គម្រោងអភិវឌ្ឍន៍ធនធានទឹកស្ទឹងឃ្លៀច ក្នុងខេត្តកំពង់ស្ពឺ សាងសង់សម្រេចបាន ១៥% ហើយ
វឌ្ឍនភាពការងារគម្រោងអភិវឌ្ឍន៍ធនធានទឹកស្ទឹងឃ្លៀច ក្នុងភូមិសាស្ត្រខេត្តកំពង់ស្ពឺ ដែលមានសមត្ថភាពផ្តល់ទឹកស្រោចស្រពលើផ្ទៃដីស្រូវប្រាំង និងវស្សាប្រមាណ ៤០០០០ហិកតា បច្ចុប្បន្នសាងសង់សម្រេចបានប្រមាណ ១៥% ហើយ។ នេះបើយោងតាមដំណើរទស្សនកិច្ចគម្រោងផ្ទាល់ ដឹកនាំដោយ ឯកឧត្តមរដ្ឋមន្ត្រី ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម កាលថ្ងៃទី២៤ ខែកុម្ភៈ ឆ្នាំ២០២៦។ នាឱកាសនោះ ឯកឧត្តម ថោ ជេដ្ឋា បានឱ្យដឹងថា គម្រោងអភិវឌ្ឍន៍ធនធានទឹកស្ទឹងឃ្លៀច គឺមានទីតាំងស្ថិតក្នុងភូមិត្រពាំងថ្មៀរ ឃុំតាសាល និងភូមិសាមគ្គី ឃុំរស្មីសាមគ្គី ស្រុកឱរ៉ាល់ ខេត្តកំពង់ស្ពឺ។ ឯកឧត្តមបន្តថា គម្រោងនេះ ស្ថិតនៅចម្ងាយប្រមាណ ៨២គីឡូម៉ែត្រ ពីក្រុងច្បារមន នៃខេត្តកំពង់ស្ពឺ។ ឯកឧត្តមបញ្ជាក់ថា ហេដ្ឋារចនាសម្ព័ន្ធសំខាន់ៗរបស់គម្រោង រួមមាន៖ តួទំនប់មេ ១កន្លែង ទំនប់បង្ហៀរ ១កន្លែង ទ្វារទឹក ១កន្លែង អគារគ្រប់គ្រងទំនប់ ១កន្លែង ផ្លូវចូលទីតាំងគម្រោង ១ខ្សែ ប្រវែង ១៣គីឡូម៉ែត្រ និងសំណង់លូដោះទឹកមួយចំនួននៅតាមបណ្តោយផ្លូវ។ ការងារសាងសង់មានរយៈពេល ៣៦ខែ ដោយចាប់ផ្តើមនៅខែធ្នូ […]
អានបន្ថែម
គម្រោងប្រព័ន្ធស្រោចស្រពសហគមន៍តាសីសាមគ្គី សម្រេចបាន ៣៥% ដើម្បីជំរុញការដាំដុះបន្លែសុវត្ថិភាពពេញមួយឆ្នាំ
រធ្វើកសិកម្មតាមរយៈប្រព័ន្ធស្រោចស្រពទំនើបថ្មី ជួយបង្កើនចំណូលកសិករឱ្យដល់ ១,០០០ ដុល្លារក្នុងមួយខែ វិស័យកសិកម្មនៅក្នុងខេត្តបាត់ដំបងកំពុងឈានចូលដល់ដំណាក់កាលផ្លាស់ប្តូររូបរាងថ្មី ខណៈដែលគម្រោងអភិវឌ្ឍន៍ប្រព័ន្ធស្រោចស្រពសម្រាប់សហគមន៍កសិកម្មតាសីសាមគ្គី បានបោះជំហានសម្រេចលទ្ធផលបានប្រមាណ ៣៥% ហើយ នេះបើយោងតាមការចុះពិនិត្យវឌ្ឍនភាពការងារ កាលពីថ្ងៃទី១៩ ខែមករា ឆ្នាំ២០២៦ ដឹកនាំដោយឯកឧត្តម ឈា ប៊ុនរិទ្ធ រដ្ឋលេខាធិការប្រចាំការនៃក្រសួងធនធានទឹក និងឧតុនិយម បានចុះពិនិត្យវឌ្ឍនភាពការងារផ្ទាល់នៅទីតាំងគម្រោង ក្នុងស្រុកថ្មគោល ដើម្បីធានាថាហេដ្ឋារចនាសម្ព័ន្ធដ៏សំខាន់នេះនឹងត្រូវបញ្ចប់តាមស្តង់ដារបច្ចេកទេស និងទាន់ពេលវេលា។ គម្រោងនេះគឺជាផ្នែកមួយនៃយុទ្ធសាស្ត្រជាតិក្នុងការធ្វើទំនើបកម្មកសិកម្មតាមជនបទ ដោយបង្វែរការធ្វើកសិកម្មបែបប្រពៃណីដែលពឹងផ្អែកទាំងស្រុងលើទឹកភ្លៀង មកជាការដាំដុះបែបវិទ្យាសាស្ត្រដែលអាចគ្រប់គ្រងប្រភពទឹកបាន។ សហគមន៍កសិកម្មតាសីសាមគ្គី ដែលមានសមាជិកជាង ១៦០ គ្រួសារ ត្រូវបានចាត់ទុកជាសហគមន៍គំរូដែលទទួលបានជោគជ័យលើការដាំដុះបន្លែសុវត្ថិភាពក្នុងផ្ទះសំណាញ់ (Net-house)។ ការមានប្រព័ន្ធស្រោចស្រពដែលមានស្ថិរភាព នឹងជួយឱ្យកសិករអាចដាំដុះដំណាំបានពេញមួយឆ្នាំ ទោះបីជាស្ថិតក្នុងរដូវប្រាំងក៏ដោយ ដែលនេះជាគន្លឹះក្នុងការផ្គត់ផ្គង់បន្លែដូចជា ស្ពៃក្តោប ស្ពៃខៀវ និងសាឡាត់ ទៅកាន់ផ្សារទំនើបធំៗក្នុងរាជធានីភ្នំពេញប្រកបដោយនិរន្តរភាព។ ក្នុងដំណើរចុះពិនិត្យនេះ ឯកឧត្តម ឈា ប៊ុនរិទ្ធ បានសង្កត់ធ្ងន់លើសារៈសំខាន់នៃគុណភាពសំណង់ និងបានជំរុញឱ្យក្រុមការងារបន្តកិច្ចខិតខំប្រឹងប្រែងដើម្បីសម្រេចឱ្យបានតាមផែនការ។ វត្តមាននៃប្រព័ន្ធស្រោចស្រពថ្មីនេះ មិនត្រឹមតែជួយកាត់បន្ថយហានិភ័យពីគ្រោះរាំងស្ងួតប៉ុណ្ណោះទេ ប៉ុន្តែថែមទាំងជាឧបករណ៍ដ៏មានប្រសិទ្ធភាពក្នុងការលើកកម្ពស់ជីវភាពរបស់ប្រជាពលរដ្ឋ។ ជាក់ស្តែង កសិករក្នុងសហគមន៍នេះបានបង្ហាញថា ចាប់តាំងពីពួកគេបានងាកមកអនុវត្តវិធីសាស្រ្តកសិកម្មទំនើប ចំណូលប្រចាំខែរបស់ពួកគេបានកើនឡើងចន្លោះពី ៥០០ ទៅ ១,០០០ […]
អានបន្ថែម
គម្រោងប្រព័ន្ធប្រឡាយមេជើងឯក ក្នុងភូមិសាស្រ្តរាជធានីភ្នំពេញ៖ អំណឹះតទៅនឹងមិនមានជំនន់ជនលិចភាគខាងត្បូងទៀតទេ
ស្ថានីយបូមទឹកទំនើប និងប្រព័ន្ធប្រឡាយពង្រីកបន្ថែម ជិតបញ្ចប់ការសាងសង់ហើយ ខណៈដែលប្រទេសកម្ពុជាកំពុងពន្លឿនផែនការមេបង្វែរទឹកជំនន់ជាយុទ្ធសាស្ត្ររបស់ខ្លួន ស្ថានីយបូមទឹកនៃអនុគម្រោងប្រព័ន្ធប្រឡាយមេជើងឯក ដែលសម្រេចបានជិត ១០០% ក្នុងរាជធានីភ្នំពេញ គិតមកដល់ពេលនេះ សាងសង់សម្រេចបានជិត ១០០%ហើយ។នេះបើយោងតាមដំណើរចុះពិនិត្យគម្រោងជាក់ស្តែង ដឹកនាំដោយឯកឧត្តមរដ្ឋមន្ត្រី ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម កាលថ្ងៃទី២០ ខែមករា ឆ្នាំ២០២៦។ នាឱកាសនោះ ឯកឧត្តម ថោ ជេដ្ឋា បានឱ្យដឹងថា វឌ្ឍនភាពម្រោងស្ថានីយបូមទឹកចំនួនបីកន្លែងនៃអនុគម្រោងប្រព័ន្ធប្រឡាយមេជើងឯក នៃគម្រោងរំដោះទឹក និងពង្វាងទឹកចេញពីរាជធានីភ្នំពេញ ជំហាន១និងជំហាន២ សម្រេចបានជិត១០០% ក្នុងរាជធានីភ្នំពេញ។ ឯកឧត្តមបន្តថា អនុគម្រោងប្រព័ន្ធប្រឡាយមេជើងឯក ស្ថិតក្នុងភូមិសាស្ត្រខណ្ឌកំបូល និងខណ្ឌដង្កោ រាជធានីភ្នំពេញ មានការងារសំខាន់ៗដូចជា សំណង់ប្រឡាយមេ ៣ខ្សែ និងប្រឡាយតភ្ជាប់ ១ខ្សែ សរុបប្រវែង ២៦,៥គីឡូម៉ែត្រ និងសំណង់ស្ថានីយបូមទឹកចំនួន ៣កន្លែង គឺស្ថានីយបូមទឹកសាក់សំពៅ ស្ថានីយអន្លង់គង និងស្ថានីយព្រែកជ្រៃ។ សូមរំឭកដែរថា គម្រោងប្រព័ន្ធរំដោះទឹក និងពង្វាងទឹកចេញពីរាជធានីភ្នំពេញ និងតំបន់រណប ជំហានទី១ និងជំហាន២ មានអនុគម្រោងចំនួន១០ ក្នុងនោះ […]
អានបន្ថែម
ទំនប់អាងទឹកវិទ្យាស្ថានតេជោសែន ក្នុងភូមិសាស្ត្រខេត្តតាកែវសាងសង់បាន៦០% ហើយ
គម្រោងគ្រប់គ្រងទឹកជាយុទ្ធសាស្ត្រនៅស្រុកត្រាំកក់ ពុះពារបញ្ចប់តាមផែនការ ដើម្បីធានាប្រព័ន្ធធារាសាស្រ្តសម្រាប់គ្រួសារកសិករក្នុងស្រុក និងបង្កើនទិន្នផលកសិកម្ម ទំនប់អាងទឹកវិទ្យាស្ថានតេជោសែន ក្នុងភូមិសាស្ត្រខេត្តតាកែវ គិតមកពេលនេះបានសាងសង់សម្រេចបានប្រមាណ ៦០% ហើយ ខណៈគម្រោងនេះ ត្រូវបានរំពឹងថានឹងជួយបង្កើនសមត្ថភាពស្រោចស្រពបន្ថែមដល់ផ្ទៃដាំដុះដំណាំចំការចំនួន ១៥០ហិកតា ក្រោយបញ្ចប់ការសាងសង់។ នេះបើយោងតាមដំណើរចុះពិនិត្យគម្រោងជាក់ស្តែង ដឹកនាំដោយលោក ថាំង វីយុទ្ធដា ប្រធាននាយកដ្ឋានវិស្វកម្ម នៃក្រសួងធនធានទឹកនិងឧតុនិយម កាលថ្ងៃទី១១ ខែមករា ឆ្នាំ២០២៦។ គម្រោងទំនប់អាងទឹកវិទ្យាស្ថានតេជោសែន ស្ថិតក្នុងឃុំត្រពាំងក្រញូង ស្រុកត្រាំកក់ ខេត្តតាកែវ បានចាប់ផ្តើមអនុវត្តការងារសាងសង់នៅថ្ងៃទី៦ ខែតុលា ឆ្នាំ២០២៥ ដោយផ្តោតលើការងារសំខាន់ៗ រួមមាន៖ ១. សាងសង់ទំនប់អាងទឹក ប្រវែង ១៣០ម៉ែត្រ និង ២.សាងសង់សំណង់សិល្បការ្យសរុបចំនួន ២កន្លែង។ គិតមកដល់ពេលនេះវឌ្ឍនភាពការងារសម្រេចបានប្រមាណ៦០% និងគ្រោងបញ្ចប់ការងារនៅចុងខែកុម្ភៈ ខាងមុននេះ។ ក្នុងឱកាសនោះដែរ លោក ថាំង វីយុទ្ធដា ក៏បានណែនាំដល់ក្រុមការងារសាងសង់ឱ្យអនុវត្តការងារទៅតាមបទដ្ឋានបច្ចេកទេសឱ្យបានហ្មត់ចត់ និងជំរុញអនុវត្តការងារឱ្យសម្រេចបានតាមផែនការគ្រោងទុក។ សូមជម្រាបថា ការសាងសង់ទំនប់អាងទឹកវិទ្យាស្ថានតេជោសែន គឺក្នុងគោលបំណងស្តុកទឹកទុកសម្រាប់ប្រើប្រាស់ប្រចាំថ្ងៃ ជូនដល់ប្រជាពលរដ្ឋដែលរស់នៅតំបន់នោះ។ គម្រោងនេះនឹងជួយបង្កើនសមត្ថភាពស្រោចស្រពបន្ថែមដល់ផ្ទៃដាំដុះដំណាំចំការ ចំនួន ១៥០ហិកតា ជូនដល់ប្រជាកសិករប្រមាណ […]
អានបន្ថែម
គម្រោងប្រឡាយពង្វាងទឹកជំនន់រាជធានីភ្នំពេញ៖ ប្រឡាយរំដោះទឹករលាំងជ្រៃ-ស្លាគូនឹងដាក់ឱ្យប្រើប្រាស់ឆាប់ៗ
ប្រឡាយថ្មីប្រវែង ៥៨ គីឡូម៉ែត្រនៅខេត្តកំពង់ស្ពឺ សម្រេចបានវឌ្ឍនភាព ៩៩% ជាប្រព័ន្ធបង្វែរទឹកដ៏សំខាន់ដើម្បីរំដោះទឹកដែលតែងតែជនលិចទីក្រុងភ្នំពេញនៅរដូវវស្សា វឌ្ឍនភាពការងារប្រឡាយមេរលាំងជ្រៃស្លាគូនៃគម្រោងរំដោះទឹក និងពង្វាងទឹកចេញពីភូមិសាស្ត្ររាជធានីភ្នំពេញ ដែលស្ថិតនៅក្នុងខេត្តកំពង់ស្ពឺ បច្ចុប្បន្នសម្រេចបានប្រមាណ ៩៩%ហើយ។ នេះបើយោងតាមការចុះពិនិត្យវឌ្ឍនភាពការងារដោយផ្ទាល់ ដឹកនាំដោយឯកឧត្តមរដ្ឋមន្ត្រី ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម កាលថ្ងៃទី៣០ ខែវិច្ឆិកា ឆ្នាំ២០២៥។ ឯកឧត្តម ថោ ជេដ្ឋា បានឱ្យដឹងថា ប្រឡាយមេរលាំងជ្រៃខាងត្បូង(រលាំងជ្រៃ-ស្លាគូ) ស្ថិតក្នុងឃុំកាហែង ស្រុកសំរោងទង ខេត្តកំពង់ស្ពឺ ដែលសម្រេចបានប្រមាណ ៩៩% មានប្រវែង ៥៨,៤៥គីឡូម៉ែត្រ គឺជាផ្នែកមួយនៃគម្រោងប្រព័ន្ធរំដោះទឹក និងពង្វាងទឹកចេញពីភូមិសាស្ត្ររាជធានីភ្នំពេញ និងតំបន់ជុំវិញ។ ជាងនេះទៀត ប្រឡាយនេះមានតួនាទីជួយពង្វាងទឹកចេញពីស្ទឹងព្រែកត្នោត ពីប៉ែកខាងលើនៃខេត្តកំពង់ស្ពឺ ក្នុងបរិមាណ ២០០ម៉ែត្រគូបក្នុង១វិនាទី ដើម្បីជួយរម្លែកទឹកចេញពីស្ទឹងព្រែកត្នោត និងផ្ទៃរងទឹកភ្លៀងក្នុងតំបន់ឱ្យធ្លាក់ចូលទៅស្ទឹងស្លាគូ ផ្លូវជាតិលេខ៣ ក្នុងខេត្តតាកែវ។ឯកឧត្តម ថោ ជេដ្ឋា បានឱ្យដឹងថា ប្រឡាយមេរលាំងជ្រៃខាងត្បូង(រលាំងជ្រៃ-ស្លាគូ) ស្ថិតក្នុងឃុំកាហែង ស្រុកសំរោងទង ខេត្តកំពង់ស្ពឺ ដែលសម្រេចបានប្រមាណ ៩៩% ។ ប្រឡាយមេរលាំងជ្រៃស្លាគូនេះ […]
អានបន្ថែម
ទំនប់អាងស្តុកទឹកដ៏ធំបំផុតនៅកម្ពុជាក្នុងខេត្តពោធិ៍សាត់ សង់បាន ៤០% ជាប្រព័ន្ធធារាសាស្រ្តស្រោចស្រព ២៦២ ៥០០ ហិកតា
កម្ពុជាកំពុងជំរុញសាងសង់អាងស្តុកទឹកដ៏ធំបំផុតមួយស្ថិតក្នុងខេត្តពោធិ៍សាត់ គឺគម្រោងអភិវឌ្ឍន៍ទំនប់អាងទឹកលេខ២ ដែលជាគម្រោងហេដ្ឋារចនាសម្ព័ន្ធដ៏ធំមួយ សាងសង់ឡើងដើម្បីធានាការផ្គត់ផ្គង់ទឹកសម្រាប់វិស័យកសិកម្ម និងជួយទប់ស្កាត់ទឹកជំនន់នូវរដូវវស្សា។ គិតត្រឹមចុងខែវិច្ឆិកា ឆ្នាំ២០២៥ ការសាងសង់អាងស្តុកទឹកនេះ បានសម្រេចលទ្ធផលប្រមាណ ៤០% ហើយ។ គម្រោងនេះ បានចាប់ផ្តើមសាងសង់កាលពីខែមករា ឆ្នាំ២០២៥ ដោយមានទីតាំងស្ថិតនៅលើស្ទឹងប្រម៉ោយ ក្នុងឃុំរកាត ស្រុកភ្នំក្រវាញ ខេត្តពោធិ៍សាត់។ នៅពេលបញ្ចប់ការសាងសង់ ដែលគ្រោងក្នុងខែធ្នូ ឆ្នាំ២០២៧ អាងស្តុកទឹកនេះអាចផ្ទុកទឹកបានរហូតដល់ ៨៦០ លានម៉ែត្រគូប ដែលនឹងក្លាយជាអាងស្តុកទឹកដ៏ធំបំផុតនៅក្នុងប្រទេសកម្ពុជា នេះបើយោងតាមបណ្តាញផ្សព្វផ្សាយសង្គមរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានប្រកាសពីវឌ្ឍនភាពនេះ នៅថ្ងៃទី២៤ ខែវិច្ឆិកា ឆ្នាំ២០២៥ ដោយបានសរសេរលម្អិតពីសារៈសំខាន់របស់គម្រោងក្នុងការបង្កើនសន្តិសុខទឹកសម្រាប់ប្រទេស។ ទំនប់អាងស្តុកទឹកលេខ២នេះត្រូវបានសាងសង់ឡើងដើម្បីផ្តល់អត្ថប្រយោជន៍សំខាន់ចំនួន៤ធំៗ៖ ១. សមត្ថភាពស្តុកទឹក ៨៦០ លានម៉ែត្រគូប នឹងត្រូវបានប្រើប្រាស់ដើម្បីស្រោចស្រពលើផ្ទៃដីកសិកម្មប្រមាណ ២៦២ ៥០០ ហិកតា។ ២. គម្រោងទំនប់អាងស្តុកទឹកនេះ នឹងជួយឱ្យវិស័យកសិកម្មមានស្ថិរភាព និងអាចផ្គត់ផ្គង់ទឹកពេញមួយរដូវប្រាំង និងរដូវវស្សា ព្រមទាំគាំទ្រដល់ការពង្រីកវិស័យកសិកម្ម និងរួមចំណែកដល់សន្តិសុខស្បៀង។ គោលបំណងសំខាន់នៃគម្រោងនេះ គឺដើម្បីគ្រប់គ្រងលំហូរទឹក និងអាចកាត់បន្ថយទឹកជំនន់នៅរដូវវស្សា ដែលតែងតែជនលិចខ្លាំងនៅផ្នែកខាងក្រោមនៃខេត្តពោធិ៍សាត់ ដែលធ្លាប់រងការខូចខាតជាប្រចាំ។ […]
អានបន្ថែម
ទំនប់អាងទឹកវិទ្យាស្ថានតេជោសែន ក្នុងភូមិសាស្ត្រខេត្តតាកែវសាងសង់បាន៣០% ហើយ
ទំនប់អាងទឹកវិទ្យាស្ថានតេជោសែន ក្នុងភូមិសាស្ត្រខេត្តតាកែវ គិតមកពេលនេះ សាងសងស់សម្រេចបានប្រមាណ ៣០% ហើយ ខណៈគម្រោងនេះ ត្រូវបានរំពឹងថានឹងជួយបង្កើនសមត្ថភាពស្រោចស្រពបន្ថែមដល់ផ្ទៃដាំដុះដំណាំចំការចំនួន ១៥០ហិកតាក្រោយបញ្ចប់ការសាងសង់។ នេះបើយោងតាមដំណើរចុះពិនិត្យជាក់ស្តែងវឌ្ឍនភាពគម្រោងការងារសាងសង់ផ្ទាល់ ដែលដឹកនាំដោយលោក ថាំង វីយុទ្ធដា ប្រធាននាយកដ្ឋានវិស្វកម្ម តំណាងឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយមកាលថ្ងៃទី១៨ ខែវិច្ឆិកា ឆ្នាំ២០២៥។ ទំនប់អាងទឹកវិទ្យាស្ថានតេជោសែន គឺមានទីតាំងស្ថិតក្នុងឃុំត្រពាំងក្រញូង ស្រុកត្រាំកក់ ខេត្តតាកែវ។គម្រោងនេះ បានចាប់ផ្តើមអនុវត្តការងារសាងសង់នៅថ្ងៃទី៦ ខែតុលា ឆ្នាំ២០២៥។ ការងារសំខាន់ៗរបស់គម្រោងរួមមាន៖ ១. សាងសង់ទំនប់អាងទឹក ប្រវែង ១៣០ម៉ែត្រ និង ២.សាងសង់សំណង់សិល្បការ្យសរុបចំនួន ២កន្លែង ដោយគិតមកដល់ពេលនេះវឌ្ឍនភាពការងារទាំងមូលសម្រេចបានប្រមាណ៣០%។ ក្នុងឱកាសនោះដែរ ប្រធាននាយកដ្ឋានវិស្វកម្ម លោក ថាំង វីយុទ្ធដា ក៏បានណែនាំដល់ក្រុមការងារសាងសង់ឱ្យអនុវត្តការងារទៅតាមបទដ្ឋានបច្ចេកទេសឱ្យបានហ្មត់ចត់ និងជំរុញអនុវត្តការងារឱ្យសម្រេចបានតាមផែនការគ្រោងទុកផងដែរ។ បើតាមក្រសួងធនធានទឹក បានបញ្ជាក់ថា ការសាងសង់ទំនប់អាងទឹកវិទ្យាស្ថានតេជោសែន គឺក្នុងគោលបំណងស្តុកទឹកទុកសម្រាប់ប្រើប្រាស់ប្រចាំថ្ងៃជូនដល់ប្រជាពលរដ្ឋដែលរស់នៅតំបន់នោះ។ ក្រោយបញ្ចាប់សាងសង់ គម្រោងនេះនឹងជួយបង្កើនសមត្ថភាពស្រោចស្រពបន្ថែមដល់ផ្ទៃដាំដុះដំណាំចំការ ចំនួន ១៥០ហិកតា ជូនដល់បងប្អូនប្រជាកសិករប្រមាណ ១១៦គ្រួសារ ក្នុងភូមិត្រពាំងក្រញូង […]
អានបន្ថែម