គម្រោងអភិវឌ្ឍន៍
ផ្លូវថ្មីប្របឆ្នេរសមុទ្រកែប បើកការដ្ឋានហើយ គ្រោងបញ្ចប់ឆ្នាំ២០២៣ ព្រមនឹងគម្រោងធំៗ ២ ទៀត
ផ្លូវបេតុងប្របមាត់សមុទ្រប្រវែងជាង ១២គីឡូម៉ែត្រ នៅខេត្តកែប ត្រូវបានបើកការដ្ឋានសាងសង់ជាផ្លូវការហើយ កាលថ្ងៃទី០១ ខែមីនា កន្លងទៅ ក្រោមវត្តមានរបស់អភិបាលខេត្តកែប ឯកឧត្តម សោម ពិសិដ្ឋ។ ផ្លូវថ្មីមួយខ្សែនេះ តភ្ជាប់កំពង់ផែទេសចរណ៍កោះទន្សាយ ទៅកាន់ផ្លូវជាតិលេខ១៣៣២ នៅស្រុកដំណាក់ចង្អើរ។ ការដ្ឋានធ្វើឡើងដោយប្រើថវិកា ១០លានដុល្លារ និងរយៈពេលសងសង់ ២២ខែ ពោលគឺនឹងបញ្ចប់នៅខែតុលាឆ្នាំ ២០២៣។ គម្រោងនេះជាផ្នែកមួយនៃផែនការអភិវឌ្ឍហេដ្ឋារចនាសម្ព័ន្ធទេសចរណ៍ខេត្តកែបជំហានទី២ ក្រោមជំនួយADB ដោយមានទាំងអស់ ៣ គម្រោងធំៗ រួមមាន ១) គម្រោងផ្លូវ ១២គម នេះ ២) ទីលានកប់សម្រាម និងហេដ្ឋារចនាសម្ព័ន្ធផ្លូវជុំវិញ ៣,៥គម និង ៣) ផែទេសចរណ៍នៅកោះទន្សាយ។ (អានបន្ថែម និងបន្ថែម) គម្រោងទាំង ៣ គ្រោងនឹងបញ្ចប់នៅឆ្នាំ ២០២៣ ដំណាលៗគ្នា។ ក្រៅពីនេះ រដ្ឋបាលខេត្តក៏កំពុងធ្វើការងារអភិវឌ្ឍផ្សេងទៀត ដូចជា ការពង្រីក និងកែលម្អឆ្នេរជ្រោយដូង មុខសាលាខេត្ត និងការកសាងឆ្នេរកំសាន្តសាធារណៈប្រវែង ២៧០០ម៉ែត្រ ចាប់ពីផ្សារក្តាម ដល់ព្រៃកោងកាងជាដើម។ […]
អានបន្ថែម
ជប៉ុនផ្តល់ជំនួយឥតសំណង ដើម្បីសាងសង់ និងធ្វើទំនើបកម្មហេដ្ឋារចនាសម្ព័ន្ធក្នុងខេត្ត ៣
រដ្ឋាភិបាលនៃប្រទេសជប៉ុនបានសម្រេចផ្តល់ថវិកាសរុបជាង ៥២ ម៉ឺនដុល្លារអាមេរិក តាមរយៈគម្រោង KUSANONE សម្រាប់សាងសង់ស្ពាននៅខេត្តកណ្តាល និងក្រចេះ និងប្រព័ន្ធធារាសាស្ត្រក្នុងខេត្តបន្ទាយមានជ័យ។ កិច្ចសន្យាផ្តល់ជំនួយត្រូវបានចុះហត្ថលេខានៅថ្ងៃទី ០១ ខែមីនា ឆ្នាំ ២០២២ រវាងលោក មីកាមិ ម៉ាសាហ៊ីរ៉ូ ឯកអគ្គរាជទូតជប៉ុនប្រចាំកម្ពុជា និងតំណាងអ្នកទទួលទាំង ៣ គម្រោង។ គម្រោងទី១ គឺសម្រាប់ការសាងសង់ស្ពានបេតុងមួយខ្សែ នៅឃុំលើកដែក ស្រុកកោះធំ ខេត្តកណ្តាល ដែលមានតម្លៃជាង ១២ ម៉ឺនដុល្លារ ដើម្បីផ្តល់ផលប្រយោជន៍ដល់ប្រជាពលរដ្ឋជាង ៧ ០០០ នាក់។ គម្រោងទី២ សាងសង់ស្ពាននៅ ស្រុកចិត្របុរី ខេត្តក្រចេះ មានតម្លៃជាង ១៣ម៉ឺនដុល្លារ ដើម្បីជួយសម្រួលការដឹកជញ្ជូនកសិផល និងការធ្វើដំណើរប្រចាំថ្ងៃរបស់ប្រជាពលរដ្ឋជាង ៣០០០ នាក់។ គម្រោងទី៣ សម្រាប់ការស្តារប្រព័ន្ធធារាសាស្ត្រ ទៀន កាំ ក្នុងខេត្តបន្ទាយមានជ័យដែលមានតម្លៃ២៦ម៉ឺនដុល្លារ។ គម្រោងនេះរំពឹងថានឹងធ្វើឱ្យជីវិតប្រចាំថ្ងៃរបស់មនុស្សជាង ៤៤ ០០០នាក់ ប្រសើរឡើង។ គម្រោង KUSANONE បានចាប់ផ្តើមនៅក្នុងប្រទេសកម្ពុជាក្នុងឆ្នាំ ១៩៩១ […]
អានបន្ថែម
កំណាត់ផ្លូវជាតិលេខ៣ភ្នំពេញ-កំពត ប្រវែងជាង ១៣៤គម សម្ពោធដាក់ឱ្យប្រើប្រាស់ជាផ្លូវការ
កំណាត់ផ្លូវជាតលេខ៣ភ្នំពេញ-កំពត ប្រវែងជាង ១៣៤គីឡូម៉ែត្រ ត្រូវបានសម្ពោធដាក់ឱ្យប្រើប្រាស់ជាផ្លូវការនៅថ្ងៃទី ២ មីនា នេះ បន្ទាប់ពីសាងសង់បញ្ចប់ និងដាក់ឱ្យប្រើប្រាស់សាកល្បងតាំងពីខែកក្កដា ឆ្នាំ២០២១។ ពិធីសម្ពោធត្រូវបានធ្វើឡើងនៅក្រោមអធិបតីភាពរបស់សម្តេចតេជោ ហ៊ុន សែន នាយករដមន្រ្តីកម្ពុជា និងឯកឧត្តម វ៉ាង វិនធៀន ឯកអគ្គរដ្ឋទូតចិនប្រចាំនៅកម្ពុជា។ គម្រោងនេះត្រូវបានសាងសង់ដោយក្រុមហ៊ុនសាជីវកម្មស្ពាន និងថ្នល់ចិន(CRBC) និងត្រួតពិនិត្យបច្ចេកទេសដោយក្រុមហ៊ុន Guangzhou Construction Technical Consulting ប្រើប្រាស់រយៈពេលសាងសង់ចំនួន ៣៤ខែ គិតចាប់ពីអំឡុងខែតុលា ឆ្នាំ២០១៨ ដល់អំឡុងខែកក្កដា ឆ្នាំ២០២១។ ការសាងសង់កំណាត់ផ្លូវនេះ បានចំណាយថវិកាសរុបប្រមាណជាង ២១៥លានដុល្លារអាមេរិក ដែលជាហិរញ្ញប្បទានសម្បទានពីរដ្ឋាភិបាលចិន រួមជាមួយនឹងថវិកាបដិភាគរបស់រាជរដ្ឋាភិបាលកម្ពុជា។ គម្រោងនេះត្រូវបានបែងចែកចេញជា២កំណាត់ រួមមាន៖ កំណាត់ទី១៖ មានប្រវែង ៦៩គម ចាប់ពីចោមចៅដល់បែកគូស បានពង្រីកទទឹងតួផ្លូវរហូតដល់២៤,៥ម៉ែត្រ មាន ៤គន្លង ក្រាលបេតុងកៅស៊ូ AC កម្រាស់ ៩សង់ទីម៉ែត្រ។ កំណាត់នេះមានការសាងសង់ស្ពានថ្មីចំនួន ១១កន្លែងប្រវែងសរុប ៤៤៣ម៉ែត្រ និងពង្រីកស្ពានចាស់ ២កន្លែងប្រវែងសរុប៣០ម៉ែត្រ។ កំណាត់ទី២៖ […]
អានបន្ថែម
ក្រុមហ៊ុនចិនចាក់ទុន ២៦៨លានដុល្លារបន្ថែម បង្កើតរោងចក្រផលិតកង់រថយន្តមួយទៀតនៅកម្ពុជា
ក្រុមហ៊ុនផលិតកង់រថយន្ត Sailun Group ចាក់ទុនវិនិយោគប្រមាណ ២៦៨លានដុល្លារ បន្ថែមទៀត ដើម្បីបង្កើតរោងចក្រផលិតកង់រថយន្តដឹកទំនិញថ្មីមួយ បន្ថែមពីលើរោងចក្រផលិតកង់រថយន្តធម្មតាដែលមានស្រាប់ នៅក្រុងបាវិត ខេត្តស្វាយរៀង។ យោងតាមការចុះផ្សាយរបស់សារព័ត៌មាន IR Journal កាលពីថ្ងៃទី២៨ ខែកុម្ភៈ ក្រុមហ៊ុន Sailun Group ដាក់ផែនការផលិតឱ្យបាន ១,៦លានកង់ ក្នុងមួយឆ្នាំ ដើម្បីនាំចេញទៅទីផ្សារសហរដ្ឋអាមេរិក និងអឺរ៉ុប។ រោងចក្រថ្មីនេះ កំពុងត្រូវបានសាងសង់នៅក្នុងតំបន់សេដ្ឋកិច្ចពិសេស Qilu ទីក្រុងស្វាយរៀង។ តាមផែនការ ការសាងសង់នឹងបញ្ចប់ក្នុងរយៈពេល១៧ខែ។ ការសិក្សារបស់ក្រុមហ៊ុន បង្ហាញថា ការវិនិយោគនៅកម្ពុជាគឺមានសក្ដានុពលខ្ពស់ ព្រោះមានកម្លាំងពលកម្មគ្រប់គ្រាន់ តម្លៃកៅស៊ូទាប និងការនាំចេញនាំចូលនៅក្រោមប្រព័ន្ធអនុគ្រោះពន្ធ។ រោងចក្រនេះ គ្រប់គ្រងដោយក្រុមហ៊ុន China CART TIRE Co Ltd ដែលជាក្រុមហ៊ុនបុត្រសម្ព័ន្ធរបស់ ក្រុមហ៊ុន Sailun Group។ គួរបញ្ជាក់ថា ក្រុមហ៊ុន Sailun Group ជាក្រុមហ៊ុនដែលបានបង្កើតរោងចក្រផលិតកង់រថយន្តដំបូងគេនៅកម្ពុជា ដោយការសាងសង់រោងចក្រចំណាយពេល ២ ឆ្នាំ និងបានដាក់ដំណើរការផលិតកម្ម […]
អានបន្ថែម
ច្រកទ្វារព្រំដែនអន្តរជាតិប៉ោយប៉ែតថ្មីតម្លៃ ៤ លានដុល្លារ បើកសម្ពោធជាផ្លូវការហើយ
អគារច្រកទ្វារព្រំដែនអន្តរជាតិប៉ោយប៉ែតថ្មី ត្រូវបានបើកដំណើរការជាផ្លូវការហើយ ដែលនឹងចូលរួមសម្រួលការឆ្លងកាត់របស់ប្រជាពលរដ្ឋកម្ពុជា ថៃ និងទេសចរបរទេស ជាពិសេសសម្រួលដល់ការដឹកជញ្ជូនទំនិញរវាងប្រទេសទាំងពីរ។ ពិធីសម្ពោធត្រូវបានរៀបចំធ្វើឡើងនៅថ្ងៃទី១ ខែមីនា ក្រោមអធិបតីភាពរបស់សម្តេចក្រឡាហោម ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ។ ចាប់ផ្តើមសាងសង់នៅថ្ងៃ២៧ ខែតុលា ឆ្នាំ២០១៧ ហើយបានបញ្ចប់នៅថ្ងៃទី ០២ ខែកញ្ញា ឆ្នាំ២០២១ អគារថ្មីនេះចំណាយថវិកាសាងសង់ប្រមាណជាង ៤លានដុល្លារ។ អគារនេះបានបង្កប់ដោយរចនាបថខ្មែរ និងមានរចនាសម្ព័ន្ធបម្រើការងារស្របតាមស្តង់ដារអន្តរជាតិ។ ច្រកទ្វារព្រំដែនអន្តរជាតិប៉ោយប៉ែត គឺជាច្រកទ្វារព្រំដែនអន្តរជាតិដ៏សំខាន់មួយរបស់ប្រទេសកម្ពុជា សម្រាប់ សេដ្ឋកិច្ច និងទេសចរណ៍។
អានបន្ថែម
រោងចក្រផ្គុំ និងដំឡើងគ្រឿងបរិក្ខារអគ្គិសនីតម្លៃ ២,៥លានដុល្លារ នៅស្រុកក្រគរ បើកដំណើរការហើយ
រោងចក្រផ្គុំ និងដំឡើងគ្រឿងបរិក្ខារអគ្គិសនីរបស់ក្រុមហ៊ុន SchneiTec CHINT Co.,Ltd ដែលមានតម្លៃប្រមាណ ២,៥លានដុល្លារ ក្នុងស្ថិតក្នុងភូមិអន្សក្តាម ឃុំស្នាអន្សារ ស្រុកក្រគរ ខេត្តពោធិ៍សាត់ បានដាក់ឱ្យដំណើរការជាផ្លូវការហើយ។ ពិធីសម្ពោធធ្វើឡើង កាលថ្ងៃទី២៨ ខែកុម្ភៈ ឆ្នាំ២០២២ ក្រោមវត្តមាន ឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពល និងឯកឧត្តម កែវ រតនៈ អគ្គនាយកអគ្គិសនីកម្ពុជា។ គម្រោងនេះ ជាការបណ្ដាក់ទុនរួមគ្នារវាងក្រុមហ៊ុន SchneiTec និងក្រុមហ៊ុនចិន CHINT ដែលបានសាងសង់លើផ្ទៃដី ២០.០០០ម៉ែតការ៉េ និងអគាររោងចក្រ ៣.០០០ម៉ែត្រការ៉េ។ សម្រាប់ជំហានទី១ គឺផ្ដោតចម្បងលើការផលិតគ្រឿងសម្ភារៈអគ្គិសនី តង់ស្យុងកំរិតមធ្យមគ្រប់ប្រភេទ និងសម្ភារៈប្រព័ន្ធសូឡាខ្នាតតូច។ រោងចក្រនេះ នឹងនាំមកនូវបច្ចេកវិទ្យាថ្មីៗចុងក្រោយ ក្នុងការផលិតគ្រឿងសម្ភារៈអគ្គីសនីគ្រប់ប្រភេទ ប្រកបដោយគុណភាពខ្ពស់ និងតម្លៃសមរម្យ ដើម្បីតម្រូវទីផ្សាក្នុងស្រុក និងឈានដល់ការនាំចេញទៅក្រៅស្រុកនាពេលអនាគតផងដែរ។ ក្រុមហ៊ុនវិនិយោគ រំពឹងទុកថា រោងចក្រនេះនឹងធ្វើឱ្យអតិថិជន ដែលធ្លាប់ប្រើប្រាស់សម្ភារៈអគ្គីសនីនាំចូលពីបរទេស ងាកមកគាំទ្រផលិតផលក្នុងស្រុកម៉ាក CHINT នេះវិញម្ដង។ លោកបណ្ឌិត ហេង […]
អានបន្ថែម
ជប៉ុននឹងផ្ដល់ជំនួយឥតសំណង ២៤លានដុល្លារ ពង្រីកប្រព័ន្ធផ្គត់ផ្គង់ទឹកស្អាតនៅខេត្តស្វាយរៀង
កម្ពុជា និងជប៉ុន នឹងចុះហត្ថលេខាលើលិខិតប្ដូរសារ និងឯកសារពាក់ព័ន្ធ ស្ដីពីការផ្ដល់ហិរញ្ញប្បទានឥតសំណងរបស់ជប៉ុន ដែលមានទឹកប្រាក់ប្រមាណ ៤១លានដុល្លារ សម្រាប់អភិវឌ្ឍន៍គម្រោងធំៗចំនួនពីរនៅកម្ពុជា នាថ្ងៃទី ២ ខែមីនា ឆ្នាំ២០២២ ខាងមុខនេះ។ នេះបើយោងតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ កាលពីថ្ងៃទី២៨ ខែកុម្ភៈ។ គម្រោងទី ១ គឺការពង្រីកប្រព័ន្ធផ្គត់ផ្គង់ទឹកស្អាត នៅខេត្តស្វាយរៀង ដែលមានទឹកប្រាក់ចំនួន ២.៧៨៦លានយ៉េន (ប្រមាណ ២៤លានដុល្លារអាមេរិក)។ ដោយឡែក គម្រោងទី ២ គឺការបោសសម្អាតមីនប្រកបដោយសមាហរណកម្ម និងការសង្គ្រោះជនពិការដោយសារគ្រាប់មីន ដំណាក់កាលទី២ ដែលមានទឹកប្រាក់ចំនួន ២.០០០លានយ៉េន (ប្រមាណ ១៧លានដុល្លារអាមេរិក)។ ហិរញ្ញប្បទានឥតសំណងដែលផ្ដល់ដោយរដ្ឋាភិបាលជប៉ុននេះ នឹងចូលរួមចំណែកយ៉ាង សំខាន់ដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការពន្លឿនការអភិវឌ្ឍសេដ្ឋកិច្ច និងសង្គមកម្ពុជា។
អានបន្ថែម
អាជ្ញាធរខេត្តមណ្ឌលគិរីគ្រោងរៀបចំតំបន់អណ្តូងរ៉ែមាសជាតំបន់ទេសចរណ៍
អាជ្ញាធរខេត្តមណ្ឌលគិរី សហការជាមួយក្រុមហ៊ុនរ៉ុករករ៉ែ Renaissance Minerals Cambodia គ្រោងររៀបចំតំបន់អណ្តូងរ៉ែមាសទៅជាកញ្ចប់ទេសចរណ៍ទៅថ្ងៃអនាគត។ នេះបើតាមការលើកឡើងរបស់ ឯកឧត្តម ជាក់ ម៉េងហាង អភិបាលរងខេត្តក្នុងកម្មវិធីវឌ្ឍនភាពមូលដ្ឋាន កាលពីថ្ងៃទី២៤ ខែកុម្ភៈ ។ ឯកឧត្តមបញ្ជាក់ថា ក្រុមហ៊ុននឹងរៀបចំតំបន់នោះជាទេសចរណ៍ឱ្យដូចនៅក្រៅប្រទេស ដោយនឹងបង្កើតជាកញ្ចប់ទេសចរណ៍តែម្តង។ «កញ្ចប់នេះអាចមានរយៈពេលពី ៣ ទៅ៤ យប់ ដោយកញ្ចប់ទី១ គឺការទស្សនារមណីយដ្ឋានធម្មជាតិនានាក្នុងខេត្តមានដូចជាទឹកជ្រោះ ភ្នំជាដើម រីឯកញ្ចប់ទី២ គឺជាការទស្សនាដំណើរការនៃការចម្រាញ់យករ៉ែមាស» ឯកឧត្តមបន្ដ។
អានបន្ថែម
គម្រោងពង្រីក និងជួសជុលផ្លូវជាតិលេខ ៤ ចាប់ផ្ដើមហើយ! គ្រោងបញ្ចប់ឆ្នាំ ២០២៦
ក្រសួងសាធារណការ និងដឹកជញ្ជូន បានចាប់ផ្តើមការងារពង្រីក និងជួសជុលផ្លូវជាតិលេខ៤ ហើយ ក្រោមហិរញ្ញប្បទានរបស់ធនាគារពិភពលោក ១១០លានដុល្លារ ដោយត្រៀមនឹងបញ្ចប់នៅខែធ្នូ ឆ្នាំ២០២៦។ នេះបើយោងតាមសេចក្តីជូនដំណឹងរបស់ក្រសួងសាធារណការ និងដឹកជញ្ជូន ចុះផ្សាយកាលពីថ្ងៃទី២៥ ខែកុម្ភៈ។ ការដ្ឋានពង្រីក និងលើកកម្ពស់ផ្លូវជាតិលេខ៤ នេះ គឺចាប់ផ្តើមពីឃុំបែកចាន ស្រុកអង្គស្នួល ខេត្តកណ្តាល រហូតដល់ឃុំបិតត្រាំង ស្រុកព្រៃនប់ ខេត្តព្រះសីហនុ។ គម្រោងនឹងរួមមានការងារពង្រីកផ្លូវបច្ចុប្បន្នពីទទឹង ៧ម៉ែត្រ ទៅទទឹង ១០ម៉ែត្រ ពង្រីកស្ពានបេតុង និងលូ ចំនួន ៤៦ទីតាំង និងស្ថាបនាស្ពានថ្មីចំនួន ៨ទីតាំង។ ជាក់ស្ដែង គម្រោងលើកកម្ពស់ផ្លូវជាតិលេខ ៤ នេះ ត្រូវបានចុះកិច្ចសន្យាជាមួយធនាគារពិភពលោក ៣ឆ្នាំ មកហើយ។ គម្រោងនេះមានការដេញថ្លៃសរុប ៥ កញ្ចប់ ដោយកញ្ចប់ដែលដេញថ្លៃរួចនឹងចាប់ផ្ដើមសាងសង់មុន ហើយនឹងសាងសង់បន្ដគ្នាជាបន្ដបន្ទាប់ ដើម្បីចំណេញពេល។ (អានបន្ថែម) ផ្លូវជាតិលេខ៤ តភ្ជាប់ពីរាជធានីភ្នំពេញ ទៅខេត្តព្រះសីហនុ ដែលមានរយៈចម្ងាយ ២៣២ គីឡូម៉ែត្រ។ ក្រៅពីផ្លូវជាតិលេខ៤ កម្ពុជាក៏កំពុងសាងសង់ផ្លូវល្បឿនលឿន ភ្នំពេញ-ព្រះសីហនុ […]
អានបន្ថែម
រដ្ឋស្នើឯកជនពង្រីក និងធ្វើទំនើបកម្មប្រព័ន្ធផ្គត់ផ្គង់ទឹកស្អាតនៅខេត្តព្រះសីហនុបន្ថែមទៀត
ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានស្នើឱ្យក្រុមហ៊ុនអានកូ ពង្រីក និងធ្វើទំនើបកម្មប្រព័ន្ធផ្គត់ផ្គង់ទឹកស្អាតនៅក្នុងខេត្តព្រះសីហនុបន្ថែមទៀត ពិសេសនៅតាមស្រុកនានាដែលកំពុងអភិវឌ្ឍ ខណៈបច្ចុប្បន្នក្រុមហ៊ុនមានរោងចក្រធំៗ ៣ ដែលអាចផលិតទឹកស្អាតបានជាង ១៦ ម៉ឺនម៉ែត្រគូប/ថ្ងៃ។ ឯកឧត្តមរដ្ឋមន្រ្តី ចម ប្រសិទ្ធ បានដាក់សំណើនេះក្នុងកិច្ចចុះពិនិត្យប្រព័ន្ធប្រព្រឹត្តកម្មប្មទឹកស្អាតរបស់ក្រុមហ៊ុន អានកូ នៅតំបន់ក្បាលឆាយ ស្ថិតក្នុងសង្កាត់លេខ១ ក្រុងព្រះសីហនុ កាលថ្ងៃទី២៧ ខែកុម្ភៈ កន្លងទៅ។ ការពង្រីកប្រព័ន្ធផ្គត់ផ្គង់ទឹកស្អាតនេះ គឺដើម្បីបំពេញតម្រូវការ ក៏ដូចជាដើម្បីជំរុញដល់ការអភិវឌ្ឍ និងការវិនិយោគនៅខេត្តព្រះសីហនុនាពេលបច្ចុប្បន្ន និងទៅអនាគត។ គួរបញ្ជាក់ថា បច្ចុប្បន្នក្រុមហ៊ុនអានកូ មានស្ថានីយប្រព្រឹត្តិកម្មទឹកស្អាត ចំនួន៣កន្លែង ដោយមានសមត្ថភាពផលិតទឹកបានចំនួន ១៦ម៉ឺនម៉ែត្រគីប/ថ្ងៃ ក្នុងនោះទំនប់ទី១អាចផលិតបាន ៤ម៉ឺនម៉ែត្រគូប ទំនប់ទី២ ផលិតបាន ៦ម៉ឺនម៉ែត្រគូប និងទំនប់ទី៣ មានសមត្ថភាពផលិតចំនួន ៦ម៉ឺនម៉ែត្រគូប។ បច្ចុប្បន្ន ក្រុមហ៊ុនបានអូសបណ្ដាញតភ្ជាប់ជូនប្រជាពលរដ្ឋ និងរោងចក្រសហគ្រាស នៅក្នុងក្រុងព្រះសីហនុ ស្រុកព្រៃនប់ និងស្រុកស្ទឹងហាវ។ ក្រៅពីការផលិតទឹកស្អាត ខេត្តព្រះសីហនុក៏មាន រោងចក្រប្រព្រឹត្តិកម្មទឹកកខ្វក់ ២កន្លែង ដែលអាចចម្រោះទឹកកខ្វក់បានជាង ១២.០០០ […]
អានបន្ថែម