បច្ចុប្បន្នភាពទីផ្សារអចលនទ្រព្យធំៗ ទាំង ៤ ប្រភេទ៖ តើយើងស្ថិតនៅចំណុចណានៃវដ្ដទីផ្សារ?
គិតត្រឹមចុងឆ្នាំ ២០២០ ទីផ្សារអចលនទ្រព្យនៅកម្ពុជា នៅតែរងសម្ពាធពីជំងឺកូវីដ១៩ ដោយវិស័យលក់រាយ ឬផ្សារទំនើប គឺរងផលប៉ះពាល់ខ្លាំងជាងគេ បន្ទាប់មកគឺ ទីផ្សារការិយាល័យ និងខុនដូ។ ទន្ទឹមនឹងនេះ ដីធ្លី និងបុរី ចាត់ទុកថានៅមានស្ថេរភាព ដោយសារជំហរហិរញ្ញវត្ថុរឹងមាំរបស់អ្នកអភិវឌ្ឍន៍ក្នុងស្រុក ក៏ដូចជាការខិតខំរបស់រដ្ឋាភិបាលក្នុងការអភិវឌ្ឍហេដ្ឋារចនាសម្ព័ន្ធនៅទូទាំងប្រទេស។ យោងតាមការស្រាវជ្រាវចុងក្រោយរបស់ភ្នាក់ងារអចលនទ្រព្យ CBRE Cambodia ដែលវិភាគពីវដ្តទីផ្សារត្រឹមដើមឆ្នាំ ២០២១ បានបង្ហាញ ទីផ្សារបុរីកំពុងស្ថិតនៅក្នុងដំណាក់កាលផ្គត់ផ្គង់ហួសកម្រិត។ ទន្ទឹមនឹងនេះ ទីផ្សារអាផាតមិន ខុនដូ និងការិយាល័យ គឺស្ថិតនៅដំណាក់កាលធ្លាក់ចុះ មានន័យថា មានយូនីតនៅទំនេរច្រើន បូកនឹងការផ្គត់ផ្គង់ដែលកើនឡើងជាបន្តបន្ទាប់។ ដោយឡែក វិស័យលក់រាយ ឬផ្សារទំនើប កំពុងស្ថិតនៅក្នុងដំណាក់កាលនៃការងើបឡើងវិញ ដែលអត្រាទំនេរនៃទីធ្លាជួលចាប់ផ្តើមថយចុះ ហើយក៏គ្មានការបង្កើតគម្រោងថ្មីៗទៀតដែរ។ ទោះបីជាមានផលប៉ះពាល់អវិជ្ជមានដល់សេដ្ឋកិច្ចក៏ដោយ វិបត្តិកូវីដ១៩ ក៏នឹងធ្វើឱ្យវិស័យ ២ ចាប់ផ្ដើមមានសន្ទុះ ពោលគឺអចលនទ្រព្យប្រភេទឧស្សាហកម្ម និងហាងលក់ទំនិញដែលនៅក្រៅផ្សារទំនើប។ វិស័យឧស្សាហកម្ម ត្រូវព្យាករថានឹងរីកដុះដាលខ្លាំងក្រោយវិបត្តិកូវីដ ព្រោះកូវីដបានបង្រៀនវិនិយោគិនឱ្យចេះដាក់ទីតាំងរោងចក្រនៅច្រើនកន្លែងខុសៗគ្នាដើម្បីការពារបញ្ហាដាច់សង្វាក់ផលិតកម្ម ហើយប្រទេសកម្ពុជាគឺជាជម្រើសដ៏ល្អបំផុតមួយ។ ដោយឡែក មុនកូវីដ១៩ ហាងលក់ទំនិញនានាដែលនៅក្រៅផ្សារទំនើប កំពុងមាននិន្នាការថមថយ ព្រោះមនុស្សចូលចិត្តដើរផ្សារទំនើបជាង ដោយសារមានជម្រើសច្រើន។ តែក្រោយកូវីដ […]
អានបន្ថែម
អ្នកវិភាគ៖ ខេត្តមួយនៃភាគឦសានជាទិសដៅវិនិយោគសក្ដានុពលខ្ពស់សម្រាប់អ្នកហ៊ានប្រថុយ
អ្នកវិភាគផ្នែកអចលនទ្រព្យ បានបង្ហើបឱ្យដឹងថា ខេត្តមណ្ឌលគិរីជាទិសដៅវិនិយោគសក្ដានុពលមួយ សម្រាប់អ្នកវិនិយោគិនដែលហ៊ានប្រថុយខ្ពស់ ពីព្រោះដីនៅទីតាំងនោះមានទាំងឱកាស និងបញ្ហា ប៉ុន្តែបើវិនិយោគត្រូវ គឺអាចនឹងចំណេញខ្លាំងនៅ៥ ឆ្នាំខាងមុខ។ ស្ថាបនិក និងនាយកនៃក្រុមហ៊ុន Key Real Estate លោក សន សៀប បានប្រាប់ទស្សនាវដ្តីសំណង់ និងអចលនទ្រព្យ កាលពីពេលថ្មីៗនេះថា៖ «នៅមណ្ឌលគិរី អ្វីដែលទាក់ទាញ គឺអាកាសធាតុ និងទេសភាព ដែលធ្វើឱ្យភ្ញៀវទេសចរចង់ទៅដើរកំសាន្តម្តងហើយ ចង់ទៅម្តងទៀត។ ដោយឡែកការវិនិយោគលើអចលនទ្រព្យនៅមានភាពមិនច្បាស់លាស់ ដោយសារមានបញ្ហាទៅលើការវិនិយោគដីបរិស្ថាន ឬដីរបស់រដ្ឋ»។ លោកបានបន្តទៀតថា៖ « នៅមណ្ឌលគិរីមានសក្ដានុពលខ្លាំងលើអេកូទេសចរណ៍ ក៏ប៉ុន្តែគឺត្រូវការពេលប្រមាណ ១ ទៅ ៥ឆ្នាំ ទើបដីរៀបចំស្រួលបួល។ តែបើចាំដល់ពេលនោះ ទើបវិនិយោគ ដីគឺអាចឡើងថ្លៃអស់ហើយ»។ លោក ក៏បានបង្ហើមទៀតថា ដោយសារតែភាពមិនច្បាស់លាស់ និងបញ្ហាដីរដ្ឋនេះហើយ ទើបធ្វើឱ្យតម្លៃដីនៅខេត្តមួយនេះនៅទាប ហើយអ្នកវិនិយោគលើដីងាយស្រួលទាញផលប្រយោជន៍ពីវា ប៉ុន្តែត្រូវប្រុងប្រយ័ត្នខ្លាំង។ គួរបញ្ជាក់ថា កាលពីពេលថ្មីៗនេះ រដ្ឋាភិបាល បានសម្រេចជាផ្លូវការឱ្យសាងសង់គម្រោងអាកាសយានដ្ឋាននៅមណ្ឌលគិរី ដោយក្រុមហ៊ុនចិននឹងជាអ្នកអភិវឌ្ឍន៍គម្រោងនេះ។ នេះជាកត្ដាសំខាន់មួយទៀតដែលធ្វើឱ្យខេត្តមណ្ឌលគិរីក្លាយជាទិសដៅវិនិយោគសក្ដានុពល។ (អានបន្ថែម)
អានបន្ថែម
មកសិក្សាថាតើអ្នកជាអ្នកវិនិយោគប្រភេទណា ហើយគួរវិនិយោគលើអចលនទ្រព្យអ្វីទើបចំណេញ?
ក្នុងស្ថានភាពសេដ្ឋកិច្ចដែលកំពុងរងសម្ពាធពីវិបត្តិកូវីដដូច្នេះ ទោះជាមានសាច់ប្រាក់ក្នុងដៃច្រើនក្ដី ពេលចង់វិនិយោគម្ដងៗ ក៏ត្រូវប្រុងប្រយ័ត្នខ្ពស់ ជាពិសេសក្នុងឆ្នាំ ២០២១ នេះ។ លោក សន សៀប ស្ថាបនិក និងនាយកនៃក្រុមហ៊ុន Key Real Estate និងជាអ្នកជំនាញអចលនទ្រព្យដ៏ល្បីល្បាញមួយរូបនៅក្នុងប្រទេសកម្ពុជា បានបង្កើបគន្លឹះថា ក្នុងកាលៈទេសៈបែបនេះ មុននឹងវិនិយោគត្រូវសិក្សាសិនថាខ្លួនជាអ្នកវិនិយោគប្រភេទណា ទើបវិនិយោគត្រូវ ហើយចំណេញ។ លោកបានបែងចែកអ្នកវិនិយោគជា ៣ ប្រភេទធំៗ គឺ អ្នកវិនិយោគដែលប្រថុយប្រថានខ្ពស់ មធ្យម និងទាប ដែលពួកគាត់មានអត្តចរិកវិនិយោគផ្សេងៗនេះ ហើយស័ក្ដសមនឹងអចលនទ្រព្យប្រភេទខុសគ្នា និងនៅទីតាំងខុសគ្នាផងដែរ។ ប្រភេទទី ១ គឺអ្នកវិនិយោគដែលប្រថុយប្រថានទាបដែលរំពឹងផលចំណេញពី ១០% ទៅ ១៥%។ អ្នកវិនិយោគប្រភេទនេះ ចូលចិត្តទៅវិនិយោគលើអចលនទ្រព្យដែលមានសំណង់ស្រាប់ ដូចជាបូរី ខុនដូ ផ្ទះល្វែង ដែលស្ថិតនៅក្នុងតំបន់អភិវឌ្ឍរួចហើយ ពោលគឺភាគច្រើនលើលំនៅដ្ឋាន ឬសំណង់ដែលអាចធ្វើអាជីវកម្មបាន។ ពួកគេមិនចង់មានហានិភ័យ ដោយគិតថាបើមិនចំណេញក៏មានផ្ទះស្នាក់អាស្រ័យ ធ្វើអាជីវកម្ម ឬជួលឱ្យគេក៏បានដែរ។ ឧទាហរណ៍ សម្រាប់ទីក្រុងភ្នំពេញ អ្នកវិនិយោគប្រភេទនេះ គួរវិនិយោគនៅភាគខាងលិច ឬភាគខាងជើង ដែលជាតំបន់អភិឌ្ឍរួចហើយ […]
អានបន្ថែម
អ្នកជំនាញ៖ តម្លៃអចលនទ្រព្យនៅតំបន់លិចទឹកនឹងធ្លាក់ខ្លាំងត្រឹមពីរឆ្នាំប៉ុណ្ណោះតែនឹងងើបវិញ
អ្នកជំនាញក្នុងវិស័យអចលនទ្រព្យ បានឱ្យដឹងថាគម្រោងអចលនទ្រព្យនៅជាយក្រុងភ្នំពេញដែលជួបគ្រោះទឹកជំនន់ខ្លាំង កាលពីខែតុលា ឆ្នាំមុននេះ នឹងធ្លាក់ថ្លៃលក់ក្នុងចន្លោះរយៈពី១ឆ្នាំ ទៅ ២ឆ្នាំ ក៏ប៉ុន្តែអាចនឹងងើបឡើងវិញក្រោយរដ្ឋាភិបាលលើកកម្ពស់ហេដ្ឋារចនាសម្ព័ន្ធរួច។ លោក សន សៀប ស្ថាបនិក និងនាយកនៃក្រុមហ៊ុន Key Real Estate និងជាអ្នកជំនាញអចលនទ្រព្យដ៏ល្បីល្បាញមួយរូបនៅក្នុងប្រទេសកម្ពុជាបាន ប្រាប់ទស្សនាវដ្ដីសំណង់ និងអចលនទ្រព្យ កាលពីថ្ងៃទី៥ មករា ថា៖ «ខ្ញុំគិតថាគម្រោងដែលអភិវឌ្ឍរួចហើយ គឹប៉ះពាល់ខ្លាំង ដោយឃើញជាក់ស្តែងថាវាលិចទឹក។ ហើយក្នុងរយៈពេល១ឆ្នាំ ទៅ២ឆ្នាំ វាពិបាកនឹងលក់ចេញក្នុងតម្លៃមួយដែលពួកគេចង់បាន»។ លោកបានបន្ថែមថា ការទិញលក់គឺអាចនឹងទ្រឹងមួយរយៈ ហើយអ្នកវិនិយោគមួយចំនួនក៏ចាប់ផ្ដើមរារែកដែរ ដោយពួកគេមិនទាន់ចង់ទៅវិនិយោគលើតំបន់ដែលឆ្លាប់លិចទឹកទេ ព្រោះអាចធ្វើឱ្យគាត់ខាតបង់។ យ៉ាងណាមិញ លោក សន សៀប នៅតែមានសុទិដ្ឋិនិយមថា តំបន់ទាំងនោះ នឹងងើបឡើងវិញ ក្រោយរដ្ឋាភិបាលលើកកម្ពស់ហេដ្ឋារចនាសម្ព័ន្ធរួច។ លោកបានបន្តថា៖ «ចំពោះដី ខ្ញុំជឿថានៅតែមានសក្តានុពលដដែល ព្រោះថាតំបន់លិចទឹកទាំងអស់ភាគច្រើននៅក្នុងខណ្ឌដង្កោ ហើយខណ្ឌមួយនេះកំពុងមានការអភិវឌ្ឍហេដ្ឋារចនាសម្ព័ន្ធច្រើន ដូចជាផ្លូវក្រវ៉ាតក្រុងទី២ និងទី៣ រួមមានព្រលានយន្តហោះនៅស្រុកកណ្តាលស្ទឹង ជាដើម»។ គួររំលឹកផងដែរថា កាលពីពេលថ្មីៗនេះទឹកជំនន់ បានធ្វើឱ្យខូតខាតហេដ្ឋារចនាសម្ព័ន្ធនានា សរុបប្រមាណជិត ៣ពាន់គីឡូម៉ែត្រ […]
អានបន្ថែម
អ្នកជំនាញ៖ ខេត្តចំនួន២ នៅកម្ពុជានឹងមានសក្តានុពលខ្លាំងលើផ្នែករីសត ក្រោយចប់វិបត្តិកូវីដ
អ្នកជំនាញក្នុងវិស័យអចលនទ្រព្យ បានឱ្យដឹងថាខេត្តកំពត និងកែប នឹងមានសក្តានុពលខ្លាំងពិសេសសម្រាប់ការវិនិយោគលើរីសត ក្នុងឆ្នាំ ២០២១ ឬក្រោយវិបត្តិកូវីដ១៩ ពីព្រោះទីនោះជាកន្លែងស្ងប់ស្ងាត់ ទេសភាពស្អាត និងជាទិសដៅកំសាន្តពេញនិយមរបស់ភ្ញៀវក្នុងស្រុក។ លោក សន សៀប ស្ថាបនិក និងនាយកនៃក្រុមហ៊ុន Key Real Estate និងជាអ្នកជំនាញអចលនទ្រព្យដ៏ល្បីល្បាញមួយរូបនៅក្នុងប្រទេសកម្ពុជាបាន ប្រាប់ទស្សនាវដ្ដីសំណង់ និងអចលនទ្រព្យ កាលពីពេលថ្មីៗនេះថា៖ «ខ្ញុំឃើញថាកំពត និងកែបជាទីតាំងដែលត្រូវវិនិយោគ ដូចជាដីនៅជាយភ្នំ ឬមាត់សមុទ្រ ហើយកន្លែងទាំងអស់ហ្នឹងអាចធ្វើរីសតបែបច្នៃប្រឌិត ឬបែបអេកូទេសចរណ៍»។ លោកបានបន្ថែមថា៖ «ទីតាំងនៃខេត្តទាំងពីរ កំពុងមានសក្តានុពល ព្រោះដីនៅទីនោះនៅសល់ច្រើន ករណីដែលយើងទិញទុកវាមិនសូវជាមានសក្តានុពលទេ ក៏ប៉ុន្តែបើយើងទិញយកមកធ្វើរីសតបែបឆ្នៃប្រឌិត អាចទាក់ទាញភ្ញៀវទេសចរច្រើន»។ លោកបានបន្តទៀតថា ខេត្តកំពត និងកែប បច្ចុប្បន្នគឺជាទិសដៅកំសាន្តក៏ពេញនិយមមួយសម្រាប់អ្នកទេសចរក្នុងស្រុក ហើយក្រោយផ្លូវជាតិលេខ ៣ សាងសង់រួច ទិសដៅទី២ នេះ នឹងកាន់តែមានសក្ដានុពលបន្ថែមទៀត ព្រោះផ្លូវថ្មីនឹងជួយកាត់បន្ថយរយៈពេលធ្វើដំណើរបានមួយចំណែកធំ។ គួររំលឹកផងដែរថា កាលពីពេលថ្មីៗនេះខេត្តកែបកំពុងបើកការដ្ឋានសាងសង់ផ្លូវចំនួន៨ខ្សែ ដោយឡែកការស្ថាបនាផ្លូវជាតិលេខ ៣ ក៏សម្រេចបាន៩០% ហើយដែរ។ (អានបន្ថែម និងបន្ថែម)
អានបន្ថែម
អ្នកជំនាញ៖ ខេត្តព្រះសីហនុ ពិសេសរាម គឺជាទិសដៅវិនិយោគសក្ដានុពលខ្ពស់សម្រាប់ឆ្នាំ ២០២១
អ្នកជំនាញបានឱ្យដឹងថា ខេត្តព្រះសីហនុ ជាពិសេសតំបន់រាម គឺជាទិសដៅវិនិយោគ ដែលមានសក្ដានុពលបំផុតសម្រាប់ឆ្នាំ ២០២១ ប្រើប្រៀបធៀបទៅនឹងបណ្ដារាជធានីខេត្តផ្សេងៗ នៅកម្ពុជា។ អ្នកជំនាញក្នុងវិស័យអចលនទ្រព្យដ៏ល្បីល្បាញគឺ លោក សន សៀប ដែលជាស្ថាបនិក និងនាយកនៃក្រុមហ៊ុន Key Real Estate Co., Ltd. បានប្រាប់ទស្សនាវដ្ដីសំណង់ និងអចលនទ្រព្យ កាលពីថ្ងៃ ៥ មករា ថា តំបន់រាម គឺជាតំបន់មិនទាន់មានគេអភិវឌ្ឍន៍ច្រើននៅឡើយ ហើយដីនៅមានតម្លៃសមរម្យ ដែលអាចវិនិយោគទៅជាតំបន់ទេសចរណ៍ខ្នាតតូចបាន។ លោកបានឱ្យដឹងថា៖ «សម្រាប់ខ្ញុំផ្ទាល់ ខ្ញុំនឹងសំឡឹងមើលតំបន់កៀកៗរាម។ តំបន់ហ្នឹងជាតំបន់សក្ដានុពលខ្ពស់ ព្រោះវានៅជាប់សមុទ្រ ហើយដីធំៗនៅហ្នឹងអត់ទាន់អភិវឌ្ឍន៍ទេ។ បើអភិវឌ្ឍន៍ខ្ញុំជឿថា ពេលអភិវឌ្ឍន៍ទៅ គឺស្អាត។ យើងអាចធ្វើជារីស៊ត ធ្វើជាតំបន់អភិវឌ្ឍន៍ចម្រុះ ស្អាតជាងកន្លែង ដែលគេអភិវឌ្ឍន៍រួចហើយទៀត»។ លោកបានបន្ថែមថា ចំពោះតម្លៃដីនៅតំបន់នេះទៀតសោត នៅមានតម្លៃទាបនៅឡើយ បើធៀបនឹងតម្លៃនៅក្នុងក្រុង។ ជារួម លោកមានសុទិដ្ឋិនិយមថា ខេត្តព្រះសីហនុនឹងមានសន្ទុះលឿនជាងគេក្រោយវិបត្តិកូវីដ ព្រោះ តំបន់នេះគឺជាតំបន់ប៉ូលសេដ្ឋកិច្ចធំជាងគេ បន្ទាប់ពីក្រុងភ្នំពេញ និងជាតំបន់អភិវឌ្ឍន៍ពហុវិស័យ ដែលផ្ដល់ឱកាសច្រើនយ៉ាងសម្រាប់អ្នកវិនិយោគ។
អានបន្ថែម
អ្នកឧកញ៉ាពុង ឃាវសែ៖ វិស័យសំណង់នឹងស្ទុះឡើងវិញក្នុង២០២១ ព្រោះសេដ្ឋកិច្ចអាចកើនពី៣,៥%-៥%
អ្នកឧកញ៉ា ពុង ឃាវសែ ប្រធានក្រុមហ៊ុនអ្នកអភិវឌ្ឍខ្នាតធំ និងឈានមុខគេមួយនៅកម្ពុជា OCIC បានសម្ដែងសុទិដ្ឋិនិយមថា សេដ្ឋកិច្ចប្រទេសកម្ពុជា ជាពិសេសវិស័យសំណង់ អាចនឹងមានសន្ទុះឡើងវិញលឿននៅឆ្នាំ ២០២១ ក្រោយស្ងប់ស្ងាត់មួយរយៈដោយសារិបត្តិកូវីដ។ ថ្លែងប្រាប់ទស្សនាវដ្តី សំណង់ និង អចលនទ្រព្យ កាលពីថ្ងៃទី១៩ ខែធ្នូ នេះ អ្នកឧកញ៉ាបានឱ្យដឹងថា៖ « ខ្ញុំយល់ស្របតាមការព្យាករណ៍របស់ World Bank និង ADB ថាសេដ្ឋកិច្ចនៅកម្ពុជាអាចនឹងស្ទុះពី៣,៥% ទៅ ៥% ក្នុងឆ្នាំ២០២១»។ «ដោយសេដ្ឋកិច្ចកើនឡើងបែបនេះ ខ្ញុំជឿថាវិស័យសាងសង់ក៏នឹងកើនឡើងតាមនោះដែរ ព្រោះវិស័យនេះដើរតួរយ៉ាងសំខាន់ក្នុងការជម្រុញកំណើនសេដ្ឋកិច្ច»។ ធនាគារពិភពលោក កាលពីថ្មីៗនេះបានព្យាករណ៍ថា សេដ្ឋកិច្ចកម្ពុជានឹងកើនឡើងដល់ ៤% នៅឆ្នាំ ២០២១ ខណៈធនាគារអភិវឌ្ឍន៍អាស៊ីក៏ព្យាករណ៍ស្រដៀងគ្នាថាកំណើនសេដ្ឋកិច្ចអាចនឹងស្ទុះដល់វិញ ៥,៤% ដែលជាកត្តាធ្វើឱ្យអ្នកឧកញ៉ាមានសុុទិដ្ឋិនិយម។ (អានបន្ថែម និងបន្ថែម) លើសពីនេះ ទោះស្ថិតក្នុងវិបត្តិកូវីដក្ដី ក្នុងរយៈពេល១០ខែ នៃឆ្នាំ២០២០ រដ្ឋាភិបាលកម្ពុជាបានអនុម័តសំណើសុំការសាងសង់សរុបជាង ៤ ពាន់គម្រោង ឬស្មើនឹងមានទំហំវិនិយោគប្រមាណជាង ៦ ៤០០ លានដុល្លារអាមេរិក។ […]
អានបន្ថែម
វិភាគ៖ តើការទិញអចលនទ្រព្យតែងតែប្រសើរជាងការជួលមែនឬទេ?
មនុស្សភាគច្រើនតែងយល់ថាការជួលអចលនទ្រព្យ ឬជួលផ្ទះគេនៅ គឺជាការខ្ជះខ្ជាយលុយ ព្រោះត្រូវបង់ថ្លៃជួលចោលជារៀងរាល់ខែ។ ជាជាងបង់ថ្លៃជួលឱ្យទៅម្ចាស់ផ្ទះ ហេតុអ្វីមិនបង់រំលស់ទិញផ្ទះផ្ទាល់ខ្លួនវិញ ហើយទៅអនាគតនឹងនៅសល់ទ្រព្យផ្ទាល់ខ្លួន? ការលើកឡើងនេះមិនពិតទាំងស្រុងទេ ក្នុងករណីខ្លះការជួលអាចនឹងចំណេញច្រើនជាងការទិញ ក៏ថាបាន។ តើហេតុអ្វី? យោងទៅការវិភាគរបស់ក្រុមហ៊ុន Fidelity ដែលជាក្រុមហ៊ុនវិភាគ និងរៀបចំផែនការហិរញ្ញវត្ថុដ៏ល្បីល្បាញមួយនៅប្រទេសអាមេរិក ការទិញ និងការជួល គឺអាចចំណេញដូចគ្នា ដូច្នេះជម្រើសគឺអាស្រ័យទៅលើស្ថានភាពហិរញ្ញវត្ថុ និងបែបផែនជីវិតរបស់បុគ្គលម្នាក់ៗ។ ប៉ុន្តែទាំងនេះគឺចំណុចសំខាន់ៗដែលត្រូវពិចារណាមុនពេលសម្រេចចិត្តជួល ឬទិញអចលនទ្រព្យ៖ ការទិញគឺការចំណាយដ៏ធំ អ្នកទិញភាគច្រើន ខ្វល់តែរឿងរក ៣០% មកបង់ជាមួយអ្នកអភិវឌ្ឍ ដើម្បីសុំកម្ចីពីធនាគារឱ្យបាន។ ពួកគេមិនសូវគិតដិតដល់ទេ ថាការទិញលក់អចលនទ្រព្យ មានចំណាយផ្សេងៗជាច្រើនទៀត ដូចជា ពន្ធប្រថាប់ត្រា ពន្ធអចលនទ្រព្យ ការប្រាក់កម្ចីធនាគារ ថ្លៃសេវាកម្មឈ្មួញកណ្តាល ថ្លៃសេវាធនាគារ ថ្លៃវាយតម្លៃអចលនទ្រព្យ ថ្លៃមេធាវី ថ្លៃកាត់ប្លង់ ថ្លៃធានារ៉ាប់រង និងជាពិសេសថ្លៃមើលថែទាំផ្ទះ។ នៅកម្ពុជាករណីភាគច្រើន អ្នកទិញត្រូវបង់ដំបូងយ៉ាងហោច ៣០% នៃថ្លៃផ្ទះឱ្យទៅម្ចាស់គម្រោងទើបអាចសុំកម្ចីបាន ហើយសម្រាប់អត្រាការប្រាក់ជាធម្យមគឺប្រមាណពី ៧-៨% ក្នុងមួយឆ្នាំ។ ទន្ទឹមនឹងនេះ ថ្លៃសេវាធនាគារគឺ ប្រមាណពី១ ទៅ ២% ដោយឡែកពន្ធប្រថាប់ត្រា […]
អានបន្ថែម
តើអចលនទ្រព្យប្រភេទអ្វី ដែលវិនិយោគហើយចំណេញជាងខុនដូ?
អ្នកជំនាញផ្នែកអចលនទ្រព្យ បានបង្ហើបឱ្យដឹងថា ការវិនិយោគលើអគារការិយាល័យសហកម្មសិទ្ធិ ឬ Strata-Title Office ចាត់ទុកថាជាឱកាសវិនិយោគថ្មីមួយប្រភេទទៀត ដែលអាចទទួលបានផលចំណេញច្រើនជាងវិនិយោគលើខុនដូ។ អគារការិយាល័យសហកម្មសិទ្ធិ គឺជាប្រភេទអចលនទ្រព្យថ្មីមួយប្រភេទដែលបុគ្គល ឬក្រុមហ៊ុនអាចទិញយូនីតការិយាល័យនៅក្នុងអគារខ្ពស់ៗផ្ដាច់ជាកម្មសិទ្ធិផ្ទាល់ខ្លួនបាន ពោលគឺដូចទិញខុនដូអញ្ចឹង។ នាយកប្រតិបត្តិក្រុមហ៊ុន Pointer លោក ងួន ឆាយលាង បានឱ្យដឹងថា ទីផ្សារខុនដូនៅកម្ពុជា គឺចាប់ផ្ដើមចង្អៀត ដូច្នេះបើយើងអាចវិនិយោគលើអ្វីផ្សេងបាន គឺយើងអាចចំណេញច្រើន។ លោកបានបន្ថែមថា៖ «បើមើលតាមទីផ្សារ Office ជួលបានថ្លៃជាង ដូចនៅកន្លែងខ្លះយើងអាចទិញ ១ ម៉ែត្រការ៉េ ៣០០០ដុល្លារ តែជួលទៅវិញបាន ១ ម៉ែត្រការ៉េ ២៥ ដុល្លារ អញ្ចឹងបើយើងគុណទៅវាអាចក្នុងរង្វង់ ១០% ក្នុងមួយឆ្នាំ។ ផ្ទុយពីខុនដូ បើខុនដូយើងអាចជួលបានក្នុងរង្វង់ខ្ពស់បំផុត ៨%។ «លើសពីនេះ ផលចំណេញពីការជួល Office គឺបានរយៈពេលវែង ព្រោះអ្នកជួល Office គាត់អត់ដែលជួល ៦ ខែ ឬ ១ ឆ្នាំ ដូចខុនដូទេ ព្រោះគាត់ចង់មាន […]
អានបន្ថែម
ហេតុអ្វីបានជាទីផ្សារអចលនទ្រព្យកម្ពុជាមិនប៉ះពាល់ខ្លាំងពីកូវីដបើធៀបនឹងប្រទេសជិតខាង?
អ្នកជំនាញផ្នែកអចលនទ្រព្យ និងជានាយកប្រតិបត្តិក្រុមហ៊ុន Pointer លោក ងួន ឆាយលាង បានបង្ហើបឱ្យដឹងថា មានកត្ដា៣ សំខាន់ៗ ដែលធ្វើឱ្យទីផ្សារអចលនទ្រព្យនៅកម្ពុជាមិនសូវរងផលប៉ះពាល់ធ្ងន់ធ្ងរពីវិបត្តិកូវីដ បើប្រៀបធៀបនឹងប្រទេសជិតខាង។ កត្តាទី ១ អ្នកអភិវឌ្ឍអចលនទ្រព្យភាគច្រើននៅកម្ពុជាសុទ្ធសឹងតែមានទុនវិនិយោគក្នុងដៃច្រើន ឧទាហរណ៍ដូចជា បូរីប៉េង ហួត និងជីប ម៉ុង ជាដើម។ ដូច្នេះហើយពួកគេ មានទុនគ្រប់គ្រាន់ក្នុងការរក្សាលំនឹងអាជីវកម្ម ដោយនៅតែបន្តសាងសង់គម្រោងដែលកំពុងសាងសង់ ហើយបង្កើតគម្រោងថ្មីៗជាបន្តបន្ទាប់។ ខុសពីអ្នកអភិវឌ្ឍក្រៅប្រទេស ដែលភាគច្រើនសាងសង់គម្រោងនីមួយៗគឺ ពឹងផ្អែកច្រើនទៅលើកម្ចីធនាគារ។ ហើយក្នុងវិបត្តិកូវីដ ដូច្នេះ ធនាគារក៏បានរឹតបណ្តឹងលក្ខខណ្ឌក្នុងការខ្ចី ដែលធ្វើឱ្យចរន្តទីផ្សារមានភាពរអាក់រអួល។ កត្ដាទី ២ អ្នកទិញអចលនទ្រព្យភាគច្រើន ជាពិសេសអ្នកទិញនៅក្នុងបូរីធំៗ គឺមិនសូវទិញដោយប្រើកម្ចីធនាគារប៉ុន្មានទេ ពោលគឺពួកគាត់មានលុយដុំទៅទិញផ្ទះតែម្តង។ ដូច្នេះ ទោះជាកូវីដប៉ះពាល់ដល់វិស័យសេដ្ឋកិច្ច ហើយធ្វើឱ្យគាត់បាត់បង់ចំណូលក្ដី ផ្ទះរបស់គាត់គឺបង់ផ្ដាច់ដោយលុយដុំរួចហើយ ដែលមិនបង្កឱ្យមានបញ្ហាធនាគាររឹបអូសផ្ទះដូចនៅប្រទេសផ្សេងៗទៀតទេ ដែលទិញផ្ទះដោយប្រើកម្ចីធនគារ។ ក្រៅពីអ្នកមានលុយដុលបង់ ចំពោះអ្នកបង់រំលស់ផ្ទះ ឬ អចលនទ្រព្យប្រភេទផ្សេងៗជាច្រើនគឺបង់រំលស់ជាមួយម្ចាស់គម្រោងផ្ទាល់ មានភាគតិចប៉ុណ្ណោះ ដែលសុំកម្ចីធនគារទិញផ្ទះ។ ដូច្នេះក្នុងពេលដែលសេដ្ឋកិច្ចមានបញ្ហា មនុស្សគ្មានលទ្ធភាពបង់ ការចរចាសុំពន្យារជាមួយម្ចាស់គម្រោង គឺងាយស្រួលជាងចរចាជាមួយធនាគារ ដែលមានប្រព័ន្ធស្មុគស្មាញ។ កត្តាទី […]
អានបន្ថែម