ព័ត៌មានអចលនទ្រព្យ
ហេតុអ្វីបានជាគេនិយមទៅបើកហាងលក់ម្ហូបអាហារនៅFood Court ក្នុងផ្សារទំនើប? ចំណេញខ្លាំងឬយ៉ាងណា?
តូបអាជីវកម្មលក់ម្ហូបអាហារនៅក្នុងផ្សារទំនើប ឬនិយមហៅថា Food Court បាន និងកំពុងក្លាយជានិន្នាការវិនិយោគដែលកំពុងពេញនិយមថ្មីមួយ សម្រាប់ម្ចាស់អាជីវកម្មជាច្រើន។ សង្កេតឃើញថា នៅតាមផ្សារទំនើបនានា Food Court តែងតែមានមនុស្សជាច្រើនជុំៗគ្នាស្ទើគ្រប់ពេល។ តើអ្នកឆ្ងល់ទេថាហេតុអ្វី? Food Court គឺជាទីតាំងមួយក្នុងផ្សារទំនើបដែលបើកឱ្យម្ចាស់អាជីវកម្មបើកហាងលក់ម្ហូបអាហាររួមគ្នាជាច្រើនតូប។ ខុសគ្នាពីភោជនីយដ្ឋានដែលបើកដាច់ៗពីគ្នា Food Court មានអ្នកលក់ច្រើនអ្នកតែនៅកន្លែងតែមួយ និងគ្របគ្រងដោយប្រព័ន្ធតែមួយ។ ដោយសារតែ Food Court ជាទូទៅផ្ដល់សេវាកម្មរហ័ស មានជម្រើសច្រើន និងមានតម្លៃសមរម្យនេះ ទើបធ្វើឱ្យមានមនុស្សជាច្រើនដែលទៅដើរផ្សារទំនើប ហើយមិនចង់ចូលភោជនីយដ្ឋានធំៗ តែងាកមកចូល Food Court វិញ។ កត្តានេះ បានធ្វើឱ្យអាជីវកម្ម Food Court កំពុងរីកដុះដាល់ជាបន្តបន្ទាប់ក្នុងទីផ្សារកម្ពុជា។ លើសពីនេះ ការប្រកបអាជីវកម្ម Food Court គឺជាយុទ្ធសាស្រ្តឈ្នះឈ្នះសម្រាប់គ្រប់ភាគី ដែលពាក់ព័ន្ធ ទាំងអ្នកបើកតូបលក់អាហារផ្ទាល់ ទាំងអ្នកគ្រប់គ្រងFood Court ម្ចាស់ផ្សារទំនើប ។ ទី១ អ្នកបើកតូបលក់អាហារផ្ទាល់ មានភាពងាយស្រួល មិនបាច់ខ្វល់រឿង តុ កៅអី […]
អានបន្ថែម
ការថមថយនៃវិស័យអចលនទ្រព្យនៅតែជាកង្វល់របស់ADB ទោះសេដ្ឋកិច្ចអាចកើនឡើង៥,៤% នៅឆ្នាំ ២០២១ ក្ដី
របាយការណ៍ព្យាករណ៍ក្នុងខែធ្នូរបស់ធនាគារអភិវឌ្ឍន៍អាស៊ី (ADB) បានបង្ហាញថា កំណើនសេដ្ឋកិច្ចកម្ពុជាគឺនៅតែថយចុះ -៤% ដដែលសម្រាប់ឆ្នាំ ២០២០ តែអាចនឹងស្ទុះឡើងវិញទៅ ៥,៤% ក្នុងឆ្នាំ ២០២១ ។ ទោះយ៉ាងណា ការថមថយនៃវិស័យសំណង់ និងអចលនទ្រព្យនៅតែជាកង្វល់មួយ ក្នុងចំណោមហានិភ័យផ្សេងៗទៀតដែលADB បានលើកឡើង។ ការព្យាករណ៍ខែធ្នូនេះ គឺនៅដដែលបើប្រៀបធៀបទៅនឹងការព្យាករណ៍កាលពីខែកញ្ញា របស់ស្ថាប័ននេះ។ ADB ក៏បានលើកឡើងទៀតថា ប្រទេសកម្ពុជាកំពុងធ្វើពិពិធកម្មសមត្ថភាពនាំចេញរបស់ខ្លួន ដែលនេះជាគន្លឹះសម្រាប់កំណើនសេដ្ឋកិច្ចនាពេលអនាគត។ ជាងនេះទៅទៀត កំណើនសេដ្ឋកិច្ចរបស់ប្រទេសកម្ពុជា គឺនឹងពឹងផ្អែកយ៉ាងខ្លាំងលើការបើកចំហពាណិជ្ជកម្ម និងការវិនិយោគ។ លោក David Freedman សេដ្ឋវិទូប្រចាំប្រទេសរបស់ ADB ប្រចាំប្រទេសកម្ពុជា ក៏បានចង្អុលបង្ហាញថា ទោះបីមានការព្យាករណ៍វិជ្ជមាននៅឆ្នាំ ២០២១ ក៏ដោយ ហានិភ័យក៏នៅតែមាន។ ដកស្រង់សំដីចេញពីកាសែតខ្មែរថាមស៍ លោកបានឱ្យដឹងថា ហានិភ័យទាំងនោះរួមមានការងើបឡើងវិញយឺតនៃតម្រូវការទេសចរណ៍ និងតម្រូវការអ្នកប្រើប្រាស់ ការធ្លាក់ចុះនៃវិស័យសំណង់និងអចលនទ្រព្យ ការកើនឡើងនូវភាពក្រីក្រ បំណុលគ្រួសារ កង្វះជំនាញ និងហានិភ័យមួយចំនួនទៀតដែលបណ្តាលមកពីការប្រែប្រួលអាកាសធាតុ។
អានបន្ថែម
កម្ពុជាដណ្តើមបានពានរង្វាន់ធំៗ២ ពីកម្មវិធី PropertyGuru Asia Property Awards ឆ្នាំ២០២០
ក្នុងចំណោមជ័យលាភីទាំង ៣៥ ដែលមកពីសឹងគ្រប់ប្រទេសក្នុងទ្វីបអាស៊ី ប្រទេសកម្ពុជាក៏បានទទួលពានរង្វាន់ធំៗ ចំនួន២ ផងដែរ ពីកម្មវិធីអចលនទ្រព្យឆ្នើមប្រចាំតំបន់ ឬ PropertyGuru Asia Property Awards លើកទី ១៥ ប្រចាំឆ្នាំ ២០២០។ ជ័យលាភីទីមួយគឺ គម្រោង Urban Village និងគម្រោង Phnom Penh Factory របស់ក្រុមហ៊ុន Urban Hub (Cambodia) Co., Ltd ដែលទទួលបានពានរង្វាន់ “ការិយាល័យធ្វើការរួមល្អបំផុតនៅអាស៊ី” ឬ Best Co-Working Space (Asia)។ ទន្ទឹមនឹងនេះអ្នកឈ្នះមួយទៀត គឺ ផ្សារទំនើប PH Eco Mall របស់ក្រុមហ៊ុន ប៉េង ហួត គ្រុបដែលទទួលបានពានរង្វាន់ ការរចនាស្ថាបត្យកម្មផ្សារទំនើបល្អបំផុតនៅអាស៊ី ឬ Best Retail Architectural Design (Asia)។ កម្មវិធី […]
អានបន្ថែម
ត្រឹមព្រឹកថ្ងៃទី៨ធ្នូ ក្រុមហ៊ុនអចលនទ្រព្យធំៗបរិច្ចាគថរិកា១៦លានដុល្លារ ទិញវ៉ាក់សាំង
គិតត្រឹមម៉ោង ១០ ព្រឹក ថ្ងៃទី ៨ ធ្នូ ក្រុមហ៊ុនអចលនទ្រព្យធំៗ ក្នុងស្រុកចំនួន ៦ បានបរិច្ចាគទឹកប្រាក់សរុបប្រមាណ ១៦ លានដុល្លារ ដល់រដ្ឋាភិបាលក្នុងការទិញវ៉ាក់សាំងកូវីដ ១៩។ ក្រុមហ៊ុន អចលនទ្រព្យធំៗ មានដូចខាងក្រោម៖ អ្នកឧកញ៉ា ចេន ហ្ស៊ី ជាម្ចាស់ និងជាប្រធានក្រុមប្រឹក្សាភិបាលធនាគារ ព្រីនស៍ ដែលជាក្រុមហ៊ុនបុត្រសម្ព័ន្ធមួយនៃក្រុមហ៊ុន ព្រីនស៍ ហូលឌីងគ្រុប ក្រុមហ៊ុន ប៉េង ហួត (PENGHOUT) ក្រុមហ៊ុន ជីប ម៉ុង គ្រុប (CHIPMONG) អ្នកឧកញ៉ា ហុង ពីវ ម្ចាស់បុរីពិភពថ្មី អ្នកឧកញ៉ា គិត ម៉េង និងលោកជំទាវ (Royal Group) បរិច្ចាគទឹកប្រាក់ ៣ លានដុល្លា រៀងៗខ្លួន។ ជាមួយគ្នានេះ លោក ឧកញ៉ា ឡេង ណាវ៉ាត្រា បរិច្ចាគ […]
អានបន្ថែម
តើអ្នកត្រូវធ្វើដូចម្តេច ប្រសិនបើសំណង់មួយសាងសាង់លើពីច្បាប់អនុញ្ញាត?
មុននឹងធ្វើការសាងសង់សំណង់លើដីណាមួយ អ្នកត្រូវដាក់ពាក្យស្នើសុំលិខិតអនុញ្ញាតសាងសង់ពីអាជ្ញាធរមានសមត្ថកិច្ចជាមុនសិន។ ចុះបើអ្នកចង់ ឬជ្រុលសាងសង់សំណង់ណាមួយលើសកម្រិតដែលរដ្ឋកំណត់ ឬ ហៅថា ការសាងសង់លើសកម្រិតសន្ទស្សន៍ប្រើប្រាស់ដីអតិបរមាផ្លូវការ តើអ្នកត្រូវធ្វើដូចម្ដេច? កម្រិតសន្ទស្សន៍ប្រើប្រាស់ដីអតិបរមាផ្លូវការ គឺជាប្រភេទសន្ទស្សន៍ប្រើប្រាស់ដីដែលកំណត់ដោយរាជរដ្ឋាភិបាល តាមរយៈអនុក្រឹត្យលេខ៤២ អ.ន.ក្រ.បក ចុះថ្ងៃទី០៣ ខែមេសា ឆ្នាំ២០១៥ ស្តីពីនគរូបនីយកម្ម រាជធានី ក្រុង និងទីប្រជុំជន។ សន្ទស្សន៍ប្រើប្រាស់ដី ជាមេគុណកំណត់ពីលទ្ធភាពនៃការប្រើប្រាស់ដី ការអភិវឌ្ឍ ការអភិរក្ស និងការសាងសង់។ អគារមួយត្រៀមនឹងសាងសង់លើដីមួយកន្លែង គឺត្រូវគណនារកមើលមេគុណនៃសន្ទស្សន៍ប្រើប្រាស់ដីជាមុនសិន ថាតើវាលើសពីសន្ទស្សន៍ប្រើប្រាស់ដីផ្លូវការអតិបរមាដែរឬទេ។ របៀបនៃការគណនានេះ មានភ្ជាប់នៅក្នុងឧបសម្ព័ន្ធនៃប្រកាសលេខ២១៧ ប្រក.ដ.ន.ស ចុះថ្ងៃទី៣០ ខែធ្នូ២០១៥ ស្តីពីវិធានគណនាសន្ទស្សន៍ប្រើប្រាស់ដី។ ការប្រើប្រាស់សន្ទស្សន៍អតិបរមាផ្លូវការនេះ គឺប្រើទៅលើការសាងសង់អគារនៅក្នុងប្រភេទដីសម្រាប់សាងសង់ និងប្រភេទដីកម្រិតការសាងសង់ ហើយប្រភេទទាំងពីរនេះ មានកម្រិតសន្ទស្សន៍មិនដូចគ្នាទេ។ តួយ៉ាង សន្ទស្សន៍ប្រើប្រាស់ដីអតិបរមាសម្រាប់ប្រភេទដីកម្រិតការសាងសង់នៅទីក្រុង ត្រូវកំណត់១,៥ (មួយកន្លះ)។ (អានបន្ថែម) បើការសាងសង់មួយដែលលើសកម្រិតសន្ទស្សន៍ប្រើប្រាស់ដីអតិបរមាផ្លូវការ តើត្រូវធ្វើដូចម្តេច? បើការសាងសង់មួយលើសពីកម្រិតសន្ទស្សន៍ប្រើប្រាស់ដីអតិបរមាផ្លូវការ ក្រសួងរៀបចំដែនដី នគរូបនីយកម្ម និងសំណង់ នឹងតម្រូវឱ្យម្ចាស់សំណង់ ត្រូវដាក់ពាក្យស្នើសុំលិខិតអនុញ្ញាតសាងសង់ ព្រមទាំងបង់ថ្លៃសេវាទៅលើផ្ទៃក្រឡាសំណង់ ដែលសាងសង់លើសកម្រិតសន្ទស្សន៍ប្រើប្រាស់ដីអតិបរមាផ្លូវការ។ ផ្ទៃក្រឡាសំណង់ដែលលើសកម្រិតសន្ទស្សន៍ប្រើប្រាស់ដីអតិបរមាផ្លូវការ គឺគិតចាប់ពី១០០ […]
អានបន្ថែម
តើប្រភេទដីអាចសាងសង់បាន និងដីកម្រិតការសាងសង់ គឺជាអ្វី? ខុសគ្នាយ៉ាងដូចម្ដេច?
ក្នុងការរៀបចំទីក្រុង ឬទីប្រជុំជនមួយ រាជរដ្ឋាភិបាលបានបែងចែកប្រភេទដីសម្រាប់ប្រើប្រាស់ ដើម្បីឱ្យមានសណ្តាប់ធ្នាប់ និងធានានូវសមធម៌នគរូបនីយកម្ម។ កន្លងមក គេបានឱ្យនិយមន័យនៃការអភិវឌ្ឍដី និងទម្រង់នៃការអភិវឌ្ឍដីទាំង១២ ចំណុចដែលទាមទារឱ្យមានលិខិតអនុញ្ញាតអភិវឌ្ឍដីជាមុនសិនពីអាជ្ញាធរមានសមត្ថកិច្ច។ (អានបន្ថែម) ដោយឡែក តាមរយៈអនុក្រឹត្យលេខ៤២ អនក្រ.បក ចុះថ្ងៃទី០៣ ខែមេសា ឆ្នាំ២០១៥ ស្តីពីនគរូបនីយកម្ម រាជធានី ក្រុង និងទីប្រជុំជន រាជរដ្ឋាភិបាល បានកំណត់ប្រព័ន្ធផែនការប្រើប្រាស់ដីនៅក្នុងប្រទេសកម្ពុជាជា ២ ប្រភេទសំខាន់ៗ គឺប្រភេទដីអាចសាងសង់បាន និងប្រភេទដីកម្រិតការសាងសង់។ តើប្រភេទទាំង ២ នេះខុសគ្នាយ៉ាងណាខ្លះ? ក. ប្រភេទដីអាចសាងសង់បាន គឺប្រភេទដីដែលជំរុញឱ្យមានការអភិវឌ្ឍ និងការសាងសង់លើគ្រប់វិស័យ។ ប្រភេទដីអាចសាងសង់បាន ត្រូវបានបែកចែកជា ១០ តំបន់ធំៗ ដូចជា៖ ១. តំបន់លំនៅឋាន ៖ – តំបន់លំនៅឋានដាច់ពីគ្នាកម្ពស់ទាប៖ សម្រាប់សាងសង់អគារលំនៅឋានដែលមានទំហំតូចជាង ឬស្មើនឹង៥០% នៃដីឡូតិ៍ ហើយមានកម្ពស់ចាប់ពីជាន់ផ្ទាល់ដី ដល់ជាន់ទី២។ – តំបន់លំនៅឋានជាប់គ្នាកម្ពស់ទាប៖ សម្រាប់សាងសង់អគារលំនៅឋាន ឬផ្ទះល្វែងដែល មានជញ្ជាំងជាប់គ្នា និងមានកម្ពស់ជាអតិបរមា១២ ម៉ែត្រ។ […]
អានបន្ថែម
សណ្ឋាគារ Hyatt Regency ដំបូងបង្អស់នៅភ្នំពេញនឹងបើកដំណើរការដើមឆ្នាំក្រោយ
សណ្ឋាគារផ្កាយប្រាំតម្លៃជិត ២០០ លានដុល្លារ Hyatt Regency Phnom Penh គ្រោងនឹងបើកដំណើរការឆាប់ៗនៅដើមឆ្នាំក្រោយ ខណៈក្រុមហ៊ុនជីបម៉ុងគ្រុប ដែលជាម្ចាស់គម្រោងទើបតែធ្វើពិធីសែនក្រុងពាលីកាលពីថ្មីៗនេះ។ ពិធីសែនក្រុងពាលីសណ្ឋាគារលំដាប់ផ្កាយប្រាំនេះ ធ្វើឡើងកាលពីថ្ងៃទី ២៦ វិច្ឆិកា នេះ ដោយមានមានចូលរួមពីថ្នាក់ដឹកនាំជាន់ខ្ពស់ក្រុមហ៊ុន ជីប ម៉ុង រួមមាន លោកជំទាវអ្នកឧកញ៉ា ភាព ហៀក អ្នកឧកញ៉ា លាង ឃុន និងអ្នកឧកញ៉ា លាង ម៉េង។ អ្នកគ្រប់គ្រងទូទៅនៃសណ្ឋាគារ Hyatt Regency Phnom Penh លោក Herman Kemp ធ្លាប់បានបញ្ជាក់ថានៅគម្រោង ការសាងសង់បានបញ្ចប់ ១០០ភាគរយហើយ។ «សណ្ឋាគារនឹងបើកទ្វារនៅត្រីមាសទី១ ឆ្នាំ២០២១ ដោយមានបន្ទប់ភ្ញៀវចំនួន ២៤៧បន្ទប់ ទីធ្លាប្រើប្រាស់ចម្រុះ និងបន្ទប់សិក្ខាសាលាចំនួន ៩កន្លែង បារ និងភោជនីយដ្ឋានដែលមានមុខម្ហូបទាំងក្នុងស្រុក និងក្រៅស្រុកជាច្រើនប្រភេទ» លោក Herman បានបញ្ជាក់។ សណ្ឋាគារ Hyatt Regency […]
អានបន្ថែម
ម្ចាស់គម្រោងអលចនទ្រព្យធំៗបើកធនាគារផ្ដល់កម្ចីដោយខ្លួនឯង៖ ជាឱកាស ឬហានិភ័យ?
ប៉ុន្មានឆ្នាំចុងក្រោយនេះ ម្ចាស់គម្រោងធំៗមួយចំនួន មិនត្រឹមតែអភិវឌ្ឍអចលនទ្រព្យនោះទេ តែក៏បានចាប់ផ្ដើមបើកធនាគារផ្ទាល់ខ្លួន ឧទាហរណ៍ដូចជា ធនាគារ ជីប ម៉ុង និងធនាគារ ព្រីនស៍ ជាដើម សុទ្ធសឹងជារបស់អ្នកអភិវឌ្ឍធំៗ។ តើការបើកធនាគាររបស់អ្នកអភិវឌ្ឍន៍គម្រោងទាំងនេះ នឹងប៉ះពាល់ដល់ទីផ្សារអចលនទ្រព្យដូចម្ដេចខ្លះ? អ្នកជំនាញផ្នែកអចលនទ្រព្យ និងជានាយកប្រតិបត្តិក្រុមហ៊ុន Pointer លោក ងួន ឆាយលាង បានវិភាគថា ការបើកធនគារនេះគឺមានទាំងអត្ថប្រយោជន៍ និងហានិភ័យសម្រាប់ទីផ្សារ។ អត្ថប្រយោជន៍ចម្បង គឺការជំរុញចរន្តការទិញលក់អចលទ្រព្យឱ្យកាន់តែងាយស្រួល ឆាប់រហ័ស និងជួយឱ្យប្រជាជនទិញផ្ទះបាននៅងាយជាងមុន។ នៅពេលម្ចាស់គម្រោងមានធនាគារផ្ទាល់ខ្លួនបែបនេះ ការផ្ដល់កម្ចី គឺមិនស្មុគស្មាញដូចខ្ចីពីធនាគារផ្សេងឡើយ។ លោក ឆាយលាង បានឱ្យដឹងថា៖ «បើយើងខ្ចីធនាគារវាស្មុគស្មាញ ហើយអ្នកទិញផ្ទះខ្លះ គាត់ទិញផ្ទះដែលគេកំពុងសង់ អញ្ចឹងបើទៅខ្ចីធនាគារវាយ៉ាប់តិច ធនាគារអត់ចង់ឱ្យខ្ចី។ អញ្ចឹងហើយបានអ្នកអភិវឌ្ឍន៍គាត់បើកធនាគារខ្លួនឯង គឺដើម្បីជួយសម្រួលដល់ដំណើរការហ្នឹង»។ លោកបន្តថា៖ «អញ្ចឹង ចរន្តទិញលក់ក៏ល្អជាងមុន អ្នកខ្លះខ្ចីលុយពីធនគារផ្សេងមិនបាន គឺអាចខ្ចីពីធនគាររបស់ម្ចាស់គម្រោង។ នេះគឺជាការសម្រួលបន្ទុកមួយបានយ៉ាងច្រើន»។ ដោយឡែក ការបើកធនាគារនេះក៏នាំមកនូវហានិភ័យផងដែរ ពោលលុយគឺនៅប្រមូលផ្ដុំនៅកន្លែងតែមួយ គ្មានចរន្ត ដែលអាចនឹងប៉ះពាល់ធ្ងន់ដល់អ្នកទិញ ឬទីផ្សារទាំងមូល ក្នុងករណីដែលអ្នកអភិវឌ្ឍមានបញ្ហា។ លោកឆាយលាង បានឱ្យដឹងថា៖ […]
អានបន្ថែម
លោកRichard W. Davidson ត្រូវបានតែងតាំងជាប្រធានក្រុមប្រឹក្សាភិបាលក្រុមហ៊ុន Century 21 Cambodia
ស្ថាបនិកក្រុមហ៊ុន CENTURY 21 Cambodia លោកគុយ វ៉ាត កាលពីថ្មីៗនេះ បានប្រកាសតែងតាំងលោក Richard W. Davidson ជាប្រធានក្រុមប្រឹក្សាភិបាលនៃក្រុមហ៊ុន CENTURY 21 Cambodia ដើម្បីឆ្លើយតបនឹងគោលដៅ និងចក្ខុវិស័យក្នុងការក្លាយខ្លួនជាក្រុមហ៊ុនអចលនទ្រព្យឈានមុខគេនៅកម្ពុជា និងនៅទូទាំងអាស៊ីអាគ្នេយ៍។ លោក Davidson ធ្លាប់បានបម្រើការងារជាប្រធាន និងជានាយកប្រតិបត្តិឱ្យក្រុមហ៊ុនអចលនទ្រព្យ Century 21 Real Estate LLC (នៃការិយាល័យកណ្តាលដ៏ធំ) ដែលជាក្រុមហ៊ុនលំដាប់ពិភពលោកមានមូលដ្ឋាននៅអាមេរិក។ នៅ Century 21 Cambodia លោកមានភារកិច្ចអភិវឌ្ឍន៍ និងអនុវត្តយុទ្ធសាស្ត្រនានា ដើម្បីពង្រីកទីផ្សារអចលនទ្រព្យបន្ថែម និងពង្រីកវត្តមានរបស់ក្រុមហ៊ុននៅក្នុងប្រទេសកម្ពុជានិងទីផ្សារកំពុងរីកចម្រើនផ្សេងៗទៀតនៅក្នុងតំបន់អាស៊ីអាគ្នេយ៍។ លោក Davidson ដែលនឹងចាប់ផ្តើមកាន់តួនាទីថ្មីចាប់ពីឆ្នាំ ២០២០ នេះ បានបំពេញតួនាទីក្នុងការគ្រប់គ្រងការលូតលាស់នៃយីហោ CENTURY 21® ក៏ដូចជាមានតួនាទីជាប្រធានក្រុមហ៊ុន CENTURY 21 Everest Realty Group នៅរដ្ឋ Utah សហរដ្ឋអាមេរិក។ នៅទីនោះ […]
អានបន្ថែម
រដ្ឋអនុញ្ញាតឱ្យបើក សាលារៀន ស្ដាត និងកន្លែងកម្សាន្តផ្សេងៗវិញហើយ តែត្រូវប្រយ័ត្នជាងមុន
រដ្ឋាភិបាលកម្ពុជា កាលពីថ្មីនេះ បានប្រកាសអនុញ្ញាតឱ្យបើក សាលារៀន ស្ដាត សារមន្ទី រោងភាពយន្ត និងរៀបចំពិធីរៀបការវិញហើយ តែត្រូវមានវិធានការការពារប្រយ័ត្នជាងមុន។ បើយោងតាមសារសំឡេងពិសេសមួយរបស់សម្តេចនាយករដ្ឋមន្រ្តី ហ៊ុន សែន ដែលសារព័ត៌មាន Fresh News បានចេញផ្សាយពីថ្ងៃទី១៨ ខែវិច្ឆិកា ការអនុញ្ញាតិឱ្យកន្លែងដូចដែលរៀបរាប់ខាងលើបើកដំណើរការវិញគឺដើម្បីជំរុញដង្ហើមសេដ្ឋកិច្ច ក្រោយកន្លែងទាំងនេះត្រូវបានបិទក្រោយព្រឹត្តិការណ៍ «៣វិច្ឆិកា»។ (អានបន្ថែម) លើសពីនេះ សម្តេចតេជោ ហ៊ុន សែន បានប្រកាសថា ព្រឹត្តិការណ៍ «៣វិច្ឆិកា» បានបិទបញ្ចប់ហើយ បន្ទាប់ពីអ្នកប៉ះពាល់ផ្ទាល់ និងប្រយោលប្រមាណ ១,៤២២នាក់ ត្រូវបានធ្វើតេស្តរកមេរោគកូវីដ១៩ ជាលើកទី៤ ហើយមិនមាននរណាកើតមានជំងឺនេះនោះឡើយ។ សម្តេចបានមានប្រសាសន៍ថា សាលារៀននឹងចាប់ផ្ដើមបើកឡើងវិញនៅថ្ងៃទី ២៣ វិច្ឆិកា ហើយក៏បានបញ្ជាឱ្យអាជ្ញាធរមូលដ្ឋានចាប់ផ្ដើមបើកកន្លែងផ្សេងៗទៀត តាមការគួរនិងគោរពតាមការការណែនាំរបស់ក្រសួងសុខាភិបាលតែប៉ុណ្ណោះ។ សម្តេច បន្ថែមថា «ប្រយ័ត្ននៅតែប្រយ័ត្ន ក៏ប៉ុន្តែយើងមិនត្រូវបិទដង្ហើមសេដ្ឋកិច្ច និងចលនាសេដ្ឋកិច្ចសង្គមផ្សេងទៀតដែរទេ។ ត្រូវយកចិត្តទុកដាក់ដោះស្រាយបញ្ហាហ្នឹង ពិនិត្យមើលគ្រាន់តែជួយសម្រួល ដើម្បីរំលឹកឱ្យបងប្អូនជានិច្ចកាលឱ្យមានការប្រុងប្រយ័ត្ន ដូចជាការវាស់កម្តៅ ការលាងដៃ គម្លាតសុវត្ថិភាពជាដើម។ នេះជាតម្រូវការរបស់ប្រជាជនយើង ដែលត្រូវការរៀបការ»៕
អានបន្ថែម