ព័ត៌មានអចលនទ្រព្យ
ពន្ធដារនឹងចុះទៅពិនិត្យឯកសារពន្ធ និងភាពត្រឹមត្រូវនៃការចុះបញ្ជីអចលនទ្រព្យដល់ទីតាំងផ្ទាល់
អគ្គនាយកដ្ឋានពន្ធដារ ចាប់ពីថ្ងៃទី១៣ ខែកញ្ញា តទៅ នឹងចាប់ផ្ដើមចុះទៅពិនិត្យឯកសារពន្ធ ផ្ទៀងផ្ទាត់ភាពត្រឹមត្រូវនៃការចុះបញ្ជីអចលនទ្រព្យ ធ្វើបច្ចុប្បន្នភាពព័ត៌មានអចលនទ្រព្យ និងផ្ដល់សេវាពាក់ព័ន្ធនានានៅទីតាំងផ្ទាល់ ក្នុងភូមិសាស្ដ្រ ក្រុងតាខ្មៅ ខេត្តកណ្ដាល។ បើតាមសេចក្តីជូនដំណឹង ចុះថ្ងៃទី ៩ ខែកញ្ញា កន្លងទៅ ការចុះធ្វើការនៅទីតាំងផ្ទាល់នេះ គឺដើម្បីស្រង់ស្ថិតិ ថតរូបទីតាំង និងសាកសួរព័ត៌មាន សម្រាប់ធ្វើការផ្ទៀងផ្ទាត់ជាមួយព័ត៌មានអចលនទ្រព្យ ដែលមាននៅក្នុងប្រព័ន្ធគ្រប់គ្រង់កម្មវិធីបង់ពន្ធតាមទូសព្ទដៃ (GDT Taxpayer Application)។ ដូច្នេះ សម្រាប់ម្ចាស់អចលនទ្រព្យដែលបានចុះបញ្ជីបង់ពន្ធរួច ត្រូវត្រៀមឯកសារដូចជា បង្កាន់ដៃបង់ពន្ធ និងប័ណ្ណសម្គាល់ការបង់ពន្ធ។ ដោយឡែក សម្រាប់អ្នកដែលមិនទាន់ចុះបញ្ជី សូមត្រៀមអត្តសញ្ញាណបណ្ណ (ឬឯកសារជំនួសគ្នាបាន) ប្លង់អចលនទ្រព្យ និងបង្កាន់ដៃបង់ពន្ធ (បើមាន) ដើម្បីត្រៀមធ្វើការចុះបញ្ជីថ្មី ។
អានបន្ថែម
Big C គ្រោងពង្រីកសាខាបន្ថែមទៀតនៅភ្នំពេញ និងខេត្តធំៗ២ផ្សេងទៀតនៅ៥ឆ្នាំខាងមុខ
ផ្សារទំនើប Big C គ្រោងនឹងពង្រីកសាខារាប់រយបន្ថែមទៀត នៅរាជធានីភ្នំពេញ បាត់ដំបង សៀមរាប និងខេត្តក្រុងសំខាន់ៗដទៃ ក្នុងរយៈពេល ៥ ឆ្នាំខាងមុខនេះ។ គម្រោងពង្រីកសាខារាប់រយបន្ថែមនេះ ធ្វើឡើងបន្ទាប់ពីក្រុមហ៊ុន Big C បានបើកដំណើរការ Mini Big C នៅរាជធានីភ្នំពេញ កាលពីដើមខែកញ្ញា។ លោក Gary Hardy នាយកប្រតិបត្តិការ នៃ Big C លើកឡើងថា Big C មានបំណងចង់ក្លាយជាផ្សារទំនើបលក់រាយឈានមុខគេនៅកម្ពុជា ទាំងតម្លៃ ទំហំ និង ការគាំទ្រពីអតិថិជនកម្ពុជា។ នេះបើយោងតាមកាសែត Bangkok Post ចេញផ្សាយកាលពីថ្ងៃទី១១ ខែកញ្ញា។ លោក Gary Hardy លើកឡើងថា ក្រុមហ៊ុន គ្រោងនឹងបើកហាង Big C រាប់រយ ដែលមានទំហំ ខុសៗគ្នា ទាំងផ្សារទំនើបខ្នាតធំ ផ្សារទំនើបធម្មតា និង […]
អានបន្ថែម
ផ្សារទំនើបល្បី Tesco Lotus កំពុងសម្លឹងចង់មកបើកសាខានៅកម្ពុជា
ផ្សារទំនើបខ្នាតធំ Tesco Lotus ឬ Lotus’s របស់ប្រទេសថៃ មានផែនការចង់មកបើកសាខានៅកម្ពុជា ខណៈបច្ចុបន្នក្រុមហ៊ុននេះ កំពុងសម្លឹងរកទីតាំងដីនៅទីក្រុងភ្នំពេញដើម្បីសង់ផ្សារមួយនេះ។ បើយោងតាមប្រភពពីក្រុមប្រឹក្សាធុរកិច្ចកម្ពុជានៅប្រទេសថៃ ផែនការចង់ឈានជើងចូលកម្ពុជានេះ គឺក្រោយឃើញភាពជោគជ័យរបស់ផ្សារទំនើបផ្សេងៗទៀតពីប្រទេសថៃដែលបានបើកនៅកម្ពុជាដូចជា ផ្សារ Makro ផ្សារ Big-C និង 7-Eleven ជាដើម។ គួរបញ្ជាក់ថា ផ្សារទំនើប Tesco Lotus នេះ ជាបុត្រសម្ព័ន្ធរបស់ CP Group ដែលជាផ្សារល្បីឈ្មោះមួយ និងមានសាខាប្រមាណ ២ពាន់សាខានៅប្រទេសថៃ។ ផ្សារនេះត្រូវបានដូរឈ្មោះទៅផ្សារទំនើប Lotus’s កាលពីឆ្នាំ២០២០។ ជាទូទៅផ្សារនេះនឹងមានទីតាំងនៅជាយៗទីក្រុង ដើម្បីទាក់ទាញអតិថិជន ដោយសារមានមធ្យោបាយដឹកជញ្ជូនងាយស្រួល។ យ៉ាងណាក្ដី Tesco Lotus មិនទាន់បានបញ្ជាក់ពីផែនការច្បាស់លាស់នៅឡើយទេ ដោយនេះគ្រាន់តែជាការបង្ហើបគោលបំណងត្រួសៗប៉ុណ្ណោះ។
អានបន្ថែម
ម្ចាស់ផ្សារទំនើបនានា បន្តប្ដូរយុទ្ធសាស្រ្តទីផ្សារថ្មីៗជាបន្តបន្ទាប់ ដើម្បីរក្សាលំនឹងអាជីវកម្ម
អត្ថបទដោយលោក Eric Wong Chon Lap វិស័យផ្សារទំនើបនៅកម្ពុជា បន្តរងសម្ពាធ និងជួបផលលំបាកក្នុងការទ្រទ្រង់អាជីវកម្ម ដោយសារវិបត្តិកូវីដ និងការធ្លាក់ចុះនៃការចំណាយរបស់ប្រជាជនទូទៅ។ និន្ននាអវិជ្ជមាននេះត្រូវបានព្យាករថា នឹងនៅតែបន្តនៅត្រីមាសបន្តបន្ទាប់ក្នុងឆ្នាំ២០២១ នេះ។ ដោយសារចំនួនករណីឆ្លងប្រចាំថ្ងៃនៅកម្ពុជាកើនឡើងជាលំដាប់ ម្ចាស់អាជីវកម្មផ្សារទំនើបទាំងអស់ក៏បាន និងកំពុងចាត់វិធានការណ៍ និងយុទ្ធសាស្ត្រថ្មីៗជាច្រើន ដើម្បីបន្ដស្ដារអាជីវកម្មរបស់ពួកគេឱ្យដំណើរការទៅមុខឱ្យបាន។ ជាក់ស្ដែងឃើញថា ក្នុងអំឡុងពេលនេះ ម្ចាស់ផ្សារទំនើបជាច្រើន ត្រូវបង្ខំចិត្តបញ្ចុះតម្លៃតូបជួល ដើម្បីបញ្ជៀសហានិភ័យគ្មានអ្នកជួល ហើយទុកតូបនៅទំនេរ។ អ្នកអភិវឌ្ឍផ្សារទំនើបខ្លះទៀត បង្ខំចិត្តបញ្ឈប់ ឬពន្យារផែនការវិនិយោគរបស់ពួកគេ ហើយងាកមកអនុវត្តគោលនយោបាយសន្សំសំចៃ ដូចជាការបិទហាងដែលមិនសូវចំណេញ និងការផ្លាស់ប្តូរគំរូអាជីវកម្មជាដើម។ ដោយឡែក សម្រាប់ម្ចាស់ផ្សារទំនើបខ្លះទៀត ឆ្លៀតយកឱកាសនេះ ដើម្បីពង្រឹងសក្ដានុពលផ្សាររបស់ពួកគេ។ ឧទាហរណ៍ដូចជា ក្រុមហ៊ុន AEON Mall (Cambodia) ទោះក្នុងអំឡុងវិបត្តិកូវីដក្ដី ក៏បានទាញយកប្រេនអន្តរជាតិល្បីៗថ្មីៗជាច្រើនចូលមកផ្សារទំនើបអ៊ីអន១ របស់ខ្លួន ដូចជាប្រេន Calvin Klein, Champion និង Michael Kors ជាដើម។ លើសពីនេះ ផ្សារទំនើបអ៊ីអន១ ក៏បានពង្រីកជាន់ផ្ទាល់ដី ២៧ ០០០ […]
អានបន្ថែម
តើការសាងសង់អគារក្នុងដីឡូតិ៍ត្រូវសល់ដីជុំវិញប៉ុន្មានម៉ែត្រ ទើបស្របតាមច្បាប់?
ម្ចាស់ដីឡូតិ៍ ឬដីទូទៅ ជាច្រើនតែងគិតថា ឱ្យតែស្ថិតនៅក្នុងព្រំដីរបស់ខ្លួន គឺអាចសង់សំណង់ពេញដីកម្រិតណាក៏បាន ប៉ុន្តែតាមច្បាប់គឺមិនត្រឹមត្រូវនោះទេ។ សម្រាប់សំណង់ខ្លះ គឺតម្រូវឱ្យសល់ដីជុំវិញសំណង់ពីព្រំដីក្នុងគម្លាតជាក់លាក់ណាមួយ។ មកស្វែងយល់ទាំងអស់គ្នា។ គ្រប់សំណង់ដែលតម្រូវឱ្យសុំលិខិតអនុញ្ញាតសាងសង់ គឺត្រូវតែទុកគម្លាតពីព្រំដី ពិសេសសម្រាប់ដីឡូតិ៍ ឬដីដែលមានទីតាំងនៅក្នុងរាជធានី ក្រុង និងទីប្រជុំជន។ បើតាមអនុក្រឹត្យលេខ ៤២ អនក្រ.បក ស្តីពីនគរូបនីយកម្ម រាជធានី ខេត្ត និងទីប្រជុំជន បានកំណត់គម្លាតរវាងព្រំដី និងសំណង់អគារ ដូចខាងក្រោម៖ ១. អគារកម្ពស់ទាប ជាន់ផ្ទាល់ដី ដល់ជាន់ទី២៖ ទុកធ្លាគម្លាតខាងមុខយ៉ាងតិច ៤ម៉ែត្រ (អាចត្រឹម ២ម៉ែត្រ ក្នុងករណីចាំបាច់នៃតំបន់ពាណិជ្ជកម្ម និងតំបន់ចម្រុះ) ដោយឡែក ត្រូវទុកធ្លាគម្លាតខាងក្រោយ និងចំហៀងសងខាងយ៉ាងតិច ២ម៉ែត្រ។ ២. អគារកម្ពស់មធ្យម -កម្ពស់ចាប់ពីជាន់ទី៣ ដល់ជាន់ទី៨៖ ទុកធ្លាគម្លាតខាងមុខយ៉ាងតិច ៤ម៉ែត្រ (អាចត្រឹម ២ម៉ែត្រ ក្នុងករណីចាំបាច់នៃតំបន់ពាណិជ្ជកម្ម និងតំបន់ចម្រុះ)។ ដោយឡែក ធ្លាគម្លាតខាងក្រោយ និងចំហៀងសងខាងត្រូវទូកយ៉ាងតិច ២ម៉ែត្រ។ -កម្ពស់ចាប់ពីជាន់ទី៩ ដល់ជាន់ទី១១៖ […]
អានបន្ថែម
ផ្សារទំនើបលក់សម្ភារតុបតែងផ្ទះ និងសង្ហារិមខ្នាតយក្សថ្មីមួយបើកដំណើរហើយ
ផ្សាទំនើប Design Village ដែលជាវិនិយោគរួមក្រុមហ៊ុនធំៗ ២ នៃប្រទេសថៃ SCG និង Boonthavorn បើកដំណើរការហើយ នៅលើបណ្ដោយផ្លូវ ១០០៣ ក្នុងសង្កាត់សែនសុខ នៅថ្ងៃទី ៩ កញ្ញា ២០២១នេះ។ ផ្សារទំនើប Design Village នេះ នឹងក្លាយជាផ្សារដំបូង និងនាំមុខគេនៅកម្ពុជា ដែលលក់ផលិតផល និងផ្តល់សេវាពេញលេញគ្រប់ជ្រុងជ្រោយទាក់ទងនឹងផ្ទះ សម្រាប់ការរចនាខាងក្នុង និងខាងក្រៅ ឬហៅថា home & living one-stop shop។ ផ្សារនេះទៀតសោត គឺជាផ្សារល្បីល្បាញមួយនៅប្រទេសថៃ ដែលមានបទពិសោធន៍ក្នុងវិស័យនេះជាច្រើនឆ្នាំ។ ផ្សារ Design Village លាតសន្ធឹងនៅលើផ្ទៃក្រឡា ១២ ០០០ ម៉ែត្រការ៉ ដោយនឹងមាន លក់ផលិតផលជាច្រើន ដូចជា ចង្រ្កានបាយ ឥដ្ឋការ៉ូ បន្ទប់ទឹក គ្រឿងសង្ហារឹម ប្រព័ន្ធភ្លើងអំពូល និងទីធ្លាសម្រាប់អាហាររដ្ឋាន និងការិយាល័យក្នុងផ្ទះ ជាដើម។ បន្ថែមពីនេះ […]
អានបន្ថែម
បុរីហ្គោលដេនផាក បើកសម្ពោធការិយាល័យលក់ថ្មីលើផ្លូវ៦អា សម្រាប់គម្រោងដឹណេតឆឺរ៉ល
អត្ថបទផ្សព្វផ្សាយ បុរី ហ្គោលដេន ផាក កាលពីថ្ងៃ ៨ កញ្ញា កន្លងទៅ បានបើកសម្ពោធជាផ្លូវការនូវការិយាល័យលក់ថ្មីនៅលើផ្លូវជាតិលេខ ៦អា ក្នុងតំបន់ជ្រោយចង្វារ ដើម្បីបង្កើនភាពងាយស្រួលជូនដល់អតិថិជនក្នុងការមកទស្សនាទីតាំងការដ្ឋានដោយផ្ទាល់នៃគម្រោង ដឹណេតឆឺរ៉ល ។ ការិយាល័យលក់ថ្មីនេះ ស្ថិតនៅគល់ស្ពានទី ៩ ចំណាយពេលត្រឹមតែ ៣នាទី ពីផ្លូវលីយ៉ុងផាត់ និង ១២នាទី ពីស្ពានជ្រោយចង្វារប៉ុណ្ណោះ។ ដើម្បីអបអរពិធីសម្ពោធជាការិយាល័យលក់ 6A ថ្មីនេះ បុរីហ្គោលដេន ផាក ក៏នឹងផ្តល់ជូនអតិថិជននូវតម្លៃផ្ទះចាប់ ៨ ម៉ឺនដុល្លារ ជាមួយការបញ្ចុះតម្លៃដល់ទៅ ១២%។ លើសពីនេះ អតិថិជនអាចបង់ ២០% នៃតម្លៃផ្ទះ ដោយគ្មានប្រាក់កក់ និង គ្មានការប្រាក់ រយៈពេល ៣០ខែ។ ប្រម៉ូសិនគឺមានត្រឹម ២ សប្តាហ៍ប៉ុណ្ណោះ គិតចាប់ពីថ្ងៃបើកសម្ពោធនេះតទៅ។ គួរបញ្ជាក់ថា គម្រោង ដឹណេតឆឺរ៉ល របស់បុរី ហ្គោលដេន ផាក ជាគម្រោងអភិវឌ្ឍលំនៅឋានបែបសហគមន៍ធម្មជាតិបៃតងមួយដែលកំពុងសាងសង់នៅលើផ្ទៃដីជិត ៥០ហិកតា មានសួនធម្មជាតិដ៏ធំទំហំ […]
អានបន្ថែម
អាមេរិកបន្តពង្រីកទីផ្សារមកកម្ពុជា ថ្មីៗនេះបើកឱ្យខ្មែរទិញផ្ទះនៅទីក្រុង Miami បានតាមអនឡាញ
ក្រុមហ៊ុនអចលនទ្រព្យធំៗ ២ របស់អាមេរិក Golden Gate Global និង Lennar Home បន្តសហការជាមួយក្រុមហ៊ុនក្នុងស្រុក Isaford Co Ltd ដើម្បីពង្រីកសក្ដានុពលទីផ្សារ និងទាក់ទាញវិនិយោគិនបន្ថែមពីកម្ពុជា ខណៈក្រុមហ៊ុនទាំង ៣ ទើបបើកឱ្យខ្មែរអាចទិញគេហដ្ឋានក្នុងគម្រោងថ្មីស្រឡាងមួយនៅក្នុងទីក្រុង Miami នៃរដ្ឋ Florida បាន។ ក្នុងអំឡុងកូវីដ១៩ ដូច្នេះ សម្រាប់វិនិយោគិនដែលមិនចង់ធ្វើដំណើរទៅមើលផ្ទះដោយខ្លួនឯង ក្រុមហ៊ុនទាំង ៣ ក៏មានផ្ដល់សេវាគ្រប់ជ្រុងជ្រោយសម្រាប់វិនិយោគិន ដោយប្រតិបត្តិការគ្រប់យ៉ាងអាចធ្វើបានតាមប្រព័ន្ធអនឡាញ និងមិនចាំបាច់ចំណាយពេលរត់ឯកសារដោយខ្លួនឯងនោះទេ។ គម្រោងថ្មីនេះ មានឈ្មោះថា Via Ventura ដែលជាគម្រោងថ្មីស្រឡាងមួយក្នុងចំណោមគម្រោងគេហដ្ឋានជាង ១៣០០ គម្រោង នៅ ២១រដ្ឋ ដែលអ្នកវិនិយោគកម្ពុជាអាចជ្រើសរើសវិនិយោគបាន។ ចំណុចពិសេសរបស់គម្រោង Via Ventura គឺទីតាំងដែលសិ្ថតនៅចំកណ្ដាលក្រុង Miami ជាមួយនឹងស្ថាបត្យកម្មផ្ទះបែបទំនើប និងបរិក្ខារប្រើប្រាស់បែបយ៉ាង ដែលសាកសមទាំងសម្រាប់រស់នៅ និងសម្រាប់វិនិយោគ។ គម្រោងនេះត្រូវបានសាងសង់នៅជុំវិញបឹង នឹងហ៊ុមព័ទ្ធដោយព្រៃឈើបៃតង សួនច្បារ និងផ្លូវតភ្ជាប់ទៅនឹងឆ្នេរខ្សាច់។ លើសពីនេះ គម្រោងក៏មានសេវាកម្មដ៏សំបូរបែបផ្សេងទៀត […]
អានបន្ថែម
ជីប ម៉ុងបង្ហើបចំណុចពិសេសនៃស្ថាបត្យកម្ម វិស្វកម្ម និងបរិក្ខារក្នុងផ្សារទំនើបលើផ្លូវ២៧១
អត្ថបទផ្សព្វផ្សាយ ផ្សារទំនើបដ៏ធំស្កឹមស្កៃ ជីប ម៉ុង មេហ្គាម៉ល ២៧១ នៅតាមបណ្តោយផ្លូវ២៧១ ក្នុងរាជធានីភ្នំពេញ បានប្រើប្រាស់គ្រឿងបរិក្ខារល្អៗតាមបែបស្តង់ដារអន្តរជាតិ ដែលនឹងផ្តល់នូវគុណភាពសំណង់ដ៏រឹងមាំ សុវត្ថិភាពខ្ពស់ និងភាពងាយស្រួលជូនដល់ដៃគូពាណិជ្ជកម្ម និងអតិថិជន។ នេះបើតាមការឲ្យដឹងពី លោក Arnaud Dufresne អគ្គនាយកក្រុមហ៊ុន ជីប ម៉ុង រីថែល នៅថ្ងៃទី ០៦ ខែកញ្ញា ឆ្នាំ២០២១។ ផ្សារទំនើបខ្នាតយក្សមួយនេះ ជាគម្រោងវិនិយោគដ៏ធំមួយលាតសន្ធឹងលើផ្ទៃដីប្រមាណជាង ៥ហិកតា ដែលមានទីតាំងសម្រាប់ជួលរហូតដល់ទៅ ២៥០ និងមានទីធ្លាយ៉ាងធំទូលាយសម្រាប់បង្កើតកម្មវិធីកម្សាន្តដ៏សម្បូរបែប។ បច្ចុប្បន្ន ផ្សារទំនើបតម្លៃរាប់លានដុល្លារមួយនេះកំពុងដំណើរការសាងសង់យ៉ាងសកម្មត្រៀមដាក់ឲ្យដំណើរការក្នុងឆ្នាំ ២០២២ ខាងមុខនេះ។ លោក Arnaud Dufresne មានប្រសាសន៍យ៉ាងដូច្នេះថា៖ «យើងគឺជាក្រុមហ៊ុនមួយរបស់ក្រុមហ៊ុន ជីប ម៉ុង ដែលផ្តល់តម្លៃខ្ពស់ទៅលើគុណភាពសំណង់ សុវត្ថិភាព និងភាពងាយស្រួលដល់ដៃគូពាណិជ្ជកម្ម និងអតិថិជន ដូច្នេះហើយយើងបានសម្រិតសម្រាំងយកគ្រឿងបរិក្ខារដែលល្អបំផុតតាមបែបស្តង់ដារអន្តរជាតិ សម្រាប់ផ្សារទំនើបរបស់យើង បើទោះបីជាយើងត្រូវចំណាយច្រើនក្តី»។ តាមការបញ្ជាក់របស់លោក Arnaud Dufresne ក្រុមហ៊ុនបានជ្រើសរើសប្រព័ន្ធបរិក្ខារ MEP (មេកានិក […]
អានបន្ថែម
រដ្ឋបើកភ្លើងខៀវលើគម្រោងវារីវប្បកម្មទំហំ ៣៦៩ហិកតា និងកំពង់ផែថ្មី១ នៅស្រុកស្រែអំបិល កោះកុង
គម្រោងបង្កើតវារីវប្បកម្មក្តាមទំហំ ៣៦៩ហិកតា និងគម្រោងសាងសង់កំពង់ផែខ្នាតតូចមួយ ដែលនឹងលេចរូបរាង នៅក្នុងស្រុកស្រែអំបិល ខេត្តកោះកុងក្នុងពេលឆាប់ៗខាងមុខនេះ ខណៈបច្ចុប្បន្នក្រុមការងារអន្តរក្រសួងកំពុងសិក្សា និងវាយតម្លៃដីជាក់ស្តែង មុននឹងសម្រេចជួលឱ្យឯកជនជាផ្លូវការ។ នេះបើតាមកិច្ចប្រជុំរបស់រដ្ឋបាលខេត្តកោះកុង ផ្សព្វផ្សាយសេចក្តីសម្រេចស្តីពីការបង្កើតក្រុមការងារអន្តរក្រសួង កាលពីថ្ងៃទី៤ ខែកញ្ញា ឆ្នាំ២០២១។ អភិបាលរងខេត្តកោះកុង លោក អ៊ុក ភ័ក្រ្តា បានឱ្យដឹងថា ការបង្កើតក្រុមការងារអន្តរក្រសួង ធ្វើឡើងក្រោយរដ្ឋាភិបាលអនុញ្ញាតឱ្យឯកជនវិនិយោគលើគម្រោងទាំង ២ នេះ លើដីសាធារណៈរបស់រដ្ឋ។ ក្រោយចុះពិនិត្យទីតាំងជាក់ស្តែង លោក អ៊ុក ភ័ក្រ្តាក៏បានណែនាំអោយតំណាងក្រុមហ៊ុនទាំង ២ ឱ្យរៀបចំផែនការវិនិយោគពេញលេញឱ្យបានរួចរាល់ និងបោះបង្គោលព្រំអោយបានច្បាស់លាស់។ «បន្ទាប់មក ទើបក្រុមការងារអន្តរក្រសួង នឹងចុះមកពិនិត្យ សិក្សា និងវាយតម្លៃលើការជួលដី ដែលជាសម្បត្តិរបស់រដ្ឋនេះឱ្យបានជាក់លាក់ម្ដងទៀត។ ចំណែកស្ថាប័នសំខាន់ក្នុងការវាយតម្លៃការជួលដីរដ្ឋនេះគឺជាសមត្ថកិច្ចរបស់ក្រសួងសេដ្ឋកិច្ច និងហិរញ្ញវត្ថុ» លោកបានបន្ត។ គួរបញ្ជាក់ថា គម្រោងទាំង២នេះ រំពឹងថានឹងជួយលើកកម្ពស់កម្រិតជីវភាពប្រជាជនមូលដ្ឋាន និងលើកស្ទួយសេដ្ឋកិច្ចជាតិថែមទៀតផង៕
អានបន្ថែម