលមានទំហំប្រមាណ ៤,៨ ហិកតា រួមជាមួយកន្លែងលក់រាយ ការិយាល័យ ក្លឹបកីឡា សណ្ឋាគារលំដាប់ផ្កាយ ៥ រោងកុន និងមជ្ឈមណ្ឌលកំសាន្តសម្រាប់គ្រួសារជាលក្ខណៈឯកជនផងដែរ។ ម្យ៉ាងវិញទៀត ក្នុងគម្រោងនេះក៏នឹងមានផ្លូវតភ្ជាប់គ្នាពីអគារមួយ ទៅអគារទៀត ដែលមានចម្ងាយសរុប ១,៦ គីឡូម៉ែត្រ។
អានបន្ថែម
តម្លៃអចលនទ្រព្យនៅហ្វីលីពីននៅទ្រឹង
តម្លៃផ្ទះនៅហ្វីលីពីនបានកើនត្រឹមតែ ០,៤% ប៉ុណ្ណោះពីមួយឆ្នាំទៅមួយឆ្នាំ ដែលនេះតំណាងឱ្យតម្លៃមិនឡើងខ្ពស់ដូចការព្យាករថានឹងកើនឡើង ៣,៧% ឡើយ។ នេះបើតាមសន្ទស្សន៍តម្លៃអចលនទ្រព្យសម្រាប់ត្រីមាសទី២ ឆ្នាំ២០១៩ របស់ធនាគារកណ្ដាលហ្វីលីពីន។ បើទោះជាតម្លៃលំនៅឋានស្ទើរគ្រប់ប្រភេទធ្លាក់ចុះ ក្នុងនោះរួមទាំងផ្ទះក្នុងអាគារសហកម្មសិទ្ធិផងដែលបានធ្លាក់តម្លៃ ៧,៩% ប៉ុន្តែយូនីតក្នុងខុនដូតម្លៃនៅតែកើនឡើងរវាង ៤,៥% ចន្លោះត្រីមាសទី១ និង ទី២ ក្នុងឆ្នាំ២០១៩នេះ។ បើនិយាយពីទីតាំង តម្លៃផ្ទះនៅតែកើនឡើងនៅក្នុងរដ្ឋធានី។ ត្បិតតែ៣ខែដំបូងដល់ត្រីមាសទី២ឆ្នាំ២០១៩ វារាងធ្លាក់ថ្លៃបន្តិចគឺ ០,២% ក៏ប៉ុន្តែជាទូទៅតម្លៃវានៅតែបន្តកើនឡើងរហូតដល់ ៥,២% ពីមួយឆ្នាំទៅមួយឆ្នាំ។ រីឯតម្លៃនៅតាមបណ្តាខេត្ត ឬ តំបន់នៅក្រៅក្រុងរបស់ប្រទេសហ្វីលីពីន បានធ្លាក់ចុះពី ១,១% ដល់ ២% គិតត្រឹមត្រីមាសទី២ក្នុងឆ្នាំ ២០១៩៕
អានបន្ថែម
កូរ៉េខាងត្បូង បើកការដ្ឋានសាងសង់ទីក្រុងឆ្លាតវៃនៅប៊ូសានជាមួយមេដឹកនាំអាស៊ាន
កូរ៉េខាងត្បូងបាននិយាយកាលពីថ្ងៃអាទិត្យថាខ្លួននឹងកសាង “ទីក្រុងឆ្លាតវៃ” ដំបូងបង្អស់របស់ខ្លួននៅក្នុងទីក្រុងកំពង់ផែប៊ូសានក្នុងឆ្នាំ ២០២៤ ដែលហេដ្ឋារចនាសម្ព័ន្ធ និង ការប្រមូលទិន្នន័យធំៗនឹងត្រូវបានគ្រប់គ្រងដោយឧបករណ៍ចាប់សញ្ញាតាមរយៈអ៊ីនធឺណិត ឬ internet of things sensors។ នេះបើតាមទីភ្នាក់ងារព័ត៌មាន យ៉ុនហាប់ ចុះផ្សាយកាលពីថ្ងៃទី២៤ វិច្ឆិកា។ ប្រធានាធិបតីមូន ជេអ៊ីនបានចូលរួមក្នុងពិធីបើកការដ្ឋានសាងសង់ទីក្រុងឆ្លាតវៃនៅប៊ូសាន ឬ (Busan Eco Delta Smart City) រួមជាមួយមេដឹកនាំអាស៊ានដទៃទៀតក្នុងអំឡុងកិច្ចប្រជុំកំពូលរំលឹកខួបអនុស្សាវរីយ៍អាស៊ាន – សាធារណរដ្ឋកូរ៉េនៅទីក្រុងប៊ូសាន។ លោកប្រធានាធិបតីកូរ៉េខាងត្បូងបានមានប្រសាសន៍ថា “គោលបំណងនៃការបង្កើតទីក្រុងថ្មីបែបនេះនៅពេលអនាគត គឺដើម្បីដោះស្រាយបញ្ហាទីក្រុង និង ប្រើវាជាឧបករណ៍ ប្រកបដោយភាពច្នៃបង្កើត ដោយផ្អែកលើមូលដ្ឋាននៃបច្ចេកវិទ្យាបដិវត្តឧស្សាហកម្ម ៤.០” ។ ប្រភពខាងលើបន្តថា កូរ៉េខាងត្បូងបានចុះហត្ថលេខាលើកិច្ចព្រមព្រៀងជាមួយប្រទេស ឥណ្ឌូនេស៊ី ម៉ាឡេស៊ី សិង្ហបុរី និង ថៃ ហើយកំពុងពិភាក្សាជាមួយប្រទេស ព្រុយណេ និង កម្ពុជាសម្រាប់គម្រោង “ទីក្រុងឆ្លាតវៃ” នេះ។ អានបន្ថែម គួរបញ្ជាក់ផងដែរថានៅក្នុងអំឡុងនៃកិច្ចប្រជុំពីថ្ងៃទី២៥ ដល់ ២៦ វិច្ឆិកា កម្ពុជា […]
អានបន្ថែម
តំបន់ឆ្នេរប្រទេសថៃកំពុងមានការរីកចម្រើនផ្នែកគម្រោងលំនៅឋាន
តំបន់ឆ្នេររបស់ប្រទេសថៃ មានគម្រោងអភិវឌ្ឍលំនៅឋានដែលមានទឹកប្រាក់សរុបប្រមាណ ១៨,៤ ប៊ីលានដុល្លារអាមេរិក។ នេះបើយោងតាម មជ្ឈមណ្ឌលព័ត៌មានអចលនទ្រព្យរបស់ធនាគារលំនៅឋានប្រទេសថៃ។ The Nation បានរាយការណ៍ថាច្រករបៀងសេដ្ឋកិច្ចដ៏សំខាន់របស់ខេត្តតំបន់ឆ្នេរប្រទេសថៃរួមមានខេត្ត រ៉ាក់យ៉ង ឈុនបុរី និង ឆាក់ឆេងសៅ ដែលមានលំនៅឋានចំនួន ៣០,៩៥៤គម្រោង គិតត្រឹមខែមិថុនាឆ្នាំ ២០១៩ ហើយលក់បានប្រហែល ១៨៥,១៧៩ យូនីត។ អានបន្ថែម វីឆៃ វីរ៉ាត់តាកាផាន់ អគ្គនាយកមជ្ឈមណ្ឌលព័ត៌មានអចលនទ្រព្យ បានប្រាប់ The Nation ថា លំនៅឋាន ៥៧,៣១៤ យូនីតមានតម្លៃសរុបប្រមាណ ១០២,៦ ប៊ីលានបាត (ប្រហែល ៣,៤ ប៊ីលានដុល្លារអាមេរិក) បានផ្ទេរទៅឱ្យអ្នកទិញនៅឆ្នាំ ២០១៨ ពោលគឺបានកើនឡើង ២០% បើធៀបនឹងឆ្នាំ ២០១៧ ។ ក្រុមហ៊ុនប្រមាណ ៦១,២៨៤ ត្រូវបានផ្ដល់អាជ្ញាប័ណ្ណឱ្យធ្វើប្រតិបត្តិការនៅតំបន់ឆ្នេរប្រទេសថៃ ជាការកើនឡើងគួរឱ្យកត់សម្គាល់ពីចំនួន ៦,៨០០ ដែលបានចុះបញ្ជីនៅឆ្នាំ ២០១៧ ហើយមានតែក្រុមហ៊ុនតែ ១/៦ ប៉ុណ្ណោះដែលស្ថិតនៅក្នុងវិស័យអចលនទ្រព្យ៕
អានបន្ថែម
ប្រទេសម៉ាឡេស៊ីកាត់បន្ថយតម្លៃអប្បបរមាលើការទិញអចលនទ្រព្យសម្រាប់ជនបរទេស
រដ្ឋាភិបាលម៉ាឡេស៊ីបានកាត់បន្ថយចំនួនទឹកប្រាក់អប្បបរមាដើម្បីទិញអចលនទ្រព្យសម្រាប់ជនបរទេសពី ២៣៨ ៥៨១ ដុល្លារអាមេរិក មកត្រឹមតែ ១៤៣ ១៤៩ ដុល្លារអាមេរិក ដែលគោលនយោបាយនេះ បានធ្វើឲ្យមានទាំងអ្នកគាំទ្រ និងមានទាំងអ្នកមិនគាំទ្រ។ ក្រុមអ្នកអភិវឌ្ឍន៍អចលនទ្រព្យធំជាងគេរបស់ម៉ាឡេស៊ី ឈ្មោះថា សមាគមអ្នកអភិវឌ្ឍន៍អចលនទ្រព្យនិងលំនៅដ្ឋាន (REHDA) បានសាទរចំពោះការផ្លាស់ប្តូរនេះ ដោយបានលើកឡើងថា វានឹងធ្វើឲ្យទីផ្សារអចលនទ្រព្យប្តូរពីការវិនិយោគលើគម្រោងប្រណិត មកវិនិយោគឡើងវិញសម្រាប់គម្រោងតម្លៃសមរម្យបន្ថែមទៀត។ ទោះជាយ៉ាងនេះក្តី សមាគម National Buyers Association បានអះអាងថា ការផ្លាស់ប្តូរនេះ នឹងធ្វើឱ្យអ្នកអភិវឌ្ឍន៍ដំឡើងថ្លៃដើមពីគម្រោងដែលមានតម្លៃទាបដើម្បីទាក់ទាញអ្នកទិញបរទេស ដែលនេះនឹងជំរុញឲ្យមានអតិផរណា និងបង្កឱ្យមានកង្វះផ្នែកអចលនទ្រព្យតម្លៃសមរម្យ។ REHDA បដិសេធការអះអាងនេះ ដោយបានលើកឡើងថា គោលការណ៍នេះ នឹងប៉ះពាល់ដល់អចលនទ្រព្យមិនទាន់លក់ចេញដែលមានតម្លៃខ្ពស់ជាង៦០០ ០០០ រីងហ្គិត នៅទីក្រុងគូឡាឡាំពួ និងទីក្រុងធំ ៗ ដទៃទៀត។
អានបន្ថែម
ការផ្លាស់ប្តូរផលិតកម្មចិនជំរុញឱ្យមានការកើនឡើងតម្លៃជួលក្នុងឧស្សាហកម្មនៅវៀតណាម
ជម្លោះពាណិជ្ជកម្មរវាងសហរដ្ឋអាមេរិក និងចិនកំពុងជំរុញឱ្យមានការចាកចេញរោងចក្រផលិតកម្មចិនទៅកាន់ប្រទេសអាស៊ីអាគ្នេយ៍ ដោយប្រទេសវៀតណាមគឺទទួលបានផលប្រយោជន៍ដោយផ្ទាល់។ យោងតាមរបាយការណ៍ថ្មីពីអ្នកវិភាគអចលនទ្រព្យ JLL Vietnam តម្រូវការខ្ពស់សម្រាប់ឧស្សាហកម្មបានធ្វើឲ្យកើនឡើងតម្លៃជួលក្នុងត្រីមាសទី ២ ឆ្នាំ ២០១៩ ដែលបានកើនឡើងដល់ ១៥,៨ ភាគរយពីមួយឆ្នាំទៅមួយឆ្នាំ ជាមួយនឹងអត្រាផ្ទៃក្រឡាជួលពេញនៅតំបន់សេដ្ឋកិច្ចភាគខាងត្បូងនៃប្រទេសវៀតណាមមានរហូតដល់ ៨១ ភាគរយ ។ ថ្លៃជួលដីនៅក្នុងតំបន់ឧស្សាហកម្ម HCMCក៏ដូចជានៅតាមបណ្តាខេត្តប៊ិញដុង ដុងណៃ ឡុងអាន និងបារ៉ៃ- វង្សតា បានឈានដល់កំរិតមធ្យម ៩៥ ដុល្លារអាមេរិកក្នុងមួយម៉ែតការ៉េជាមធ្យមក្នុងត្រីមាសទី ២ ។ វិស័យអចលនទ្រព្យឧស្សាហកម្មរបស់វៀតណាមក៏នឹងទទួលបានអត្ថប្រយោជន៍ពីការពង្រីកបណ្តាញពាណិជ្ជកម្មជាបន្តបន្ទាប់ដែលដឹកនាំដោយការចុះហត្ថលេខាលើកិច្ចព្រមព្រៀងពាណិជ្ជកម្មសេរីសហភាពអឺរ៉ុប – វៀតណាម (EVFTA) កាលពីខែមុន។
អានបន្ថែម
គម្រោងអភិវឌ្ឍន៍អចលនទ្រព្យធំបំផុតមិនធ្លាប់មានរបស់ថៃកំពុងដំណើរការទៅមុខ
ទីក្រុងបាងកកត្រូវបានគេរំពឹងថានឹងមានការអភិវឌ្ឍន៍ដែលផ្តួចផ្តើមដោយផ្នែកឯកជនធំបំផុតដែលមិនធ្លាប់មាន ជាមួយនឹងការដាក់ឱ្យដំណើរការនូវគម្រោងដែលមានទឹកប្រាក់ ៣.៩ ពាន់លានដុល្លារអាមេរិក និងមានទំហំផ្ទៃក្រឡាសរុប ១,៨ លាន ម៉ែត្រការ៉េ ឈ្មោះថា បាងកកមួយ ឬ One Bangkok។ គម្រោងដែលមានអគារចំនួនប្រាំនេះ នឹងរួមបញ្ចូលការិយាល័យក្រុមហ៊ុនចំនួន ៥០០ ការិយាល័យ ដែលមានបុគ្គិលិកចំនួន ៦ ម៉ឺននាក់ សណ្ឋាគារលំដាប់ផ្កាយប្រាំ ខុនដូចំនួន ១,៣៥៩ យូនីត និងផ្សារទំនើបជាច្រើន។ នៅពេលបញ្ចប់ការសាងសង់ អគារមួយក្នុងចំណោមអគារទាំងប្រាំ នឹងក្លាយជាអគារមួយក្នុងចំណោមអគារខ្ពស់ៗទាំង ១០ នៅអាស៊ីអាគ្នេយ៍។ មានទីតាំងស្ថិតនៅលើផ្ទៃដី ១៦.៧ ហិកតាក្នុងសង្កាត់រ៉ាម៉ាទី ៤ នៅកណ្តាលក្រុងបាងកក គម្រោង One Bangkok ត្រូវបានរចនាដោយស្ថាបត្យករអាមេរិក Skidmore និង Owings & Merrill និងកំពុងត្រូវបានអភិវឌ្ឍដោយក្រុមហ៊ុនថៃ TCC Group។ ខណៈដែលគម្រោងនេះមានផ្ទៃក្រឡាបៃតងចំនួន ៨ ហិកតា គម្រោង One Bangkokកំពុងត្រូវបានគេចាត់ទុកថាជាទីក្រុងដំបូងបង្អស់របស់រាជធានីដែលមានទីតាំងក្នុងទីក្រុងផ្ទាល់។
អានបន្ថែម
ការវិនិយោគអចលនទ្រព្យជំរុញសេដ្ឋកិច្ចមីយ៉ាន់ម៉ា
ទីផ្សារអចលនទ្រព្យដែលកំពុងរីកលូតលាស់ខ្លាំងក្នុងប្រទេសមីយ៉ាន់ម៉ា បានធ្វើឲ្យវិស័យអចលនទ្រព្យស្ថិតក្នុងប្រភពកំពូលបីសម្រាប់ការវិនិយោគផ្ទាល់ពីបរទេសកាលពីឆ្នាំមុន។
អានបន្ថែម
Vinhomes ចុះបញ្ជីក្នុងផ្សារហ៊ុនហូជីមិញ
ក្រុមហ៊ុនអភិវឌ្ឍន៍អចលនទ្រព្យដ៏ធំបំផុតរបស់វៀតណាមបានចុះបញ្ជីភាគហ៊ុនចំនួន ២,៧ប៊ីលានហ៊ុននៅក្នុងផ្សារហ៊ុនហូជីមិញ (HoSE) សម្រាប់វីឡាប្រណីត និងអាផាតមិនរបស់ខ្លួន។
អានបន្ថែម
វេទិកាពិភាក្សាទាក់នឹងសំណង់អគារខ្ពស់ៗលើកទី៧
Macusevans កាលពីដើមខែមីនានេះបានរៀបចំវេទិកាពិភាក្សាទាក់នឹងសំណង់អគារខ្ពស់ៗលើកទី៧ ឬ 7th Annual Vertical Cities នៅឯទីក្រុងបាងកក ប្រទេសថៃ ដែលមានអ្នកឯកទេសជំនាញសំខាន់ៗជាច្រើនរូបមកពីបណ្តាប្រទេសផ្សេងៗ បានមកជួបជុំគ្នាដើម្បីចែករំលែកចំណេះដឹងរបស់ពួកគាត់ទៅលើប្រធានបទផ្សេងៗគ្នាទាក់ទងនឹងឧស្សាហកម្មសំណង់អគារខ្ពស់ៗ។
អានបន្ថែម