PropertyGuru ប្រកាសបេក្ខភាពជាប់ចូលវគ្គផ្ដាច់ព្រ័ត្រ ខណៈពីធីប្រកាសជ័យលាភីនឹងធ្វើឡើងឆាប់ៗនេះ

• 15 ខែ​សីហា 2022
• ព័ត៌មានអចលនទ្រព្យ
• 9 មើល

PropertyGuru Asia Property Awards កាលពីសប្តាហ៍មុនបានប្រកាសឈ្មោះបេក្ខភាពជាប់ចូលវគ្គផ្ដាច់ព្រ័ត្រ សម្រាប់កម្មវិធីប្រកួតអចលនទ្រព្យឆ្នើមនៅកម្ពុជាលើកទី ៧ ប្រចាំឆ្នាំ ២០២២។

ដោយឡែក ជ័យលាភីកំពូល នឹងត្រូវប្រកាសជាផ្លូវការក្នុងកម្មវិធីអាហារពេលល្ងាច ដែលនឹងប្រារព្ធនៅល្ងាចថ្ងៃសុក្រ ទី ២៦ ខែសីហា នៅសណ្ឋាគារសូហ្វីតែលភ្នំពេញភូគីត្រា។

ក្រុមហ៊ុននាំមុខគេក្នុងបញ្ជីអ្នកអភិវឌ្ឍឆ្នើម គឺក្រុមហ៊ុន Angkor Palace Development Co., Ltd. ក្រុមហ៊ុន  C.I.A.C Investment Limited ក្រុមហ៊ុន Kambujaya Development Co., Ltd ក្រុមហ៊ុន អ័រគីដេ វីឡា ៣ ខូអិលធីឌី និង ក្រុមហ៊ុន Prince Real Estate Group។

ដោយឡែក គម្រោងដែលមានឈ្មោះក្នុងបញ្ជីការរចនាប្លង់ឆ្នើម រួមមាន គម្រោង Angkor Palace Resort & Spa បូរី Angkor Palace លំនៅដ្ឋាន Kambujaya Residences គម្រោង Le Urban Eco Park គម្រោង​One Tropic គម្រោង Palace Greenpoint គម្រោង Prince International Plaza គម្រោង The Botanic City និងគម្រោង The Botanic City (The Palace)។

ពានរង្វាន់​បុគ្គល​ឆ្នើមក្នុងវិស័យអចលនទ្រព្យ​ប្រចាំឆ្នាំ២០២២ ​របស់​កម្ពុជា នឹងត្រូវ​ប្រគល់ជូន​លោក Charles Vann អនុប្រធាន​ប្រតិបត្តិ​នៃ​ក្រុមហ៊ុន Canadia Group និង​ជា​នាយក​ក្រុមហ៊ុន Cambodia Airport Investment Co. Ltd។

ដោយឡែក ក៏នៅមានក្រុមហ៊ុន និងគម្រោងជាច្រើនទៀតដែលជាប់ជាបេក្ខភាពចូលប្រកួតក្នុងវគ្គផ្ដាច់ព្រ័ត្រ ទៅតាមប្រភេទពាននីមួយៗ។ (មើលបញ្ជីពេញ សូមចុចទីនេះ)

លើសពីនេះ ជ័យលាភីក្នុងប្រទេសកម្ពុជា នឹងត្រូវមានសិទ្ធិចូលទៅប្រកួតក្នុងកម្មវីធី PropertyGuru Asia Property Awards វគ្គផ្តាច់ព្រ័ត្រនៅថ្ងៃទី ៩ ខែធ្នូ នៅឯប្រទេសថៃ។

គួរបញ្ជាក់ថា ការរើសបេក្ខភាពនេះ ត្រូវបានធ្វើឡើងដោយក្រុមចៅក្រមឯករាជ្យ ដែលរួមមានអ្នកជំនាញផ្នែកអចលនទ្រព្យកំពូលៗជាច្រើននៅកម្ពុជា និងក្រៅប្រទេស។

រៀបចំដោយ PropertyGuru Group ដែលជាក្រុមហ៊ុនបច្ចេកវិទ្យាអចលនទ្រព្យឈានមុខគេនៅអាស៊ីអាគ្នេយ៍ កម្មវិធីពានរង្វាន់ PropertyGuru Cambodia Property Awards 2022 លើកទី ៧ ត្រូវបានគាំទ្រដោយ Panasonic Cambodia និង ក្រុមហ៊ុន Jotun (Cambodia) Ltd។ លើសពីនេះ ក៏មានដៃផ្សព្វផ្សាយ ដូចជា ទស្សនាវដ្តី  PropertyGuru Property Report ក្រុមហ៊ុន Two Way PR  ទស្សនាវដ្តី Construction & Property និង Southeast Asia Globe។

សម្រាប់ព័ត៌មានបន្ថែម សូមអ៊ីម៉ែល awards@propertyguru.com ឬចូលទៅកាន់គេហទំព័រផ្លូវការ៖ AsiaPropertyAwards.com។

• អត្ថបទផ្សព្វផ្សាយ
• អត្ថបទផ្សព្វផ្សាយ