ព័ត៌មានអចលនទ្រព្យ

ឯកជននឹងវិនិយោគបង្កើតគម្រោងអេកូទេសចរណ៍ ៧ នៅឧទ្យានជាតិព្រះមុនីវង្ស បូកគោ

ឯកជននឹងវិនិយោគបង្កើតគម្រោងអេកូទេសចរណ៍ ៧ នៅឧទ្យានជាតិព្រះមុនីវង្ស បូកគោ

  • ១៩ មករា ២០២២

រដ្ឋាភិបាលបានបើកភ្លើងខៀវឱ្យឯកជនវិនិយោគបង្កើតតំបន់អេកូទេសចរណ៍ ៧ កន្លែងនៅឧទ្យានជាតិមុនីវង្ស បូកគោ ខណៈបច្ចុប្បន្នមន្ត្រីជាន់ខ្ពស់នៃក្រសួងបរិស្ថាន កំពុងចុះពិនិត្យ និងកំណត់ព្រំប្រទល់ដី នៅទីតាំងផ្ទាល់។ ឯកឧត្តម នេត្រ ភក្ត្រា រដ្ឋលេខាធិការនៃក្រសួងបរិស្ថាន បានឱ្យដឹង កាលពីថ្ងៃទី១៧ ខែមករា ថា គម្រោងទាំងនេះ ជាគម្រោងខ្នាតតូចទំហំមិនលើសពី ១០ ហិកតា។ គម្រោងអភិវឌ្ឍន៍ទាំង៧ នេះ ស្ថិតក្នុងឧទ្យានជាតិព្រះមុនីវង្ស បូកគោ ក្នុងភូមិសាស្ត្រភូមិព្រែកអំពិល សង្កាត់កោះតូច ក្រុងបូកគោ។ គួរបញ្ជាក់ថា កាលពីខែតុលា ឆ្នាំ ២០២១ រដ្ឋក៏បានអនុម័ត ប្លង់មេ និងផែនការអភិវឌ្ឍវិនិយោគទេសចរណ៍ធម្មជាតិខ្នាតតូចចំនួន ៥ ផងដែរ ក្នុងឧទ្យានជាតិព្រះមុនីវង្សបូកគោ។ (អានបន្ថែម) ក្រុងបូកគោក ជាទិសដៅសក្ដានុពលមួយ ដែលបាន និងកំពុងទាក់ទាញគម្រោងវិនិយោគជាច្រើន។ ថ្មីៗ នេះ ក្រុមប្រឹក្សាអភិវឌ្ឍន៍កម្ពុជា (CDC) ទើបអនុម័តឱ្យក្រុមហ៊ុន Kampot Logistics And Port Company Limited វិនិយោគ ១៣០០ […]

អាន​បន្ថែម
អាជ្ញាធរខេត្តកោះកុងដកហូតដីកាន់កាប់ខុសច្បាប់ ១០២ ហិកតា មកជាទ្រព្យសម្បត្តិរដ្ឋវិញ

អាជ្ញាធរខេត្តកោះកុងដកហូតដីកាន់កាប់ខុសច្បាប់ ១០២ ហិកតា មកជាទ្រព្យសម្បត្តិរដ្ឋវិញ

  • ១៧ មករា ២០២២

រដ្ឋបាលខេត្តកោះកុង បានសម្រេចដកហូតដីចំនួន១០២ ហិកតា នៅក្នុងភូមិទួលគគីរក្រោម ឃុំទួលគគីរ ស្រុកមណ្ឌលសីមា ពីការកាន់កាប់ខុសច្បាប់របស់ប្រជាពលរដ្ឋ មកដាក់ជាទ្រព្យសម្បត្តិឯកជនរបស់រដ្ឋវិញ។ នេះបើតាមសេចក្តីសម្រេចលេខ០០៥/២២ ស.ស.រ ចុះថ្ងៃទី ១៤ ខែមករា ឆ្នាំ២០២២។ ការសម្រេចដកហូតនេះ ក៏បានទុកជាមោឃៈ នូវរាល់បណ្ណសម្គាល់សិទ្ធិកាន់កាប់ប្រើប្រាស់ដីធ្លី បណ្ណសម្គាល់សិទ្ធិកាន់កាប់អចលនទ្រព្យ និងឯកសារផ្សេងៗទៀតដែលបញ្ជាក់ពីសិទ្ធិកាន់កាប់ដីមិនស្របច្បាប់ នៃដីស្ថិតក្នុងទីតាំងបានដកហូតនេះ។ គួរបញ្ជាក់ថា កាលពីឆ្នាំ ២០២១ អភិបាលខេត្តកោះកុង ក៏បានបញ្ជាឱ្យមន្រ្តីរដ្ឋបាលឃុំសង្កាត់ បញ្ឈប់ការចុះហត្ថលេខាទទួលស្គាល់ និងទុកជាមោឃៈលើឯកសារដីធ្លីមួយចំនួន ដែលធ្វើឡើងក្នុងតំបន់ការពារធម្មជាតិ និងរបៀងអភិរក្សជីវៈចម្រុះទាំងអស់ នៅខេត្តកោះកុង។ ឯកសារទាំងនោះមានដូចជា លិខិតផ្ទេរសិទ្ធិ ពាក្យស្នើសុំកាន់កាប់ និងប្រើប្រាស់ដី លិខិតទិញលក់ដីរដ្ឋ និងការបញ្ជាក់លើប្លង់បង្ហាញទីតាំងដី ជាដើម។ (អានបន្ថែម)

អាន​បន្ថែម
អ្នកជំនាញថា វិស័យ២ នឹងមានសន្ទុះខ្លាំង ក្នុងឆ្នាំ ២០២២ ទោះទីផ្សារនៅមានភាពច្បាស់លាស់

អ្នកជំនាញថា វិស័យ២ នឹងមានសន្ទុះខ្លាំង ក្នុងឆ្នាំ ២០២២ ទោះទីផ្សារនៅមានភាពច្បាស់លាស់

  • ១៤ មករា ២០២២

លោក James Hodge នាយកគ្រប់គ្រងនៃក្រុមហ៊ុន CBRE Cambodia បានលើកឡើងថា វិស័យឧស្សាហកម្ម នឹងដឹកជញ្ជូន នឹងមានសក្ដានុពលខ្ពស់ក្នុងឆ្នាំ ២០២២ នេះ បើធៀបនឹងអនុវិស័យអចលនទ្រព្យផ្សេងៗទៀត ទោះអនាគតទីផ្សារជារួមនៅមានភាពមិនច្បាស់លាស់ក្ដី។ លោកបន្តថា ដោយសារកត្តាមេរោគបំប្លែងថ្មី និងកត្តាក្រៅស្រុកផ្សេងៗទៀត ទោះកម្ពុជាបើកប្រទេសហើយក្ដី ក៏មិនធានាថាវិនិយោគិនបរទេស និងត្រឡប់មិនវិញភ្លាមៗដែរ ដូច្នេះ គ្រប់យ៉ាងគឺនៅស្រពិចស្រពិល។ «ប៉ុន្តែអ្វីដែលជាក់ច្បាស់គឺ គម្រោងសាងសង់ហេដ្ឋារចនាសម្ព័ន្ធរបស់រដ្ឋាភិបាល នៅតែបន្តឥតឈប់ឈរ កត្តានេះនឹងជះឥទ្ធិពលវិជ្ជមានដល់វិស័យឧស្សាហកម្ម និងការដឹងជញ្ជូន ឱ្យមានសន្ទុះខ្លាំង ក្នុងឆ្នាំថ្មីនេះ» លោកបញ្ជាក់។ ជាក់ស្ដែង ក្រុមហ៊ុនយក្សជប៉ុន Aeon Mall (Cambodia) Co Ltd ថ្មីៗនេះ ទើបឈានជើងចូលប្រឡូកក្នុងទីផ្សារដឹកជញ្ជូន ដោយនឹងបង្កើតមជ្ឈមណ្ឌលដឹកជញ្ជូនពហុមុខងារ ផ្ដល់សេវាគ្រប់ជ្រុងជ្រោយមិនធ្លាប់មានពីមុនមក នៅខេត្តព្រះសីហនុ ក្នុងឆ្នាំ ២០២៣ ខាងមុខ។(អានបន្ថែម) លើសពីនេះ រោងចក្រឧស្សាហកម្ម នៅតែបន្ដមានសកម្មភាព។ ក្នុងរយៈពេល១១ខែឆ្នាំ២០២១ ក្រុមប្រឹក្សាអភិវឌ្ឍន៍កម្ពុជាឬ CDC បានអនុម័តគម្រោងវិនិយោគឯកជននៅក្រៅតំបន់សេដ្ឋកិច្ចពិសេសសរុប ១០៧គម្រោង ដែលមានទុនវិនិយោគ១ ៧១៦លានដុល្លារ។ […]

អាន​បន្ថែម
អលចនទ្រព្យខេត្តព្រះសីហនុ ងើបឡើងវិញសន្សឹមៗ ទោះវិនិយោគិនបរទេសមិនទាន់មានច្រើនក្ដី

អលចនទ្រព្យខេត្តព្រះសីហនុ ងើបឡើងវិញសន្សឹមៗ ទោះវិនិយោគិនបរទេសមិនទាន់មានច្រើនក្ដី

  • ១៤ មករា ២០២២

សរសរដោយអ្នកជំនាញអចលនទ្រព្យឯករាជ្យ លោក Eric Wong Chon Lap អ្នកជំនាញអចលនទ្រព្យ បានឱ្យដឹងថា ទីផ្សារខេត្តព្រះសីហនុកំពុងងើបឡើងសន្សឹមៗវិញហើយ បន្ទាប់ពីរដ្ឋាភិបាលកម្ពុជាសម្រេចបើកប្រទេសឡើងវិញ។ ទោះបីជាចំនួនអ្នកទេសចរណ៍ និងអ្នកវិនិយោគមិនទាន់មានច្រើនក្ដី តែសង្កេតឃើញថាទីផ្សារមានសកម្មភាពជាងមុន ពិសេសលើផ្នែកលំនៅឋាន។ ក្នុងអំឡុងពេលជិត ២ ឆ្នាំ កន្លងទៅ ទីផ្សារស្ងប់ស្ងាត់ខ្លាំង ដោយមានត្រឹមតែអ្នកទិញក្នុងស្រុកមួយចំនួនតូចប៉ុណ្ណោះដែលសាកសួរព័ត៌មានដើម្បីទិញជាការវិនិយោគ ឬផ្ទះលំហែរជាដើម។ ប៉ុន្តែ ២ ទៅ ៣ ខែ កន្លងមកនេះ ឃើញថាមានជនជាតិចិន និងបរទេសមួយចំនួនធំៗ ចាប់ផ្ដើមសាកសួរព័ត៌មានអំពីអចលនទ្រព្យពីភ្នាក់ងារលក់ច្រើនជាងមុន។ ទោះមិនទាន់មានការទិញលក់ កើតឡើងច្រើនក្ដី នេះគឺសញ្ញាវិជ្ជមានប្រាប់ថា វិនិយោគិនមានបំណងចង់ទិញ តែរង់ចាំតែការបើកប្រទេសពេញលេញតែប៉ុណ្ណោះ ទាំងប្រទេសរបស់គេ និងប្រទេសរបស់យើង។ វិបត្តិកូវីដក៏បានពង្រីកទីផ្សារលំនៅឋានខេត្តព្រះសីហនុឱ្យធំជាងមុនផងដែរ ដែលពីមុនគឺមានតែជនជាតិចិន។ ប៉ុន្តែ ទីផ្សារបច្ចុប្បន្នបើកទំលាយជាងមុនដល់ជនបរទេសផ្សេងទៀតដែលរស់នៅកម្ពុជា និង ពិសេសទីផ្សារក្នុងស្រុក។ ដោយសារតែ វិបត្តិកូវីដ ម្ចាស់គម្រោងបានទំលាក់តម្លៃ ឬផ្ដល់ជាប្រូម៉ូសិនពិសេស ដើម្បីទាក់ទាញអ្នកទិញក្នុងស្រុក ហើយនិន្នាការនេះនឹងនៅតែបន្ត រហូតដល់ការផ្គត់ផ្គង់សមាមាត្រនឹងតម្រូវការ។ ប៉ុន្តែ អ្នកជំនាញព្យាករថា នឹងប្រើពេលយូរព្រោះការផ្គត់ផ្គង់ គឺលើសតម្រូវការខ្លាំង ពិសេស […]

អាន​បន្ថែម
ត្រឹមឆ្នាំ ២០២១ ក្រសួងដែនដីទទួលពាក្យបណ្តឹងទំនាស់ដីធ្លីសរុបជាង ១៣០០០ ករណី

ត្រឹមឆ្នាំ ២០២១ ក្រសួងដែនដីទទួលពាក្យបណ្តឹងទំនាស់ដីធ្លីសរុបជាង ១៣០០០ ករណី

  • ១៣ មករា ២០២២

គិតមកត្រឹមឆ្នាំ ២០២១ ក្រសួងរៀបចំដែនដី នគរូបនីយកម្ម និងសំណង់ បានទទួលទទួលពាក្យបណ្តឹងបញ្ហាដីធ្លីសរុប ចំនួន ១៣ ៩៨៤ ករណី ហើយកន្លងមកបានដោះស្រាយសម្រេច១០ ៨៥៥ ករណី។ ក្នុងឆ្នាំ ២០២២ នេះ ក្រសួងសង្ឃឹមយ៉ាងម៉ុតមាំថា នឹងដោះស្រាយវិវាទដីធ្លីដែលនៅសល់ជាង ៣ ២០៣ ករណី ដោយវិធីសាស្រ្តក្រៅប្រព័ន្ធតុលាការ ឱ្យចប់សព្វគ្រប់។ ជាក់ស្ដែង ការដោះស្រាយវិវាទដីធ្លីក្រៅតុលាការ គឺបញ្ជាផ្ទាល់របស់សម្ដេចតេជោ ហ៊ុន សែន ព្រោះជាវិធីសាស្ត្រដែលមានប្រសិទ្ធភាពខ្ពស់ និងចំណាយតិច។ សម្ដេចហ៊ុន សែនធ្លាប់លើកឡើងថា៖ «បើទៅរួច បញ្ហាដីធ្លីគួរដោះស្រាយក្រៅប្រព័ន្ធតុលាការឱ្យបានចប់សព្វគ្រប់ ព្រោះបើឡើងតុលាការគឺត្រូវមានអ្នកចាញ់ និងអ្នកឈ្នះ តែបើដោះក្រៅប្រព័ន្ធតុលាការគឺអាចទទួលបានលទ្ធផលឈ្នះឈ្នះទាំងសងខាង ប៉ុន្តែមន្រ្តីយើងត្រូវដោះស្រាយដោយមានសុចរិតភាព»។ ក្រៅពីប្ដេជ្ញាដោះស្រាយបញ្ហាដីធ្លី ក្រសួងក៏បានដាក់គោលដៅចុះបញ្ជីក្បាលដីឱ្យបាន១០០% នៃក្បាលដីប៉ាន់ស្មានដំបូងចំនួន ៧លានក្បាលដី ក្នុងឆ្នាំ២០២២ ផងដែរ ព្រមជាមួយនឹងគោលដៅផ្សេងៗទៀតជាច្រើន។ (អានបន្ថែម)  

អាន​បន្ថែម
ក្រសួងដែនដីធ្វើមោឃៈប្លង់ដី ៣៩៩ សន្លឹក ដែលបានបាត់ក្នុងខេត្តស្វាយរៀង [មានលេខប្លង់]

ក្រសួងដែនដីធ្វើមោឃៈប្លង់ដី ៣៩៩ សន្លឹក ដែលបានបាត់ក្នុងខេត្តស្វាយរៀង [មានលេខប្លង់]

  • ៦ មករា ២០២២

ក្រសួងរៀបចំដែនដី នគរូបនីយកម្ម និងសំណង់ បានប្រកាសជាធ្វើមោឃៈវិញ្ញាបនបត្រសម្គាល់ម្ចាស់អចលនវត្ថុ (បណ្ណកម្មសិទ្ធិ) ចំនួន៣៩៩ សន្លឹក នៅភូមិព្រៃទទឹង ឃុំសំបួរ ស្រុកស្វាយទាប ខេត្តស្វាយរៀង។ នេះបើតាមសេចក្តីជូនដំណឹងលេខ០០២ ចុះថ្ងៃទី០៦ ខែមករា ឆ្នាំ២០២២។ ការប្រកាសនេះ ធ្វើឡើងក្រោយពេលមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តស្វាយរៀង បានបាត់បណ្ណកម្មសិទ្ធិទាំងនោះកាលពីថ្ងៃទី២៦ ខែតុលា ឆ្នាំ២០២១។ បណ្ណកម្មសិទ្ធិដីទាំងនោះ ត្រូវបានបោះពុម្ពឈ្មោះកម្មសិទ្ធិករ (ផ្នែកខាងក្រោយ) រួចហើយ ប៉ុន្តែមិនបានបោះពុម្ពព័ត៌មានក្បាលដី និងផែនទីក្បាលដី (ផ្នែកខាងមុខ) នៅឡើយ។ បណ្ណកម្មសិទ្ធិដែលបាត់មានលេខរៀង៖ ពីលេខ No. 06598743 ដល់លេខ No.06598749, លេខ No.06598808 ដល់លេខ No.06598899, លេខ No.06598900, លេខ No.06611110 ដល់លេខ No. 06611123, លេខ No.06611201 ដល់លេខ No.06611388, លេខ No. 06611397 […]

អាន​បន្ថែម
វិភាគ៖ ឧទាហរណ៍បើចិនមិនត្រឡប់មកកម្ពុជាវិញ តើទីផ្សារអលចនទ្រព្យនឹងទៅជាយ៉ាងណា?

វិភាគ៖ ឧទាហរណ៍បើចិនមិនត្រឡប់មកកម្ពុជាវិញ តើទីផ្សារអលចនទ្រព្យនឹងទៅជាយ៉ាងណា?

  • ៦ មករា ២០២២

អ្នកជំនាញអចលនទ្រព្យ និងសេដ្ឋកិច្ចនៅកម្ពុជា បានបង្ហាញក្តីព្រួយបារម្ភពីវិស័យអចលនទ្រព្យ ពិសេសនៅខេត្តព្រះសីហនុ ដែលកំពុងដង្ហើយហៅចិនឱ្យត្រឡប់មកវិញ ខណៈទីផ្សារអចលនទ្រព្យនៅទីនោះជាប់គាំងគ្មានប្រតិបត្តិការទិញលក់។ អ្នកជំនាញរូបនេះ ថាស្ថានភាពនេះជាមេរៀនដ៏សំខាន់មួយរបស់ទីផ្សារអចលនទ្រព្យកម្ពុជាទាំងមូល ដែលធ្លាប់តែរំពឹងខ្លាំងពេកលើវិនិយោគិនពីក្រៅប្រទេសពេក ហើយភ្លេចគិតពីតម្រូវការជាក់ស្ដែងក្នុងស្រុក។ លោក ង៉ែត ជូ អ្នកជំនាញអចលនទ្រព្យ និងជាទីប្រឹក្សាសេដ្ឋកិច្ចមួយរូបនៅកម្ពុជា បានឱ្យដឹងកាលពីថ្ងៃទី៥ ខែមករា នេះ ពីមុនវិបត្តិកូវីដ វិនិយោគិនចិនបានចាក់លុយយ៉ាងគំហុកចូលមកសង់គម្រោងជាច្រើននៅខេត្តព្រះសីហនុ។ កត្តានេះបានធ្វើឱ្យអ្នករកស៊ីដីធ្លីជាច្រើនហ៊ានហក់លោតវិនិយោគលើដីធ្លីដែលមានតម្លៃខ្ពស់ខ្លាំង ព្រោះរំពឹងថានឹងចំណេញច្រើន ឆាប់មាន ដោយមិនបានគិតថានឹងមានហេតុការណ៍មិនរំពឹងទុកកើតឡើងដូចជាកូវីដ១៩ ជាដើម។ ជាលទ្ធផល អ្នករកស៊ីភាគច្រើនគឺជាប់លុយ ហើយអាគារខ្ពស់ៗ ប្រមាណ ៧០% ទៅ៨០% បានផ្អាកមិនបន្តការសាងសង់។ លោកថា៖ «បើរំពឹងលើកម្លាំងនៃការវិនិយោគក្នុងស្រុក ពេលនេះ គឺហួសនឹងសមត្ថភាពហើយ ព្រោះតម្លៃអចលនទ្រព្យនៅទីនោះបានហក់ខ្ពស់ហួសឆ្ងាយពីតម្រូវការ និងកម្រិតសេដ្ឋកិច្ចជាក់ស្តែង។ និយាយឱ្យចំគឺថា អ្នកក្រមិនហ៊ាន ដេករង់ចាំអ្នកមានមកម្តងទៀត»។ លោក ង៉ែត ជូ ពន្យល់ថា នេះជាហានិភ័យជាក់ស្តែងនៃការវិនិយោគដោយព្រោះតែចង់មានឆាប់ ឬហៅថាជាការវិនិយោគដោយគ្មាននិរន្តរភាព និងមានហានិភ័យខ្ពស់។ ជាមួយនឹងស្ថានភាពបែបនេះ សំណួរបន្ទាប់សំខាន់បំផុតគឺ បើចិនមិនត្រឡប់មកកម្ពុជាវិញ តើទីផ្សារអលចនទ្រព្យនឹងទៅជាយ៉ាងណា? លោក ង៉ែត ជូ […]

អាន​បន្ថែម
ក្រសួង ៖ ម្ចាស់គម្រោងត្រូវចុះបញ្ជីបំបែកក្បាលដី ឬចំណែកឯកជន សិនទើបបើកលក់គម្រោងបាន

ក្រសួង ៖ ម្ចាស់គម្រោងត្រូវចុះបញ្ជីបំបែកក្បាលដី ឬចំណែកឯកជន សិនទើបបើកលក់គម្រោងបាន

  • ៥ មករា ២០២២

ចាប់ពីឆ្នាំ ២០២២ នេះតទៅ ម្ចាស់បុរី និងអគារសហកម្មសិទ្ធិទាំងអស់ត្រូវធ្វើការចុះបញ្ជីបំបែកក្បាលដី និងចុះបញ្ជីចំណែកឯកជននៃអគារសហកម្មសិទ្ធិឱ្យបានរួចរាល់សិនមុននឹងអាចចាប់ផ្ដើមបើកការលក់បាន។ នេះបើយោងតាមសេចក្ដីប្រកាសព័ត៌មានរបស់ក្រសួងរៀបចំដែនដី នគរូបនីយកម្ម និងសំណង់ កាលពីថ្ងៃទី ៣១ ធ្នូ ២០២១។ គោលការណ៍ថ្មីនេះ មានទិសដៅដើម្បីបង្កើនតម្លាភាព និងកាត់បន្ថយបញ្ហាវិវាទដីធ្លី ដែលកើតមានរវាងម្ចាស់គម្រោង និងអ្នកទិញ។ បើមានការបំបែកក្បាលដី ឬចុះបញ្ជីចំណែកឯកជននៃអគារសហកម្មសិទ្ធិ រួចជាស្រេចមុនលក់ អ្នកទិញបូរី ឬខុនដូ នឹងមានទំនុកចិត្តជាងមុន ថាខ្លួននឹងទទួលបានប្លង់ដែលជាចំណែករបស់ខ្លួន យ៉ាងជាក់ច្បាស់ មិនមែនរង់ចាំទាល់តែទិញរួចទើបមានការបំបែកប្លង់តាមក្រោយនោះទេ។ ក្រៅពីនេះ ចាប់ពីឆ្នាំ ២០២២ តទៅ ក្រសួងដែលដីនឹងអនុវត្តការដាក់បញ្ចូលក្រឡាផ្ទៃសំណង់ទៅក្នុងបណ្ណកម្មសិទ្ធិផងដែរ។ ដូច្នេះ ម្ចាស់ផ្ទះ ឬខុនដូ នីមួយៗ នឹងដឹងពីទំហំផ្ទះរបស់ខ្លួនយ៉ាងច្បាស់។

អាន​បន្ថែម
ក្រុមហ៊ុនអានកូស្នើសុំវិនិយោគគម្រោងពហុបំណងលើផ្ទៃដីជាង៦ពាន់ហិកតានៅខេត្តកោះកុង

ក្រុមហ៊ុនអានកូស្នើសុំវិនិយោគគម្រោងពហុបំណងលើផ្ទៃដីជាង៦ពាន់ហិកតានៅខេត្តកោះកុង

  • ៤ មករា ២០២២

ក្រុមហ៊ុនអានកូ អាហរ័ណ នីហរ័ណ កាលពីថ្មីៗនេះ បានស្នើសុំវិនិយោគគម្រោងពហុបំណង លើផ្ទៃដីទំហំ ៦១៤៥ ហិកតា ក្នុងឧទ្យានជាតិបុទុមសាគរ ភូមិសាស្ត្រស្រុកបូទុមសាគរ និងស្រុកគិរីសាគរ ខេត្តកោះកុង។ លោក អ៊ុក ភ័ក្ត្រា អភិបាលរងខេត្តកោះកុង និងឯកឧត្តម សុខខេង នរិន្ទ អនុរដ្ឋលេខាធិការ នៃក្រសួងបរិស្ថាន កាលពីថ្ងៃទី២៩ ខែធ្នូ បានចុះពិនិត្យទីតាំងនៃគម្រោងពហុបំណង របស់ក្រុមហ៊ុនអានកូ អាហរ័ណ នីហរ័ណ។ យោងតាមព័ត៌មានរបស់រដ្ឋបាលខេត្ត លោកអភិបាលរងខេត្ត បានបង្ហាញនូវការគាំទ្រចំពោះគម្រោង ព្រោះគម្រោងនឹងជួយបង្កើតការងារជូនប្រជាពលរដ្ឋនៅមូលដ្ឋាន និងទាក់ទាញវិនិយោគិនជាតិ និងអន្តរជាតិ មកកាន់ខេត្តកោះកុងបន្ថែមទៀត។ ប៉ុន្តែ លោកក៏បានស្នើឱ្យក្រុមហ៊ុនសិក្សាឱ្យបានច្បាស់លាស់ ដើម្បីធ្វើឱ្យគម្រោងប៉ះពាល់ដល់បរិស្ថាន និងសង្គមតិចតួចបំផុត។ គួរបញ្ជាក់ថា គម្រោងវិនិយោគធំៗបានបង្ហាញខ្លួនជាច្រើននៅក្នុងតំបន់នៃខេត្តជាប់ឆ្នេរសមុទ្រមួយនេះ ដូចជា ព្រលានយន្តហោះតារាសាគរកម្រិត 4E (អានបន្ថែម) កំពង់ផែទឹកជ្រៅ (អានបន្ថែម) ផ្លូវជាតិលេខ៤៨ (អានបន្ថែម) ផ្លូវជាតិលេខ១០ (អានបន្ថែម) រួមទាំងគម្រោងអភិវឌ្ឍន៍ផ្សេងទៀត។

អាន​បន្ថែម
រដ្ឋបន្តអនុគ្រោះឱ្យបង់ពន្ធប្រថាប់ត្រាតែម្ដងសម្រាប់ការផ្ទេរកម្មសិទ្ធិច្រើនដង ដល់ចុងឆ្នាំ២០២៣

រដ្ឋបន្តអនុគ្រោះឱ្យបង់ពន្ធប្រថាប់ត្រាតែម្ដងសម្រាប់ការផ្ទេរកម្មសិទ្ធិច្រើនដង ដល់ចុងឆ្នាំ២០២៣

  • ៤ មករា ២០២២

រដ្ឋាភិបាល សម្រេចបន្តសុពលភាពការអនុគ្រោះពន្ធឱ្យបង់ពន្ធប្រថាប់ត្រាតែម្ដង សម្រាប់ការផ្ទេរកម្មសិទ្ធិច្រើនដង រហូតដល់ថ្ងៃទី៣១ ខែធ្នូ ឆ្នាំ២០២៣។ នេះបើតាមលិខិតលេខ ២២២៦៧ អពដ ចុះថ្ងៃទី៣១ ខែធ្នូ ឆ្នាំ២០២១ របស់អគ្គនាយកដ្ឋានពន្ធដារ។ គួរបញ្ជាក់ថាថា ការអនុគ្រោះពន្ធឱ្យបង់ពន្ធប្រថាប់ត្រាតែម្ដង សម្រាប់ការផ្ទេរច្រើនដងនេះ ធ្វើឡើងសម្រាប់ ២ ករណី ប៉ុណ្ណោ៖ ១) អចលនទ្រព្យដែលមិនទាន់បានចុះបញ្ជី (ប្លង់ទន់) ដែលផ្ទេរកម្មសិទ្ធិត្រឹមឃុំសង្កាត់ ឬក្រុង ស្រុក ខណ្ឌ ត្រូវបង់ពន្ធប្រថាប់ត្រាតែម្ដងប៉ុណ្ណោះ ពោលគឺនៅពេលដែលចុះបញ្ជីយកប្លង់រឹងជាលើកដំបូង ឬការផ្ទេរលើកចុងក្រោយបំផុត ២) អចលនទ្រព្យដែលបានចុះបញ្ជីរួច (មានប្លង់រឹង) ដែលផ្ទេរបន្តដៃគ្នាពីម្នាក់ទៅដៃម្នាក់ច្រើនដង នៅត្រឹមថ្នាក់ឃុំ សង្កាត់ ឬក្រុង ស្រុក ខណ្ឌ ប៉ុន្តែការផ្ទេរនោះធ្វើឡើងមុនឆ្នាំ២០១៧។ គួរបញ្ជាក់ថា ចាប់ពីឆ្នាំ២០២៤ តទៅ ការអនុគ្រោះនេះ នឹងបញ្ឈប់លែងមាន ហើយការបង់ពន្ធប្រថាប់ត្រានឹងចាប់អនុវត្តតាមបទប្បញ្ញត្តិ និងច្បាប់ជាធរមាន។

អាន​បន្ថែម