ព័ត៌មានអចលនទ្រព្យ
ការវិនិយោគក្រៅស្រុករបស់អាស៊ីបានបំបែកកំណត់ត្រាថ្មី
តាមរបាយការណ៍ CBRE ថ្មីមួយបានបង្ហាញថា ការវិនិយោគក្រៅស្រុករបស់អាស៊ីនៅក្នុងវិស័យទ្រព្យសម្បត្តិអចលនទ្រព្យពិភពលោក ធ្វើបាននូវកំណត់ត្រាថ្មីនៅក្នុងឆ្នាំ ២០១៥។ ការវិនិយោគអចលនទ្រព្យនៅក្រៅប្រទេសរបស់អាស៊ីក្នុងឆ្នាំ ២០១៥ បានឈរនៅក្នុងកំណត់ត្រាដែលមានទឹកប្រាក់ចំនួន ៦២,៤ ពាន់លានដុល្លារ កើនឡើង ៣៧ ភាគរយនៅក្នុងឆ្នាំ។ ទីផ្សារដែលមានផលតបស្នងវិញខ្ពស់ នឹងបន្តទាក់ទាញវិនិយោគិនអាស៊ី។ លោក Ada Choi នាយកជាន់ខ្ពស់នៃ CBRE Research Asia បានថ្លែងថា: “ខណៈពេលដែលយើងមើលឃើញពីឥទ្ធិពលនៃប្រភពមូលធនធំចំនួនបួនគឺ ប្រទេសសិង្ហបុរី ចិន ហុងកុង និងប្រទេសកូរ៉េខាងត្បូង យើងក៏ឃើញមានសកម្មភាពជាច្រើនទៀតមកពីផ្នែកផ្សេងទៀតនៃតំបន់អាស៊ីដូចជា តៃវ៉ាន់ និង ថៃ ជាដើម។” ខណៈពេលដែលទីក្រុងឡុងដ៍នៅតែជាគោលដៅវិនិយោគដ៏សំខាន់នោះ អាមេរិកនាពេលឥឡូវនេះក៏បានទាក់ទាញចំណែកនៃការវិនិយោគច្រើនខ្លាំងដែរ ដោយបានឈានដល់ ២២,៤ ពាន់លានដុល្លារ មានការការកើនឡើង ១០៩%។
អានបន្ថែម
ការធ្លាក់ចុះនៃការវិនិយោគយ៉ាងធំធ្វើឲ្យប្រទេសម៉ាឡេស៊ីមានការព្រួយបារម្ភ
អាជ្ញាធរម៉ាឡេស៊ីបានសម្តែងក្តីបារម្ភអំពីផលប៉ះពាល់នៃការធ្លាក់ចុះការវិនិយោគក្នុងវិស័យអចលនទ្រព្យចំនួន ៧០ភាគរយ នៅចន្លោះឆ្នាំ ២០១៤ និងឆ្នាំ ២០១៥ ដែលអាចមានទៅលើផ្នែកផ្សេងៗនៃសេដ្ឋកិច្ចប្រទេស។ ការវិនិយោគក្នុងវិស័យអចលនទ្រព្យរបស់ម៉ាឡេស៊ីដែលទទួលបានអនុម័តយល់ព្រម បានធ្លាក់ចុះពី ២១,៦៧ពាន់លានដុល្លារក្នុងឆ្នាំ ២០១៤ មកនៅត្រឹមតែ ៦,៥៨ពាន់លានដុល្លារក្នុងឆ្នាំ ២០១៥ នេះបើយោងតាមអាជ្ញាធរទទួលបន្ទុកអភិវឌ្ឍន៍ការវិនិយោគម៉ាឡេស៊ី (ហៅកាត់ថា MIDA) រដ្ឋមន្ត្រីនៃក្រសូងពាណិជ្ជកម្មអន្តរជាតិ និងឧស្សាហកម្ម លោក Datuk Seri Ong Ka Chuan ដែលបានថ្លែងប្រាប់ទៅកាន់ propertyguru.com ថា “វាជាការព្រួយបារម្ភមួយ ដោយសារតែការធ្លាក់ចុះនេះគឺទំហំធំ… ហើយនេះជាអ្វីដែលធានាចំពោះការវិភាគបន្ថែមទៀតទៅអនាគត”។ ផលប៉ះពាល់ដែលសំខាន់បំផុតនោះ គឺដំណើរការសេដ្ឋកិច្ចដែលមានដំណើរយ៉ាងលំបាក ដោយក្នុងនោះតម្លៃទំនិញធ្លាក់ចុះ ថ្លៃចំណាយក្នុងការរស់នៅកើនឡើង ហើយវិស័យអចលនទ្រព្យនេះមានជាប់ទាក់ទងនឹងវិស័យឧស្សាហកម្មចំនួន ២០០ ផ្សេងទៀត។
អានបន្ថែម
ក្រុមហ៊ុនវិនិយោគកម្ពុជានៅក្រៅប្រទេស OCIC ទទួលបានពានរង្វាន់អចលនទ្រព្យ
ក្រុមហ៊ុនអភិវឌ្ឍន៍ឈានមុខគេរបស់ប្រទេសកម្ពុជា OCIC ទទួលពានរង្វាន់ និងត្រូវបានសរសើរយ៉ាងខ្លាំងនៅក្នុង អាជីវកម្មពីរប្រភេទរបស់ក្រុមហ៊ុន នៅក្នុងកម្មវិធីប្រគល់ពានរង្វាន់អចលនទ្រព្យកម្ពុជាថ្ងៃទី 25 ខែកុម្ភៈ។ ក្រុមហ៊ុនវិនិយោគកម្ពុជានៅក្រៅប្រទេស (OCIC) បានឈ្នះពានរង្វាន់អភិវឌ្ឍន៍សម្រាប់ការប្រើប្រាស់ចម្រុះល្អបំផុត សម្រាប់គម្រោង Olympia City ខណៈដែល flagship របស់ក្រុមហ៊ុន ក៏ទទួលបានការសរសើរយ៉ាងខ្លាំង សម្រាប់ពានរង្វាន់អភិវឌ្ឍន៍ល្អបំផុត។ ជាមួយគ្នានេះដែរ OCIC ក៏ទទួលបានការសរសើរខ្លាំងថា ជាអ្នកអភិវឌ្ឍន៍ល្អបំផុត។ អ្នកចូលរួម 300នាក់ ដែលសុទ្ធសឹងជាអ្នកជំនាញកំពូល និងជាថ្នាក់ដឹកនាំ រួមទាំងឯកឧត្តមបណ្ឌិត ប៉ែន សុផល តំណាងឯកឧត្តមទេសរដ្ឋមន្ត្រី អ៊ឹម ឈុនលឹម បានជួបជុំគ្នានៅឯសណ្ឋាគារសូហ្វីតែល ដើម្បីអបអរការធ្វើជាម្ចាស់ផ្ទះ ប្រគល់ពានរង្វាន់ដ៏មានកិត្តិយសទាំងនេះជាលើកដំបូង។ លោក Terry Blackburn ស្ថាបនិកនៃកម្មវិធីពានរង្វាន់អចលនទ្រព្យអាស៊ីបានថ្លែងក្នុងសុន្ទរកថាស្វាគមន៍របស់ លោកថា បច្ចុប្បន្នកម្ពុជាបានចូលរួមជាមួយប្រទេសដែលមានសេដ្ឋកិច្ចឈានមុខគេផ្សេងទៀតរបស់អាស៊ាន ក្នុងការធ្វើជាម្ចាស់ផ្ទះកម្មវិធីប្រគល់រង្វាន់របស់ខ្លួន ។ វាគឺជាការបញ្ជាក់ពីកម្លាំង និងគុណភាពនៃឧស្សាហកម្មក្នុងស្រុក ដោយយើងមានការអភិវឌ្ឍល្អៗជាច្រើននៅក្នុងបញ្ជីយើង។ អ្នកឈ្នះពានរង្វាន់ទាំងអស់នឹងត្រូវបន្តទៅចូលរួមប្រកួតវគ្គផ្តាច់ព្រ័ត្រនៅក្នុងកម្មវិធីប្រគល់ពានរង្វាន់អចលនទ្រព្យអាស៊ីអាគ្នេយ៍ឆ្នាំ 2016 នៅប្រទេសសិង្ហបុរីនាខែវិច្ឆិកាខាងមុខនេះ។ បញ្ជីឈ្មោះគម្រោង និងក្រុមហ៊ុនដែលទទួលបានពានរង្វាន់ និងការកោតសរសើរ ផ្នែកអ្នកអភិវឌ្ឍន៍ -ពានរង្វាន់អ្នកអភិវឌ្ឍន៍ល្អបំផុត […]
អានបន្ថែម
Casa Meridian បើកលក់ដំណាក់កាលទី២
បន្ទាប់ពីសម្ពោធបើកការដ្ឋានក្នុងខែមិថុនាឆ្នាំ ២០១៤ និងការបើកលក់អចលនទ្រព្យដំបូងរបស់ខ្លួន អាគារខុនដូភ្លោះ Casa Meridian បានបើកលក់ដំណាក់កាលទី២ របស់ខ្លួននៅចុងខែមករា សម្រាប់បន្ទប់ស្នាក់នៅ។ ការលក់យ៉ាងលឿននៃផ្ទះពាណិជ្ជកម្មចំនួន ៨៤ ល្វែង ជំរុញឲ្យមានការបើកលក់នូវខុនដូលំដាប់ផ្កាយប្រាំចំនួន ៥១២បន្ទប់ ដល់អតិថិជន ដែលក្នុងនោះមានប្រភេទ១ ទៅ ៣បន្ទប់គេង អមដោយការរចនាច្រើនបែប។ គម្រោងដែលសាងសង់ឡើងនៅលើផ្ទៃដីជាង ៦០០០ម៉ែត្រការ៉េ នៅកោះពេជ្រ ហើយដែលនឹងត្រូវចំណាយទឹកប្រាក់ ៧៥លានដុល្លារនេះ ត្រូវបានធ្វើការអភិវឌ្ឍឡើងដោយក្រុមហ៊ុន Meridian International Holding ដែលជាក្រុមហ៊ុនបុត្រសម្ព័ន្ធមួយរបស់ក្រុមហ៊ុន Meridian Group ដែលមានមូលដ្ឋាននៅទីក្រុងហុងកុង។ ក្រុមហ៊ុន Meridian Group នេះមានបទពិសោធន៍នៅក្នុងវិស័យវាយនភ័ណ្ឌ កាត់ដេរ និងការអភិវឌ្ឍអចលនទ្រព្យ ៣ទសវត្សមកហើយ។ ការងារសាងសង់នេះជិតរួចរាល់ទាំងស្រុងហើយ ហើយគម្រោងនេះត្រូវបានគ្រោងនឹងបញ្ចប់នៅត្រឹមខែមិថុនាឆ្នាំ ២០១៧។ អាគារភ្លោះរបស់គម្រោងដែលមាន ៣៣ជាន់ (២ជាន់នៅក្រោមដី)នេះ មានផ្ទះពាណិជ្ជកម្មចំនួន ៨៤ល្វែង និង បន្ទប់ខុនដូចំនួន ៥១២បន្ទប់ ដែលមានតម្លៃចាប់ពី ៨០០.០០០ដុល្លារ ទៅដល់ជាង ១លានដុល្លារ។ ហាងស្ថិតនៅបួនជាន់ដំបូងនៃអាគារ […]
អានបន្ថែម
City Center ទីក្រុងមួយដែលធ្វើឲ្យក្រុងតាខ្មៅចាំងចែងឡើង
នៅឆ្នាំ ២០១៨ ក្រុងតាខ្មៅនឹងក្លាយទៅជាមជ្ឈមណ្ឌលអភិវឌ្ឍន៍អចលនទ្រព្យមួយ ដោយសារតែមានការសាងសង់នៃគម្រោងអភិវឌ្ឍន៍លំនៅដ្ឋាន និងពាណិជ្ជកម្មខ្នាតធំដំបូងគេហៅថា Center City Ta Khmao។ គម្រោងនេះមានទីតាំងស្ថិតនៅភាគខាងត្បូងរាជធានីភ្នំពេញនៅតាមបណ្តោយមាត់ទន្លេទន្លេបាសាក់ ហើយត្រូវបានសាងសង់នៅលើផ្ទៃដី ១៥.៤៦៣ ម៉ែត្រការ៉េ ព្រមទាំងមានផ្ទៃដីដែលមានទេសភាពស្រស់ស្អាត់ព័ទ្ធជុំវិញទំហំ ១០.៦៦៨ម៉ែត្រការ៉េផងដែរ ហើយនឹងបង្ហាញខ្លួនជាមួយនូវអចលនទ្រព្យប្រណីតៗជាច្រើន។ ក្នុងនោះនឹងមានអាគារខុនដូ ២៧ ជាន់ចំនួន២ ដែលមានបន្ទប់សរុបចំនួន ៤៨៤ ហ៊ុំព័ទ្ធដោយផ្ទះពាណិជ្ជកម្មចំនួន ៦០ អាគារពាណិជ្ជកម្មចំនួន ៨ ផ្សារទំនើបដែលមាន ២ ជាន់ ព្រមទាំងចំណតរថយន្តដែលមាន ៣ ជាន់។ ជាមួយគ្នានេះដែរ មួយជាន់នៃអគារនេះនឹងត្រូវបានធ្វើឡើងសម្រាប់ផ្តល់សេវាកម្សាន្ត រួមទាំងកន្លែងហាត់ប្រាណ អាងហែលទឹក ផ្លូវរត់ហាត់ប្រាណ និងសួនកុមារ។ បណ្តុំអាគារនេះត្រូវបានកសាងឡើងដោយក្រុមហ៊ុន Tang Kung Group ក្រោមឈ្មោះគម្រោងថា The River Premium Developments ដោយមានការបណ្តាក់ទុនរួមគ្នារវាងក្រុមហ៊ុន Tang Kung Group និងវិនិយោគិនម៉ាឡេស៊ីជាម្ចាស់ក្រុមហ៊ុន Australia-based Riverside Group ។ […]
អានបន្ថែម
ការពន្យល់លើការចាត់ថ្នាក់ប័ណ្ណកម្មសិទ្ធិលើដីធ្លី
ដោយ: លោក James Whitehead នាយកនៃមាតិកា @ www.realestate.com.kh សម្រាប់អ្នកទិញអចលនទ្រព្យថ្មី អាចនៅមានភាពមិនច្បាស់លាស់ ឬមានការភ័ន្តច្រឡំពាក់ព័ន្ធនឹងការធ្វើចំណាត់ថ្នាក់ប័ណ្ណកម្មសិទ្ធិដីធ្លីនៅកម្ពុជា។ ខាងក្រោមនេះជាវិធីសំខាន់៣យ៉ាង ដែលកម្មសិទ្ធិលើអចលនទ្រព្យអាចត្រូវបានធានាសុវត្ថិភាពនៅក្នុងប្រទេសកម្ពុជា ព្រមទាំងការយល់ច្រឡំជុំវិញភាពជាម្ចាស់អចលនទ្រព្យ និងប័ណ្ណកម្មសិទ្ធិដីធ្លីនៅកម្ពុជា។ កំណត់ត្រាប័ណ្ណកម្មសិទ្ធិដីធ្លីនៅកម្ពុជាទាំងអស់ត្រូវបានបំផ្លាញនៅចន្លោះឆ្នាំ ១៩៧៥ និង ១៩៧៩ ដែលនេះមានន័យថាបន្ទាប់ពីសង្គ្រាម ភស្តុតាងនៃភាពជាម្ចាស់ស្ទើរតែមិនមាន។ នៅឆ្នាំ ១៩៨៩ ច្បាប់ភូមិបាលកម្ពុជាត្រូវបានអនុម័ត និងវិសោធនកម្មច្បាប់ខាងលើក្នុងឆ្នាំ ២០០១ បានអនុញ្ញាតឲ្យមានកម្មសិទ្ធិឯកជនលើដី។ ច្បាប់ភូមិបាលឆ្នាំ ២០០១ បានបង្កើតប្រព័ន្ធចុះបញ្ជីដីធ្លីដើម្បីចេញប័ណ្ណកម្មសិទ្ធិដីធ្លីក្នុងប្រទេសកម្ពុជាដែលនៅតែមានសល់រហូតមកដល់ពេលបច្ចុប្បន្ននេះ។ ចាប់តាំងពីពេលនោះមក ប័ណ្ណកម្មសិទ្ធិដីធ្លីជាង២លានប័ណ្ណត្រូវបានចេញជូនដល់ប្រជាជនកម្ពុជា។ បច្ចុប្បន្ន កម្មសិទ្ធិនៃអចលនទ្រព្យអាចត្រូវបានធានាសុវត្ថិភាពតាមរយៈទម្រង់ណាមួយក្នុងចំណោមទម្រង់ប័ណ្ណកម្មសិទ្ធិដីធ្លីទាំង ៣ របស់កម្ពុជាដែលរួមមាន វិញ្ញាបនបត្រសំគាល់កម្មសិទ្ធិ ឬហៅថា បង្ល់រឹង វិញ្ញាបនបត្រសំគាល់សិទ្ធិកាន់កាប់ ឬប្លង់ទន់ និងវិញ្ញាបនបត្រសំគាល់កម្មសិទ្ធិចំណែកឯកជននៃអាគារសហកម្មសិទ្ធិ ឬប្លង់ Strata។ លើសពីនេះទៀតក៏មានប្រភេទប័ណ្ណ LMAP ដែរ។ 1) វិញ្ញាបនបត្រសំគាល់កម្មសិទ្ធិ ឬ ប្លង់រឹង ប្លងរឹងគឺជាទម្រង់នៃភាពជាម្ចាស់លើអចលនទ្រព្យដែលមានភាពរឹងមាំជាងគេនៅក្នុងប្រទេសកម្ពុជា។ ប្លង់រឹងមានផ្ទុកនូវព័ត៌មានលម្អិតដែលត្រូវបានទទួលស្គាល់ និងបញ្ជាក់នៅថ្នាក់ជាតិគឺក្រសួងរៀបចំដែនដី នគរូបនីយកម្ម និងសំណង់ […]
អានបន្ថែម
ក្រុមហ៊ុន Emerald+ ទិសដៅនាំមុខក្នុងការគ្រប់គ្រងអចលនទ្រព្យ
ក្រុមហ៊ុន Emerald+ ដែលត្រូវបានបង្កើតឡើងនៅក្នុងឆ្នាំ ២០១៦ បន្ទាប់ពីដំណើរការសាកល្បងប្រាំមួយខែ មានគោលបំណងបង្ហាញខ្លួនឲ្យខុសពីគេ តាមរយៈការធ្វើជាភ្នាក់ងារអចលនទ្រព្យក្នុងស្រុកជាលើកដំបូងដែលមានឯកទេសក្នុងការផ្តល់សេវាគ្រប់គ្រងអចលនទ្រព្យ និងបរិក្ខារប្រកបដោយជំនាញវិជ្ជាជីវៈ។ ក្នុងនាមជាដៃគូរបស់ក្រុមហ៊ុន UEMS Facilities Management Group ដែលមានមូលដ្ឋាននៅប្រទេសសិង្ហបុរី Emerald+ មានមោទនភាពចំពោះការផ្តល់សេវាកម្មដល់អតិថិជនយ៉ាងល្អប្រសើររបស់ខ្លួនសម្រាប់ការគ្រប់គ្រងអចលនទ្រព្យ កន្លែងការិយាល័យទំនើប បន្ទប់ប្រជុំ បន្ទប់សន្និសិទសម្រាប់ជួល និងកន្លែងសម្រាប់ធ្វើការងារជាមួយគ្នា។ បច្ចុប្បន្នក្រុមហ៊ុនគ្រប់គ្រងអគារពាណិជ្ជកម្មជាច្រើននៅក្នុងរាជធានីភ្នំពេញរួមមាន ផ្នែកខ្លះនៃអាគារសាកលវិទ្យាល័យភ្នំពេញអន្តរជាតិ (PPIU) ដែលការិយាល័យរបស់ក្រុមហ៊ុនមានទីតាំងនៅទីនោះ ហើយក្រុមហ៊ុននេះបានអះអាងថានឹងធ្វើការគ្រប់គ្រងមួយភាគធំនៃទីផ្សារជួលការិយាល័យ ព្រមទាំងធ្វើកិច្ចការជាមួយនឹងឈ្មួញកណ្តាលនៃទីផ្សារខុនដូ និងដីធ្លី។ លោកស្រី ជា សុផាឡា ដែលជាស្ថាបនិក និងនាយកប្រតិបត្តិរបស់ក្រុមហ៊ុននេះបានលើកឡើងថា បទពិសោធន៍ការងារ ១៥ឆ្នាំ របស់លោកស្រី ក្នុងការងារដំឡើងហេដ្ឋារចនាសម្ព័ន្ធទូរគមនាគមន៍នៅលើអគារ បានធ្វើឲ្យលោកស្រីមើលឃើញពីសក្តានុពលនៃជំនួញនេះសម្រាប់តម្រូវការសម្រាប់អាគារ។ លោកស្រីបានលើកឡើងផងដែរថា នៅក្នុងប្រទេសថៃ សិង្ហបុរី និងហុងកុង មានក្រុមហ៊ុនគ្រប់គ្រងអចលនទ្រព្យជាច្រើន ប៉ុន្តែនៅក្នុងប្រទេសកម្ពុជាយើងមានតិចតួចណាស់ ដែលនេះអាចជាបញ្ហានៅពេលអនាគត នៅពេលដែលអាគារជាច្រើនទៀតត្រូវបានកសាងឡើង។ លោកស្រីបានប្រាប់សារព័ត៌មានក្នុងស្រុកថា នៅក្នុងកិច្ចខិតខំប្រឹងប្រែងរបស់ក្រុមហ៊ុន ដើម្បីគ្រប់គ្រងទីផ្សារ យុទ្ធសាស្ត្រទីផ្សាររបស់ក្រុមហ៊ុន មានមូលដ្ឋានលើការបង្ហាញដល់អតិថិជនថា ខ្លួនជាក្រុមហ៊ុនអចលនទ្រព្យមួយដែលមានភ្នាក់ងារជំនាញដែលបានទទួលការបណ្តុះបណ្តាលក្រៅប្រទេស ហើយជាក្រុមហ៊ុនដែលតម្រង់ទិសលើគុណភាព។ បើយោងតាមទិន្នន័យពីក្រសួងរៀបចំដែនដីនគរូបនីយកម្ម និងសំណង់នៅចុងឆ្នាំ ២០១៥ […]
អានបន្ថែម
ក្រុមហ៊ុន Teho បញ្ចប់សម្ព័ន្ធអាជីវកម្មជាមួយនឹងឧកញ៉ា សុខ ប៊ុន
ក្រុមហ៊ុនអភិវឌ្ឍន៍វិស័យអចលនទ្រព្យសិង្ហបុរី TEHO International នឹងបញ្ចប់សម្ព័ន្ធរួមអាជីវកម្មរបស់ខ្លួនជាមួយក្រុមហ៊ុនឧកញ៉ា សុខ ប៊ុន នេះបើយោងតាមរបាយការណ៍កំណត់ត្រារបស់ក្រុមហ៊ុននៅលើផ្សារហ៊ុនសិង្ហបុរីនៅថ្ងៃទី ២៣ ខែកុម្ភៈ។ ក្រុមហ៊ុន សុខ ប៊ុន គ្រុប នេះគឺជាដៃគូដែលមានភាគហ៊ុន ៥១ ភាគរយនៅក្នុង TEHO Cambdodia ដែលជាក្រុមហ៊ុនកំពុងអភិវឌ្ឍន៍ខុនដូមាត់សមុទ្រដែលមានតម្លៃ ៥០០ លានដុល្លារ។ របាយការណ៍កំណត់ត្រានេះបានបញ្ជាក់ថា កិច្ចព្រមព្រៀងបណ្តាក់ទុនរួមគ្នា ឬសម្ព័ន្ធអាជីវកម្មនេះ នឹងត្រូវបញ្ចប់ដោយមានការព្រមព្រៀងគ្នាទៅវិញទៅមករវាងភាគីទាំងពីរ ហើយភាគីនីមួយៗនឹងរួចផុតពីកាតព្វកិច្ចរបស់ខ្លួនក្រោមកិច្ចព្រមព្រៀងនេះ។ ឧកញ៉ា សុខ ប៊ុន បានយល់ស្របក្នុងការផ្ទេរភាគហ៊ុនធម្មតា ៥១០ ដែលតំណាងឱ្យ ៥១ ភាគរយនៃដើមទុនវិនិយោគរួមគ្នាសរុបដល់លោកស្រី យឹម ឆាយលីន៕
អានបន្ថែម
ធនាគារ CIMB នឹងបើកការិយាល័យកណ្តាលនៅ Exchange Square
ក្រុមហ៊ុន Hongkong Land បានប្រកាសថា ធនាគារ CIMB នឹងបើកការិយាល័យកណ្តាលថ្មីរបស់ខ្លួននៅកម្ពុជា ហើយអាគារការិយាល័យលំដាប់ A និងអគារលក់រាយថ្មីត្រូវបានគ្រោងនឹងបញ្ចប់នៅចុងឆ្នាំ ២០១៦។ លោក Robert Garman នាយកប្រតិបត្តិនៃក្រុមហ៊ុន Hongkong Land បានលើកឡើងថា Exchange Square គឺជាការអភិវឌ្ឍប្រកបដោយគុណភាពនៅក្នុងទីតាំងដ៏លេចធ្លោមួយ និងដែលនឹងផ្តល់ប្រយោជន៍ដល់ក្រុមហ៊ុនដែលឈានមុខគេដូចជា ធនាគារ CIMB ដែលសម្លឹងមើលការបង្កើតការិយាល័យនៅក្នុងសង្កាត់ហិរញ្ញវត្ថុដែលកំពុងរីកចម្រើននៃរាជធានីភ្នំពេញ។ លោកបានបន្ថែមថា ភាពបត់បែននៃការរចនា និងប្លង់នៅក្នុងជាន់នីមួយៗនៃ Exchange Square មានគោលបំណង ដើម្បីបំពេញបំណងសម្រាប់កំណើននៃទំនោរការអភិវឌ្ឍពាណិជ្ជកម្មដែលមានគុណភាពអន្តរជាតិរបស់កម្ពុជា។ អចលនទ្រព្យលំដាប់ថ្នាក់ពិភពលោកថ្មីនេះ នឹងផ្តល់នូវច្រកចូលដ៏ល្អបំផុតទៅកាន់សង្កាត់ដ៏សំខាន់របស់ទីក្រុង ហើយយើងមានទំនុកចិត្តថាវានឹងក្លាយជាកាតាលីករសម្រាប់ការបង្កើនសកម្មភាពពាណិជ្ជកម្ម និងការលក់រាយនៅក្នុងតំបន់នេះផងដែរ។ លោក ប៊ុន យិន ប្រធានមន្ត្រីប្រតិបត្តិរបស់ធនាគារ CIMB បានថ្លែងថា ដើម្បីឆ្លើយតបទៅនឹងកំណើនអាជីវកម្មរបស់យើងនៅក្នុងប៉ុន្មានឆ្នាំចុងក្រោយនេះ ធនាគារ CIMB ត្រូវការពង្រីកការិយាល័យកណ្តាលបច្ចុប្បន្នរបស់ខ្លួនដល់កម្រិតថ្មីមួយជាធនាគារដែលឈានមុខគេក្នុងតំបន់។ វាគឺជាគុណសម្បត្តិសម្រាប់ទស្សនៈរបស់ធនាគារសាជីវកម្មក្នុងការចូលទៅក្នុងទំនាក់ទំនងពាណិជ្ជកម្មជាមួយក្រុមហ៊ុន Hongkong Land ហើយវាក៏ជាអំណោយផលពីទស្សនៈនៃការកំណត់ម៉ាកដើម្បីចាប់យកនូវកន្លែងនៅក្នុង Exchange Square ដោយសារទីតាំងដ៏ល្អនៃអគារនេះ៕
អានបន្ថែម
កម្ពុជាធ្វើជាម្ចាស់ផ្ទះកិច្ចប្រជុំពិភាក្សារបស់សមាគមអ្នកវាយតម្លៃអចលនទ្រព្យអាស៊ាន
កិច្ចប្រជុំពិភាក្សារបស់សមាគមអ្នកវាយតម្លៃអចលនទ្រព្យអាស៊ាន (AVA) នឹងត្រូវបានរៀបចំនៅរាជធានីភ្នំពេញជាលើកដំបូងនៅថ្ងៃទី ៤-៦ ខែឧសភា នៅលើប្រធានបទអាស៊ានតែមួយ ស្តង់ដារវាយតម្លៃតែមួយ។ គណៈប្រតិភូមកពីប្រទេសជាសមាជិកអាស៊ានទាំងប្រាំបីនឹងជួបប្រជុំនៅរាជធានីភ្នំពេញដើម្បីពិភាក្សាអំពីអចលនទ្រព្យ និងបទបញ្ញត្តិស្តីពីការវាយតម្លៃបទដ្ឋាន និងបច្ចេកទេសដែលនឹងត្រូវអនុម័តនៅក្នុងវិជ្ជាជីវៈ។ ប្រធាន AVA ថ្មី លោក គីម ហ៊ាង បានប្រាប់ភ្នំពេញប៉ុស្តិ៍ថា AVA នឹងកសាងទំនាក់ទំនងដែលរឹងមាំ ច្បាស់លាស់ និងមានតម្លាភាពជាមួយរដ្ឋាភិបាល ដើម្បីធ្វើឱ្យប្រាកដថា សមាគមនឹងក្លាយជាមជ្ឈមណ្ឌលនាំមុខគេនៅតំបន់អាស៊ាននាពេលអនាគត។ គួរបញ្ជាក់ថា លោក គីម ហ៊ាង ក៏ជាប្រធានសមាគមអ្នកវាយតម្លៃ និងភ្នាក់ងារអចលនទ្រព្យ (CVEA) នៅកម្ពុជាផងដែរ៕
អានបន្ថែម