Solar Home កំណត់យកប្រទេសមីយ៉ាន់ម៉ាជាគោលដៅរបស់ខ្លួន

• Proeksa Meas
• 30 ខែ​ឧសភា 2017
• ព័ត៌មានអចលនទ្រព្យ
• 149 មើល

ក្រុមហ៊ុន​មាន​មូលដ្ឋាន​នៅ​ប្រទេស​សឹង្ហ​បុរី​ដែល​ផ្តល់ជូន​នូវ​ដំណោះស្រាយ​ថាមពលព្រះអាទិត្យ​សម្រាប់​គ្រួសារ​នៅ​ជនបទ​ដែល​មិន​បាន​ត​ភ្ជាប់​ទៅ​នឹង​បណ្តាញ​អគ្គិសនី កំពុង​សម្លឹង​មើល​ប្រទេស​មី​យ៉ាន់​ម៉ា​ជា​គោលដៅ​ទីផ្សារ​បន្ទាប់​របស់ខ្លួន​។​

Solar Home ដែល​បច្ចុប្បន្ន​មាន​ប្រតិបត្តិការ​នៅ​ក្នុង​ប្រទេស​កម្ពុជា ឥណ្ឌូនេស៊ី និង​ហ្វីលីពីន បាន​មាន​វត្តមាន​នៅ​ប្រទេស​មី​យ៉ាន់​ម៉ា​ហើយ​ប៉ុន្តែ​សង្ឃឹមថានឹង​បង្កើន​ការវិនិយោគ​រហូតដល់​ទៅ ២៥​លាន​ដុល្លារ​អាមេរិក​នៅ​ប្រាំ​ឆ្នាំ​ខាងមុខ ចាប់ផ្តើម​ពី​ការវិនិយោគ ១,៥​លាន​ដុល្លារ​អាមេរិក​ក្នុង​ឆ្នាំ ២០១៨​។​

Solar Home បាន​ចូល​ទៅក្នុង​ទីផ្សារ​ប្រទេស​មី​យ៉ាន់​ម៉ា ជា​គម្រោង​ភ្លើង​បំភ្លឺ​ផ្ទះ​មូលដ្ឋាន ដែល​អាច​បង់ប្រាក់​តាម​រយៈ​ប្រព័ន្ធ​មីក្រូហិរញ្ញវត្ថុ Pay-as-You-Go (PAYG)​។ ក្រុមហ៊ុន​រំពឹងថា​នឹង​លក់​និង​តម្លើង​ប្រព័ន្ធ​បាន​ប្រហែល ២.៥០០ នៅ​ចុងឆ្នាំ​នេះ​។​