អត្ថបទវិភាគ
អ្នកជំនាញ៖ ទោះទីផ្សារអចលនទ្រព្យឆ្នាំ២០២៣ ធ្លាក់ចុះខ្លាំង តែជាឱកាសមហាសាលសម្រាប់អ្នកទិញ
ខណៈដែលទីផ្សារអចលនទ្រព្យក្នុងប្រទេសកម្ពុជា កំពុងមានការធ្លាក់ចុះ អ្នកជំនាញមើលឃើញថាជាឱកាសមាសដ៏ពិសេសមួយសម្រាប់អ្នកទិញ ដោយសារតម្លៃអចលនទ្រព្យត្រូវបានគេផ្តល់ជូនក្នុងតម្លៃក្រោមតម្លៃទីផ្សារ។ យោងតាមលោកស្រី អាន ធីតា នាយកគ្រប់គ្រងក្រុមហ៊ុន PropNexkh ទីផ្សារអចលនទ្រព្យនាពេលបច្ចុប្បន្ននេះ ផ្តល់ការពេញចិត្តយ៉ាងខ្លាំងដល់អ្នកទិញ ដោយផ្តល់ឱ្យពួកគេនូវអំណាចនៃការចរចា និងលទ្ធភាពទទួលបានអចលនទ្រព្យដោយការបញ្ចុះតម្លៃយ៉ាងច្រើនគឺអាចរហូតដល់ ២០% ទៅ ៣០% ក្រោមអត្រាតម្លៃទីផ្សារ។ លោកស្រី អាន ធីតា មានប្រសាសន៍ថា “សក្ដានុពលទីផ្សារនៃឆ្នាំ ២០២៣ បានធ្លាក់ចុះយ៉ាងខ្លាំង ហើយយើងកំពុងមើលឃើញពីឱកាសដ៏មហាសាលសម្រាប់អ្នកវិនិយោគក្នុងការចាប់យកអចលនទ្រព្យតម្លៃក្រោមទីផ្សារទាំងនេះ”។ គួរកត់សម្គាល់ថាគម្រោងអចលនទ្រព្យបានកាត់បន្ថយយ៉ាងខ្លាំងស្ទើរគ្រប់វិស័យ ដោយមានការថយចុះនៃចំនួននៃការអភិវឌ្ឍអគារការិយាល័យថ្មី និងមានតែគម្រោងអភិវឌ្ឍលំនៅឋានមួយចំនួនប៉ុណ្ណោះដែលត្រូវបានចាប់ផ្តើមថ្មី។ ទោះជាយ៉ាងណាក៏ដោយ អចលនទ្រព្យដែលស្ថិតនៅតាមបណ្តោយមហាវិថីសំខាន់ៗដូចជាមហាវិថីនរោត្តម និងមហាវិថីព្រះមុនីវង្សនៅតែបន្តជួបប្រទះនឹងតម្រូវការខ្ពស់ ដែលជំរុញដោយកត្តាទីតាំងយុទ្ធសាស្ត្រល្អ។ ឱកាសមាសមួយទៀតសម្រាប់អ្នកទិញ គឺគេឃើញមាននៅក្នុងទីផ្សារខុនដូ។ អ្នកទិញកំពុងរីករាយនឹងលក្ខខណ្ឌនៃការបង់ប្រាក់កាន់តែមានភាពបត់បែន និងលក្ខខណ្ឌនៃកិច្ចព្រមព្រៀងដែលកាន់តែប្រសើរឡើង ដោយមានអ្នកទិញខ្លះអាចទទួលបានយូនីតខុនដូដោយមិនបង់ថ្លៃពេញ ឬដោយមិនចាំបាច់ជ្រើសរើសការបង់រំលោះ ១០% ឬ ២០%ថែមទៀតផង។ តាមតួលេខ ក្នុងចំណោមខុនដូសរុបប្រមាណ ៥៤០០០ យូនីត មានតែខុនដូតែចំនួនតិចតួចប៉ុណ្ណោះដែលត្រូវបានលក់ចេញ ដែលការណ៍នេះ ផ្តល់ឱ្យអ្នកទិញនូវជម្រើសដ៏ច្រើនសន្ធឹក និងឱកាសវិនិយោគដែលមិនអាចប្រៀបផ្ទឹមបាន។ នៅពេលដែលទិដ្ឋភាពអចលនទ្រព្យបន្តវិវឌ្ឍនៅឆ្នាំ ២០២៣ វិនិយោគិន និងអ្នកទិញផ្ទះអាចទាញយកអត្ថប្រយោជន៍ពីទីផ្សារដែលកំពុងអំណយផលល្អសម្រាប់អ្នកទិញ។ ប៉ុន្តែយ៉ាងណាក្តី អ្នកទិញគួរធ្វើការសម្រេចចិត្តដោយមានព័ត៌មានច្បាស់លាស់ដែលស្របតាមគោលដៅ […]
អានបន្ថែម
NBC: វិស័យសំណង់ និងអចលនទ្រព្យបានបង្ហាញសញ្ញាងើបឡើងវិញក្នុងឆមាសទី១
វិស័យសំណង់ និងអចលនទ្រព្យ បានបង្ហាញសញ្ញាងើបឡើងវិញ ដោយការនាំចូលសម្ភារ និងបរិក្ខាសំណង់ កើនឡើងបន្តិច ០,៤ភាគរយ ដល់ ប្រមាណ៩១១លានដុល្លារ ធៀបនឹងរយៈពេលដូចគ្នាឆ្នាំមុន។ របាយការណ៍ពីធនាគារជាតិនៃកម្ពុជា បានលើកឡើងថា សេដ្ឋកិច្ចកម្ពុជា បន្តសម្រេចបានកំណើនជាវិជ្ជមាន ក្នុងឆមាសទី១ ឆ្នាំ២០២៣ ដោយគាំទ្រជាចម្បងដោយ កំណើនខ្ពស់នៃវិស័យទេសរណ៍ ការបន្តរក្សាកំណើនក្នុងវិស័យកសិកម្ម សញ្ញាងើបឡើងវិញនៃវិស័យសំណង់ បើទោះបីជា ផលិតកម្មក្នុងវិស័យកម្មន្តសាលបានធ្លាក់ចុះ ដោយសារការថមថយនៃតម្រូវការខាងក្រៅក៏ដោយ។ តាមរបាការណ៍ខាងលើ សន្ទស្សន៍ថ្លៃលំនៅដ្ឋាន នៅកម្ពុជា បានកើនឡើង ៦,៤ភាគរយ (ឆ្នាំលើឆ្នាំ) ដោយក្នុងនោះលំនៅឋាននៅរាជធានីភ្នំពេញ បានកើនឡើង ៦,៩ភាគរយ និងនៅតាមបណ្តាខេត្តផ្សេងៗ បានកើនឡើង ៥,៣ភាគរយ។
អានបន្ថែម
សញ្ជាតូបនីយកម្មកម្ពុជាតាមកម្មវិធីវិនិយោគ ជាប់លេខ១១ ក្នុងលោក ជាចលករចម្បងជំរុញការវិនិយោគអចលនទ្រព្យក្នុងស្រុក
ទីផ្សារអចលនទ្រព្យកម្ពុជាកំពុងមើលឃើញការកើនឡើងនៃការចាប់អារម្មណ៍ពីបរទេស ក្នុងនោះកម្មវិធីសញ្ជាតូបនីយកម្មកម្ពុជាតាមរយៈការវិនិយោគ Citizenship by Investment (CBI) អាចជាចំណុចទាក់ទាញដ៏សំខាន់មួយសម្រាប់វិនិយោគិនបរទេសមកលើវិស័យអចលនទ្រព្យ។ ថ្មីៗនេះការផ្តល់សញ្ជាតិកម្ពុជាតាមរយៈការវិនិយោគជូនដល់វិនិយោគិតបរទេស ទទួលបានចំណាត់ថ្នាក់លេខ១១ក្នុងពិភពលោកយោងតាមការវាយតម្លៃរបស់ក្រុមហ៊ុន Henley & Partners ។ សញ្ជាតូបនីយកម្មនេះ ផ្តល់ឱ្យវិនិយោគិនបរទេសនូវច្រកផ្លូវដើម្បីក្លាយជាម្ចាស់អចលនទ្រព្យជាពិសេសដីដោយសេរីនៅក្នុងប្រទេស។ កាលពីមុន វិនិយោគិនបរទេសដែលចង់មករកស៊ីលើដីកម្ពុជា ត្រូវបំពេញបែបបទតាមបទប្បញ្ញត្តិដ៏ស្មុគស្មាញ ហើយភាគច្រើនងាកទៅរកច្រកការបណ្តាក់ទុនរួមគ្នាជាមួយអ្នកក្នុងស្រុកវិញ។ ទោះយ៉ាងណាក៏ដោយ កម្មវិធីសញ្ជាតូបនីយកម្មតាមការវិនិយោគ បានកែប្រែចំណុចនេះ ដោយផ្តល់នូវផ្លូវត្រង់ និងសុវត្ថិភាពដល់ជនបរទេសដែលទទួលបានសញ្ជាតិខ្មែរឱ្យមានសិទ្ធិកាន់កាប់ដីនៅកម្ពុជាដោយផ្ទាល់តែម្តង។ គំរូដ៏លេចធ្លោរបស់តារាហូលីវូដស្រីអែនជេលីណា ជូលី ( Angelina Jolie) បង្ហាញពីអត្ថប្រយោជន៍នៃកម្មវិធីនេះ ដោយសារនាងមិនត្រឹមតែទទួលបានសញ្ជាតិកម្ពុជាប៉ុណ្ណោះទេ ប៉ុន្តែថែមទាំងបានវិនិយោគលើវិស័យអចលនទ្រព្យដែលកំពុងរីកចម្រើនរបស់ប្រទេសផងដែរ។ លោក Daniel Ho សហស្ថាបនិក និងជានាយកគ្រប់គ្រងក្រុមនៃក្រុមហ៊ុន Juwai IQI អះអាងថា “ទីផ្សារអចលនទ្រព្យរបស់ប្រទេសកម្ពុជាកំពុងមើលឃើញការទាក់ទាញដែលមិនធ្លាប់មានពីមុនមក ដែលជំរុញដោយការចាប់អារម្មណ៍កាន់តែខ្លាំងឡើងពីអ្នកទិញបរទេស។ ការបើកច្រកព្រំដែនរបស់ប្រទេសចិនឡើងវិញនៅឆ្នាំ ២០២៣ បានជំរុញការវិនិយោគរបស់ចិនយ៉ាងច្រើន និងបានពង្រីកចំនួនអ្នកវិនិយោគចិនធំៗដែលកំពុងសម្លឹងមើលដីកម្ពុជាច្រើនជាងដប់ដង។” ទោះបីជាមានភាពមិនប្រាកដប្រជានៃសេដ្ឋកិ្ចសកលក៏ដោយ ការវិនិយោគទ្រព្យសកម្មថេររបស់ចិនមកកម្ពុជា បានកើនឡើងចំនួន ៦៧% គឺមានទំហំរហូតដល់ ២,៣២ ពាន់លានដុល្លារក្នុងឆ្នាំ ២០២១។ តួលេខនេះ […]
អានបន្ថែម
សូចនាករបីបង្ហាញពន្លឺសម្រាប់ទីផ្សារអចលនទ្រព្យអាស៊ី ប៉ុន្តែសេដ្ឋកិច្ចងើបរួចឬមិនរួចនៅតែអាស្រ័យលើចិន ហេតុអ្វី?
ត្រឹមត្រីមាសទី១នៃឆ្នាំនេះ ការវិនិយោគអចលនទ្រព្យពាណិជ្ជកម្មក្នុងតំបន់អាស៊ីប៉ាស៊ីហ្វិច ( APAC) បានធ្លាក់ចុះដល់កម្រិតទាបបំផុតដែលមិនធ្លាប់មានចាប់តាំងពីឆ្នាំ ២០១០។ ទោះយ៉ាងណាក៏ដោយ ការបើកដំណើរការឡើងវិញរបស់ប្រទេសចិន និងស្ថានភាពជាក់ស្តែងដែលកំណើនអត្រាការប្រាក់ជិតដល់ចំណុចកំពូល ជាសញ្ញាណនាំឱ្យមានការរំពឹងទុកថាសេដ្ឋកិច្ចសាកលកំពុងតែជិតដល់ភាពធូរស្បើយ។ ការវិនិយោគលើអចលនទ្រព្យពាណិជ្ជកម្ម និងការវិភាគតាមវិស័យនៅចិន៖ វិស័យការិយាល័យរបស់ប្រទេសចិន បន្តប្រឈមមុខនឹងសម្ពាធ ជាចម្បងដោយសារតែកម្រិតផ្គត់ផ្គង់ខ្ពស់។ ផ្ទុយទៅវិញ វិស័យហាងលក់រាយ និងបដិសណ្ឋារកិច្ច ត្រូវបានគេរំពឹងថានឹងទទួលបានអត្ថប្រយោជន៍ពីការកើនឡើងនៃការប្រើប្រាស់ និងការត្រឡប់មកវិញបន្តិចម្តងៗនៃវិស័យទេសចរណ៍នៅឆ្នាំ ២០២៣។ ខណៈពេលដែលវិស័យការដឹកជញ្ជូន នៅមានភាពប្រសើរស្របតាមកំណើនសេដ្ឋកិច្ចដែលកំពុងងើបបណ្តើរៗ ប៉ុន្តែទីផ្សារមួយចំនួនក្នុងវិស័យនេះ កំពុងប្រឈមនឹងបញ្ហានៃការផ្គត់ផ្គង់លើសតម្រូវការ។ ប្រភេទទ្រព្យសកម្មជំនួសក៏កំពុងទទួលបានការចាប់អារម្មណ៍ពីអ្នកវិនិយោគផងដែរ ទោះបីជាកំណើនបរិមាណនៅតែមិនស្មើគ្នាក៏ដោយ។ ការពន្លឿនការស្តារឡើងវិញ និងផលប៉ះពាល់របស់ចិនលើតំបន់អាស៊ីប៉ាស៊ីហ្វិច ( APAC)៖ការបន្ធូរបន្ថយរបស់ចិនដីគោកនៃគោលនយោបាយសូន្យកូវីដ១៩ រួមជាមួយនឹងការបើកព្រំដែនរបស់ខ្លួនឡើងវិញ បានបង្កើនល្បឿនដោយរំពឹងទុកថា ការស្តារឡើងវិញក្នុងតំបន់នេះ ទីផ្សារចិននឹងរួមចំណែកដល់ទៅ ៤៥%នៃGDPរបស់ទីផ្សារតំបន់អាស៊ីប៉ាស៊ីហ្វិចទាំងមូលផងដែរ។ សេដ្ឋកិច្ចចិនបានជួបប្រទះនឹងការស្ទុះងើបឡើងវិញដ៏រឹងមាំនៅក្នុងត្រីមាសទី១ នៃឆ្នាំ ២០២៣ ជាពិសេសនៅក្នុងខែមីនា។ ត្បិតតែទិន្នន័យសេដ្ឋកិច្ចតំបន់ APAC ក្នុងខែមេសា បង្ហាញពីលទ្ធផលចម្រុះ វាជារឿងសមហេតុផលក្នុងការរំពឹងថានឹងមានកំណើន GDP ពិតប្រាកដក្នុងចន្លោះពី ៥% ទៅ ៧% សម្រាប់ឆ្នាំនេះ ដោយប្រទេសចិនបានដើរតួជាកម្លាំងជំរុញនៅពីក្រោយការងើបឡើងវិញនេះ។ សន្ទុះវិជ្ជមាននេះ ត្រូវបានគេរំពឹងថាសេដ្ឋកិច្ចចិននឹងជួយរុញទីផ្សារនៃប្រទេសទាំងឡាយក្នុងតំបន់APAC បានខ្លះ […]
អានបន្ថែម
ហេតុអ្វីមិនមែនភ្នំពេញ ឬបាងកក? ខណៈហូជីមិញជាប់ជាក្រុងកំពូល ទាក់ទាញវិនិយោគច្រើនបំផុតក្នុងតំបន់អាស៊ីប៉ាស៊ីហ្វិក
រាជធានីភ្នំពេញជាទីក្រុងដែលធំជាងគេនៃប្រទេសកម្ពុជា បាននិងកំពុងជួបប្រទះនូវកំណើនគួរឱ្យកត់សម្គាល់ទាំងនគរូបនីយកម្ម (ការពង្រីកទំហំ) លំហូរការវិនិយោគផ្ទាល់ពីបរទេស (FDI) សំណង់អគារខ្ពស់ៗ និងគម្រោងអភិវឌ្ឍន៍អចលនទ្រព្យខ្នាតយក្សយ៉ាងច្រើន។ ទោះយ៉ាងណាក៏ដោយ នៅពេលប្រៀបធៀបអំពីមាឌនៃការវិនិយោគ (Volume of Investment) ទៅនិងទីក្រុងសំខាន់ៗក្នុងតំបន់អាស៊ាន ភ្នំពេញនៅតែមានចំនួនតិចតួចនៅឡើយ។ ផ្ទុយទៅវិញ បាងកក ដែលជារាជធានីដ៏អ៊ូអររបស់ប្រទេសថៃ ដែលកំពុងលេចធ្លោជាចំណុចទាក់ទាញដ៏សំខាន់សម្រាប់អ្នកវិនិយោគបរទេសដែលស្វែងរកនិវាសនដ្ឋានប្រណីតៗ ជាពិសេសខុនដូ ដោយការលក់បានកើនឡើងជាង ២០០% ក្នុងរយៈពេលថ្មីៗនេះ បើតាមរបាយការណ៍ CBRE Thailand ។ គួរកត់សម្គាល់ថា តម្លៃផ្ទះរបស់ទីក្រុងបាងកកជាប់ចំណាត់ថ្នាក់ក្នុងចំណោមតម្លៃសមរម្យបំផុតនៅក្នុងទីក្រុងសំខាន់ៗនៅលើពិភពលោក ដូចដែលបានបង្ហាញដោយការវិភាគរបស់ក្រុមហ៊ុន CBRE នៅលើគេហទំព័រ RE Talk Asia ។ ទោះជាយ៉ាងណាក៏ដោយ រាជធានីនៃប្រទេសថៃនេះ នៅតែមិនជាប់ចំណាត់ថ្នាក់ក្នុងចំណោមទីក្រុងកំពូលទាំង ១០ សម្រាប់ការវិនិយោគឆ្លងព្រំដែនក្នុងតំបន់អាស៊ីប៉ាស៊ីហ្វិកសម្រាប់ឆ្នាំ ២០២៣។ ប៉ុន្តែហេតុអ្វីបានជាទីក្រុងរបស់វៀតណាមជាប់ចំណាត់ថ្នាក់ក្នុងបញ្ជីកំពូលនេះ? លើសពីនេះ មិនមែនតែក្រុងមួយទៀត គឺក្រុងដល់ទៅពីរហាណូយ និងហូជីមិញ។ រដ្ឋធានីតូក្យូជាប់លេខ១ បួនឆ្នាំៗជាប់គ្នា ហើយសម្រាប់ឆ្នាំនេះ ក្រុងសិង្ហបុរីជាប់លេខ២ ហើយក្រុងហូជីវមិញជាប់លេខ៣។ ខាងក្រោមនេះគឺជាការពិតមួយចំនួនដែលមិនអាចប្រកែកបានថាទីក្រុងហូជីមិញមានគុណសម្បត្តិវិនិយោគខុសពីទីក្រុងបាងកក ទោះបីវាមានទំហំតូចជាងក៏ដោយ៖ តម្លៃអចលនទ្រព្យខ្ពស់៖ ការពិនិត្យឡើងវិញដំបូងអំពីតម្លៃអចលនទ្រព្យនៅទីក្រុងហាណូយ […]
អានបន្ថែម
អ្នកជំនាញ៖ ទីផ្សារលំនៅឋាននៅកម្ពុជាបន្តនៅទ្រឹង ប៉ុន្តែបើទីតាំងល្អ ផ្ទះនៅតែលក់ដាច់
ឈានចូលដល់ពាក់កណ្តាលឆ្នាំ ២០២៣ ទីផ្សារអចលនទ្រព្យផ្នែកលំនៅឋាននៅកម្ពុជាប្រឈមមុខនឹងការប្រកួតប្រជែងកាន់តែខ្លាំងជាងមុន បូករួមនឹងតម្រូវការធ្លាក់ចុះ។ ការលក់ក្នុងវិស័យនេះ ប្រឈមបញ្ហាកាន់តែខ្លាំងឡើងៗ ដោយមានតែចំនួនគម្រោងខុនដូ និងគម្រោងដីនៅតាមទីតាំងសំខាន់ៗមួយចំនួនប៉ុណ្ណោះ ដែលនៅអាចរក្សាតម្លៃ ឬដំឡើងថ្លៃបន្តិចបន្តួចបាន នេះបើយោងតាមរបាយការណ៍វាយតម្លៃទីផ្សារអចលនទ្រព្យពាក់កណ្តាលឆ្នាំ២០២៣ របស់ក្រុមហ៊ុន CBRE Cambodia។ ក្នុងអំឡុងឆមាសទី១ ឆ្នាំ២០២៣នេះ ក្នុងទីផ្សារលំនៅឋាន មានគម្រោងខុនដូថ្មីចំនួន ៣ ក្នុងនោះមានខុនដូចំនួន ១៦០០ យូនីត បន្ថែមទៀតត្រូវបានសាងសង់បញ្ចប់។ លើសពីនេះទៀត ការបញ្ចប់គម្រោងចំនួន ១០ បានរួមចំណែកជាង ៤.៦០០យូនីតដល់ការផ្គត់ផ្គង់សរុប។ បូកសរុបទាំងអស់ ត្រឹមដំណាច់ឆ្នាំនេះ ការផ្គត់ផ្គង់ខុនដូត្រូវបានគេព្យាករថានឹងកើនដល់ជិត ៥៥.០០០ យូនីត ពោលគឺកើនឡើង ១៦% ពីមួយឆ្នាំទៅមួយឆ្នាំ។ លោកស្រី Kinkesa Kim អគ្គនាយករងនៃក្រុមហ៊ុន CBRE Cambodia មានប្រសាសន៍ថា “ខណៈពេលដែលទីផ្សារអាចនឹងមានការថមថយ ការលក់នៅតែបន្តសម្រាប់គម្រោងណាដែលមានទីតាំងល្អៗ ត្រូវនឹងតម្រូវការរបស់អតិថិជន”។ កត្តាសំខាន់ៗមួយចំនួនដូចជាតម្លៃ ទីតាំង គុណភាពសំណង់ កំណត់ត្រាតាមដានរបស់អ្នកអភិវឌ្ឍ និងទំហំគម្រោងដើរតួយ៉ាងសំខាន់ក្នុងការជំរុញឱ្យការលក់ទទួលបានជោគជ័យ។ សម្រាប់ឆមាសទីមួយនេះដែរ នៅក្នុងវិស័យអចលនទ្រព្យជាប្រភេទដីធ្លី ឃើញថាមានចំនួនទាបបំផុតនៃការបើកដំណើរការគម្រោងក្នុងរយៈពេល ៥ […]
អានបន្ថែម
ឆមាសទី១ ២០២៣ វិស័យលក់រាយនៅកម្ពុជាថយចុះ ខណៈផ្សារលក់រាយតាមដងផ្លូវបានកើនខ្ពស់ដល់ ៩៥%
ឆមាសទី១ ឆ្នាំ២០២៣នេះ របាយការណ៍របស់CBRE បានបង្ហាញពីការថយចុះនៃការសាងសង់ហាងលក់រាយថ្មីៗបន្ថែមទៀត។ គិតត្រឹមពាក់កណ្តាលឆ្នាំនេះ ទំហំហាងលក់រាយថ្មីជាង ៣៩.០០០ម៉ែត្រការ៉េត្រូវបានបន្ថែម ដែលតំណាងឱ្យការកើនឡើង ៦% នៅក្នុងការផ្គត់ផ្គង់សរុបក្នុងរយៈពេល ៦ ខែចុងក្រោយ។ ទោះជាយ៉ាងណាក៏ដោយ វិស័យលក់រាយកំពុងត្រៀមខ្លួនសម្រាប់ការពង្រីកបន្ថែមទៀត ជាមួយនឹងគម្រោងប្រមាណ ៨៣.០០០ ម៉ែត្រការេ ដែលគ្រោងនឹងបញ្ចប់នៅចុងឆ្នាំនេះ។ គម្រោងទាំងនេះ ភាគច្រើនមាននៅតាមផ្សារទំនើបសហគមន៍ និងវេទិកាហាងលក់រាយ ដែលឆ្លុះបញ្ចាំងពីការវិវត្តថ្មីនៃចំណូលចិត្តរបស់អ្នកប្រើប្រាស់។ គិតត្រឹមពាក់កណ្តាលឆ្នាំ ២០២៣ បើនិយាយពីអត្រាកាន់កាប់ ជារួម វិស័យហាងលក់រាយ ធ្លាក់ចុះបន្តិចពី ៧០% ក្នុងឆ្នាំ ២០២២ មកត្រឹម៦៨% តែបើនិយាយពីការជួលវិញ សម្រាប់ផ្សារទំនើប ហាងលក់រាយ និងផ្សារទំនើបសហគមន៍ មានអត្រាធ្លាក់ចុះប្រមាណពី ៤% ទៅ ៥ %។ ដោយឡែក អ្នកជំនាញបានកត់សម្គាល់ថាការជួលហាងលក់រាយនៅតាមដងផ្លូវ បានបង្ហាញពីសញ្ញានៃការងើបឡើងវិញខ្ពស់ គឺកំណើនឈានរហូតដល់ ៩៥% បើធៀបនឹងអត្រាកាលពីឆ្នាំ ២០១៩ ដែលតួលេខនេះបង្ហាញពីភាពទាក់ទាញនៃទីតាំងបែបនេះសម្រាប់អ្នកលក់រាយដែលចង់បានកន្លែងមានមនុស្សចេញចូលច្រើន និងងាយសម្រួលចេញចូលសម្រាប់ការដឹកជញ្ជូនជូនអតិថិជន។ លោក Daluch Chin អ្នកគ្រប់គ្រងជាន់ខ្ពស់ផ្នែកវាយតម្លៃ និងប្រឹក្សាយោបល់របស់ក្រុមហ៊ុន […]
អានបន្ថែម
ឆមាសទី១-២០២៣ ចំនួនផ្គត់ផ្គង់លើសតម្រូវការនៃអគារការិយាល័យនៅកម្ពុជា កំពុងដាក់សម្ពាធខ្លាំងលើការជួល និង…
ក្នុងរយៈពេលប្រាំមួយខែដំបូងនៃឆ្នាំ២០២៣ ការផ្គត់ផ្គង់ប្រភេទអគារការិយាល័យថ្មីនៅក្នុងទីផ្សារអចលនទ្រព្យកម្ពុជា កើនឡើងប្រមាណ៣៩% ថែមលើការិយាល័យដែលមានស្រាប់។ គិតចាប់ពីពាក់កណ្តាលឆ្នាំទៅដល់ចុងឆ្នាំនេះ ការផ្គត់ផ្គង់ការិយាល័យសរុប ត្រូវបានគេរំពឹងថាការិយាល័យទំហំចំនួន ២១៥.០០០ម៉ែត្រការ៉េ ត្រូវបានសាងសង់ និងដាក់លក់បន្ថែម ធ្វើឱ្យការិយាល័យសរុបមានទំហំលើសពី ១លានម៉ែត្រការ៉េ ពោលគឺ ២៤% ដែលជាកំណើនច្រើនខ្លាំងគួរឱ្យកត់សម្គាល់។ ការកើនឡើងនៃការផ្គត់ផ្គង់លើស និងការថយចុះអត្រាកាន់កាប់បែបនេះ ប៉ះពាល់យ៉ាងខ្លាំងដល់តម្លៃជួល អគារការិយាល័យ នេះបើយោងតាមរបាយការណ៍វាយតម្លៃពាក់កណ្តាលឆ្នាំ២០២៣ របស់ CBRE Cambodia ដែលចេញផ្សាយនៅថ្ងៃទី១៣ ខែកក្កដា ឆ្នាំ២០២៣។ បើមើលតែទៅលើការដកស្រង់តម្លៃជួលនៃទីផ្សារការិយាល័យ យើងឃើញថាមានការកើនឡើងពី ២% ទៅ ៤% នៅគ្រប់ចំណាត់ថ្នាក់ និងស្រុក ប៉ុន្តែបើយើងមើលទៅលើការជួលដែលបានសម្រេចជាក់ស្តែង ស្ថិតិបង្ហាញថាស្ថានភាពទីផ្សារការិយាល័យនៅថេរ។ ចាប់តាំងពីការឡើងដល់កំពូលក្នុងឆ្នាំ២០១៩ ការស្នើសុំជួលការិយាល័យបានធ្លាក់ចុះគួរឱ្យកត់សម្គាល់រហូតដល់ ២០%។ ទោះជាយ៉ាងណាក៏ដោយក្នុងរយៈពេល ១៨ខែចុងក្រោយនេះ ការដកស្រង់តម្លៃជួលបានធ្លាក់ចុះ ហើយម្ចាស់ផ្ទះបានប្រើយុទ្ធសាស្រ្តជំនួសដើម្បីទាក់ទាញអ្នកជួល។ ជំនួសឱ្យការកាត់បន្ថយការជួល ម្ចាស់ផ្ទះកំពុងផ្តល់ការលើកទឹកចិត្តដូចជាមានថែមជូនកន្លែងចតរថយន្តដោយឥតគិតថ្លៃ ការពន្យាររយៈពេលជួលដោយមិនគិតថ្លៃ និងការកែលម្អអ្នកជួល។ អាស្រ័យហេតុនេះ ការជួលអគារការិយាល័យ នៅតែស្ថិតក្រោមសម្ពាធទីផ្សារ ហើយសម្ពាធនោះធ្វើឱ្យអត្រាជួលកាន់តែចង្អៀតជាងមុន។ លោក Daluch Chin អ្នកគ្រប់គ្រងជាន់ខ្ពស់ផ្នែកវាយតម្លៃ និងប្រឹក្សារបស់ក្រុមហ៊ុន […]
អានបន្ថែម
ស្វែងរកបញ្ហាប្រឈម និងចាប់យកឱកាសនៅក្នុងទីផ្សារអចលនទ្រព្យថាមវន្តនៅកម្ពុជា
ក្រុមហ៊ុន CBRE ដែលជាក្រុមហ៊ុនវាយតម្លៃអចលនទ្រព្យឈានមុខនៅកម្ពុជា ទើបនឹងបានចេញរបាយការណ៍វាយតម្លៃទីផ្សារអចលនទ្រព្យភ្នំពេញពាក់កណ្តាលឆ្នាំ២០២៣ របស់ខ្លួន បង្ហាញពីផលប៉ះពាល់នៃលក្ខខណ្ឌម៉ាក្រូសេដ្ឋកិច្ចពិភពលោក ជាពិសេសការជាប់គាំងយឺតនៃសេដ្ឋកិច្ចចិន គួបផ្សំនឹងការផ្គត់ផ្គង់លើសលប់នៃទីផ្សារក្នុងស្រុក បានបន្តអូសបន្លាយការងើបឡើងវិញនៃទីផ្សារអចលនទ្រព្យរបស់ប្រទេសកម្ពុជា។ “ចំពេលមានការថយចុះនៃបរិយាកាសម៉ាក្រូពិភពលោក កម្ពុជាបានជួបប្រទះនូវផលប៉ះពាល់នៃការកើនឡើងនៃថ្លៃដើមទុនដែលបណ្តាលមកពីការកើនឡើងនៃអតិផរណា និងការកាត់បន្ថយការប្រើប្រាស់នៅក្នុងទីផ្សារលោកខាងលិច ដែលបណ្តាលឱ្យមានការធ្លាក់ចុះគួរឱ្យកត់សម្គាល់ប្រមាណ 30% នៅក្នុងការនាំចេញ Q1-២០២៣ ។ លើសពីនេះ លំហូរវិនិយោគផ្ទាល់ពីបរទេស (FDI) ត្រូវបានរងផលប៉ះពាល់ដោយសារឧស្សាហកម្មនាំចេញ និងអចលនទ្រព្យរបស់ប្រទេសចិនកំពុងនៅទ្រឹងដែរ” ប្រសាសន៍របស់លោក Lawrence Lennon នាយកគ្រប់គ្រងនៃក្រុមហ៊ុន CBRE Cambodia។ “ទោះបីជាមានបញ្ហាប្រឈមទាំងនេះក៏ដោយ បន្ទាប់ពីប្រទេសចិន និងពិភពលោកផ្សេងទៀតបានបើកដំណើរការឡើងវិញជាបណ្តើរៗ យើងមើលឃើញសញ្ញាណវិជ្ជមានចេញពីវិស័យទេសចរណ៍ និងធុរកិច្ច” លោក Lawrence បន្ថែម។ គួររំលឹកថា កាលពីត្រីមាសទីមួយ របាយការណ៍របស់ CBRE បានបង្ហាញពីការថយចុះគួរឱ្យកត់សម្គាល់នៃគម្រោងសាងសង់ដែលត្រូវបានអនុម័ត ដោយមានគម្រោងជាង ១.៤០០ ត្រូវបានអនុម័តក្នុងអំឡុងពេលទីផ្សារកំពុងឡើងខ្លាំង ក្នុងឆ្នាំ ២០១៩ បើធៀបនឹងចំនួនគម្រោងតែប្រមាណ ៦០០ ប៉ុណ្ណោះ ក្នុងឆ្នាំ ២០២២។ ការធ្លាក់ចុះនេះអាចបណ្តាលមកពីការផ្គត់ផ្គង់លើស ជាពិសេសនៅក្នុងផ្នែកអចលនទ្រព្យកម្រិតខ្ពស់។ លោក Marc […]
អានបន្ថែម
តំបន់សេដ្ឋកិច្ចពិសេសក្រុងព្រះសីហនុ ជាចំណងភ្ជាប់ដ៏សំខាន់រវាងកម្ពុជា-ចិន ក្នុងក្របខណ្ឌខ្សែក្រវាត់ និងផ្លូវ
តំបន់សេដ្ឋកិច្ចពិសេសក្រុងព្រះសីហនុ គឺជាគម្រោងសហប្រតិបត្តិការដ៏ធំនិងសំខាន់បំផុត ដែលជាចំណងភ្ជាប់កម្ពុជា-ចិន ក្នុងក្របខណ្ឌ “ខ្សែក្រវាត់និងផ្លូវ” ដោយបានបង្កើតការងារជូនប្រជាពលរដ្ឋខ្មែរជាច្រើនម៉ឺននាក់។ លោកលាវ លានឈី (Liu Lianchi )អនុប្រធានគ្រប់គ្រងទៅ នៃតំបន់សេដ្ឋកិច្ចពិសេសក្រុងព្រះសីហនុ បានឱ្យដឹងថា គំនិតផ្ដួចផ្ដើម” ខ្សែក្រវាត់និងផ្លូវនិងយុទ្ធសាស្ត្រចតុកោណរបស់កម្ពុជា មានភាពបន្ស៊ាំគ្នាយ៉ាងខ្លាំង។ ក្នុងនាមជា គម្រោងកិច្ចសហប្រតិបត្តិការសំខាន់រវាងប្រទេសកម្ពុជា និងប្រទេសចិន តំបន់សេដ្ឋកិច្ច ពិសេសក្រុងព្រះសីហនុ ប្តេជា្ញនឹងខិតខំប្រឹងប្រែងបន្តទៀត ដើម្បីចូលរួមចំណែកក្នុងការកសាងសហគមន៍ ជោគវាសនាកម្ពុជា-ចិននៅក្នុងយុគសម័យថ្មីនេះ ។ បន្ថែមពីនេះ កញ្ញា ហ័ង ហ័នហ័រ (Huang Huanhua ) អនុប្រធានគ្រប់គ្រងទូទៅ នៃតំបន់សេដ្ឋកិច្ចពិសេសក្រុងព្រះ សីហនុម្នាក់ទៀតបានប្រាប់ឱ្យដឹងដែរថា ក្រុមហ៊ុនតំបន់សេដ្ឋកិច្ចពិសេសមានផ្ទៃដីសរុបប្រហែល ១.១១៣ហិកតា ខណៈបច្ចុប្បន្នអភិវឌ្ឍបានជិត ៦០០ហិកតាហើយ។ បច្ចុប្បន្ននេះ តំបន់សេដ្ឋកិច្ចពិសេសក្រុងព្រះសីហនុមានរោងចក្រ សហគ្រាសចំនួន ១៧៥កំពុងដំណើរការ ក្នុងនោះ ៧០ភាគរយ ជាក្រុមហ៊ុនមកពីប្រទេសចិន និង៣០ភាគរយទៀតមកពីអាមេរិក បារាំង អង់គ្លេស កូរ៉េ ជប៉ុន ដែលផ្តល់ការងារជូនប្រជាពលរដ្ឋ កំពុងធ្វើការជិត៣ម៉ឺននាក់។ អំឡុងឆ្នាំ២០១៨ នាឱកាសវេទិកាកំពូលស្តីពីកិច្ចសហប្រតិបត្តិការអន្តរជាតិ […]
អានបន្ថែម