ព័ត៌មានក្នុងស្រុក
គន្លឹះនៃការធ្វើទីផ្សារលើបណ្ដាញផ្សព្វផ្សាយសង្គមឲ្យបានជោគជ័យ
សព្វថ្ងៃនេះ វាជាការលំបាកណាស់ក្នុងការទាក់ទាញអ្នកទស្សនា ឲ្យបាននិងឲ្យចំគោលដៅក្នុងបណ្ដាញផ្សព្វផ្សាយសង្គម។ ទោះបីយើងចំណាយថវិការជាច្រើនលើការ (Boost) ទាក់ទាញអ្នកទស្សនាក្ដី ក៏នូវតែពុំសូវមានអ្នកការចុចប៊ូតុង “ចូលចិត្ត” ឬ“ ចែករំលែក” នោះឡើយ។ មានមនុស្សតិចណាស់ដែលមានពេលវេលាដើម្បីអានអត្ថបទវែងៗ។ តាមការស្រាវជ្រាវ យើងបានកត់សម្គាល់ឃើញថា ចំនួនអ្នកប្រើប្រាស់បណ្ដាញសង្គមសព្វថ្ងៃនេះ មានអ្នកដែលចូលមកអានអត្តបទចាប់ពីចំនុចចាប់ផ្ដើមដល់ពាក់កណ្ដាល គឺបានធ្លាក់ចុះដល់ទៅ ៨៦ភាគរយ ក្នុងរយៈពេល៣ឆ្នាំកន្លងមកនេះ ជាទូទៅគឺពួកគេចូលមកអានក្នុងរយៈខ្លីតែប៉ុណ្ណោះ។ ដូច្នេះហើយ ដើម្បីធ្វើឲ្យអ្នកអានចាប់អារម្មណ៍និងចងចាំប្រេនរបស់យើង គឺត្រូវប្រើបច្ចេកទេសបណ្តាញទំនាក់ទំនងដែលមានប្រសិទ្ធភាពបំផុត! បណ្តាញទំនាក់ទំនងដែលមានប្រសិទ្ធភាពបំផុតនោះគឺ…អារម្មណ៍! វីដេអូគឺជាដំណោះស្រាយលើបញ្ហានេះ យើង សង្កេតឃើញថា ក្រោយការប្រើប្រាស់វីដេអូ ក្រុមហ៊ុនភាគច្រើនទទួលបានអតិថិជនច្រើនជាងមុនដែលចាប់អារម្មណ៍ចង់សាកសួរព័ត៌មាននិងមានចំណាប់អារម្មណ៍ចង់ទិញផលិតផល។ ទោះបីជាពួកគេពុំទាន់ទិញក៏ដោយ តែការសាកសួរគឺជាជំហានដំបូង ដោយធ្វើការសម្រេចចិត្តតាមការមើលវីដេអូ។ លើសពីនេះ ការមើលវីដេអូគឺជួយបង្កើត Brand Recall ឬការចំណាំម៉ាក របស់យើងផងដែរ។ យើងឃើញថានាពេលបច្ចុប្បន្នមានមនុស្សជាច្រើននាក់ដែលធ្វើឲ្យខ្លួនឯងនិងអាជីវកម្មរបស់ពួកគេល្បីល្បាញនិងមានកេរ្តិ៍ឈ្មោះដោយប្រើប្រាស់វីដេអូ តើពួកគើធ្វើយ៉ាងដូចម្ដេច? បើទោះបីជាអ្នកបានព្យាយាមប្រើទូរស័ព្ទ iPhone ឬ Huawei របស់អ្នកដើម្បីថតវីឌីអូ Selfie តែគុណភាពក៏ចេញមកមិនមានបច្ចេកទេសដែរ។ ការធ្វើបែបនេះគឺផ្តល់ភាពអវិជ្ជមានជាជាងវិជ្ជមាន។ ដូច្នេះយើងត្រូវយល់ដឹងពីបច្ចេកទេស លោក Saleem Hadi អ្នកជំនាញក្នុងការថតនិងកាត់តវីដេអូនិងខ្សែភាពយន្តដ៏ល្បីល្បាញ និងជាអ្នកឈ្នះកម្មវិធីប្រកួតអន្តរជាតិ Reel […]
អានបន្ថែម
តើការក្ស័យធនរបស់ក្រុមហ៊ុនចិននឹងជះឥទ្ធិពលយ៉ាងណាដល់វិស័យសំណង់នៅកម្ពុជា?
ដោយសារការរឹតបន្តឹងលើប្រាក់កម្ចីក៏ដូចជាការធ្លាក់ចុះនៃសេដ្ឋកិច្ចនៅក្នុងប្រទេសចិន បានធ្វើឲ្យក្រុមហ៊ុនអ្នកអភិវឌ្ឍន៍ចំនូន ២៧៤ ក្រុមហ៊ុន កាលពីថ្មីៗនេះ បានដាក់ពាក្យស្នើសុំក្ស័យធន ដែលនេះចាត់ទុកថាជាការកើនឡើងជាង ៥០ ភាគរយបើប្រៀបធៀបទៅនឹងឆ្នាំមុន។ នេះបើយោងតាមរបាយការណ៍របស់សារពត័មាន South China Morning Post របស់ប្រទេសចិន។ ប្រភពដដែលក៏បានរាយការណ៍ផងដែរថា ការក្ស័យធននឹងនៅតែបន្តកើនឡើងប្រសិនជាសេដ្ឋកិច្ចនៅក្នុងប្រទេសចិននៅតែបន្តធ្លាក់ចុះ។ នៅរយៈពេលបីខែ ចាប់ពីខែមីនា ដល់ ខែមិថុនានេះ សេដ្ឋកិច្ចរបស់ប្រទេសចិនបានកើនឡើងត្រឹមតែ ៦,២ ភាគរយ តែប៉ុណ្ណោះ ដែលជាអត្រាប្រចាំត្រីមាសទាបបំផុតចាប់តាំងពីឆ្នាំ ១៩៩២ មក ។ ដោយហេតុថាការវិនិយោគភាគច្រើននៅក្នុងវិស័យសំណង់នៅកម្ពុជានាពេលបច្ចុប្បន្នគឺជាការវិនិយោគពីប្រទេសចិន ព្រឹត្តិការណ៍នេះបានបង្កឱ្យមានអ្នកវិនិយោគក្នុងទីផ្សារអចលនទ្រព្យនៅកម្ពុជាជាច្រើនព្រួយបារម្ភថា តើវានឹងប៉ះពាល់ដល់វិស័យសំណង់នៅកម្ពុជាដែរឬទេ? បើយោងតាមរបាយការណ៍បច្ចុប្បន្នភាពសេដ្ឋកិច្ចរបស់ធនាគារពិភពលោកដែលបានចេញផ្សាយនៅដើមខែឧសភានេះ ការធ្លាក់ចុះសេដ្ឋកិច្ចរបស់ចិន អាចនឹងធ្វើឱ្យវិស័យរបស់ប្រទេសកម្ពុជាប្រឈមមុខនឹងហានិភ័យ ជាពិសេសប្រសិនបើស្ថានភាពនេះអូសបន្លាយរយៈពេលវែង។ ទោះបីជាសេដ្ឋកិច្ចកម្ពុជានឹងមានកំណើនក្នុងរង្វង់ ៧ ភាគរយក្នុងឆ្នាំ ២០១៩នេះក៏ដោយ ធនាគារពិភពលោកបានក្រើនរំលឹកថា ការថយចុះរបស់ចិន អាចនឹងធ្វើឲ្យកំណើននេះធ្លាក់ចុះ ។ របាយការណ៍នេះបានសរសេរថា៖ «ដោយសារតែកម្ពុជាពឹងផ្អែកយ៉ាងខ្លាំងលើលំហូរទុនវិនិយោគ និងភ្ញៀវទេសចរមកពីប្រទេសចិន ការធ្លាក់ចុះយ៉ាងគំហុកនៃសេដ្ឋកិច្ចចិន អាចបន្ថយក្តីរំពឹងទុកនៃកំណើនសេដ្ឋកិច្ចកម្ពុជា»។ ផ្ទុយទៅវិញ បើវិភាគតាមទិន្នន័យ យើងឃើញថាវិស័យសំណង់នៅកម្ពុជាគឺនៅតែរឹងមាំ។ យោងតាមទិន្នន័យពីក្រសួងរៀបចំដែនដី នគរូបនីយកម្ម និងសំណង់ […]
អានបន្ថែម
តម្លៃជួលនឹងកើនឡើងក្នុងទីផ្សារការិយាល័យនៅរាជធានីភ្នំពេញដោយសារការផ្គត់ផ្គង់ថ្មីត្រូវបានបញ្ចូលក្នុងទីផ្សារ
ទីផ្សារអចលនទ្រព្យនៅរាជធានីភ្នំពេញនឹងបន្តកើនឡើង ស្របពេលដែលតម្លៃជួលការិយាល័យបានកើនឡើងជាលំដាប់ ក្នុងអំឡុងពេលប្រាំឆ្នាំកន្លងមកនេះ បើទោះបីជាមានការកើនឡើងនូវចំនួនការិយាល័យនៅរាជធានីភ្នំពេញក៏ដោយ។ ទីផ្សារសព្វថ្ងៃនេះនៅតែមានការកើនឡើង។ រហូតមកដល់ពេលនេះ មិនមានកត្តាហានិភ័យសម្រាប់ការមកដល់បន្ទាប់នោះទេ។ បច្ចុប្បន្ននេះ កម្រិតទាបនៃការជួលផ្ទៃក្រឡាទំនេររបស់ការិយាល័យថ្នាក់B និងថ្នាក់ C បាននាំឱ្យមានការរីកចម្រើននៃកំណើនការជួល ភ្ជាប់គ្នាជាមួយនឹងការកើនឡើងនៃចំនួនវិនិយោគរបស់ចិននៅក្នុងប្រទេសកម្ពុជា គឺបាននិងកំពុងបង្កើតទីផ្សារដែលមានតុល្យភាពកាន់តែខ្លាំងឡើងសម្រាប់ម្ចាស់អគារ។ រហូតមកដល់ពេលនេះ តម្រូវការត្រូវបានគាំទ្រដោយក្រុមហ៊ុននានាមកពីវិស័យធនាគារ ឧស្សាហកម្ម ធានារ៉ាប់រង អចលនទ្រព្យ និងសេវាកម្ម។ ក្រុមហ៊ុនទាំងនេះកំពុងផ្តល់អាទិភាពដល់គុណភាព និងទីតាំងនៃការិយាល័យរបស់ពួកគេ បើទោះបីជាពួកគេត្រូវចំណាយតិចលើការជួលក៏ដោយ។ ពួកគេផ្តល់តម្លៃដល់បរិក្ខារ និងស្តង់ដារនៃការរចនា និងការលើកកម្ពស់ជីវភាពរស់នៅដែលមានសុខភាពល្អ និងជំរុញឱ្យមានបរិយាកាសការងាររួមគ្នាសម្រាប់បុគ្គលិករបស់ពួកគេ។ ជាទូទៅ ក្រុមហ៊ុនចិនគឺជាប្រភពនៃតម្រូវការការិយាល័យដែលកំពុងកើនឡើងនៅក្នុងរាជធានីភ្នំពេញដោយកិច្ចព្រមព្រៀងជួលដ៏ធំបំផុតមួយចំនួនមកពីក្រុមហ៊ុនចិនមកពីគ្រប់ផ្នែកនៃអាជីវកម្មផ្សេងៗគ្នា។ ការវិនិយោគរបស់ចិនក្នុងការអភិវឌ្ឍន៍ការិយាល័យក៏នៅតែមានលក្ខណៈរឹងមាំ។ ដោយសារជនជាតិចិនឥឡូវនេះមានចំនួនច្រើនបំផុតក្នុងចំណោមជនជាតិបរទេសដែលមានលិខិតអនុញ្ញាតការងារនៅកម្ពុជា សារៈសំខាន់របស់ចិនដែលជាប្រភពនៃតម្រូវការ និងការវិនិយោគសម្រាប់ទីផ្សារការិយាល័យនៅកម្ពុជានឹងបន្តកើនឡើង។ ម៉្យាងទៀត ការកើនឡើងនៃការផ្គត់ផ្គង់ផ្ទៃក្រឡាការិយាល័យ និងការកើនឡើងនូវអត្រាការិយាល័យត្រូវបានជួល បានបញ្ជាក់ពីគុណសម្បត្តិមួយចំនួនសម្រាប់អ្នកដែលចង់ជួលការិយាល័យ។ ចំពេលមានការកើនឡើងនៃការប្រកួតប្រជែងសម្រាប់ម្ចាស់អគារ តម្លៃផ្ទៃក្រឡាការិយាល័យត្រូវបានគេរំពឹងថានឹងកើនឡើងបន្តិច ខណៈដែលកិច្ចព្រមព្រៀងជួលការិយាល័យអាចមានភាពបត់បែនបន្ថែមទៀតដើម្បីទាក់ទាញអ្នកជួល។ តម្លៃជួលនឹងនៅតែកើនឡើងព្រោះតម្រូវការសម្រាប់ផ្ទៃក្រឡាការិយាល័យថ្មីដែលត្រូវបញ្ចូលក្នុងទីផ្សារគឺមានអត្រាខ្ពស់។ អត្រាការិយាល័យមានអ្នកជួលនឹងបន្តមានស្ថេរភាពក្នុងរយៈពេលខ្លី។ និន្នាការនេះ ត្រូវបានគេរំពឹងថានឹងបន្តក្នុងរយៈពេលវែងដោយសារតែតម្រូវការនៅតែបន្ត។ យ៉ាងហោចណាស់ គម្រោងចំនួនពីរត្រូវបានគេរំពឹងថានឹងបញ្ចប់នៅឆ្នាំនេះនៅក្នុងរាជធានីភ្នំពេញរួមមានអគារ Fortune Tower និងអគារការិយាល័យ Star City Office Tower។ ទន្ទឹមនឹងនេះដែរ ផ្ទៃក្រឡាការិយាល័យដែលទើបនឹងបញ្ចប់រួមមានមជ្ឈមណ្ឌលពាណិជ្ជកម្ម […]
អានបន្ថែម
ការគ្រប់គ្រងទ្រព្យសម្បត្តិ (អចលនទ្រព្យ)៖ វគ្គសិក្សាមួយដើម្បីស្វែងយល់ពីសារៈសំខាន់នៃទ្រព្យសម្បត្តិ (អចលនទ្រព្យ)
វិទ្យាស្ថានបច្ចេកទេស រ៉ូយ៉ាល់ ឆាតធឺ (RCI) នឹងរៀបចំវគ្គសិក្សាផ្នែកទី១ នៃវិញ្ញាបនប័ត្រការគ្រប់គ្រងទ្រព្យសម្បត្តិ (អចលនទ្រព្យ) ដែលនឹងសិក្សាអំពីការគ្រប់គ្រងទ្រព្យសម្បត្តិ (អចលនទ្រព្យ) នៅថ្ងៃទី ៧ ខែកញ្ញា ឆ្នាំ ២០១៩។ គ្រូបង្រៀនគឺលោក Dan Davies មកពីចក្រភពអង់គ្លេស។ តើទ្រព្យសម្បត្តិ (អចលនទ្រព្យ) គឺជាអ្វី? ទ្រព្យសម្បត្តិ (អចលនទ្រព្យ) ជាធម្មតាត្រូវបានពិពណ៌នាថាជាអចលនវត្ថុនៅក្នុងលក្ខខណ្ឌធម្មតា។ នៅក្រោមទម្រង់អចលនទ្រព្យ វាអាចគ្របដណ្តប់ដូចជា ហេដ្ឋារចនាសម្ព័ន្ធ អចលនទ្រព្យ ដីធ្លី និងអគារជាដើម។ ឯកសារយោង RICS 2012។ វិទ្យាស្ថានភូមិន្ទឆាតធឺសឺវេយឺ (RICS) បានបញ្ជាក់ក្នុងឆ្នាំ ២០១២ថា ចំណុចខាងក្រោមនេះគឺស្ថិតក្នុងផលប័ត្រនៃការគ្រប់គ្រង៖ ១) ការថែរក្សាបញ្ជីកិច្ចការនៅកកមិនទាន់ធ្វើហើយ ២) ថាមពលគ្មានប្រសិទ្ធភាព ៣) ភាពខ្សោយក្នុងការធ្វើឲ្យមានសមត្ថភាពសក្ក័សមនឹងតម្រូវការសេវាកម្ម ៤) កន្លែងស្នាក់នៅមិនល្អសម្រាប់បុគ្គលិក ៥) កន្លែងសេវាសាធារណៈរួមគ្នាមានការកំណត់ ៦) ភាពគ្មានប្រសិទ្ធភាពពាក់ពន្ធ័នឹងលទ្ធកម្មនៃអចលនទ្រព្យ សំណង់ និងសេវាកម្មគាំទ្រអចលនទ្រព្យ ៧) ការប្រើប្រាស់ដើមទុនគ្មានប្រសិទ្ធភាព ៨) […]
អានបន្ថែម
សម្តេចតេជោ ហ៊ុន សែនថានឹងយកពហុកីឡដ្ឋានតម្លៃ១៧០លានដុល្លារប្រើប្រាស់យកផលចំណេញបន្ថែម
សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានមានប្រសាសន៍ថា នឹងយកអគារពហុកីឡដ្ឋានជាតិមរតកតេជោដ៏ធំស្កឹមស្កៃដែលជាចំណងដៃតម្លៃ១៧០លានដុល្លារអាមេរិកពីសាធារណរដ្ឋមានិតចិនប្រើប្រាស់ដើម្បីយកផលចំណេញបន្ថែមទៀត។ ពហុកីឡដ្ឋានជាតិមរតកតេជោគឺ ជាកីឡដ្ឋានដ៏ធំស្កឹមស្កៃលាតសន្ធឹងលើផ្ទៃក្រឡាសំណង់ប្រមាណជា ៨២.៤០០ ម៉ែត្រការ៉េក្នុងសង្កាត់ព្រែកតាសេក ខណ្ឌជ្រាយចង្វារ រាជធានីភ្នំពេញដែលបច្ចុប្បន្ន កំពុងដំណើរការសាងសង់យ៉ាងស្វិតស្វាញ ដើម្បីត្រៀមប្រកួតកីឡាអាស៊ីអាគ្នេយ៍ (SEA Games) លើកទី៣២ នៅឆ្នាំ២០២៣ខាងមុខនេះ ដែលកម្ពុជានឹងធ្វើជាម្ចាស់ផ្ទះ។ ថ្លែងក្នុងពិធីចុះពិនិត្យការសាងសង់ដែលសម្រេចបានជាង៥០ភាគរយមកហើយនោះ សម្តេចតេជោ ហ៊ុន សែនកាលពីថ្ងៃទី ២៩ ខែ កក្កដា បានបញ្ជាក់ថា បន្ទាប់ពីអគារនេះបញ្ចប់ការសាងសង់ក្នុងឆ្នាំ ២០២០ ខាងមុខនេះ កម្ពុជានឹងត្រូវខិតខំធ្វើយ៉ាងម៉េច«យកអគារចិញ្ចឹមអគារ»។ តាមការបញ្ជាក់របស់សម្តេច ការយកអគារចិញ្ចឹមអគារគឺ មានន័យថា ប្រើប្រាស់អគារនេះដើម្បីឲ្យមានផលចំណេញដែលបានមកពីកំរៃពី សណ្ឋាគារ ហាងលក់ទំនិញ សំលៀកបំពាក់ កីឡា ឧបករណ៍សម្ភារកីឡាគ្រប់ប្រភេទ និងផលិតផលជាច្រើនទៀត។ តាមការបញ្ជាក់របស់សម្តេចដដែល ប្រាក់ចំណូលបានមកពីប្រភពខាងលើនេះ គឺអាចយកមកដើម្បីធ្វើការថែទាំអគារដែលអាចនឹងត្រូវចំណាយខ្ពស់ ជាពិសេស បញ្ហាអគ្គិសនីដោយសារនៅពេលអគារនេះកសាងរួច កន្លែងខ្លះត្រូវបញ្ឆេះម៉ាស៊ីនត្រជាក់ដើម្បីកុំឲ្យសម្ភារបរិក្ខារក្នុងអគារមានការខូចខាត។ គួររម្លឹកថា កីឡដ្ឋានជាតិមរតកតេជោដ៏ធំស្កឹមស្កៃនេះ គឺជាចំណងដៃរបស់សាធារណរដ្ឋមានិតចិនជូនចំពោះកម្ពុជាតម្លៃ ១០៥០លានយេន ឬស្មើ ១៦០ ទៅ ១៧០ លានអាមេរិក […]
អានបន្ថែម
វិស័យសណ្ឋគារនៅកម្ពុជាកំពុងទាក់ទាញក្រុមហ៊ុនលំដាប់អន្តរជាតិកាន់តែច្រើន
ឆ្លើយតបទៅនឹងការរីកចម្រើននៃសេដ្ឋកិច្ច និងកំណើននៃភ្ញៀវទេសចរ ក្រុមហ៊ុនលំដាប់អន្តរជាតិកាន់តែច្រើនបាននិងកំពុងផ្តោតការវិនិយោគបង្កើតសណ្ឋគារយ៉ាងច្រើននៅកម្ពុជាជាពិសេស សណ្ឋគារបែបប្រណិត។ យោងតាមការព្យាករណ៍របស់ក្រសួងទេសចរណ៍ កម្ពុជាត្រូវការបន្ទប់សណ្ឋាគារយ៉ាងហោចណាស់ចំនួន ១០០ ០០០ បន្ទប់បន្ថែមទៀតក្នុងឆ្នាំ ២០២៨ ដែលក្នុងនោះ ៦០ ០០០ បន្ទប់នៃចំនួនបន្ទប់សរុបគឺគឺសំដៅដល់សណ្ឋគារបែបប្រណិត។ ថ្មីៗនេះដែរ ក្រុមហ៊ុនអន្តរជាតិល្បីៗមួយចំនួនបានប្រកាសផែនការវិនិយោគសណ្ឋគារនៅកម្ពុជាជាបន្តបន្ទាប់ ដែលក្នុងនោះរួមមាន គម្រោងសណ្ឋាគារ Yoo2 Lifestyle Brand របស់ក្រុមហ៊ុនអង់គ្លេស Yoo Hotels and Resorts គម្រោងសណ្ឋាគារលំដាប់ពិភពលោក Choice Hotels Asia-Pac ក្នុងនោះដែរ ក្រុមហ៊ុនអភិវឌ្ឍន៍វិស័យកំសាន្ត និងសណ្ឋាគារ NagaCorp Ltd ក៏បាននិងកំពុងត្រៀមបើកការដ្ឋានសាងសង់គម្រោងអភិវឌ្ឍន៍ចម្រុះតម្លៃប្រមាណជា ៤ ពាន់លានដុល្លារអាមេរិកដែលនឹងមានរួមបញ្ចូលសណ្ឋាគារបែបប្រណិតរហូតជាង ៤០០ បន្ទប់។ (អានបន្ថែម) ជាក់ស្តែង យោងតាមទិន្នន័យរបស់ក្រសួងរៀបចំដែនដី នគរូបនីយកម្ម និងសំណង់ ការវិនិយោគផ្នែកសណ្ឋាគារបានឈរនៅលំដាប់លេខបីនៃការវិនិយោគសរុបក្នុងឆ្នាំ ២០១៨ ដែលមានទុនវិនិយោគប្រមាណជា ១.០៦ ពាន់លានដុលា្លរអាមេរិកនៃទុនវិនិយោគសរុបជាង ៥.៧ ពាន់ដុល្លារអាមេរិក។ ក្នុងនោះដែរ គិតត្រឹមថ្ងៃទី ២៦ […]
អានបន្ថែម
ការផ្គត់ផ្គង់ការិយាល័យដែលមានម្ចាស់កម្មសិទ្ធិច្រើននឹងកើនឡើងខ្លាំងក្នុងរាជធានីភ្នំពេញ
ជាមួយនឹងការធ្លាក់ចុះនៃការផ្គត់ផ្គង់ការិយាល័យដែលមានម្ចាស់កម្មសិទ្ធិតែមួយ ទីក្រុងភ្នំពេញនឹងឃើញមានការកើនឡើងនៃការផ្គត់ផ្គង់ការិយាល័យដែលមានម្ចាស់កម្មសិទ្ធិច្រើនក្នុងរយៈពេលប៉ុន្មានឆ្នាំបន្ទាប់ទៀត ដោយសារអ្នកអភិវឌ្ឍន៍អន្តរជាតិកាន់តែច្រើនបាននិងកំពុងចូលមកក្នុងទីផ្សារ នេះបើតាមការឲ្យដឹងពីអ្នកជំនាញអន្តរជាតិផ្នែកអចលនទ្រព្យ។ លោក James Hewson អ្នកគ្រប់គ្រងនៃភ្នាក់ងារអចលនទ្រព្យអន្ដរជាតិ CBRE Cambodia បានមានប្រសាសន៍តាមទូរសព្ទកាលពីចុងសប្តាហ៍នេះថា អ្នកអភិវឌ្ឍន៍អន្តរជាតិកំពុងចាប់ផ្តើមទាញយកផលប្រយោជន៍ពីទីផ្សារការិយាល័យដែលមានម្ចាស់កម្មសិទ្ធិច្រើន ខណៈដែលការិយាល័យដែលមានម្ចាស់តែមួយនៅតែជាជម្រើសដ៏ពេញនិយម។ យោងតាមរបាយការណ៍បច្ចុប្បន្នភាពទីផ្សារក្នុងរាជធានីភ្នំពេញរបស់ CBRE Cambodia បានបង្ហាញថា នៅត្រីមាសទី ២ នៃឆ្នាំ ២០១៩ ការផ្គត់ផ្គង់ការិយាល័យដែលមានម្ចាស់កម្មសិទ្ធិច្រើនបានកើនឡើងចំនួន ២០,៣២៣ ម៉ែត្រការ៉េដោយបានមកពីគម្រោង Star City ដែលនេះបានធ្វើឲ្យផ្ទៃក្រឡាសម្រាប់ជួលសរុបក្នុងទីផ្សារកើនឡើងរហូតដល់ទៅ ៤០,៤៩៦ ម៉ែត្រការ៉េ។ លោក James Hewson ថ្លែងថា៖ «ហេតុផលចម្បងដែលជំរុញអ្នកអភិវឌ្ឍន៍ឲ្យសាងសង់ការិយាល័យដែលមានម្ចាស់កម្មសិទ្ធិច្រើន ជាជាងសាងសង់ការិយាល័យដែលមានម្ចាស់កម្មសិទ្ធិតែមួយ គឺការពិតត្រង់ថា ពួកគេអាចទទួលបានការវិនិយោគត្រឡប់មកវិញរបស់ពួកគេយ៉ាងលឿន»។ គិតត្រឹមត្រីមាសទី ២ ឆ្នាំ ២០១៩ របាយការណ៍ខាងលើ បានកត់សម្គាល់ថា ការផ្គត់ផ្គង់ការិយាល័យដែលមានម្ចាស់តែមួយ មានការប្រែប្រួលចុះប្រមាណជា ៣ ភាគរយ ដែលនេះគឺថយចុះប្រមាណ ១១,២៥៦ ម៉ែត្រការ៉េនៃផ្ទៃក្រឡាសម្រាប់ជួល។ បច្ចុប្បន្ន ផ្ទៃក្រឡាសម្រាប់ជួលដែលមានក្នុងទីផ្សារគឺមានចំនួន ៣៥៩,០០០ ម៉ែត្រការ៉េ។ លោកបន្តថា៖«ដោយសារតែការស្រាវជ្រាវរបស់យើង […]
អានបន្ថែម
សម្ដេចក្រឡាហោម ស ខេង បញ្ជាឲ្យម្ចាស់លំនៅដ្ឋានទាំងអស់រាយការណ៍វត្តមានជនបរទេសជាកំហិត
ក្នុងគោលបំណងពង្រឹងការគ្រប់គ្រងជនបរទេសដែលរស់នៅប្រទេសកម្ពុជា ឧបនាយករដ្ឋមន្ត្រីបានបញ្ជាឲ្យម្ចាស់លំនៅដ្ឋានទាំងអស់ធ្វើការរាយការណ៍អំពីវត្តមានជនបរទេសដែលស្នាក់នៅក្នុងលំនៅដ្ឋានរបស់ខ្លួនជាកំហិត។ ក្នុងលិខិតណែនាំដែលចុះហត្ថលេខាដោយ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កាលពីថ្ងៃសុក្រ ទី២០ បានបញ្ជាក់ថា ម្ចាស់ឬអ្នកកាន់កាប់លំនៅដ្ឋានគ្រប់ប្រភេទមិនថាជាជនជាតិខ្មែរឬបរទេសនោះទេ ត្រូវរាយការណ៍អំពីវត្តមានជនបរទេសដែលបានចូលមកស្នាក់នៅក្នុងទីតាំងរបស់ខ្លួន ដល់ប៉ុស្តិ៍នរគបាលរដ្ឋបាលឃុំ-សង្កាត់នៅក្នុងមូលដ្ឋាន មិនឲ្យលើសពីរយៈពេល ២៤ ម៉ោង។ សេចក្តីរាយការណ៍នេះ ត្រូវធ្វើឡើងតាមរយៈគំរូរបាយការណ៍ ឬប្រពន័្ធបច្ចេកវិទ្យាព័ត៌មានសម្រាប់ការគ្រប់គ្រងវត្តមានជនបរទេស ដែលរៀបចំដោយអគ្គនាយដ្ឋានអន្តោប្រវេសន៍ ដែលរួមបញ្ចូលព័ត៌មានមួយចំនួនដូចជា រយៈពេលស្នាក់នៅ រយៈពេលបន្តស្នាក់នៅ និងឧប្បទ្ធវហេតុនានាដែលកើតមានឡើងលើជនបរទេស។ ក្នុងនោះដែរ ម្ចាស់លំនៅដ្ឋានទាំងអស់ អាចសុំគំរូរបាយការណ៍ និងពាក្យស្នើសុំបង្កើតគណនីប្រើប្រាស់ប្រពន័្ធបច្ចេកវិទ្យាគ្រប់គ្រងជនបរទេសពីអគ្គនាយដ្ឋានអន្តោប្រវេសន៍។ លិខិតដដែលក៏បានបន្ថែមទៀតថា ម្ចាស់លំនៅដ្ឋានណាមិនបានរាយការណ៍នឹងត្រូវផ្តន្ទាទោសតាមបទបញ្ញត្តិដែលបានចែកនៅក្នុងច្បាប់។ គួរបន្ថែមថា សេចក្តីណែនាំនេះ គឺធ្វើឡើងបន្ទាប់ពីម្ចាស់លំនៅដ្ឋានមួយចំនួនមិនបានយល់អំពីកាតព្វកិច្ចរបស់ខ្លួន និងអនុវត្តទៅតាមច្បាប់។ ការគ្រប់គ្រងជនបរទេសឲ្យមានប្រសិទ្ធភាពខ្ពស់ គឺដើម្បីធានាការពារសន្តិសុខ សណ្តាប់ធ្នាប់សាធារណៈ សុវត្ថិភាពសង្គម និងសុវត្ថិភាពជនបរទេសដែលរស់នៅក្នុងប្រទេសកម្ពុជា។
អានបន្ថែម
សណ្ឋាគារលំដាប់ពិភពលោកពីអង់គ្លេសគ្រោងបើកសាខានៅកម្ពុជា
សណ្ឋាគារលំដាប់កំពូលមានឈ្មោះល្បីនៅប្រទេសអង់គ្លេស Yoo Hotels and Resorts គ្រោងបើកសាខាសណ្ឋាគាររបស់ខ្លួន នៅប្រទេសកម្ពុជា ដែលគម្រោងនេះគឺដើម្បីឆ្លើយតបទៅនឹងកំណើនទេសចរណ៍នៅក្នុងប្រទេសដែលកំពុងតែកើនឡើង។ យោងតាមគេហទំព័រព័ត៌មាន Hospitality Net សណ្ឋាគារ Yoo Hotels and Resorts នឹងពង្រីកសាខារបស់ខ្លួន នៅតំបន់អាស៊ីអាគ្នេយ៏ នៅក្នុងចន្លោះបីឆ្នាំ ទៅប្រាំឆ្នាំខាងមុខ។ គម្រោងនេះមានឈ្មោះថា “Yoo2 Lifestyle Brand” ដែលនឹងមានវត្តមានដំបូងគេនៅកម្ពុជា។ ប្រភពដដែលបន្តថា គម្រោងរបស់សណ្ឋាគារនេះ គឺគ្រោងបើកសាខាសណ្ឋាគារ និងកន្លែងកម្សាន្តរមណីដ្ឋាន យ៉ាងតិច ចំនួន២០កន្លែង នៅប្រទេសកម្ពុជា វៀតណាម ថៃ ឥណ្ឌូនេស៊ី និងហ្វីលីពីន។ លោកស្រី ខៃ ចិន្តា ប្រធានសមាគមសណ្ឋាគារកម្ពុជា យល់ឃើញថា កំណើនភ្ញៀវទេសចរបរទេសចូលក្នុងប្រទេសកម្ពុជា បានជំរុញឲ្យមានការវិនិយោគបន្ថែម លើសេវាស្នាក់នៅ។ លោកស្រីលើកឡើងថា ខណៈពេលដែលវិស័យទេសចរណ៍កំពុងតែកើនឡើង ហេដ្ឋារចនាសម្ព័ន្ធ រួមមានផ្នែកស្នាក់នៅ សណ្ឋាគារ និងភោជនីយដ្ឋានជាដើម នៅមិនទាន់ឆ្លើយតបទៅនឹងតម្រូវការនៅឡើយទេ។ លោកស្រី ខៃ ចិន្តា ថ្លែងថា៖ […]
អានបន្ថែម
ទុនវិនិយោគសំណង់កើនឡើងជាង៣ពាន់លានដុល្លារក្នុងរយៈពេល៦ខែដំបូងនៃឆ្នាំ២០១៩
ទុនវិនិយោគសំណង់បានកើនឡើងជាង ៣ ពាន់លានដុល្លារអាមេរិកក្នុងរយៈពេល៦ខែដំបូងនៃឆ្នាំ ២០១៩ ដែលបាននាំមុខដោយគម្រោងលំនៅដ្ឋាន និងពាណិជ្ជកម្ម នេះបើយោងតាមទិន្នន័យចុងក្រោយរបស់ក្រសួងរៀបចំដែនដី នគរូបនីយកម្ម និងសំណង់។ គិតត្រឹមខែមិថុនាឆ្នាំ ២០១៩ ក្រសួងបានអនុម័តគម្រោងសាងសង់ចំនួន ២០៤៧ គម្រោង ដោយមានទុនវិនិយោគប្រមាណជាង ៣.៣ ពាន់លានដុល្លារអាមេរិក ពោលគឺកើនឡើង ២៤.៥ ភាគរយគិតជាចំនួនគម្រោង និងកើនឡើង ៥៧.៥៧ ភាគរយគិតជាទុនវិនិយោគ នេះបើប្រៀបធៀបទៅនឹងគម្រោងចំនួន ១៦៤៣ និងទុនវិនិយោគ ២.១ ពាន់លានដុល្លារអាមេរិក ដែលបានអនុម័តក្នុងរយៈពេលដូចគ្នាកាលពីឆ្នាំមុន។ ក្នុងនោះដែរ គម្រោងលំនៅដ្ឋាន និងពាណិជ្ជកម្មគឺជាគម្រោងដែលបាននាំមុខគេក្នុងការកើនឡើងនេះ ដោយក្នុងនោះ គម្រោងលំនៅដ្ឋានមានទុនវិនិយោគជាង ១.៥ ពាន់លានដុល្លារអាមេរិក (១៧៤៤គម្រោង) និងគម្រោងពាណិជ្ជកម្មមានទុនវិនិយោគជាង ១.០៧ ពាន់លានដុល្លារអាមេរិក (១២៣ទីតាំង)។ ការកើនឡើងយ៉ាងគំហុកនេះ គឺស្របពេលដែលមានការកើនឡើងនៃការវិនិយោគឆ្ពោះទៅទីក្រុងភ្នំពេញ ខេត្តព្រះសីហនុ ប៉ោយប៉ែត និងទីក្រុងបាវិត ទៅលើគម្រោងសណ្ឋាគារ កាស៊ីណូ និងសេវាកម្មដឹកជញ្ជូន។ (អានបន្ថែម) យោងតាមទិន្នន័យដដែលរបស់ក្រសួងបានឱ្យដឹងថា ការងារជាង៦៩ពាន់កន្លែងត្រូវបានបង្កើតឡើងជារៀងរាល់ថ្ងៃពីវិស័យសំណង់ក្នុងរយៈពេល ៦ ខែដំបូងនៃឆ្នាំ ២០១៩ […]
អានបន្ថែម