គោលនយោបាយ និងផែនការយុទ្ធសាស្រ្ត
ក្រសួងមហាផ្ទៃបើកភ្លើងខៀវលើសំណើសុំបង្កើត ឃុំសង្កាតថ្មីចំនួន ៦
ក្រសួងមហាផ្ទៃបានផ្តល់ភ្លើងខៀវដល់រដ្ឋបាលខេត្តចំនួន ៦ សម្រាប់ការស្នើសុំបង្កើតឃុំថ្មីចំនួន ៦ ក៏ដូចជាសុំកែប្រែព្រំប្រទល់រដ្ឋបាលមួយចំនួននៅក្នុងខេត្ត។ យោងតាមលិខិតលេខ ១៤៦ សជណ/អរប ចុះថ្ងៃទី០៦ ខែកក្កដា ឆ្នាំ២០២១ របស់ក្រសួងមហាផ្ទៃ ឃុំសង្កាត់ ដែលបានស្នើបង្កើតថ្មីរួមមាន ឃុំបួរវិល ឃុំអូរកណ្តៀរសែនជ័យ ឃុំភ្នំក្រាំងដីមាស ឃុំយាយម៉ៅពេជ្រនិល សង្កាត់អូរជ្រៅ និង សង្កាត់អូរឫស្សី។ ឃុំសង្កាត់ទាំងនោះ មានទីតាំងស្ថិតនៅក្នុងខេត្តបាត់ដំបង ក្រចេះ កំពង់ឆ្នាំង កំពង់ស្ពឺ និងបន្ទាយមានជ័យរៀងៗគ្នា។ (២ សង្កាត់ចុងក្រោយស្ថិតក្នុងខេត្តបន្ទាយមានជ័យ) ដោយឡែក សំណើសុំកែប្រែព្រំប្រទល់វិញ គឺមកពីខេត្តក្រចេះ និងខេត្តកំពង់ធំ ដែលនឹងកែព្រំប្រទល់ឃុំសំបូរ ជាមួយនឹងឃុំវឌ្ឍនៈ សម្រាប់ខេត្តក្រចេះ និង ព្រំប្រទល់ឃុំបឹងល្វា ជាមួយនឹងឃុំកំពង់ថ្ម និងឃុំប្រាសាទ សម្រាប់ខេត្តកំពង់ធំ។ បន្ទាប់ពីការពិចារណា ក្រសួងមហាផ្ទៃបានណែនាំរដ្ឋបាលខេត្តទាំង ៦ នេះ ឱ្យបង្កើតក្រុមការងារដើម្បីសិក្សាលម្អិត រៀបចំផែនទី និងធ្វើរបាយការណ៍ពេញលេញ រួចបញ្ជូនមកក្រសួងមកនឹងឈានទៅ នីតិវិធីបន្តបន្ទាប់។
អានបន្ថែម
ក្រសួងដែនដីសម្រេចលុបចោលគម្រោងហេដ្ឋារចនាសម្ព័ន្ធមួយចំនួននៅខេត្តកណ្ដាល
ក្រសួងរៀបចំដែនដី នគរូបនីយកម្ម និងសំណង់ សម្រេចលុបចោលគម្រោងហេដ្ឋារចនាសម្ព័ន្ធមួយចំនួននៅខេត្តកណ្ដាល ព្រោះប្លង់គម្រោងមានលក្ខណៈមិនគ្រប់ជ្រុងជ្រោយ ហើយប៉ះពាល់ដល់កម្មសិទ្ធិឯកជនច្រើន។ នេះបើតាមលិខិតចុះថ្ងៃទី ០១ ខែកក្កដា ឆ្នាំ២០២១ របស់ក្រសួង ដែលបានផ្ញើជូនទៅកាន់រដ្ឋបាលខេត្តកណ្តាល។ យ៉ាងណាមិញ លិខិតមិនបានបញ្ជាក់ថា នឹងលុបគម្រោងណាខ្លះ ឬគម្រោងចំនួនប៉ុន្មានទេ។ ប៉ុន្តែបានបញ្ជាក់មូលហេតុថា ការសម្រេចលុបនេះ ធ្វើឡើងក្រោយពីក្រសួងទទួលបានសំណើជាញឹកញាប់ពីប្រជាពលរដ្ឋ ថាគម្រោងហេដ្ឋារចនាសម្ព័ន្ធទាំងនេះ ប៉ះពាល់ដល់កម្មសិទ្ធិ និងលំនៅឋានឯកជនច្រើន ហើយរដ្ឋគួរតែកែសម្រួល។ ក្រោយទទួលបានសំណើ ក្រសួងក៏បានពិនិត្យឃើញថា គម្រោងមានលក្ខណៈមិនសមស្របទៅនឹងភូមិសាស្ត្រជាក់ស្តែងពិតមែន ទើបសម្រេចឱ្យលុបចោល ហើយស្នើឱ្យរដ្ឋបាលខេត្តរៀបចំជាថ្មី ដោយធ្វើតាមតែលំនាំហេដ្ឋារចនាសម្ព័ន្ធចាស់វិញ។ ទាក់ទិននឹងបញ្ហានេះ លោកបណ្ឌិត ហុង វណ្ណៈ អ្នកជំនាញសេដ្ឋកិច្ច នៃវិទ្យាស្ថានទំនាក់ទំនងអន្តរជាតិ នៃរាជបណ្ឌិត្យសភាកម្ពុជា បានប្រាប់កាសែត Cambonomist កាលពីថ្ងៃទី២១ ខែកក្កដា ថា៖ «ប្រាកដណាស់ ការលុបគម្រោងអភិវឌ្ឍហេដ្ឋារចនាសម្ព័ន្ធ នឹងធ្វើឱ្យប៉ះពាល់ដល់ក្រុមហ៊ុនរកស៊ីក្នុងវិស័យអចលនទ្រព្យមួយចំនួនជាក់ជាមិនខាន»។ «ក្រោយគម្រោងខាងលើត្រូវបានបែកធ្លាយ នឹងមានក្រុមហ៊ុនរកស៊ីក្នុងវិស័យអចលនទ្រព្យមួយចំនួន នាំគ្នាទៅទិញអចលនទ្រព្យនៅតំបន់ទាំងនោះ ដើម្បីអភិវឌ្ឍ ឬទុកលក់ជាដើម ហើយនៅពេលរដ្ឋមិនធ្វើ ពួកគាត់អាចនឹងខាត់បង់»។ យ៉ាងណាក្ដី អ្នកជំនាញរូបនេះ មានសុទិដ្ឋិនិយមថា មុនសម្រេចធ្វើអ្វីមួយ […]
អានបន្ថែម
រដ្ឋសាងសង់ឡដុតសំរាម ៥០ គ្រឿង ក្នុង ៤៩ ស្រុកទូទាំងប្រទេស ដើម្បីពង្រឹងប្រព័ន្ធគ្រប់គ្រងសំណល់
មកទល់បច្ចុប្បន្ននេះ ក្រសួងបរិស្ថាន បានបំពាក់ឡដុតសំរាមចំនួន ៥០គ្រឿងទៅដល់ ២១ រាជធានី-ខេត្ត ឬសរុប ៤៩ ស្រុក រួចទៅហើយ ទិសដៅដើម្បីផ្ដោតពង្រឹងប្រព័ន្ធគ្រប់គ្រងសំណល់ទូទាំងប្រទេសឱ្យមានប្រសិទ្ធភាពជាងមុន។ ក្រសួងបរិស្ថាន ក៏បានប្ដេជ្ញាថានឹងបន្តរឹតបន្ដឹង និងបង្កើនសមត្ថភាពរដ្ឋបាលថ្នាក់ក្រោមជាតិឱ្យប្រសើរជាងមុន ពោលគឺជំរុញឱ្យមន្រ្តីធ្វើការងារតាមលក្ខណបច្ចេកទេស និងតាមគោលនយោបាយស្តីពីការគ្រប់គ្រងសំរាមរបស់ក្រសួង។ គួរបញ្ជាក់ដែរថា កន្លងមក ឃើញថាមានរដ្ឋបាលថ្នាក់ក្រោមជាតិចំនួន៤ ដែលបាននិងកំពុងអនុវត្តការងារនេះ បានល្អប្រសើរ រួមមាន ស្រុកបន្ទាយស្រី ខេត្តសៀមរាប ក្រុងព្រៃវែង និង ស្រុកស្វាយអន្ទរនៃខេត្តព្រៃវែង និងស្រុកអូររាំងឪ នៃខេត្តត្បូងឃ្មុំ។ ទន្ទឹមនឹងនេះ ក្រុងព្រះសីហនុ និងស្រុកព្រៃនប់ ស្រុកអន្លង់វែង ស្រុកស្នួល និងស្រុកពេជ្រាដា ក៏កំពុងឆ្ពោះទៅរកការ គ្រប់គ្រងសំរាមសំណល់រឹង ប្រកបដោយប្រសិទ្ធភាពផងដែរ៕
អានបន្ថែម
រដ្ឋពិចារណាចង់កាត់បន្ថយការវិនិយោគសាធារណៈ ដើម្បីត្រៀមថវិកាប្រឆាំងជំងឺកូវីដ១៩
រដ្ឋាភិបាលកម្ពុជាកំពុងពិចារណាចង់កាត់បន្ថយការវិនិយោគសាធារណៈ ដើម្បីត្រៀមថវិកាសម្រាប់ប្រយុទ្ធប្រឆាំងនឹងជំងឺកូវីដ១៩។ នេះបើយោងតាមប្រសាសន៍របស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា កាលពីថ្ងៃអាទិត្យកន្លងទៅនេះ។ សម្តេចមានប្រសាសន៍ថា៖ «រាជរដ្ឋាភិបាល ត្រៀមកាត់បន្ថយការវិនិយោគសាធារណៈបន្ថែមទៀត។ កន្លងទៅ រដ្ឋាភិបាលបានកាត់បន្ថយការចំណាយតាមស្ថាប័ន ទាំងថ្នាក់ជាតិ និងទាំងថ្នាក់ក្រោមជាតិ»។ «ប៉ុន្តែ បើចាំបាច់ ចំណាយលើគម្រោងធ្វើហេដ្ឋារចនាសម្ព័ន្ធ ក៏អាចនឹងកាត់បន្ថយដែរ»។ ទោះយ៉ាងណា សម្តេចនាយករដ្ឋមន្រ្តី ហ៊ុន សែន បញ្ជាក់ថា ក្នុងវិបត្តិកូវីដ១៩ កន្លងទៅ រដ្ឋាភិបាលមិនទាន់បានកាត់បន្ថយវិនិយោគលើហេដ្ឋារចនាសម្ព័ន្ធនៅឡើយទេ។ ជាក់ស្តែងក្នុងពេលកូវីដឆ្លងរាលដាលក្ដី រដ្ឋាភិបាលក៏នៅតែចំណាយធ្វើផ្លូវ តួយ៉ាងដូចជា ផ្លូវ ៣៤ ខ្សែក្រុងព្រះសីហនុ ផ្លូវ ៣៨ខ្សែ នៅសៀមរាប និងការតបណ្តាញអគ្គិសនីជាដើម។
អានបន្ថែម
សម្ដេច៖ ចំណាយលើវិបត្តិកូវីដ បើធៀបទៅចង់ស្មើនឹងចំណាយសង់ស្ពានឆ្លងទន្លេមេគង្គ ១០ ហើយ
រាជរដ្ឋាភិបាលកម្ពុជា កាលពីចុងសប្ដាហ៍នេះ បានបង្ហាញថា ខ្ទង់ចំណាយលើការប្រយុទ្ធប្រឆាំងជំងឺកូវីដ១៩ កើនឡើងជិតដល់ខ្ទង់ពាន់លានដុល្លារហើយ ឬប្រដូចទៅនឹងការសាងសង់ឆ្លងកាត់ទន្លេមេគង្គយ៉ាងហោច ១០ស្ពាន ឯណោះ។ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ថ្លែងថា៖ «អ្វីដែលយើងបានចាយ យើងអាចធ្វើស្ពានឆ្លងទន្លេមេគង្គ បានប្រហែលជាមិនតិចជាង ១០ទេ ដែលយើងចាយកន្លងទៅ។ «ស្ពានខ្លះ ធ្វើអស់តែ ៥០លានដុល្លារ ទៅ ៦០លានដុល្លារ ទេ ប៉ុន្តែដើម្បីទប់ទល់នឹងកូវីដ យើងបានចាយអស់ច្រើនលានហើយ»។ ទោះជាយ៉ាងណាក្ដី សម្តេច ហ៊ុន សែន ក៏បានបញ្ជាក់ថា កម្ពុជាមិនក្ស័យធុននោះទេ ដោយនៅតែអាចគ្រប់គ្រងស្ថានភាពបាន ក៏ដូចជានៅតែបន្តអភិវឌ្ឍជាតិ និងហេដ្ឋារចនាសម្ព័ន្ធបានដូចមុន។ គួរបញ្ជាក់ថា ក្នុងរយៈពេល ៧ខែដំបូងនៃឆ្នាំនេះ កម្ពុជារកចំណូលបានជាង ៣ប៊ីលានដុល្លារ ក្នុងនោះ ១,៧ ប៊ីលានដុល្លារជាចំណូលពន្ធ និង ១,៣ប៊ីលានដុល្លារជាចំណូលគយ។ សម្រាប់រយៈពេល ៥ខែទៀត កម្ពុជាក៏គ្រោងនឹងបង្កើតចំណូលប្រមាណ ២ប៊ីលានដុល្លារ បន្ថែមទៀត។
អានបន្ថែម
កម្ពុជា-ជប៉ុន ពិភាក្សា៣ចំណុចធំៗ ដើម្បីបង្កើនប្រសិទ្ធភាពវិស័យដឹកជញ្ជូននៅកម្ពុជា អាស៊ាន និងជប៉ុន
ក្រសួងសាធារណការ និងដឹកជញ្ជូនកម្ពុជា និងជប៉ុន កំពុងពិភាក្សាលើ ៣ចំណុចធំៗ ក្នុងគោលបំណងដើម្បីពង្រឹង និងពង្រីកប្រសិទ្ធភាពវិស័យដឹកជញ្ជូនរវាងកម្ពុជា-អាស៊ាន-ជប៉ុន។ នេះបើយោងតាមសន្និសីទដឹកជញ្ជូនអាស៊ាន-ជប៉ុន លើកទី១៩ កាលពីថ្ងៃទី១៣ ខែកក្កដា កន្លងទៅ។ សន្និសីទខាងលើ ធ្វើឡើងក្រោមវត្តមានឯកឧត្តម ឈៀង ពេជ្រ អគ្គនាយកនៃអគ្គនាយកដ្ឋានព័ស្តុភារកម្ម និងជាប្រធានឧត្តមមន្ត្រីដឹកជញ្ជូនកម្ពុជា (STOM) ព្រមទាំងរដ្ឋលេខាធិការដ្ឋានអាកាសចរស៊ីវិលកម្ពុជា។ ដោយឡែក ចំណុចសំខាន់ទាំង ៣ ដែលត្រូវបានពិភាក្សារួមមាន៖ ១. របាយការណ៍ទស្សនាទាន ដែលបញ្ជាក់អំពីដំណោះស្រាយតាមវិធីសាស្រ្តព័ត៌មានវិទ្យា ដើម្បីគ្រប់គ្រងយានយន្តលើសទម្ងន់ ២. គោលការណ៍ណែនាំ ស្តីពីការចេញនូវវិញ្ញាបនបត្រសវនកម្ម សម្រាប់ខ្សែច្រវាក់ ព័ស្តុភារកម្មត្រជាក់ ក្នុងក្របខណ្ឌអាស៊ាន ៣. ការប្រើប្រាស់ទិន្នន័យធំឬ Big Data ដើម្បីធ្វើឱ្យប្រព័ន្ធដឹកជញ្ជូនប្រសើរជាងមុន ក្រោយពិភាក្សា ភាគីទាំងពីរ បានឯកភាពគ្នានឹងសិក្សាឱ្យគ្រប់ជ្រុងជ្រោយបន្ថែមទៀតលើការងារធំៗទាំង៣ ខាងលើ ហើយលទ្ធផលនេះនឹងត្រូវដាក់ឆ្លងកិច្ចប្រជុំឧត្តមមន្រ្តីដឹកជញ្ជូន អាស៊ាន-ជប៉ុន លើកទី២០ និងកិច្ចប្រជុំថ្នាក់រដ្ឋមន្រ្តីដឹកជញ្ជូនអាស៊ានលើកទី១៩ ដែលកម្ពុជាធ្វើជាប្រធាន នៅដើមខែវិច្ឆិកា ឆ្នាំ២០២១ ខាងមុខនេះ៕
អានបន្ថែម
អាមេរិកថាចិនកំពុងសាងសង់កន្លែងស្ដុកមីស៊ីលនុយក្លេអ៊ែរជាង១០០ កន្លែងនៅសមុទ្រខ្សាច់
ក្រុមអ្នកស្រាវជ្រាវអាមេរិកផ្អែកលើការវិភាគរូបភាពពីផ្កាយរណបបានអះអាងថា ប្រទេសចិនកំពុងសាងសង់រណ្ដៅជាច្រើន ដែលមើលទៅដូចជាកន្លែងស្ដុកមីស៊ីលនុយក្លេអ៊ែរជាង ១០០កន្លែង នៅវាលខ្សាច់ដាច់ស្រយាលមួយនៃខេត្តហ្គាន់ស៊ូ។ នេះបើយោងតាមសារព័ត៌មាន The Guardian។ អ្នកវិភាគក្រុមនេះ បានសម្ដែងសេចក្ដីព្រួយបារម្ភថា បើសំណង់ដ៏ធំនេះ ជាកន្លែងផ្ទុកមីស៊ីលនុយក្លេអ៊ែដូចការសន្និដ្ឋានពិតមែន វាគឺអាចជាងអភិវឌ្ឍដ៏មានហានិភ័យមួយសម្រាប់ពិភពលោក ពិសេសនៅពេលដែលប្រទេសសមហាអំណាចប៉ះទង្គិចគ្នាខ្លាំង។ អ្នកស្រាវជ្រាវនៃមជ្ឈមណ្ឌល James Martin Center for Nonproliferation Studies បានទទួលរូបភាពផ្កាយរណបទាំងនេះពីក្រុមហ៊ុឯកជនឈ្មោះថា Planet ដោយក្រោយវិភាគឃើញថា មានរណ្ដៅក្នុងស្រុកចំនួន ១១៩ កំពុងត្រូវបានសាងសង់ ដែលហាក់ដូចអាចផ្ទុកកាំជ្រួចមីស៊ីលឆ្លងទ្វីបបាន។ អ្នកជំនាញនុយក្លេអ៊ែរអាមេរិកលោក Jeffrey Lewis បាននិយាយថា លើសពីនេះ ក៏ឃើញបានការសាងសង់លេនដ្ឋានក្រោមដី ដែលអាចត្រូវបានប្រើជាមជ្ឈមណ្ឌលបាញ់បង្ហោះ ឬមូលដ្ឋានយោធាផងដែរ។ លោក Lewis បានប្រាប់កាសែត Washington Post ថា លោកគិតថាប្រទេសចិនកំពុងពង្រីកកម្លាំងនុយក្លេអ៊ែររបស់ខ្លួនដើម្បីទប់ទល់នឹងអាមេរិក ជាក់ជាមិនខាន។ ទោះយ៉ាងណាក្ដី ទាំងនេះគ្រាន់តែជាការវិភាគរបស់អ្នកស្រាវជ្រាវ ដោយមានមតិផ្សេងទៀតលើកឡើងថា រណ្ដៅអាចមើលទៅដូចកន្លែងស្ដុកមីស៊ីល ប៉ុន្តែការពិតអាចមិនមែនក៏ថាបាន។ លោក Lewis បកស្រាយថា នេះអាចជាល្បែងនយោបាយ ដែលចិនចង់ឱ្យពិភពលោកឃើញថាខ្លួនមានមីស៊ីលនៅទីនោះ តែការពិតទៅខ្លួនលាក់មីស៊ីលនៅកន្លែងផ្សេងក៏ថាបាន […]
អានបន្ថែម
សេចក្តីព្រាងច្បាប់វិនិយោគថ្មី គ្រោងដាក់ឆ្លងរាជរដ្ឋាភិបាលពិនិត្យនៅសប្តាហ៍ក្រោយ
សេចក្តីព្រាងច្បាប់ស្តីពីការវិនិយោគថ្មីដែលត្រូវបានគេទន្ទឹងរង់ចាំជាយូរមកហើយ នឹងត្រូវដាក់ឆ្លងឱ្យរដ្ឋាភិបាលពិនិត្យ និងអនុម័តនៅសប្តាហ៍ក្រោយ ខណៈពេលនេះអន្តរក្រសួងកំពុងត្រៀមបញ្ចប់ការចងក្រងធាតុចូលថ្មីៗឱ្យត្រូវនឹងបច្ចុប្បន្នភាពក្នុងស្រុកបច្ចុប្បន្ន។ ឯកឧត្តម សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី អគ្គលេខាធិការក្រុមប្រឹក្សាអភិវឌ្ឍន៍កម្ពុជា បានលើកឡើងថា សេចក្តីព្រាងច្បាប់ស្តីពីវិនិយោគថ្មី នឹងត្រូវដាក់ជូនកិច្ចប្រជុំពេញអង្គគណៈរដ្ឋមន្ត្រីពិនិត្យ និងពិភាក្សានៅថ្ងៃទី៩ ខែកក្កដា ឆ្នាំ២០២១ ខាងមុខនេះ។ ច្បាប់វិនិយោគថ្មីត្រូវបានរំពឹងថា នឹងធ្វើឱ្យប្រទេសកម្ពុជាក្លាយជាទិសដៅទាក់ទាញសម្រាប់ការវិនិយោគថ្មី ក៏ដូចជារក្សាការវិនិយោគដែលមានស្រាប់នៅក្នុងប្រទេស។ រាជរដ្ឋាភិបាលបានចាប់ផ្តើមធ្វើសេចក្តីព្រាងច្បាប់វិនិយោគថ្មីក្នុងរយៈពេលប៉ុន្មានឆ្នាំចុងក្រោយនេះ ដោយប្រមូលផ្តុំធាតុចូលពីវិស័យឯកជន និងដៃគូអភិវឌ្ឍន៍។ ច្បាប់ថ្មីនេះត្រូវបានព្រាងដោយយកចិត្តទុកដាក់ ដោយថ្លឹងថ្លែងពីគោលដៅអាទិភាពក្នុងការបង្កើនចំណូលរបស់រដ្ឋ និងគោលដៅដើម្បីផ្ដល់អត្ថប្រយោជន៍ និងភាពងាយស្រួលដល់វិនិយោគិនក្នុងរយៈពេលវែង។ ទាក់ទិននឹងផែនការទាក់ទាញអ្នកវិនិយោគនេះ សេដ្ឋកិច្ចវិទូអន្តរជាតិ ធ្លាប់ឱ្យដឹងថាវិធីសាស្រ្តដ៏មានប្រសិទ្ធភាពដើម្បីធ្វើឱ្យកម្ពុជាមានភាពទាក់ទាញគឺ ការធ្វើឱ្យបទប្បញ្ញត្តិនានាក្នុងស្រុក ឱ្យងាយស្រួលជាងមុន។ (អានបន្ថែម) ស្ថាបនិក និងជានាយកប្រតិបត្តិនៃមជ្ឈមណ្ឌលពាណិជ្ជកម្មអាស៊ី អ្នកស្រី Deborah Elms មានប្រសាសន៍ថា បើប្រទេសកម្ពុជាកាត់បន្ថយភាពស្មុគស្មាញនេះបាន ក្រោយវិបត្តិកូវីដ កម្ពុជានឹងកាន់តែមានការប្រកួតប្រជែងនៅក្នុងតំបន់។
អានបន្ថែម
សាលាក្រុងបញ្ជាឱ្យរុះរើ អាជីវកម្មរំលោភចិញ្ចើមផ្លូវទាំងអស់ក្នុងពេល ២ ខែ
រដ្ឋបាលរាជធានីភ្នំពេញ បានដាក់ចេញនូវវិធានការថ្មីទុកពេល ២ ខែ ឱ្យអ្នកបើកហាង ឬធ្វើអាជីវកម្មរំលោភចិញ្ចើមផ្លូវទាំងអស់រុះរើ ឬប្ដូរទីតាំង មិនដូច្នោះនឹងចាត់វិធានការក្ដៅ ក្នុងគោលបំណងដើម្បីលើកកម្ពស់សោភ័ណភាពនៅរាជធានីភ្នំពេញ។ នេះជាវិធានការថ្មីមួយទៀត បន្ទាប់ពីវិធានការរំដោះចិញ្ចើមផ្លូវចាស់អនុវត្តមិនទទួលបានប្រសិទ្ធភាព។ នៅក្នុងកិច្ចប្រជុំជាមួយអាជ្ញាធរខណ្ឌទាំង១៤ នៅសាលារាជធានីភ្នំពេញ កាលពីថ្ងៃទី២៩ មិថុនា ឯកឧត្ដម ឃួង ស្រេង បានដាក់បទបញ្ជាទៅឱ្យអាជ្ញាធរខណ្ឌត្រូវចុះអនុវត្តវិធានការខាងលើជាបន្ទាន់ ដោយចាប់ផ្ដើមចេញពីការជូនដំណឹង។ ជាមួយនឹងវិធានការថ្មីនេះ សាលាក្រុងនឹងទុករយៈពេល ២ខែ ដើម្បីឱ្យពួកគាត់រុះរើ ឬផ្លាស់ប្តូរទីតាំងថ្មីទៅនៅជាយក្រុង បើមិនដូច្នោះនឹងដោះស្រាយតាមផ្លូវច្បាប់ដោយមិនមានការលើកលែងឡើយ។ ឯកឧត្ដម ឃួង ស្រេង ថ្លែងថា៖ «វាល្មមដល់ពេលដែលយើងត្រូវរៀបចំសណ្ដាប់ធ្នាប់នៅក្នុងរាជធានីភ្នំពេញ ពិសេសនៅក្នុងខណ្ឌចំនួន៥ នៅកណ្ដាលរាជធានីភ្នំពេញ ឱ្យមានសណ្ដាប់ធ្នាប់ល្អប្រសើរហើយ»។ ឯកឧត្ដម បន្តថា ដូច្នេះ អាជ្ញាធរខណ្ឌត្រូវចុះជូនដំណឹង ពិសេសអ្នកលក់ម៉ូតូ និងលក់រថយន្ត ដោយប្រើប្រាស់ចិញ្ចើមផ្លូវសាធារណៈបែបអនាធិបតេយ្យ ឱ្យប្រញាប់រុះរើយកចូលផ្ទះពួកគាត់វិញ ឬបើគ្មានផ្ទះត្រូវរើទៅជាយក្រុង។ យ៉ាងណាក្ដី សម្រាប់អាជីវករលក់ដូរនៅក្នុងផ្ទះ ឬទីតាំងរបស់ខ្លួនត្រឹមត្រូវ គឺមិនមានបញ្ហាទេ៕
អានបន្ថែម
សម្ដេច ហ៊ុន សែន អនុញ្ញាតឱ្យឯកជនរួមទាំងក្រុមហ៊ុនសំណង់ អាចធ្វើតេស្តរហ័សបានដោយខ្លួនឯង
សម្ដេចនាយករដ្ឋមន្រ្តី ហ៊ុន សែន បានអនុញ្ញាតដល់សហគ្រាស ក្រុមហ៊ុនឯកជន រោងចក្រ រួមទាំងក្រុមហ៊ុនសំណង់នានា អាចរៀបចំធ្វើតេស្តរហ័សជាបឋម លើបុគ្គលិក-កម្មកររបស់ខ្លួន ដោយខ្លួនឯង ដើម្បីស្វែងរកអ្នកមានផ្ទុកជំងឺកូវីដ១៩ ពោលគឺដើម្បីកាត់បន្ថយការចំណាយរបស់រដ្ឋ និងពិសេសជួយកាត់បន្ថយហានិភ័យឱ្យទាន់ពេលវេលា។ សម្តេច ហ៊ុន សែន បានឱ្យដឹងកាលពីព្រឹកមិញនេះថា បើសិនមិនមានវិធានការទប់ស្កាត់ជំងឺកូវីដ១៩ បន្លែងខ្លួនថ្មី (Delta) នោះទេ កម្ពុជានឹងមានរលកនៃការឆ្លងខ្លាំងទៀត ដូច្នេះវិស័យឯកជនត្រូវតែជួយរដ្ឋ។ «វាគ្មានទៅខាតអីទេ ក្រុមហ៊ុនឯកជនអាចធ្វើតេស្តលើបុគ្គលិកដោយខ្លួនឯងដែលសង្ស័យ ដោយប្រើទុនរបស់ក្រុមហ៊ុន ព្រោះឧបករណ៍តម្លៃត្រឹម ៣,៧ដុល្លារប៉ុណ្ណោះ បើពឹងតែគ្រូពេទ្យធ្វើមិនទាន់ពេលវេលាទេ ហើយអាចឆ្លងរាលដាលទៅអ្នកដទៃ។ បើក្រុមហ៊ុន សហគ្រាសឯកជនអាចធ្វើតេស្តលើបុគ្គលិកកម្មកររបស់ខ្លួន មានតែចំណេញ គាត់រកឃើញជំងឺបានលឿន គាត់អាចគ្រប់គ្រងបុគ្គលិកខ្លួនឯងបានកាន់តែលឿនទៀត គាត់អាចរត់មករកពេទ្យទាន់ពេលវេលា បើគាត់រកមិនឃើញទេ អត់មានអីខាតសោះ»។ លើសពីនេះ គ្រូពេទ្យក៏នឹងចាប់ផ្តើមចុះបង្រៀនពីការធ្វើតេស្តតាមសហគ្រាស និងក្រុមហ៊ុនឯកជននានាផងដែរ។ ទាក់ទិននឹងបទបញ្ជានេះដែរ លោក មាស ព្រឹក្សា ប្រធានរដ្ឋបាលគ្រប់គ្រងកិច្ចសន្យានៃក្រុមហ៊ុន លី ឈួង សំណង់ បានបង្ហាញការគាំទ្រយ៉ាងពេញទំហឹង។ លោកថា៖ «ការអនុញ្ញាតឱ្យមានការធ្វើតេស្តរហ័ស គឺបង្កលក្ខណៈងាយស្រួលដល់ក្រុមហ៊ុនក្នុងការគ្រប់គ្រង បុគ្គលិក-កម្មករ នៅក្នុងការដ្ឋានសំណង់នានាៗ […]
អានបន្ថែម