ព័ត៌មានក្នុងស្រុក
តម្លៃដីធ្លីនៅភ្នំពេញក្នុងឆ្នាំ ២០១៨ ព្យាករណ៍ថានឹងធ្លាក់ចុះ
យោងតាមការស្ទង់មតិដែលធ្វើឡើងដោយក្រុមហ៊ុន Key Estate Co. Ltd តម្លៃដីនៅភ្នំពេញទំនងជានឹងធ្លាក់ចុះពី២ ទៅ ៥ភាគរយ ដោយសារតែកត្តាសេដ្ឋកិច្ចនិងនយោបាយ។ លោក សន សៀប ដែលជានាយកប្រតិបត្តិក្រុមហ៊ុន Key Estate Co. , Ltd. និងជាអ្នកវិភាគអចលនទ្រព្យម្នាក់នៅកម្ពុជាបានមានប្រសាសន៍ថា៖ “ជាទូទៅក្នុងអំឡុងពេលជិតបោះឆ្នោតអ្នកវិនិយោគមិនទាន់ចង់បណ្ដាក់ទុន ឬធ្វើអ្វីច្រើនទេ។ ពួកគេចង់រង់ចាំមើលអ្វីដែលនឹងកើតឡើងបន្ទាប់ពីការបោះឆ្នោតសិន” ។ “ទោះជាយ៉ាងណាបន្ទាប់ពីការបោះឆ្នោតតម្លៃដីឬតម្លៃអចលនទ្រព្យទាំងមូល រំពឹងថានឹងកើនឡើងជាថ្មីម្តងទៀតហើយវានឹងកាន់តែប្រសើរឡើង” លោកសនសៀប បានបន្ត៖ ការបោះឆ្នោតថ្នាក់ជាតិនាពេលខាងមុខនេះមិនមែនជាកត្តាតែមួយទេ ប៉ុន្តែបញ្ហាសេដ្ឋកិច្ចក្នុងតំបន់ក៏ដូចជាបញ្ហាសេដ្ឋកិច្ចពិភពលោកក៏ជាកត្តាដែលនាំឱ្យតម្លៃដីធ្លីមានការធ្លាក់ចុះដែរ។ “បើផ្ដោតទៅលើប្រទេសកម្ពុជាសេដ្ឋកិច្ចប្រទេសយើងគឺចាត់ទុកថាល្អ ពុំមានបញ្ហាទេ។ ការព្យាករណ៍នៃកំណើន ផលិតផលក្នុងស្រុកសរុប ឬ GDP សម្រាប់ឆ្នាំនេះមានដល់ទៅ ៧ភាគរយ។ ប៉ុន្តែសេដ្ឋកិច្ចក្នុងតំបន់និងសេដ្ឋកិច្ចពិភពលោកទាំងមូលគឺជាមូលហេតុចំបង” លោកសនសៀប បានមានប្រសាសន៍ ៖ លោកបានបន្តទៀតថា៖ “ដោយសារសេដ្ឋកិច្ចរបស់ពួកគេកំពុងប្រឈមនឹងបញ្ហា នៅពេលនេះអ្នកវិនិយោគមានភាពស្ទាក់ស្ទើក្នុងការវិនិយោគ រើសទីតាំងវិនិយោគដោយម៉ត់ចត់ ឬ ផ្អាកការវិនិយោគសិនក្នុងអំឡុងពេលនេះ” ទាក់ទងនឹងតម្លៃដីធ្លីបច្ចុប្បន្ននៅរាជធានីភ្នំពេញការស្ទង់មតិមួយបានបង្ហាញថានៅឆ្នាំ ២០១៧ ខណ្ឌដូនពេញជាខណ្ឌដែលមានតម្លៃដីខ្ពស់ជាងគេ បន្ទាប់មក ខណ្ឌ៧មករា ខណ្ឌចំការមន ខណ្ឌទួលគោក ខ័ណ្ឌមានជ័យ […]
អានបន្ថែម
១០ ឆ្នាំទៀតសក្តានុពលទីផ្សារអចលទ្រព្យនឹងឆ្ពោះទៅខេត្តកំពត និងកែប
បើតាមការប៉ាន់ប្រមានរបស់អ្នកជំនាញទីផ្សារអចលទ្រព្យ បានអោយដឹងថានៅថ្ងៃអនាគតប្រហែលជា១០ឆ្នាំខាងមុខ ខេត្តកំពត និងកែប នឹងមានសក្ដានុពលខ្លាំងក្នុងទីផ្សារអចលនទ្រព្យកម្ពុជា
អានបន្ថែម
តើកម្ពុជាអាចនឹងជួបហានិភ័យពពុះអចលនទ្រព្យ (Property Bubble) ឬទេ?
ដោយដីមានការឡើងថ្លៃក្នុងកំឡុងពេលប៉ុន្មានឆ្នាំនេះ ឈ្មួញមួយចំនួនធំបារម្ភអំពីគ្រោះហានិភ័យនានាដែលអាចនឹងកើតមាន។ តើវាជាបញ្ហាកំរិតណា? តើយើងត្រូវមានវិធានការដូចម្ដេចដើម្បីអាចជៀសបានពីបញ្ហាមួយនេះ? ប្រទេសកម្ពុជាកំពុងតែប្រឈមមុខជាមួយនឹងបញ្ហាទីផ្សារអភិវឌ្ឍន៍ ដែលបណ្ដាលមកពីកំណើនឡើងខ្លាំងនៃតម្លៃដីធ្លីនិងការសាងសង់។ ប៉ុន្តែបញ្ហាមួយនេះអាចស្ថិតក្រោមការ គ្រប់គ្រងរបស់យើងបាន បើយើងយល់អំពីមូលហេតុនៃបញ្ហា និងដឹងពីវិធីទប់ស្កាត់។ ការផ្គត់ផ្គង់លើសតម្រូវការ (oversupply) គឺជាបញ្ហាចំបងដែលកើតមានឡើងក៏ដោយសារតែកំណើនគម្រោងដ៏លើសលុបនៅទីតាំងដដែលៗដូចៗគ្នា។ ការសង្កេតមើលទីផ្សារក្នុងទស្សនវិស័យរយៈពេលខ្លីក៏ជាបញ្ហាមួយផងដែរ ដែលនាំមកនូវការបោះបង់ចោលឱកាសទីផ្សារ។ វានឹងធ្វើឱ្យទីផ្សារមានហានិភ័យប្រសិនបើអចលនទ្រព្យភាគច្រើនត្រូវបានលក់ទៅឱ្យអ្នកដែលគ្មានតម្រូវការជាក់ស្តែង ឬអ្នកដែលគ្មានទស្សនវិស័យច្បាស់លាស់។ ដើម្បីដោះស្រាយបញ្ហាទាំងនេះទាំងអ្នកលក់និងអ្នកទិញត្រូវមានភាពសម្រុះសម្រួលគ្នា។ អ្នកលក់ត្រួវគិតអោយបានលំអិតអំពីការដាក់តម្លៃក្នុងទីផ្សារ ហើយអ្នកទិញគួរយល់អំពីបញ្ហាទីផ្សារក្នុងរយៈពេលវែង។ ពួកគេត្រូវតែធ្វើការសិក្សាទីផ្សារនិងលទ្ធភាពដើម្បីធានាថាពួកគេកំណត់ទីតាំងនិងតម្លៃមួយអោយបានត្រឹមត្រូវ។ សម្រាប់អ្នកទិញពួកគេត្រូវប្រាកដថាពួកគេអាចមានលទ្ធភាពទិញផ្ទះពិតប្រាកដ និងមានលទ្ធភាពសងកញ្ចីធនាគារ។ចូរកុំរំពឹងថានឹងទិញអចលនទ្រព្យហើយជួលដើម្បីយកថ្លៃឈ្នួលទៅទូទាត់ប្រាក់កម្ចីព្រោះថាមានចំណាយផ្សេងៗទៀតដែលអ្នកមិនបានរំពឹងទុក។ ពេលខ្លះអ្នកមិនអាចរកប្រាក់គ្រប់គ្រាន់ដើម្បីបង់ ហើយវានឹងក្លាយទៅជាបញ្ហាចម្បង។ អ្នកទិញគួរយល់ដែរថា នៅពេលទិញអចលនទ្រព្យប្រាក់ចំណូលមិនអាចចូលមកបានស្រួលក្នុងរយៈពេលខ្លីនោះទេ គឺវាត្រូវការពេលវេលា។
អានបន្ថែម
តើអ្នកគួរដាក់ប្រាក់បញ្ញើនៅធនាគារ ឬ វិនិយោគលើអចលនទ្រព្យ?
ការសម្រេចចិត្តថាតើត្រូវវិនិយោគលើទិន្នផលអចលនទ្រព្យ ឬ ដាក់ប្រាក់បញ្ញើនៅធនាគារ គឺជារឿងដែលពិបាកក្នុងការសម្រចចិត្តសម្រាប់វិនិយោគិនភាគច្រើន។
អានបន្ថែម
មជ្ឈមណ្ឌលបណ្តុះបណ្តាលអចលនទ្រព្យគ្រោងនឹងបើកដំណើរការក្នុងឆ្នាំនេះ
សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា(CVEA) កំពុងជំរុញវិនិយោគិនអោយវិនិយោគលើមជ្ឈមណ្ឌលបណ្តុះបណ្តាលអចលនទ្រព្យដែលជាសាលាបណ្តុះបណ្តាលធនធានមនុស្សបន្ថែមទៀតក្នុងវិស័យសំណង់និងអចលនទ្រព្យ ។
អានបន្ថែម
៥ ទៅ១០ ឆ្នាំទៀត សក្តានុពលអចលទ្រព្យភ្នំពេញនឹងបែរទៅទិសខាងកើត
សក្តានុពលនៃទីផ្សារអចលនទ្រព្យនៅរាជធានីភ្នំពេញត្រូវបានគេរំពឹងថានឹងមានការពង្រីកទៅភាគខាងកើតនៃរាជធានីក្នុងរយៈពេល 5 ទៅ 10 ឆ្នាំខាងមុខនេះ បើតាមការលើកឡើងរបស់អ្នកជំនាញវាយតម្លៃអចលនទ្រព្យ។
អានបន្ថែម
ក្រុមហ៊ុន វើលដ៏ប្រ៊ីដហូម ប្រកាសកែសម្រួលគោលការបង់រំលស់គម្រោងលំនៅដ្ឋានតម្លៃសមរម្យ
កាលពីថ្ងៃទី 2 ខែកុម្ភៈ ក្រុមហ៊ុន វើលដ៏ប្រ៊ីដ ហូម ឯ.ក បានប្រកាសពីការកែសម្រួលគោលការបង់បង្រ្គប់ប្រាក់កក់ 30 ភាគរយរបស់គម្រោងលំនៅដ្ឋានតម្លៃសមរម្យរបស់ខ្លួន ដោយពន្យាររយៈពេលទូទាត់រហូតដល់ទៅ 24 ខែ
អានបន្ថែម
ការរចនាប្លង់កន្លែងសម្រាប់ការធ្វើដំណើរឆ្លងកាត់នៅទីក្រុងសេអ៊ូលឈ្នះពានរង្វាន់
ក្រុមហ៊ុនបារំាង Dominique Perrault Architecture បានឈ្នះការប្រកួតប្រជែងអន្តរជាតិក្នុងការរចនាប្លង់កន្លែងដឹកជញ្ជូន និងមជ្ឈមណ្ឌលទិញទំនិញដែលមានតម្លៃ ១.២ប៊ីលានដុល្លារនៅសង្កាត់ Gangnam ទីក្រុងសេអ៊ូល។ ការអភិវឌ្ឍសម្រាប់ការប្រើប្រាស់ចម្រុះនៅទីប្រជុំជនទីក្រុងសេអ៊ូលនេះ នឹងមានស្ថានីយរថភ្លើង ហាងលក់ទំនិញ វិចិត្រសាល មជ្ឈមណ្ឌលសិក្សាធិការ និងសួនឧទ្យាន ហើយនៅពេលបញ្ចប់ការសាងសង់ វានឹងក្លាយជាកន្លែងក្រោមដីដ៏ធំបំផុតក្នុងប្រទេសកូរ៉េខាងត្បូង។ ការអភិវឌ្ឍនេះមានឈ្មោះថា “Lightwalk” មានទំហំ ១៦០ពាន់ម៉ែត្រការ៉េ មានជាន់ក្រោមដីចំនួន ៦ជាន់ ជាមួយនិងសួនឧទ្យាន “Green Land” ទំហំ ២៨ពាន់ម៉ែត្រការ៉េនៅខាងលើ។ គម្រោងនេះត្រូវបានដាក់ឈ្មោះតាមពិដានកញ្ចក់ដ៏ធំសម្បើមដែលអាចឲ្យពន្លឺចាំងចូលទៅខាងក្នុងអគារ។ ក្រុមហ៊ុន Dominique Perrault Architecture បានលើកឡើងក្នុងសេចក្តីថ្លែងការណ៍មួយថា “គម្រោងនេះមានលក្ខណៈតូច ប៉ុន្តែប្រកបដោយថាមពលដ៏ខ្លាំង ដែលបង្ហាញនូវវត្តមាននៃស្ថានីយដឹកជញ្ជូនសាធារណៈរួមបញ្ចូលគ្នាដ៏សំខាន់ថ្មីមួយសម្រាប់ទីក្រុងសេអ៊ូល។”
អានបន្ថែម
ទីផ្សារម៉ាឡេស៊ីបន្តធ្លាក់ចុះ
បន្ទាប់ពីរយៈពេលមួយឆ្នាំនៃការធ្លាក់ចុះនៃតម្លៃរហូត អចលនទ្រព្យនៅម៉ាឡេស៊ីនឹងបន្តឈានទៅដល់កម្រិតទាបបំផុតមុននឹងមានស្ថិរភាពនៅចុងក្រោយ។
អានបន្ថែម
គម្រោងលំនៅឋានលំដាប់ខ្ពស់តម្លៃ ៧០០លានដុល្លារចាប់ផ្តើម
គម្រោងលំនៅឋានប្រណិតថ្មី បុរីR&F នឹងលេចឡើងនៅភាគខាងត្បូងនៃរាជធានីភ្នំពេញជិតមហាវិថី ហ៊ុន សែន ក្នុងសង្កាត់ចាក់អង្រេ ខណ្ឌមានជ័យ បន្ទាប់ពីគម្រោងដែលមានទឹកប្រាក់ ៧០០លានដុល្លារនេះចាប់ផ្តើមសាងសង់នៅពាក់កណ្តាលខែធ្នូ។
អានបន្ថែម