គម្រោងអភិវឌ្ឍន៍
អ្នកជំនាញ៖ គម្រោងហេដ្ឋារចនាសម្ព័ន្ធធំៗ នឹងងាកទៅរកការអភិវឌ្ឍបៃតងនៅឆ្នាំក្រោយ
ក្រុមហ៊ុនអភិវឌ្ឍយក្សរួមមាន ក្រុមហ៊ុនបារាំង Vinci ក្រុមហ៊ុនអេស្ប៉ាញ Ferrovial និងក្រុមហ៊ុន ACS នឹងងាកទៅរកការអភិវឌ្ឍចីរភាព ដោយអភិវឌ្ឍន៍លើគម្រោងហេដ្ឋារចនាសម្ព័ន្ធបៃតង និងថាមពលប្រើប្រាស់ឡើងវិញ ខណៈរដ្ឋាភិបាលប្រទេសទាំងនេះកំពុងព្យាយាមកាត់បន្ថយឧស្ម័នពុល និងរក្សាកំណើនសេដ្ឋកិច្ចប្រទេសរៀងៗខ្លួន។ នេះបើយោងទៅតាម ការវិភាគរបស់ក្រុមហ៊ុន Fitch Solutions ចេញផ្សាយលើគេហទំព័រ Global Construction Review កាលពីថ្ងៃទី ១៤ ធ្នូ កន្លងទៅ។ ក្នុងពេលពិភពលោកកំពុងជួបនឹងវិបត្តិកូវីដ ១៩ គម្រោងព្រលានយន្តហោះតម្លៃរាប់ពាន់លានដុល្លានៅលើពិភពលោកត្រូវបានផ្អាកការសាងសង់មួយរយៈ គួបផ្សំជាមួយនឹងចំនួនអ្នកហោះហើរធ្លាក់ចុះប្រមាណ ៦០% ទៅ ៧០% ក្នុងឆ្នាំនេះ ក្រុមហ៊ុនអភិវឌ្ឍព្រលានយន្តហោះ Vinci និង Ferrovial សម្រេចឈប់វិនិយោគលើគម្រោងទាំងនេះវិញ។ យ៉ាងណាមិញ ក្រុមហ៊ុន Fitch ក៏បានវិភាគថា ការវិនិយោគលើវិស័យប្រើប្រាស់ឡើងវិញ មិនត្រឹមតែជាវិធិសាស្ត្រល្អបំផុតក្នុងការជួយស្រោចស្រង់សេដ្ឋកិច្ចប្រទេសឡើងវិញប៉ុណ្ណោះទេ ថែមទាំងជាការអភិវឌ្ឍស្របតាមគោលការរបស់រដ្ឋាភិបាលក្នុងការកាត់បន្ថយឧស្ម័នពុលថែមទៀតផង។ ថាមពលប្រើប្រាស់ឡើងវិញរួមមាន ថាមពលពន្លឺព្រះអាទិត្យ ខ្យល់ អ៊ីដ្រូសែន និងថាមពលដទៃទៀតជាដើម។ បច្ចុប្បន្ន បារាំង យកតំបន់ឯនាយឆ្នេរ Normandy ធ្វើជាកសិដ្ឋានសម្រាប់ផលិតថាមពលអគ្គីសនីដើរដោយខ្យល់អានុភាព 1GW […]
អានបន្ថែម
រូងក្រោមដីចំនួន ៧៥ កន្លែងនៃផ្លូវរថភ្លើងភ្ជាប់ពីឡាវ – ចិន បញ្ចប់ការសាងសង់ហើយ
គម្រោងផ្លូវរូងក្រោមដីដ៏ធំសម្បើមចំនួន ៧៥ កន្លែងនៃខ្សែផ្លូវរថភ្លើងតភ្ជាប់ពីឡាវ ទៅ ចិន ប្រវែងប្រមាណ ៤១៤ គ.ម បានបញ្ចប់ការដ្ឋានសាងសង់ហើយ។ នេះបើយោងតាម ក្រុមហ៊ុនអភិវឌ្ឍន៍ Laos-China Railway Company (LCRC) កាលពីពេលថ្មីៗនេះ។ គម្រោងផ្លូវរថភ្លើងតភ្ជាប់ពីឡាវ ទៅ ចិននេះ គឺជាគម្រោងក៏ធំសម្បើមមួយ ដែលតម្រូវឱ្យមានការសាងសង់ផ្លូវរូងក្រោមដីចំនួន ៧៥ ខ្សែ ឆ្លងកាត់តំបន់ភ្នំ និងព្រៃឈើទាំងក្នុងប្រទេសឡាវ និងចិន។ កំពុងសាងសង់ឡើងក្រោមទុនវិនិយោគជាង ៦ ពាន់លានដុល្លារអាមេរិក ជាងពាក់កណ្តាលនៃផ្លូវរថភ្លើងនេះ ត្រូវសាងសង់ជាផ្លូវក្រោមដី ឬសង់ជាផ្លូវអាកាស ពោលគឺ មានផ្លូវក្រោមដីប្រវែង ១៩៨ គីឡូម៉ែត្រ និងស្ពានផុតពីដីប្រវែង ៦២ គីឡូម៉ែត្រ។ មកទល់បច្ចុប្បន្ន ការងារដែលនៅសេសសល់ រួមមានការបង្ហើយផ្លូវរត់ និងហេដ្ឋារចនាសម្ព័ន្ធផ្សេងៗដូចជាស្ថានីយរថភ្លើងជាដើម។ គម្រោងនេះចាប់ផ្ដើមសាងសង់តាំងពីខែធ្នូឆ្នាំ ២០១៦ មកម្លេះ ហើយគ្រោងនឹងបញ្ចប់ ហើយបើកដំណើរនៅខែធ្នូឆ្នាំ ២០២១ ខាងមុខនេះ។
អានបន្ថែម
ដី៥ហិកតានៅបឹងកន្សែងខេត្តរតនគិរី នឹងផ្លាស់ប្ដូរមុខមាត់ជាតំបន់ទេសចរណ៍ពហុបំណង
អភិបាលខេត្តរតនគិរី ឯកឧត្តម ថង សាវុន និងក្រុមមន្ត្រីជំនាញ កាលពីថ្មីៗនេះ បានចុះត្រួតពិនិត្យផលប៉ះពាល់គម្រោងកែលម្អអភិវឌ្ឍន៍ហេដ្ឋារចនាសម្ព័ន្ធដីទំហំ ៥ ហិកតា នៅតំបន់បឹងកន្សែង ស្រុកបានលុង ខេត្តរតនគិរី។ ក្នុងដំណើរត្រួតពិនិត្យកាលពីថ្ងៃទី ១៤ ធ្នូ នេះ ឯកឧត្តម បានមានប្រសាសន៍ថា ប្រជាជន ៤៥ គ្រួសារ ដែលត្រូវប៉ះពាល់គម្រោងនេះត្រូវបានយល់ព្រមស្ម័គ្រចិត្ត រុះរើសំណង់ តូប ចេញពីចំណីផ្លូវ ដើម្បីទុកលទ្ធភាពជូនអាជ្ញាធរសាងសង់ហេដ្ឋារចនាសម្ព័ន្ធនៃគម្រោងនេះ។ បើយោងតាមផែនទីគំរូនៃគម្រោង រដ្ឋបាលគ្រោងនឹង ការសាងសង់អគាររដ្ឋបាល និងមហោស្រព សារមន្ទីរ សាលតាំងពិព័ណ៍ ចំណតរថយន្ត ផ្លូវ សម្រាប់ដើរជុំវិញបឹង សួនច្បារ និង កោះសម្រាប់ជាជម្រកសត្វស្លាប នៅកណ្ដាលបឹងផងដែរ។ គួរបញ្ជាក់ផងដែរថា ផ្ទៃដីសរុបនៃតំបន់បឹងកន្សែងនេះ មានផ្ទៃទឹកទំហំប្រមាណជាង ១៩ ហិកតា និងផ្ទៃគោកជាង ៥ ហិកតា ដែលនឹងត្រូវអភិវឌ្ឍន៍ នាពេលឆាប់ៗនេះ។ ថ្មីៗនេះ រដ្ឋបាលខេត្តបានប្រកាសថា នឹងអភិវឌ្ឍន៍រៀបចំកែលម្អរហេដ្ឋារចនាសម្ព័ន្ធ នៅជុំវិញតំបន់បឹងកន្សែងនេះ ឡើងវិញ ដើម្បីទាក់ទាញភ្ញៀវទេសចរណ៍ផងដែរ។
អានបន្ថែម
ការសិក្សាគម្រោងអាកាសយានដ្ឋាននៅមណ្ឌលគីរីគ្រោងនឹងបញ្ចប់នៅដើមឆ្នាំក្រោយ
ការសិក្សាលទ្ធភាពសាងសង់អាកាសយានដ្ឋានខេត្តមណ្ឌលគីរី គ្រោងនឹងបញ្ចប់នៅដើមឆ្នាំក្រោយ ដែលនេះជាការបោះជំហានមួយដ៏ធំសម្រាប់ការតភ្ជាប់ខេត្តភាគឦសាន ជាមួយនឹងខេត្តផ្សេងៗក្នុងប្រទេស។ លោក ស៊ិន ចាន់សេរីវុត្ថា អ្នកនាំពាក្យលេខាធិការដ្ឋានអាកាសចរណ៍ស៊ីវិល បានឱ្យដឹងថា បច្ចុប្បន្ន ការសិក្សានេះកំពុងពិនិត្យមើលទៅលើការសិក្សាផលប៉ះពាល់សង្គម និងបរិស្ថាន។ លោកថ្លែងថា៖ «យើងកំពុងតែសិក្សា យើងអត់ទាន់ធ្វើអី្វទាំងអស់ …ជាពិសេសយើងកំពុងពិនិត្យលើលទ្ធភាពសេដ្ឋកិច្ច និងហិរញ្ញវត្ថុ តើយើងត្រូវអនុវត្តយ៉ាងម៉េច។ សិក្សាចប់ បានយកមក ដាក់គណៈកម្មការប្រជុំ ថាតើត្រូវធ្វើអ្វីទៀត»។ លោកបន្តថា៖ “យើងអត់ទាន់មានការជ្រើសរើស អ្នកអភិវឌ្ឍន៍នៅឡើយទេ ព្រោះយើងកំពុងសិក្សា ហើយការសិក្សា ខែមករាហ្នឹង គឺចប់ហើយ”។ លោកបញ្ជាក់បន្ថែមថា រដ្ឋលេខាធិការដ្ឋានអាកាសចរណ៍ស៊ីវិល ជាអ្នកសិក្សា ប៉ុន្តែការសម្រេចលទ្ធផលសិក្សាគឺខាងអន្តរក្រសួងជាអ្នកសម្រេច។ គម្រោងសាងសង់ព្រលានយន្តហោះនេះ មានទីតាំងស្ថិតក្នុងស្រុកអូរាំង ខេត្តមណ្ឌលគីរី ហើយគោលបំណងនៃការសាងសង់ព្រលាននេះ គឺដើម្បីជំរុញការអភិវឌ្ឍន៍វិស័យទេសចរណ៍ កសិឧស្សាហកម្ម កសិទេសចរណ៍ ជាពិសេសគឺការតភ្ជាប់ខេត្តភាគឦសាន ជាមួយនឹងខេត្តផ្សេងៗក្នុងប្រទេស។ ក្រៅពីគម្រោងព្រលានយន្តហោះ រដ្ឋាភិបាលក៏មានគម្រោងចង់ផ្លាស់ប្តូរខេត្តមណ្ឌលគីរីទៅជាគោលដៅទេសចរណ៍អន្តរជាតិ។ ផែនការមេ ឆ្នាំ២០២០-២០៣៥ នឹងបញ្ចប់នៅចុងឆ្នាំ២០២០នេះ ហើយគ្រោងដាក់ឆ្លងរាជរដ្ឋាភិបាលនៅដើមឆ្នាំក្រោយ។ (អានបន្ថែម) ក្នុងផែនការមេទាំងមូលរួមមានការអភិវឌ្ឍជាច្រើនកន្លែង ដែលក្នុងនោះក្រុងសែនមនោរម្យ នឹងត្រូវអភិវឌ្ឍ ទៅជាទីក្រុងពហុបំណង ដែលមានសកម្មភាពកម្សាន្តផ្សេងៗមានលក្ខណៈសម្បូរបែប។ លើសពីនេះ […]
អានបន្ថែម
ក្រសួងមានផែនការចង់សាងសង់រថភ្លើងតភ្ជាប់ពីទីក្រុងភ្នំពេញទៅព្រលានយន្តហោះថ្មី
ក្រសួងសាធារណៈការ និងដឹកជញ្ជូន មានផែនការចង់សិក្សាលទ្ធភាពសាងសង់ផ្លូវរថភ្លើងតភ្ជាប់ពីរាជធានីភ្នំពេញ ទៅកាន់ព្រលានយន្តហោះភ្នំពេញថ្មីនៅខេត្តកណ្តាល ដើម្បីជួយសម្រួលដល់ការធ្វើដំណើរទៅមក ដោយមិនចាំបាច់ស្ទះចរាចរណ៍។ ឯកឧត្តម លី បូរិន អនុរដ្ឋលេខាធិការនៃក្រសួងសាធារណការ និងដឹកជញ្ជូន បានប្រាប់ទស្សនាវដ្ដីសំណង់ និងអចលនទ្រព្យកាលពីថ្មីៗនេះថា ក្រសួងបានត្រៀមផែនការនេះរួចហើយ តែមិនទាន់មានការពិភាក្សាគ្នាជាមួយក្រុមហ៊ុនឯកជននៅឡើយទេ។ ឯកឧត្តម ថ្លែងថា៖ «នេះជាការត្រៀមទុករបស់ឯកឧត្តមទេសរដ្ឋមន្រ្តី (ស៊ុន ចាន់ថុល)…កាលណាគេធ្វើព្រលានយន្តហោះជិតហើយទៅ យើងនឹង Design ចូលទៅយ៉ាងមិច អីយ៉ាងមិច…[យើងនឹងគិតបន្តទៀត]»។ ដោយសារគម្រោងព្រលានយន្តហោះថ្មីនឹងសាងសង់រួចជាស្ថាពរ នៅឆ្នាំ២០២៣ ដែលនៅសល់ពេលយូរទៀត ក្រសួងនៅមិនទាន់បង្ហាញព័ត៌មានលម្អិតអ្វីជាក់លាក់ទេ តែនឹងបន្តសិក្សា។ ទាក់ទិននឹងការធ្វើដំណើរទៅមកព្រលានថ្មីនេះ ក្រុមហ៊ុន OCIC ក៏មានផែនការចង់សាងសង់ផ្លូវល្បឿនលឿនពីព្រលានថ្មីមករាជធានីភ្នំពេញដែរ។ បើយោងតាមអ្នកនាំពាក្យរដ្ឋលេខាធិការអាកាសចរណ៍ស៊ីវិល ឯកឧត្តម ស៊ិន ចាន់សេរីវុត្ថា គម្រោងនេះគឺជាគម្រោងដាច់ដោយឡែកពីគម្រោងសាងសង់ព្រលានរបស់ OCIC។ (អានបន្ថែម) គួរបញ្ជាក់ផងដែរថា គម្រោងព្រលានយន្តភ្នំពេញថ្មីនេះ គឺជាគម្រោងខ្នាតយក្សតម្លៃជាង ១,៥ ពាន់លានដុល្លារ។ គិតមកត្រឹមខែមេសា គម្រោងនេះសម្រេចការសាងសង់បានប្រមាណ ៣០% ហើយសម្រាប់ដំណាក់កាលទី១ ហើយគ្រោងនឹងបញ្ចប់ក្នុងឆ្នាំ ២០២៣ នេះ។ (អានបន្ថែម)
អានបន្ថែម
រដ្ឋបញ្ជាឱ្យឈប់បូមខ្សាច់សិន ហើយត្រូវសិក្សាផលប៉ះពាល់បរិស្ថានរបស់គម្រោងឆ្នេរសិប្បនិមិត្តថ្មីនៅកំពតឡើងវិញ
រដ្ឋបាលខេត្តកំពត បានស្នើឱ្យក្រុមហ៊ុនសិក្សាផលប៉ះពាល់បរិស្ថានឡើងវិញសម្រាប់គម្រោងឆ្នេរសិប្បនិមិត្តថ្មីនៅខេត្តកំពត។ ក្នុងដំណាក់នេះ ក្រុមហ៊ុនត្រូវបញ្ឈប់ការបូមខ្សាច់សិន ហើយត្រូវពិនិត្យលើការជីកផ្លូវទូកម្ដងទៀត ព្រោះអាចធ្វើឱ្យប៉ះពាល់ដល់បរិស្ថានផងដែរ។ ឯកឧត្តម ជាវ តាយ អភិបាលខេត្តកំពត បានឱ្យដឹងក្នុងពេលចុះពិនិត្យការដ្ឋានរបស់ក្រុមហ៊ុន IGB Cambodia Co, Ltd ថា សកម្មភាពជីកឃ្លងផ្លូវទូក និងការបូមខ្សាច់ចេញពីសមុទ្រអាចនឹងប៉ះពាល់ដល់ជិវិតដើមកោងកាង និងជីវៈចម្រុះដទៃទៀត ដោយសារការជីកឃ្លងផ្លូវទូកមានទំហំធំ និងជម្រៅរហូតដល់ ៤ ម៉ែត្រ។ ដូច្នេះខាងរដ្ឋបាលខេត្ត បានស្នើឱ្យក្រុមហ៊ុនត្រូវរកវិធីជីកឃ្លងផ្លូវទូកថ្មី ដែលមិនប៉ះពាល់ដល់ប្រព័ន្ធលំហូរទឹក។ ដោយឡែក ទាក់ទិននឹងសកម្មភាពបូមខ្សាច់ចេញពីបាតសមុទ្រ ក្រុមហ៊ុនគឺត្រូវផ្អាកសកម្មភាពសិន ព្រោះមិនទាន់មានការសិក្សាច្បាស់លាស់ និងត្រូវទៅតាមបទដ្ឋាននៅឡើយ។ ឯកឧត្តមបានមានប្រសាសន៍ថា៖ «ពាក់ព័ន្ធនឹងការវិនិយោគនៅកន្លែងឆ្នេរតេជោសែននេះ ក្រុមហ៊ុនកំពុងចាក់ដីបំពេញតាមលក្ខខណ្ឌ គឺកំពុងដំណើរការ។ ហើយខាងរដ្ឋបាលខេត្តបានចុះទៅពិនិត្យមើលគឺទើបតែបាន ប្រមាណ ៦០% ទៅ ៧០% ប៉ុណ្ណោះ ហើយរដ្ឋបាលខេត្តកំពុងជំរុញឱ្យការអភិវឌ្ឍនោះបានលឿន ដើម្បីបម្រើដល់វិស័យទេសចរណ៍នៅពេលខាងមុខនេះ »។ គួរបញ្ជាក់ផងដែរថា គម្រោងឆ្នេរខ្សាច់សិប្បនិមិ្មតទំហំ ២៣៤ហិកតា នេះ មានទីតាំងនៅលើរមណីយដ្ឋានឆ្នេរមាសតេជោសែន ស្ថិតនៅភូមិទទឹងថ្ងៃ និងភូមិកែបថ្មី ឃុំបឹងទូក ស្រុកទឹកឈូ។ (អានបន្ថែម)
អានបន្ថែម
សមិទ្ធផលរ៉ែមាសចេញពីស្រុកអណ្តូងមាស ខេត្តរតនគិរីជិតក្លាយជាការពិតហើយ ក្រោយលទ្ធផលតេស្តវិជ្ជមាន
ក្រុមហ៊ុនរុករ៉ែមាស Angkor Resources Corp (ANK) កាលពីថ្មីៗនេះ បានបង្ហាញថាការធ្វើតេស្ដដីក្នុងដែនអាជ្ញាបណ្ណតំបន់អណ្តូងមាស នៃខេត្តរតនគិរី មានលទ្ធផលវិជ្ជមាន ដែលនេះជាការបោះជំហានថ្មីមួយទៀត បង្ហាញថាទីតាំងនេះអាចនឹងផ្ដល់រ៉ែមាសជាច្រើន។ Angkor Resources Corp (ANK) ក៏បញ្ជាក់ទៀតថា ខ្លួនក៏បានចាប់ផ្តើមកំណត់ទីតាំងហើយដែរ សម្រាប់ការអនុវត្តការងាររុករកមាសនៅឆ្នាំ២០២១ ខាងមុខនេះ។ លោក Dennis Ouellette អនុប្រធានផ្នែករុករក បានថ្លែងថា៖ «ដោយផ្អែកលើលទ្ធផលនៃផ្ទៃលើ Wild Boar ដែលបានប្រកាសនាពេលថ្មីៗនេះ បង្ហាញពីចំនួនដ៏គួរអោយចាប់អារម្មណ៍ ពោលគឺមានសរសៃរ៉ែមាសច្រើនណាស់»។ គួរបញ្ជាក់ផងដែរថា តំបន់អាជ្ញាបណ្ណអណ្តូងមាស ដែលត្រូវបានទិញដោយ Angkor Resources Corp ក្នុងឆ្នាំ ២០១២ នេះ មានយ៉ាងហោយចំនួន៨ កន្លែង ដែលមានសក្តានុពលរ៉ែមាស នៅលើផ្ទៃដីជាង ១៨៨ គីឡូម៉ែត្រការ៉េ។ កាលពីខែ សីហា កន្លងមកនេះ ក្រុមហ៊ុនធ្លាប់រកឃើញថា តំបន់អណ្តូងមាសអាចមានរ៉ែមាសក្នុងបរិមាណ ៧០,៧ក្រាម នៅក្នុងដីទំហំ១តោន។
អានបន្ថែម
រដ្ឋាភិបាលសម្រេចផ្លូវការឱ្យឯកជនវិនិយោគជាង ៨០០ លានដុល្លារ សង់វារីអគ្គិសនី និងខ្សែបញ្ជូនតង់ស្យុងខ្ពស់
ក្រសួងរ៉ែ និងថាមពល កាលពីពេលថ្មីៗនេះ បានចុះហត្ថលេខាលើកិច្ចព្រមព្រៀងអនុញ្ញាតឱ្យក្រុមហ៊ុនឯកជន ២ វិនិយោគទឹកប្រាក់ជាង ៨៣០ លានដុល្លារអាមេរិក ដើម្បីសាងសង់ទំនប់វារីអគ្គិសនីស្ទឹងតាតៃលើនៅខេត្តកោះកុង និងនិងបណ្តាញបញ្ជូនតង់ស្យុងខ្ពស់២ខ្សែទៅព្រំដែនឡាវ និងថៃ។ កិច្ចព្រមព្រៀងវិនិយោគថាមពលទាំងពីរនេះ ត្រូវបានចុះហត្ថលេខាដោយ ឯកឧត្តម ស៊ុយ សែម រដ្ឋមន្ត្រី ក្រសួងរ៉ែ និងថាមពល និងតំណាងក្រុមហ៊ុនវិនិយោគថាមពលទាំងពីរ កាលពីថ្ងៃទី៨ ខែធ្នូកន្លងទៅនេះ។ គម្រោងវារីអគ្គិសនីអនុភាព ១៥០មេហ្គាវ៉ាត មានឈ្មោះថា “វារីអគ្គិសនីស្ទឹងតាតៃលើ” គឺជាការវិនិយោគដោយក្រុមហ៊ុនចិន China National Heavy Machinery Corporation។ គម្រោងនេះ ស្ថិតនៅផ្នែកខាងលើនៃស្ទឹងតាតៃ នៃស្រុកថ្មបាំង ខេត្តកោះកុង។ គម្រោងនេះនឹងប្រើថវិកាវិនិយោគ សរុប ៣៩០ លានដុល្លារ ដោយមានកិច្ចសន្យាសម្បទានវិនិយោគរយៈពេល ៣៥ឆ្នាំ។ ក្រោយដាក់ដំណើរការ វារីអគ្គិសនីស្ទឹងតាតៃលើ អាចផ្គត់ផ្គង់ថាមពលដល់ទៅ ៥២៧គីឡូវ៉ាតម៉ោង ក្នុងមួយឆ្នាំ។ ចំណែកគម្រោងកសាងខ្សែបញ្ជូន ៥០០គីឡូវ៉ុលវិញ គឺវិនិយោគដោយ ក្រុមហ៊ុន Schenitec Co Ltd ដោយនឹងសាងសង់ចំនួនពីរខ្សែ។ […]
អានបន្ថែម
គម្រោងផ្សារទំនើបជីបម៉ុងទាំង ៤ តម្លៃជិត ៥០០លានដុល្លារបន្តដោយរលូន គ្រោងបញ្ចប់តាមកាលកំណត់
គម្រោងសាងសង់ផ្សារទំនើបធំ ៗ ចំនួន ៤ របស់ក្រុមហ៊ុនជីប ម៉ុង បន្តការដ្ឋានដោយរលូន ដោយគ្រោងនឹងបញ្ចប់ដូចដែលបានគ្រោងទុក ពោលនៅឆ្នាំ ២០២១ និង ២០២២ បើទោះជាពិភពលោកកំពុងជួបប្រទះវិបត្តិកូវីដក្ដី។ ប្រធានក្រុមហ៊ុន ជីប ម៉ុង រីថែល ដែលជាក្រុមហ៊ុនបុត្រសម្ព័ន្ធនៃក្រុមហ៊ុន ជីប ម៉ុង គ្រុប លោក Arnaud Dufresne បានប្រាប់ទស្សនាវដ្តីសំណង់ និងអចលនទ្រព្យថា ក្រៅពីផ្សារទំនើបចំនួន ២ ដែលកំពុងដាក់ដំណើរការ ក្រុមហ៊ុនកំពុងបន្តសាងសង់គម្រោងចំនួន ៤ បន្ថែមទៀត ដែលកំពុងសម្រុកការដ្ឋាន។ លោកបានឱ្យដឹងថា៖ «សព្វថ្ងៃនេះ យើងមានផ្សារទំនើបចំនួន ២ គឺ ផ្សារជីបម៉ុងណូរ៉ូម៉ល និងផ្សារជីបម៉ុងបាក់ទូក។ ក្រៅពីនេះ យើងមានគម្រោងចំនួន ៤ ទៀត ដែលកំពុងសាងសង់ ដោយគ្រោងនឹងបើកដំណើរការនៅឆ្នាំ ២០២១ និង ២០២២»។ «គម្រោងទី ១ គឺ ជីបម៉ុងសែនសុខ ដែលនឹងបើកដំណើរការនៅត្រីមាសទី ១ […]
អានបន្ថែម
អាជ្ញាធរពន្លឿនដោះស្រាយផលប៉ះពាល់លើគម្រោងស្តារឡើងវិញអាកាសយានដ្ឋានបាត់ដំបង
រដ្ឋលេខាធិការដ្ឋានអាកាសចរណ៍ស៊ីវិល បានឱ្យដឹងថា អាជ្ញាធរមូលដ្ឋាន និងមន្រ្តីជំនាញកំពុងពន្លឿនដោះស្រាយផលប៉ះពាល់ដីប្រជាពលរដ្ឋដែលនៅក្បែរអាកាសយានដ្ឋានបាត់ដំបង ដែលគ្រោងបើកដំណើរការឡើងវិញក្រោយបិទអស់ជាច្រើនទសវត្ស។ ក្រុមការងារ បានចុះប្រមូលទិន្នន័យ និងកំណត់ផលប៉ះពាល់ដីប្រជាពលរដ្ឋដែលស្ថិតនៅជុំវិញទីតាំងជាបន្តបន្ទាប់ ក្រោយរដ្ឋាភិបាលប្រកាសឱ្យសិក្សាលទ្ធភាពបើកដំណើរការឡើងវិញនៃអាកាសយានដ្ឋានបាត់ដំបង នេះ ដើម្បីបម្រើសេវាអាកាសចរណ៍ក្នុងស្រុក។ លោក ស៊ិន ចាន់សេរីវុត្ថា អ្នកនាំពាក្យនៃរដ្ឋលេខាធិការដ្ឋានអាកាសចរណ៍ស៊ីវិល បានឱ្យដឹងនៅថ្ងៃទី៩ ធ្នូនេះថា៖ «ការអភិវឌ្ឍហេដ្ឋារចនាសម្ព័ន្ធអត់ទាន់មានទេ ដំបូងគឺដោះស្រាយផលប៉ះពាល់ហ្នឹងមុនបំផុត ដើម្បីយើងរំដោះដីយកមកវិញ»។ លោកបន្តទៀតថា មិនទាន់ការពិភាក្សាទេថាតើគម្រោងនេះនឹងវិនិយោគដោយរដ្ឋ ឬអនុញ្ញាតឱ្យវិស័យឯកជនវិនិយោគ។ លោកថ្លែងថា៖ «យើងមិនទាន់បានពិភាក្សាជាមួយនឹងវិស័យឯកជននៅឡើយទេ ព្រោះវិនិយោគិនឯកជន គាត់វិនិយោគតែទៅលើគម្រោងណាដែលអាចចំណេញ។ យើងសង្ឃឹមថា គម្រោងហ្នឹង នឹងអាចផ្តល់អត្ថប្រយោជន៍សេដ្ឋកិច្ចនិងហិរញ្ញវត្ថុច្រើនទេ ព្រោះវាជាគម្រោងក្នុងស្រុក»។ មានទីតាំងស្ថិតនៅក្នុងក្រុងបាត់ដំបង អាកាសយានដ្ឋានបាត់ដំបងនេះ ត្រូវបានផ្អាកសេវាច្រើនទសវត្សមកហើយ។ ហេដ្ឋារចនាសម្ព័ន្ធចាស់ដែលនៅសល់មានផ្លូវរត់ ប្រវែង ១ ៦០០ ម៉ែត្រ និងទទឹង ៣៤ម៉ែត្រ និងស្ថានីយ៍អ្នកដំណើរ។
អានបន្ថែម