ការបង្កើតក្រុមហ៊ុនសម្ព័ន្ធ ៖ ហានិភ័យ និងការជឿជាក់

២៧ មិនា ២០១៦
ព័ត៌មានក្នុងស្រុក
5812 មើល

នៅក្នុងឧស្សាហកម្មសំណង់ គឺជារឿងសមញ្ញមួយនៅជុំវិញពិភពលោក។ ទោះបី ក្រុមហ៊ុនជាច្រើននៅក្នុងប្រទេសកម្ពុជាបានកំពុងតែប្រើប្រាស់កិច្ចព្រមព្រៀងពាណិជ្ជកម្មមួយនេះក្តី ក៏កិច្ចព្រមព្រៀងនេះនៅតែមិនទាន់ត្រូវបានយល់ច្បាស់នៅឡើយ។

ការចុះកិច្ចសន្យាជាសម្ព័ន្ធអាជីវកម្ម អាចជាក្រុមហ៊ុនសាជីវកម្មរួមគ្នា ឬមិនបញ្ចូលគ្នា អាស្រ័យ ទៅលើកិច្ចសន្យាបង្កើតសម្ព័ន្ធអាជីវកម្មនោះ ដើម្បីបង្កើតឱកាសពាណិជ្ជកម្មជាក់លាក់ណាមួយ។ ជាទូទៅកិច្ចព្រមព្រៀងសម្ព័ន្ធអាជីវកម្មមានបញ្ជាក់ពីកាតព្វកិច្ច និងទំនួលខុសត្រូវរវាងគូភាគីនីមួយៗ រួមទាំងការរួមចំណែកនៅក្នុងគម្រោង ការចែករំលែកប្រាក់ចំណេញ ការខាតបង់ ការត្រួតពិនិត្យ និងគ្រប់គ្រងលើការរួមបញ្ចូលគ្នា និងការរៀបចំពាណិជ្ជកម្មទៅតាមភាពខុសប្លែកគ្នារវាងសម្ព័ន្ធអាជីវកម្មនីមួយ។

ការទទួលយកកិច្ចសន្យាសម្ព័ន្ធអាជីវកម្ម អាចឲ្យគូភាគីនីមួយៗឈានជើងចូលទីផ្សារថ្មី ដោយមានបច្ចេកទេសសាងសង់ថ្មី បច្ចេកវិទ្យាថ្មី ធនធានហិរញ្ញវត្ថុបន្ថែម ឬក៏លទ្ធភាព ធានាក្នុងដំណើរការ។ ឬម្យ៉ាងទៀតដៃគូនៅក្នុងសម្ព័ន្ធអាជីវកម្ម អាចនាំមកនូវការទំនាក់ទំនងអតិថិជន គុណភាពបច្ចេកទេស និងជំនាញ ឬលក្ខខណ្ឌតម្រូវផ្សេងៗទៀត បើយោងតាម គេហទំព័រ Construction Executive សម្ព័ន្ធអាជីវកម្មមិនកំណត់ចំនួនសមាជិកទេ តែជាទូទៅគឺមានសមាជិកពីរ។ ការរួមបញ្ចូលនេះ គឺក្នុងគោលបំណងដើម្បីបង្កើនសមត្ថភាពឱ្យទទួលបានជោគជ័យសម្រាប់គម្រោងធំ។

ការបង្កើតក្រុមហ៊ុនចំរុះ គឺប្រៀបដូចជាការរៀបអាពាហ៍ពិពាហ៍ដែរ។ លទ្ធផលអាចល្អ តែក៏អាចជាការខកចិត្ត និងមានហានិភ័យប្រសិនបើគូភាគីមិនស័ក្តសមនិងចូលរួមជាដៃគូនឹងគ្នា។ មានចំណុច និងបញ្ហាជាច្រើនដែលត្រូវយកមកធ្វើការពិចារណាមុននឹងធ្វើការទទួលយកកិច្ចសន្យា ចូលជាសម្ព័ន្ធអាជីវកម្ម ប្រសិនបើគូភាគីទាំងអស់មានបំណងចង់បង្កើតឱ្យមានទំនាក់ទំនងដោយជោគជ័យ។

របៀបនៃការបង្កើតសម្ព័ន្ធអាជីវកម្មជាអន្តរជាតិ

គ្មានលក្ខខណ្ឌ ឬក៏ការណែនាំជាក់លាក់ណាមួយត្រូវបានចងក្រងនៅក្នុងប្រទេសកម្ពុជាសម្រាប់បង្កើតសម្ព័ន្ធអាជីវកម្មឡើយ។ នេះជាហេតុផលដែលភាគីកម្ពុជា និងភាគីបរទេសតែងមានទំនោរក្នុងការប្រើប្រាស់បទពិសោធន៍ និងការណែនាំរបស់អន្តរជាតិនៅពេលណាដែលគេចង់បង្កើតសម្ព័ន្ធអាជីវកម្ម។ តាមគោលការណ៍របស់ Construction Executive បានចែកចេញជាបួនជំហានធំៗ សម្រាប់ឲ្យក្រុមហ៊ុនដែលចង់រួមគ្នាធ្វើជាសម្ព័ន្ធអាជីវកម្មយកទៅអនុវត្តជាអន្តរជាតិ ៖ ជំហានក្នុងការសម្រេចចិត្តមុនបង្កើតសម្ព័ន្ធអាជីវកម្ម ជំហានក្នុងការបង្កើតសម្ព័ន្ធអាជីវកម្ម ជំហានក្នុងការប្រតិបត្តិ និងការបន្តរួមបញ្ចូលគ្នាដោយជោគជ័យនៃសម្ព័ន្ធអាជីវកម្ម។

ជំហានក្នុងការសម្រេចចិត្តមុនបង្កើតសម្ព័ន្ធអាជីវកម្ម

ក្រុមហ៊ុនដែលមានបំណងចង់បង្កើតសម្ព័ន្ធអាជីវកម្ម គួរតែចាប់ផ្តើមដោយការវាយតម្លៃយ៉ាង ស្មោះត្រង់ថាតើក្រុមហ៊ុនរបស់ខ្លួនអាចទទួលបានផលវិជ្ជមានអ្វីខ្លះអំពីកិច្ចព្រមព្រៀងនៃការបង្កើតសម្ព័ន្ធអាជីវកម្មនេះ។ ពួកគេគួរតែធានាឲ្យប្រាកដថា ទាំងសមាជិកគណៈកម្មការនាយក នាយកប្រតិបត្តិ និងគ្រប់នាយកដ្ឋានទាំងអស់ត្រៀមខ្លួនរួចជាស្រេចដើម្បីអនុវត្ត ឬចែករំលែកតួនាទី និងទំនួលខុសត្រូវទៅតាមកិច្ចព្រមព្រៀងសម្ព័ន្ធអាជីវកម្មនេះ។

ជំហានក្នុងការបង្កើតសម្ព័ន្ធអាជីវកម្ម

លក្ខខណ្ឌនៃការរៀបចំគួរតែត្រូវបានព្រាងទុកដោយមានសេចក្តីលំអិតនៅក្នុងកិច្ចព្រមព្រៀងរវាងគូភាគីទាំងអស់។ លើសពីនេះ សេចក្តីលំអិតនៃប្រតិបត្តិការផ្សេងទៀតគួរតែត្រូវបានទទួលយក និងរៀបចំទុកដាក់ជាឯកសារ បើទោះបីជាពួកគេមិនមែនជាផ្នែកមួយនៃកិច្ចព្រមព្រៀងសម្ព័ន្ធអាជីវកម្មជាក់លាក់ក៏ដោយ។ ជាទូទៅ ដំណើរការនេះមានភាពប្រហាក់ប្រហែលនឹងការបង្កើតពាណិជ្ជកម្មថ្មីមួយពីចំណុចសូន្យដែរ ពីព្រោះវាមានបញ្ហាជាច្រើនដែលគេត្រូវប្រឈមមុខ។ បញ្ហាទាំងអស់នេះ ត្រូវបានបែងចែកជាប្រាំផ្នែកធំៗ ៖ បញ្ហារៀបចំរចនាសម្ព័ន្ធសហគ្រាស បញ្ហាអភិបាលកិច្ចនិងមូលធន បញ្ហាប្រតិបត្តិការ បញ្ហាការគ្រប់គ្រងហិរញ្ញវត្ថុ ការគ្រប់គ្រងហានិភ័យ បញ្ហាពន្ធនិងបញ្ហាគណនេយ្យ ។

ជំហានក្នុងការប្រតិបត្តិ

បើទោះបីជាការរៀបចំមានដំណើរការយ៉ាងប្រសើរនៅក្នុងគម្រោង ឬកម្មវិធីសម្ព័ន្ធអាជីវកម្មក៏ដោយ ប៉ុន្តែបញ្ហាជាច្រើនគួរតែត្រូវបានឃ្លាំមើលខណៈពេលដែលការងារកំពុងដំណើរការ។ ដូច្នេះភាគីទាំងអស់ត្រូវតែត្រួតពិនិត្យ តាមដាន និងធ្វើការយ៉ាងជិតស្និទ្ធជាមួយគ្នាលើសកម្មភាព គម្រោងប្រចាំថ្ងៃដើម្បីចៀសវាងបញ្ហាដែលអាចកើតមាន។ ក្រៅពីការពាក់ព័ន្ធនឹងការគ្រប់គ្រងទូទៅ ភាគីនីមួយៗត្រូវតែយកចិត្តទុកដាក់ជាពិសេសលើការការពារ និងកំណត់អត្តសញ្ញាណនៃការកេងបន្លំ ការវាស់ស្ទង់ទៅលើដំណើរការ ការគ្រប់គ្រងការផ្លាស់ប្តូរ ការបញ្ជាទិញ ការពិនិត្យមើលឡើងវិញ នូវរាល់វិក័យបត្រ សវនកម្មផ្ទៃក្នុង និងការគ្រប់គ្រងសាច់ប្រាក់។

ជំហាននៃការវេញបញ្ចូលគ្នាទៅក្នុងសម្ព័ន្ធអាជីវកម្ម

នៅពេលដែលគម្រោងមួយរៀបនឹងបញ្ចប់ វាជាពេលវេលាដែលគ្រប់ភាគីទាំងអស់នៃសម្ព័ន្ធអាជីវកម្ម គួរតែធ្វើការពិនិត្យលើការសហការឡើងវិញ ដើម្បីកំណត់នូវអ្វីដែលគួរតែពង្រឹងបន្ត ប្រសិនបើពួកគេមានបំណងចង់បង្កើតគម្រោងស្រដៀងគ្នានាពេលអនាគត។

សម្ព័ន្ធអាជីវកម្មនៅក្នុងប្រទេសកម្ពុជា

សម្ព័ន្ធអាជីវកម្មភាគច្រើនត្រូវបានបញ្ចូលទៅក្នុងអ្នកអភិវឌ្ឍន៍អចលនទ្រព្យ ដែលក្រុមហ៊ុនក្នុងស្រុកបានដាក់ធនាគារនូវកម្មសិទ្ធិដីរបស់ខ្លួនជាការចូលរួមចំណែក ហើយវិនិយោគិនបរទេស បាននាំមកនូវអ្នកជំនាញការសាងសង់ និងផ្តល់ថវិកាសម្រាប់គម្រោងសាងសង់។ ច្បាប់កម្ពុជា ទាមទារឱ្យក្រុមហ៊ុនក្នុងស្រុកធ្វើជាម្ចាស់យ៉ាងហោចណាស់ ៥១% នៃភាគហ៊ុនក្នុងការធ្វើអាជីវកម្មរួមគ្នា ដោយសារតែរដ្ឋធម្មនុញ្ញតម្រូវឲ្យអង្គភាពរូបវន្តបុគ្គល ឬនីតិបុគ្គលកម្ពុជាជាម្ចាស់កម្មសិទ្ធិលើដីហើយនៅសល់ពីនេះទើបអាចគ្រប់គ្រងដោយភាគីបរទេសបានដំណើរការនេះមានភាពប្រហាក់ប្រហែលនឹងការបង្កើតពាណិជ្ជកម្មថ្មី។

ក្រុមហ៑ុន Muhibbah Engineering (កម្ពុជា)Co. Ltd គឺជាក្រុមហ៑ុនក្នុងស្រុក ដែលមានបទពិសោធជាងគេបំផុតក្នុងកិច្ចសន្យាសម្ព័ន្ធអាជីវកម្មនេះ។ ក្រោយពីក្លាយជាក្រុមហ៊ុនសម្ព័ន្ធជាមួយនិងក្រុមហ៊ុន Muhibbah Engineering ម៉ាឡេស៊ីក្នុងឆ្នាំ ១៩៩៥ ក្នុងការបង្កើតពាណិជ្ជកម្មលើវិស័យសំណង់ជាច្រើនប្រភេទដូចជា កន្លែងយកថ្មសំណង់ រោងចក្រលាយកៅស៊ូក្រាលថ្នល់ រោងចក្រលាយបេតុងចាក់ស្រេច និងបានឈានជើងចូលជាក្រុមហ៊ុនសម្ព័ន្ធទ្រង់ទ្រាយធំមួយ ដែលគេឲ្យឈ្មោះថា SCA ក្នុងឆ្នាំ ២០០១ ជាមួយក្រុមហ៑ុន VINCI ជាក្រុមហ៑ុនម៉ៅការសាងសង់ហេដ្ឋារចនាសម្ព័ន្ធធំមួយមកពីប្រទេសបារាំង ដើម្បីសាងសង់ និងដំណើរការអាកាសយានដ្ឋានអន្តរជាតិកម្ពុជា។ ខុសពីសម្ព័ន្ធអាជីវកម្មក្នុងស្រុកដទៃទៀត VINCI មានភាគហ៊ុន ៧០% ហើយ Muhibbah កាន់កាប់ភាគហ៊ុនដែលនៅសល់ នេះបើតាមកិច្ចចរចាររបស់ភាគីទាំងពីរ។

ទោះបីជាមានបទពិសោធន៍ជាមួយសម្ព័ន្ធអាជីវកម្មជាច្រើនក៏ដោយ ក៏លោកឧកញ៉ា ហាន់ ឃាង នាយកសហគ្រាស Muhibbah Engineering (កម្ពុជា) បានប្រាប់ទស្សនាវដ្តីសំណង់ និងអចលនទ្រព្យថា ហិរញ្ញវត្ថុ នៅតែជាបញ្ហាគួរឱ្យឈឺក្បាលសម្រាប់សម្ព័ន្ធអាជីវកម្ម។

ជាក្រុមហ៑ុនមានពិសោធន៍ដ៏ចំណាស់ជាងគេក្នុងវិស័យសំណង់ហេដ្ឋារចនាសម្ព័ន្ធក្នុងប្រទេសកម្ពុជា ដែលបានចូលរួមនៅក្នុងសម្ព័ន្ធអាជីវកម្មជាមួយ Muhhibah ម៉ាឡេស៊ី ក្នុងការសាងសង់រោងចក្រស្ករអំពៅ តម្លៃ២០០លានដុល្លារ ដើម្បីលើកទឹកចិត្តដល់សហគ្រាសក្នុងស្រុកក្នុងការពិចារណាបង្កើតសម្ព័ន្ធអាជីវកម្មជាមួយក្រុមហ៑ុនបរទេសអាចស្វែងរកប្រភពច្បាស់លាស់នៃបញ្ហា។ ជារឿយៗ គូភាគីបរទេសតែងចូលបណ្តាក់ទុនជាមួយសហគ្រាសក្នុងស្រុក មិនត្រឹមតែ មានប្រភពធនធាន និងបច្ចេកវិទ្យានោះទេ តែពួកគេក៏ត្រូវការចំណេះដឹងក្នុងស្រុកឲ្យបានទូលំទូលាយ និងបណ្តាញដែលអាចជួយដល់ពាណិជ្ជកម្មរបស់ពួកគេផងដែរ។ គាត់បានពន្យល់ថា ក្រុមហ៑ុនបរទេសត្រូវការដៃគូសហការដែលមានភាពជិតស្និទ្ធជាមួយរាជរដ្ឋាភិបាល ដូច្នេះ ប្រសិនបើពួកគេផ្តល់ឲ្យយើងនូវភាគលាភបន្តិចបន្តួចបន្ថែមទៀត វានៅតែមិនច្រើនឡើយសម្រាប់ពួកគេ។ ជាមួយកេរ្តិ៍ឈ្មោះ និងទំនាក់ទំនងក្នុងតំបន់ និងអន្តរជាតិយ៉ាងទូលំទូលាយ មានក្រុមហ៊ុនជាច្រើនមកពីប្រទេសចិន និងជប៉ុន បានសង្ឃឹមក្នុងការបង្កើតកិច្ចព្រមព្រៀងវិនិយោគទុនជាមួយគាត់ ប៉ុន្តែបែរជាមានការខកចិត្ត ដោយសារលោកមិនចាប់អារម្មណ៍នៅក្នុងសម្ព័ន្ធអាជីវកម្មបន្តទៀត។ ទោះជាយ៉ាងណាក៏ដោយ លោកនៅតែជួយសម្របសម្រួលការវិនិយោគរបស់ពួកគេនៅក្នុងប្រទេសកម្ពុជាដូចធម្មតា។ Muhhibah បានបង្កើតឱកាសដល់ក្រុមហ៊ុនដែលចាប់អារម្មណ៍លើការបណ្តាក់ទុន ក្នុងការបង្កើតផ្លូវល្បឿនលឿននៅទីក្រុងភ្នំពេញក្នុងគម្រោងទឹកប្រាក់ ២០០លានដុល្លារ បន្ទាប់ពីឈ្នះការដេញថ្លៃកិច្ចសន្យាពីរាជរដ្ឋាភិបាល។

លោកឧកញ៉ា ហាន់ ឃាង បានឃ្លាំមើលអំពីភាពខ្វះខាតក្នុងការគ្រប់គ្រងទៅលើសម្ព័ន្ធអាជីវកម្មក្នុងការដេញថ្លៃក្នុងប្រទេសកម្ពុជាដែលអនុញ្ញាតឲ្យសហគ្រាសបរទេសងាយស្រួលក្នុងការដេញថ្លៃ និងឈ្នះដោយមិនបាច់មានការចូលជាក្រុមហ៊ុនសម្ព័ន្ធអាជីវកម្មជាមួយក្រុមហ៑ុនក្នុងស្រុក ដែលជាញឹកញាប់សមត្ថភាពមានកំណត់។ គាត់ស្នើសុំទៅរាជរដ្ឋាភិបាលដើម្បីចែករំលែក ៩% នៃគម្រោងទៅកាន់សហគ្រាសក្នុងស្រុកនៅក្នុងការដេញថ្លៃសាងសង់ ដើម្បីឲ្យ សហគ្រាសបរទេសចូលជា សម្ព័ន្ធុអាជីវកម្មជាមួយក្រុមហ៑ុនក្នុងស្រុក ដោយឲ្យក្រុមហ៊ុនក្នុងស្រុកកាន់កាប់ ៥១% នៃតម្លៃគម្រោង។

គាត់បានពន្យល់ថា សម្ព័ន្ធអាជីវកម្មអាចទទួលបានជោគជ័យ ឬបរាជ័យគឺអាស្រ័យលើមូលធន ដែលភាគីទាំងអស់ដាក់វិនិយោគរួមជាមួយនិងពេលវេលាដ៏ល្អនៃការមកដល់របស់គូភាគី។

លោកបណ្ឌិត សុខ ស៊ីផាណា ជាដៃគូគ្រប់គ្រងនៃការិយាល័យមេធាវីនាំមុខគេ ឈ្មោះ SokSiphana&Associate បានជួយសហគ្រាសដែលកាន់កាប់អចលនវត្ថុជាច្រើន ក្នុងការបង្កើតសម្ព័ន្ធអាជីវកម្ម ជាមួយអ្នកវិនិយោគបរទេស ជាពិសេសនៅក្នុងវិស័យអចលនទ្រព្យ។ លោកបានបញ្ជាក់ថា សហគ្រាសជាច្រើនពឹងផ្អែកលើភាពជំនាញរបស់ការិយាល័យរបស់លោកដើម្បីរៀបចំរចនាសម្ព័ន្ធនៃសម្ព័ន្ធអាជីវកម្ម។ ឧទាហរណ៍ នៅក្នុងសម្ព័ន្ធអាជីវកម្មមួយ ការកាន់កាប់ភាគហ៊ុន និងទស្សនៈនៃការគ្រប់គ្រង និងភាពស្មុគស្មាញនៅក្នុងការរៀបចំ នៃអគារពាណិជ្ជកម្មពហុបំណង ត្រូវបានបញ្ចូលទៅក្នុងច្បាប់ ដើម្បីហាមប្រាម ភាពជាម្ចាស់ដីនៃអ្នកវិនិយោគបរទេស។

លោកបានបន្ថែមថា មានលិខិតុបករណ៍ជាក់លាក់ពីរដើម្បីធានាបាននូវកិច្ចព្រមព្រៀងដ៏រឹងមាំ និងគ្មានជម្លោះនៅក្នុងបរិបទសង្គមកម្ពុជា។ ទីមួយ គឺកិច្ចព្រមព្រៀងសម្ព័ន្ធអាជីវកម្ម ហើយទីពីរ គឺភាពលំអិតនៃកិច្ចព្រមព្រៀងនៃភាគីដែលកាន់កាប់ភាគហ៊ុន ប្រសិនបើកិច្ចព្រមព្រៀងក្នុងសម្ព័ន្ធអាជីវកម្មចុះលក្ខខណ្ឌនៅក្នុងដំណើរការក្រុមហ៊ុនមួយថ្មីដើម្បីអនុវត្តគម្រោងពាណិជ្ជកម្មអចលនទ្រព្យ។

លោកបានបន្ថែមទៀតថា ភាគីទាំងពីរមានជម្រើសក្នុងការសម្រេចចិត្តថា នៅពេលដែលពួកគេទាំងពីរចូលជាសម្ព័ន្ធអាជីវកម្ម គឺក្រុមហ៊ុនថ្មីមួយនោះគួរតែបង្កើតគោលបំណងច្បាស់លាស់ សម្រាប់ការអនុវត្ត និងការដោះស្រាយបញ្ហាអ្វីមួយនៅក្នុងកិច្ចព្រមព្រៀងសម្ព័ន្ធអាជីវកម្ម។

លោកបានសង្កត់ធ្ងន់ថា ការព្រាងឲ្យបានច្បាស់លាស់នូវកិច្ចព្រមព្រៀងនៃគូភាគីដែលមានភាគហ៊ុន គឺដើម្បីកំណត់ឱ្យបានច្បាស់អំពីទំនាក់ទំនងរវាងភាគីដែលមានភាគហ៊ុន និងបញ្ជាក់ឱ្យច្បាស់ថាសម្ព័ន្ធអាជីវកម្មដែលត្រូវបានគ្រប់គ្រងនោះ គឺអាចមានការខាតបង់។ កិច្ចព្រមព្រៀងអាចជាអាវុធសំខាន់ ហើយមិនចំណាយថ្លៃក្នុងការដោះស្រាយជម្លោះ ដោយវាអាចដោះស្រាយបញ្ហា ឬក៏ធ្វើឱ្យមានដំណើរការបានរហ័ស។

ដើម្បីផ្តល់ដំណឹងដល់ក្រុមហ៊ុនអំពីកិច្ចព្រមព្រៀងវិនិយោគសម្ព័ន្ធអាជីវកម្មរួមមួយក្នុងការធានាឲ្យបានកិច្ចព្រមព្រៀងឈ្នះឈ្នះសម្រាប់ពួកគេ គាត់បានផ្តល់ដំបូន្មានអំពីការគ្រប់គ្រង ការរំពឹងទុក និងហានិភ័យ។ ចូលចំណាយពេលវេលាដើម្បីកសាងភាពជិតស្និទ្ធ ការជឿទុកចិត្ត និងទំនាក់ទំនង។ យើងត្រូវការពេលវេលាក្នុងការផ្សាភ្ជាប់វប្បធម៌ផ្សេងៗគ្នា និងវិធីគ្រប់គ្រងទាំងឡាយ។ ត្រូវទទួលស្គាល់ពីឧបសគ្គនៃភាសាផងដែរ។ លោកបាននិយាយថា ប្រសិនបើមិនដោះស្រាយដោយប្រុងប្រយ័ត្ននោះទេ បញ្ហាតូចៗទាំងអស់នេះនឹងអាចធ្វើឲ្យដួលរលំក្រុមហ៑ុនក្នុងសម្ព័ន្ធអាជីវកម្មរួមជាមិនខាន។

លោកបណ្ឌិត សាត ដារ៉ា សាស្ត្រាចារ្យនៃសាកលវិទ្យាល័យមួយដែលមានចំណេះដឹងទូលំទូលាយ និងមានបទពិសោធនៅក្នុងវិស័យវិស្វកម្មសំណង់ស៊ីវិល និងសំណង់ឧស្សាហកម្មបានស្របនឹងមតិយោបល់របស់លោកបណ្ឌិត សុខ ស៊ីផាន់ណា។ លោកបាននិយាយថាកិច្ចព្រមព្រៀងសម្ព័ន្ធអាជីវកម្មដែលសរសេរមិនច្បាស់លាស់ និងមិនត្រឹមត្រូវ គឺនៅតែជាប្រភពសំខាន់នៃជម្លោះ និងបង្កទោមនស្សដល់ភាគីទាំងអស់ និងអតិថិជន។

លោកបាននិយាយថា ប្រសិនបើកិច្ចព្រមព្រៀងនេះត្រូវបានសរសេរយ៉ាងត្រឹមត្រូវ មិនលំអៀងទៅភាគីណាមួយនោះ វាគឺជារឿងល្អ។ ប៉ុន្តែបើកិច្ចព្រមព្រៀងនេះត្រូវបានសរសេរ ដើម្បីតម្រូវចិត្តក្រុមហ៊ុនបរទេស នោះភាគីក្នុងស្រុកនឹងត្រូវទទួលការខាតបង់ទាំងស្រុង ដូចដែលមានចែងនៅក្នុងកិច្ចសន្យាដោយសារតែយើងមិនមានស្ថាប័នស្របច្បាប់ណាមួយ ដែលអាចជួយដោះស្រាយភាពអយុត្តិធម៌ ក្នុងកិច្ចព្រមព្រៀងវិនិយោគទុនរួមគ្នានេះបានទេ។

ខណៈពេលដែលមានគោលការណ៍គ្រប់គ្រងជាក់លាក់នៅលើការបណ្តាក់ទុនរួមគ្នានៅក្នុង ប្រទេសអភិវឌ្ឍទាំងឡាយ យើងមិនទាន់មានគោលការណ៍ទាំងនោះនៅក្នុងប្រទេសកម្ពុជាឡើយ។ បើតាមលោកបណ្ឌិត សាត ដារ៉ា បានឲ្យដឹងថា មានគោលការណ៍ណែនាំគ្រប់គ្រងដោយឡែកក្នុងការត្រួតពិនិត្យការវិនិយោគទុនរួមគ្នានៅក្នុងក្រសួងរៀបចំដែនដី នគរូបនីយកម្ម និងសំណង់ ក្រសួងសាធារណការ និងដឹកជញ្ជូន ក្រសួងអភិវឌ្ឍន៍ជនបទ និងក្រសួងធនធានទឹកទេ ប៉ុន្តែវាស្ទើរតែមិនមានប្រសិទ្ធភាពទាល់តែសោះ ។ មានតែក្រសួងដែនដី នគរូបនីយកម្ម និងសំណង់ ប៉ុណ្ណោះ បានបង្កើតគោលការណ៍ណែនាំដេញថ្លៃប្រាក់បញ្ញើក្នុងធនាគារ និងតម្លៃកម្មសិទ្ធិសម្រាប់ក្រុមហ៊ុនដែលចង់បង្កើតកិច្ចព្រមព្រៀងសម្ព័ន្ធអាជីវកម្មវិនិយោគទុនរួម។

លោកបណ្ឌិត សាត ដារ៉ា ស្នើក្រសួង និងសមាគមដែលគ្រប់គ្រងដោយឯកជន ដែលជាប់ពាក់ព័ន្ធទាំងឡាយ ដូចជាសមាគមអ្នកសាងសង់កម្ពុជា (CCA) ឲ្យបង្កើតលក្ខខណ្ឌសម្ព័ន្ធអាជីវកម្ម ឲ្យមានប្រសិទ្ធភាព ដែលអាចធានាអត្ថប្រយោជន៍ដល់ភាគីទាំងអស់ ព្រមទាំងអតិថិជនផងដែរ។ លោកបានជូនដំណឹងដល់អ្នកបណ្តាក់ទុនគ្រប់គ្នាឲ្យយកចិត្តទុកដាក់យ៉ាងខ្លាំងទៅលើកិច្ចព្រមព្រៀងព្រាង និងធនធានដែលបានចូលរួមចំណែកដោយភាគីនីមួយ។

លោកបានព្រមានថា ដោយសារតែយើងមិនមានក្របខ័ណ្ឌច្បាប់ដែលមានប្រសិទ្ធិភាពក្នុងការត្រួតពិនិត្យការបង្កើតក្រុមហ៊ុនសម្ព័ន្ធអាជីវកម្ម ក្រុមហ៊ុនបរទេសអាចបង្កើតក្រុមហ៊ុនសម្ព័ន្ធអាជីវកម្មមួយជាមួយក្រុមហ៊ុនក្នុងស្រុកដើម្បីលក់គម្រោងអចលនទ្រព្យ។ បន្ទាប់ពីពួកគេបានលក់ដាច់រួចរាល់ ពួកគេនឹងគ្រាន់តែ ដកយកលុយដោយគ្មានការសាងសង់វិញឡើយ ហើយជាធម្មតាការបាត់បង់នឹងធ្លាក់លើក្រុមហ៊ុនក្នុងស្រុក និងអតិថិជន។

- Video Advertisement -

ព័ត៌មានដែលទាក់ទង

ត្រីមាសទី២-២០២៤ អត្រាទំនេរក្នុងអគារការិយាល័យនៅប្រទេសថៃ កើន ២៦,៣%

១៩ វិច្ឆិកា ២០២៤

អត្រាទំនេរនៃអគារការិយាល័យនៅទីក្រុងបាងកកនៅក្នុងអគារលំដាប់ A នៅតាមតំបន់សំខាន់ៗ បានកើនឡើងដល់ ២៦,៣% ដែលឆ្លុះបញ្ចាំងពីការកើនឡើងនៃការផ្គត់ផ្គង់លើសតម្រូវការ ប៉ុន្តែក្រុមហ៊ុន Frasers Property Limited (FPL) ដែលដឹកនាំដោយមហាសេដ្ឋីដែលមានបំផុតរបស់ប្រទេសថៃ រំពឹងថាជម្លោះពាណិជ្ជកម្មរវាងសហរដ្ឋអាមេរិក និងចិននឹងជំរុញតម្រូវការអគារការិយាល័យ និងកន្លែងឧស្សាហកម្មនៅទូទាំងអាស៊ីអាគ្នេយ៍ឡើងវិញ ការព្យាករនេះ ត្រូវបានចុះផ្សាយក្នុងសារៈព័ត៌មាន bangkokpost កាលពីថ្ងៃទី ១៩ ខែកញ្ញា ឆ្នាំ ២០២៤។ ជាមួយនឹងការវិនិយោគចំនួន ៣,៦ ពាន់លានដុល្លារអាមេរិកនៅក្នុងគម្រោង ‘One Bangkok’ ដែលជាគម្រោងអភិវឌ្ឍន៍អចលនទ្រព្យដ៏ធំបំផុតនៅក្នុងប្រទេស នាយកប្រតិបត្តិក្រុមហ៊ុន FPL លោក Panote កូនប្រុសរបស់មហាសេដ្ឋីថៃលោក Charoen Sirivadhanabhakdi បានបង្ហាញសុទិដ្ឋិនិយមថា តំបន់អាស៊ីអាគ្នេយ៍នឹងមើលឃើញការកើនឡើងគួរឱ្យកត់សម្គាល់នៃការវិនិយោគផ្ទាល់ពីបរទេស ជាពិសេសពីប្រទេសចិន និងសិង្ហបុរី ដែលជំរុញតម្រូវការសម្រាប់វិស័យទ្រព្យផ្នែក ពាណិជ្ជកម្ម។ ដំណាក់កាលដំបូងនៃគម្រោង One Bangkok នេះ ដែលគ្រោងនឹងដាក់ឱ្យដំណើរការជាផ្លូវការនៅថ្ងៃទី ៦ ខែតុលា ឆ្នាំ ២០២៤ រួមមានអគារការិយាល័យចំនួន ៣អគារ និងតំបន់លក់រាយចំនួន ២ […]

ថៃរំពឹងថា កំណើនយ៉ាងឆាប់រហ័សនៃឧស្សាហកម្មរថយន្តអគ្គិសនី នឹងជួយជំរុញការរីកចម្រើននៃវិស័យអចលនទ្រព្យរបស់ប្រទេស

១០ វិច្ឆិកា ២០២៤

ឧស្សាហកម្មរថយន្តអគ្គិសនី (EV) ដែលកំពុងរីកចម្រើនយ៉ាងឆាប់រហ័សរបស់ប្រទេសថៃ ត្រូវបានគេព្យាករថា នឹងចូលរួមចំណែកដល់កំណើនទីផ្សារអចលនទ្រព្យដែលមានតម្លៃយ៉ាងហោចណាស់ ៦,៥ ពាន់លានដុល្លារនៅឆ្នាំ ២០៣០ ដែលជំរុញដោយគោលនយោបាយរបស់រដ្ឋាភិបាល និងការវិនិយោគពីបរទេសដ៏រឹងមាំ។ នាយកគ្រប់គ្រង Jones Lang Lasalle (JLL) លោក Michael Glancy បានគូសបញ្ជាក់ពីសក្តានុពលនេះនៅក្នុងសេចក្តីថ្លែងការណ៍មួយ ដែលត្រូវបានចុះផ្សាយដោយ RetalkAsia នៅថ្ងៃទី១៣ ខែកញ្ញា ឆ្នាំ ២០២៤។ ដោយសារប្រទេសថៃមានមហិច្ឆតាចង់ពង្រឹងជំហររបស់ខ្លួនជាមជ្ឈមណ្ឌលឈានមុខគេនៅអាស៊ីអាគ្នេយ៍សម្រាប់ការផលិត EV ហេតុដូច្នេះហើយកំណើននេះ នឹងជំរុញឱ្យមានតម្រូវការសម្រាប់អចលនទ្រព្យផ្នែកពាណិជ្ជកម្មកើនឡើង ដើម្បីគាំទ្រដល់ការផលិត ការស្រាវជ្រាវ និងការពង្រីកឧស្សាហកម្មនេះ។ ឧស្សាហកម្ម EV របស់ប្រទេសថៃ កំពុងត្រៀមខ្លួនសម្រាប់ការពង្រីកជាបន្តបន្ទាប់ ដោយសារគោលនយោបាយសាមសិបអែតសាមសិប (30@30) ដ៏មានមហិច្ឆតារបស់រដ្ឋាភិបាល ដែលកំណត់ថា ៣០% នៃយានយន្តទាំងអស់ដែលផលិតនៅក្នុងប្រទេសថៃនៅឆ្នាំ ២០៣០ ត្រូវតែជារថយន្តអគ្គិសនី។ គំនិតផ្តួចផ្តើម 30@30 នេះ រួមជាមួយនឹងកញ្ចប់លើកទឹកចិត្ត EV ៣,៥ សម្រាប់ឆ្នាំ ២០២៤ – ២០២៧ រួមមានការឧបត្ថម្ភធនយ៉ាងច្រើន […]

បច្ចុប្បន្នភាពត្រីមាសទី៣ឆ្នាំ ២០២៤ នៃនិន្នាការអត្រាការប្រាក់របស់ធនាគារនៅកម្ពុជា ធៀបនឹងទីផ្សារសកល

៥ វិច្ឆិកា ២០២៤

ទិដ្ឋភាពហិរញ្ញវត្ថុពិភពលោក បង្ហាញពីការប្រែប្រួលសំខាន់ៗនៃគោលនយោបាយអត្រាការប្រាក់នៅទូទាំងធនាគារកណ្តាលនៃប្រទេសទីផ្សារសំខាន់ៗ ដែលភាគច្រើនស្ថិតនៅកម្រិតជុំវិញចន្លោះពី ៣,៥% ទៅ ៦% ខណៈធនាគារកម្ពុជា រក្សាអត្រាខ្ពស់ជាងគេ បើធៀបនឹងសមភាគីអន្តរជាតិ ពោលគឺលើ ១០% បើគិតត្រឹមរយៈពេលពីខែធ្នូ ឆ្នាំ ២០២១ រហូតដល់ខែធ្នូ ឆ្នាំ ២០២៤ យោងតាមទិន្នន័យពី NBC, Global Rates, Macrobond, CBRE Research, Q3 2024 ដែលចុះផ្សាយដោយ CBRE Cambodia ចុះថ្ងៃទី ១៧ ខែតុលា ឆ្នាំ ២ឥ២៤។ ដោយឈរនៅលំដាប់ខ្ពស់បំផុត ធនាគារកម្ពុជារក្សាអត្រាការប្រាក់ចន្លោះពី ១០-១២% ដែលអត្រានេះគឺខ្ពស់ជាងចន្លោះពី ២-៣ ដងច្រើនជាងធនាគារកណ្តាលសេដ្ឋកិច្ចអភិវឌ្ឍន៍ភាគច្រើន។ ក្នុងចំណោមធនាគារកណ្តាលនៃប្រទេសក្នុងតំបន់អាស៊ី៖ ធនាគារកណ្តាលចិនរក្សាអត្រាការប្រាក់ប្រហែល ៣,៥-៤% ធនាគារកណ្តាលជប៉ុន រក្សាអត្រាទាបគួរឱ្យកត់សម្គាល់ជិត 0% ធនាគារកណ្តាលសិង្ហបុរីដំណើរការប្រហែល ៣,៥% ធនាគារកណ្តាលឥណ្ឌារក្សាអត្រាការប្រាក់ប្រហែល ៦% ធនាគារកណ្តាលរបស់ប្រទេសលោកខាងលិច៖ ធនាគារកណ្តាលរបស់សហរដ្ឋអាមេរិក (US Federal Reserve)៖ […]

ការវិនិយោគលើវិស័យសំណង់នៅកម្ពុជា នៅមិនទាន់អាចងើបឡើងវិញបាននៅឡើយ ខណៈតួលេខឆ្នាំ ២០២៤ នៅទាបខ្លាំង ធៀបនឹងឆ្នាំមុនៗ

៣១ តុលា ២០២៤

បច្ចុប្បន្នភាពនៃវិស័យសំណង់របស់កម្ពុជា នៅមិនទាន់មានកំណើនខ្លាំងឡើងវិញនៅឡើយទេ ជាក់ស្តែងតួលេខនៃចំនួនគម្រោងវិនិយោគដែលត្រូវបានអនុម័តក្នុងឆ្នាំ ២០២៤ នៅមានតិចតួចជាងឆ្នាំ ២០២១ និង២០២៣ ពោលគឺបានធ្លាក់ចុះមកនៅត្រឹមប្រហែល ២១៩០គម្រោង (ក្រោម ៤ពាន់លានដុល្លារ) គិតត្រឹមខែសីហា ឆ្នាំ ២០២៤ ពីចំនួនជិត ៤៨៤១ គម្រោង (ជិត១២ពាន់លានដុល្លារ) ក្នុងឆ្នាំ ២០២០ នេះបើយោងតាមរបាយការណ៍ចុងក្រោយបំផុតរបស់ក្រសួងរៀបចំដែនដី និងនគរូបនីយកម្ម ត្រីមាសទី ៣ ឆ្នាំ ២០២៤ និងបានបង្ហាញដោយ CBRE Research ចុះថ្ងៃទី ១៧ ខែតុលា ឆ្នាំ ២០២៤។ គួររំលឹកថា ចាប់ពីឆ្នាំ ២០១៧ ដល់ឆ្នាំ ២០២៤ ទិដ្ឋភាពនៃការវិនិយោគលើវិស័យសំណង់របស់ប្រទេសកម្ពុជា មានការផ្លាស់ប្តូរជាដំណាក់កាលគួរឱ្យកត់សម្គាល់ផ្សេងៗគ្នា។ រយៈពេលពីឆ្នាំ ២០១៧ ដល់ឆ្នាំ ២០២០ វិស័យនេះ មានការកើនឡើងជាបន្តបន្ទាប់ និងបានឈានដល់កម្រិតខ្ពស់បំផុតក្នុងឆ្នាំ ២០២០ដែលមានចំនួនគម្រោងវិនិយោគរហូតដល់ ៤៨៤១ គម្រោង ស្មើនឹងទំហំទឹកប្រាក់វិនិយោគប្រមាណជិត ១២ ពាន់លានដុល្លារ។ ចំពោះគម្រោងវិនិយោគតាមវិស័យផ្សេងៗវិញ […]

ភ្ញៀវទេសចរអន្តរជាតិមកកម្ពុជាកើនជិតស្មើកម្រិតមុនវិបត្តិសកល ប៉ុន្តែទេសចរចិននៅមានចំនួនតិចតួច បើធៀបនឹងប្រទេសជិតខាង

២៨ តុលា ២០២៤

ចំនួនភ្ញៀវអន្តរជាតិចូលមកទេសចរណ៍ក្នុងប្រទេសកម្ពុជា ក្នុងឆ្នាំ ២០២៤ បានកើនឡើងដល់ ៤,៤ លាននាក់ក្នុងរយៈពេល ៨ ខែដំបូង ស្មើនឹងការកើនឡើង ២២,៥% បើធៀបនឹងរយៈពេលដូចគ្នាក្នុងឆ្នាំ ២០២៣។ តួលេខដ៏ខ្ពស់នេះ បង្ហាញពីការងើបឡើងវិញនៃវិស័យទេសចរណ៍ជាបណ្តើរៗ ពោលគឺនៅសល់តែ១,៦% ទៀតតែប៉ុណ្ណោះ នឹងបានស្មើនឹងកម្រិតចំនួនទេសចរកាលពីកំឡុងពេលមុនមានវិបត្តិសាកល ដែលនៅពេលនោះ ចំនួនទេសចរអន្តរជាតិបានធ្លាក់ចុះយ៉ាងខ្លាំងពី ៦,៩ លាននាក់ក្នុងឆ្នាំ ២០១៩ មកត្រឹមតែ ២០០K នាក់ក្នុងឆ្នាំ ២០២១។ កំណើនទេសចរណ៍បានចាប់ផ្តើមឡើងវិញ នៅឆ្នាំ ២០២២ ជាមួយនឹងការមកដល់ ២,៣ លាននាក់ និងបានកើនឡើងបន្ថែមទៀតដល់ ៥,៤ លាននាក់នៅឆ្នាំ ២០២៣ ដែលឆ្លុះបញ្ចាំងពីស្ថានភាពប្រសើរឡើងវិញនៃវិស័យទេសចរណ៍ ប៉ុន្តែទោះយ៉ាងណាក៏ដោយ ទិន្នន័យជាក់ស្តែងបង្ហាញពីចំនួនតិចតួចនៃទេសចរចិន បើធៀបនឹងប្រទេសថៃ និងវៀតណាម នេះបើយោងតាម ស្ថិតិទេសចរណ៍ចុងក្រោយ ដែលត្រូវបានចុះផ្សាយដោយ CBRE Cambodia នៅថ្ងៃទី ១៧ ខែតុលា ឆ្នាំ ២០២៤។ បច្ចុប្បន្នភាពទេសចរណ៍នៅកម្ពុជា គិតត្រឹមពាក់កណ្តាលខែតុលា ឆ្នាំ ២០២៤ […]

ក្រុមហ៊ុន PwC ត្រូវបានពិន័យជាប្រាក់ចំនួន ៦២,២ លានដុល្លារ និងបម្រាមរយៈពេល ៦ ខែជុំវិញសវនកម្មលើក្រុមហ៊ុនអចលនទ្រព្យក្ស័យធន Evergrande

២៣ តុលា ២០២៤

ក្រុមហ៊ុន PwC Zhong Tian ដែលជាសាខាក្រុមហ៊ុន PwC ផ្នែក គណនេយ្យលំដាប់ពិភពលោកក្នុងប្រទេសចិន ត្រូវបានពិន័យជាប្រាក់ចំនួន ៦២,២ លានដុល្លារអាមេរិក និងត្រូវបានហាមឃាត់មិនឱ្យធ្វើសវនកម្មរយៈពេលប្រាំមួយខែសម្រាប់ការខកខានរបស់ខ្លួនក្នុងការកំណត់អត្តសញ្ញាណមិនត្រឹមត្រូវនៃរបាយការណ៍ហិរញ្ញវត្ថុនៅក្នុងគណនីរបស់ក្រុមហ៊ុនអចលនទ្រព្យក្ស័យធនដ៏ធំ Evergrande Group។ ការផាកពិន័យនេះ រាប់ថាជាការដាក់ទណ្ឌកម្មធ្ងន់ធ្ងរបំផុតលើក្រុមហ៊ុនសវនកម្មនៅក្នុងប្រទេសចិន គឺជាផ្នែកមួយនៃការបង្រ្កាបយ៉ាងទូលំទូលាយរបស់ទីក្រុងប៉េកាំងលើការគ្រប់គ្រងមិនត្រឹមត្រូវ និងកិច្ចខិតខំប្រឹងប្រែងដើម្បីរក្សាសុចរិតភាពទីផ្សារ នេះបើយោងតាមសេចក្តីប្រកាសរបស់ scmp នៅថ្ងៃទី ១៣ ខែកញ្ញា ឆ្នាំ ២០២៤។ កំហុសរបស់ក្រុមហ៊ុន PwC Zhong Tian ក្នុងការធ្វើសវនកម្មទៅលើក្រុមហ៊ុនក្ស័យធននេះ គឺដោយសារតែក្រុមហ៊ុនមិនបានរកឃើញទិន្នន័យ ឬព័ត៌មានមិនពិត នៅក្នុងរបាយការណ៍ហិរញ្ញវត្ថុរបស់ Evergrande ក្នុងអំឡុងពេលសវនកម្មរបស់ខ្លួន។ គណៈកម្មាការនិយតកម្មមូលបត្រចិន (CSRC) បានបង្ហាញឱ្យឃើញថា ក្រុមហ៊ុននេះ ថែមទាំងមិនបានរកឃើញថា អចលនទ្រព្យមួយចំនួនដែលបានចុះបញ្ជីរួចរាល់ជាដីទំនេរពិតប្រាកដនោះទេ។ ក្រុមហ៊ុន PwC Zhong Tian និងសាខាប្រចាំខេត្តក្វាងចូវ បាននិយាយថា “PwC Zhong Tian និងអង្គភាពក្វាងចូវរបស់ខ្លួនមិនបានផ្តល់យោបល់សវនកម្មសមរម្យដើម្បីចង្អុលបង្ហាញអំពីគណនេយ្យមិនពិតទាំងនេះទេ” ។ ចំពោះការថ្លស់ធ្លោយនេះ និយ័តករចិន CSRC […]