ច្បាប់ និងបញ្ញាត្តិ
រដ្ឋាភិបាលនៅតែបន្តមិនយកពន្ធលើដីស្រែចំការ ដរាបណាដែលសម្ដេចនៅកាន់អំណាច
រដ្ឋាភិបាលប្រកាសបន្ដមិនយកពន្ធលើដីស្រែចំការដរាបណា ដែលសម្ដេចនាយករដ្ឋមន្រ្តី ហ៊ុន សែន នៅកាន់អំណាច ខណៈពន្ធលើដីស្រែចំការត្រូវបានលើកលែងអស់រយៈពេលជាង ៤១ឆ្នាំ មកហើយ។ សម្ដេចតេជោ ហ៊ុន សែន ថ្លែងដូច្នេះ នៅក្នុងឱកាសបើកសម្ពោធដាក់ឱ្យប្រើប្រាស់ជាផ្លូវការ ផ្លូវជាតិលេខ៥៨ តភ្ជាប់ពីខេត្តបន្ទាយមានជ័យ ទៅខេត្តឧត្តរមានជ័យ កាលពីព្រឹកថ្ងៃទី ២៦ ខែកុម្ភៈនេះ។ (អានបន្ថែម) សម្ដេចបានមានប្រសាសន៍ថា៖ «…រដ្ឋបង្កលក្ខណៈគ្រប់បែបយ៉ាងរាប់បញ្ជូលទាំងការមិនបញ្ជូលពន្ធលើដីស្រែ ដីចំការរបស់ប្រជាពលរដ្ឋយើង។ នោះក៏ជាចំណែកនៃការអនុវត្តគោលនយោបាយដីធ្លីចំពោះកសិករ ដែលខ្ញុំព្រះករុណាខ្ញុំនៅតែប្រកាសថា រយៈពេល៤១ឆ្នាំកន្លងផុតទៅ យើងមិនដែលយកពន្ធដីកសិកម្មពីកសិករទេ បើគណបក្សប្រជាជនកាន់អំណាច១០០ឆ្នាំទៀត ក៏យើងនៅតែមិនយកលើដីធ្លីកសិកម្មបន្តទៅទៀត។» យោងទៅតាមប្រកាសស្ដីពី ការប្រមូលពន្ធលើអចលនទ្រព្យនៃក្រសួងសេដ្ឋកិច្ច និងហិរញ្ញវត្ថុ ប្រការ១ អចលនទ្រព្យដែលស្ថិតនៅក្នុងភូមិសាស្ត្ររដ្ឋបាលរាជធានី និងខេត្ត នៃព្រះរាជាណាចក្រកម្ពុជា ត្រូវជាប់ពន្ធលើអចលនទ្រព្យដែលមានតម្លៃលើពី ១០០, ០០០, ០០០ រៀល ឬ ២៥, ០០០ដុល្លារអាមេរិក។ តាមប្រភពដដែល អចលនទ្រព្យដែលត្រូវបានលើកលែងពន្ធ គឹមានច្រើនប្រភេទ ដោយ អចលនទ្រព្យដែលជាដីធ្លីកសិកម្ម ក៏ជាផ្នែកមួយផងដែរ។ បើតាមគេទំព័ររបស់ក្រសួងព័ត៌មាន សម្តេចតេជោ ហ៊ុន សែន កត់សម្គាល់ថា […]
អានបន្ថែម
ក្រសួងរៀបចំដែនដី បើកវគ្គផ្សព្វផ្សាយអំពីច្បាប់ស្តីពីសំណង់ ដល់អ្នកវិជ្ជាជីវៈ “លើកទី២”
ក្រសួងរៀបចំដែនដី នគរូបនីយកម្ម និងសំណង់ បានធ្វើសិក្ខាសាលាស្តីពី វគ្គផ្សព្វផ្សាយច្បាប់សំណង់ «លើកទី២» ក្នុងគោលបំណងជំរុញឲ្យអ្នកវិជ្ជាជីវៈក្នុងវិស័យសំណង់នៅទូទាំងប្រទេស អនុវត្តតាមច្បាប់ស្តីពីសំណង់ឲ្យបានត្រឹមត្រូវ និងធានានូវគុណភាព និងសុវត្ថិភាព នៅឯសណ្ឋាគារសុខាភ្នំពេញ កាលពីព្រឹក ថ្ងៃទី ១៣ ខែកុម្ភៈនេះ។ ឯកឧត្ដម ជា សុផារ៉ា ឧបនាយករដ្ឋមន្រ្តី រដ្ឋមន្ត្រី ក្រសួងរៀបចំដែនដី នគរូបនីយកម្ម និងសំណង់បានមានប្រសាសន៍ក្នុងវគ្គផ្សព្វផ្សាយនេះថា៖ «គោលដៅចំបងរបស់ច្បាប់នេះគឺចង់អោយសំណង់រក្សាបាននូវសុវត្ថិភាពមិនប៉ះពាល់ដល់សុខមាលភាព ឬមានភាពមិនរឹងមាំដែលនាំអោយមានវិបត្តិដូច ដែលធ្លាប់កើតមានកន្លងមកនោះទេ។» ឯកឧត្តមបានបន្តថា៖ «គោលដៅទី២នៃច្បាប់សំណង់គឺ ការសាងសង់ត្រូវស្ថិតនៅលើដីដែលមានកម្មសិទ្ធត្រូវអនុលោមទៅតាមផែនការប្រើប្រាស់ដីធ្លីប្លង់គោលក៏ដូចជាប្លង់នគរូបនីយកម្មដែលបានរៀបចំ សំណង់ដែលបានសាងសង់ត្រូវគោរពគំលាតរវាងឯកជនទាំងសងខាង រក្សាគំលាតអោយស្របទៅតាមបទដ្ឋាននគរូបនីយកម្ម និងគោរពចំពោះទីតាំងសាធារណៈដូចជាលូទឹកនិងហេដ្ឋារចនាសម្ព័ន្ធផ្សេងទៀត។» គួរបញ្ជាក់ផងដែរថា ក្រសួងរៀបចំដែនដី នគរូបនីយកម្ម និងសំណង់ ក៏បានធ្វើសិក្ខាសាលាស្តីពី វគ្គផ្សព្វផ្សាយច្បាប់សំណង់លើកទីមួយ កាលពីថ្ងៃទី ១៤ មករា ២០២០ ម្តងរួចមកហើយ ដែលពេលនោះមានអ្នកចូលរួមប្រមាណជិត ៥០០០នាក់។ (អានបន្ថែម) យ៉ាងណាមិញ ដើម្បីជាការឆ្លើយតបទៅនឹងស្ថានភាពសុវត្ថិភាពនៃវិស័យសំណង់កម្ពុជា គឺក្រសួងនឹងរៀបចំវគ្គផ្សព្វផ្សាយច្បាប់នេះជាលើកចុងក្រោយមួយវគ្គទៀតផងដែរ ដើម្បីបញ្រ្ជាបការយល់ដឹងស្តីពីច្បាប់សំណង់អោយបានទូលំទូលាយជូនអ្នកវិជ្ជាជីវៈទាំងឡាយ ដែលមិនទាន់បានមកចូលរួមទាំងពីលើក។
អានបន្ថែម
ធនាគារពិភពលោក៖ ឥណទានលើវិស័យអចលនទ្រព្យកំពុងស្ថិតនៅកម្រិតខ្ពស់គួរឱ្យព្រួយបារម្ភ
ឥណទានសម្រាប់វិស័យសំណង់ និងអចលនទ្រព្យនៅកម្ពុជា ទទួលបានចំណែកឥណទានធំបំផុតក្នុងចំណោមឥណទានទាំងអស់ ដែលអាចជាហានិភ័យដ៏ចម្បងមួយសម្រាប់សេដ្ឋកិច្ចរបស់ប្រទេសកម្ពុជា។ នេះបើយោងតាមការវិភាគរបស់ធនាគារពិភពលោក។ យោងតាមរបាយការណ៍អភិវឌ្ឍន៍សេដ្ឋកិច្ចនិងចក្ខុវិស័យ (Economic Development and Outlook Report ) ចុងក្រោយរបស់ធនាគារពិភពលោក ដែលចេញផ្សាយក្នុងខែវិច្ឆិកាឆ្នាំ ២០១៩ កន្លងមកនេះ ហានិភ័យសេដ្ឋកិច្ចសម្រាប់ប្រទេសកម្ពុជាគឺកំពុងកើនឡើង ដោយសារតែកត្តា ៣ យ៉ាងធំៗ រួមមាន ភាពមិនប្រាកដប្រជាលើការដក EBA ការធ្លាក់ចុះនៃសេដ្ឋកិច្ចចិន ហើយជាពិសេសការកើនឡើងជាបន្តបន្ទាប់នៃឥណទានសម្រាប់វិស័យសំណង់ និងអចលនទ្រព្យ ដែលបណ្ដាលមកពីការរីកដុះដាលនៃវិស័យសំណង់រយៈពេលយូរ។ គិតត្រឹមខែមិថុនា នៃឆ្នាំ ២០១៩ ឥណទានធនាគារដែលបានផ្តល់ដល់វិស័យសំណង់ អចលនទ្រព្យ ក៏ដូចជាប្រាក់កម្ចីទិញផ្ទះ គឺមានប្រមាណ ៦,៤៥ ពាន់លានដុល្លារ ដែលកើន ៣៨,៩ ភាគរយ បើធៀបនឹងរយៈពេលដូចគ្នានៃឆ្នាំមុន។ ចំនួននេះគឺស្មើនឹង ២៩,៦ ភាគរយនៃឥណទានសរុបដែលមានប្រមាណ ២១,៩ ពាន់លានដុល្លារអាមេរិក នៅក្នុងវិស័យសំណង់ និងអចលនទ្រព្យ មិនមែនហិរញ្ញវត្ថុរបស់កម្ពុជាទាំងអស់ ដែលនេះជាតួលេខខ្ពស់បំផុតបើប្រៀបធៀបនឹងវិស័យផ្សេងៗទៀត។ ទន្ទឹមគ្នានេះដែរ អ្នកជំនាញផ្នែកអចលនទ្រព្យក្នុងស្រុក កាលពីថ្មីៗនេះ ក៏បានសំដែងពីការព្រួយបារម្ភចំពោះអ្នកទិញអចលនទ្រព្យនៅប្រទេសកម្ពុជាដែរ ថាងាយនឹងរងហានិភ័យខ្ពស់ពីការផ្ដល់កម្ចីអចលនទ្រព្យដែលមានភាពធូររលុង ជាពិសេសពីម្ចាស់គម្រោង។ […]
អានបន្ថែម
ក្រសួងរៀបចំដែនដី បើកវគ្គផ្សព្វផ្សាយច្បាប់សំណង់ម្តងទៀត សម្រាប់អ្នកវិជ្ជាជីវៈ
ក្រសួងរៀបចំដែនដី នគរូបនីយកម្ម និងសំណង់ នឹងរៀបចំសិក្ខាសាលាស្តីពី វគ្គផ្សព្វផ្សាយច្បាប់សំណង់លើកទី២ នៅឯសណ្ឋាគារសុខាភ្នំពេញ ថ្ងៃទី ១៣ ខែកុម្ភៈ ខាងមុខនេះ ក្នុងគោលបំណងផ្ដល់ចំណេះដឹងដល់អ្នកវិជ្ជាជីវៈដែលខកខានមិនបានចូលរួមការផ្សព្វផ្សាយលើកទី១។ យោងតាមសេចក្តីជូនដំណឹងរបស់ក្រសួងចេញផ្សាយកាលពីថ្ងៃទី៥ ខែកុម្ភៈ វគ្គផ្សព្វផ្សាយច្បាប់សំណង់នេះ គឺដើម្បីអនុញ្ញាតឱ្យស្ថាបត្យករដែលបានចុះបញ្ជីនៅគណៈស្ថាបត្យករកម្ពុជា និងវិស្វករជំនាញសំណង់ស៊ីវិល វិស្វករជំនាញអគ្គិសនី ដែលបានចុះបញ្ជីនៅគណៈវិស្វករកម្ពុជា ដែលអវត្តមានក្នុងការចូលរួមវគ្គផ្សព្វផ្សាយ ច្បាប់សំណង់ សម្រាប់អ្នកវិជ្ជាជីវៈក្នុងវិស័យសំណង់ កាលពីថ្ងៃទី១៤ ខែមករា។ វគ្គផ្សព្វផ្សាយសំណង់ នឹងចាប់ផ្ដើមពីម៉ោង ៧:៣០ ដល់ ម៉ោង ១៣:០០ ក្រោមការឧទ្ទេសនាមដោយ ឯកឧត្តម ថេង ច័ន្ទសង្វារ រដ្ឋលេខាធិការ និងជាប្រធានក្រុមការងារអភិវឌ្ឍន៍ និងផ្សព្វផ្សាយគោលនយោបាយ និងច្បាប់នៃក្រសួងរៀបចំដែនដី នគរូបនីយកម្ម និងសំណង់។ ក្រសួងនឹងផ្តល់វិញ្ញាបនបត្របញ្ជាក់ការសិក្សាជូនសិក្ខាកាមដែលបានបំពេញគ្រប់លក្ខខណ្ឌរបស់វគ្គផ្សព្វផ្សាយ ហើយវិញ្ញាបនបត្របញ្ជាក់សិក្សានេះ ជាឯកសារចាំបាច់សម្រាប់ស្ថាបត្យករ និងវិស្វករចុះបញ្ជី ក្នុងការស្នើសុំអាជ្ញាបណ្ណប្រកបវិជ្ជាជីវៈក្នុងវិស័យសំណង់។ គួរបញ្ជាក់ថា ច្បាប់សំណង់ ត្រូវបានប្រកាសឲ្យប្រើប្រាស់កាលពីខែវិច្ឆិកា ឆ្នាំ២០១៩ ហើយច្បាប់នេះ នឹងត្រូវអនុវត្តពេញលេញ ក្នុងរយៈពេល៦ខែ ក្រោយច្បាប់នេះចូលជាធរមាន (អានបន្ថែម)៕
អានបន្ថែម
ក្រសួងរ៉ែច្រានចោលរបាយការណ៍ស្ដីពីការបូមខ្សាច់លើសកំណត់ដែលអាចបង្ករឲ្យបាក់ច្រាំង
ក្រសួងរ៉ែ និងថាមពល បានច្រានចោលរបាយការណ៍ស្ដីពីការបូមខ្សាច់លើសកំណត់ដែលអាចបង្កឲ្យមានការបាក់ច្រាំងតាមដងទន្លេមេគង្គ ដោយអះអាងថាសកម្មភាពបូមខ្សាច់នៅកម្ពុជា គឺនៅមានកម្រិតទាបនៅឡើយ ហើយស្ថិតក្រោមការគ្រប់គ្រងតាមបទដ្ឋានបច្ចេកទេសយ៉ាងហ្មត់ចត់ និងត្រឹមត្រូវ។ ការលើកឡើងរបស់ក្រសួងនេះ គឺជាការឆ្លើយតបទៅនឹងរបាយការណ៍របស់ក្រុមអ្នកស្រាវជ្រាវភូមិសាស្រ្តបរិស្ថានវិទ្យាពីប្រទេសអង់គ្លេសថ្មីមួយ ដែលបានរកឃើញថា តាមបណ្ដោយច្រាំងទន្លេមេគង្គ ជាពិសេសនៅក្នុងប្រទេសកម្ពុជា អាចនឹងប្រឈមហានិភ័យក្នុងការបាក់ច្រាំង ដោយសារតែការបូមខ្សាច់ច្រើនហួសកំណត់ ដែលបណ្ដាលមកពីតម្រូវការខ្សាច់ខ្ពស់នៅក្នុងវិស័យសំណង់។ (អានបន្ថែម) ទាក់ទងនឹងការលើកឡើងនេះ លោក អ៊ឹង ឌីប៉ូឡា អគ្គនាយករង នៃអគ្គនាយកដ្ឋានធនធានរ៉ែ បានបំភ្លឺជាមួយទស្សនាវដ្តីសំណង់និងអចលនទ្រព្យដោយផ្ទាល់ថា បច្ចុប្បន្នក្រសួងបានផ្ដល់អាជ្ញាប័ណ្ណចំនួន ៣០ នៅតាមដងទន្លេតែប៉ុណ្ណោះ ពោលគឺកម្រិតទាបបំផុត បើប្រៀបធៀបទៅនឹងប្រវែង និងទំហំទន្លេទាំងមូលដែលហូរកាត់ប្រទេសកម្ពុជា។ លោក អ៊ឹង ឌីប៉ូឡា បានលើកបន្ថែមថា៖ «បើសរុបចំនួនអាជ្ញាប័ណ្ណទាំងអស់ទៅ ទីតាំងដែលមានសកម្មភាពបូមខ្សាច់ គឺមានប្រមាណត្រឹមតែប្រហែល ៣០ គីឡួម៉ែត្រ និងទទឹងជាមធ្យម១០០ម៉ែត្រ តែប៉ុណ្ណោះ ដែលតូចណាស់ប្រៀបធៀបទៅនឹងប្រវែងទន្លេមេគង្គដែលហូរកាត់ប្រទេសកម្ពុជាប្រវែងដល់ទៅជាង ៥០០ គីឡូម៉ែត្រ និងទទឹងពី ១ ទៅ ៣គីឡួម៉ែត្រ ពោលគឺត្រឹមតែ ៦ ភាគរយប៉ុណ្ណោះនៃបណ្តោយទន្លេសរុប»។ «លើសពីនេះ ទីតាំងអាជ្ញាប័ណ្ណនោះ គឺមិនមែននៅជាប់ៗគ្នាទាំងអស់នោះទេ ប៉ុន្តែគឺលាតសន្ធឹងតាមចំណុចដែលមានខ្សាច់ដុះច្រើនហើយនៅឆ្ងាយពីច្រាំង ឆ្ងាយពីសំណង់នានា […]
អានបន្ថែម
ក្នុងឆ្នាំ ២០១៩! ការដ្ឋានសំណង់ក្នុងខេត្តព្រះសីហនុចំនួន ២៣ ត្រូវបានតម្រូវឲ្យរុះរើស
គិតត្រឹមរយៈពេល ៨ខែ នៃការបង្កើតគណៈកម្មការពិនិត្យសំណង់នៅខេត្តព្រះសីហនុ ការដ្ឋានសំណង់ចំនួន ២៣ ត្រូវបានតម្រូវឲ្យរុះរើសសំណង់ដោយសារមានហានិភ័យខ្ពស់ផ្នែកសុវត្ថិភាព។ បើយោងតាមរបាយការណ៍បូកសរុបលទ្ធផលនៃការអនុវត្តការងារឆ្នាំ២០១៩ និងលើកទិសដៅការងារឆ្នាំ២០២០ របស់ក្រសួងរៀបចំដែនដី នគរូបនីយកម្ម និងសំណង់ គណៈកម្មការពិនិត្យសំណង់នៅខេត្តព្រះសីហនុបានចុះត្រួតពិនិត្យគុណភាពសំណង់ចំនួន ៥៧០ការដ្ឋាន ក្នុងនោះតម្រូវឲ្យរុះរើសសំណង់ដែលមានហានិភ័យខ្ពស់ផ្នែកសុវត្ថិភាពចំនួន ២៣ការដ្ឋាន ណែនាំឲ្យធ្វើកោសល្យវិច្ឆ័យចំនួន ១៦៦ការដ្ឋាន និងណែនាំឲ្យបំពេញនិតិវិធីចំនួន ៣៨១ការដ្ឋាន។ គណៈកម្មការពិនិត្យសំណង់នៅព្រះសីហនុត្រូវបានសម្រេចបង្កើតនៅចុងខែមិថុនា ឆ្នាំ២០១៩ ក្នុងគោលបំណងចុះពិនិត្យការអនុវត្តបទដ្ឋានបច្ចេកទេស បទដ្ឋានគតិយុត្ត បទដ្ឋានសំណង់ បទដ្ឋានសុវត្ថិភាព និងគុណភាពសំណង់ នៅតាមការដ្ឋានសំណង់ នៅខេត្តព្រះសីហនុ និងចុះពិនិត្យលក្ខណៈសម្បត្តិរបស់ក្រុមហ៊ុនទទួលម៉ៅការសាងសង់នៅតាមការដ្ឋានសំណង់។ គិតចាប់ពីឆ្នាំ ២០០០ ដល់ឆ្នាំ ២០១៩ ក្រសួងរៀបចំដែនដី នគរូបនីយកម្ម និងសំណង់បានចេញលិខិតអនុញ្ញាតឲ្យសាងសង់សំណង់ក្នុងខេត្តព្រះសីហនុមានអាគារចាប់ពី ៥ជាន់ទៅមានចំនួន ២៨៤អាគារ និង បូរីមានចំនូន ៣១២គម្រោង។ គួររំលឹកថា នៅរាត្រីទាបភ្លឺថ្ងៃទី ២២ ខែមិថុនា ឆ្នាំ២០១៩ អាគារគ្រោងដែកកំពស់៧ជាន់របស់ជនជាតិចិន មានទីតាំងនៅក្នុងសង្កាត់លេខ៤ ក្រុងព្រះសីហនុ ត្រូវបានបាក់រលំ បានបណ្តាលឲ្យកម្មករខ្មែរចំនួន ២៦នាក់ របួស និង ២៨នាក់ […]
អានបន្ថែម
អន្តរក្រសួងប្ដេជ្ញាដោះស្រាយការកកស្ទះឯកសារពន្ធស្មើសូន្យលើការផ្ទេរនិងចុះប័ណ្ណកម្មសិទ្ធិអចលនទ្រព្យរវាងញាតិ
ក្រសួងសេដ្ឋកិច្ច និងហិរញ្ញវត្ថុ និងក្រសួងរៀបចំដែនដី នគរូបនីយកម្ម និងសំណង់ បានប្រកាសសហការគ្នាដោះស្រាយបញ្ហាការចុះបញ្ជីដី មានលក្ខណៈជាប្រព័ន្ធ ចំពោះការផ្ទេរនិងចុះប័ណ្ណកម្មសិទ្ធិដែលត្រូវបង់ពន្ធប្រថាប់ត្រាស្មើសូន្យ*** ជាពិសេសការផ្ទេរក្នុងវង្វង់ញាតិ ក្រោយមានការកកស្ទះឯកសារ ជាង ១៣ ម៉ឺនច្បាប់ កន្លងមកនេះ។ យោងតាមសេចក្តីប្រកាសព័ត៌មានពីអគ្គនាយកដ្ឋានពន្ធដារ កន្លងមកឃើញថា មានការកកស្ទះឯកសារជាច្រើននៅរដ្ឋបាលសារពើពន្ធ ចំពោះករណីប្រថាប់ត្រាពន្ធស្មើសូន្យ ទាក់ទងនឹងការទទួលបានប័ណ្ណកម្មសិទ្ធិក្នុងវង្វង់ញាតិ ពោលគឺការទទូលបានកម្មសិទ្ធិពី ឪពុក ម្ដាយ ជីដូន ជីតា កូនបង្កើត កូនប្រសារ បងប្អូនបង្កើត តាមរយៈប្រទានកម្ម (ផ្ទេរពីមនុស្សរស់ទៅញាតិ) ឬ សន្តតិកម្ម (ផ្ទេរពីមនុស្សស្លាប់ទៅញាតិ)។ ដូច្នេះហើយ តាមរយៈកិច្ចប្រជុំដែលបានធ្វើឡើងកាលពីថ្ងៃទី២០ មករា កន្លងមកនេះ ស្ថាប័នទាំងពីរ បានដាក់ចេញនូវវិធានការណ៍ជាបន្ទាន់ ដើម្បីដោះស្រាយបញ្ហាចោទខាងលើនេះ ដោយកំណត់ឲ្យសម្រេចបាន ក្នុងរយៈពេល១ខែ ដែលវិធានការណ៍ទាំងនោះរួមមានចំណុចសំខាន់ៗដូចជា៖ – មន្ទីររៀបចំដែនដី នគរូបនីយកម្ម សំណង់ និងសុរិយោដី រាជធានី-ខេត្ត ត្រូវពង្រឹងនិងពន្លឿនការបញ្ជូនឯកសារដែលបានទទួល (File Sharing) ទៅក្នុងប្រព័ន្ធគ្រប់គ្រងរបស់អគ្គនាយកដ្ឋានពន្ធដារ ។ – ស្នើមន្ទីរជួយផ្សព្វផ្សាយ […]
អានបន្ថែម
ក្រសួងរៀបចំដែនដីជំរុញអនុវត្តច្បាប់សំណង់ដល់ម្ចាស់សំណង់ ក្រុមហ៊ុនសំណង់ និងស្ថាបត្យករសំណង់
ក្រសួងរៀបចំដែនដី នគរូបនីយកម្ម និងសំណង់ បានជំរុញម្ចាស់សំណង់ ក្រុមហ៊ុនសំណង់ ស្ថាបត្យករ និងអ្នកប្រកបរបរវិជ្ជាជីវៈក្នុងវិស័យសំណង់ ត្រូវអនុវត្តតាមច្បាប់សំណង់ និងគោរពទៅតាមបទដ្ឋានបច្ចេកទេសនៃការសាងសង់។ ការក្រើនរំលឹកនេះ ធ្វើឡើងបន្ទាប់ពីមានការករណីបាក់រលំអាគារនៅខេត្តកំពត និងខេត្តព្រះសីហនុ និងការរលំអគារព្រះវិហារនៅខេត្តសៀមរាប។ ថ្លែងនៅក្នុងពិធីផ្សព្វផ្សាយច្បាប់សំណង់ជូនអ្នកប្រកបវិជ្ជាជីវៈក្នុងវិស័យសំណង់ ធ្វើឡើងកាលពីថ្ងៃទី១៤ ខែមករា ឯកឧត្តម ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ ក្រុមហ៊ុនដែលទទទួលបានវិញ្ញាបនបត្រលើវិស័យសំណង់ ត្រូវគោរព បទដ្ឋានបច្ចេកទេស ស្តង់ដារ សំណង់ឱ្យបានត្រឹមត្រូវ ដើម្បីធានាគុណភាព សុវត្ថិភាព និងសោភ័ណភាពនៃសំណង់ ជាពិសេសដើម្បីជៀសវាងគ្រោះថ្នាក់ដោយយថាហេតុ បង្កឡើងដោយការធ្វេសប្រហែស។ ឯកឧត្តម ជា សុផារ៉ា ថ្លែងថា៖ “ខ្ញុំបើកវេទិការនេះ សុំការគាំទ្រពីអស់លោក លោកស្រីដែលជាវិស្វករ ដែលជាស្ថាបត្យករ។ វិស្វករ ជួយគាំទ្រឱ្យមានភាពរឹងមាំ និងជំនឿជឿជាក់ លើវិស័យសំណង់។ ស្ថាបត្យករជួយធ្វើការរៀបចំសិក្សាគម្រោងប្លង់ ហើយឱ្យបានផ្សារភ្ជាប់ជាមួយនឹងអត្តសញ្ញាណជាតិខ្មែររបស់យើងនៅក្នុងវិស័យសំណង់”។ ឯកឧត្តម ជា សុផារ៉ា បញ្ជាក់ថា ក្រសួងនឹងបន្តធ្វើការផ្សព្វផ្សាយច្បាប់សំណង់ ដើម្បីធានាថា ការអនុវត្តច្បាប់សំណង់បានត្រឹមត្រូវ។ គួរបញ្ជាក់ជូនថា […]
អានបន្ថែម
ក្រសួងរៀបចំដែនដីចាត់តាំងមន្រ្តីត្រួតពិនិត្យសំណង់ទូទាំងប្រទេស
ក្រសួងរៀបចំដែនដី នគរូបនីយកម្ម និងសំណង់ បានចាត់តាំងមន្រ្តីត្រួតពិនិត្យសំណង់ ហើយការចាត់តាំងនេះ ធ្វើឡើងបន្ទាប់ពីករណីបាក់រលំអគារ នៅខេត្តកែប កាលពីដើមខែមករា និងករណីបាក់រលំអគារនៅខេត្តព្រះសីហនុ កាលពីខែមិថុនា ឆ្នាំ២០១៩។ តាមរយៈសេចក្តីសម្រេច ដែលចុះហត្ថលេខាដោយ ឯកឧត្តម ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់កាលពីថ្ងៃទី៩ ខែមករា ក្រសួងបានចាត់តាំងមន្រ្តី រាប់ចាប់ពីរដ្ឋលេខាធិការ អនុរដ្ឋរដ្ឋលេខាធិការ និងមន្រ្តីក្រសួង មន្ទីរនៅតាមរាជធានីខេត្ត ដើម្បីត្រួតពិនិត្យមើលសំណង់។ ក្រុមមន្ត្រីត្រួតពិនិត្យសំណង់នេះ មានក្រុមមន្ត្រីត្រួតពិនិត្យទទួលបន្ទុកជារួម និងមានក្រុមមន្រ្តីត្រួតពិនិត្យនៅតាមតំបន់គោលដៅសំខាន់ចំនួន ៨ខុសគ្នា។ យោងតាមសេចក្តីសសម្រេច មន្ត្រីត្រួតពិនិត្យសំណង់ទទួលបន្ទុករួម ដឹកនាំកំណត់ទិសដៅអនុវត្តដល់មន្ត្រីត្រួតពិនិត្យសំណង់រាជធានី ខេត្ត មានតួនាទី និងភារកិច្ច តាមដាន និងត្រួតពិនិត្យការអនុវត្តការងារត្រួតពិនិត្យសំណង់រាជធានី ខេត្ត ធ្វើរបាយការណ៍ស្នើសុំលើការផ្អាក ការកែតម្រូវ ការបញ្ឈប់ ការតម្រូវឪ្យរុះរើ និងចាត់វិធានការផ្សេងទៀត ក្នុងករណីការងារសាងសង់ ឬរុះរើ មិនអនុលោមតាមបទប្បញ្ញត្តិបច្ចេកទេសសំណង់ និងបទប្បញ្ញត្តិជាធរមានដទៃទៀត។ ចំណែក មន្ត្រីត្រួតពិនិត្យសំណង់ រាជធានីខេត្ត មានតួនាទី និងភារកិច្ច ពិនិត្យ […]
អានបន្ថែម
ក្រសួងរៀបចំដែនដីជំរុញការអនុវត្តច្បាប់ស្តីពីសំណង់បន្ថែម
ក្រសួងរៀបចំដែនដី នគរូបនីយកម្ម និងសំណង់ បានស្នើអោយអាជ្ញាធរមានសមត្ថកិច្ច ក្នុងវិស័យសំណង់ និងមន្ត្រីក្រសួង មន្ទីរ រាជធានី ខេត្ត លើការអនុវត្តច្បាប់ស្តីពីសំណង់ តាមរយៈការហាមដាច់ខាតសំណង់ គ្មានច្បាប់អនុញ្ញាត។ ទន្ទឹមនឹងនេះ ក្រសួងក៏បានអនុវត្តលើការចេញលិខិត សាងសង់ និងការចុះត្រួតពិនិត្យសំណង់ ដើម្បីធានាសន្តិសុខ និងសុវត្ថិភាពនៃការដ្ឋានសាងសង់។ នៅក្នុងសេចក្តីណែនាំស្តីពី ការពង្រីងគុណភាព និងសុវត្ថិភាពសំណង់ ដែលចុះហត្ថលេខាដោយ ឯកឧត្តម ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ ចុះថ្ងៃទី១០ ខែមករា នេះ ក្រសួងដាក់ចេញបម្រាមជាច្រើនចំនុច។ បម្រាមទាំងនេះ គឺភាគភាគច្រើនបំផុតសំដៅទៅលើ ការសាងសង់ ការរុះរើ គ្មានអាជ្ញាបណ្ណ ឬវិញ្ញាបនបត្របញ្ជាក់ ការអនុញ្ញាត ចេញដោយក្រសួង។ អ្វីដែលគួរអោយកត់សំគាល់នោះ ក្រសួងហាមដាច់ខាត ការស្នាក់នៅក្នុងអគារដែលកំពុងសាងសង់ទោះបីក្នុងលខ្ខណៈបណ្តោះអាសន្នក៏ដោយ។ ទន្ទឹមនឹងនេះ ដើម្បីធានាសន្តិសុខ និងសុវត្ថិភាពនៃការដ្ឋានសំណង់ ក្រសួងជំរុញអោយអាជ្ញាធរមានសមត្ថកិច្ច ត្រូវយកចិត្តទុកដាក់អនុវត្តគោលការណ៍ និងវិធានការ លើការចេញលិខិតអនុញ្ញាតសាងស់ ជួលជុល ឬរុះរើ។ បន្ថែមពីលើនេះ ក្រសួងក៏បានជំរុញការចេញ […]
អានបន្ថែម