ព័ត៌មានក្នុងស្រុក
ការផ្គត់ផ្គង់អគារខុនដូរព្យាករណ៍ថានឹងកើនឡើង ១២០ ភាគរយនៅឆ្នាំ ២០១៩
ការផ្គត់ផ្គង់បន្ទប់ខុនដូនៅរាជធានីភ្នំពេញ ត្រូវបានព្យាករណ៍ថានឹងកើនឡើងដល់ ១២០ ភាគរយនៅឆ្នាំ ២០១៩ ដែលកើតឡើងដោយសារតែការយឺតយ៉ាវក្នុងការបញ្ចប់គម្រោងមួយចំនួនកាលពីឆ្នាំ ២០១៨ នេះបើយោងតាមរបាយការណ៍ចុងក្រោយបង្អស់របស់ភ្នាក់ងារអចលនទ្រព្យអន្ដរជាតិ CBRE Cambodia ។ យោងតាមរបាយការណ៍ដែលមានឈ្មោថា «Fearless Forcast 2019» បានបង្ហាញថា នៅចុងឆ្នាំ ២០១៩ ការផ្គត់ផ្គង់លើខុនដូរដែលមានតម្លៃសមរម្យ នឹងមានកំណើនពី ៣.៥៣០ យូនីត ទៅ ៧.០៥៧ យូនីត។ ដោយឡែក របាយការណ៍ដដែលនេះក៏បានគេព្យាករណ៍ថា ការផ្គត់ផ្គង់លើខុនដូរដែលមានតម្លៃថ្លៃ អាចនឹងមានចំនួនប្រហែល ១០.៦១១យូនីត ត្រឹមដំណាច់ឆ្នាំ ២០១៩ ដែលវាមានការកើនឡើងគួរឱ្យកត់សម្គាល់ចំនួន ២៤៣ ភាគរយ នេះបើប្រៀបធៀបទៅនឹងការផ្គត់ផ្គង់បច្ចុប្បន្នដែលប្រមាណ ៣.០៩៣យូនីត។ លើសពីនេះ សម្រាប់ការផ្គត់ផ្គង់ខុនដូរមានមានតម្លៃមធម្យម ដ៏ត្រូវបានព្យាករណ៍ថានឹងកើនឡើងជាច្រើនផងដែរ ដែលអាចនឹងមានចំនួនសរុបប្រហែល ១៣.៤៤៤យូនីត។ អ្នកនាង អាន ធីតា នាយិកាភ្នាក់ងារអចលនទ្រព្យ CBRE Cambodia បានឱ្យដឹងថា ការកើនឡើងនៃការផ្គត់ផ្គង់ខុនដូមិនមែនជាបញ្ហាចម្បងនោះទេ ព្រោះភាគច្រើននៃខុនដូទាំងអស់ត្រូវបានលក់ចេញ ប៉ុន្តែវានឹងប៉ះពាល់ដល់ទីផ្សារជួល។ “ការកើនឡើងនៃអ្នកផ្គត់ផ្គង់ខុនដូអាចជាឧបសគ្គដ៏ធំក្នុងទីផ្សារជួល។ ដោយហេតុថា ការបញ្ចប់ការសាងសង់គម្រោងខុនដូនឹងកើនឡើងទ្វេជាពីរ […]
អានបន្ថែម
ខណ្ឌ៣នៅរាជធានីភ្នំពេញកំពុងមានបម្រែបម្រួលតម្លៃដីយ៉ាងគំហុក
ដោយសារតែមានការបណ្តាក់ទុននិងការធ្វើការអភិវឌ្ឍលើវិស័យអចលនទ្រព្យ និងវិស័យសំណង់ពីក្រុមហ៊ុនបរទេស ជាពិសេសសំណង់លំនៅដ្ឋាន និងអគារពាណិជ្ជកម្ម បានធ្វើអោយខណ្ឌ៣ ក្នុងរាជធានីភ្នំពេញមានការប្រែប្រួលលើតម្លៃដីគួរអោយកត់សម្គាល់ ដែលខណ្ឌទាំងនោះរួមមាន ខណ្ឌសែនសុខ ខណ្ឌមានជ័យ និងខណ្ឌដង្កោ។ យោងតាមរបាយការណ៍ប្រៀបធៀបតម្លៃដីក្នុងឆ្នាំ ២០១៧ និង ២០១៨ របស់ក្រុមហ៊ុន Key Estate បានអោយដឹងថាខណ្ឌសែនសុខ មានកំណើតតម្លៃដីរហូតដល់ទៅ ១៧.១ភាគរយ។ តម្លៃដីក្នុងមួយម៉ែត្រការ៉េចំពោះដីដែលនៅជាប់ផ្លូវធំចាប់ពី ៤៥០ ទៅ ៣.៥០០ ដុល្លារអាមេរិក ចំណែកឯដីនៅជាប់ផ្លូវតូចគឺមានតម្លៃចាប់ ២០០ ទៅ ១.៥០០ដុល្លារអាមេរិក ។ គួបញ្ជាក់ផងដែថាដីតំបន់នេះ គឺកំពុងតែមានការអភិវឌ្ឍន៍ជាច្រើនលើវិស័យលំនៅដ្ឋាន និងអគារពាណិជ្ជដូចជា ផ្សាទំនើប Aeon Mall 2 និង Macro ជាដើម។ ខណ្ឌមានជ័យ ជាខណ្ឌទី ២ ដែលមានការប្រែប្រួលលើតម្លៃដីរហូតដល់ ១៦ ភាគរយ ក្នុងឆ្នាំ ២០១៨ នេះបើប្រៀបធៀបពីឆ្នាំ ២០១៧ ដែលតម្លៃដីក្នុងតំបន់នោះមានតម្លៃចន្លោះពី ៦៥០ ទៅ ៣.៨០០ ដុល្លារអាមេរិកសម្រាប់ដីមានទីតាំងជាប់ផ្លូវធំ […]
អានបន្ថែម
ខណ្ឌចំការមននឹងមានខុនដូរប្រណីតបន្ថែមទៀតនៅឆ្នាំ ២០២១ខាងមុខនេះ
ខណ្ឌដ៏មានសក្តានុពលក្នុងរាជធានីភ្នំពេញខណ្ឌចំការមនកំពុងត្រៀមខ្លួនទទួលយកគម្រោងខុនដូរដ៏ប្រណីតបន្ថែមទៀតនៅឆ្នាំ២០២១ ខាងមុខនេះក្រោយពីមានការបុកគ្រឺះសាងសង់អគារខុនដូរកម្ពស់២៥ជាន់។ កាលពីថ្ងៃ១២ ខែកុម្ភៈ ឆ្នាំ២០១៩ ក្រុមហ៊ុនអចលនទ្រព្យក្នុងស្រុក Century 21 V-Heritage Home Realty បានសហការជាមួយម្ចាស់ដីដើម្បីវិនិយោគលើគម្រោងលំនៅដ្ឋានដំបូងរបស់ខ្លួនឈ្មោះថា « Amara Residence» ដែលគម្រោងនេះនឹងបញ្ចប់ការសាងសង់ដោយក្រុមហ៊ុន China Nuclear Engineering (CNE) នៅឆ្នាំ២០២១ខាងមុខនេះ។ គម្រោងអគារនេះចម្ងាយមិនដល់មួយគីឡូម៉ែត្រពីស្ថានទូតជប៉ុន ស្ថានទូតថៃនេះនឹងត្រូវគ្រប់គ្រងដោយក្រុមហ៊ុនអចលនទ្រព្យជើងចាស់ក្នុងស្រុក VTrust ។ គម្រោងដ៏ប្រណីតមួយនេះ នឹងលាតសន្ធឹងលើផ្ទៃដីប្រមាណជា ៤៩២ ម៉ែត្រការ៉េ មានចំនួន ៩៦ យូនីត ហើយត្រូវបានស្ថាបនាឡើងជាមួយនឹងការរចនាស្ថាបត្យកម្មពិសេស ដែលបង្ហាញពីភាពទំនើបទាន់សម័យ និងការរស់នៅប្រកបដោយផាសុកភាពនាសម័យទំនើបនៅក្នុងទីផ្សារកំពុងរីកលូតលាស់យ៉ាងឆាប់រហ័ស។ ថ្លែងក្នុងពិធីសម្ពោធខាងលើនេះ លោក មៀច សុខា អគ្គនាយកក្រុមហ៊ុន C21 V-Heritage Home Realty បានមានប្រសាសន៍ថា គម្រោង «Amara Residence» នឹងមានភាពលេចធ្លោដោយសារគម្រោងនេះផ្តល់លក្ខណៈពិសេសមួយចំនួនដល់វិនិយោគិន។ លោកបានមានប្រសាសន៍ថា៖ «គម្រោងរបស់យើងផ្ដោតជាពិសេសទៅលើប្រព័ន្ធសុវត្ថិភាព និងសេវាគ្រប់គ្រងក្រោយការលក់ រួមមានការបែងចែក ១ ភាគរយពីតម្លៃលក់ទៅក្នុងមូលនិធិមួយ […]
អានបន្ថែម
OCIC គ្រោងនឹងបង្កើតទីក្រុងពាណិជ្ជកម្មទំហំរាប់សិបហិកតាលើកោះនរា
ក្រុមហ៊ុនល្បីល្បាញផ្នែកសំណង់និងអចលនទ្រព្យនៅកម្ពុជាឈ្មោះថាក្រុមហ៊ុនវិនិយោគទុនអាណិកជនកម្ពុជា OCIC គ្រោងនឹងវិនិយោគបង្កើតទីក្រុងពាណិជ្ជកម្មដ៏ធំមួយលើផ្ទៃដីរាប់សិបហិកតានៅកោះនរាដែលត្រូវបានគេស្គាល់ថាជាកោះប្រាក់ នេះបើយោងតាមការបញ្ជាក់ពីក្រុមហ៊ុនផ្ទាល់។ អគ្គនាយករងក្រុមហ៊ុន OCIC លោក ទូច សំណាង បានថ្លែងប្រាប់ទស្សនាវដ្តីសំណង់និងអចលនទ្រព្យយើងខ្ញុំនាព្រឹកថ្ងៃទី ០៨ ខែ កុម្ភះ ឆ្នាំ ២០១៩ ថា ក្រុមហ៊ុនពិតជាគ្រោងនឹងវិនិយោគបង្កើតទីក្រុងពាណិជ្ជកម្មដ៏ធំមួយមែន ស្របតាមការចុះផ្សាយរបស់សារព័ត៌មានអេឡិចត្រូនិក ខេមបូណូមីស ក៏ប៉ុន្តែ មិនទាន់មានព័ត៌មានលម្អិតអំពីគម្រោងនេះនៅឡើយទេ។ តាមការចុះផ្សាយរបស់សារព័ត៌មានខាងលើ ក្រុមហ៊ុន OCIC គ្រោងនឹងប្រែក្លាយកោះនរាតាមបណ្តោយទន្លេមេគង្គក្រោម (ខាងកើតទីក្រុងកោះពេជ្រ) ឲ្យក្លាយជាទីក្រុងពាណិជ្ជកម្មដ៏សម្បូរបែបមួយលាតសន្ធឹងលើទំហំផ្ទៃដីសរុបប្រមាណជា ១០០ ហិកតាតាមរយៈការចាក់ដី ថ្ម និងខ្សាច់បន្ថែម។ លោក ទូច សំណាង បានមានប្រសាសន៍ថា៖ «ខ្ញុំមិនបានកាន់[គម្រោងអភិវឌ្ឍន៍នេះ] ផ្ទាល់ទេ ក៏ប៉ុន្តែ គម្រោងនេះមានពិតមែន។ យើងទើបតែចាប់ផ្តើមធ្វើ ហើយព័ត៌មានមួយចំនួនខ្ញុំមិនមែនជាអ្នកកាន់ផ្ទាល់ទេ» ។ យ៉ាងណាក្តី លោក ទូច សំណាង បានបញ្ជាក់ថា លោក នឹងធ្វើការផ្តល់ព័ត៌មានបន្ថែមទៀតក្នុងរយៈពេលចន្លោះពី ១ ទៅ ២ ខែ បន្ទាប់អំពីគម្រោងមួយនេះ។ លោក […]
អានបន្ថែម
ផ្សារទំនើបពេញនិយមពីរប្រភេទកំពុងផ្លាស់ប្តូរវិស័យលក់រាយនៅកម្ពុជា
វិនិយោគិនក្នុងវិស័យអចលនទ្រព្យ បច្ចុប្បនន្នកំពុងផ្តោតលើការបង្តើតផ្សារទំនើបបែបសហគមន៍ និងផ្សារទំនើបទីប្រជុំជន ដែលផ្សារទំនើបទាំងពីរប្រភេទនេះចាត់ទុកថាជាការវិនិយោគដែលកំពុងមានសន្ទុះយ៉ាងខ្លាំងនៅក្នុងទីផ្សារក្នុងប្រទេសកម្ពុជានាពេលបច្ចុប្បន្ន។ កាលពីពេលថ្មីៗនេះ ក្រុមហ៊ុនផ្នែកលក់រាយឈានមុខគេមួយនៅកម្ពុជា ជីប ម៉ុង រីថេល (CMR) បានបង្ហាញពីមហិច្ឆតារបស់ខ្លួនក្នុងការចាប់យកចំណែកទីផ្សារលក់រាយជាមួយនឹងការបំបែកទីផ្សារទៅជាផ្សារទំនើបបែបសហគមន៍ និងផ្សារទំនើបទីប្រជុំជន។ អានបន្ថែម លោក Michael Vong នាយកផ្នែកមជ្ឈមណ្ឌលពាណិជ្ជកម្ម និងអគារពាណិជ្ជកម្មនៃ CMR បានមានប្រសាសន៍កាលពីពេលថ្មីៗនេះថា «ដើម្បីប្រកួតប្រជែងក្នុងទីផ្សារផ្សារទំនើបនៅកម្ពុជាឲ្យមានប្រសិទ្ធភាព ក្រុមហ៊ុនជីប ម៉ុង ត្រូវតែបំបែកផ្នែកទីផ្សារទៅជាប្រភេទផ្សារទំនើបបែបសហគមន៍និងផ្សារទំនើបនៅតាមទីប្រជុំជន»។ លោក Michael យល់ឃើញថាទីតាំងគឺជាគុណសម្បត្តិដ៏អស្ចារ្យបំផុតសម្រាប់ធ្វើឲ្យផ្សារទំនើបទទួលបានជោគជ័យ។ លើសពីនេះ លោកក៏បានឲ្យដឹងថា ផ្សារទំនើបបែបសហគមន៍គឺជាមជ្ឈមណ្ឌលដែលបម្រើដល់សហគមន៍និងប្រជាជនដែលរស់នៅក្នុងទីតាំងជិតផ្សារទាំងនោះ។ «អ្នកដែលមកជួលផ្សារដែលយើងជ្រើសរើសគឺជាអ្នកដែលអាចបម្រើសហគមន៍ល្អបំផុតជាមួយនឹងម៉ាកនៃទំនិញនិងសេវាកម្មរបស់ពួកគេ» លោកបានមានប្រសាសន៍។ យោងតាមរបាយការណ៍របស់ភ្នាក់ងារអចលនទ្រព្យអន្ដរជាតិ CBRE Cambodia បានឲ្យដឹងថា ផ្សារទំនើបបែបសហគមន៍កំពុងដើរតួរយ៉ាងសំខាន់ក្នុងការជួយជំរុញទីផ្សារវិស័យលក់រាយនៅប្រទេសកម្ពុជាឲ្យកាន់តែប្រសើរឡើង ដោយចំនួនផ្សារទំនើបបែបសហគមន៍បាននឹងកំពុងកើនឡើងជាបន្តបន្ទាប់។ ការផ្គត់ផ្គង់សរុបរបស់ផ្សារទំនើបបែបសហគមន៍ត្រូវបានព្យាករណ៍ថានឹងកើនឡើងប្រមាណ ២២៨% ក្នុងឆ្នាំ ២០១៩ នេះបើប្រៀបធៀបទៅនឹងឆ្នាំ ២០១៨។ ការកើនឡើងនេះ គឺដោយសារតែ គម្រោងដូចជា MiDTOWN Mall, Downtown 93, Noro Mall, WB Arena […]
អានបន្ថែម
ក្រុមហ៊ុន Song Saa ប្រកាសលក់ដីក្នុងគម្រោងរមណីយដ្ឋានធម្មជាតិធំជាងគេនៅកម្ពុជា
ម្ចាស់គម្រោងអភិវឌ្ឍន៍រមណីយដ្ឋានធម្មជាតិធំជាងគេនៅកម្ពុជា Song Saa Collective ប្រកាសដាក់លក់ដីក្នុងតំបន់អភិវឌ្ឍន៍ខាងលើទៅឲ្យវិនិយោគបន្ត នេះបើយោងតាមការឲ្យដឹងពីក្រុមហ៊ុនទទួលបន្ទុកផ្នែកជួលនិងលក់គម្រោង CBRE Cambodia។ កាលពីពេលថ្មីៗនេះ ភ្នាក់ងារអចលនទ្រព្យអន្តរជាតិ CBRE Cambodia បានឲ្យដឹងថា បច្ចុប្បន្នក្រុមហ៊ុន Song Saa បានបើកលក់ដីក្នុងតំបន់អភិវឌ្ឍន៍បន្ទាយស្រីដែលជាផ្នែកមួយនៃគម្រោងអភិវឌ្ឍន៍រមណីយដ្ឋានធម្មជាតិធំជាងគេនៅកម្ពុជាឈ្មោះថា The Song Saa Reserve ស្ថិតក្នុងខេត្តសៀមរាប។ តាមការបញ្ជាក់របស់ក្រុមហ៊ុន វិនិយោគិនអាចទិញដីទំហំចន្លោះពី ១,៧៤៤ ម៉ែត្រការ៉េ ទៅ ៤,៨៤៤ ម៉ែត្រការ៉េ ក្នុងតំបន់ខាងលើដើម្បីធ្វើការអភិវឌ្ឍន៍បន្តទៅជាគម្រោងប្រកបដោយសក្តានុពលផ្សេងៗ ដូចជាវីឡា ឬកន្លែងកំសាន្តនាចុងសប្តាហ៍ជាដើម។ សម្រាប់តម្លៃវិញ គឺមានចាប់ពី ៤៤,០០០ ដុល្លារអាមេរិកឡើងទៅ។ ថ្លែងប្រាប់ទស្សនាវដ្តីសំណង់និងអចលនទ្រព្យយើងខ្ញុំ អ្នកនាង អាន សុធីតា នាយិកាក្រុមហ៊ុន CBRE Cambodia បានឲ្យដឹងថា វិនិយោគិនអាចទិញដីក្នុងតំបន់នេះក្រោមទម្រង់ «ការជួលនិងទទួលបានសិទិ្ធកាន់កាប់លើអចលនទ្រព្យមួយនេះ ឬ ហៅបានថា Freehold Leasing» រយៈពេល ៥០ ឆ្នាំហើយអាចបន្តកិច្ចសន្យាជាបន្តបន្ទាប់បាន។ ជាងនេះទៅទៀត វិនិយោគិនអាចទិញដីក្នុងតំបន់នេះដោយមិនតម្រូវឲ្យមានលក្ខខណ្ឌអភិវឌ្ឍន៍អ្វីនោះទេ […]
អានបន្ថែម
អ្នកឧកញ៉ា ពុង ឃាវ សែ ប្រាប់ពីធនធានធម្មជាតិសំខាន់សម្រាប់វិស័យអចលនទ្រព្យ
វិនិយោគិនល្បីល្បាញផ្នែកវិស័យសំណង់និងអចលនទ្រព្យនៅកម្ពុជា អ្នកឧកញ៉ា ពុង ឃាវ សែ ដែលមានគម្រោងរាប់លានដុល្លារអាមេរិកក្នុងដៃបានប្រាប់ឲ្យដឹងពីប្រភពសំខាន់ៗនៃការរីកចម្រើននៃវិស័យទាំងនេះ។
អានបន្ថែម
ធនាគារជាតិ៖ ហានិភ័យឥណទានវិស័យអចលទ្រព្យនៅមានកម្រិតទាប
ទោះបីជាវិស័យអចលទ្រព្យបានបន្តស្រូបយកឥណទានច្រើនជាងគេក៏ពិតមែន ក៍ប៉ុន្តែហានិភ័យដែលអាចបង្កដោយកំណើនឥណទានខ្ពស់នៃវិស័យនេះគឺនៅមានកម្រិតទាបនៅឡើយ នេះបើយោងតាមការវាយតម្លៃរបស់ធនាគារជាតិនៃកម្ពុជា។
អានបន្ថែម
UK Condo បន្ថែមការផ្គត់ផ្គង់ទៅក្នុងទីផ្សារខុនដូនៅកម្ពុជា
ចំនួនខុនដូនៅទូទាំងប្រទេសកម្ពុជាបន្តកើនឡើងយ៉ាងខ្លាំងជាមួយនឹងកំណើនជាមធ្យមប្រហែល ១៨ ភាគរយ នៅក្នុងត្រីមាសទី ៤ នៃឆ្នាំ ២០១៨ ដែលនេះគឹឆ្លុះបញ្ចាំងពីកំណើនសេដ្ឋកិច្ចដ៏រឹងមាំរបស់ប្រទេសជាតិ។
អានបន្ថែម
ការផ្គត់ផ្គង់«ការិយាល័យសហកម្មសិទ្ធ»កើនឡើងឆ្នាំ២០១៩
ការពន្យារនៃការបញ្ចប់ការសាងសង់ក្នុងឆ្នាំ ២០១៨គឺនឹងធ្វើឲ្យមានការកើនឡើងនៃការផ្គត់ផ្គង់«ការិយាល័យសហកម្មសិទ្ធឬ strata-title» ក្នុងឆ្នាំ ២០១៩
អានបន្ថែម