ព័ត៌មានអចលនទ្រព្យ
សម្ដេចក្រឡាហោម ស ខេង បញ្ជាឲ្យម្ចាស់លំនៅដ្ឋានទាំងអស់រាយការណ៍វត្តមានជនបរទេសជាកំហិត
ក្នុងគោលបំណងពង្រឹងការគ្រប់គ្រងជនបរទេសដែលរស់នៅប្រទេសកម្ពុជា ឧបនាយករដ្ឋមន្ត្រីបានបញ្ជាឲ្យម្ចាស់លំនៅដ្ឋានទាំងអស់ធ្វើការរាយការណ៍អំពីវត្តមានជនបរទេសដែលស្នាក់នៅក្នុងលំនៅដ្ឋានរបស់ខ្លួនជាកំហិត។ ក្នុងលិខិតណែនាំដែលចុះហត្ថលេខាដោយ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កាលពីថ្ងៃសុក្រ ទី២០ បានបញ្ជាក់ថា ម្ចាស់ឬអ្នកកាន់កាប់លំនៅដ្ឋានគ្រប់ប្រភេទមិនថាជាជនជាតិខ្មែរឬបរទេសនោះទេ ត្រូវរាយការណ៍អំពីវត្តមានជនបរទេសដែលបានចូលមកស្នាក់នៅក្នុងទីតាំងរបស់ខ្លួន ដល់ប៉ុស្តិ៍នរគបាលរដ្ឋបាលឃុំ-សង្កាត់នៅក្នុងមូលដ្ឋាន មិនឲ្យលើសពីរយៈពេល ២៤ ម៉ោង។ សេចក្តីរាយការណ៍នេះ ត្រូវធ្វើឡើងតាមរយៈគំរូរបាយការណ៍ ឬប្រពន័្ធបច្ចេកវិទ្យាព័ត៌មានសម្រាប់ការគ្រប់គ្រងវត្តមានជនបរទេស ដែលរៀបចំដោយអគ្គនាយដ្ឋានអន្តោប្រវេសន៍ ដែលរួមបញ្ចូលព័ត៌មានមួយចំនួនដូចជា រយៈពេលស្នាក់នៅ រយៈពេលបន្តស្នាក់នៅ និងឧប្បទ្ធវហេតុនានាដែលកើតមានឡើងលើជនបរទេស។ ក្នុងនោះដែរ ម្ចាស់លំនៅដ្ឋានទាំងអស់ អាចសុំគំរូរបាយការណ៍ និងពាក្យស្នើសុំបង្កើតគណនីប្រើប្រាស់ប្រពន័្ធបច្ចេកវិទ្យាគ្រប់គ្រងជនបរទេសពីអគ្គនាយដ្ឋានអន្តោប្រវេសន៍។ លិខិតដដែលក៏បានបន្ថែមទៀតថា ម្ចាស់លំនៅដ្ឋានណាមិនបានរាយការណ៍នឹងត្រូវផ្តន្ទាទោសតាមបទបញ្ញត្តិដែលបានចែកនៅក្នុងច្បាប់។ គួរបន្ថែមថា សេចក្តីណែនាំនេះ គឺធ្វើឡើងបន្ទាប់ពីម្ចាស់លំនៅដ្ឋានមួយចំនួនមិនបានយល់អំពីកាតព្វកិច្ចរបស់ខ្លួន និងអនុវត្តទៅតាមច្បាប់។ ការគ្រប់គ្រងជនបរទេសឲ្យមានប្រសិទ្ធភាពខ្ពស់ គឺដើម្បីធានាការពារសន្តិសុខ សណ្តាប់ធ្នាប់សាធារណៈ សុវត្ថិភាពសង្គម និងសុវត្ថិភាពជនបរទេសដែលរស់នៅក្នុងប្រទេសកម្ពុជា។
អានបន្ថែម
សណ្ឋាគារលំដាប់ពិភពលោកពីអង់គ្លេសគ្រោងបើកសាខានៅកម្ពុជា
សណ្ឋាគារលំដាប់កំពូលមានឈ្មោះល្បីនៅប្រទេសអង់គ្លេស Yoo Hotels and Resorts គ្រោងបើកសាខាសណ្ឋាគាររបស់ខ្លួន នៅប្រទេសកម្ពុជា ដែលគម្រោងនេះគឺដើម្បីឆ្លើយតបទៅនឹងកំណើនទេសចរណ៍នៅក្នុងប្រទេសដែលកំពុងតែកើនឡើង។ យោងតាមគេហទំព័រព័ត៌មាន Hospitality Net សណ្ឋាគារ Yoo Hotels and Resorts នឹងពង្រីកសាខារបស់ខ្លួន នៅតំបន់អាស៊ីអាគ្នេយ៏ នៅក្នុងចន្លោះបីឆ្នាំ ទៅប្រាំឆ្នាំខាងមុខ។ គម្រោងនេះមានឈ្មោះថា “Yoo2 Lifestyle Brand” ដែលនឹងមានវត្តមានដំបូងគេនៅកម្ពុជា។ ប្រភពដដែលបន្តថា គម្រោងរបស់សណ្ឋាគារនេះ គឺគ្រោងបើកសាខាសណ្ឋាគារ និងកន្លែងកម្សាន្តរមណីដ្ឋាន យ៉ាងតិច ចំនួន២០កន្លែង នៅប្រទេសកម្ពុជា វៀតណាម ថៃ ឥណ្ឌូនេស៊ី និងហ្វីលីពីន។ លោកស្រី ខៃ ចិន្តា ប្រធានសមាគមសណ្ឋាគារកម្ពុជា យល់ឃើញថា កំណើនភ្ញៀវទេសចរបរទេសចូលក្នុងប្រទេសកម្ពុជា បានជំរុញឲ្យមានការវិនិយោគបន្ថែម លើសេវាស្នាក់នៅ។ លោកស្រីលើកឡើងថា ខណៈពេលដែលវិស័យទេសចរណ៍កំពុងតែកើនឡើង ហេដ្ឋារចនាសម្ព័ន្ធ រួមមានផ្នែកស្នាក់នៅ សណ្ឋាគារ និងភោជនីយដ្ឋានជាដើម នៅមិនទាន់ឆ្លើយតបទៅនឹងតម្រូវការនៅឡើយទេ។ លោកស្រី ខៃ ចិន្តា ថ្លែងថា៖ […]
អានបន្ថែម
ទុនវិនិយោគសំណង់កើនឡើងជាង៣ពាន់លានដុល្លារក្នុងរយៈពេល៦ខែដំបូងនៃឆ្នាំ២០១៩
ទុនវិនិយោគសំណង់បានកើនឡើងជាង ៣ ពាន់លានដុល្លារអាមេរិកក្នុងរយៈពេល៦ខែដំបូងនៃឆ្នាំ ២០១៩ ដែលបាននាំមុខដោយគម្រោងលំនៅដ្ឋាន និងពាណិជ្ជកម្ម នេះបើយោងតាមទិន្នន័យចុងក្រោយរបស់ក្រសួងរៀបចំដែនដី នគរូបនីយកម្ម និងសំណង់។ គិតត្រឹមខែមិថុនាឆ្នាំ ២០១៩ ក្រសួងបានអនុម័តគម្រោងសាងសង់ចំនួន ២០៤៧ គម្រោង ដោយមានទុនវិនិយោគប្រមាណជាង ៣.៣ ពាន់លានដុល្លារអាមេរិក ពោលគឺកើនឡើង ២៤.៥ ភាគរយគិតជាចំនួនគម្រោង និងកើនឡើង ៥៧.៥៧ ភាគរយគិតជាទុនវិនិយោគ នេះបើប្រៀបធៀបទៅនឹងគម្រោងចំនួន ១៦៤៣ និងទុនវិនិយោគ ២.១ ពាន់លានដុល្លារអាមេរិក ដែលបានអនុម័តក្នុងរយៈពេលដូចគ្នាកាលពីឆ្នាំមុន។ ក្នុងនោះដែរ គម្រោងលំនៅដ្ឋាន និងពាណិជ្ជកម្មគឺជាគម្រោងដែលបាននាំមុខគេក្នុងការកើនឡើងនេះ ដោយក្នុងនោះ គម្រោងលំនៅដ្ឋានមានទុនវិនិយោគជាង ១.៥ ពាន់លានដុល្លារអាមេរិក (១៧៤៤គម្រោង) និងគម្រោងពាណិជ្ជកម្មមានទុនវិនិយោគជាង ១.០៧ ពាន់លានដុល្លារអាមេរិក (១២៣ទីតាំង)។ ការកើនឡើងយ៉ាងគំហុកនេះ គឺស្របពេលដែលមានការកើនឡើងនៃការវិនិយោគឆ្ពោះទៅទីក្រុងភ្នំពេញ ខេត្តព្រះសីហនុ ប៉ោយប៉ែត និងទីក្រុងបាវិត ទៅលើគម្រោងសណ្ឋាគារ កាស៊ីណូ និងសេវាកម្មដឹកជញ្ជូន។ (អានបន្ថែម) យោងតាមទិន្នន័យដដែលរបស់ក្រសួងបានឱ្យដឹងថា ការងារជាង៦៩ពាន់កន្លែងត្រូវបានបង្កើតឡើងជារៀងរាល់ថ្ងៃពីវិស័យសំណង់ក្នុងរយៈពេល ៦ ខែដំបូងនៃឆ្នាំ ២០១៩ […]
អានបន្ថែម
តម្លៃដីធ្លីនៅតំបន់ខ្លះក្នុងខេត្តព្រះសីហនុនៅតែរក្សាបានការហក់ឡើងខ្ពស់ជាងគេ
តម្លៃដីធ្លីនៅក្នុងតំបន់ខ្លះក្នុងខេត្តព្រះសីហនុនៅតែរក្សាបានការហក់ឡើងយ៉ាងខ្លាំងរហូតដល់ជាង៩០ភាគរយក្នុងរយៈពេល៦ខែដំបូងនៃឆ្នាំ២០១៩ នោះគឺសង្កាត់ ៣ និងជាង ៦៤.៥ភាគរយសម្រាប់សង្កាត់ ១ នេះបើយោងតាមរបាយការណ៍ចេញផ្សាយដោយក្រុមហ៊ុនអចលនទ្រព្យ Key Real Estate កាលពីពេលថ្មីៗនេះ។ ជាមួយនឹងសន្ទុះនៃការអភិវឌ្ឍន៍យ៉ាងខ្លាំងក្នុងខេត្តព្រះសីហនុ តម្លៃដីធ្លីក្នុងសង្កាត់៣បានកើនឡើងយ៉ាងខ្លាំងក្នុងរយៈពេល៦ខែដំបូងនៃឆ្នាំ ២០១៩ បើធៀបទៅនឹងរយៈពេលដូចគ្នាក្នុងឆ្នាំ ២០១៨ ដោយបានកើនឡើង៩០.៩ភាគរយ ពីតម្លៃជាង ៨០០ ដុល្លារអាមេរិកក្នុងមួយម៉ែត្រការ៉េ ដល់ជាង ១,៦០០ ដុល្លារអាមេរិកក្នុងមួយម៉ែត្រការ៉េ។ ចំពោះសង្កាត់១វិញ តម្លៃមានការប្រែប្រួលពីជាង ២០០ ដុល្លារអាមេរិកក្នុងមួយម៉ែត្រការ៉េក្នុងឆ្នាំ២០១៨ ដល់ទៅជាង ៤០០ដុល្លារអាមេរិក ក្នុងមួយម៉ែត្រការ៉េ ក្នុងឆ្នាំ ២០១៩ ដែលនេះ គឺប្រែប្រួលប្រមាណជា ៦៤.៥ភាគរយ។ បើទោះបីជារក្សាបានតម្លៃខ្ពស់ជាងគេក្នុងចំណោមសង្កាត់ទាំងអស់ក៏ពិតមែន តែតម្លៃដីក្នុងសង្កាត់២ មានការកើនឡើងត្រឹម១៥.២ភាគរយពីតម្លៃជាង ១,៦០០ ដុល្លារអាមេរិកក្នុងមួយម៉ែត្រការ៉េទៅជាង ១,៨០០ ដុល្លារអាមេរិកក្នុងមួយម៉ែត្រការ៉េ។ រីឯសង្កាត់ ៤ វិញគឺមានការប្រែប្រួល ៥.៩ ភាគរយ ពីតម្លៃជាង ១,២០០ ដុល្លារអាមេរិក ក្នុងមួយម៉ែត្រការ៉េ ទៅជាង ១,៤០០ ដុល្លារអាមេរិក ក្នុងមួយម៉ែត្រការ៉េ។ […]
អានបន្ថែម
ហ្សប ហៅស៍ តម្លៃសមរម្យ, បញ្ចុះតម្លៃ ៧ ភាគរយ ហើយបានបណ្ណទឹកប្រាក់ ១.០០០ដុល្លារ ទៀតពី ជីប ម៉ុង លែន!
ជីប ម៉ុង លែន នឹងធ្វើកម្មវិធីទស្សនាផ្ទះប្រភេទហ្សប ហៅស៍ ក្នុងគម្រោង លែន រីច ចំការដូង នៅថ្ងៃទី ២០-២១ ខែ កក្តដា ឆ្នាំ ២០១៩ នេះ ជាមួយនឹងការបញ្ចុះតម្លៃ ៧ភាគរយ ហើយអតិថិជនទាំងអស់នឹងទទួលបានប័ណ្ណទឹកប្រាក់១០០០ដុល្លារអាមេរិកបន្ថែមទៀត។ គម្រោង លែន រីច ចំការដូងជាគម្រោងប្រភេទផ្ទះហ្សប ហោស៍ ដែលមានកំពស់ ២ ជាន់ ទំហំធំទូលាយ ជាមួយនឹងការរចនាមូថបែបទាន់សម័យថ្មី យ៉ាងល្អប្រណិត។ ស្ថិតនៅលើទីតាំងម្តុំតំបន់ចំការដូង ជិតផ្សារទួលពង្រ ដែលជាផ្លូវដែលមានភាពមមាញឹកខ្លាំងដោយសារ ជាផ្លូវឆ្លងកាត់ទៅវិញទៅមករវាង ផ្លូវ ៣០ ម៉ែត្រ(ផ្លូវទួលពង្រ), ផ្លូវចំការដូង, ផ្លូវលូប្រាំ, និង ផ្លូវវេងស្រេង ដែលសាកសមបំផុតសម្រាប់ការធ្វើអាជីវកម្មផ្សេងៗ និង រស់នៅជាលក្ខណៈគ្រួសារ។ សម្រាប់ថ្ងៃកម្មវិធីផ្ទាល់អតិថិជនមិនត្រឹមតែទទួលបានការបញ្ចុះតម្លៃ ៧ ភាគរយ ទេ ប៉ុន្តែអតិថិជនក៏ទទួលបានប័ណ្ណទឹកប្រាក់ ១០០០ដុល្លារអាមេរិក បន្ថែមទៀតសម្រាប់ទទួលបានការបញ្ចុះតម្លៃទ្វេដង។ ដូច្នេះ សូមអតិថិជនកុំភ្លេចមកចូលរួមឲ្យបានច្រើនកុះករ ដើម្បីទទូលបានការផ្តល់ជូនដ៏ពិសេសនេះ។ សម្រាប់ព័ត៌មានលម្អិតបន្ថែម […]
អានបន្ថែម
ក្រុមហ៊ុនសាងសង់ចិនបញ្ចប់ការប្រឹក្សាហិរញ្ញវត្ថុគម្រោងផ្លូវល្បឿនលឿនភ្នំពេញ-ព្រះសីហនុ
ក្រុមហ៊ុនសារជីវកម្មផ្លូវថ្នល់និងស្ពានចិន (CRBC) បានបញ្ចប់ការប្រឹក្សាផ្នែកច្បាប់លើហិរញ្ញវត្ថុ គម្រោងផ្លូវល្ពឿនលឿនតម្លៃ ១.៨ ពានន់លានដុល្លារអាមេរិកនៅប្រទេសកម្ពុជា។ ការផ្តល់ប្រឹក្សាផ្នែកហិរញ្ញវត្ថុនេះ ធ្វើឡើងបន្ទាប់ពីគម្រោងស្ថាបនា ផ្លូវល្បឿនលឿន ភ្នំពេញ និងខេត្តព្រះសីហនុ ចាប់ផ្តើមការដ្ឋានកាលពីខែមីនាកន្លងទៅនេះ។ ក្រុមហ៊ុនផ្តល់សេវាប្រឹក្សាផ្នែកច្បាប់ Hunton Andrews Kurth ដែលមានមូលដ្ឋាននៅសហរដ្ឋអាមេរិក បានផ្តល់សេវាប្រឹក្សាច្បាប់ស្តីពីហិរញ្ញវត្ថុ លើការអភិវឌ្ឍន៍ភាពជាដៃគូសាធារណ-ឯកជន។ នេះបើយោងតាមការប្រកាសរបស់ក្រុមហ៊ុនកាលពីដើមសប្តាហ៍។ ឯកឧត្តម វ៉ាស៊ីម សុរិយា អ្នកនាំពាក្យក្រសួងសាធារណការ និងដឹកជញ្ជូន បានឲ្យដឹងនៅថ្ងៃទី៩ កក្កដាកន្លងមកថា ការងារសាងសង់ផ្លូវល្បឿនលឿននេះ ដំណើរការតាមការគ្រោងទុក ដោយក្រុមហ៊ុនបានធ្វើបច្ចុប្បន្នភាព ស្តីពីលទ្ធផល នៃការសាងសង់ជាប្រចាំ។ ឯកឧត្តម វ៉ាស៊ីម សុរិយា ថ្លែងថា៖ «គាត់ចាប់ផ្តើមធ្វើហើយ ខាងក្រសួងបានទទួលរបាយការណ៍ វឌ្ឍនភាពប្រចាំខែឧសភា ប្រចាំខែមិថុនា នៅមិនទាន់ទទួលបានទេ»។ ឯកឧត្តម វ៉ាស៊ីម សុរិយា បន្តថា៖ «យើងគ្រោងទុកហើយ យើងចង់ជម្រុញឲ្យក្រុមហ៊ុនធ្វើឲ្យបានរួចរាល់នៅឆ្នាំ២០២២ ព្រោះឆ្នាំ២០២២ យើងមានកិច្ចប្រជុំកំពូលអាស៊ាន និងកម្ពុជាធ្វើជាម្ចាស់ស៊ីហ្គេម ឆ្នាំ២០២៣ ចឹងយើងនឹងខំជម្រុញការងារនឹងឲ្យបាន»។ គម្រោងសាងសង់ ផ្លូវល្បឿនលឿន ភ្នំពេញ-ព្រះសីហនុ […]
អានបន្ថែម
ហ៊ីប៉ូតែក៖ ការដាក់បន្ទុកទៅលើអចលនទ្រព្យគឺជាវិធីដែលប្រើប្រាស់ទូទៅនៅកម្ពុជា
អត្ថបទ៖ Sciaroni & Associates / ប្រែសម្រួលមិនផ្លូវការដោយ៖ ទស្សនាវដ្តីសំណង់ និងអចលនទ្រព្យ ចាប់តាំងពីការដាក់បញ្ចូលក្រមរដ្ឋប្បវេណីនៃព្រះរាជាណាចក្រកម្ពុជានៅក្នុងឆ្នាំ ២០០៧ មក ហ៊ីប៉ូតែកត្រូវបានស្គាល់ថាជាវិធីដាក់បន្ទុកលើអចលនទ្រព្យដែលបានប្រើប្រាស់ទូទៅសម្រាប់ធានានូវការគោរពកាតព្វកិច្ចរបស់អ្នកជាប់បំណុល។ អត្ថបទសង្ខេបនេះ នឹងបង្ហាញពីទិដ្ឋភាពទូទៅនៃហ៊ីប៉ូតែក អំពីគុណសម្បត្តិរបស់វា ក៏ដូចជា វិធីដើម្បីធ្វើឱ្យកិច្ចព្រមព្រៀងហ៊ីប៉ូតែកល្អបំផុតសម្រាប់ម្ចាស់បំណុល។ តើហ៊ីប៉ូតែកគឺជាអ្វី? ហ៊ីប៉ូតែក គឺត្រូវបានកំណត់ថាជាកិច្ចព្រមព្រៀងរវាងម្ចាស់បំណុលនិងកូនបំណុល ឬភាគីទីបីដែលប្រគល់អចលនវត្ថុជាទ្រព្យសម្បត្ដិសម្រាប់ជាវត្ថុដាក់បញ្ចំាដើម្បីធានាលើកាតព្វកិច្ច។ ម្ចាស់បំណុលមានសិទ្ធិស្របច្បាប់ក្នុងការយកសិទ្ធិមកប្រើដើម្បីទទួលបានការបំពេញកាតព្វកិច្ចនៃការទាមទាររបស់គាត់មុនម្ចាស់បំណុលផ្សេងៗទៀត ពីការលក់អចលនទ្រព្យដែលកូនបំណុល ឬភាគីទីបី បានប្រគល់ជូនដើម្បីធានានូវកាតព្វកិច្ចរបស់ពួកគេ។ ការជួលអចិន្ត្រៃយ៍ ឬសិទ្ធិអាស្រ័យផលអាចត្រូវបានប្រើជាវត្ថុធានាសម្រាប់ហ៊ីប៉ូតែក។ តើគុណសម្បត្តិនៃហ៊ីប៉ូតែកគឺជាអ្វី? គោលបំណងនៃហ៊ីប៉ូតែកគឺដើម្បីអនុញ្ញាតឱ្យម្ចាស់បំណុលអាចធានាការទាមទាររបស់ពួកគាត់ ក្នុងករណីដែលកូនបំណុលមិនអាចបំពេញកាតព្វកិច្ចរបស់ខ្លួន។ ក្នុងករណីដែលមិនមានលទ្ធភាពសងបំណុល ម្ចាស់បំណុលអាចដាក់ពាក្យសុំទៅតុលាការដើម្បីលក់អចលនទ្រព្យដោយបង្ខំនៃទ្រព្យសម្បត្តិដែលបានដាក់ក្នុងកិច្ចព្រមព្រៀមហ៊ីប៉ូតែក។ នៅពេលដែលកូនបំណុល ឬភាគីទីបីធ្វើការសង់អគារនៅលើដីក្រោយពេលដែលដីបានដាក់ហ៊ីប៉ូតែក ហើយកូនបំណុលជាម្ចាស់កម្មសិទ្ធិអគារនោះ ម្ចាស់បំណុលអាចបង្គាប់ឱ្យលក់អគារជាដាច់ខាតរួមជាមួយ និងដីដែលបានដាក់ហ៊ីប៉ូតែក។ ទោះជាយ៉ាងណាក៏ដោយ ប្រសិនបើតម្លៃដីរួមជាមួយអគារមានតម្លៃតិចជាងតម្លៃដីទំនេរ ម្ចាស់បំណុលអាចបង្គាប់ឱ្យកូនបំណុលយកអគារចេញមុនការបង្ខំឲ្យលក់ដី។ អ្នកទិញជាភាគីទីបីអាចទិញទ្រព្យសម្បត្តិពីការដាក់លក់ដោយបង្ខំ។ ការដាក់ហ៊ីប៉ូតែកវានឹងគ្របដណ្តប់រាល់វត្ថុទាំងអស់ដែលជាប់ទៅនឹងដី និងជាប់ទៅនឹងផ្នែកសណ្ឋាននៃដីដែលនឹងក្លាយជាកម្មវត្ថុរបស់ហ៊ីប៉ូតែកនៅពេលដែលកិច្ចព្រមព្រៀងហ៊ីប៉ូតែកត្រូវបានបង្កើតឡើង បូករួមទាំងអគារនៅទីនោះ។ វាក៏លាតសន្ធឹងទៅលើអ្វីដែលភ្ជាប់ទៅនឹងដីបន្ទាប់ពី ហ៊ីប៉ូតែក ត្រូវបានបង្កើត។ ទោះជាយ៉ាងណាក៏ដោយ វាមិនបានពង្រីកវិសាលភាពទៅអគារដែលជាកម្មសិទ្ធិរបស់ភាគីទីបីឬដែលសិទ្ធិត្រូវបានកាន់កាប់ដោយភាគីទីបីក្រោមការជួលអចិន្ត្រៃយ៍ សិទិ្ធអាស្រ័យផល ភតិសន្យាជួល។ ភាគីទីបីដែលបានទទួលកិច្ចសន្យាអចិន្ត្រៃយ៍ ឬសិទ្ធិអាស្រ័យផលលើអចលនទ្រព្យដែលជាប់ហ៊ីប៉ូតែក អាចបង់ថ្លៃឱ្យម្ចាស់បំណុលតាមសំណើរបស់អ្នកដែលបានដាក់ហ៊ីប៉ូតែក ហើយហ៊ីប៉ូតែកនេះនឹងត្រូវបានលុបចេញដើម្បីជាប្រយោជន៍ដល់ភាគីទីបីនោះ។ […]
អានបន្ថែម
តើនិន្នាការថ្មីនៃការអភិវឌ្ឍន៍ខុនដូនៅកម្ពុជានឹងជួយអ្វីខ្លះដល់ទីផ្សារក្នុងពេលបច្នុប្បន្ននេះ?
និន្នាការនៃការអភិវឌ្ឍន៍ខុនដូនៅរាជធានីភ្នំពេញនាពេលបច្ចុប្បន្ន បាននិងកំពុងផ្លាស់ប្តូរទៅរកទីផ្សារតម្លៃសមរម្យក្រោយពីការចំណេញពីការវិនិយោគដោយការដាក់ខុនដូជួលត្រឡប់ទៅវិញសម្រាប់ទីផ្សារតម្លៃខ្ពស់មានការធ្លាក់ចុះ ហើយថាតើការប្រែប្រួលនេះមានន័យយ៉ាងណាសម្រាប់ទីផ្សារនាពេលបច្ចុប្បន្ន។ យោងតាមរបាយការណ៍របស់ភ្នាក់ងារចលនទ្រព្យអន្តរជាតិ CBRE Cambodia ស្តីអំពីបច្ចុប្បន្នភាពទីផ្សារអចលនទ្រព្យក្នុងរាជធានីភ្នំពេញសម្រាប់ត្រីមាសទី ២ ដែលបានចុះផ្សាយកាលពីពេលថ្មីៗនេះ បានឲ្យដឹងថា ការអភិវឌ្ឍន៍ខុនដូតម្លៃសមរម្យបាននិងកំពុងកើនឡើងដែលក្នុងនោះ ត្រីមាសទី២ នៃឆ្នាំ ២០១៩ នេះ មានគម្រោងខុនដូចំនួន ៨ ឬស្មើនឹងខុនដូចំនួន ៥,៨៥៣ យូនីតបានបន្ថែមចូលទៅក្នុងទីផ្សារ ហើយភាគច្រើននៃគម្រោងនេះ គឺជាប្រភេទខុនដូតម្លៃសមរម្យ។ ប្រមាណជា ៥៦ ភាគរយ ឬ ៣,២៥២ យូនីតនៃយូនីតសរុបដែលបានដាក់បន្ថែមក្នុងទីផ្សារ គឺជាគម្រោងដែលមានតម្លៃសមរម្យ ហើយភាគច្រើននៃគម្រោងថ្មីៗទាំងនេះ គឺស្ថិតក្នុងខណ្ឌសែនសុខ ជ្រោយចង្វារ និងខណ្ឌមានជ័យ។ តាមការបញ្ជាក់របស់ អ្នកនាង អាន សុធីតា ប្រធានក្រុមហ៊ុន CBRE Cambodia និន្នាការនៃការផ្លាស់ប្តូរនេះ គឺដោយសារការចំណេញពីការវិនិយោគដោយការដាក់ខុនដូជួលត្រឡប់ទៅវិញសម្រាប់ទីផ្សារតម្លៃខ្ពស់មានការធ្លាក់ចុះ ដែលកន្លងមកត្រូវបានវិនិយោគដោយវិនិយោគិនបរទេស។ អ្នកនាងថ្លែងថា៖ «កន្លងមកទីផ្សារខុនដូគឺផ្តោតទៅលើបរទេស គាត់វិនិយោគនៅក្នុងស្រុកខ្មែរទទួលបានការជួលត្រឡប់មកវិញពី៨ ទៅ១០ភាគរយ តែឥឡូវចំណូលពីការជូលនឹងគឺវាធ្លាក់ចុះ វានៅត្រឹមតែ៦ភាគរយទេ»។ «ទីផ្សារខុនដូរវាមិនសូវមានសក្តានុពលទេសម្រាប់បរទេស ហេតុនេះបានជាអ្នកអភិវឌ្ឍន៍គាត់មានការពិបាកក្នុងការលក់ទៅឲ្យអ្នកវិនិយោគក្រៅស្រុក អញ្ចឹងគាត់ត្រូវតែបន្តផ្តោតទៅលើអ្នកដែលគាត់ទិញសម្រាប់ប្រើប្រាស់ចុងក្រោយ» អ្នកបានបន្ថែម។ តាមការបញ្ជាក់របស់អ្នកនាង អាន […]
អានបន្ថែម
រដ្ឋាភិបាលឥណ្ឌូនេស៊ីបង្កើនកម្រិតបង់ពន្ធដំបូងលើអចលនទ្រព្យប្រណីត
នៅក្នុងកិច្ចខិតខំប្រឹងប្រែងដើម្បីជំរុញវិស័យអចលនទ្រព្យ រដ្ឋាភិបាលនៃប្រទេសឥណ្ឌូនេស៊ីកំពុងបង្កើនកម្រិតបង់ពន្ធដំបូងលើការលក់អចលនទ្រព្យលំនៅដ្ឋានប្រណិត។
អានបន្ថែម
ក្រុមហ៊ុនអចលនទ្រព្យយក្សចិននឹងយកកម្ពុជាជាតំបន់យុទ្ធសាស្ត្រគោលក្នុងតំបន់អាស៊ីអាគ្នេយ៍
ក្រោយពីមានវត្តមានក្នុងទីផ្សារកម្ពុជាអស់រយៈពេលជាច្រើនឆ្នាំ ក្រុមហ៊ុនវិនិយោគលើពហុវិស័យមកពីប្រទេសចិន ព្រីនស៍ រៀល អ៊ីស្ទេត គ្រុប បានប្រកាសថានឹងយកកម្ពុជាជាតំបន់យុទ្ធសាស្ត្រគោលរបស់ខ្លួន
អានបន្ថែម