គោលនយោបាយ និងផែនការយុទ្ធសាស្រ្ត
តើធានារ៉ាប់រងផ្ទះគឺជាអ្វី? ហើយខុសពីធានារ៉ាប់រងកម្ចីអចលនទ្រព្យយ៉ាងណា?
ធានារ៉ាប់រងផ្ទះ គឺជាកញ្ចប់ធានារ៉ាប់រងដែលគ្របដណ្តប់លើការខាតបង់ដែលកើតឡើងជាយថាហេតុណាមួយទៅលើផ្ទះ ក៏ដូចជាទ្រព្យសម្បត្តិនៅក្នុងផ្ទះ។ ធានារ៉ាប់រងផ្ទះមួយចំនួន ក៏ផ្ដល់សំណងទៅលើគ្រោះថ្នាក់ផ្សេងៗ ដែលកើតនៅក្នុងផ្ទះផងដែរ ពោលគឺអាស្រ័យទៅលើលក្ខខណ្ឌនៃកញ្ចប់ដែលអ្នកទិញ។ ជាទូទៅ ធានារ៉ាប់រងផ្ទះ ផ្ដល់សំណងទៅការខូចខាតដែលកើតពីហេតុដែលមិនរំពឹងទុកប៉ុណ្ណោះ ឧទាហរណ៍ដូចជា គ្រោះអគ្គិភ័យ និងខ្យល់ព្យុះជាដើម។ ប៉ុន្តែធានារ៉ាប់រងផ្ទះ មិនផ្ដល់សំណងលើគ្រោះរញ្ជួយដី និងទឹកជំនន់នោះទេ។ ដោយឡែក លក្ខខណ្ឌគឺអាចផ្លាស់ប្ដូរបាន អាស្រ័យទៅលើគោលការណ៍របស់ក្រុមហ៊ុនធានារ៉ាប់រង ក៏ដូចជាបរិបទរបស់ប្រទេសនីមួយៗ។ លើសពីនេះ ការផ្ដល់សំណងក៏មានកម្រិតកំណត់ ហើយទំហំគឺអាស្រ័យទៅកញ្ចប់ដែលអ្នកជ្រើសរើស។ ប៉ុន្តែធានារ៉ាប់រងផ្ទះ នៅមិនទាន់ពេញនិយមខ្លាំងនៅឡើយទេនៅប្រទេសកម្ពុជា ពោលគឺការផ្ដល់សេវាកម្មនេះ គឺនៅមានកម្រិត ហើយប្រជាជនភាគច្រើនទិញធានារ៉ាប់រងផ្ទះ ក្នុងករណីដែលប្រើកម្ចីធនាគារក្នុងការទិញផ្ទះប៉ុណ្ណោះ។ ហេតុអ្វីបានជាអ្នកសុំកម្ចីធនគារតម្រូវឱ្យទិញធានារ៉ាប់រងផ្ទះ? ជាទូទៅ រាល់ការសុំកម្ចីទិញផ្ទះ អ្នកសុំកម្ចីត្រូវតែទិញធានារ៉ាប់រងផ្ទះ ដើម្បីកាត់បន្ថយហានិភ័យ និងធានាថា ប្រសិនបើមានហេតុមិនរំពឹងទុកដូចជាភ្លើងឆាបឆេះកើតឡើងទៅលើផ្ទះរបស់អ្នក ទាំងម្ចាស់ផ្ទះ ក៏ដូចជាធនាគារ នឹងមិនខាតបង់ច្រើន ព្រោះការខូចខាតភាគច្រើននឹងត្រូវគ្របដណ្តប់ដោយក្រុមហ៊ុនធានារ៉ាប់រង។ តើធានារ៉ាប់រងផ្ទះ ខុសពីធានារ៉ាប់រងកម្ចីអចលនទ្រព្យយ៉ាងដូចម្ដេច? ធានារ៉ាប់រងផ្ទះ និងធានារ៉ាប់រងកម្ចីអចលនទ្រព្យ គឺខុសគ្នា។ ដូចដែលបានលើកឡើងខាងលើ ធានារ៉ាប់រងផ្ទះ គឺជាកញ្ចប់ធានារ៉ាប់រងដែលគ្របដណ្តប់លើការខាតបង់ដែលកើតឡើងជាយថាហេតុណាមួយទៅលើផ្ទះ ឬទ្រព្យសម្បត្តិនៅក្នុងផ្ទះ។ ដោយឡែក ធានារ៉ាប់រងកម្ចីអចលនទ្រព្យ គឺកញ្ចប់ដែលតម្រូវឱ្យអ្នកសុំកម្ចីធនាគារភាគច្រើនទិញ ដើម្បីធានាថាក្នុងករណីដែលម្ចាស់ផ្ទះ មានបញ្ហាហិរញ្ញវត្ថុ ឬគ្រោះថ្នាក់ជាយថាហេតុ […]
អានបន្ថែម
ADB ណែនាំថារដ្ឋគួរបង្កើនពន្ធលើអចលនទ្រព្យ ក្រោយវិបត្តិកូវីដចប់ ដើម្បីជំរុញកំណើនសេដ្ឋកិច្ច
អត្ថបទវិភាគមួយរបស់ធនាគារអភិវឌ្ឍន៍អាស៊ី ឬ ADB បានណែនាំថា ប្រទេសកម្ពុជា និងបណ្តាប្រទេសដទៃទៀតនៅអាស៊ីប៉ាស៊ីហ្វិក គួរបង្កើនការប្រមូលពន្ធ ជាពិសេសពន្ធលើអចលនទ្រព្យ និងទ្រព្យសម្បត្តិ ដើម្បីជំរុញការងើបឡើងវិញនៃសេដ្ឋកិច្ច នៅពេលវិបត្តិកូវីដបានធូរស្បើយ។ អត្ថបទដែលមានចំណងជើងថា“ តើរដ្ឋាភិបាលអាចប្រើគោលនយោបាយពន្ធដើម្បីពន្លឿនការស្ដារសេដ្ឋកិច្ចបានយ៉ាងដូចម្តេច?” បានលើកឡើងថា ការយកពន្ធលើអ្នកមាន (ពន្ធទ្រព្យសម្បត្តិ) គឺវិធីសាស្រ្តដ៏មានប្រសិទ្ធភាពបំផុតមួយ ដើម្បីបង្កើនប្រាក់ចំណូលរបស់រដ្ឋាភិបាល។ ដោយសារតែអ្នកមានភាគច្រើនមិនសូវរងផលប៉ះពាល់ខ្លាំងពីកូវីដទេ ដូច្នេះការប្រមូលពន្ធលើទ្រព្យសម្បត្តិរបស់ពួកគេ មិនត្រឹមតែជួយជំរុញកំណើនសេដ្ឋកិច្ចនោះទេ តែក៏ជួយកាត់បន្ថយវិសមភាពប្រាក់ចំណូល និងលើកកម្ពស់ការអភិវឌ្ឍប្រកបដោយចីរភាពផងដែរ។ ប្រភពដដែលបានឱ្យដឹងទៀតថា ពន្ធសំខាន់ផ្សេងៗទៀតដែលនឹងជួយជំរុញការងើបឡើងនៃសេដ្ឋកកិច្ចរួមមាន ពន្ធលើអចលនទ្រព្យ ពន្ធលើមរតក និងអំណោយ ក៏ដូចជាពន្ធលើប្រាក់ចំណូល។ ហើយរដ្ឋាភិបាល គួរតែគិតគូរបន្ថែមពន្ធទាំងនេះ ក្នុងគោលនយោបាយរយៈពេលមធ្យម និងវែង។ ដោយឡែក សម្រាប់ប្រទេសកម្ពុជាផ្ទាល់ ធនាគារអភិវឌ្ឍន៍អាស៊ី បានសង្កេតឃើញថា ក្នុងរយៈពេលប៉ុន្មានឆ្នាំកន្លងមកនេះ ការប្រមូលពន្ធគឺកើនឡើងគួរឱ្យកត់សម្គាល់ ដែលនេះគឺជាសញ្ញាវិជ្ជមានមួយបង្ហាញថារដ្ឋាភិបាលកំពុងឆ្ពោះទៅរកទិសដៅអភិវឌ្ឍប្រកបដោយនិរន្តរភាព។ គួរបញ្ជាក់ផងដែរថា ត្រឹមខែវិច្ឆិកាឆ្នាំ ២០២០ បណ្តាប្រទេសនៅតំបន់អាស៊ី បានចំណាយសរុបជាង ២៥ ទ្រីលានដុល្លារ ដើម្បីប្រយុទ្ធប្រឆាំងនឹងការរាតត្បាតនៃជំងឺកូវីដ១៩។ ទន្ទឹមនឹងនេះ ការប្រមូលពន្ធបែជាធ្លាក់ចុះទៅវិញ។ ADB ក៏បានវិភាគទៀតថា បើការប្រមូលពន្ធនៅតែបន្តធ្លាក់ចុះ ប្រជាជនរាប់សិបលាននាក់នៅក្នុងតំបន់ នឹងធ្លាក់ចូលក្នុងភាពក្រីក្រខ្លាំង។ […]
អានបន្ថែម
NagaWorld សម្រេចបិទទ្វារបណ្តោះអាសន្ន ក្រោយបុគ្គលិកចំនួន ១១ នាក់ ឆ្លងមេរោគកូវីដ១៩
ក្រុមហ៊ុន NagaCorp បានចេញសេចក្ដីប្រកាសកាលពីថ្ងៃទី ១ មីនា កន្លងមកនេះថា ក្រុមហ៊ុនសម្រេចផ្អាកអាជីវកម្មរបស់ខ្លួនជាបណ្ដោះអាសន្ន បន្ទាប់ពីបុគ្គលិកចំនួន ១១ ត្រូវបានធ្វើតេស្ត៍វិជ្ជមាន មេរោគកូវីដ១៩។ យោងតាមសេចក្តីប្រកាសដដែលនេះ បុគ្គលិកចំនួន ៣០០០ នាក់ ត្រូវបានធ្វើតេស្ត៍ អំឡុងថ្ងៃទី ២៧ ខែកុម្ភៈ ហើយ ១១ នាក់ត្រូវបានរកឃើញថាមានផ្ទុកមេរោកកូវីដ១៩។ ដូច្នេះហើយ ទើបក្រុមហ៊ុនសម្រេចបិទទ្វារមួយរយៈពេលសិន ដើម្បីចូលរួមទប់ស្កាត់ការឆ្លងក្នុងសហគមន៍ ២០ កុម្ភៈ។ សេចក្តីថ្លែងការណ៍បានបន្តទៀតថា៖ «ការផ្អាកអាជីវកម្មក៏នឹងអនុញ្ញាតឱ្យក្រុមហ៊ុនធ្វើការត្រួតពិនិត្យហ្មត់ចត់បន្ថែមទៀតអំពីវិធានការណ៍ការពារ បង្កា និងសម្អាតអគារទាំងមូល ដើម្បីសុវត្ថិភាពទាំងភ្ញៀវ និងបុគ្គលិក»។ ប្រភពដដែលបានឱ្យដឹង ក្រុមហ៊ុន NagaCorp នឹងបើកកាស៊ីណូរបស់ខ្លួនឡើងវិញ នៅពេលស្ថានភាពប្រសើរឡើង ដោយនឹងបន្តពិគ្រោះយោបល់ជាមួយក្រសួងសុខាភិបាល។ គួរបញ្ជាក់ផងដែរថា គិតត្រឹមព្រឹកថ្ងៃទី ២ មីនា ចំនួនករណីឆ្លងកូវីដ១៩ នៅកម្ពុជាមានចំនួន ៨៤៤ ករណី ហើយមាន ២៤ ករណីថ្មី។
អានបន្ថែម
រដ្ឋនឹងចាត់វិធានការណ៍ធ្ងន់លើការយកចំណីផ្លូវធ្វើសំណង់ផ្ទាល់ខ្លួន ក្រោយអនុក្រឹត្យថ្មីចូលជាធរមាន
ក្រសួងសាធារណការ និងដឹកជញ្ជូន កំពុងពន្លឿនពិនិត្យពិភាក្សា និងកែសម្រួលសេចក្តីព្រាងអនុក្រឹត្យស្តីពីការគ្រប់គ្រងការប្រើប្រាស់ដីចំណីផ្លូវនៅតាមបណ្តាញផ្លូវថ្នល់ និងផ្លូវរថភ្លើង ដើម្បីដាក់អនុវត្តឱ្យបានក្នុងពេលឆាប់ៗនេះ។ ឯកឧត្តម លឹម ស៊ីដេនីន រដ្ឋលេខាធិការក្រសួងសាធារណការ និងដឹកជញ្ជូន បានឱ្យដឹងក្នុងកិច្ចប្រជុំ កាលពីថ្ងៃទី២៣ ខែកុម្ភៈ នេះថា គោលបំណងសំខាន់នៃអនុក្រឹត្យនេះ គឺដើម្បីលុបបំបាត់ការទន្ទ្រានយកដីចំណីផ្លូវទៅធ្វើសំណង់ផ្ទាល់ខ្លួន ក៏ដូចជាជួយកាត់បន្ថយឧបសគ្គនានាដែលរាំងស្ទះដល់ការអភិវឌ្ឍផ្លូវ។ ទន្ទឹមគ្នានេះ អនុក្រឹត្យនេះ នឹងជួយឱ្យសមត្ថកិច្ចពាក់ព័ន្ធងាយស្រួលក្នុងការដោះស្រាយផលប៉ះពាល់ដល់ប្រជាជន ក្នុងករណីរដ្ឋមានគម្រោងស្ដារហេដ្ឋារចនាសម្ព័ន្ធណាមួយ ពោលគឺកាត់បន្ថយចំណាយ ព្រោះអនុក្រឹត្យនឹងកំណត់យ៉ាងច្បាស់ពីព្រំប្រទល់រវាងដីផ្លូវ និងដីឯកជន។ ដូច្នេះប្រជាជនមិនអាចតវ៉ាយកសំណង់លើសនោះទេ។ មិនតែប៉ុណ្ណោះ សេចក្តីព្រាងអនុក្រឹត្យនេះ គឺបើកឱកាសឱ្យក្រសួងមានសមត្ថកិច្ចគ្រប់គ្រង និងប្រើប្រាស់ដីចំណីផ្លូវជាតិ និងផ្លូវរថភ្លើងក្នុងការធ្វើផែនការ សិក្សាគម្រោងប្លង់អភិវឌ្ឍន៍ ឬផ្ដល់សេវាកម្មផ្សេងៗទៀតដែលពាក់ព័ន្ធបានយ៉ាងងាយស្រួល ដោយមិនបាច់បង្ខំឱ្យប្រជាជនរុះរើដូចពេលមុនៗ។
អានបន្ថែម
ដីជាង ២២ ហិកតានៅខេត្តកំពង់ឆ្នាំងនឹងផ្លាស់ប្ដូរមុខមាត់ក្លាយជាលំនៅឋានតម្លៃសមរម្យ
ដីជាង ២២ ហិកតា នៅសង្កាត់ផ្សារឆ្នាំង ក្រុងកំពង់ឆ្នាំង នឹងត្រូវផ្លាស់ប្ដូរមុខមាត់ទៅជាគម្រោងលំនៅឋានតម្លៃសមរម្យដ៏ធំមួយ ដែលមកទល់បច្ចុប្បន្នគម្រោងនេះកំពុងស្ថិតក្នុងដំណាក់កាលត្រួតពិនិត្យដោយក្រសួងរៀបចំដែនដី នគរូបនីយកម្ម និងសំណង់។ គម្រោងនេះត្រូវបានក្រុមការងារបច្ចេកទេសដែលដឹកនាំដោយឯកឧត្ដម បេងហុង សុជាតិ ខេមរ៉ូ អគ្គនាយកនៃអគ្គនាយកដ្ឋានលំនៅឋាន ចុះត្រួតពិនិត្យទីតាំងជាក់ស្ដែង កាលពីថ្ងៃទី ១៨ ខែកុម្ភៈ កន្លងមក។ ក្នុងកិច្ចត្រួតពិនិត្យនេះ ឯកឧត្ដម បេងហុង សុជាតិ បានឱ្យដឹងថា បច្ចុប្បន្នរដ្ឋកំពុងពិនិត្យលើស្ថានភាពទូទៅនៃភូមិសាស្ត្រដីស្នើសុំអភិវឌ្ឍន៍ សិក្សាផ្នែកហេដ្ឋារចនាសម្ព័ន្ធជុំវិញដី សេវាសាធារណៈដែលបានតភ្ជាប់ជុំវិញ ឯកសារគតិយុត្ត ក៏ដូចជាសក្តានុពលជុំវិញទីតាំងដីនៃគម្រោងផងដែរ។ គួរបញ្ជាក់ផងដែរថា អ្នកជំនាញក្នុងវិស័យអចលនទ្រព្យបានវិភាគថា តម្រូវការលំនៅឋានដែលមានតម្លៃសមរម្យ បាននិងកំពុងបន្តកើនឡើង ខណៈដែលចំនួនប្រជាជនដែលមានប្រាក់ចំណូលមធ្យមមានការកើនឡើងជាបន្តបន្ទាប់។ (អានបន្ថែម)
អានបន្ថែម
២០ឆ្នាំមកនេះ ទុនវិនិយោគក្នុងវិស័យសំណង់កម្ពុជា មានរហូតជាង ៦០ ប៊ីលានដុល្លារអាមេរិក
វិស័យសំណង់បានក្លាយឆ្អឹងខ្នងដ៏សំខាន់មួយទ្រទ្រង់កំណើនសេដ្ឋកិច្ចកម្ពុជា ដែលក្នុងរយៈពេល ២០ឆ្នាំចុងក្រោយនេះ ទុនវិនិយោគសរុបក្នុងវិស័យនេះមានដល់ទៅប្រមាណជាង ៦០,៨៧២ ប៊ីលានដុល្លារ។ នេះបើយោងតាមប្រសាសន៍របស់ឯកឧត្តម ជា សុផារ៉ា រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់។ ឯកឧត្តម ជា សុផារ៉ា បានមានប្រសាសន៍ក្នុងវេទិការដ្ឋ-ឯកជនលើកទី២ ស្តីពីការអភិវឌ្ឍនគរូបនីយកម្មកម្ពុជា-ជប៉ុន កាលពីថ្ងៃទី១៦ ខែកុម្ភៈ នេះ ថា៖ «ទុនវិនិយោគក្នុងវិស័យសំណង់ ពី២០០០ ដល់ ២០២០ បានកើនឡើងជាបន្តបន្ទាប់ ពោលគឺកើនដល់ជាងប្រមាណ ៦០,៨៧២ប៊ីលានដុល្លារ»។ «ទោះមានការរីកចម្រើនយ៉ាងនេះក្ដី យើងក៏នៅមានតម្រូវការបន្ថែមទៀត ដូចជា ការអភិវឌ្ឍសំណង់លំនៅឋាន ពិសេសលំនៅឋានតម្លៃសមរម្យ ការរៀបចំហេដ្ឋារចនាបណ្តាញផ្លូវ ការផ្គត់ផ្គង់ទឹកស្អាត អគ្គិសនី ប្រព័ន្ធលូ ប្រព័ន្ធការពារទឹកជំនន់ ស្ថានីយប្រព្រឹត្តកម្មទឹកកខ្វក់ ការគ្រប់គ្រងសំណល់រឹងនិងរាវ លំហសាធារណៈនិងផ្ទៃបៃតង បរិក្ខារទីក្រុង ជាដើម»។ លើសពីនេះ ឯកឧត្តមក៏បានបង្ហាញជំនឿថា កំណើនលំហូរទុនក្នុងអភិវឌ្ឍអចលនទ្រព្យ និងសំណង់នេះ នឹងជួយកម្ពុជាឱ្យសម្រេចចក្ខុវិស័យក្លាយជាប្រទេសមានចំណូលមធ្យមកម្រិតខ្ពស់នៅ ឆ្នាំ២០៣០ និងក្លាយជាប្រទេសមានចំណូលខ្ពស់នៅឆ្នាំ២០៥០៕
អានបន្ថែម
តើកម្ពុជានិងជប៉ុនបានសម្រេចសមិទ្ធិផលធំៗអ្វីខ្លះលើវិស័យដីធ្លីនិងសំណង់?
ឯកឧត្តម ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានបង្ហើបឱ្យដឹងថា កន្លងមកប្រទេសជប៉ុន បានជួយជ្រោមជ្រែងលើការងារជាច្រើនទាក់ទិននឹងវិស័យសំណង់ និងដីធ្លីនៅកម្ពុជា។ ក្នុងវេទិការដ្ឋ-ឯកជនលើកទី២ ស្តីពី “ការអភិវឌ្ឍន៍នគរូបនីយកម្មកម្ពុជា-ជប៉ុន” កាលពីថ្ងៃទី ១៦ ខែកុម្ភៈ ឆ្នាំ ២០២១ ឯកឧត្តម បានឱ្យដឹងថាសមិទ្ធិផលធំៗ ទាំងនោះរួមមាន៖ ១) ការងារសំណង់៖ ជប៉ុនបានជួយជ្រោមជ្រែង និងឱ្យជាអនុសាសន៍ ក្នុងការបង្កើតច្បាប់ស្តីពីសំណង់ដែលប្រកាសឱ្យប្រើប្រាស់កាលពីឆ្នាំ២០១៩ កន្លងមក។ លើសពីនេះ ជប៉ុនក៏បានជួយលើការរៀបរៀងអនុក្រឹត្យធំៗ ៣ ផងដែរ។ ហើយបច្ចុប្បន្ន JICA ក៏កំពុងត្រៀមជួយធ្វើការងារលើកកម្ពស់ការអនុវត្តច្បាប់សំណង់ និងការធានាសុវត្ថិភាពសំណង់ផងដែរ។ ២) ការងាររៀបចំដែនដី និងនគរូបនីយកម្ម៖ កន្លងមក ជប៉ុនក៏បានជួយលើការងារអភិវឌ្ឍទីក្រុងឆ្លាតវៃនៅ រាជធានីភ្នំពេញ ក្រុងបាត់ដំបង និងក្រុងសៀមរាប។ លើសពីនេះ ជប៉ុនក៏បានជួយរៀបចំសេចក្តីព្រាងច្បាប់ស្តីពីការរៀបចំដែនដីនិងនគរូបនីយកម្ម និងការអភិវឌ្ឍន៌ធនធានមនុស្សផងដែរ។ ៣)ការងារលំនៅឋាន៖ ជប៉ុនបានជួយសហការលើការបណ្តុះបណ្តាល គោលនយោបាយ និងលិខិតបទដ្ឋានគតិយុត្ត។ ៤) ការងារសុរិយោដី និងភូមិសាស្ត្រ៖ ជប៉ុនបានជួយអភិវឌ្ឍស្ថានីយវាស់វែងអចិន្ត្រៃយ៍ដោយផ្កាយរណប […]
អានបន្ថែម
សភាពាណិជ្ជកម្មអឺរ៉ុបជំរុញឱ្យក្រុមហ៊ុនសំណង់ចូលរួមកម្មវិធីប្រកួតទំនួលខុសត្រូវសង្គម
សភាពាណិជ្ជកម្មអឺរ៉ុបនៅកម្ពុជា កាលពីចុងសប្តាហ៍មុន បានប្រកាសបើកជាផ្លូវការនូវ កម្មវិធីប្រកួតពានរង្វាន់ទំនួលខុសត្រូវសង្គម ឬ CSR Contest and Awards ប្រចាំឆ្នាំ ២០២១ ហើយជំរុញឱ្យក្រុមហ៊ុនទាំងអស់នៅកម្ពុជា ជាពិសេសក្រុមហ៊ុនសំណង់ និងអចលនទ្រព្យចូលរួម ដើម្បីធ្វើឱ្យការអភិវឌ្ឍន៏នៅកម្ពុជាដើរទៅមុខដោយមាននិរន្តរភាព។ ប្រធានសភាពាណិជ្ជកម្មអឺរ៉ុបនៅកម្ពុជា លោក Tassilo Brinzer បានថ្លែងនៅក្នុងសន្និសីទកាសែត កាលពីថ្ងៃទី ទី ១០ ខែកុម្ភៈ នេះ ថា គោលបំណងចម្បងនៃកម្មវិធីនេះគឺដើម្បីជំរុញឱ្យវិស័យឯកជនងាកមកចូលរួមធ្វើឱ្យសង្គមមានភាពប្រសើរជាងមុន។ លោកបន្តថា សម្រាប់ឆ្នាំនេះដែរ កម្មវិធីមិនមែនបើកត្រឹមតែសមាជិក EuroCham ឬក្រុមហ៊ុនធំៗ នោះទេ ប៉ុន្តែយើងក៏ផ្ដល់ឱកាសដល់ក្រុមហ៊ុនតូច និងមធ្យមចូលរួមផងដែរ។ ក្នុងឱកាសសន្និសីទកាសែតនេះ ឯកឧត្តម សុខ ចិន្តាសោភា រដ្ឋមន្រ្តីប្រតិភូអមនាយករដ្ឋមន្រ្តី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា ក៏បានមានប្រសាសន៍ថា៖ «ផលចំណេញពីការចូលរួមកម្មវិធីនេះ គឺមិនមែនត្រឹមតែជាពានរង្វាន់ប៉ុណ្ណោះទេ តែគឺជាការលើកទឹកចិត្តដល់បុគ្គលិក ក៏ដូចជាការទាក់ទាញឱ្យធនធានមនុស្សល្អៗចង់ចូលមកធ្វើការក្នុងក្រុមហ៊ុនរបស់អ្នក»។ «លើសពីនេះ កម្មវិធីក៏ជាសញ្ញាសបញ្ជាក់ឱ្យអ្នកវិនិយោគិនពីបរទេសមើលឃើញថា កម្ពុជាក៏ផ្ដោត និងឱ្យតម្លៃទៅលើសកម្មភាពទំនួលខុសត្រូវសង្គមផងដែរ។ ហើយនេះ គឺនឹងជួយទាក់ទាញឱ្យមានវិនិយោគពីបរទេសកាន់តែច្រើនថែមទៀត» ឯកឧត្តម បានបន្ថែម។ គួរបញ្ជាក់ផងដែរថា […]
អានបន្ថែម
រដ្ឋាភិបាលត្រៀមបែងចែកកាត់ដីជិត ២ ពាន់ហិកតា នៅកំពង់ធំ ជូនដល់អតីតយុទ្ធជន
រដ្ឋបាលខេត្តកំពង់ធំ កំពុងរៀបចំបែងចែកក្បាលដីសម្បទានសង្គមកិច្ចទំហំជិត ២០០០ ហិកតា នៅភូមិត្រពាំងឬស្សី ស្រុកសន្ទុក ជូនដល់អតីតយុទ្ធជន។ នេះបើយោងតាមកិច្ចប្រជុំចុះពិនិត្យទីតាំងជាក់ស្តែង នៅថ្ងៃទី០២ ខែកុម្ភៈ កន្លងមកនេះ។ ឯកឧត្តម សុខ លូ អភិបាលខេត្តកំពង់ធំ បានឱ្យដឹងថា ដីសម្បទានសង្គមកិច្ចទំហំ ១៩៧៨ ហិកតា នឹងត្រូវរៀបចំបំបែកក្បាលដី ហើយបែងចែកជូនដល់អតីតយុទ្ធជនដែលគ្មានដី គ្មានផ្ទះ និងប្រជាពលរដ្ឋមានជីវភាពខ្វះខាត ក្នុងពេលឆាប់ៗនេះ តាមរយៈការចាប់ឆ្នោត។ ឯកឧត្តមបានបន្ថែមថា កន្លងមកមានប្រជាពលរដ្ឋ និងឈ្មួញមួយចំនួន បានរំលោភយកដីសម្បទានសង្គមកិច្ចដោយខុសច្បាប់។ ដូច្នេះ ដើម្បីដោះស្រាយបញ្ហានេះ អជ្ញាធរនឹងចាប់ផ្ដើមបញ្ជូនគ្រឿងចក្រដើម្បីកាយព្រំដី នៅពេលឆាប់ៗនេះ។ លើសពីនេះ រដ្ឋបាលខេត្តកំពង់ធំក៏បានបេ្តជ្ញាថានឹងរឹតបណ្តឹងការរំលោភយកដីសម្បទានសង្គមកិច្ចនេះ ដោយនឹងទាមទារមកជាសម្បត្តិរដ្ឋវិញ ដើម្បីរៀបចំបែងចែកជូនដល់អតីតយុទ្ធជន។
អានបន្ថែម
ខេត្តកំពត និងកែបគ្រោងធ្វើសៀវភៅមគ្គុទេសក៍វិនិយោគ ដើម្បីទាក់ទាញគម្រោងធំៗ ឱ្យបានច្រើនជាងមុន
ខេត្តកំពត និងកែបកំពុងចងក្រងសៀវភៅមគ្គុទេសក៍វិនិយោគ ក្នុងគោលបំណងដើម្បីទាក់ទាញការវិនិយោគបន្ថែម ក៏ដូចជាគ្រប់គ្រងគម្រោងវិនិយោគដែលបាន និងកំពុងអនុវត្តក្នុងខេត្តទាំង២នេះ ឱ្យកាន់តែមានប្រសិទ្ធភាពជាងមុន។ នេះបើយោងតាមការលើកឡើងរបស់ ឯកឧត្ដម ជាវ តាយ អភិបាលខេត្តកំពត ។ ឯកឧត្ដម ជាវ តាយ បានថ្លែងក្នុងកិច្ចប្រជុំជាមួយនឹងប្រតិភូសភាពាណិជ្ជម្មកម្មមណ្ឌលកំពត-កែប កាលពីថ្ងៃទី១ ខែកុម្ភៈ នេះ ថាសៀវភៅមគ្គុទេសនេះមានសារ:សំខាន់ណាស់សម្រាប់អ្នកវិនិយោគ ពោលគឺនឹងជួយឱ្យពួកគេងាយស្រួលក្នុងការសម្រេចចិត្ត។ បច្ចុប្បន្ន មន្រ្តីពាក់ព័ន្ធកំពុងសិក្សារចងក្រង ដោយក្រោយសម្រេចចេញជាលទ្ធផល សៀវភៅនឹងជួយជំរុញកំណើនទុនវិនិយោគក្នុងខេត្ត ឱ្យមានសន្ទុះកាន់តែខ្លាំង។ គួរបញ្ជាក់ផងដែរ ខេត្តកំពត និងកែបជាខេត្តដែលកំពុងមានសក្ដានុពលខ្ពស់។ តួយ៉ាងដូចជាង គម្រោងអភិវឌ្ឍន៍ជាង ២០០ និងប៉ូលទេសចរណ៍ធំៗចំនួន ៤ ត្រូវបានដាក់បញ្ចូលក្នុងសេចក្ដីព្រាងផែនការមេអភិវឌ្ឍន៍ទេសចរណ៍ខេត្តកែប កាលពីថ្មីនេះ។ (អានបន្ថែម) ដោយឡែកចំពោះខេត្តកំពតវិញ ក៏មានគម្រោងអភិវឌ្ឍធំៗ ជាច្រើនផងដែរ ដូចជា៖ -កំពង់ផែទេសចរណ៍តម្លៃជាង៨ លានដុល្លារ នៅស្រុកទឹកឈូ ដែលគ្រោងបើកដំណើការនៅឆ្នាំ២០២១នេះ ។ (អានបន្ថែម) -គម្រោងឆ្នេរខ្សាច់សិប្បនិមិត្តថ្មីនៅស្រុកទឹកឈូ ដែលកំពុងអភិវឌ្ឍលើផ្ទៃដី២៣៤ហិកតា ដោយរដ្ឋបាលខេត្តកំពត និងក្រុមហ៊ុន (IGB) Cambodia CO.LTD។ (អានបន្ថែម) […]
អានបន្ថែម