អត្ថបទវិភាគ
CVEA៖ ក្រោយចូលឆ្នាំចិន វិស័យអចលនទ្រព្យនឹងស្ទុះខ្លាំង វិនិយោគិនបរទេសអាចកើន៣០-៤០%
ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) លោក ច្រឹក សុខនីម បានព្យាករថា វិស័យអចលនទ្រព្យនៅកម្ពុជានឹងមានសន្ទុះខ្លាំងឡើងវិញនៅឆ្នាំ ២០២២ ពិសេសក្រោយពិធីចូលឆ្នាំប្រពៃណីចិន ដោយរំហូរវិនិយោគិនបរទេសអាចនឹងមានដល់ ៣០ ទៅ ៤០%។ លោក ច្រឹក សុខនីម បានវិភាគដូច្នេះ ក្នុងកម្មវិធីសន្និសីទសារព័ត៌មានស្តីពីការរៀបចំសមាជិកលើកទី២៣ នៃសមាគមអ្នកវាយតម្លៃអចលនវត្ថុអាស៊ាន (AVA) និងកាលពីថ្ងៃទី ៣ ខែវិច្ឆិកា កន្លងទៅ។ លោក មានប្រសាសន៍ថា៖ «ការងើបឡើងវិញនេះ គឺដោយសារតែរដ្ឋាភិបាលសម្រេចបើកប្រទេសឡើងវិញ ខណៈករណីឆ្លងក៏ធ្លាក់ចុះជាបណ្ដើរៗហើយ ដែលនឹងធ្វើឱ្យចរន្តសេដ្ឋកិច្ចដើរឡើងវិញ ដូច្នេះអ្នកវិនិយោគបរទេសក៏នឹងចាប់ផ្ដើមចូលមកវិញដែរ។ «ខ្ញុំនិយាយថា ក្រោយចូលឆ្នាំចិន ព្រោះវិនិយោគិនអចលនទ្រព្យភាគច្រើនគឺមកពីប្រទេសចិន ភាគច្រើនពួកគេនឹងវិនិយោគក្រោយឆ្នាំថ្មី។ តាមការវិភាគ វិនិយោគិនបរទេសអាចនឹងមានដល់ ៣០% ទៅ ៤០%» លោក បានបន្ដ។ គួរបញ្ជាក់ថា សមាគម CVEA និង AVA ក៏បានបានបង្ហាញពីទិសដៅ ចង់លើកកម្ពស់សមត្ថភាពភ្នាក់ងារអចលនទ្រព្យរបស់ខ្លួន ដោយគ្រោងចង់បង្កើតគោលការណ៍តែមួយ ដើម្បីគ្រប់គ្រងស្ដង់ដារភ្នាក់ងារអចលនទ្រព្យប្រទេសសមាជិកទាំងអស់។ (អានបន្ថែម)
អានបន្ថែម
ក្នុងត្រីមាសទី ៣ ពាក្យសុំកម្ចីទិញផ្ទះកើន ៣៩% ខណៈទំហំកម្ចីកើន៥៦%
ចំនួនការដាក់ពាក្យស្នើសុំកម្ចីអចលនទ្រព្យនៅកម្ពុជា ក្នុងត្រីមាសទី៣ ឆ្នាំ២០២១ កើនឡើង ៣៩% ខណៈទំហំទឹកលុយកម្ចីក៏បានកើន ៥៦% ផងដែរ បើធៀបនឹងត្រីមាសទី២ ក្នុងឆ្នាំដដែលនេះ។ នេះបើយោងតាមរបាយការណ៍ក្រុមហ៊ុនក្រេឌីត ប្យួរ៉ូ (ខេមបូឌា) ខូ អិលធីឌី (ស៊ីប៊ីស៊ី) កាលពីថ្មីៗនេះ។ របាយការណ៍ដដែលបន្តថា គិតត្រឹមខែកញ្ញា ឆ្នាំ២០២១ ចំនួនពាក្យស្នើសុំកម្ចីអចលនទ្រព្យមានសរុប ១៥៣.១២០សំណើ ឬស្មើនឹងប្រមាណ ១១,៦០% នៃពាក្យស្នើសុំឥណទានសរុប ១,៣២លានគណនី ដែលមានកំណើន ១,៦៥% ធៀបនឹងត្រីមាសទី២។ ដូចគ្នានេះ គិតត្រឹមត្រីមាសទី២នេះ ទំហំកម្ចីទិញអចលនទ្រព្យ មានទឹកប្រាក់សរុបប្រមាណ ៦ ០៨៧ លានដុល្លារ ឬស្មើនឹង ៥៣,៥៤% នៃទំហំទឹកប្រាក់កម្ចីសរុប ១១,៣៧ ប៊ីលានដុល្លារ ដែលមានកំណើន ៥,៨៤% បើធៀបនឹងត្រីមាសទី២។
អានបន្ថែម
ហេតុអ្វីកម្ពុជាសម្រុកសង់អគារការិយាល័យជាច្រើនបន្ថែមទៀត ទោះក្នុងអំឡុងកូវីដ?
សរសរដោយ៖ អ្នកវិភាគអចលនទ្រព្យឯករាជ្យលោក Eric Won Chon Lap ជាងមួយឆ្នាំមកហើយ វិបត្តិកូវីដបានផ្លាស់ប្ដូរនិន្នាការទីផ្សារការិយាល័យក្នុងទីក្រុងភ្នំពេញច្រើនគួរឱ្យកត់សម្គាល់។ ទោះរងសម្ពាធពីការធ្លាក់ចុះនូវវិនិយោគិនបរទេសក្ដី តែឃើញថាការផ្គត់ផ្គង់អគារការិយាល័យថ្មីនៅទីក្រុងភ្នំពេញនៅតែបន្តកើនឡើងជារៀងរាល់ត្រីមាស ខណៈគម្រោងថ្មីៗជាច្រើនក៏នៅតែប្រកាសបើកជាបន្តបន្ទាប់។ តើកត្តានេះបានជះឥទ្ធិពលយ៉ាងដូចម្ដេចទៅលើទីផ្សារការិយាល័យ? ទីផ្សារមួយនេះអាចនឹងរងហានិភ័យពីការផ្គត់ផ្គង់លើសតម្រូវការជាលើកដំបូង ខណៈអ្នកកាន់កាប់ (អ្នកជួល) ក៏កំពុងរកវិធីសម្របខ្លួនថ្មី ទៅនឹងកាលៈទេសៈដ៏លំបាកនេះផងដែរ។ ដោយសារការផ្គត់ផ្គង់កើនខ្ពស់ជាបន្តបន្ទាប់ បានធ្វើឱ្យអ្នកជួលមានជម្រើសច្រើនជាងមុខ។ អ្នកជួលភាគច្រើនបានចរចាលក្ខខណ្ឌជួល និងតម្លៃជួលឡើងវិញ ជាមួយនឹងម្ចាស់អគារ ពោលគឺព្យាយាមកែសម្រួលលក្ខខណ្ឌយ៉ាងណា ដើម្បីឱ្យមានភាពងាយស្រួលជាងមុន និងអាចផ្លាស់ប្ដូរបានតាមស្ថានភាពសេដ្ឋកិច្ច។ អ្នកជួលខ្លះទៀត ក៏ចាប់ផ្ដើមងាកទៅរកការជួលការិយាល័យដែលអាចបត់បែនបានខ្ពស់ ឬការិយាល័យរួមជាដើម ដែលភាគច្រើនសុទ្ធតែជាកិច្ចសន្យារយៈពេលខ្លី។ ដោយសារកាលៈទេសៈបែបនេះ ម្ចាស់អគារក៏ត្រូវតែបង្ខំចិត្តផ្ដល់យល់ព្រមនឹងការស្នើសុំរបស់អ្នកជួល ដើម្បីរក្សាអតិថិជន។ ដោយឡែក ម្ចាស់អគារដែលគ្មានអ្នកជួល ក៏ព្យាយាមបញ្ចុះតម្លៃ និងផ្ដល់ជាសេវាកម្មបន្ថែមផ្សេងៗ ដើម្បីទាក់ទាញអ្នកជួល។ កត្តានេះក៏បានធ្វើឱ្យអ្នកជួលរឹតតែមានអំណាចជាងមុន ក្នុងការទទួលបានការិយាល័យល្អ ក្នុងតម្លៃទាបជាងមុន។ បើទោះបីជាវិបត្តិកូវីដស្ងប់ស្ងាត់ ម្ចាស់អគារនឹងនៅតែបន្តរងសម្ពាធកាន់តែខ្លាំង ព្រោះការផ្គត់ផ្គង់នឹងបន្ដកើនឡើងជាច្រើន នៅ៣ឆ្នាំខាងមុខទៀត ហើយឥរិយាបទរបស់អ្នកជួលបាននិងកំពុងផ្លាស់ប្ដូរហើយដែរ។ ប៉ុន្តែ យ៉ាងណាក្ដី នៅរយៈពេលវែង ការផ្គត់ផ្គង់ និងតម្រូវការនឹងត្រឡប់មកសមតុល្យគ្នាវិញ ពិសេសនៅពេលដែលវិនិយោគិនចាប់ផ្ដើមធ្វើដំណើរដោយសេរីមកវិនិយោគនៅកម្ពុជាវិញ។ – លោក Eric Wong […]
អានបន្ថែម
តើមូលបត្ររដ្ឋជាអ្វី? ចំណេញ ឬហានិភ័យ? ជះឥទ្ធិពលលើវិស័យអចលនទ្រព្យដូចម្ដេច?
រដ្ឋាភិបាលកាលពីថ្មីៗនេះ បានប្រកាសពីផែនការចង់បោះផ្សាយមូលបត្របំណុលរដ្ឋ ឬ Government Bonds តម្លៃសរុបប្រមាណ ៣០០លានដុល្លារ ក្នុងឆ្នាំ ២០២២ ខាងមុខនេះ។ រដ្ឋាភិបាលនៅមិនទាន់បញ្ជាក់លម្អិតនៅឡើយទេថា នឹងប្រើទុនបានពីមូលបត្រដើម្បីធ្វើអី្វខ្លះ ប៉ុន្តែបានឱ្យដឹងត្រួសៗថានឹងប្រើលើវិស័យអាទិភាពនានា ដោយវិស័យហេដ្ឋារចនាសម្ព័ន្ធក៏មានចំណែកក្នុងនោះផងដែរ។ (អានបន្ថែម) ផែនការនេះ បានធ្វើឱ្យកើតជាមន្ទិលសង្ស័យជាច្រើនដល់សាធារណជនថា មូលបត្របំណុលរដ្ឋគឺជាអ្វី? តើកម្ពុជាអាចធ្វើទៅរួចទេ? មានហានិភ័យធ្វើឱ្យរដ្ឋវណ្ឌករនឹងបំណុលឬទេ? សំខាន់ជាងនេះទៀត គឺតើនឹងមានអ្នកហ៊ានទិញ ឬអ្នកចង់ទិញមូលបត្ររដ្ឋនេះទេ ព្រោះជាក់ស្ដែងមូលបត្រទីផ្សារឯកជន ដែលបើកលក់មួយរយៈធំ ក៏នៅមិនទាន់ជាទីចាប់អារម្មណ៍សម្រាប់វិនិយោគិនផង? លើសពីនេះទៅទៀត តើការបោះលក់មូលបត្របំណុលរដ្ឋនេះ នឹងជះឥទ្ធិពលដល់ទីផ្សារអលចនទ្រព្យដូចម្ដេច? ការលក់មូលប័ត្របំណុលរបស់រដ្ឋាភិបាលនេះ បើនិយាយឱ្យងាយយល់ គឺស្រដៀងគ្នានឹងរដ្ឋខ្ចីលុយគេដូច្នេះដែរ តែធ្វើឡើងក្នុងទ្រង់ទ្រាយជាការវិនិយោគ។ ពោលគឺ រដ្ឋខ្ចីលុយពីអ្នកវិនិយោគ ហើយសន្យាថានឹងសងក្នុងអត្រាការប្រាក់ណាមួយ ក្នុងរយៈពេលវែង។ អ្នកវិនិយោគភាគច្រើនចូលចិត្តទិញមូលបត្រ ដោយសារតែហានិភ័យទាបជាងទិញភាគហ៊ុន ហើយការប្រាក់ខ្ពស់ជាងដាក់លុយនៅធនាគារ។ ជុំវិញ ចម្ងល់ដែលថាកម្ពុជាអាចធ្វើទៅរួចទេ និងមានហានិភ័យធ្វើឱ្យរដ្ឋវណ្ឌករនឹងបំណុលឬទេ ឯកឧត្តម ហុង សុខហួរ អគ្គនាយកផ្សារមូលបត្រកម្ពុជាបានបញ្ជាក់ថា ក្រសួងសេដ្ឋកិច្ចបានគិតគូរយ៉ាងច្បាស់មុននឹងត្រៀមផែនការនេះ។ ការខ្ចីក្នុងទំហំខាងលើនេះ នឹងមិនបង្កើតជាបន្ទុកបំណុលវ័ណ្ឌករដល់កម្ពុជាទេ ព្រោះស្ថានភាពបំណុលសាធារណៈកម្ពុជានៅមានហានិភ័យកម្រិតទាប ហើយរាល់សូចនាករបំណុលគន្លឹះៗរបស់កម្ពុជា សុទ្ធតែស្ថិតនៅក្រោមអនុបាតគោលទាំងអស់។ ដូច្នេះ អ្នកវិនិយោគមិនគួរភ័យក្លាចថា […]
អានបន្ថែម
រដ្ឋាភិបាលចិននឹងបន្ថែមពន្ធលើអចលនទ្រព្យដើម្បីទប់ស្កាត់ការបំប៉ោងតម្លៃហួសហេតុ
អាជ្ញាធរចិន បានសម្រេចពង្រីកការសាកល្បងយកពន្ធបន្ថែមលើអចលនទ្រព្យ ដែលនេះជាផ្នែកមួយនៃការធ្វើកំណែទម្រង់លើវិស័យអចលនទ្រព្យ ទិសដៅជំរុញការវិនិយោគលើលំនៅឋានឱ្យសមស្របទៅនឹងតម្រូវការជាក់ស្ដែង មិនមែនវិនិយោគតាមចិត្តចង់ ដើម្បីបំប៉ោងតម្លៃនោះទេ។ បើយោងតាមសារព័ត៌មានចិន Xinhua ស្ថាប័ននីតិបញ្ញតិ្តកំពូលប្រទេសចិន គឺគណៈកម្មាធិការអចិន្ត្រៃយ៍សភាប្រជាជនចិន (National People’s Congress Standing Committee) បានអនុម័តលើផែនការចុងក្រោយនៃកំណែទម្រង់វិស័យអចលនទ្រព្យនេះហើយ កាលពីថ្ងៃសោរ៍កន្លងទៅនេះ។ នៅក្រោមគម្រោង ៥ឆ្នាំ នៃផែនការនេះ ពន្ធលើអចលនទ្រព្យនឹងត្រូវបង់លើរាល់ប្រភេទនៃអចលនទ្រព្យទាំងអស់ លើកលែងតែលំនៅឋាននៅតាមជនបទមួយចំនួនប៉ុណ្ណោះ។ កាលពីឆ្នាំ២០១១ អាជ្ញាធរចិនបានសាកល្បងការយកពន្ធលើអចលនទ្រព្យនេះនៅទីក្រុងសៀងហៃ និងខេត្តឆុងជីង ដោយផ្តោតលើប្រភេទអចលនទ្រព្យលំនៅឋានឯកជនប្រណីតៗ។ ការពង្រីកនៃការអនុវត្តយកពន្ធលើអចលនទ្រព្យនេះ ត្រូវបានលើកយកមកពិភាក្សាជាច្រើនលើករួចមកហើយ ប៉ុន្តែអាជ្ញាធរក្នុងស្រុកនីមួយៗ ហាក់ស្ទាក់ស្ទើរក្នុងការអនុវត្ត ដោយបារម្ភថា ការអនុវត្តនេះនឹងទាញទម្លាក់តម្លៃអចលនទ្រព្យ និងតម្រូវការដីធ្លីធ្លាក់ចុះ ដែលជាប្រភពដ៏សំខាន់នៃចំណូលរដ្ឋាភិបាលក្នុងតំបន់នីមួយៗ។ នេះបើយោងតាមសារព័ត៌មាន Global Times ចេញផ្សាយកាលពីថ្ងៃទីសៅរ៍កន្លងទៅ។ គួរបញ្ជាក់ថា បច្ចុប្បន្នវិស័យអលចនទ្រព្យរបស់ប្រទេសចិនកំពុងមានការដាំក្បាលចុះ ខណៈអត្រាលក់សំណង់លំនៅឋាន ធ្លាក់ចុះ ១៦,៩% គិតត្រឹមខែកញ្ញានេះ។ លើសពីនេះ ក្រុមហ៊ុនអចលនទ្រព្យដ៏ធំបំផុតរបស់ប្រទេសចិន Evergrande ក៏បានធ្លាក់ខ្លួនផុងក្នុងវិបត្តិបំណុល ហើយប្រឈមនឹងការក្ស័យធនផងដែរ៕
អានបន្ថែម
ទីផ្សារអគារការិយាល័យនៅកម្ពុជាបន្ដរងសម្ពាធពីវិបត្តិកូវីដ និងកំណើនលើសលុបនៃការផ្គត់ផ្គង់
ទីផ្សារការិយាល័យនៅទីក្រុងភ្នំពេញក្នុងត្រីមាសទី ៣ នៅតែស្ថិតក្រោមសម្ពាធ ដោយអត្រាកាន់កាប់ធ្លាក់ចុះ ៤,៦% បើធៀបនឹងត្រីមាសមុន ខណៈតម្លៃជួលក៏ធ្លាក់ប្រមាណ ១,៩% ទៅ ២,៨% ផងដែរ ទៅតាមប្រភេទផ្សេងៗគ្នា។ នេះបើយោងតាមរបាយការណ៍របស់ CBRE ចេញផ្សាយកាលពីថ្មីៗនេះ។ របាយការណ៍បានបន្ថែមថា បញ្ហាវិបត្តិកូវីដ និងការកើនលើសលុបនៃការផ្គត់ផ្គង់ នៅតែជាហានិភ័យធំដដែល ម្ចាស់អ្នកអភិវឌ្ឍត្រូវតែប្រុងប្រយ័ត្ន។ នៅត្រីមាសទី ៣ មានការបញ្ចប់ការសាងសង់គម្រោងថ្មីដល់ទៅ ៧ គម្រោង ឬស្មើនឹងផ្ទៃជួលសរុបជាង ៦១ ០០០ ម៉ែត្រការ៉េ។ គម្រោងទាំងនេះ ធ្វើឱ្យការផ្គត់ផ្គង់ការិយាល័យសរុបនៅភ្នំពេញដល់ ជាង ៧៨ ម៉ឺនម៉ែត្រការ៉េ ត្រឹមត្រីមាសទី ៣។ ត្រឹមចុងឆ្នាំនេះ ការផ្គត់ផ្គង់ត្រូវបានគេរំពឹងថានឹងកើនឡើងដល់ជាង ៧៩ ម៉ឺនម៉ែត្រការ៉េ ខណៈនៅឆ្នាំ ២០២២ នឹងកើនឡើងដល់ ១លានម៉ែត្រការ៉េ។ កំណើនការផ្គត់ផ្គង់ និងសម្ពាធពីជំងឺរាតត្បាត ក៏បានធ្វើឱ្យតម្រូវការធ្លាក់ចុះផងដែរ។ លើសពីនេះ អ្នកជួលដែលនៅសេសសល់ក្នុងទីផ្សារ ក៏កំពុងផ្លាស់ប្តូរនិន្នការទៅរកជម្រើសណា ដែលថោកហើយមានគុណភាពខ្ពស់។
អានបន្ថែម
ផ្សារទំនើបថ្មី ៣ និងប្រេនអន្តរជាតិ ៤ បង្ហាញខ្លួន ក្នុងត្រីមាសទី ៣ ខណៈអត្រាការជួលបន្ដធ្លាក់
គម្រោងផ្សារទំនើបថ្មីចំនួន ៣ ត្រូវបានបញ្ចប់ការសាងសង់ និងបើកដំណើរការ ក្នុងត្រីមាសទី ៣ ឆ្នាំ២០២១ នេះ ព្រមនឹងការឈានជើងចូលមកនូវប្រេនអន្តរជាតិធំៗ៤ ផ្សេងទៀត។ យ៉ាងណាមិញ ទីផ្សារនេះនៅតែបន្តរងសម្ពាធពីវិបត្តិកូវីដ ដោយអត្រានិងតម្លៃជួលបន្តធ្លាក់ចុះ។ នេះបើយោងតាមរបាយការណ៍របស់ CBRE ។ គម្រោងផ្សារទំនើបថ្មី ៣ ដែលបើកដំណើរការរួមមាន SCG Design Village, The Commune, និង MC Park ខណៈប្រេនអន្តរជាតិទាំង ៤ រួមមាន Pizza 4P’s, Pizza Hut, 7-Eleven, និង Big C mini។ ប្រភពដដែល បញ្ជាក់ថា ត្រឹមត្រីមាសទី ២ នេះ មានត្រឹម ៥៣ % នៃគម្រោងផ្សារទំនើបដែលព្យាករថានឹងបើកនៅសម្រាប់ឆ្នាំ ២០២១ ដែលបានបញ្ចប់។ ការយឺតយ៉ាវនេះ គឺដោយសារការលំបាកក្នុងការជួលគម្រោង និងការពន្យារពេលដែលបណ្តាលមកពីបញ្ហាខ្សែសង្វាក់ផ្គត់ផ្គង់សម្ភារសំណង់។ សម្រាប់អត្រាជួលទីតាំងវិញ ឃើញថាធ្លាក់ចុះជិត […]
អានបន្ថែម
ការព្យាករណ៍ពីOxford ៖ វិស័យសំណង់នឹងជាក្បាលម៉ាស៊ីនសំខាន់ជំរុញកំណើនសេដ្ឋកិច្ចសកល
ការព្យាករណ៍ថ្មីរបស់សកលវិទ្យាល័យសេដ្ឋកិច្ច Oxford Economics បានឱ្យដឹងថាវិស័យសំណង់នឹងក្លាយជាក្បាលម៉ាស៊ីនសំខាន់ជាងគេ ក្នុងការជំរុញកំណើនសេដ្ឋកិច្ចសកល នៅទសវត្សថ្មីដល់ឆ្នាំ២០៣០ ខាងមុខ ដោយនឹងមានកំណើនខ្ពស់ជាងទសវត្សមុនៗដល់ទៅ ៣៥%។ នេះបើយោងតាមសារព័ត៌មាន GCR ។ ប្រភពដដែលបានបញ្ជាក់ទៀតថា កំណើននៃវិស័យសំណង់ទូទាំងសកលលោក នឹងមានប្រមាណ ៣,៦% ក្នុងមួយឆ្នាំៗ ចាប់ពេលនេះដល់ឆ្នាំ ២០៣០។ លើសពីនេះ ទិន្នផលនៃវិស័យសំណង់ក្នុងរយៈពេល១០ឆ្នាំខាងមុខ នឹងមានដល់ទៅ ៤,៥ ទ្រីលានដុល្លារ ដែលនឹងបង្កើនទិន្នផលសរុបត្រឹមឆ្នាំ ២០៣០ ដល់ទៅ ១៥,២ ទ្រីលានដុល្លារ ឬស្មើ ១៣,៥% នៃផលិតផលក្នុងស្រុកសរុបរបស់ពិភពលោកនៅពេលនោះ។ កំណើននេះគឺដោយសារតែ កំណើននៃការសន្សំសំចៃក្នុងគ្រួសារ ការចាក់បញ្ចូលទឹកប្រាក់ឧបត្ថម្ភរបស់រដ្ឋដើម្បីស្ដារសេដ្ឋកិច្ចពីវិបត្តិកូវីដ និងកំណើនប្រជាជន។ តាមរយៈកំណើននេះ វិស័យសំណង់ត្រូវបានព្យាករថា នឹងនាំមុខកំណើននៃវិស័យសេវាកម្ម និងកម្មន្តសាល។ របាយការណ៍បន្តថា កំណើននឹងត្រូវបានប្រមូលផ្តុំនៅក្នុងប្រទេសមួយចំនួនតូច ខណៈប្រទេសចិន ឥណ្ឌា អាមេរិក និងឥណ្ឌូនេស៊ី នឹងមានសន្ទុះខ្លាំង ពោលគឺរួមចំណែកលើស ៥៨% នៃកំណើនសកលដែលបានព្យាករ។ ទោះជាយ៉ាងណា ការព្យាករណ៍នេះ មិនមានកំណើនដូចគ្នានោះទេ នៅប្រទេសមួយចំនួន ដូចជាកំណើនហេដ្ឋារចនាសម្ព័ន្ធនៅចក្រភពអង់គ្លេសជាមធ្យម […]
អានបន្ថែម
ទោះមានវិបត្តិកូវីដក្ដី ទីផ្សារបូរីនៅតែរឹងមាំ តម្លៃលក់កើន ៨ ទៅ ១៣% នៅត្រីមាសទី ៣
ទោះប្រទេសកំពុងជួបវិបត្តិកូវីដ១៩ ក្ដី ទីផ្សារបូរីនៅតែរឹងមាំ ដោយតម្លៃលក់កើនឡើង ៨ ទៅ ១៣% នៅត្រីមាសទី ៣ បើធៀបនឹងត្រីមាសមុន ខណៈគម្រោងថ្មី២២ គម្រោង ក៏ត្រូវបានបើកលក់ នៅក្នុងត្រីមាសនេះដែរ ។ យោងតាមរបាយការណ៍របស់ CBRE Cambodia ចេញផ្សាយកាលពីថ្ងៃទី ១២ តុលា ក្នុងត្រីមាសទី៣ មានគម្រោងដែលបញ្ចប់ការសាង់សង់ ៣ គម្រោង ខណៈចំនួនការផ្គត់ផ្គត់បូរីទាំងអស់ត្រឹមត្រីមាសនេះ មានដល់ជិត ៩៣ ០០០ ផ្ទះ ដែលកើនប្រមាណ 0,៥% បើធៀបនឹងត្រីមាសមុន។ CBRE Cambodia ព្យករថា ត្រឹមចុងឆ្នាំ ២០២១ ការផ្គត់ផ្គត់ នឹងកើនដល់ ២៧៤ គម្រោង ឬស្មើនឹងជាង ៩៨ ០០០ ផ្ទះ។ យ៉ាងណាក្ដី ដោយសារវិបត្តិកូវីដ គម្រោងខ្លះអាចនឹងពន្យារពេលការបិទបញ្ចប់ការដ្ឋានគម្រោង ប៉ុន្តែភាគច្រើនមិនលើសពី ៨ ទៅ ១២ ខែ ព្រោះម្ចាស់បូរីនៅតែចង់រក្សាទំនុកចិត្តដល់អ្នកទិញ។ […]
អានបន្ថែម
ទីផ្សារខុនដូបន្ដធ្លាក់ចុះ តម្លៃលក់ និងជួលក្នុងត្រីមាសទី ៣ ធ្លាក់ចុះពី ១,៨ ទៅ ៧,៨%
ទីផ្សារខុនដូនៅកម្ពុជាក្នុងអំឡុងត្រីមាសទី ៣ ឆ្នាំ ២០២១ នៅតែរងសម្ពាធពីវិបត្តិកូវីដ១៩ ដោយតម្លៃលក់ និងតម្លៃជួបធ្លាក់ចុះគួរឱ្យកាត់សម្គាល់បើធៀបនឹងត្រីមាសមុន។ យោងតាមរបាយការណ៍របស់ CBRE Cambodia នៅថ្ងៃទី ១២ ខែតុលានេះ តម្លៃលក់បានធ្លាក់ចុះ ១,៨%, ៣%, ២,១% រៀងៗក្នា សម្រាប់ខុនដូប្រភេទតម្លៃសមរម្យ ប្រភេទមធ្យម និងលំដាប់ខ្ពស់។ ទន្ទឹមនឹងនេះ តម្លៃជួលក៏បានធ្លាក់ចុះ ៧,៨%, ៧,៨% និង ៥,៦% រៀងៗគ្នា ដែលសម្រាប់ប្រភេទទាំង ៣ ខាងលើ។ ការផ្គត់ផ្គង់លើសតម្រូវការ ការសាងសង់ចប់ក្រោយផែនការ និងកង្វះអ្នកទិញបរទេស នៅតែជា ៣កត្តាធំៗ ទាញទីផ្សារខុនដូនៅកម្ពុជាឱ្យមាននិន្នាការធ្លាក់ចុះ។ ក្នុងកំឡុងត្រីមាសទី ៣ មានការបញ្ចប់គម្រោងថ្មីចំនួន ២ និងបើកលក់គម្រោងថ្មីចំនួន ២ ដែលធ្វើឱ្យការផ្គត់ផ្គត់សរុបមានដល់ជាង ៣ ម៉ឺនយូនីត ឬកើន ៥,៦% បើធៀបនឹងត្រីមាសមុន។ នៅចុងឆ្នាំ ២០២១ ការផ្គត់ផ្គង់គឺអាចឈានដល់ ៣៥.០០០ យូនីត ប៉ុន្តែគម្រោងខ្លះនឹងត្រូវពន្យារពេល។ […]
អានបន្ថែម