សេដ្ឋកិច្ច និងហិរញ្ញវត្ថុ
រដ្ឋសភាអនុម័តថវិកាជាង ៨ពាន់លានដុល្លារសម្រាប់ការចំណាយរបស់ជាតិក្នុងឆ្នាំ ២០២០
រដ្ឋសភា បានអនុម័តទាំងស្រុងលើសេចក្តីព្រាងច្បាប់ថវិកាជាតិ ប្រមាណ ៨,២ពាន់លានដុល្លារ សម្រាប់ការចំណាយឆ្នាំ២០២០ កាលពីថ្ងៃអង្គារ៍ ដែលមានកំណើន ២២ភាគរយ ធៀបទៅនឹងការចំណាយនៃច្បាប់ថវិកាជាតិឆ្នាំ២០១៩។ ការចំណាយសំខាន់ៗរបស់រដ្ឋាភិបាល ក្នុងឆ្នាំ២០២០ គឺទៅលើរដ្ឋបាលទូទៅ វិស័យការពារជាតិ និងវិស័យសង្គមកិច្ច។ នេះបើយោងតាមសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២។ ដើម្បីឆ្លើយតបនឹងការចំណាយ រដ្ឋាភិបាលដាក់ទិសដៅបង្កើនចំណូល ប្រមាណ ៦,៥ ពាន់លានដុល្លារ ពោលគឺកើនឡើង២៤ភាគរយ ធៀបនឹងឆ្នាំ២០១៩។ ជាមួយគ្នានេះ រដ្ឋាភិបាលគ្រោងខ្ចីលុយពីដៃគូអភិវឌ្ឍន៍ និងប្រទេសជាមិត្ត ប្រមាណ ១,៨ពាន់លានដុល្លារ ដើម្បីយកមកបង្រ្គប់ការចំណាយចរន្ត សម្រាប់ឆ្នាំ២០២០។ ឯកឧត្តម អូន ព័ន្ធមុន្នីរ័ត្ន រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ មានប្រសាសន៍នៅក្នុងសេចក្តីថ្លែងហេតុនៅក្នុងអង្គប្រជុំសភាថា ច្បាប់ថវិកាឆ្នាំ២០២០ មានសារសំខាន់ក្នុងការបន្តពង្រីងសន្តិភាព ស្ថិរភាពនិយោបាយ សន្តិសុខ និងសណ្តាប់ធ្នាប់សង្គម។ សេដ្ឋកិច្ចកម្ពុជាឆ្នាំ២០១៩ ត្រូវប៉ាន់ស្មានថា អាចសម្រេចបានកំណើន ៧,១ភាគរយ ធៀបនឹង៧,៥ភាគរយ ក្នុងឆ្នាំ២០១៨។ ដោយឡែកកំណើននេះ ត្រូវបានព្យាករណ៍ថានឹងថយមកក្នុងអត្រា ៦,៥ភាគរយ ក្នុងឆ្នាំ២០២០៕ (រូបភាព៖ ទំព័រហ្វេសប៊ុក រដ្ឋសភា)
អានបន្ថែម
អ្នកជំនាញ៖ កម្ពុជាត្រូវការអភិវឌ្ឍន៍វិស័យសំខាន់២ ដើម្បីត្រៀមខ្លួនក្លាយជាប្រទេសមានចំណូលមធ្យមកម្រិតខ្ពស់ នៅឆ្នាំ២០៣០
ទស្សនវិស័យជាតិបានកំណត់យកឆ្នាំ ២០៣០ ដើម្បីប្រែកម្ពុជាពីប្រទេសដែលមានចំណូលមធ្យមកម្រិតទាប ឲ្យក្លាយទៅជាប្រទេសដែលមានប្រាក់ចំណូលធម្យមកម្រិតខ្ពស់ ពោលគឺ១០ឆ្នាំទៅមុខទៀត កម្ពុជានឹងដូចប្រទេសថៃ ឬ ម៉ាឡេស៊ីបច្ចុប្បន្ននេះ។ សម្តេចតេជោ ហ៊ុន សែន បានមានប្រសាសន៍នៅក្នុងកិច្ចប្រជុំកំពូលអាស៊ីប៉ាស៊ីហ្វិកលើកទី២ កាលពីថ្ងៃទី១៩ វិច្ឋិកា ថា “បច្ចុប្បន្ន កម្ពុជាកំពុងខិតខំបន្ថែមទៀត ដើម្បីក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានចំណូលខ្ពស់នៅឆ្នាំ ២០៥០”។ កម្ពុជាបានក្លាយជាប្រទេសដែលមានចំណូលធម្យមកម្រិតទាបចាប់តាំងពីឆ្នាំ ២០១៥។ បើតាមការបែងចែកចំណាត់ថ្នាក់ប្រទេសរបស់ធនាគារពិភពលោក ប្រទេសដែលមានប្រាក់ចំណូលមធ្យមកម្រិតទាប សំដៅដល់ចំណូលជាធម្យមរបស់ប្រជាជនម្នាក់រកបានចន្លោះពី ១.០២៦ដុល្លារ – ៣.៩៩៥ ដុល្លារក្នុង១ឆ្នាំ ហើយប្រាក់ចំណូលមធ្យមកម្រិតខ្ពស់ចន្លោះពី ៣.៩៩៦ ដុល្លារ – ១២.៣៧៥ដុល្លារ។ លោក Norman V. Loayza ប្រធានក្រុមស្រាវជ្រាវផ្នែកអភិវឌ្ឍន៍របស់ធនាគារពិភពលោក បានប្រាប់សារព័ត៌មានចិនស៊ីនហួរកាលពីឆ្នាំកន្លងទៅថា ដើម្បីឲ្យកម្ពុជាសម្រេចមហិច្ឆតាក្លាយជាប្រទេសមានចំណូលធម្យមកម្រិតខ្ពស់នៅឆ្នាំ២០៣០ គេត្រូវការអភិវឌ្ឍវិស័យសំខាន់ៗ២ ទី១ គឺទាមទារឲ្យមានការវិនិយោគខ្លាំងទៅលើ មូលធនមនុស្ស និង ទី២ គឺផ្នែកហេដ្ឋារចនាសម្ព័ន្ធ។ ប្រទេសកម្ពុជាទទួលបានប្រាក់កម្ចីប្រមាណជា ៥.៣០០ លានដុល្លារអាមេរិក ពីធនាគារអភិវឌ្ឍន៍ចិន។ កម្ចីទាំងនោះគឺសម្រាប់គាំទ្រការអភិវឌ្ឍន៍ហេដ្ឋារចនាសម្ព័ន្ធសំខាន់ៗដូចជា វារីអគ្គិសនីសេសានក្រោមពីរ គម្រោងផ្លូវល្បឿនលឿនភ្នំពេញ-ព្រះសីហនុ […]
អានបន្ថែម
វិនិយោគិនចិនមានចំណាប់អារម្មណ៍ខ្លាំងលើវិស័យសំខាន់ៗជាច្រើននៅកម្ពុជា
កម្ពុជាបានជំរុញអ្នកវិនិយោគមកពីខេត្តហ៊ូណាន ប្រទេសចិន វិនិយោគលើវិស័យសំខាន់ៗនៅក្នុងប្រទេស ដែលរដ្ឋាភិបាលកម្ពុជាផ្តល់ការលើកទឹកចិត្ត ជាពិសេសទៅលើការអភិវឌ្ឍន៍ហេដ្ឋារចនាសម្ព័ន្ធ ធ្វើឲ្យកម្ពុជាមានភាពប្រកួតប្រជែង តាមរយៈការតភ្ជាប់ប្រសើរឡើងទាំងក្នុងប្រទេស និងតំបន់។ ថ្លែងនៅក្នុងពិព័រណ៍ស្តីពីការជំរុញការវិនិយោគ និងគ្រឿងចក្រឧស្សាហកម្ម ខេត្តហ៊ូណាន កាលពីថ្ងៃទី១៩ វិច្ឆិកា នៅរាជធានីភ្នំពេញ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន មានប្រសាសន៍ថា វិស័យហេដ្ឋារចនាសម្ព័ន្ធមានសារសំខាន់ណាស់សម្រាប់ការអភិវឌ្ឍសេដ្ឋកិច្ចកម្ពុជា តាមរយៈការជួយសម្រួលដល់ពាណិជ្ជកម្ម និងការវិនិយោគ ការបង្កើតការងារ និងការកាត់បន្ថយភាពក្រីក្រ។ ឯកឧត្តម ស៊ុន ចាន់ថុល ថ្លែងថា៖ “រាជរដ្ឋាភិបាលកម្ពុជាពិតជាត្រូវការនូវការចូលរួមពីវិស័យឯកជន និងដៃគូអភិវឌ្ឍន៍នានាដើម្បីវិនិយោគលើវិស័យសំខាន់ៗ ដែលរដ្ឋាភិបាលផ្តល់ការលើកទឹកចិត្ត”។ ឯកឧត្តម ស៊ុន ចាន់ថុល បញ្ជាក់ថា រាជរដ្ឋាភិបាលកម្ពុជា គឺជារដ្ឋាភិបាល Pro-Business ដែលបានចាត់ទុកផ្នែកឯកជន គឺជាក្បាលម៉ាស៊ីន ដើម្បីអូសទាញឲ្យមានការរីកចម្រើនសេដ្ឋកិច្ចនៅក្នុងប្រទេស។ ក្រៅពីវិស័យហេដ្ឋារចនាសម្ព័ន្ធ ឯកឧត្តម ស៊ុន ចាន់ថុល បានជំរុញឲ្យវិនិយោគិនចិន ពិនិត្យលើវិស័យអទិភាពផ្សេងទៀត រួមមានដូចជា វិស័យឧស្សាហកម្មធុនស្រាល វិស័យឧស្សាហកម្មកែច្នៃ វិស័យផលិតកម្មកសិកម្ម ឬ កសិឧស្សាហកម្ម […]
អានបន្ថែម
របាយការណ៍៖ កម្ពុជាត្រូវការការធ្វើឲ្យកាន់តែជឿនលឿនផ្នែកសំណង់និងហេដ្ឋារចនាសម្ព័ន្ធ
ស្របពេលដែលរដ្ឋាភិបាលកម្ពុជាបាននិងកំពុងផ្តោតលើការអភិវឌ្ឍន៍ហេដ្ឋារចនាសម្ព័ន្ធយ៉ាងខ្លាំងនោះ ឱកាសនៃតម្រូវការទីផ្សារ គឺត្រូវបានបង្កើតឡើងសម្រាប់ក្រុមហ៊ុនដែលប្រតិបត្តិការក្នុងវិស័យសំណង់ និងហេដ្ឋារចនាសម្ព័ន្ធ ដើម្បីធ្វើឲ្យជឿនលឿនផ្នែកបច្ចេកវិទ្យា និងការធ្វើឱ្យមានស្តង់ដារនៃវិធីសាស្រ្តទំនើបក្នុងការសាងសង់ នេះបើយោងតាមរបាយការណ៍វិភាគរបស់ OG ដែលត្រូវបានចេញផ្សាយកាលពីពេលថ្មីៗនេះ។ របាយការណ៍ដែលមានចំណងជើងថា «ទីផ្សារ ទំហំ ចំណែកទីផ្សារ ចក្ខុវិស័យ និងឱកាសកំណើនផ្នែកសំណង់ និងហេដ្ឋារចនាសម្ព័ន្ធនៅកម្ពុជា ២០២០-២០២៦» បង្ហាញពីនិន្នាការសំខាន់ៗ និងព័ត៌មានសំខាន់ចំពោះទីផ្សារសំណង់ និងហេដ្ឋារចនាសម្ព័ន្ធនៅកម្ពុជា។ បន្ថែមពីនេះ របាយការណ៍ក៏បូករួមជាមួយកត្តាគន្លឹះក្នុងការជំរុញ រឹតត្បិត និងបង្កើតឱកាសសម្រាប់ក្រុមហ៊ុនប្រតិបត្តិនៅក្នុងឧស្សាហកម្មនេះ។ របាយការណ៍បានកត់សម្គាល់ថា កំណើនពិភពលោកនៅក្នុងវិស័យសំណង់ និងហេដ្ឋារចនាសម្ព័ន្ធត្រូវបានប៉ាន់ប្រមាណថា នឹងកើនឡើងជារៀងរាល់ឆ្នាំប្រហែល ៦ភាគរយ នៅចន្លោះឆ្នាំ ២០១៩ និង ២០២៦ ស្របពេលដែលប្រទេសកម្ពុជា ក៏នឹងស្រូបយកអត្ថប្រយោជន៍ពីនិន្នាការនេះផងដែរ។ ជាការពិត រដ្ឋាភិបាលកម្ពុជាកាលពីថ្ងៃទី ៣០ ខែសីហា បានអនុម័តលើផែនការថវិកាចំនួន ១៤,៤ ពាន់លានដុល្លារអាមេរិក សម្រាប់កម្មវិធីវិនិយោគសាធារណៈ ដោយវិស័យហេដ្ឋារចនាសម្ព័ន្ធ ទទួលបានចំណែកប្រមាណជាង ៥០ ភាគរយ សម្រាប់ការអនុវត្តរយៈពេល ៣ ឆ្នាំ។(អានបន្ថែម) ជាមួយនឹងការកើនឡើងនៃការវិនិយោគបែបនេះ របាយការណ៍ខាងលើក៏ បានកត់សម្គាល់ឃើញថា ប្រទេសកម្ពុជាកំពុងបន្តនិន្នាការឆ្ពោះទៅរកទំនើបកម្មនៃវិស័យសំណង់ និងហេដ្ឋារចនាសម្ព័ន្ធតាមរយៈគម្រោងកែលម្អ […]
អានបន្ថែម
សម្តេចហ៊ុនសែនចង់ឲ្យខេត្តព្រះសីហនុក្លាយជាមជ្ឈមណ្ឌលហិរញ្ញវត្ថុដូចខ្លាសេដ្ឋកិច្ចអាស៊ី
សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា កាលពីថ្ងៃទី១៦ ខែ វិច្ឆិកា បានបង្ហើបពីមហិច្ឆតាចង់ធ្វើឲ្យខេត្តព្រះសីហនុក្លាយទៅជាមជ្ឈមណ្ឌលហិរញ្ញវត្ថុ ដូចទៅនឹងបណ្តាខ្លាសេដ្ឋកិច្ចក្នុងតំបន់អាស៊ី។ ការលើកឡើងពីមហិច្ឆតានេះ ធ្វើឡើងក្នុងអំឡុងពេលដែលសម្តេច អញ្ជើញជាអធិបតិភាពក្នុងពិធីបើកការដ្ឋានសាងសង់ផ្លូវចំនួន ៣៤ ខ្សែក្នុងក្រុងព្រះសីហនុ ដែលនឹងត្រូវសាងសង់ឡើងស្របតាមស្តង់ដាបច្ចេកទេសតែមួយក្នុងទំហំទឹកប្រាក់ជា ២៩៤លានដុល្លារអាមេរិក។ (អានបន្ថែម) សម្តេចតេជោ ហ៊ុន សែន ថ្លែងថា៖ “ពីដើមមានតំបន់ហុងកុង សិង្ហបុរី និងនៅកន្លែងមួយចំនួនដូចជា សៀងហៃ ក្លាយជាមជ្ឈមណ្ឌលហិរញ្ញវត្ថុ។ យើងក៏មានមហិច្ឆតាទៅដល់គោលដៅនោះដែរ ដែលទៅជាមជ្ឈមណ្ឌលហិរញ្ញវត្ថុ ដែលអាចជឿទុកចិត្ត មិនមែនគ្រាន់តែនៅក្នុងប្រទេសកម្ពុជាទេ តែឈានទៅដល់កម្រិតនៃស្ថានភាពហិរញ្ញវត្ថុតំបន់ និងអន្តរជាតិផងដែរ”។ យោងតាមការឲ្យនិយមន័យរបស់មូលនិធិរូបិយវត្ថុអន្តរជាតិ (IMF) “មជ្ឈមណ្ឌលហិរញ្ញវត្ថុ” មានន័យថា គឺជាទីក្រុង ឬតំបន់ដែលមានស្ថាប័នហិរញ្ញវត្ថុធំៗ និងច្រើនប្រភេទបានយកទីក្រុង ឬតំបន់ទាំងនោះ ធ្វើជាទីស្នាក់ការកណ្តាលរបស់ខ្លួន ដែលស្ថាប័នទាំងនេះ នឹងជួយសម្រួលដល់សកម្មភាពសេដ្ឋកិច្ច ដែលជាលទ្ធផលជួយបង្កើតចំណូលជូនជាតិបានកាន់តែច្រើន។ ក្នុងនោះ ដើម្បីសម្រេចបានមហិច្ឆតានេះ សម្តេចតេជោ ហ៊ុន សែន បានបញ្ជាក់ថា លុះត្រាតែកម្ពុជាធ្វើការអភិវឌ្ឍន៍ខេត្តព្រះសីហនុឲ្យបានត្រឹមត្រូវ តួយ៉ាង ដូចជាការសាងសង់ផ្លូវក្នុងខេត្តឲ្យមានគុណភាពល្អជាប់បានយូរជាដើម។ តាមការបញ្ជាក់ដដែលរបស់សម្តេច ការជ្រើសរើសខេត្តព្រះសីហនុ […]
អានបន្ថែម
លុយប្រមាណ ១ប៊ីលានដុល្លារចំណាយលើការអភិវឌ្ឍនៅខេត្តព្រះសីហនុ និង លើគម្រោងថាមពល
ថវិកាសន្សំប្រមាណ ១ពាន់លានដុល្លារ ត្រូវបានដកយកទៅវិនិយោគលើការអភិវឌ្ឍវិស័យហេដ្ឋារចនាសម្ព័ន្ធក្នុងខេត្តព្រះសីហនុ និងទិញម៉ាស៊ីនភ្លើងទំហំ៤០០មេហ្គាវ៉ាត និងចំណាយលើគម្រោងផ្សេងៗក្នុងឆ្នាំ២០១៩។ សម្តេចតេជោ ហ៊ុន សែន ថ្លែងនៅក្នុងពិធីចែកសញ្ញាបត្រជូននិស្សិតសាកលវិទ្យាល័យធនធានមនុស្ស នៅព្រឹកថ្ងៃទី១៨ វិច្ឆិកានេះថា រដ្ឋាភិបាលមានលទ្ធភាពប្រមូលចំណូលគាំទ្រឲ្យការចំណាយ ខណៈពេលដែលចំណូលដែលបានមកពីចំណូលពន្ធគយ និងពន្ធដារ រំពឹងថានឹងលើសផែនការច្បាប់ថវិកាឆ្នាំ២០១៩។ សម្តេចតេជោ ហ៊ុន សែន ថ្លែងថា៖ “យើងមានលទ្ធភាពគ្រប់គ្រាន់ដើម្បីប្រមូលចំណូល គាំទ្រដល់ការវិនិយោគភ្លាមៗ ដែលមកដល់ពេលនេះ ជានិច្ចជាកាល យើងមានសាច់ប្រាក់ក្នុងដៃ សាច់ប្រាក់ចាយបានជាង៣ពាន់លានដុល្លារ”។ សម្តេចតេជោ ហ៊ុន សែន បញ្ជាក់ថា ចំណូលពីពន្ធគយ និងពន្ធដារ នឹងលើសផែនការ ក្នុងឆ្នាំ២០១៩នេះ ក្នុងនោះចំណូលពីពន្ធគយ រំពឹងថា នឹងលើសផែនការប្រមាណពី៧០០លានដុល្លារ ទៅ៨០០លានដុល្លារ ខណៈដែលចំណូលពន្ធដារ រំពឹងថានឹងលើសផែនការ ៤០០លានដុល្លារ ទៅ៥០០លានដុល្លារ។ យោងតាមសម្តេចតេជោ ហ៊ុន សែន ក្នុងមួយខែៗ កម្ពុជាអាចសន្សំប្រាក់ ១០០លានដុល្លារ ទៅ២០០លានដុល្លារ ខណៈប្រាក់ចំណូលមួយខែ ប្រមាណ៥០០លានដុល្លារ។ រដ្ឋាភិបាលបានចំណាយ ប្រមាណជិត៣០០លានដុល្លារ សម្រាប់ការសាងសង់ផ្លូវចំនួន៣៤ខ្សែនៅក្រុងព្រះសីហនុ បន្ថែមពីលើថវិកាវិនិយោគដែលមានស្រាប់ប្រមាណ៦០០លានដុល្លារ។ ចំណែកថវិការប្រមាណជិត៤០០លានដុល្លារ […]
អានបន្ថែម
ទីបំផុតអ្នកទិញខុនដូអាចមានអារម្មណ៍ធូរស្បើយ
ដោយ Eric Wong Chon Lap នេះគឺជាឆ្នាំដែលអ្នកទិញខុនដូទុករស់នៅ អាចមានអារម្មណ៍ធូរស្បើយដោយសារតែអ្នកអភិវឌ្ឍន៍ជាច្រើនបាននិយាយថាពួកគេនឹងផ្តោតលើការបញ្ចប់ការសាងសង់សំណង់ទាំងនោះ ហើយក៏ផ្តោតទៅលើខុនដូដែលមិនទាន់លក់ដាច់ផងដែរ ដើម្បីឆ្លើយតបទៅនឹងតម្រូវការខុនដូដែលមានចំនួនតិចតួចនៅឡើយ ខណៈដែលការផ្គត់ផ្គង់កំពុងមានការកើនឡើង។ ហេតុផលដែលអ្នកទិញទុករស់នៅគួរតែរីករាយ គឺថាអ្នកអភិវឌ្ឍន៍ជាច្រើននឹងផ្តល់នូវការលើកទឹកចិត្ត សម្រាប់អ្នកទិញ រួមទាំងការបញ្ចុះតម្លៃ គួរឱ្យកត់សម្គាល់ ខណៈដែលអ្នកអភិវឌ្ឍន៍នឹងចាប់ផ្តើមយុទ្ធនាការផ្សព្វផ្សាយយ៉ាងខ្លាំងដើម្បីលក់អចលនទ្រព្យរបស់ពួកគេនៅលើទីផ្សារ។ ទីផ្សារលំនៅឋានចាប់ពីឆ្នាំនេះតទៅនឹងមានសន្ទុះដោយសារតែអ្នកទិញទុករស់នៅមានកំណើនច្រើន ហើយចំនួនអ្នកផ្គត់ផ្គង់ក៏មិនមានចំនួនហើមប៉ោងដូចឆ្នាំកន្លងមកផងដែរ។ បើពិនិត្យមើលជាទូទៅ ទីផ្សារខុនដូនឹងមានសភាពយឺតនៅឆ្នាំនេះ។ អ្នកអភិវឌ្ឍន៍ខុនដូធំៗ នឹងផ្តោតអារម្មណ៍កាន់តែខ្លាំងទៅលើខុនដូដែលសាងសង់រួច ហើយមិនទាន់លក់ដាច់ ក៏ដូចជាការផ្ទេរឈ្មោះទៅឱ្យអ្នកទិញដែលមានស្រាប់ និង លក់យូនីតដែលនៅសេសសល់ ជំនួសឱ្យការបើកដំណើរសាងសង់ថ្មី។ ម៉្យាងវិញទៀត អ្នកអភិវឌ្ឍន៍ជាច្រើនបាននិយាយថាពួកគេនឹងផ្តោតការយកចិត្តទុកទៅលើលំនៅឋានតម្លៃសមរម្យ មានផ្ទះ និង ផ្ទះល្វែងជាយក្រុងភ្នំពេញ ជាជាងការអភិវឌ្ឍន៍តែខុនដូ។ ទីផ្សារលំនៅឋាន មានផ្ទះ ផ្ទះល្វែង ឬ ខុនដូដែលមានតម្លៃសមរម្យ នឹងមានតម្រូវការច្រើន ពីសំណាក់អ្នកប្រើប្រាស់ក្នុងស្រុក មិនមែនអ្នកទិញទុកជួល ជនបរទេស ឬ អ្នកទិញទុកចំណេញទេ។ និន្នាការបែបនេះហើយទើបធ្វើឲ្យគេរំពឹងថានឹងធ្វើឲ្យមានការកើនឡើងគួរឱ្យកត់សម្គាល់នៅក្នុងការអភិវឌ្ឍន៍លំនៅឋានតម្លៃសមរម្យ ហើយវាក៏បង្កើនកម្រិតនៃការប្រកួតប្រជែងក្នុងចំណោមអ្នកវិនិយោគនៅក្នុងវិស័យនេះផងដែរ។ សម្រាប់វិនិយោគិនទិញទុកជួល ត្រូវតែប្រយ័ត្នប្រយែងបន្តិចមុននឹងសម្រេចចិត្តទិញព្រោះចំនួនជនបរទេសដែលជាប្រភពដ៏សំខាន់នៃទីផ្សារជួលនៅភ្នំពេញមិនមានការកើនឡើងលឿនដូចចំនួនវិនិយោគិនឡើយ ហើយថវិកាជួលរបស់ជនបរទេសទាំងនោះក៏នៅមានកម្រិត។ សម្រាប់អ្នកទិញ ពួកគេនឹងអាចប្រមើមើលគម្រោងដែលសាងសង់រួចនៅលើទីតាំងជាក់ស្តែងដែលគេចង់បាន ហើយពួកគេអាចប្រៀបធៀបអចលនទ្រព្យទៅនឹងតំបន់ជុំវិញនោះ ជាជាងពឹងផ្អែកលើតែខិត្តប័ណ្ណ ឬ គម្រោងអភិវឌ្ឍដែលកំពុងសាងសង់។ […]
អានបន្ថែម
ការថយចុះនៃតម្រូវការរបស់ជនជាតិចិនលើទីផ្សារអចលនទ្រព្យ នៅក្រុងព្រះសីហនុ
ចិនដើរតួនាទីដ៏សំខាន់ នៅក្នុងសេដ្ឋកិច្ច និង ទីផ្សារអចលនទ្រព្យនៅក្រុងព្រះសីហនុ ដែលចិនមានចំនួនច្រើនជាងជនបរទេសណាៗទាំងអស់ ជាមួយនឹងប័ណ្ណការងារដែលត្រូវបានផ្តល់ឲ្យពួកគេ។ នៅក្នុងឧស្សាហកម្មទេសចរណ៍ ចំនួនភ្ញៀវទេសចរចិនមានចំនួនច្រើនជាងគេបំផុត ហើយចំនួននេះត្រូវបានគេរំពឹងថានឹងនៅតែកើនឡើងថែមទៀត។ ចិនគឺជាប្រភពវិនិយោគផ្ទាល់ពីបរទេសដ៏ធំបំផុតរបស់កម្ពុជា។ គេនៅតែជឿជាក់ថាបន្ទាប់ពីមានការបិទលើប្រតិបត្តិការល្បែងស៊ីសងតាមអ៊ីនធឺណិត ចិនក៏នៅតែជាប្រភពនៃតម្រូវការ និង ការវិនិយោគសម្រាប់ទីផ្សារអចលនទ្រព្យនៅខេត្តព្រះសីហនុ ហើយជឿថានឹងបន្តកើនឡើងទៀត។ ទោះយ៉ាងណាក៏ដោយ ចំនួនជនជាតិចិនមកកាន់ប្រទេសកម្ពុជានឹងមានការប្រែប្រួល ពិសេសបន្ទាប់ពីរដ្ឋាភិបាលកម្ពុជាសម្រេចបញ្ឈប់ការចេញអាជ្ញាប័ណ្ណល្បែងស៊ីសងតាមអ៊ីនធឺណិតនិង មិនបន្តអាជ្ញាប័ណ្ណឡើយសម្រាប់អ្នកកំពុងដំណើរការបច្ចុប្បន្ន នៅពេលអាជ្ញាប័ណ្ណរបស់ពួកគេផុតកំណត់។ ហេតុដូច្នេះហើយបានជាតម្លៃអចលនទ្រព្យចាប់ផ្តើមមានកែប្រែ នៅពេលមានសេចក្តីប្រកាសពីការបិទល្បែងស៊ីសងតាមអ៊ីនធឺណិតនេះ។ មុនពេលមានការប្រកាសនេះ ក្រុមអ្នកទិញខុនដូជាជនជាតិចិនមានចំនួនខ្ពស់បំផុត ហើយត្រូវបានក្រុមអ្នកអភិវឌ្ឍន៍រាយការណ៍ថាជាង ៩០% នៃការលក់ខុនដូរបស់ពួកគេគឺលក់ទៅឲ្យជនបរទេស ដែលភាគច្រើនជាជនជាតិចិន។ មានការព្រួយបារម្ភមួយចំនួនអំពីនិរន្តរភាពនៃតម្រូវការនេះ ដោយសារអ្នកទិញទុកជួលមួយចំនួន មិនអាចទាញប្រាក់ចំណូលដែលរំពឹងទុកពីការជួល ឬ មិនអាចទាញលុយដើមមកវិញបាន។ បន្ទាប់ពីពេលមានសេចក្តីប្រកាសពីការបិទល្បែងស៊ីសងតាមអ៊ីនធឺណិត ថ្មីៗនេះ ទីផ្សារអចលនទ្រព្យទាំងមូលកំពុងឈានដល់ការកែប្រែតម្លៃ។ ទោះយ៉ាងណា ផលប៉ះពាល់នឹងមានរយៈពេលខ្លីប៉ុណ្ណោះ ព្រោះសេដ្ឋកិច្ចខេត្តព្រះសីហនុនឹងអាចងើបឡើងវិញ ដោយសារតែសក្តានុពលចម្រុះរបស់វា រួមទាំងការអភិវឌ្ឍឧស្សាហកម្ម និង ទេសចរណ៍ ខណៈដែលទីក្រុងផ្សេងទៀតដូចជាទីក្រុងកែប និង សៀមរាប ភាគច្រើនពឹងផ្អែកទៅលើតែសក្តានុពលទេសចរណ៍របស់ពួកគេប៉ុណ្ណោះ ហើយគេរំពឹងថាទីក្រុងព្រះសីហនុ នឹងអាចវ៉ាខេត្តសៀមរាប ក្លាយទៅជាទីក្រុងធំបំផុតទី២ នៅប្រទេសកម្ពុជា។ ម៉្យាងវិញទៀត ក្រុងព្រះសីហនុនៅមានសក្តានុពលផ្សេងទៀត ដែលនេះនឹងអនុញ្ញាតឲ្យអ្នកអភិវឌ្ឍន៍ក្នុងស្រុក […]
អានបន្ថែម
រោងចក្រមីកញ្ចប់លំដាប់អន្តរជាតិបើកសម្ភោធជាផ្លូវការ
រោងចក្រផលិតមីកញ្ចប់ បំពាក់ដោយបច្ចេកវិទ្យាមកពីប្រទេសជប៉ុនបានបើកសម្ភោធដំណើរការជាផ្លូវការ នៅរាជធានីភ្នំពេញ កាលពីថ្ងៃសៅរ៍ កន្លងទៅជាមួយនឹងក្តីរំពឹងទទួលបានការគាំទ្រពីសំណាក់ប្រជាពលរដ្ឋខ្មែរ ខណៈផលិតផលមីនេះគឺផលិតដោយស្នាដៃខ្មែរ។ វិនិយោគដោយក្រុមហ៊ុន One More Manufacturing Co Ltd រោងចក្រផលិតមី មានទីតាំងនៅលើមហាវិថីឈ្នះៗ ផ្លូវកប់ស្រូវ ក្នុងភូមិត្រពាំងពោធិ៍ សង្កាត់គោករការ ខណ្ឌពោធិ៍សែនជ័យ។ ដោយមានម៉ាកសញ្ញា «មីជាតិ» ផលិតផលមីកញ្ចប់ពីរោងចក្រ មានបីជម្រើស គឺរសជាតិខគោ សាច់ជ្រូកចិញ្រ្ចាំ និងស៊ុបមាន់។ ថ្លែងនៅក្នុងពិធីសម្ភោធកាលពីថ្ងៃសៅរ៍ លោកស្រី ជឹង សុគន្ធាវី នាយិការោងចក្រមីជាតិ បានមានប្រសាសន៍ថា ផលិតផលមីជាតិ ត្រូវបានផលិតជាផលិតផលខ្មែរដំបូងគេនៅលើទីផ្សារកម្ពុជាដែលបង្កើត ដើម្បីបំពេញតម្រូវការរបស់អតិថិជន ដែលជាប្រជាពលរដ្ឋខ្មែរមីជាតិត្រូវបានបង្កើតឡើងតាមរយៈការស្រាវជ្រាវយ៉ាងយកចិត្តទុកដាក់ផ្ចិត ផ្ចង់ សម្រិតសម្រាំងបំផុត និងផលិតដោយប្រើប្រាស់ម៉ាស៊ីននាំចូលពីប្រទេសជប៉ុន និងបច្ចេកវិទ្យាទំនើបរបស់ប្រទេសជប៉ុន។ លោកស្រីបន្តថា “នេះជាពេលដ៏សមស្របបំផុត ដែលកម្ពុជា គួរមានរោងចក្រផលិតចំណីអាហារក្នុងស្រុក ដើម្បីផ្គត់ផ្គង់តម្រូវការរបស់ប្រជាជនប្រមាណជាង ១៦លាននាក់ និងកាត់បន្ថយការពឹងផ្អែកលើសង្វាក់ ផលិតកម្ម របស់បរទេស ឬប្រទេសជិតខាង”។ លោកស្រីជឹង […]
អានបន្ថែម
នាយករដ្ឋមន្ត្រីប្រទេសចិនប្តេជ្ញាគាំទ្រការអភិវឌ្ឍន៍នៅខេត្តព្រះសីហនុ
នាយករដ្ឋមន្ត្រីនៃសាធារណរដ្ឋប្រជាមានិតចិន ឯកឧត្តម Li Keqiang បានប្តេជ្ញាគាំទ្រដល់ការអភិវឌ្ឍន៍នៅខេត្តព្រះសីហនុ ខណៈខេត្តមួយនេះ បាននិងកំពុងស្រូបយកវិនិយោគិនចិនយ៉ាងច្រើនសន្ធឹកសន្ធាប់។ ការប្តេជ្ញានេះ គឺធ្វើឡើងក្នុងជំនួបពិភាក្សាការងាររវាងសម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងឯកឧត្តម Li Keqiang នៅទីក្រុងបាងកក ប្រទេសថៃ ក្នុងឱកាសនៃកិច្ចប្រជុំកំពូលអាស៊ានលើកទី៣៥។ យោងតាមការបញ្ជាក់នៅលើទំព័រហ្វ៊េកប៊ុករបស់ សម្ដេចតេជោ ហ៊ុន សែន ភាគីទាំងពីរបានជជែកពិភាក្សាទៅលើបញ្ហាចំនួន៣ចំណុច ដែលទី១ ឯកឧត្តម Li Keqiang បានមានប្រសាសន៍ថា ប្រទេសទាំងពីរនឹងធ្វើការពិភាក្សាគ្នា ជាពិសេស លើជំនួយឥតសំណងដើម្បីជួយដល់ការអភិវឌ្ឍន៍នៃខេត្តព្រះសីហនុ តបតាមការស្នើសុំរបស់កម្ពុជា។ ចំពោះបញ្ហាទី២ វិញ ឯកឧត្តមនាយករដ្ឋមន្ត្រីចិន បានឯកភាពគាំទ្រក្នុងការរៀបចំកិច្ចប្រជុំទី៥គណៈកម្មាធិការនៃអន្តររដ្ឋាភិបាលកម្ពុជា-ចិន ដើម្បីពិភាក្សាទាក់ទងនឹងរឿងថវិកានៃប្រទេសទាំងពីរ។ ក្រៅពីនេះ ភាគីទាំងពីរក៏បានពិភាក្សាលើបញ្ហាកិច្ចប្រជុំអនុតំបន់ផងដែរ។ គួរបញ្ជាក់ថា ខេត្តព្រះសីហនុបានទាក់ទាញការវិនិយោគយ៉ាងខ្លាំងក្នុងរយៈពេលប៉ុន្មានឆ្នាំចុងក្រោយនេះ។ ក្នុងនោះ គិតត្រឹមដើមឆ្នាំ ២០១៩នេះ សំណង់ដែលបានសុំច្បាប់សាងសង់ក្នុងខេត្តព្រះសីហនុមានចំនួនរហូតដល់ទៅ ៨១៩ សំណង់។ (អានបន្ថែម) ក្រៅពីនេះ ផ្លូវចំនួន ៣៤ខ្សែក្នុងខេត្តព្រះសីហនុនឹងត្រូវចាប់ផ្តើមសាងសង់ក្នុងពេលឆាប់ៗខាងមុខនេះ ដែលនេះ គឺនឹងជួយដល់ការអភិវឌ្ឍន៍ដទៃទៀតផងដែរ។ (អានបន្ថែម)
អានបន្ថែម