ថាមពល និងបរិស្ថាន
អ៊ឺរ៉ង់ បង្ហាញចំណាប់អារម្មណ៍ចង់វិនិយោគលើវិស័យប្រេង និងឧស្ម័នកម្ពុជា
វិនិយោគិនប្រទេសអ៊ឺរ៉ង់ ចាប់អារម្មណ៍ចង់វិនិយោគក្នុងវិស័យប្រេងកាត និងឧស្ម័នកម្ពុជា ខណៈកម្ពុជា មានប្លុកប្រេងជាច្រើនដែលមានសក្ដានុពេល ទាំងក្នុងសមុទ្រ និងលើដីគោក។ នៅក្នុងជំនួបជាមួយឯកឧត្តម ស៊ុយ សែម រដ្ឋមន្រ្តីក្រសួងរ៉ែ និងថាមពល ឯកឧត្តម Ali Akbar Nazari ឯកអគ្គរដ្ឋទូតនៃសាធារណរដ្ឋអ៊ីស្លាមអ៊ីរ៉ង់ លើកឡើងថា អ៊ីរ៉ង់ត្រៀមខ្លួនរួចជាស្រេច នៅក្នុងកិច្ចសហប្រតិបត្តិការលើវិស័យស្វែងរុករក និងផ្គត់ផ្គងធនធានប្រេង និងឧស្ម័ននៅកម្ពុជា។ ជាការឆ្លើយតប ឯកឧត្តម ស៊ុយ សែម រដ្ឋមន្រ្តីក្រសួងរ៉ែ និងថាមពល បានថ្លែងនូវការសាទរចំពោះគោលបំណងវិនិយោគ ដោយបញ្ជាក់ថា កម្ពុជាមានប្លុកប្រេងជាច្រើនទាំងក្នុងសមុទ្រ និងលើដីគោក។ ភាគីទាំង ២ ក៏បានពិភាក្សាផែនការការវិនិយោគរួមលើប្លុកប្រេងកាតរបស់កម្ពុជាដែលមានស្រាប់ ការសិក្សាស្វែងរុករកប្រេង និងឧស្ម័នបន្ថែម និង គម្រោងសិក្សាសមិទ្ធិលទ្ធភាពរៀបចំរោងចក្រចម្រាញ់ប្រេងកាតនៅកម្ពុជា។ លើសពីនេះ ភាគីទាំងពីរក៏ត្រៀមបន្តអនុស្សារណៈលើកិច្ចសហប្រតិបត្តិការបន្តលើវិស័យប្រេងកាតចាស់ដែលបានផុតសុពលភាព។
អានបន្ថែម
រដ្ឋាភិបាលអូស្ដ្រាលីទំលាក់លុយ ៣០០ លានដុល្លារ សម្រាប់ផ្ដល់ឱ្យការអភិវឌ្ឍសំណង់បៃតង
ប្រទេសអូស្ត្រាលី សម្រេចត្រៀមលុយ ៣០០ លានដុល្លារ អូស្ដ្រាលី សម្រាប់ផ្ដល់ជាហិរញ្ញប្បទានអ្នកអភិវឌ្ឍដែលសាងសង់គម្រោងសំណង់បៃតង ក្នុងគោលបំណងកាត់បន្ថយការបំភាយឧស្ម័នផ្ទះកញ្ចក់។ យោងតាមសារព័ត៌មាន GCR គម្រោងនេះធ្វើឡើង ដើម្បីលើកទឹកចិត្តដល់ការប្រើប្រាស់ឈើ ក្នុងសំណង់ធំៗ ជំនួសឱ្យដែក និងបេតុង ។ ប្រភពនៃមូលនិធិ គឺចេញពីសាជីវកម្មវិនិយោគហិរញ្ញវត្ថុស្អាត (CEFC) ដោយភាគីពាក់ព័ន្ធទាំងអស់គ្រប់វិស័យដូចជា ពាណិជ្ជកម្ម លក់រាយ ឧស្សាហកម្ម និងលំនៅដ្ឋាន ជាដើម ត្រូវបានជំរុញស្នើសុំហិរញ្ញប្បទាននេះ។ CEFC បានគណនាថា ការប្រើប្រាស់ឈើ អាចកាត់បន្ថយកាបូន ដល់ទៅ ៧៥% បើប្រៀបធៀបទៅនឹងការប្រើប្រាស់ដែក និងបេតុងធម្មតា។
អានបន្ថែម
ល្បាយថាមពលឆ្នាំ២០២១៖ ធ្យូងថ្ម ៤១% វារីអគ្គិសនី៤៤% ប្រេងកាត ៧,៦% និងសូឡា៦,៤%
ការផ្គត់ផ្គង់ថាមពលសរុបក្នុងឆ្នាំ២០២១ មានដល់ ១១ ៨១៦ GWh ដែលកើនឡើង ៤,៥% បើធៀបនឹង ឆ្នាំ២០២០។ នេះបើយោងតាមរបាយការណ៍របស់ក្រសួងរ៉ែ និងថាមពលចេញផ្សាយកាលពីពេលថ្មីៗនេះ។ ក្នុងចំណោមការប្រើប្រាស់ទាំងអស់ ប្រជាពលរដ្ឋទូទៅរួមចំណែក ៣៥,៨% វិស័យអាជីវកម្ម សេវាកម្មនិងឧស្សាហកម្មខ្នាតតូច ២៨,០៣% ខណៈ ឧស្សាហកម្ម និងពាណិជ្ជកម្មខ្នាតមធ្យម រួមចំណែក ៣% និង៣២,៨៩% រៀងៗគ្នា។ ដោយឡែក ទាក់ទិននឹងល្បាយប្រភពថាមពេលវិញ កម្ពុជាប្រើថាមពលចេញពីរោងចក្រដុតធ្យូងថ្ម ៤១% វារីអគ្គិសនី ៤៤% និងរោងចក្រដុតប្រេងកាត ៧,៦% ។ ដោយឡែក ថាមពលសូឡាមានដល់ ៦,៤% ដែលកើនឡើងជិត២ ដងធៀបនឹងឆ្នាំ២០២០។ គួរបញ្ជាក់ថា ថ្មីៗនេះ រដ្ឋាភិបាលកម្ពុជាបានប្ដេជ្ញាថានឹងកាត់បន្ថយការបញ្ចេញឧស្ម័នផ្ទះកញ្ចក់ ៤២% ត្រឹមឆ្នំា២០៣០។ កម្ពុជាក៏នឹងមិនអនុម័ត ឬសាងសង់រោងចក្រថាមពលធ្យូងថ្ម ក៏ដូចជាទំនប់វារីអគ្គិសនីនៅតាមដងទន្លេមេគង្គ ទៀតទេ ដោយនឹងងាកមករកថាមពលកកើតឡើងវិញដូចជាសូឡាជាដើម។ ត្រឹមឆ្នាំ ២០២៣ គម្រោងថាមពលសូឡាចំនួន ៧គម្រោងបន្ថែមទៀត អនុភាពសរុប ៤៩៥មេហ្គាវ៉ាត នឹងត្រូវដាក់ដំណើរការ […]
អានបន្ថែម
ក្រសួងជំរុញឱ្យក្រុមហ៊ុនដឹកជញ្ជូនម្ហូបដូចជា Food Panda និង NHAM24 ប្រើប្រាស់ម៉ូតូអគ្គិសនី
ក្រសួងសាធារណការ និងដឹកជញ្ជូន បានជំរុញឱ្យក្រុមហ៊ុនដឹកជញ្ជូនម្ហូបអាហារដូចជា Food Panda និង NHAM24 ងាកមកប្រើប្រាស់ម៉ូតូដើរដោយថាមពលអគ្គិសនី ជំនួសម៉ូតូប្រើសាំង ក្នុងការបម្រើសេវារបស់ខ្លួន ដើម្បីឆ្លើយតបទៅនឹងផែនការដឹកជញ្ជូនប្រកបដោយចីរភាពរបស់រដ្ឋាភិបាល។ ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានឱ្យដឹងដូច្នេះ ក្នុងជំនួបជាមួយ នាយិកា UNDP ប្រចាំនៅកម្ពុជាលោកស្រី Alissar Chaker កាលពីថ្ងៃទី២ ខែកុម្ភៈ។ កិច្ចប្រជុំនេះ មានទិសដៅ បន្ដពង្រឹងកិច្ចសហប្រតិបត្តិការរវាងកម្ពុជា និងUNDP ក្នុងការជួយគ្នាពង្រីកដ្ឋារចនាសម្ព័ន្ធ និងការប្រើប្រាស់យានយន្តអគ្គិសនីនៅកម្ពុជា។ ឯកឧត្តម ស៊ុន ចាន់ថុល បានឱ្យដឹងថា UNDP កន្លងមកតែងតែជួយគាំទ្រលើគោលនយោបាយដឹកជញ្ជូនប្រកបដោយចីរភាព ដើម្បីកាត់បន្ថយផលប៉ះពាល់បរិស្ថាន ជាក់ស្ដែង ដូចជាគម្រោងដំឡើងស្ថានីយសាកថ្មរថយន្ត EVs នៅ ៥ ខេត្តក្រុងជាដើម។ លើសពីនេះ ដើម្បីជួយគាំទ្រដល់គោលនយោបាយនេះ ភាគីទាំង២ ក៏នឹងពិភាក្សាជាមួយក្រុមហ៊ុនដឹកជញ្ជូនម្ហូបអាហារដូចជា Food Panda និង NHAM24 ដើម្បីពិនិត្យលទ្ធភាពលើការប្រើប្រាស់ម៉ូតូដើរដោយថាមពលអគ្គិសនី ផងដែរ។
អានបន្ថែម
ក្រសួងរ៉ែជំរុញឱ្យជប៉ុនវិនិយោគលើហេដ្ឋារចនាសម្ព័ន្ធថាមពលកាបូនទាប នៅកម្ពុជា
ក្រសួងរ៉ែ និងថាមពល ជំរុញឱ្យវិនិយោគិនជប៉ុនពិចារណាលើគម្រោងវិនិយោគថាមពលស្អាត ឬថាមពលបច្ចេកកាបូនទាប ក៏ដូចជាគម្រោងកសាងហេដ្ឋារចនាសម្ព័ន្ធថាមពលនៅកម្ពុជា ឱ្យច្រើនបន្ថែមទៀត។ នេះជាការលើកឡើង របស់ ឯកឧត្តម ស៊ុយ សែម រដ្ឋមន្រ្តីក្រសួងរ៉ែនិងថាមពល ក្នុងជំនួបជាមួយនឹង ឯកឧត្តម មិ Mikami Masahiro ឯកអគ្គរាជទូតជប៉ុនប្រចាំនៅកម្ពុជា កាលពីថ្ងៃទី ២៧ មករា កន្លងមកនេះ ។ ក្នុងជំនួប ឯកឧត្តម បានបញ្ជាក់ពីជំហរនៃការបង្កើនការប្រើប្រាស់ប្រភពថាមពលកកើតឡើងវិញរបស់កម្ពុជា និងការមិនរៀបចំគម្រោងអភិវឌ្ឍរោងចក្រអគ្គិសនីប្រើធ្យូងថ្មថ្មីបន្ថែមទៀតទេ។ ជាមួយនឹងនិន្នាការបៃតងដូច្នេះ ឯកឧត្តមរដ្ឋមន្ត្រី បានស្នើសុំឱ្យឯកឧត្តមឯកអគ្គរាជទូត ជួយផ្សព្វផ្សាយ និងគៀងគរក្រុមហ៊ុនវិនិយោគជប៉ុនមកកម្ពុជាបន្ថែមទៀត ពិសេលើការអភិវឌ្ឍន៍រោងចក្រអគិ្គសនី និងគម្រោងខ្សែបណ្តាញបញ្ជូនអគិ្គសនី។ ជាការឆ្លើយតប ឯកឧត្តមឯកអគ្គរាជទូត មានប្រសាសន៍ថា ស្ថានទូតជប៉ុន មានបំណងស្វែងយល់អំពីគម្រោងអន្តរកាលថាមពល អព្យាក្រឹត្យកាបូនកម្ពុជា ការបង្កើនការប្រើប្រាស់ប្រភពថាមពលកកើតឡើងវិញ និងប្រភពថាមពលផ្សេងៗទៀត ដែលមិនគ្រោះថ្នាក់ដល់បរិស្ថាន។
អានបន្ថែម
ក្រុមហ៊ុនចិនបង្ហាញផែនការចង់បង្កើតរថយន្តតាក់ស៊ីអគ្គិសនី និងស្ថានីយសាកថ្ម នៅកម្ពុជា
ក្រសួងសាធារណការ និងដឹកជញ្ជូន បានជំរុញក្រុមហ៊ុនចិនពិចារណាសិក្សាលើគម្រោងវិនិយោគបង្កើតរថយន្តតាក់ស៊ីដើរដោយថាមពលអគ្គិសនី និងហេដ្ឋារចនាសម្ព័ន្ធស្ថានីយសាកថ្ម នៅក្នុងរាជធានីភ្នំពេញ។ នេះជាការលើកឡើងរបស់ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន ក្នុងកិច្ចប្រជុំជាមួយនឹង គណៈប្រតិភូសភាពាណិជ្ជកម្មចិនប្រចាំកម្ពុជា ដែលដឹកនាំដោយលោក Zhang Hailong អមដោយតំណាងក្រុមហ៊ុន CACS និងក្រុមហ៊ុន GCC កាលពីថ្ងៃទី២៥ ខែមករា។ ក្រៅពីពិភាក្សាលើផែនការអភិវឌ្ឍហេដ្ឋារចនាសម្ព័ន្ធតាក់ស៊ីអគ្គិសនី ក្រសួងក៏ស្នើឱ្យក្រុមហ៊ុនជួយ អប់រំបណ្តុះបណ្តាលបច្ចេកទេសសម្រាប់វិស័យនេះបន្ថែមនៅកម្ពុជា។ លើសនេះ កិច្ចប្រជុំក៏បានស្នើឱ្យក្រុមហ៊ុនពិចារណាលើការវិនិយោគកន្លែងបោះចោលអាគុយចាស់ៗចេញពីរថយន្តដើរថាមពលអគ្គិសនីផងដែរ ដើម្បីចៀសវាងការធ្វើឱ្យប៉ះពាល់ធ្ងន់ធ្ងរដល់បរិស្ថាន។
អានបន្ថែម
ការដ្ឋានរោងចក្រប្រព្រឹត្តកម្មទឹកស្អាតតម្លៃ ១៩០លានដុល្លារ នៅបាក់ខែង សម្រេចបាន ៥០%
គិតមកដល់បច្ចុប្បន្ននេះ ដំណើរការសាងសង់រោងចក្រប្រព្រឹត្តកម្មទឹកស្អាតបាក់ខែងជំហានទី១ សម្រេចលទ្ធផលបានប្រមាណ ៥០% ហើយ។ នេះបើយោងតាមការជូនដំណឹងរបស់រដ្ឋាករទឹកស្វយ័តក្រុងភ្នំពេញ កាលពីសប្ដាហ៍មុន។ រដ្ឋាករទឹកស្វយ័តក្រុងភ្នំពេញលើកឡើងថា គម្រោងសាងសង់ជំហានទី១ គ្រោងនឹងបញ្ចប់ហើយដាក់ឱ្យដំណើរការនៅក្នុងឆ្នាំ២០២៣ ដើម្បីបំពេញសេចក្តីត្រូវការប្រើប្រាស់របស់ប្រជាពលរដ្ឋក្នុងរាជធានីភ្នំពេញ និងក្រុងតាខ្មៅ។ បច្ចុប្បន្នកំណើនប្រជាពលរដ្ឋ ការវិនិយោគវិស័យសំណង់ ដូចជា ខុនដូ បុរី ឃ្លាំង ផ្សារទំនើប វិស័យពាណិជ្ជកម្ម និងវិស័យផ្សេងៗ ក្នុងរាជធានីភ្នំពេញ និងក្រុងតាខ្មៅ មានការលូតលាស់កើនឡើងឥតឈប់ឈរ ដែលជាហេតុនាំឱ្យតម្រូវការប្រើប្រាស់ទឹកស្អាតកើនលើសពីសមត្ថភាពផលិត។ បើតាមរដ្ឋាករទឹកស្វយ័តក្រុងភ្នំពេញ និងតាខ្មៅ មានតម្រូវការប្រមាណជាង ៧០០ពាន់ម៉ែត្រគូបក្នុងមួយថ្ងៃ ឯសមត្ថភាពផលិតមានត្រឹម ៦០០ពាន់ម៉ែត្រគូបក្នុងមួយថ្ងៃ ប៉ុណ្ណោះ។ គួរបញ្ជាក់ថា គម្រោងសាងសង់រោងចក្រប្រព្រឹត្តកម្មទឹកស្អាតបាក់ខែង ប្រើទុនវិនិយោគសរុប ១៩០លានដុល្លារ ដែលជាសហហិរញ្ញប្បទានរបស់ភ្នាក់ងារអភិវឌ្ឍន៍បារាំង ធនាគារ European Investment Bank និងរដ្ឋាករទឹកស្វយ័តក្រុងភ្នំពេញ។ រោងចក្រនេះ ជាការសាងសង់ដ៏ធំមួយដែលមិនធ្លាប់មានពីមុនមកនៅកម្ពុជា និងមាន ២ជំហាន។ ជំហានទី ១ គ្រោងនឹងបញ្ចប់នៅដើម ២០២៣ ដោយនឹងអាចផលិតទឹកបានជិត ២០ម៉ឺនម៉ែត្រគូបក្នុងមួយថ្ងៃ ខណៈជំហានទី២ នឹងពង្រីកសមត្ថភាពដល់ទៅជិត ៤០ម៉ឺនម៉ែត្រគូបក្នុងមួយថ្ងៃ […]
អានបន្ថែម
ក្រុមប្រឹក្សាអភិវឌ្ឍន៍កម្ពុជា អនុម័តគម្រោងវារីអគ្គិសនីអនុភាព ១៥០មេហ្គាវ៉ាត នៅខេត្តកោះកុង
ក្រុមប្រឹក្សាអភិវឌ្ឍន៍កម្ពុជា បានអនុម័តជាផ្លូវការ លើគម្រោងវារីអគ្គិសនីអនុភាព ១៥០មេហ្គាវ៉ាត នៅខេត្តកោះកុង។ នេះបើយោងតាមសេចក្តីប្រកាសព័ត៌មានចេញផ្សាយកាលពីថ្ងៃទី១៧ ខែមករា។ វារីអគ្គិសនីស្ទឹងតាតៃលើនេះ មានទីតាំងវិនិយោគស្ថិតនៅស្រុកថ្មបាំង និងស្រុកកោះកុង ខេត្តកោះកុង ដែលវិនិយោគដោយក្រុមហ៊ុន CAMBODIAN UPPER TATAY HYDROPOWER CO., LTD ក្នុងទឹកប្រាក់ ៣៨៩ លានដុល្លារអាមេរិក។ ជាក់ស្ដែង គម្រោងនេះ ទទួលបានគាំទ្រពីគណៈរដ្ឋមន្រ្តី កាលពីខែតុលាឆ្នាំ២០២០ កន្លងទៅ ហើយការវិនិយោគមានរយៈពេល ៣៩ឆ្នាំ ដោយមានរយៈពេល ៤ឆ្នាំ សម្រាប់ការសាងសង់។ (អានបន្ថែម) វារីអគ្គិសនីនេះ អាចផលិតអគ្គសនី សរុប ៥២៧ លានគីឡូវ៉ាត់ម៉ោងក្នុង ១ឆ្នាំ ខណៈតម្លៃអគ្គិសនីរបស់វារីអគ្គិសនីលក់ទៅ EDC មានថ្លៃ ៧,៩២ សេន/គីឡូវ៉ាត់ម៉ោង។ នៅលើដងស្ទឹងតាតៃ បច្ចុប្បន្នក្រុមហ៊ុន China Heavy Machinery Corporation ក៏កំពុងដំណើរការវារីអគ្គិសនីមួយផងដែរអនុភាព ២៤៦មេហ្គាវ៉ាត ដែលបើកដំណើរការតាំងពីឆ្នាំ ២០១៥។
អានបន្ថែម
ស្រុកក្រគរមានសក្ដានុពល! នឹងក្លាយជាបណ្ដុំរោងចក្រថាមពលស្អាត និងតំបន់សេដ្ឋកិច្ចខ្នាតធំ
ក្រុមហ៊ុនឯកជនគ្រោងនឹងវិនិយោគសាងសង់រោងចក្រថាមពលអគ្គិសនីដើរដោយពន្លឺព្រះអាទិត្យអានុភាព ១៥០MW បន្ថែមទៀត ទៅលើរោងចក្រមានស្រាប់៩០MW នៅឃុំស្នាអន្សា ស្រុកក្រគរ ខេត្តពោធិ៍សាត់។ គម្រោងពង្រីកអានុភាព នេះនឹងធ្វើឱ្យស្រុកក្រគរមានថាមពលសូឡាស្អាតគ្មានផ្សែងពុល ដល់ទៅ ២៤០MW ទៅថ្ងៃអនាគត ដែលធំជាងគេនៅប្រទេសកម្ពុជា។ នេះបើតាមការបញ្ជាក់ឱ្យដឹងឯកឧត្តម កែវ រតនៈ អគ្គនាយកអគ្គិសនីកម្ពុជា ក្នុងឱកាសជួបសំណេះសំណាលជាមួយពលរដ្ឋក្នុងឃុំស្នាអន្សា ស្រុកក្រគរ កាលថ្ងៃទី១៦ ខែមករា ឆ្នាំ២០២២។ ឯកឧត្តម ថា ក្រុមហ៊ុន SchneiTec Co.,Ltd បានអភិវឌ្ឍស្ថានីយថាមពលអគ្គិសនីដើរដោយពន្លឺព្រះអាទិត្យ និងបានបញ្ចេញថាមពលចូលបណ្តាញជាតិរួចមកហើយ ៩០មេកាវ៉ាត់ ហើយក្រុមហ៊ុនកំពុងត្រៀមសាងសង់ និងពង្រីកបន្ថែម។ ទីតាំងបណ្ដុំរោងចក្រថាមពលសូឡានេះ ក៏ស្ថិតក្នុងតំបន់សេដ្ឋកិច្ចពិសេសក្រគរ ដែលមានគម្រោងជាច្រើនដូចជា រោងក្រកាត់ដេរ រោងចក្រតម្លើងត្រង់ស្វូរ រោងចក្រផ្គុំ និងតម្លើងរថយន្ត Ford និង ពហុកីឡដ្ឋានសម្តេចតេជោ ហ៊ុន សែន (SAMDACH HUN SEN SPORT CENTER) ជាដើម៕ គួរបញ្ជាក់ថា ទីតាំងរោងចក្រដែលមានស្រាប់បច្ចុប្បន្ននេះ ត្រូវបានសាងសង់នៅលើផ្ទៃដីចំនួន១៣៥ហិកតា ក្រោមទុនវិយោគក្នុងតម្លៃប្រមាណ ២៨លានដុល្លារអាមេរិក។ […]
អានបន្ថែម
UNDP និង ក្រសួងសាធារណការគ្រោងសាងសង់ស្ថានីយសាករថយន្តអគ្គិសនី នៅខេត្តក្រុង ៥
ក្រសួងសាធារណការ និងដឹកជញ្ជូន និង UNDP កំពុងសិក្សាលទ្ធភាពបង្កើតទីតាំងស្ថានីយសាករថយន្តអគ្គិសនី នៅខេត្តក្រុងចំនួន៥ ទូទាំងប្រទេស ក្នុងនោះខេត្តបាត់ដំបង និងសៀមរាប ក៏ជាខេត្តទិសដៅផងដែរ។ នេះបើយោតាមកិច្ចចុះពិនិត្យទីតាំងផ្ទាល់ក្នុងខេត្តទាំង ២ របស់ ឯកឧត្តម ឈួន វ៉ន់ អគ្គនាយកនៃអគ្គនាយកដ្ឋានដឹកជញ្ជូនផ្លូវគោក កាលថ្ងៃទី១៥ -១៧ ខែធ្នូ កន្លងទៅ។ ទីតាំងក្នុងខេត្តទាំង ២ នេះ គឺផ្នែកមួយនៃជំនួយរបស់ UNDP ដែលគ្រោងនឹងជួយសាងសង់ស្ថានីយសម្រាប់សាកយានយន្តដើរដោយថាមពលអគ្គិសនីចំនួន៥ ទីតាំង នៅតាមបណ្ដារាជធានី-ខេត្ត។ ការបង្កើតឱ្យមានស្ថានីយទាំង ៥ នេះ ចាត់ទុកថាជាការលើកទឹកចិត្តដល់ប្រជាពលរដ្ឋដែលប្រើប្រាស់យានយន្តដើរដោយថាមពលអគ្គិសនី ក៏ដូចជាដើម្បីទាក់ទាញនូវចំណាប់អារម្មណ៍បងប្អូនប្រជាពលរដ្ឋខ្មែរឱ្យងាកមកចាប់អារម្មណ៍លើការប្រើយានយន្តដើរដោយថាមពលអគ្គិសនីផងដែរ។ ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន ធ្លាប់ឱ្យដឹងថា ការជំរុញឱ្យមានការប្រើប្រាស់រថយន្តដើរដោយថាមពលអគ្គីសនី (Electric Vehicles) ជាគោលនយោបាយអាទិភាពមួយរបស់រដ្ឋាភិបាល ទិសដៅកាត់បន្ថយការបញ្ចេញឧស្ម័នកាបូនទៅក្នុងបរិយាកាស។ ជាក់ស្ដែង ក្រសួងកំពុងរៀបចំគោលនយោបាយ និងការគាំទ្រសម្រាប់រថយន្តដើរដោយថាមពលអគ្គិសនី(EVs) ក្នុងនោះរួមមាន ស្ថានីយសាករថយន្តអគ្គិសនីគឺជាកន្លែងផ្តល់សេវា គ្រឿងបន្លាស់ បុគ្គលិកទទួលការបណ្តុះបណ្តាល និងកន្លែងបោះចោលអាគុយ និងធានាថា EVs […]
អានបន្ថែម