ការពង្រឹងចំណងមិត្តភាពឆ្លងទ្វីប៖ កម្ពុជា និងគុយបា ត្រៀមចុះអនុស្សារណៈនៃការយោគយល់គ្នាលើកិច្ចសហប្រតិបត្តិការទេសចរណ៍
ភាពជាដៃគូយុទ្ធសាស្ត្រមានគោលបំណងជំរុញការផ្លាស់ប្តូរភ្ញៀវទេសចរ និងពិពិធកម្មសេដ្ឋកិច្ច តាមរយៈព្រឹត្តិការណ៍ពិព័រណ៍អន្តរជាតិ និងកម្មវិធីទស្សនកិច្ចសិក្សា ព្រះរាជាណាចក្រកម្ពុជា និងសាធារណរដ្ឋគុយបា បានឈានដល់កិច្ចព្រមព្រៀងដ៏សំខាន់មួយក្នុងការបង្កើនកិច្ចសហប្រតិបត្តិការទ្វេភាគីក្នុងវិស័យទេសចរណ៍ឱ្យកាន់តែស៊ីជម្រៅ។ ការវិវត្តន៍ថ្មីនេះបានកើតឡើងបន្ទាប់ពីកិច្ចប្រជុំពិភាក្សាការងារកម្រិតខ្ពស់កាលពីថ្ងៃទី ១០ ខែកុម្ភៈ ឆ្នាំ ២០២៦ រវាងឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងឯកឧត្តម Adalberto Venero Lemus អនុរដ្ឋមន្ត្រីក្រសួងទេសចរណ៍នៃសាធារណរដ្ឋគុយបា។ ក្នុងជំនួបនោះ ភាគីទាំងពីរបានបង្ហាញពីការប្តេជ្ញាចិត្តយ៉ាងមុតមាំក្នុងការបង្កើតភាពជាដៃគូទេសចរណ៍ប្រកបដោយចីរភាព ដោយប្រើប្រាស់សក្ដានុពលបេតិកភណ្ឌវប្បធម៌ និងតំបន់ទេសចរណ៍ធម្មជាតិដ៏សម្បូរបែបរបស់ប្រទេសទាំងពីរ។ ជាផ្នែកមួយនៃកិច្ចសហការនាពេលខាងមុខ ក្រសួងទាំងពីរបានឯកភាពគ្នាក្នុងការចុះហត្ថលេខាលើអនុស្សារណៈនៃការយោគយល់គ្នា (MoU) ជាផ្លូវការ ក្នុងអំឡុងពេលព្រឹត្តិការណ៍ពិព័រណ៍ទេសចរណ៍អន្តរជាតិនៅក្នុងប្រទេសគុយបា និងការរៀបចំ FAM Trip ទៅវិញមករវាងប្រទេសទាំងពីរ ដើម្បីសហការជម្រុញវិស័យទេសចរណ៍ ពិពិធកម្មសេដ្ឋកិច្ច និងទីផ្សារទេសចរណ៍ ស្របពេលដែលការធ្វើដំណើរទៅមករវាងប្រទេសទាំងពីរមានភាពងាយស្រួលតាមរយៈជើងហោះហើររបស់ក្រុមហ៊ុនអាកាសចរណ៍តួកគី (Turkish Airlines) ពីរាជធានីភ្នំពេញ និងរដ្ឋធានីឡាហាវ៉ាណា ដោយឆ្លងកាត់តាមទីក្រុងអ៊ីស្តាន់ប៊ុល នៃសាធារណរដ្ឋតួកគីយ៉េ។ កិច្ចព្រមព្រៀងនេះនឹងបម្រើជាក្របខ័ណ្ឌយុទ្ធសាស្ត្រសម្រាប់ការរៀបចំសកម្មភាពផ្សព្វផ្សាយរួមគ្នា និងការរៀបចំកម្មវិធីទស្សនកិច្ចសិក្សាដែលអនុញ្ញាតឱ្យអ្នកជំនាញទេសចរណ៍ និងប្រព័ន្ធផ្សព្វផ្សាយនៃប្រទេសទាំងពីរបានចុះទៅស្វែងយល់ផ្ទាល់ពីគោលដៅទេសចរណ៍សំខាន់ៗ។ គំនិតផ្ដួចផ្ដើមទាំងនេះត្រូវបានរៀបចំឡើងដើម្បីបង្កើនការយល់ដឹងនៅលើទីផ្សារ និងលើកទឹកចិត្តឱ្យមានការរៀបចំដំណើរកម្សាន្តកាន់តែសម្បូរបែបសម្រាប់ភ្ញៀវទេសចរអន្តរជាតិដែលមកទស្សនាតំបន់ទាំងពីរ។ ភាពជាដៃគូនេះបានកើតឡើងចំពេលដែលការធ្វើដំណើររវាងប្រទេសទាំងពីរកាន់តែមានភាពងាយស្រួល តាមរយៈបណ្តាញហោះហើររបស់ក្រុមហ៊ុនអាកាសចរណ៍នានា។ លើសពីវិស័យទេសចរណ៍បែបប្រពៃណី កិច្ចសហប្រតិបត្តិការនេះក៏ផ្ដោតលើពិពិធកម្មសេដ្ឋកិច្ច ក្នុងគោលបំណងបង្កើតឱកាសថ្មីៗសម្រាប់ការវិនិយោគ និងការអភិវឌ្ឍសេវាកម្មក្នុងឧស្សាហកម្មបដិសណ្ឋារកិច្ច។ […]
អានបន្ថែម
កម្ពុជា-ឡាវ ឯកភាពរួមគ្នា ជំរុញផ្សព្វផ្សាយទីផ្សារទេសចរណ៍ “ប្រទេសពីរ គោលដៅតែមួយ”
កិច្ចព្រមព្រៀងសហប្រតិបត្តិការថ្មីផ្តោតលើការធ្វើដំណើរប្រកបដោយរលូន និងការធ្វើទីផ្សាររួមគ្នា ដើម្បីជំរុញកំណើនសេដ្ឋកិច្ចក្នុងតំបន់ កម្ពុជា និងឡាវ បានសម្រេចឯកភាពរួមគ្នាជំរុញផ្សព្វផ្សាយទីផ្សារទេសចរណ៍រួមគ្នាតាមរយៈយុទ្ធនាការផ្សព្វផ្សាយ “ប្រទេសពីរ គោលដៅតែមួយ” សំដៅទាក់ទាញកំណើនទេសចរណ៍ទ្វេភាគីឱ្យកាន់តែប្រសើរឡើង។ ការឯកភាពនេះ បានធ្វើឡើងក្នុងកិច្ចប្រជុំរដ្ឋមន្ត្រីទេសចរណ៍ទ្វេភាគីកម្ពុជា-ឡាវ លើកទី២ រវាងឯកឧត្ដម ហួត ហាក់ រដ្ឋមន្ត្រីក្រសួងទេសចរណ៍ ជាមួយលោកជំទាវ Darany Phommavongsa អនុរដ្ឋមន្ត្រីក្រសួងវប្បធម៌ និងទេសចរណ៍នៃសាធារណរដ្ឋប្រជាធិបតេយ្យប្រជាមានិតឡាវ កាលថ្ងៃទី១៥ ខែធ្នូ ឆ្នាំ២០២៥។ នាឱកាសនោះ កម្ពុជា និងឡាវ បានឯកភាពលើអនុស្សរណៈនៃការយោគយល់គ្នាស្តីកិច្ចសហប្រតិបត្តិការក្នងវិស័យទេសចរណ៍ នឹងចូលរួមចំណែកជួយពង្រឹងកិច្ចសហប្រតិបត្តិការទេសចរណ៍ទ្វេភាគីកម្ពុជា-ឡាវ។ អនុស្សរណៈនេះ គឺនឹងអនុវត្តន៍តាមរយៈការសម្របសម្រួលការធ្វើដំណើររបស់អ្នកធ្វើដំណើរ និងភ្ញៀវទេសចរជាតិ និងអន្តរជាតិ ការអភិវឌ្ឍធនធានមនុស្ស ការធ្វើទីផ្សារទេសចរណ៍ និងផ្សព្វផ្សាយរួមគ្នាដូចជាការបង្កើតយុទ្ធនាការផ្សព្វផ្សាយ “ប្រទេសពីរ គោលដៅតែមួយ” និងការអភិវឌ្ឍផលិតផលទេសចរណ៍រួមគ្នា ជាពិសេសនៅក្នុងផ្នែកបេតិកភណ្ឌវប្បធម៌ ម្ហូបអាហារ ទេសចរណ៍ផ្អែកលើសហគមន៍ និងទេសចរណ៍បរិស្ថាន។ កម្ពុជា-ឡាវ បានបង្ហាញជំនឿថា ការអនុវត្តរួមគ្នានូវយន្តការខាងលើ នឹងអាចជំរុញលំហូរភ្ញៀវទេសចរបន្ថែមទៀតមកទស្សនានៅកម្ពុជា និងឡាវ ដែលជាកត្តាដ៏សំខាន់ក្នុងការពង្រឹងចំណងសាមគ្គីភាព មិត្តភាព និងកិច្ចសហប្រត្តិបត្តិការគ្រប់ជ្រុងជ្រោយរវាងប្រទេសទាំងពីរ និងប្រជាជនទាំងពីរ ព្រមទាំងកំណើនសេដ្ឋកិច្ច និងជីវភាពរបស់ប្រជាពលរដ្ឋទាំងពីរ សម្រាប់ចក្ខុវិស័យ […]
អានបន្ថែម
១០ខែ កម្ពុជាទទួលបានភ្ញៀវទេសចរអន្តរជាតិជិត ៥លាននាក់ ខណៈភ្ញៀវទេសចរចិននៅតែនាំមុខ
ជាមួយនឹងភ្ញៀវទេសចរអន្តរជាតិចំនួន ៤,៨ លាននាក់ដែលត្រូវបានកត់ត្រាទុកក្នុងរយៈពេលដប់ខែដំបូងនៃឆ្នាំ ២០២៥ ព្រះរាជាណាចក្រនេះពឹងផ្អែកយ៉ាងខ្លាំងទៅលើយុទ្ធនាការ «ឆ្នាំទេសចរណ៍» ជាយុទ្ធសាស្ត្ររបស់ខ្លួនជាមួយប្រទេសចិន ដើម្បីពង្រឹងការស្តារឡើងវិញក្រោយជំងឺរាតត្បាត និងជំរុញកំណើនសេដ្ឋកិច្ច។ ១០ខែ គិតចាប់ពីខែមករា-ខែតុលា ឆ្នាំ២០២៥ កម្ពុជា ទទួលបានភ្ញៀវទេសចរអន្តរជាតិសរុបប្រមាណជិត៥លាននាក់ ខណៈភ្ញៀវទេសចរមកពីប្រទេសចិននៅតែនាំមុខគេ។ នេះបើយោងតាមពិធីបើកវេទិកាទេសចរណ៍ កម្ពុជា-ចិន ឆ្នាំ២០២៥ ក្រោមប្រធានបទ «ឆ្នាំទេសចរណ៍កម្ពុជា-ចិន៖ ការចាប់យកកាលានុវត្តភាពទីផ្សារទេសចរណ៍ចិន ឆ្ពោះទៅការកសាងសហគមន៍ជោគវាសនារួម» កាលពីថ្ងៃទី២៧ ខែវិច្ឆិកា ឆ្នាំ២០២៥។ នៅក្នុងវេទិកានោះ បានឱ្យដឹងថា យោងតាមរយៈស្ថិតិទេសចរណ៍រយៈពេល១០ខែ ក្នុងឆ្នាំ២០២៥ នេះ កម្ពុជាទទួលបានភ្ញៀវទេសចរអន្តរជាតិសរុបបានប្រមាណ ៤,៨ លាននាក់ ដែលក្នុងនោះ ភ្ញៀវទេសចរមកពីមិត្តចិនមានចំនួនប្រមាណជិត ១លាននាក់ដែលនាំមុខគេ។ ដូចនេះ កម្ពុជាត្រូវតែត្រៀមលក្ខណសម្បត្តិឱ្យគ្រប់គ្រាន់ក្នុងការទទួលស្វាគមន៍ការត្រឡប់មកវិញនូវភ្ញៀវទេសចរ និងវិនិយោគិនចិន តាមរយៈការសម្រួលបរិយាកាសទទួលបដិសណ្ឋារកិច្ចដល់ភ្ញៀវទេសចរ និងវិនិយោគិនរបស់ចិននៅកម្ពុជា។ ឯកឧត្តមរដ្ឋមន្រ្តី ហួត ហាក់ បានចាត់ទុកថា ភ្ញៀវទេសចរ និងវិនិយោគិនចិននៅតែជាទីផ្សារនាំមុខរបស់ប្រទេសកម្ពុជា ដែលកម្ពុជាត្រៀមរួចជាស្រេចដើម្បីទទួលស្វាគមន៍ការអញ្ជើញមកទស្សនា និងការបណ្តាក់ទុនវិនិយោគ។ បន្ថែមលើនេះទៀត ឯកឧត្តមរដ្ឋមន្រ្តី ក៏បានស្នើគ្រប់ភាគីទាំងអស់ ត្រូវបន្តជួយផ្សព្វផ្សាយសក្តានុពលទេសចរណ៍កម្ពុជា កាលានុវត្តភាពវិនិយោគ ជាពិសេសប្រទេសកម្ពុជា […]
អានបន្ថែម
ក្រសួងពីរ ចាប់ដៃសហការគ្នាបង្កើតបណ្តាញអេកូទេសចរណ៍ថ្មី
ក្រសួងទេសចរណ៍ និង ក្រសួងកសិកម្ម រុក្ខាប្រមាញ់ និងនេសាទ បានចាប់ដៃគ្នាចុះហត្ថលេខាលើអនុស្សរណៈយោគយល់គ្នាចំនួន ៤ ក្នុងការបង្កើតបណ្តាញអេកូទេសចរណ៍ថ្មីចំនួនពីរកន្លែង។ ពិធីចុះហត្ថលេខាលើអនុស្សរណៈយោគយល់គ្នារវាងក្រសួងទាំងពីរ បានធ្វើឡើងរវាង ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិគ្រប់គ្រង និងអភិវឌ្ឍសហគមន៍ទេសចរណ៍ និងអេកូទេសចរណ៍ ជាមួយ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងជាអនុប្រធានគណៈកម្មាធិការជាតិគ្រប់គ្រង និងអភិវឌ្ឍសហគមន៍ទេសចរណ៍និងអេកូទេសចរណ៍ កាលពីថ្ងៃទី២៤ ខែវិច្ឆិកា។ អនុស្សរណៈនៃការយោគយល់គ្នាចំនួន ៤ ដែលភាគីទាំងពីរបានចុះរួមគ្នានោះ រួមមាន៖ ១. អនុស្សរណៈយោគយល់គ្នាស្តីពីការជំរុញការអភិវឌ្ឍបណ្តាញអេកូទេសចរណ៍បឹងទន្លេសាបសម្រាប់ឆ្នាំ២០២៦ ២. អនុស្សរណៈនៃការយោគយល់គ្នាស្តីពីការបង្កើតបណ្តាញអេកូទេសចរណ៍តំបន់មេគង្គ ៣. ការបង្កើតបណ្តាញអេកូទេសចរណ៍តំបន់ជួរភ្នំក្រវាញ និង ៤. កិច្ចព្រមព្រៀងអនុវត្តគម្រោងស្តីពីការពង្រឹងការអភិវឌ្ឍទេសចរណ៍នៅតំបន់ជួរភ្នំក្រវាញ សម្រាប់ឆ្នាំ២០២៥-២០២៧។ ក្នុងពិធីចុះអនុស្សរណៈនៃការយោគយល់គ្នានេះ លោករដ្ឋមន្ត្រីក្រសួងទេសចរណ៍ រួមជាមួយលោករដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ក៏បានប្រគល់វិញ្ញាបនបត្រជូនសហគមន៍ដែលត្រូវបានទទួលស្គាល់ជាសហគមន៍ទេសចរណ៍ និងអេកូទេសចរណ៍ ចំនួន ៦ ព្រមទាំងប្រគល់ជ័យលាភីជូនសហគមន៍ទេសចរណ៍ និងអេកូទេសចរណ៍គំរូ ឆ្នាំ២០២៥ ចំនួន […]
អានបន្ថែម
បារាំងផ្តួចផ្តើមរៀបចំឧទ្យានទេសចរណ៍ដ៏ធំពុំធ្លាប់មាននៅប្រទេសកម្ពុជា
ក្រុមហ៊ុន ARGUENDO Film ដែលជាក្រុមហ៊ុនវិនិយោគរបស់បារាំង មានបំណងចង់បង្កើតឧទ្យានទេសចរណ៍ដ៏ធំមួយពុំធ្លាប់មាននៅប្រទេសកម្ពុជា និងតែមួយគត់ដែលផ្សារភ្ជាប់បេតិកភណ្ឌពិភពលោក គឺប្រាសាទអង្គរវត្តក្នុងខេត្តសៀមរាបរបស់ប្រទេសកម្ពុជា។ នេះបើយោងតាមជំនួបពិភាក្សារវាងឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ជាមួយលោក PHILIPPE VIDAL ប្រធានក្រុមហ៊ុន ARGUENDO Film (បារាំង) កាលថ្ងៃទី២៣ ខែវិច្ឆិកា ឆ្នាំ២០២៥។ នៅក្នុងជំនួបនោះ តំណាងប្រធានក្រុមហ៊ុន ARGUENDO Film (បារាំង) បានធ្វើបទបង្ហាញពីគម្រោងរៀបចំឧទ្យានទេសចរណ៍ដ៏ធំពុំធ្លាប់មាននៅប្រទេសកម្ពុជា និងតែមួយគត់ដែលផ្សារភ្ជាប់បេតិកភណ្ឌពិភពលោក គឺប្រាសាទអង្គរវត្ត និងបច្ចេកវិទ្យាចុងក្រោយបំផុត ដែលអាចទទួលភ្ញៀវចូលទស្សនាជិត៣០០.០០០នាក់ក្នុងមួយឆ្នាំ នៅខេត្តសៀមរាប។ លោកថា ឧទ្យានទេសចរណ៍បែបនេះ ជាផលិតផលទេសចរណ៍ដែលមានតម្លែបន្ថែម និងបានផ្សារភ្ជាប់ជាមួយបេតិកភណ្ឌពិភពលោក និងប្រវត្តិសាស្រ្តដ៏រុងរឿង និងយូរលង់របស់កម្ពុជា ពិតជាអាចទាក់ទាញភ្ញៀវទេសចរជាតិ និងអន្តរជាតិ មកទស្សនាខេត្តសៀមរាបឱ្យបន្តស្នាក់នៅយូរថ្ងៃបន្ថែមទៀត។ ជាការឆ្លើយតប រដ្ឋមន្ត្រីក្រសួងទេសចរណ៍ បានបង្ហាញការគាំទ្រគម្រោងនេះ និងផ្តល់សហការធ្វើយ៉ាងណាឱ្យគម្រោងនេះសម្រេចជាលទ្ធផលផ្លែផ្កា ដើម្បីជួយទាក់ទាញភ្ញៀវទេសចរជាតិ និងអន្តរជាតិឱ្យមកទស្សនាប្រទេសកម្ពុជា ក៏ដូចជាបង្ហាញនូវសក្តានុពលទេសចរណ៍កម្ពុជា។ សូមរំឭកថា រយៈពេល ៨ខែ ឆ្នាំ២០២៥នេះ កម្ពុជាទទួលបានទេសចរអន្តរជាតិរហូតដល់ជាង ៤លាននាក់ ស្របពេលដែលទេសចរជាតិមានចំនួន […]
អានបន្ថែម