ធុរកិច្ច និងទីផ្សារ
ខណ្ឌទាំង២នេះ នឹងមានសក្តានុពលខ្លាំងបន្ទាប់ពីខ័ណ្ឌសែនសុខ
សែនសុខនៅតែជាខណ្ឌដែលមានគម្រោងសាងសង់ប្រភេទផ្ទះ និង បុរីច្រើនជាងគេ ដែលគិតត្រឹមត្រីមាសទី៣ ក្នុងឆ្នាំ ២០១៩ នេះមាន ៤៥គម្រោងបុរីបានសាងសង់រួចរាល់ហើយ។ នេះបើតាមរបាយការណ៍របស់ CBRE Cambodia។ ដោយសារតែខណ្ឌសែនសុខនៅជិតក្រុង ធ្វើឲ្យតម្លៃដីនៅទីនោះហក់ឡើងខ្លាំង ក្រុមហ៊ុនជំនាញអចលនទ្រព្យខាងលើបានព្យាករណ៍ថា ខណ្ឌដែលមានសក្ដានុពលបន្ទាប់សម្រាប់គម្រោងសាងសង់ផ្ទះនិងបុរីមាន២ គឺខណ្ឌពោធិ៍សែនជ័យនឹងមានគម្រោងសាងសង់ផ្ទះនិងបុរីថ្មីចំនួន១៥ បន្ទាប់មកគឺខណ្ឌដង្កោចំនួន១៣ គម្រោងនៅពេលអនាគត។ ពោធិ៍សែនជ័យ បច្ចុប្បន្នបានទទួលសក្តានុពលពីផ្លូវលេខ៥១ ជាផ្លូវក្រវាត់ក្រុងពីឧត្ដុង្គមកថ្នល់ទទឹង ធ្វើឲ្យតម្លៃដីនៅទីនោះចាប់ផ្ដើមកម្រើកខ្លាំង ខណៈដែលស្រុកអង្គស្នួលដែលនៅជាប់នឹងខណ្ឌពោធិ៍សែនជ័យ ក៏ចាប់ផ្ដើមមានការពុះដីឡូតិ៍លក់បណ្ដើរៗ។ ចំណែក ខណ្ឌដង្កោកំពុងអភិវឌ្ឍខ្លាំង ស្ថិតនៅក្នុងតំបន់ផ្លូវ៦០ម៉ែត្រ មានគម្រោងផ្សារទំនើបខ្នាតយក្ស ៣ នៅទីនោះ មានដូចជា៖ ផ្សារទំនើបជីប ម៉ុង ផ្សារទំនើប ភី អេច អេកូម៉ល និង ផ្សារទំនើបអ៊ីអន៣។ ថ្វីត្បិតតែខណ្ឌដង្កោមានគម្រោងធំៗប្រមូលផ្តុំគ្នានៅទីនោះ ប៉ុន្តែខណ្ឌមួយនេះនៅមានដីទំនេរច្រើនសម្រាប់ការអភិវឌ្ឍន៍លំនៅឋាន។ ទន្ទឹមនឹងនេះ ទីភ្នាក់ងារសហប្រតិបត្តិការអន្តរជាតិជប៉ុន (JICA) ទើបបានប្រកាសពីគម្រោងសាងសង់រោងចក្រចម្រោះទឹកកខ្វក់តម្លៃ ២៧លានដុល្លារ ជាគម្រោងលើកទី១មិនធ្លាប់មាននៅរាជធានីភ្នំពេញ ដែលនឹងត្រូវសាងសង់នៅបឹងជើងឯកចុងឆ្នាំ២០២០។ គេជឿថា តាមរយៈគម្រោងធំៗទាំងនេះ នឹងធ្វើឲ្យខណ្ឌដង្កោមានសន្ទុះអភិវឌ្ឍលឿនជាងខណ្ឌដទៃ៕
អានបន្ថែម
ក្រុមហ៊ុន CSP Window ផ្តល់សេវាផ្គត់ផ្គង់ និង ដំឡើងទ្វារបង្អួច ដែលកំពុងពេញនិយមយ៉ាងខ្លាំងនៅអាស៊ី
ក្រុមហ៊ុនស៊ី អេស ភី (CSP Window) ដែលបានបើកដំណើរការអាជីវកម្មអស់រយៈពេល ៨ ឆ្នាំ មកហើយនោះ បាននិងកំពុងផ្តល់សេវាផ្គត់ផ្គង់ និងដំឡើងទ្វារបង្អួចចំនួនពីរប្រភេទដែលកំពុងពេញនិយមខ្លាំងនៅទីផ្សារអន្តរជាតិ និងជាពិសេស គឺទីផ្សារកម្ពុជា។ ក្រុមហ៊ុនខាងលើបានបញ្ជាក់ថា បច្ចុប្បន្ន ក្រុមហ៊ុនមានការផ្គត់ផ្គង់គ្រោងទ្វារបង្អួចអាលុយមីញ៉ូមដោយប្រើប្រាស់ប្រព័ន្ធទំនើបស្របតាមស្តង់ដារអឺរ៉ុប ហើយក្រុមហ៊ុនក៏មានការផ្គត់ផ្គង់ប្រព័ន្ធគ្រោងទ្វារបង្អួច យូ ភីវីស៊ី (u-PVC) ដែលជាផលិតផលនាំចូលពីប្រទេសអាល្លឺម៉ង់។ តាមការបញ្ជាក់របស់ក្រុមហ៊ុនក៏បានអះអាងបន្ថែមទៀតថា រាល់ផលិតផលទាំងអស់របស់ CSP Window គឺសុទ្ធសឹងតែមានគុណភាពខ្ពស់ ហើយក្រុមហ៊ុនក៏មានការធានា ១០០ ភាគរយដល់អតិថិជន ទៅលើបញ្ហាជ្រាបទឹក បញ្ហាសំលេង និងសុវត្ថិភាពទ្វារបង្អួចផងដែរ។ ជាងនេះទៅទៀត ក្រុមហ៊ុនក៏នឹងផ្តល់ការរចនាម៉ូតទ្វារបង្អួច ដែលនឹងលើកឡើងនូវភាពស៊ីវិល័យបន្ថែមមួយកម្រិតទៀតជូនដល់គេហដ្ឋាន និងអគាររបស់អតិថិជន ដែលនេះគឺជាលក្ខណៈពិសេសខុសប្លែកពីការរចនាម៉ូតទ្វារបង្អួចដទៃទៀតក្នុងទីផ្សារ។ មួយវិញទៀត ក្រុមហ៊ុនក៏មានក្រុមជាងជំនាញពិសេសមកពីក្រៅប្រទេស និងក្រុមជាងជំនាញដែលទទួលបានការបណ្តុះបណ្តាលយ៉ាងត្រឹមត្រូវពីរោងចក្រនៃដៃគូផ្សេងៗទៀត ដើម្បីធានាការផ្កត់ផ្គង់ និងដំឡើងប្រកបដោយប្រសិទ្ធភាព និងគុណភាពខ្ពស់។ ក្រៅពីមានការនាំចូលផលិតផលទ្វារបង្អួចទាំងពីរប្រភេទខាងលើ ក្រុមហ៊ុន CSP Window ក៏បាននិងកំពុងផ្តល់សេវាដំឡើងកញ្ចក់នៅតាមអគារទំនើបៗផងដែរ។ ដោយសារគុណប្រយោជន៍ខាងលើ បានធ្វើឲ្យផលិតផលរបស់ក្រុមហ៊ុន CSP Window ទទួលបានការចាប់អារម្មណ៍ និងគាំទ្រយ៉ាងខ្លាំងនៅទីផ្សារកម្ពុជា ជាពិសេសសម្រាប់ការដាក់នៅតាមគេហដ្ឋាន។ […]
អានបន្ថែម
អ្នកជំនាញ៖ កម្ពុជាត្រូវការអភិវឌ្ឍន៍វិស័យសំខាន់២ ដើម្បីត្រៀមខ្លួនក្លាយជាប្រទេសមានចំណូលមធ្យមកម្រិតខ្ពស់ នៅឆ្នាំ២០៣០
ទស្សនវិស័យជាតិបានកំណត់យកឆ្នាំ ២០៣០ ដើម្បីប្រែកម្ពុជាពីប្រទេសដែលមានចំណូលមធ្យមកម្រិតទាប ឲ្យក្លាយទៅជាប្រទេសដែលមានប្រាក់ចំណូលធម្យមកម្រិតខ្ពស់ ពោលគឺ១០ឆ្នាំទៅមុខទៀត កម្ពុជានឹងដូចប្រទេសថៃ ឬ ម៉ាឡេស៊ីបច្ចុប្បន្ននេះ។ សម្តេចតេជោ ហ៊ុន សែន បានមានប្រសាសន៍នៅក្នុងកិច្ចប្រជុំកំពូលអាស៊ីប៉ាស៊ីហ្វិកលើកទី២ កាលពីថ្ងៃទី១៩ វិច្ឋិកា ថា “បច្ចុប្បន្ន កម្ពុជាកំពុងខិតខំបន្ថែមទៀត ដើម្បីក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានចំណូលខ្ពស់នៅឆ្នាំ ២០៥០”។ កម្ពុជាបានក្លាយជាប្រទេសដែលមានចំណូលធម្យមកម្រិតទាបចាប់តាំងពីឆ្នាំ ២០១៥។ បើតាមការបែងចែកចំណាត់ថ្នាក់ប្រទេសរបស់ធនាគារពិភពលោក ប្រទេសដែលមានប្រាក់ចំណូលមធ្យមកម្រិតទាប សំដៅដល់ចំណូលជាធម្យមរបស់ប្រជាជនម្នាក់រកបានចន្លោះពី ១.០២៦ដុល្លារ – ៣.៩៩៥ ដុល្លារក្នុង១ឆ្នាំ ហើយប្រាក់ចំណូលមធ្យមកម្រិតខ្ពស់ចន្លោះពី ៣.៩៩៦ ដុល្លារ – ១២.៣៧៥ដុល្លារ។ លោក Norman V. Loayza ប្រធានក្រុមស្រាវជ្រាវផ្នែកអភិវឌ្ឍន៍របស់ធនាគារពិភពលោក បានប្រាប់សារព័ត៌មានចិនស៊ីនហួរកាលពីឆ្នាំកន្លងទៅថា ដើម្បីឲ្យកម្ពុជាសម្រេចមហិច្ឆតាក្លាយជាប្រទេសមានចំណូលធម្យមកម្រិតខ្ពស់នៅឆ្នាំ២០៣០ គេត្រូវការអភិវឌ្ឍវិស័យសំខាន់ៗ២ ទី១ គឺទាមទារឲ្យមានការវិនិយោគខ្លាំងទៅលើ មូលធនមនុស្ស និង ទី២ គឺផ្នែកហេដ្ឋារចនាសម្ព័ន្ធ។ ប្រទេសកម្ពុជាទទួលបានប្រាក់កម្ចីប្រមាណជា ៥.៣០០ លានដុល្លារអាមេរិក ពីធនាគារអភិវឌ្ឍន៍ចិន។ កម្ចីទាំងនោះគឺសម្រាប់គាំទ្រការអភិវឌ្ឍន៍ហេដ្ឋារចនាសម្ព័ន្ធសំខាន់ៗដូចជា វារីអគ្គិសនីសេសានក្រោមពីរ គម្រោងផ្លូវល្បឿនលឿនភ្នំពេញ-ព្រះសីហនុ […]
អានបន្ថែម
SEARA ជាអ្នកជំនាញតែមួយគត់នៅអាស៊ី លើការសាងសង់កន្លែងហាត់ប្រាណ
នៅពេលដែលស្ថាបនិកវិស្វកម្មកីឡា និង កម្សាន្តអាស៊ីអិលធីឌី ហៅកាត់ថា (SEARA) ត្រូវបានបង្កើតឡើងនៅទីក្រុងបាងកកកាលពីឆ្នាំ ១៩៩១ យុទ្ធសាស្ត្រតែមួយគត់គឺផ្លោតលើស្តង់ដារអន្តរជាតិ។ នេះមិនត្រឹមតែជាយុទ្ធសាស្ត្រទីផ្សារអាជីវកម្មប៉ុណ្ណោះទេ ប៉ុន្តែក៏ជាយុទ្ធសាស្ត្រដ៏សំខាន់មួយដែលត្រូវចំណាយពេលរាប់ឆ្នាំដើម្បីកសាង។ លោក Patrick Dean សហស្ថាបនិកបានថ្លែងថា “យើងបានឃើញទីផ្សារនៅសិង្ហបុរី និង កូឡាឡាំពួរ ដែលសំណង់កីឡដ្ឋានត្រូវបានគេសាងសង់ឡើងឲ្យមានស្តង់ដារកម្រិតខ្ពស់។ យើងបានសម្រេចចិត្តរង់ចាំទីផ្សារនេះរហូតដល់វាហូរឆ្ពោះទៅទិសខាងជើង”។ អ្វីដែលនៅខ្វះខាតគឺ ឧស្សាហកម្មបដិសណ្ឋារកិច្ចលំដាប់ខ្ពស់ ដែលវាទើបតែចាប់ផ្តើមប៉ុណ្ណោះ។ SEARA កសាងកេរ្តិ៍ឈ្មោះរបស់ខ្លួនជាចម្បងក្នុងការសាងសង់ទីលានវាយកូនបាល់នៅតាមសណ្ឋាគារ និង រមណីយដ្ឋានល្បីៗ។ ការផ្លាស់ប្តូរទីផ្សារបានកើតឡើង នៅពេលដែលតំបន់នេះចាប់ផ្តើមងើបចេញពីវិបត្តិហិរញ្ញវត្ថុអាស៊ី។ ចាប់ពីពាក់កណ្តាលឆ្នាំ ២០០០ មកអ្នកអភិវឌ្ឍន៍អចលនទ្រព្យដែលបានហែលឆ្លងផុតពីវិបត្តិសេដ្ឋកិច្ច ឬ ដែលទើបតែចូលប្រលូកក្នុងទីផ្សារ បានចាប់ផ្តើមយកចិត្តទុកដាក់ធ្វើយ៉ាងណាឲ្យផលិតផលឬសេវាកម្មរបស់ពួកគេមានច្រើនមុខ និងថាតើវាជះឥទ្ធិពលយ៉ាងណាដល់យីហោរបស់ពួកគេ។ ដំបូងឡើយ SEARA ធ្វើការសាងសង់ទីលានវាយកូនបាល់ផ្តើមចេញពីខុនដូ សហគមន៍លំនៅឋាន សណ្ឋាគារ និង រមណីយដ្ឋានដែលមិនសូវល្បី។ ក្រោយមកមានការសាងសង់ក្លឹបហាត់ប្រាណ និង ទីលានបាល់ទាត់ហ្វូតសាលជាដើម។ ក្រុមកីឡាបាល់ទាត់ចាប់ផ្តើមធ្វើទំនើបកម្មកន្លែងកីឡា និង យីហោរបស់ពួកគេ។ សាលារៀន និង កន្លែងរបស់រដ្ឋាភិបាលបានចាប់ផ្តើមបំពាក់នូវគ្រឿងបរិក្ខាររបស់ពួកគេឲ្យមានគុណភាពខ្ពស់ជាងមុន។ ការអភិវឌ្ឍនៃនគរោបនីយកម្ម និង ការរីកចម្រើនរបស់វណ្ណៈកណ្ដាល ធ្វើឲ្យពួកគេចង់បង្កើតទីលានវាយកូនគោលផ្ទាល់ខ្លួន […]
អានបន្ថែម
ការថយចុះនៃតម្រូវការរបស់ជនជាតិចិនលើទីផ្សារអចលនទ្រព្យ នៅក្រុងព្រះសីហនុ
ចិនដើរតួនាទីដ៏សំខាន់ នៅក្នុងសេដ្ឋកិច្ច និង ទីផ្សារអចលនទ្រព្យនៅក្រុងព្រះសីហនុ ដែលចិនមានចំនួនច្រើនជាងជនបរទេសណាៗទាំងអស់ ជាមួយនឹងប័ណ្ណការងារដែលត្រូវបានផ្តល់ឲ្យពួកគេ។ នៅក្នុងឧស្សាហកម្មទេសចរណ៍ ចំនួនភ្ញៀវទេសចរចិនមានចំនួនច្រើនជាងគេបំផុត ហើយចំនួននេះត្រូវបានគេរំពឹងថានឹងនៅតែកើនឡើងថែមទៀត។ ចិនគឺជាប្រភពវិនិយោគផ្ទាល់ពីបរទេសដ៏ធំបំផុតរបស់កម្ពុជា។ គេនៅតែជឿជាក់ថាបន្ទាប់ពីមានការបិទលើប្រតិបត្តិការល្បែងស៊ីសងតាមអ៊ីនធឺណិត ចិនក៏នៅតែជាប្រភពនៃតម្រូវការ និង ការវិនិយោគសម្រាប់ទីផ្សារអចលនទ្រព្យនៅខេត្តព្រះសីហនុ ហើយជឿថានឹងបន្តកើនឡើងទៀត។ ទោះយ៉ាងណាក៏ដោយ ចំនួនជនជាតិចិនមកកាន់ប្រទេសកម្ពុជានឹងមានការប្រែប្រួល ពិសេសបន្ទាប់ពីរដ្ឋាភិបាលកម្ពុជាសម្រេចបញ្ឈប់ការចេញអាជ្ញាប័ណ្ណល្បែងស៊ីសងតាមអ៊ីនធឺណិតនិង មិនបន្តអាជ្ញាប័ណ្ណឡើយសម្រាប់អ្នកកំពុងដំណើរការបច្ចុប្បន្ន នៅពេលអាជ្ញាប័ណ្ណរបស់ពួកគេផុតកំណត់។ ហេតុដូច្នេះហើយបានជាតម្លៃអចលនទ្រព្យចាប់ផ្តើមមានកែប្រែ នៅពេលមានសេចក្តីប្រកាសពីការបិទល្បែងស៊ីសងតាមអ៊ីនធឺណិតនេះ។ មុនពេលមានការប្រកាសនេះ ក្រុមអ្នកទិញខុនដូជាជនជាតិចិនមានចំនួនខ្ពស់បំផុត ហើយត្រូវបានក្រុមអ្នកអភិវឌ្ឍន៍រាយការណ៍ថាជាង ៩០% នៃការលក់ខុនដូរបស់ពួកគេគឺលក់ទៅឲ្យជនបរទេស ដែលភាគច្រើនជាជនជាតិចិន។ មានការព្រួយបារម្ភមួយចំនួនអំពីនិរន្តរភាពនៃតម្រូវការនេះ ដោយសារអ្នកទិញទុកជួលមួយចំនួន មិនអាចទាញប្រាក់ចំណូលដែលរំពឹងទុកពីការជួល ឬ មិនអាចទាញលុយដើមមកវិញបាន។ បន្ទាប់ពីពេលមានសេចក្តីប្រកាសពីការបិទល្បែងស៊ីសងតាមអ៊ីនធឺណិត ថ្មីៗនេះ ទីផ្សារអចលនទ្រព្យទាំងមូលកំពុងឈានដល់ការកែប្រែតម្លៃ។ ទោះយ៉ាងណា ផលប៉ះពាល់នឹងមានរយៈពេលខ្លីប៉ុណ្ណោះ ព្រោះសេដ្ឋកិច្ចខេត្តព្រះសីហនុនឹងអាចងើបឡើងវិញ ដោយសារតែសក្តានុពលចម្រុះរបស់វា រួមទាំងការអភិវឌ្ឍឧស្សាហកម្ម និង ទេសចរណ៍ ខណៈដែលទីក្រុងផ្សេងទៀតដូចជាទីក្រុងកែប និង សៀមរាប ភាគច្រើនពឹងផ្អែកទៅលើតែសក្តានុពលទេសចរណ៍របស់ពួកគេប៉ុណ្ណោះ ហើយគេរំពឹងថាទីក្រុងព្រះសីហនុ នឹងអាចវ៉ាខេត្តសៀមរាប ក្លាយទៅជាទីក្រុងធំបំផុតទី២ នៅប្រទេសកម្ពុជា។ ម៉្យាងវិញទៀត ក្រុងព្រះសីហនុនៅមានសក្តានុពលផ្សេងទៀត ដែលនេះនឹងអនុញ្ញាតឲ្យអ្នកអភិវឌ្ឍន៍ក្នុងស្រុក […]
អានបន្ថែម
OCIC to open the second phase of Olympia Mall in 2020
Overseas Cambodian Investment Corporation (OCIC), Cambodia’s leading developer is set to open the second phase of its Olympia Mall project in 2020. OCIC is renowned for its infrastructure projects and Olympia Mall opened its first phase on 22 June 2019. Construction & Property Magazine reporter Ms Khat Leakhena sat down with Mr Sao Monasy, leasing […]
អានបន្ថែម
តើប្រព័ន្ធ QR កូតថ្មីនេះ នឹងអាចជួយអ្វីខ្លះដល់វិស័យលក់រាយនៅកម្ពុជា?
ជាមួយនឹងការកើនឡើងនៃវិស័យសំណង់ដ៏គួរអោយកត់សម្គាល់ ក្នុងនោះក៏មានគម្រោងផ្សារទំនើបលក់រាយជាច្រើនកំពុងរីកលូតលាស់ដូចផ្សិតផងដែរ ដូចេ្នះកម្ពុជានឹងមានប្រព័ន្ធ QR កូត ដែលជាលេខកូដ សម្រាប់ទូទាត់សាច់ប្រាក់នៅពេលទិញទំនិញអ្វីមួយនៅតាមផ្សារទំនើបទាំងអស់នោះ។ បច្ចុប្បន្ននេះមានការផ្គត់ផ្គង់លក់រាយមានទំហំប្រមាណ ៣០០,០០០ ម៉ែត្រការ៉េ នៅក្នុងប្រទេសកម្ពុជា។ របាយការណ៍របស់ CBRE បង្ហាញថានៅឆ្នាំ ២០២៤ ផ្សារទំនើបនឹងកើនឡើងដល់ ៤៩៦,៨៥៧ ម៉ែត្រការ៉េ រីថែរផូឌេមនឹងកើនឡើងដល់ ១៤៣,៩៥៦ ម៉ែត្រការ៉េ ហើយផ្សារសហគមន៍ក៏នឹងពង្រីកដល់ប្រមាណ ១០០,០០០ ម៉ែត្រការ៉េផងដែរ។ លោក James Hodge នាយកក្រុមហ៊ុន CBRE Cambodia បានមានប្រសាសន៍ថា“ទីផ្សារលក់រាយនៅភ្នំពេញកំពុងមានការរីកចម្រើនយ៉ាងឆាប់រហ័ស មិនត្រឹមតែទំហំអគារដែលត្រូវបានសាងសង់សម្រាប់ទីផ្សារលក់រាយប៉ុណ្ណោះទេ ប៉ុន្តែថែមទាំងអតិថិជនមានការរំពឹងទុកខ្ពស់ក្នុងការដើរទិញទំនិញបែបទំនើបផងដែរ” ។ លោក Hodge ក៏បានមានប្រសាសន៍ថា “ប្រព័ន្ធទូទាត់សាច់ប្រាក់តែងតែត្រូវបានស្វាគមន៍បន្ថែម ព្រោះថាវាអាចផ្តល់នូវភាពបត់បែនកាន់តែច្រើន និងផ្តល់ព័ត៌មានជាច្រើនទៀតដែលអាចប្រមូលយកមកប្រើប្រាស់ដើម្បីជាប្រយោជន៍ដល់អ្នកលក់រាយនិងអ្នកប្រើប្រាស់ជាបន្តបន្ទាប់។” កាលពីខែកុម្ភៈ ធនាគារកណ្តាលកម្ពុជានិងថៃបានចុះហត្ថលេខាលើអនុស្សារណៈយោគយល់គ្នាស្តីពីកិច្ចសហប្រតិបត្តិការក្នុងគម្រោងទូទាត់ប្រាក់ដោយផ្អែកលើ QR កូដ និងការអភិវឌ្ឍន៍ផ្នែកហិរញ្ញវត្ថុ បើយោងតាមសេចក្តីថ្លែងការណ៍របស់ធនាគារជាតិនៃកម្ពុជា។ កម្មវិធីទូរស័ព្ទដៃនៃការគិតលុយQRកូតនេះ នឹងជួយជំរុញការប្រើប្រាស់រូបិយប័ណ្ណក្នុងស្រុករវាងប្រទេសនីមួយៗ។ លោកជំទាវ ជា សិរី អគ្គនាយិកានៃអគ្គនាយកដ្ឋានបច្ចេកទេសធនាគារជាតិនៃកម្ពុជា បាននិយាយកាលពីខែសីហាថា ជាមួយនឹងកម្មវិធីទូរស័ព្ទដៃនៃការគិតលុយQRកូតនេះ ប្រជាជនកម្ពុជានឹងអាចប្រើប្រាក់រៀលដើម្បីទិញទំនិញនៅប្រទេសថៃខណៈពេលដែលជនជាតិថៃធ្វើដំណើរមកកម្ពុជានឹងអាចបង់ជាប្រាក់បាត។ […]
អានបន្ថែម
ទីផ្សារអចលនទ្រព្យតាមអនឡាញនឹងមានសន្ទុះខ្លាំងស្របពេលដែលសេចក្តីព្រាងច្បាប់អនឡាញនៅកម្ពុជាបានអនុម័ត
អ្នកលក់អចលនទ្រព្យនឹងប្រើប្រាស់សេវាកម្មអនឡាញដើម្បីលើកកម្ពស់ចំនួននៃការលក់ខណៈពេលដែលសេចក្តីព្រាងច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិចត្រូវបានអនុម័តដោយរដ្ឋសភាជាតិរួចហើយ។ ថ្លែងនៅក្នុងកម្មវិធី Property Market Update ដែលរៀបចំឡើងដោយក្រុមហ៊ុនវាយតម្លៃអចលនទ្រព្យ Vtrust Appraisal នៅថ្ងៃទី ២៥ ខែតុលា លោក គុយ វ៉ាត អគ្គនាយកក្រុមហ៊ុនបានចាត់ទុកការធ្វើទីផ្សារតាមអ៊ិនធឺណេតជាចក្ខុវិស័យមួយសម្រាប់ការរីកចម្រើននិងលើកកម្ពស់ការលក់អចលនទ្រព្យនៅកម្ពុជា។ លោកបានមានប្រសាសន៍ថា៖ «ដើម្បីសម្រួលដល់អ្នកវិនិយោគ ការទិញនិងលក់តាមរយៈអនឡាញនឹងជួយឱ្យមានភាពងាយស្រួល…ហើយការទិញលក់កាន់តែមានការកើនឡើង»។ ការមានផែនទី ជាមួយនឹងតម្លៃលើតំបន់នៃអចលនទ្រព្យគឺជាអាទិភាពដំបូងគេដែលត្រូវបានអនុវត្តដើម្បីឱ្យប្រជាជនមានភាពងាយស្រួលក្នុងការទទួលបានព័ត៌មានអំពីអចលនទ្រព្យ ជាពិសេស គឺតម្លៃ។ សេចក្តីព្រាងច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិករបស់ប្រទេសកម្ពុជាត្រូវបានអនុម័តបន្ទាប់ពីការរៀបចំពីក្រសួងពាណិជ្ជកម្មដោយមានជំនួយពីធនាគារអភិវឌ្ឍន៍អាស៊ី។ ច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិចនេះ នឹងដើរតួយ៉ាងសំខាន់ដើម្បីជួយដល់ការអភិវឌ្ឍន៍យុទ្ធសាស្ត្រឌីជីថលរបស់ប្រទេសកម្ពុជា។
អានបន្ថែម
ការរីកដុះដាលនៃសំណង់ បណ្តាលឱ្យមានការប្រកួតប្រជែងនូវអត្រាការប្រាក់កម្ចីនៃការទិញផ្ទះ
ស្របពេលដែលចំនួនសំណង់ផ្ទះកំពុងកើនឡើងពី ៣.០៥២ គម្រោងដែលមានតម្លៃ ៦,៤ ពាន់លានដុល្លារក្នុងឆ្នាំ ២០១៧ ដល់ ៤៣.១៣៦ គម្រោងដែលមានតម្លៃជាង ៤៣,៣ ពាន់លានដុល្លារក្នុងឆ្នាំ ២០១៨ នេះបើយោងតាមតួលេខរបស់ក្រសួងរៀបចំដែនដីនគរូបនីយកម្មនិងសំណង់ ភាពប្រកួតប្រជែងលើអត្រាការប្រាក់កម្ចីទិញផ្ទះរបស់ធនាគារនីមួយៗចាប់ផ្តើមបង្ហាញពីគោលការណ៍រៀងៗខ្លួន។ សម្រាប់អ្នកដែលកំពុងស្វែងរកទិញផ្ទះ ស្ថាប័នហិរញ្ញវត្ថុចាប់ផ្តើមទម្លាក់អត្រាការប្រាក់កម្ចីទិញផ្ទះមកនៅត្រឹម ៤% -៨% ដែលជាឱកាសសម្រាប់អ្នកដែលអាចមានលទ្ធភាពទិញផ្ទះតម្លៃបច្ចុប្បន្ន ចំពោះធនាគារកាណាឌីយ៉ាតម្លៃការប្រាក់នៃការទិញផ្ទះចុះនៅត្រឹមតែ ៦%ប៉ុណ្ណោះ នេះបើតាមការបញ្ជាក់របស់លោក ឈិន សុចិត្ត បុគ្គលិកនៅធនាគារកាណាឌីយ៉ាប្រាប់ទស្សនាវដ្តីសំណង់ និងអចលនទ្រព្យកាលពីពេលថ្មីៗនេះ។ អត្រាការប្រាក់នៃប្រាក់កម្ចីទិញផ្ទះនៃធនាគារ Bred Bank បានបង្ហាញថាមានចំនួន ៦,៦% រួមទាំងគោលការណ៍ និងលក្ខខណ្ឌដែលអាចប្រើប្រាស់បានសម្រាប់ការខ្ចីជាបុគ្គលឬខ្ចីរួមគ្នា។ ចំណែកឯ អត្រាការប្រាក់នៃប្រាក់កម្ចីទិញផ្ទះរបស់ធនាគារជីបម៉ុងវិញ ក៏ផ្តល់ជូនអត្រាការប្រាក់ដែលគួរឱ្យចាប់អារម្មណ៍ផងដែរ ដែលមានចំនួន ៣,៩៩%សម្រាប់ឆ្នាំទី១ និង៧,៧%សម្រាប់ឆ្នាំទី ២ ទោះបីជាការផ្តល់ជូនប្រភេទនេះ ប្រើបានសម្រាប់តែការទិញផ្ទះនៅក្រុមហ៊ុនជីបម៉ុងលែនក៏ដោយ។ ផ្ទុយពីធនាគារផ្សេងទៀត ធនាគារកាណាឌីយ៉ាអាចផ្តល់នូវការប្រាក់កម្ចីទិញផ្ទះសម្រាប់ប្រើលើគម្រោងច្រើន ដោយសារតែធនាគារកាណាឌីយ៉ាមានការសហការជាមួយគម្រោងច្រើនដែលមានដូចជា ទីក្រុងរុងរឿង, ទីក្រុងកៀនស្វាយផ្លាហ្សា, អ៊ីលី, ទីក្រុងElite, ទីក្រុងអូឡាំពិក, Casa Meridian, អគារភ្លោះពេជ្រ, អគារមេគង្គរ៉ូយ៉ាល់, អ័រគីដេវីឡា […]
អានបន្ថែម
របាយកាណ៍៖ ការផ្គត់ផ្គង់វិស័យលក់រាយធ្លាក់ចុះជិត១៧% ប៉ុន្តែគម្រោងចំនួន៥ត្រូវបានប្រកាស
របាយការណ៍ទីផ្សារអចលនទ្រព្យនៅរាជធានីភ្នំពេញដែលចងក្រងដោយទីភ្នាក់ងារអចលនទ្រព្យអន្តរជាតិ CBRE Cambodia បានបង្ហាញថា ការផ្គត់ផ្គង់ក្នុងវិស័យលក់រាយសរុបនៅត្រីមាសទី ៣ ឆ្នាំ ២០១៩ បានធ្លាក់ចុះ ១៦,៩ ភាគរយ ក៏ប៉ុន្តែមានគម្រោងជាច្រើនទៀតត្រូវបានប្រកាស។ បង្ហាញនៅក្នុងកម្មវិធីដែលធ្វើឡើងនៅសណ្ឋាគារ Rosewood Hotel នៅថ្ងៃទី ១០ ខែតុលា ការធ្លាក់ចុះនេះ គឺដោយសារតែមានការបិទផ្សារទំនើបសុវណ្ណាបណ្តោះអាសន្ន សម្រាប់ជួសជុលកែលម្អឡើងវិញ ដែលនេះ បានធ្វើឱ្យការផ្គត់ផ្គង់សរុបនៅក្នុងទីផ្សារសល់ត្រឹម ៣០ ម៉ឺនម៉ែត្រការ៉េ។ ទោះបីជាមានការធ្លាក់ចុះយ៉ាងខ្លាំងក៏ដោយ ក៏វិស័យលក់រាយ មានស្តុកថ្មីចំនួន ២៥០០ ម៉ែត្រការ៉េ ពីផ្សារទំនើប The Point Community សម្រាប់ផ្ទៃក្រឡាសម្រាប់ជួល។ លើសពីនេះទៀត គម្រោងថ្មីចំនួន ៥ ត្រូវបានប្រកាសក្នុងត្រីមាសនេះ ដោយបន្ថែមទំហំផ្ទៃក្រឡាប្រមាណជា ៦៩,០០០ ម៉ែត្រការ៉េ ចូលទៅក្នុងប្រភេទផ្សារទំនើបបែបសហគមន៍ និងផ្នែកផ្សារទំនើបធម្មតា។ ក្នុងរយៈពេលត្រីមាសដូចគ្នា ការជួលជាមធ្យមនៅតែមានស្ថេរភាព ដោយប្រភេទផ្សារទំនើបបែបសហគមន៍មានការប្រែប្រួលវិជ្ជមាន៣,៣ ភាគរយ ដោយតម្លៃជួលផ្ទៃក្រឡាគឺប្រមាណជា ២៤,៥ ដុល្លារអាមេរិកក្នុងមួយម៉ែត្រការ៉េក្នុងរយៈពេលមួយខែ។ លោក James Hodge នាយកក្រុមហ៊ុន […]
អានបន្ថែម