ព័ត៌មានអចលនទ្រព្យ
កម្ពុជា-ថៃ ប្រកាសបើកច្រកទ្វារអន្តរជាតិជាំក្នុងស្រុកអន្លង់វែងឡើងវិញ ក្រោយបិទអស់ជាង២ឆ្នាំ
ទីបំផុត! ច្រកទ្វារអន្តរជាតិជាំ ក្នុងស្រុកអន្លង់វែង ខេត្តឧត្តរមានជ័យ បានបើកជាផ្លូវការវិញហើយ ក្រោយបិទអស់រយៈពេលជាង២ឆ្នាំ ដោយសារជំងឺកូវីដ-១៩។ ការប្រកាសបើកឡើងវិញជាផ្លូវការកាលថ្ងៃទី៩ ខែឧសភា ឆ្នាំ២០២២ ធ្វើឡើងក្រោមវត្តមានលោក ប៉ែន កុសល្យ អភិបាលខេត្តឧត្តរមានជ័យ និងលោក វ៉ាត់ថះណា វុតធិឆាត អភិបាលខេត្តស៊ីសាកេត ប្រទេសថៃ និងមន្ត្រីពាក់ព័ន្ធ កងកម្លាំងប្រដាប់អាវុធនៃប្រទេសទាំងពីរជាច្រើនរូបទៀត។ ច្រកទ្វារអន្តរជាតិជាំ ស្ថិតក្នុងភូមិជើងភ្នំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ ត្រូវបានបើកដំណើរការឱ្យប្រជាពលរដ្ឋបានធ្វើដំណើរឆ្លងកាត់ឡើងវិញហើយ នៅវេលាម៉ោង១១ ព្រឹកថ្ងៃទី៩ ខែឧសភា ឆ្នាំ២០២២នេះ បន្ទាប់ពីច្រកមួយនេះបានបិទជាបណ្តោះអាសន្នដោយភាគីថៃអស់រយៈពេលជាង២ឆ្នាំ ដោយសារការរីករាលដាលជាសកលនៃមេរោគកូវីដ១៩។ តាមភាគីទាំងពីបានឲ្យថា ការបើកដំណើរការច្រកទ្វារព្រំដែនអន្តរជាតិ កម្ពុជា-ថៃនាពេលនេះ បានកំណត់ថាជាការបើកសាកល្បងបណ្តោះអាសន្ន បើសិនជាដំណើរការបើកច្រកនេះប្រព្រឹត្របានទៅដោយរលូនមិនមានបញ្ហានោះទេ ភាគីថៃ នឹងលុបចោលលក្ខខណមួយចំនួនទៀត ដើម្បីឱ្យការចេញចូលរបស់ប្រជាពលរដ្ឋនៃប្រទេសទាំង២ បានដំណើរការដូចធម្មតាឡើងវិញ ដូចមុនពេលមានវិបត្តិជំងឺកូវីដ-១៩។ សូមរម្លឹកដែរថា កាលថ្ងៃទី១ ខែឧសភាកន្លងទៅនេះ កម្ពុជា-ថៃ ក៏បានបើកដំណើរការឡើងវិញ នូវច្រកព្រំដែនអន្តរជាតិប៉ោយប៉ែតខេត្តបន្ទាយមានជ័យ ខណៈច្រកអន្តរជាតិអូរស្មាច់ ក្នុងខេត្តឧត្តរមានជ័យក៏បានបើកដំណើរការកាលពីថ្ងៃទី៦ ខែឧសភា ឆ្នាំ២០២២កន្លងទៅនេះផងដែរ៕
អានបន្ថែម
អគ្គនាយកដ្ឋានពន្ធដារ ពង្រឹងជំនាញលើវិស័យអចលនទ្រព្យ ដើម្បីប្រសិទ្ធភាពនៃការប្រមូលចំណូល
អគ្គនាយកដ្ឋានពន្ធដារ បើកវគ្គបណ្តុះបណ្តាល លើវិធីសាស្ត្រវាយតម្លៃអចលនវត្ថុបឋម ការវាសវែងអចលនទ្រព្យ និងប្រភេទប័ណ្ណកម្មសិទ្ធិ ដើម្បីប្រសិទ្ធភាពនៃការប្រមូលចំណូលលើវិស័យនេះឱ្យរិតតែមានប្រសិទ្ធភាពខ្ពស់។ ឯកឧត្តមបណ្ឌិត កែន សម្បត្តិ អគ្គនាយករង នៃអគ្គនាយកដ្ឋានពន្ធដារ លើកឡើងនៅក្នុង វគ្គបណ្តុះបណ្តាល “ការវាយតម្លៃអចលនវត្ថុ” នៅថ្ងៃទី ៧ ខែ ឧសភា ឆ្នាំ ២០២២ ថា ការពង្រីកសមត្ថភាពជំនាញលើវិស័យអចលនទ្រព្យ ពិតជាមានសាៈសំខាន់ណាស់ ដើម្បីធ្វើយ៉ាងណាឱ្យការវាយតម្លៃ និងគណនារកនូវមូលដ្ឋានគិតពន្ធ មានសុក្រឹតភាព ប្រសិទ្ធភាព ក្នុងការប្រមូលចំណូល ពាក់ព័ន្ធនឹងវិស័យអចលនទ្រព្យ ស្របតាមយុទ្ធសាស្រ្តកៀរគរចំណូល ២០១៩-២០២៣ របស់រាជរដ្ឋាភិបាល ក្នុងគោលដៅប្រមូលចំណូលពន្ធឱ្យអស់សក្តានុពល។ អគ្គនាយកដ្ឋានពន្ធដារ ជាស្ថាប័នមួយដែលខិតខំពង្រឹង និងបង្កើនប្រសិទ្ធភាពក្នុងការផ្តល់សេវាជូនអ្នកជាប់ពន្ធឱ្យបានកាន់តែល្អប្រសើរ តាមរយៈការធ្វើទំនើបកម្មមុខងារពាក់ព័ន្ធនៃការប្រមូលពន្ធ និងការផ្តល់សេវាបង់ពន្ធ ដោយបានអភិវឌ្ឍ និងដាក់ឱ្យអនុវត្តនូវកម្មវិធីបច្ចេកវិទ្យាជាច្រើន។ វគ្គបណ្តុះបណ្តាលនេះ ធ្វើឡើងក្រោមកិច្ចសហការរវាងអគ្គនាយកដ្ឋានពន្ធដារ និងក្រុមហ៊ុន CPL។ ចំណូលពន្ធប្រថាប់ត្រា លើការផ្ទេរកម្មសិទ្ធិអចលនទ្រព្យ ក្នុងត្រីមាសទី១ ឆ្នាំ ២០២២ នេះ មានសរុប២២៦ប៊ីលានរៀល ឬ ៥៥,៧លានដុល្លារ ដែលកើន៣៥% បើកធៀបនឹងរយៈពេលដូចគ្នាឆ្នាំមុន។
អានបន្ថែម
អ្នកជំនាញ៖ តម្រូវការខុនដូខា្នតធំនៅតែមានសន្ទុះខ្លាំង ផ្ទុយពីការមើលឃើញរបស់អ្នកជំនាញផ្សេងទៀត
ទីផ្សារអចលនទ្រព្យត្រូវបានគេព្យាករណ៍ថា នឹងមានតម្រូវការរឹងមាំ សម្រាប់យូនីតខុនដូទំហំធំ បើទោះបីជាចំនួនមានកម្រិតនៃការអភិវឌ្ឍន៍ខុនដូថ្មីនៅលើទីផ្សារ ឬតម្លៃខ្ពស់ជាងយូនីតតូចៗក្តី។ ឥឡូវនេះ អ្នកប្រើប្រាស់ មានបំណងចង់ទិញខុនដូមានទំហំធំ ដែលមានកន្លែងរស់នៅធំជាងមុន ជាមួយនឹងបរិវេនធំទូលាយសម្រាប់កន្លែងធ្វើការ ឬកន្លែងផ្ទះបាយធំជាង។ លើសពីនេះ អ្នកទិញផ្ទះភាគច្រើន ក៏បង្ហាញពីតម្រូវការសម្រាប់បន្ទប់គេងធំជាងមុនផងដែរ។ អ្នកទិញខុនដូ កំពុងស្វែងរកអាផាតមិនធំៗនៅក្នុងទីតាំងពេញនិយមនៃរាជធានីភ្នំពេញ ដូចជានៅតំបន់បឹងកេងកង១ កោះពេជ្រ ឬទន្លេបាសាក់ ទាំងនេះគឺជាតំបន់ពេញនិយមបំផុតសម្រាប់ការអភិវឌ្ឍន៍ខុនដូលំដាប់ខ្ពស់ក្នុងរាជធានីភ្នំពេញ។ អតិថិជន ចូលចិត្តអចលនទ្រព្យធំទូលាយ ដូចនឹងការស្នាក់នៅក្នុងវីឡា។ ភាគច្រើននៃអ្នកទិញនៅក្នុងខុនដូធំៗទាំងនេះគឺជាអ្នកប្រើប្រាស់ចុងក្រោយ – ទិញយូនីតសម្រាប់ប្រើប្រាស់ផ្ទាល់ខ្លួន ជាជាងការរំពឹងទុកសម្រាប់ប្រាក់ចំណេញ។ មូលហេតុចម្បងនៃតម្រូវការខុនដូធំៗក្នុងទីក្រុងភ្នំពេញ គឺមកពីតម្រូវការដែលកំពុងវិវត្តន៍របស់អ្នករស់នៅ ដោយសារការអភិវឌ្ឍន៍ថ្មីៗភាគច្រើនមានទំហំតូចៗ និងមានតម្លៃថ្លៃក្នុងមួយការ៉េ។ ជាងនេះទៅទៀត ភាគច្រើននៃអ្នកទិញផ្ទះ រីករាយចំពោះផ្ទះដែលផ្តល់ជូនឱ្យពួកគេមិនត្រឹមតែកន្លែងទំនេរប៉ុណ្ណោះទេ ប៉ុន្តែថែមទាំងមានផាសុខភាព និងអនាម័យទៀតផងដែរ។ ទាំងនេះ ពិតជាតម្រូវការចាំបាច់នៅក្នុងវិស័យទីផ្សារលំនៅដ្ឋានសម្រាប់ឆ្នាំខាងមុខ។ ជាលទ្ធផល អ្នកអភិវឌ្ឍន៍អចលនទ្រព្យជាច្រើនបានបើកដំណើរការខុនដូធំៗ ដើម្បីបំពេញតម្រូវការអ្នកទិញដែលកំពុងកើនឡើង។ ទំហំយូនីតដែលទាក់ទាញការចាប់អារម្មណ៍បំផុត គឺយូនីតដែលមានបន្ទប់គេងចំនួនបី ឬបន្ទប់គេងបួន ឬច្រើនជាងនេះ ជាន់លើអាចមានដល់ ២០០ ម៉ែត្រការ៉េ ។ តម្លៃនៃអចលនទ្រព្យ គឺអាស្រ័យលើស្ថានភាពអគារ ប្រព័ន្ធថាមពល និងប្រព័ន្ទទឹក និងការគ្រប់គ្រងអគារ រួមទាំងទីតាំងជាដើម […]
អានបន្ថែម
ក្រុមហ៊ុន Donaco International ស្នើឥណទាន៥លានដុល្លារទ្រទ្រង់កាស៊ីណូនៅប៉ោយប៉ែត
ក្រុមហ៊ុន Donaco International Ltd ដែលគ្រប់គ្រងកាស៊ីណូ នៅទីក្រុងប៉ោយប៉ែត បានស្នើឥណទាន ៥លាន ដុល្លារ សម្រាប់ទ្រទ្រង់អាជីវកម្មកាស៊ីណូ DNA Star Vegas នៅក្រុងប៉ោយប៉ែត។ នេះបើ យោងតាមការ ចុះផ្សាយ របស់ GGRASIA នៅថ្ងៃទី៣ ខែឧសភា។ សេចក្តីប្រកាសកាលពីថ្ងៃច័ន្ទ ធ្វើឡើងបន្ទាប់ពីក្រុមហ៊ុន បានការបិទ បណ្តោះអាសន្នរយៈពេលពីរឆ្នាំ ដោយសារការ រីករាតត្បាតជំងឺកូវីដ។ ឯកសារដដែល ក្រុមហ៊ុន បានសម្រេចប្តូរឈ្មោះទៅជា “DNA Star Vegas”។ ការដាក់របាយការណ៍ កាលពីថ្ងៃច័ន្ទទៅកាន់ផ្សារមូលបត្រអូស្ត្រាលី ទាក់ទងនឹងការផ្តល់ប្រាក់កម្ចីនោះ ក្រុមហ៊ុន Donaco បានរំលឹកឡើងវិញថា កាស៊ីណូរបស់ខ្លួន “បានរងផលប៉ះពាល់យ៉ាងធ្ងន់ធ្ងរដោយសារជំងឺរាតត្បាត Covid-19 ហើយជាពិសេសការបិទព្រំដែនអន្តរជាតិដែលបានប៉ះពាល់យ៉ាងខ្លាំង ដល់កាស៊ីណូនៅ ប្រទេស វៀតណាម និងកម្ពុជា”។ ក្រុមហ៊ុន បានរំពឹងថា DNA Star Vegas នឹងអាចបើកដំណើរការឡើងវិញ ទោះបីមិនទាន់មានការបញ្ជាក់ណាមួយ ពីអាជ្ញាធររដ្ឋាភិបាលកម្ពុជា […]
អានបន្ថែម
Hong Lai Huat គ្រោងនឹងលក់យូនីតនៃគម្រោងអភិវឌ្ឍន៍នៅខេត្តព្រះសីហនុ តម្លៃ៥០លានដុល្លារ
Hong Lai Huat កាលពីថ្ងៃទី ០៤ ខែឧសភា បានប្រកាសថា ខ្លួនបានចុះកិច្ចសន្យាជាមួយ Fabi Capital លើកិច្ចព្រមព្រៀងទិញលក់ តម្លៃ ៥០លានដុល្លារអាមេរិក នៃកន្លែងស្នាក់ និងពាណិជ្ជកម្ម នៅ អគារD’Seaview នៅខេត្តព្រះសីហនុ។ យោងតាមការចុះផ្សាយរបស់ The Edge Singapore កាលពីថ្ងៃទី០៤ ខែឧសភា D’Seaview គឺជាគម្រោងអភិវឌ្ឍន៍ចម្រុះដ៏ធំរបស់ក្រុមហ៊ុន ដែលមានទីតាំងនៅខេត្តព្រះសីហនុ។ វាមានលំនៅឋានចំនួន ៧៣៧យូនីត និងអគារពាណិជ្ជកម្មចំនួន ៦៧ ហើយស្ថិតនៅលើផ្ទៃដី ៩៨១៨ម៉ែត្រការ៉េ។ កិច្ចសន្យា នេះត្រូវបានចុះហត្ថលេខាដោយក្រុមហ៊ុន PH One Development (Cambodia) ដែលជាក្រុមហ៊ុនបុត្រសម្ព័ន្ធរបស់ Hong Lai Huat) នៅថ្ងៃទី 3 ខែឧសភា។ កិច្ចសន្យា នឹងមានរយៈពេលអនុវត្តរហូតដល់ថ្ងៃទី ៣១ ខែធ្នូ ។ លោក Ong Jia Jing […]
អានបន្ថែម
បុរីឈ្នះពានរង្វាន់ និងលក់ដាច់ជាងគេ ក្បែរផ្សារ AEON3 ត្រៀមបើកគម្រោងទី២ របស់ខ្លួន
ក្រោយជោគជ័យលើគម្រោងទី១ បុរីឡាផាម សម្រេចចាប់ដៃគូសហការគ្នាសារជាថ្មីជាមួយក្រុមហ៊ុនភ័ញធើ ប្រផឹធី (Pointer Property Co., Ltd) ក្នុងការបង្កើតគម្រោងទី២ របស់ខ្លួនឡើង ដែលមានឈ្មោះថា ផាម ស្រ្ពីង (Palm Springs)។ ពិធីចុះកិច្ចព្រមព្រៀងឱ្យក្រុមហ៊ុនភ័ញធើ ប្រផឹធី ក្លាយជាដៃគូសហការផ្នែកលក់ និងទីផ្សារផ្តាច់មុខទៅលើគម្រោងផាម ស្រ្ពីង (Palm Springs) នេះ ធ្វើឡើងនៅថ្ងៃទី ៣០ មេសា កន្លងទៅ។ គម្រោងផាម ស្រ្ពីង នឹងមានម៉ូដផ្ទះដែលមានរចនាបទកាន់តែទំនើបជាងមុន តាមបែបបញ្ចឹមប្រទេស គួបផ្សំនឹងការរួមបញ្ចូលគ្រឿងបរិក្ខារកាន់តែសម្បូរបែបដូចជា ស្ពានអាកាសថ្មើរជើងដំបូងគេបង្អស់ សួនច្បារលើអាកាស សួនច្បារក្រោយផ្ទះ សួនច្បាររួម កន្លែងក្មេងលេង កន្លែងហាត់ប្រាណ ទីលានកីឡាចម្រុះ បង់អង្គុយក្រោយផ្ទះ ក៏ដូចជាឧទ្យានលីនេអ៊ែរផងដែរ។ ទីតាំងគម្រោងទី ២ នេះ គឺស្ថិតក្នុងតំបន់សក្តានុពលខ្លាំងដដែល ព័ទ្ធជុំវិញទៅដោយផ្សារ សាលារៀន និងទីតាំងសំខាន់ៗជាច្រើន ដែលគ្រាន់តែចំណាយពេលត្រឹមតែ ៣នាទីប៉ុណ្ណោះទៅកាន់ផ្សារទំនើបLucky Express ៤ នាទីទៅកាន់ផ្សារទំនើបជីបម៉ុង (៥០ម៉ែត្រ) ៨នាទីទៅកាន់ផ្សារទំនើបAEON៣ […]
អានបន្ថែម
រដ្ឋបន្ដលើកលែងពន្ធប្រថាប់ត្រាអចលនទ្រព្យតម្លៃស្មើ ឬទាបជាង ៧ម៉ឺនដុល្លារ ដល់ចុងឆ្នាំ២០២២
អគ្គនាយកដ្ឋានពន្ធដារ បានសម្រេចបន្តលើកលែងពន្ធប្រថាប់ត្រាចំពោះអចលនទ្រព្យ ដែលមានតម្លៃស្មើ ឬទាបជាង ៧ម៉ឺនដុល្លារ រហូតដល់ចុងឆ្នាំ២០២២។ យោងតាមសេចក្តីជូនដំណឹងចុះថ្ងៃទី២២ មេសា ការបន្ដអនុគ្រោះនេះ គឺអនុលោមតាមក្របខណ្ឌយុទ្ធសាស្ត្រ និងកម្មវិធីស្តារ និងជំរុញកំណើនសេដ្ឋកិច្ចកម្ពុជា ក្នុងការរស់នៅជាមួយគ្នាកូវីដ១៩ តាមគន្លងប្រក្រតីភាពថ្មី សម្រាប់ឆ្នាំ២០២១-២០២៣។ គួរបញ្ជាក់ថា ការលើកលែងពន្ធប្រថាប់ត្រាសម្រាប់ផ្ទះ និងខុនដូតម្លៃទាបជាង ៧ម៉ឺនដុល្លារ ប្រកាសជាលើកដំបូងដោយសម្ដេចហ៊ុន សែន នៅខែ កុម្ភៈ ឆ្នាំ ២០២០ ដោយលើកលែង១ ឆ្នាំដល់ មករា ២០២១។ ក្រោយមក រដ្ឋសម្រេចបន្ដលើកលែង ១ ឆ្នាំទៀត ដល់ចុងខែធ្នូ ឆ្នាំ ២០២១ ហើយការប្រកាសនេះ គឺជាការលើកលែងបន្ដដល់ចុងឆ្នាំ ២០២២។
អានបន្ថែម
ពន្ធដារនឹងផ្ញើវិក្កយបត្រពន្ធអចលនទ្រព្យដល់ផ្ទះរាល់ឆ្នាំ ដើម្បីពង្រឹងការប្រមូលពន្ធ
អគ្គនាយកដ្នានពន្ធដារ កំពុងរៀបចំនិតីវិធីបោះពុម្ភវិក្កយបត្ពន្ធអលចនទ្រព្យប្រចាំឆ្នាំ ដូចវិក័យប័ត្រទឹកភ្លើងដូច្នោះដែរ ហើយបញ្ជូនទៅដល់ផ្ទះរៀងរាល់ឆ្នាំ ដើម្បីក្រើនរំលឹកដល់អ្នកជាប់ពន្ធ។ នេះជាផ្នែកមួយនៃការបង្កើនប្រសិទ្ធប្រមូលពន្ធអលចនទ្រព្យនៅកម្ពុជា។ នេះជាការលើកឡើង របស់ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គនាយក នៃអគ្គនាយកដ្ឋានពន្ធដារ នៅថ្ងៃទី២៦ ខែមេសា ឆ្នាំ២០២២នេះ។ ឯកឧត្តម ថ្លែងថា៖ «យើងខ្ញុំកំពុងតែណែនាំឱ្យអង្គភាពក្រោមឱវាទពន្ធដារ ធ្វើការបោះពុម្ពវិក្កយបត្រ អចលនទ្រព្យ ហើយផ្ញើជូនទៅលំនៅដ្ឋានរៀងៗខ្លួន ដូចវិក័្កយប័ត្រទឹក និងភ្លើង ដើម្បីកុំឱ្យភ្លេចបង់ពន្ធជូនរដ្ឋ»។ ជាមួយគ្នានេះ អគ្គនាយកពន្ធដារ ក៏បានឱ្យដឹងថា ក្នុងករណីមន្ត្រីពន្ធដារកមិនឃើញផ្ទះអ្នកជាប់ពន្ធ ក៏ស្នើឱ្យសាលាសង្កាត់ និងខណ្ឌ សហការជួយរកលំនៅដ្ឋានរបស់អ្នកជាប់ពន្ធនោះផងដែរ។ គួរបញ្ជាក់ថា ក្នុងរយៈពេលត្រីមាសទី១នេះ ចំណូលពន្ធសរុបមានដល់ទៅ ៥ ១១៥ ប៊ីលានរៀល ឬ ១ ២៦៣ លានដុល្លារអាមេរិក ដែលក៏កើនឡើងជាង ២២% បើធៀបរយៈពេលដូចគ្នាឆ្នាំ ២០២១។ ក្នុងនោះ ចំណូលពន្ធប្រថាប់ត្រា លើការផ្ទេរកម្មសិទ្ធិអចលនទ្រព្យ ក្នុងត្រីមាសទី១ ឆ្នាំ ២០២២ នេះ មានសរុប២២៦ប៊ីលានរៀល ឬ […]
អានបន្ថែម
គម្រោងខុនដូសង់មិនទាន់រួច ត្រូវជាប់ពន្ធអចលនទ្រព្យឬទេ?
ក្នុងអំឡុងវិបត្តិកូវីដនេះ មានគម្រោងខុនដូជាច្រើន បានពន្យារពេល ឬផ្អាកការសាងសង់។ ដោយសារ តែមានគម្រោងខូនដូកំពុងសាងសង់ជាច្រើនដូច្នេះ សាធារណៈបានចោទជាសំណួរថា គម្រោងទាំងនោះជាប់ពន្ធអចលនទ្រព្យឬទេ? លោក រស់ សារ៉ាក ប្រធានការិយាល័យ នៃនាយកដ្ឋានពន្ធចលនទ្រព្យ និងអចលនទ្រព្យ បានឱ្យដឹងកាលពីថ្ងៃទី ២១ មេសា នេះថា ជាប់ពន្ធ ឬមិនជាប់ពន្ធ គឺអាស្រ័យលើកត្តា ២ ។ «តាមច្បាប់ សំណង់ដែលការដ្ឋានសង់បានក្រោម ៨០% ហើយមិនទាន់ប្រើប្រាស់ នឹងមិនជាប់ពន្ធនោះទេ។ ពោលគឺ ត្រូវតែចូលលក្ខខណ្ឌទាំង ២ នេះ ទើបមិនជាប់ពន្ធ ខាតណាមួយក៏មិនបានដែរ។ មានន័យថា បើខុនដូសង់មិនទាន់បាន៨០% ហើយមិនទាន់មានអ្នកចូលរស់នៅ ម្ចាស់គម្រោង មិនចាំបាច់បង់ពន្ធទេ»។ «ប៉ុន្តែបើសង់រួចរាល់លើសពី ៨០% ទោះមិនទាន់ចូលប្រើបាស់ក្ដី ម្ចាស់គម្រោង ឬម្ចាស់យូនីតត្រូវតែបង់ពន្ធ។ ដូចគ្នានេះ បើទោះជាសង់មិនទាន់បាន៨០% តែមានការចូលប្រើប្រាស់ ក៏នឹងត្រូវបង់ពន្ធដែរ» លោក បានបន្ដ។ ឧទាហរណ៍ គម្រោងខុនដូ ២០ ជាន់។ ម្ចាស់គម្រោងសង់បាន […]
អានបន្ថែម
អ្នកកាន់ប្លង់ទន់ ត្រូវទៅចុះបញ្ជីពន្ធឱ្យបានមុនឆ្នាំ២០២៣ ដើម្បីទទួលបានការអនុគ្រោះ ៣ ចំណុច
អគ្គនាយកដ្ឋានពន្ធដារ បានស្នើដល់ម្ចាស់អចលនទ្រព្យ ឬដីមិនបានប្រើប្រាស់ ដែលកាន់ប្លង់ទន់ទាំងអស់ ឱ្យចុះនបញ្ជីពន្ធដារមុនឆ្នាំ២០២៣ ដើម្បីទទួលបានការអនុគ្រោះ ៣ ចំណុច ធំៗ។ លោក រស់ សារ៉ាក ប្រធានការិយាល័យ នៃនាយកដ្ឋានពន្ធចលនទ្រព្យ និងអចលនទ្រព្យ បានឱ្យដឹងនៅថ្ងៃទី ២១ ខែមេសា នេះថា មុនដំណាច់ឆ្នាំ២០២៣ ម្ចាស់អចលនទ្រព្យប្លង់ទន់ដែលមកចុះបញ្ជីនឹងទទួលបានការអនុគ្រោះ ៣ គឺ៖ ទី១ យកពន្ធតែឆ្នាំកាន់កាប់ចុងក្រោយប៉ុណ្ណោះ។ បើសិនជាអលនទ្រព្យមានសាវតាទិញលក់បន្តដៃគ្នាច្រើនដំណរ រដ្ឋាភិបាលអនុគ្រោះឱ្យយកឆ្នាំចុងក្រោយដែលកាន់កាប់ យកមកអនុវត្តពន្ធលើដីធ្លីមិនបានប្រើប្រាស់ ប៉ុណ្ណោះ។ ទី២ ដកមូលដ្ឋានគិតពន្ធ ១០០លានរៀល បន្ថែម។ ទី៣ លើកលែងពិន័យទោសទណ្ឌផ្សេងលើពន្ធ ករណីខកខាន ពោលគីរាជរដ្ឋាភិបាលនឹងមិនយកពិន័យ។ លោក រស់ សារ៉ាក បន្ដថា ប៉ុន្តែ ការអនុគ្រោះទាំងនេះ នឹងត្រូវបញ្ចប់នៅចុងឆ្នាំ ២០២៣ ហើយ ដូច្នេះ ពលរដ្ឋត្រូវតែរុះរាន់។ គួរបញ្ជាក់ថា ពន្ធលើដីធ្លីមិនបានប្រើប្រាស់ត្រូវកំណត់តាមអត្រា ២% នៃមូលដ្ឋានគិតពន្ធ។ (អានបន្ថែម)
អានបន្ថែម