គម្រោងអភិវឌ្ឍន៍
ជប៉ុនផ្តល់ជំនួយប្រមាណ ២០៩លានយ៉េន ជួយស្តារហេដ្ឋារចនាសម្ព័ន្ធនៅកម្ពុជា
រដ្ឋាភិបាលជប៉ុន កាលពីថ្មីៗនេះ សម្រេចផ្តល់ជំនួយឥតសំណងប្រមាណ ២០៩លានយ៉េន ឬស្មើនឹង២លានដុល្លាអាមេរិក ដើម្បីជួយស្តារហេដ្ឋារចនាសម្ព័ន្ធនៅកម្ពុជា ដែលបានខូចខាតពីគ្រោះទឹកជំនន់ កាលពីខែតុលា ឆ្នាំ២០២០ កន្លងមកនេះ។ ថ្លែងក្នុងពិធីចុះហត្ថលេខាលើលិខិតប្តូរសារស្តីពីជំនួយឥតសំណង កាលពី ថ្ងៃទី២២ ខែ កុម្ភៈ នេះ ឯកឧត្តម មិកាមិ មាសាហ៊ីរ៉ូ ឯកអគ្គរាជនៃប្រទេសជប៉ុនប្រចាំកម្ពុជា បានឱ្យដឹងថា ជំនួយឥតសំណង ប្រមាណ២លានដុល្លាអាមេរិក នឹងផ្តល់តាមរយៈកម្មវិធីស្បៀងអាហារពិភពលោក។ ឯកឧត្តម ក៏បានបញ្ជាក់ថា ជំនួយនេះនឹងគាំទ្រដល់ការស្តារឡើងវិញនូវសហគមន៍ និងហេដ្ឋារចនាសម្ព័ន្ធដែលខូចខាតដោយទឹកជំនន់ ដូចជាប្រព័ន្ធធារាសាស្ត្រ និងផ្លូវតាមទីជនបទជាដើម។ ឯកឧត្តមសង្ឃឹមថា គម្រោងនេះនឹងជួយកាត់បន្ថយផលប៉ះពាល់អវិជ្ជមានទៅលើក្រុមគ្រួសារ និងសហគមន៍ដែលរងគ្រោះពីទឹកជំនន់ ហើយក៏ជួយរួមចំណែកលើកកម្ពស់កិច្ចសហប្រតិបត្តិការរវាងប្រទេសទាំង ២ ផងដែរ។ គួរបញ្ជាក់ផងដែរថា ទឹកជំនន់កាលពីខែតុលា កន្លងមកនេះ បានធ្វើឱ្យខូចខាតហេដ្ឋារចនាសម្ព័ន្ធសរុបជាង ៣ពាន់គីឡូម៉ែត្រ ដែលរដ្ឋាភិបាលកម្ពុជាបានប៉ាន់ប្រមាណថា នឹងត្រូវការថវិកាប្រមាណ ៩១ លាន ដើម្បីជួសជុល។ (អានបន្ថែម)
អានបន្ថែម
សាលសន្និបាត PH Grand Hall នឹងបើកដំណើរការនៅដើមឆ្នាំ ២០២២
សាលសន្និបាត និងសាលមង្គលការ លំដាប់ផ្កាយប ៥ ភីអេច ហ្គ្រេនហល (PH Grand Hall) របស់ក្រុមហ៊ុន ប៉េង ហួត គ្រុប គ្រោងនឹងបើកដំណើរការជាផ្លូវនៅដើមឆ្នាំ ២០២២ខាងមុខនេះហើយ។ សាលសន្និបាតនេះ មានទីតាំង ចម្ងាយ ២គ.ម ពីស្ពានព្រះមុន្នីវង្ស ពោលគឺស្ថិតនៅក្នុងគម្រោងបុរី ប៉េង ហួត បឹងស្នោ តាមបណ្តោយផ្លូវជាតិលេខ១ ក្បែរសួនសម្សាន្តយូរ៉ូផាក។ ក្រោយសាងសង់រួច សាលមួយនេះនឹងអាចទទួលភ្ញៀវបានរាប់ពាន់នាក់ សម្រាប់ការរៀបចំកម្មវិធីសន្និសីទ កម្មវិធីតាំងពិព័រណ៍ កិច្ចប្រជុំតូចធំ កម្មវិធីអាពាហ៍ពិពាហ៍ និងកម្មវិធីជួបជុំផ្សេងៗ។ គួរបញ្ជាក់ផងដែរថា តំបន់បឹងស្នោរនៅតាមបណ្តោយផ្លូវជាតិលេខ១ នេះ ជាតំបន់ដែលកំពុងតែមានសក្ដានុពលសំបូរទៅដោយគម្រោងលំនៅដ្ឋាន ផ្សារទំនើប ធនាគារ សាលារៀន និងហេដ្ឋារចនាសម្ព័ន្ធសាធារណៈជាច្រើនទៀត។
អានបន្ថែម
គម្រោងលំនៅដ្ឋានតម្លៃ ១០០ លានដុល្លារ លើផ្ទៃដី ៦៦ ហិកតា កំពុងបង្ហាញខ្លួនលើទឹកដីព្រះសីហនុ
គម្រោងអភិវឌ្ឍន៍លំនៅដ្ឋាន លន ស៊ីធី ឡូតធឺសស៊ីថោន តម្លៃ ១០០ លានដុល្លារ ដែលនឹងត្រូវសាងសង់លើផ្ទៃដី ៦៦ ហិកតា នៅខេត្តព្រះសីហនុ បានបើកសម្ពោធលក់ជាផ្លូវការហើយ កាលពីថ្ងៃទី ២២ កុម្ភៈ នេះ។ ពិធីបើកសម្ពោធ ត្រូវបានធ្វើឡើងក្រោមអធិបតីភាពរបស់ ឯកឧត្តម គួច ចំរើន អភិបាលខេត្តព្រះសីហនុ និង ឯកឧត្តមអ្នកឧកញ៉ា លី យ៉ុងផាត់ សមាជិកព្រឹទ្ធសភា ក៏ដូចជាមន្ត្រីពាក់ព័ន្ធដទៃទៀតផងដែរ។ គម្រោងនេះ មានទីតាំងស្ថិតក្នុងឃុំបិតត្រាង ស្រុកព្រៃនប់ ខេត្តព្រះសីហនុ ដែលនឹងសាងសង់ជាលំនៅដ្ឋាន ផ្ទះល្វែង បុរី វីឡា និងហេដ្ឋារចនាសម្ព័ន្ធផ្សេងៗទៀតរួមមាន សាលារៀន សួនច្បារ ស្ថានីយ៍ប្រេងឥន្ទនៈ អាហារដ្ឋាន និងកន្លែងហាត់ប្រាណជាដើម។ ឯកឧត្តមគួច ចំរើន អភិបាលខេត្តព្រះសីហនុ បានឱ្យដឹងក្នុងពិធីសម្ពោធនេះថា បើទោះបីជាមានវិបត្តិកូវីដ-១៩ក្តី ប៉ុន្តែចំពោះការវិនិយោគលើវិស័យអចលនទ្រព្យ និងសំណង់នៅប្រទេសកម្ពុជា ក៏ដូចជាក្នុងខេត្តព្រះសីហនុ នៅតែមានសកម្មភាពជាបន្តបន្ទាប់។ ឯកឧត្តមបានបន្តថា ខេត្តព្រះសីហនុ គឺជាខេត្តតំបន់ឆ្នេរមួយ ដែលមានការអភិវឌ្ឍន៍លើគ្រប់វិស័យ […]
អានបន្ថែម
អគារសួនច្បារអាកាសខ្ពស់បំផុតលើពិភពលោក តម្លៃ ២ពាន់លានដុល្លារ គ្រោងបើកការដ្ឋានឆ្នាំនេះ
អគារធនាគារ Southbank តម្លៃជាង ២ ពាន់លានដុល្លារនៅទីក្រុង Melbourne នៃប្រទេសអូស្រ្តាលី នឹងក្លាយជាអគារសួនច្បារលើអាការ ឬ Vertical Garden Tower ខ្ពស់ជាងគេបំផុតនៅលើពិភពលោក ក្រោយសាងសង់រួចនៅពេល ៥ឆ្នាំខាងមុខ។ យោងតាមរបាយការណ៍របស់គេហទំព័រ Architecture & Design គម្រោងនេះនឹងត្រូវសាងសង់ ដោយក្រុមហ៊ុន Beulah និងត្រូវបានរចនាប្លង់ដោយ UNStudio និង Cox Architecture ដែលសុទ្ធសឹងតែជាក្រុមហ៊ុនល្បីល្បាញ។ អគារ Southbank by Beulah នេះ នឹងមានកម្ពស់ ៣៦៥ ម៉ែត្រនោះ ហើយគ្រប់ដណ្ដប់ដោយសួនច្បារអាកាស ឬ Vertical Garden ដ៏ធំ ពោលគឺស្មើនឹង ១,៥ ដងនៃផ្លូវរត់ជុំវិញសួន Royal Botanic Gardens នៃទីក្រុង Melbourne។ សួនច្បារអាកាសទាំងអស់គឺមានទំហំតូចៗ ដែលតភ្ជាប់គ្នាពីផ្នែកនីមួយៗនៃអគារ ដើម្បីបង្កើតជាសហគមន៍បៃតងមួយ ចាប់ពីជាន់ក្រោមដីដល់ជាន់លើបំផុត។ ហើយបើបូកសរុបផ្ទៃសួនទាំងអស់គឺអាចនឹងស្មើ ១៥.៥០០ […]
អានបន្ថែម
រដ្ឋបាលខេត្តព្រះសីហនុ ស្នើចិនជួយអភិវឌ្ឍលើកកម្ពស់ប្រព័ន្ធផ្លូវដែកនៅកម្ពុជា
រដ្ឋបាលខេត្តព្រះសីហនុ បានដាក់សំណើរទៅកាន់ប្រទេសចិន តាមរយៈលោកប្រធានការិយាល័យកុងស៊ុលចិន ឱ្យជួយអភិវឌ្ឍលើកម្ពស់ផ្លូវដែកកម្ពុជាកាន់តែប្រសើរឡើង ជាពិសេសលើការងារបច្ចេកទេស។ នេះបើយោងតាមជំនួបសម្តែងការគួរសមរវាង អភិបាលខេត្តព្រះសីហនុឯកឧត្តម គួច ចំរើន និងលោក JIANG WEI ប្រធានតំណាងការិយាល័យកុងស៊ុលចិនប្រចាំខេត្តព្រះសីហនុត្រូវនឹងថ្ងៃទី១៦ ខែកុម្ភៈ កន្លងទៅនេះ។ ឯកឧត្តម គួច ចំរើន បានលើកឡើងថា បច្ចុប្បន្នខេត្តព្រះសីហុនុមានផ្លូវដែកតភ្ជាប់ទៅកាន់រាជធានីភ្នំពេញ ក្នុងការដឹកជញ្ជូនទំនិញ និងអ្នកដំណើរ ក៏ប៉ុន្តែមិនទាន់ឆ្លើយតបតាមតម្រូវការនៃការអភិវឌ្ឍរបស់កម្ពុជានៅឡើយទេ។ ហេតុនេះ លោកសង្ឃឹមថា លោកប្រធានការិយាល័យកុងស៊ុលចិន នឹងជួយរកដៃគូរជាជំនួយបច្ចេកទេស ដើម្បីជំរុញការអភិវឌ្ឍផ្លូវដែកនៅកម្ពុជាបន្ថែមទៀត។ លោកបន្តថា ជំនួយបច្ចេកទេសនេះ នឹងអាចកាត់បន្ថយចំណាយលើការដឹកជញ្ជូនតាមផ្លូវដែក កាត់បន្ថយគ្រោះថ្នាក់ និងការខូចខាតផ្លូវជាដើម។ ក្រៅពីស្នើចិនឱ្យជួយលើវិស័យផ្លូវដែក រដ្ឋបាលខេត្តព្រះសីហនុក៏ស្នើឱ្យចិនជួយពន្លឿនការសាងសង់មន្ទីរពិសោធន៍វេជ្ជសាស្រ្តនៅក្នុងមន្ទីរពេទ្យបង្អែកឱ្យបានឆាប់រួចរាល់ផងដែរ។ ជាការឆ្លើយតប លោក JIANG WEI បានមានប្រសាសន៍ថា ប្រទេសចិនគាំទ្រពេញទំហឹងដល់ខេត្តព្រះសីហនុ ក្នុងការជួយជំរុញការសាងសង់មន្ទីរពេទ្យនៅខេត្តព្រះសីហនុ និងជាពិសេសនឹងបន្តជំរុញអ្នកវិនិយោគចិនមកកាន់ខេត្តនេះបន្ថែមទៀត ៕
អានបន្ថែម
UNESCO បារម្ភថាគម្រោងរីសតតម្លៃជាង ៣៥០ដុល្លាររបស់ NagaCorp នៅសៀមរាប អាចប៉ះពាល់ដល់ប្រាសាទអង្គរវត្ត
អង្គការយូណេស្កូ បានសម្ដែងក្ដីព្រួយបារម្ភថា គម្រោងរមណីយដ្ឋានមិនមែនកាស៊ីណូដ៏ធំតម្លៃជាង ៣៥០ លានដុល្លាររបស់ក្រុមហ៊ុន NagaCorp អាចនឹងជះឥទ្ធិពលអវិជ្ជមានដល់ទឹកដីប្រាសាទអង្គរវត្ត ដែលជាបេតិកភ័ណ្ឌពិភពលោក ទោះបីក្រុមហ៊ុនអះអាងថាទីតាំងគម្រោងគឺនៅក្រៅតំបន់អភិរក្សក្ដី។ អង្គការយូណេស្កូ បានចេញសេចក្ដីប្រកាសព័ត៌មានកាលពីថ្ងៃទី ១៧ កុម្ភៈ ថា លទ្ធផលនៃកិច្ចប្រជុំនៃគណៈកម្មាធិការអន្តរជាតិសម្រាប់រមណីយដ្ឋានអង្គរ (ICC) បានឱ្យដឹងថា ទាំងអ្នកបច្ចេកទេស និងជំនាញផ្នែកអភិរក្ស សុទ្ធតែយល់ថា គម្រោងនេះអាចប៉ះពាល់ដល់រមណីយដ្ឋានអង្គរ។ សេចក្ដីប្រកាសបានបន្តថា គម្លាតពីគម្រោងទៅតំបន់អភិរក្ស ក៏ដូចជាសកម្មភាពដែលក្រុមហ៊ុនគ្រោងនឹងធ្វើ ពិតជាអាចជះឥទ្ធិពលដល់ប្រាសាទអង្គរ ពោលគឺអាចប៉ះពាល់ដល់ការរៀបចំជុំវិញតំបន់អភិរក្ស បញ្ហាបរិស្ថាន និងវត្ថុបុរាណ ដែលជាការងារសំខាន់មួយនៃសម្បត្តិបេតិកភណ្ឌពិភពលោក។ ក្រៅពីសម្ដែងក្ដីបារម្ភនេះ អង្គការយូណេស្កូក៏នឹងបន្តតាមដានសកម្មភាពរបស់គម្រោងនេះជាបន្តបន្ទាប់។ ក្នុងនោះដែរ គណៈកម្មាធិការបេតិកភណ្ឌពិភពលោក នឹងពិភាក្សាបញ្ហានេះបន្ថែមទៀត នៅសម័យប្រជុំលើកទី ៤៤ នៅខែមិថុនា ដល់ខែ កក្កដា ឆ្នាំ ២០២១ ខាងមុខនេះ។ គួរបញ្ជាក់ផងដែរថា ក្រុមហ៊ុន NagaCorp បានប្រកាសថានឹងអភិវឌ្ឍគម្រោងនេះកាលពីខែ វិច្ឆិកា ឆ្នាំ ២០២០ កន្លងនេះ។ ក្រុមហ៊ុនអះអាងថា គម្រោងនេះមិនមែនជាកាស៊ីណូទេតែជារមណីយដ្ឋានចំរុះដែលរួមមានជា សណ្ឋាគារ ឧទ្យានទឹក កន្លែងជិះទុកកម្សាន្ត […]
អានបន្ថែម
សណ្ឋាគារផ្កាយ៥ ស្ដង់ដារអន្តរជាតិប្រេនWyndham ដំបូងបង្អស់បើកទ្វារជាផ្លូវការនៅខេត្តព្រះសីហនុ
សណ្ឋាគារ Howard Johnson Plaza by Wyndham Blue Bay ដែលជាសណ្ឋាគារផ្កាយ ៥ ស្ដង់ដារអន្តរជាតិប្រេន Wyndham ដំបូងបង្អស់នៅកម្ពុជា បានបើកទ្វារជាផ្លូវការនៅតាមបណ្តោយឆ្នេរឯករាជ្យនៃខេត្តព្រះសីហនុ។ នេះបើយោងតាមគេហទំព័រសារព័ត៌មាន PR Newswire។ បើយោងតាមប្រភពដដែល នេះជាលើកទីមួយហើយដែល ក្រុមហ៊ុនផ្គត់ផ្គង់ និងគ្រប់គ្រងសេវាកម្មបដិសណ្ឋារកិច្ចឈានមុខគេមួយលើពិភពលោក Wyndham Hotels & Resorts មកបើកសណ្ឋាគារនៅកម្ពុជា។ សណ្ឋាគារ Howard Johnson Plaza by Wyndham Blue Bay នេះ មានកំពស់ ៣៦ ជាន់ និងមានបន្ទប់ ៣២២ បន្ទប់។ សណ្ឋាគារក៏មានសេវាកម្មផ្សេងៗទៀត ដូចជា ទាំងអាងហែលទឹកដែលអាចមើលឃើញទេសភាពសមុទ្រ កន្លែងហាត់ប្រាណ ផ្សារទំនើប និងភោជនីយដ្ឋានជាដើម។ លោក Joon Aun Ooi ប្រធានក្រុមហ៊ុន Wyndham Hotels & […]
អានបន្ថែម
គម្រោងកីឡដ្ឋានខេត្តកំពង់ស្ពឺតម្លៃជាង ២ លានដុល្លារ នឹងបើកការដ្ឋាននៅចុងខែកុម្ភៈនេះ
គម្រោងកីឡដ្ឋានខេត្តកំពង់ស្ពឺតម្លៃជាង ២ លានដុល្លារ នឹងត្រូវបើកការដ្ឋានសាងសង់ជាផ្លូវជាការ នៅថ្ងៃទី២១ ខែកុម្ភៈ នេះ ក្រោមអធិបតីភាពរបស់ ឯកឧត្តម ហ៊ុន ម៉ានី ដែលជាអ្នកតំណាងរាស្ដ្រមណ្ឌលខេត្តកំពង់ស្ពឺ។ អភិបាលខេត្តកំពង់ស្ពឺ ឯកឧត្តម រ៉ី សំណាង បានថ្លែងប្រាប់ទស្សនាវដ្តីសំណង់ និងអចលនទ្រព្យ នៅថ្ងៃទី១៨ ខែកុម្ភៈ ឆ្នាំ២០២១ ថា៖ «កាលពីខែធ្នូឆ្នាំ ២០១៩ យើងធ្លាប់បើការដ្ឋានម្ដងហើយ តែគឺគ្រាន់បើកការសាងសង់របង ដោយឡែកនៅចុងសប្តាហ៍ហ្នឹងគឺគេរៀបចំបុកគ្រឹះស្តាតតែម្តង»។ ឯកឧត្តមបន្ថែមថា៖ «បើទោះបីជាមានវិបត្តិកូវីដក្ដី កីឡដ្ឋានមួយនេះនៅតែបន្តសាងសង់ និងបញ្ចប់ការសាងសង់ដូចការគ្រោងទុក ព្រោះម្ចាស់ជំនួយនៅតែបន្តផ្ដល់ជំនួយ»។ គួររំលឹកថា កីឡដ្ឋានស្តង់ដារអន្តរជាតិនេះ កំពុងសាងសង់ក្រោមជំនួយឧបត្ថម្ភជាង ២លានដុល្លារ របស់មូលនិធិណាហ្គាវើល ដែលគ្រោងនឹងបញ្ចប់ការសាងសង់ទាំងមូលឱ្យទាន់ពេលវេលាដែលកម្ពុជានឹងធ្វើជាម្ចាស់ផ្ទះកីឡាស៊ីហ្គេម ឆ្នាំ២០២៣។ កីឡដ្ឋានស្តង់ដារអន្តរជាតិមួយនេះមានទីតាំងស្ថិតនៅក្នុងភូមិ តាម៉ុល សង្កាត់ច្បារមន ក្រុងច្បារមន ខេត្តកំពង់ស្ពឺ ដែលនឹងត្រូវសាងសង់លើផ្ទៃដីប្រមាណ ៤ហិចតា។
អានបន្ថែម
ម៉ាឡេស៊ី និងជប៉ុន គ្រោងវិនិយោគ ៤១ លានដុល្លារសាងសង់ខ្សែបញ្ចូនថាមពលក្រោមដីនៅកម្ពុជា
ក្រុមហ៊ុនម៉ាឡេស៊ី PESTECH ដែលជាដៃគូគ្នាជាមួយនឹងក្រុមហ៊ុនជប៉ុន Furukawa Electric Co Ltd កាលពីថ្មីៗនេះ ទើបតែទទួលបានកិច្ចសន្យាពី អគ្គិសនីកម្ពុជា(EDC) ក្នុងការវិនិយោគសាងសង់ខ្សែបញ្ចូនថាមពលអគ្គិសនីក្រោមដីតម្លៃជាង ៤១ លានដុល្លាអាមេរិក នៅរាជធានីភ្នំពេញ។ បើយោងតាមសេចក្ដីប្រកាសរបស់ក្រុមហ៊ុន ការងារបែងចែកចេញជា ២ ផ្នែក គឺ ទី១ គម្រោងពង្រីកខែ្សបញ្ចូន និងបណ្ដាញចែកចាយអគ្គិសនីនៅរាជធានីភ្នំពេញដំណាក់កាលទី ២ (ប្រើប្រាស់ថវិកាប្រមាណ ២១ លានដុល្លារ) និងទី ២ គម្រោងលទ្ធកម្មបណ្តាញបញ្ជូនអគ្គិសនីក្រោមដី (ប្រើប្រាស់ថវិកាប្រមាណ ២០ លានដុល្លារ)។ ខ្សែបណ្តាញអគ្គីសនីនេះ នឹងមានតង់ស្យុង ២៣០ គីឡូវ៉ុល និង ២២០ គីឡូវ៉ុល ដែលក្រុមហ៊ុន PESTECH នឹងមានតួនាទីរចនាប្លង់ ស្ទង់មតិ ធ្វើផលិតកម្ម ធ្វើតេស្ត៍ និងដំឡើងបង្គោលផងដែរ។ ដោយឡែក ក្រុមហ៊ុនក៏បានឱ្យដឹងថា ចំពោះកាលបរិច្ឆេទចាប់ផ្តើមសាងសង់ និងបញ្ចប់គម្រោង គឺនឹងត្រូវសម្រេចដោយអគ្គិសនីកម្ពុជា (EDC) នៅពេលចរចាកិច្ចសន្យាជាមួយក្រុមហ៊ុន។
អានបន្ថែម
រដ្ឋសម្រេចកំណត់យកដីជាង ៣ពាន់ហិកតាក្នុងស្រុក៤នៃខេត្តព្រៃវែងជាតំបន់ប្រើប្រាស់ច្រើនយ៉ាង
រាជរដ្ឋាភិបាលបានសម្រេចដាក់តំបន់ទួលព័ន្ធតាឡី បឹងស្នេហ៍ ដែលមានផ្ទៃដីសរុបប្រមាណ ៣៥៥៧ ហិកតា នៅខេត្តព្រៃវែង ជាតំបន់ប្រើប្រាស់ច្រើនយ៉ាង។ នេះបើយោងតាមអនុក្រឹត្យលេខ១៦ អនក្រ.បក និងលេខ១៧ អនក្រ.បក ចុះថ្ងៃទី០៥ ខែកុម្ភៈ ឆ្នាំ២០២១។ តំបន់ទួលព័ន្ធតាឡី បឹងស្នេហ៍នេះ មានទីតាំងស្ថិតនៅក្រុងព្រៃវែង ស្រុកស្វាយអន្ទរ ស្រុកពាមរក៍ និងស្រុកបាភ្នំ នៃខេត្តព្រៃវែង ហើយត្រូវបានបែកចែកជា ២ តំបន់បន្ថែមទៀត រួមមានតំបន់ស្នូល និងតំបន់ប្រើប្រាស់ដោយចីរភាព ដើម្បីគ្រប់គ្រង ថែរក្សា អភិរក្ស និងអភិវឌ្ឍសេដ្ឋកិច្ចសង្គមប្រកបដោយនិរន្តភាព។ ក្នុងនោះដែរ តំបន់ស្នូលមានទំហំផ្ទៃដីប្រមាណ៨៦ ហិកតា ស្ថិតនៅស្រុកបាភ្នំ និងស្រុកស្វាយអន្ទរ។ ចំណែកឯ តំបន់ប្រើប្រាស់ដោយចីរភាព មានទំហំផ្ទៃដីប្រមាណ៣៤៧១ ហិកតា ស្ថិតនៅក្នុងក្រុងព្រៃវែង ស្រុកស្វាយអន្ទរ ស្រុកពាមរក៍ និងស្រុកបាភ្នំ។ គួរបញ្ជាក់ថា ការសម្រេចបង្កើតតំបន់ប្រើប្រាស់យ៉ាងនេះ គឺដើម្បីថែរក្សា និងការពារសោភណភាពធម្មជាតិ ប្រព័ន្ធអេឡូស៊ី ជីវចម្រុះ បរិស្ថាន និងវប្បធម៌នៅក្នុងខេត្ត។ លើសពីនេះ កាលពីខែមុន រាជរដ្ឋាភិបាលក៏បានសម្រេចចុះបញ្ជីភ្នំធម្មជាតិ ២ […]
អានបន្ថែម