គម្រោងអភិវឌ្ឍន៍
គម្រោងធំៗ របស់ HLH ដំណើរការដោយរលូន ខណៈក្រុមហ៊ុនចង់បោះទុន៤០០លានបន្ថែមទៀត
គម្រោងអចលនទ្រព្យធំៗ ២ របស់ក្រុមហ៊ុន Hong Lai Huat (HLH) នៅប្រទេសកម្ពុជា Royal Platinum និង D’Seaview កំពុងដំណើរការទៅដោយរលូនទាំងការសាងសង់ និងការលក់ ទោះវិបត្តិកូវីដនៅតែបន្ដក្ដី ខណៈក្រុមហ៊ុនយក្សនេះ ក៏គ្រោងនឹងបោះទុន ៤០០លានដុល្លារបន្ថែមទៀតក្នុងគម្រោង២ ថ្មីផ្សេងទៀត។ យោងរបាយការណ៍សរុបស្ថានភាពអាជីវកម្មរបស់ក្រុមហ៊ុន គម្រោង Royal Platinum នៅភ្នំពេញ បានសាងសង់ដល់ជាន់ទី ១០ ហើយ ដែលនៅសល់ ១៨ ជាន់ទៀត ខណៈការលក់បានឈានដល់ប្រមាណ ៩០% ។ ដូចគ្នានេះ គម្រោង D’Seaview ក៏ដំណើរការដោយរលូន ដោយកាលពីឆ្នាំមុន ត្រូវបានលក់ផ្នែកសណ្ឋាគារ ដោយជោគជ័យ។ (អានបន្ថែម) ក្រៅពីនេះ ក្រុមហ៊ុន HLH ក៏បានទិញដី ២ កន្លែងទៀតដែរ ដោយមួយកន្លែងនៅភ្នំពេញ និងមួយទៀតនៅខេត្តព្រះសីហនុ។ យោងតាម Edge Prop គម្រោងទាំង ២ បច្ចុប្បន្នកំពុងស្ថិតក្រោមការសិក្សាពីលទ្ធភាព […]
អានបន្ថែម
មជ្ឈមណ្ឌលបច្ចេកវិទ្យាស្តង់ដារអន្តរជាតិថ្មីមួយ បើកដំណើរការជាផ្លូវការ
មជ្ឈមណ្ឌលបច្ចេកវិទ្យាស្ដង់ដាអន្តរជាតិ នៃសាកលវិទ្យាល័យអាមេរិកាំងភ្នំពេញ (ATC) ត្រូវបានសម្ពោធដាក់ឱ្យប្រើប្រាស់ជាផ្លូវការហើយ ក្រោមអធិបតីភាពឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ កាលពីថ្ងៃទី ១៧ ខែមករា កន្លងទៅនេះ។ មជ្ឈមណ្ឌលថ្មីនេះ នឹងក្លាយជាមជ្ឈមណ្ឌលស្រាវជ្រាវផ្នែកបច្ចេកវិទ្យាក៏ធំមួយ បន្ទាប់ពីមជ្ឈមណ្ឌលនវានុវត្តន៍នៃបណ្ឌិត្យសភាបច្ចេកវិទ្យាឌីជីថលកម្ពុជា ដែលទើបតែបើកសម្ពោធថ្មីៗនេះដែរ។ មជ្ឈមណ្ឌលនេះ នឹងចូលរួមចំណែកអភិវឌ្ឍវិស័យឌីជីថលនៅកម្ពុជា តាមរយៈការស្រាវជ្រាវនានា។ ក្រៅពីនេះ មជ្ឈមណ្ឌលនេះក៏នឹងជួយពង្រីកអាជីវកម្មតាមរយៈការប្រឹក្សាយោបល់ពីអ្នកជំនាញ ការធ្វើទីផ្សារ ការលក់ផលិតផល និងការស្វែងរកប្រភពហិរញ្ញប្បទាន ផងដែរ។
អានបន្ថែម
កំពង់ផែទេសចរណ៍ កែប- កោះទន្សាយ សម្ពោធដាក់ឱ្យប្រើប្រាស់ជាផ្លូវការហើយ
កំពង់ផែទេសចរណ៍ កែប- កោះទន្សាយ តម្លៃ ១,២លានដុល្លារ ត្រូវបានដាក់សម្ពោធឱ្យប្រើប្រាស់ជាផ្លូវការហើយ នៅថ្ងៃទី១៩ ខែមករា នេះ បន្ទាប់ពីចំណាយពេលសាងសង់រយៈពេល២ឆ្នាំ។ ពិធីសម្ពោធនេះ ធ្វើឡើងនៅក្រោមអធិបតីភាពរបស់ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន។ កំពង់ផែទេសចរនេះ នឹងបម្រើដល់ការដឹកជញ្ជូនទេសចរទៅកាន់កោះទន្សាយ និងទៅកាន់កំពង់ផែទេសចរណ៍ប្រទេសវៀតណាម។ កំពង់ផែនេះអាចទទួលនាវា ដឹកទេសចររហូតដល់ជិត៣០០នាក់ ដែលជាចំនួនមួយយ៉ាងច្រើន។ កំពង់ផែនេះ ស្ថិតនៅលើ ទីតាំងផែចាស់ ស្ថិតក្នុង ភូមិកែប សង្កាត់កែប ក្រុងកែប ខេត្តកែប ដែលមានសណ្ឋានជារូបក្តាម មានចម្ងាយពីដីគោកចូលទៅក្នុងសមុទ្រប្រមាណ ៣០៦ម៉ែត្រ ទទឹង ៦៨ម៉ែត្រ មានផ្ទៃក្រឡាប្រមាណ ៥០០០ ម៉ែត្រការ៉េ ប្រើប្រាស់ថវិកាសាងសង់ ១,២លានដុល្លារ ។ គួរបញ្ជាក់ថា នៅលើកោះទន្សាយ រដ្ឋបាលខេត្តកែប ក៏នឹងសាងសង់កំពង់ផែទេសចរណ៍មួយដែលមានតម្លៃប្រមាណជិត៧លានដុល្លារ ដែលជាកម្ចីរបស់ធនាគារអភិវឌ្ឍន៍អាស៊ី។ (អានបន្ថែម)
អានបន្ថែម
ឯកជននឹងវិនិយោគបង្កើតគម្រោងអេកូទេសចរណ៍ ៧ នៅឧទ្យានជាតិព្រះមុនីវង្ស បូកគោ
រដ្ឋាភិបាលបានបើកភ្លើងខៀវឱ្យឯកជនវិនិយោគបង្កើតតំបន់អេកូទេសចរណ៍ ៧ កន្លែងនៅឧទ្យានជាតិមុនីវង្ស បូកគោ ខណៈបច្ចុប្បន្នមន្ត្រីជាន់ខ្ពស់នៃក្រសួងបរិស្ថាន កំពុងចុះពិនិត្យ និងកំណត់ព្រំប្រទល់ដី នៅទីតាំងផ្ទាល់។ ឯកឧត្តម នេត្រ ភក្ត្រា រដ្ឋលេខាធិការនៃក្រសួងបរិស្ថាន បានឱ្យដឹង កាលពីថ្ងៃទី១៧ ខែមករា ថា គម្រោងទាំងនេះ ជាគម្រោងខ្នាតតូចទំហំមិនលើសពី ១០ ហិកតា។ គម្រោងអភិវឌ្ឍន៍ទាំង៧ នេះ ស្ថិតក្នុងឧទ្យានជាតិព្រះមុនីវង្ស បូកគោ ក្នុងភូមិសាស្ត្រភូមិព្រែកអំពិល សង្កាត់កោះតូច ក្រុងបូកគោ។ គួរបញ្ជាក់ថា កាលពីខែតុលា ឆ្នាំ ២០២១ រដ្ឋក៏បានអនុម័ត ប្លង់មេ និងផែនការអភិវឌ្ឍវិនិយោគទេសចរណ៍ធម្មជាតិខ្នាតតូចចំនួន ៥ ផងដែរ ក្នុងឧទ្យានជាតិព្រះមុនីវង្សបូកគោ។ (អានបន្ថែម) ក្រុងបូកគោក ជាទិសដៅសក្ដានុពលមួយ ដែលបាន និងកំពុងទាក់ទាញគម្រោងវិនិយោគជាច្រើន។ ថ្មីៗ នេះ ក្រុមប្រឹក្សាអភិវឌ្ឍន៍កម្ពុជា (CDC) ទើបអនុម័តឱ្យក្រុមហ៊ុន Kampot Logistics And Port Company Limited វិនិយោគ ១៣០០ […]
អានបន្ថែម
ការអភិវឌ្ឍឆ្នេរថ្មីប្រវែង ២៧០០ម៉ែត្រ នៅកែបសម្រេចបាន៩០% គ្រោងបើកជាសាធារណៈ ខែមេសា
គម្រោងប្ដូរមុខមាត់ឆ្នេរភក់នៅក្រុងកែបប្រវែង ២,៧ គីឡូម៉ែត្រ ចាប់ពីផ្សារក្តាម ទៅដល់ព្រៃកោងកាង ទៅជារមណីយដ្ឋានឆ្នេរខ្សាច់កម្សាន្តកម្រិតខ្ពស់ សម្រេចបាន៩០% ហើយ ដោយគ្រោងនឹងបើកជាសាធារណៈនៅខែមេសានេះ។ បច្ចុប្បន្ន រដ្ឋបាលខេត្តកែប កំពុងចាក់ដីចូលឆ្នេរ ដើម្បីធ្វើសួនច្បារ និងទុកដីសម្រាប់អនុវត្តគម្រោងនានាផ្សេងទៀត។ ឯកឧត្តម សោម ពិសិដ្ឋ អភិបាលខេត្តកែប បានឱ្យដឹងកាលពីថ្ងៃទី ១៨ មករា ថា ការងារចាក់ដី បានសម្រេចជិតរួចរាល់ ប្រមាណ៩០% ខណៈការងារដាំដើមឈើ បង្កើតសួនច្បារ គ្រោងនឹងធ្វើឱ្យចប់នៅមុនខែមេសាខាងមុខ។ «តាមការគ្រោងទុកការងារអភិវឌ្ឍន៍ឆ្នេរថ្មីនេះ មានរយៈពេលជាង៦ខែ ប៉ុន្តែផ្អែកតាមការងារ គណៈកម្មធិការជាតិគ្រប់គ្រង និងអភិវឌ្ឍតំបន់សមុទ្រកម្ពុជា ជំរុញឱ្យការងារអភិវឌ្ឍន៍ឆ្នេរថ្មីនេះ ចប់រួចរាល់ មុនចូលឆ្នាំខ្មែរខាងមុខ» ឯកឧត្តមបានបន្ដ។ គម្រោងនេះ ត្រូវបានបើកការដ្ឋាន កាលពីថ្ងៃទី២២ ខែវិច្ឆិកា ឆ្នាំ២០២១ កន្លងទៅ។ គម្រោង រួមមានរៀបចំកែលម្អឆ្នេរដែលមានទទឹងប្រវែងយ៉ាងតិច ៣០ម៉ែត្រ និងបណ្ដោយប្រវែង ២៧០០ម៉ែត្រ ក៏ដូចជារៀបចំសួនច្បារសាធារណៈ និងដាំដើមឈើនៅលើដីចំណីឆ្នេរសមុទ្រជាដើម។ (អានបន្ថែម)
អានបន្ថែម
ភ្នំពេញនឹងមានអគារសណ្ឋាគារផ្កាយ ៥ តម្លៃ ១២៨ លានដុល្លារ ថ្មីស្រឡាងមួយ ឆាប់ៗនេះ
ក្រុមប្រឹក្សាអភិវឌ្ឍន៍កម្ពុជា (CDC) បានបានចេញវិញ្ញាបនបត្រចុះបញ្ជីឱ្យក្រុមហ៊ុន K.B.X Investment Co., Ltd វិនិយោគ ១២៨ លានដុល្លារ ដើម្បីសាងសង់អគារផ្កាយ ៥ ថ្មីមួយកន្លែង នៅកណ្តាលទីក្រុងភ្នំពេញ។ យោងតាមសេចក្តីជូនដំណឹងរបស់ CDC នៅថ្ងៃចន្ទ ទី១៧ ខែមករា សណ្ឋាគារនេះនឹងមានទីតាំងនៅតាមបណ្តោយផ្លូវព្រះមុនីវង្ស សង្កាត់បឹងកេងកងទី៣ ខណ្ឌបឹងកេងកង ហើយនឹងអាចបង្កើតការងារយ៉ាងតិច ៧៣០ កន្លែង។ស រាជធានីភ្នំពេញបាននឹងកំពុងទាក់ទាញសណ្ឋាគារលំដាប់ផ្កាយប ៥ និងអគារខ្ពស់ៗជាច្រើន។ នៅដើមឆ្នាំនេះ សម្តេចនាយករដ្ឋមន្រ្តី ហ៊ុន សែន បានសម្ពោធអគារ Hyatt Regency Phnom Penh ដែលមានតម្លៃ ១៨០លានដុល្លារ។ (អានបន្ថែម) ទន្ទឹមនឹងនេះដែរ អគារ Chip Mong Tower តម្លៃ ២៣០ លានដុល្លារ ដែលរួមមានសណ្ឋាគារ Fairfield by Marriott ក៏បានបញ្ចប់គ្រោងអគារហើយដែរ ដោយនឹងបើកដំណើរនៅចុងឆ្នាំ២០២២ នេះ។ […]
អានបន្ថែម
រដ្ឋអនុម័តគម្រោងមណ្ឌលភ័ស្តុភារកម្ម និងកំពង់ផែពហុបំណងតម្លៃ ១,៣ពាន់លានដុល្លារ នៅកំពត
ក្រុមប្រឹក្សាអភិវឌ្ឍន៍កម្ពុជា (CDC) បានចេញវិញ្ញាបនបត្រចុះបញ្ជីឱ្យក្រុមហ៊ុន Kampot Logistics And Port Company Limited វិនិយោគ ១៣០០ លានដុល្លារអាមេរិក ដើម្បីបង្កើតកំពង់ផែពហុបំណង និងមជ្ឈមណ្ឌលដឹកជញ្ជូននៅខេត្តកំពត។ យោងតាមសេចក្តីជូនដំណឹងរបស់ CDC នៅថ្ងៃចន្ទ ទី១៧ ខែមករា គម្រោងនេះមានទីតាំងភូមិចង្ហោន សង្កាត់ព្រែកត្នោត ក្រុងបូកគោ ដោយនឹងបង្កើតការងារយ៉ាងតិច ៥៩០កន្លែង ដល់ប្រជាពលរដ្ឋក្នុងស្រុក។ ក្នុងថ្ងៃដដែលនេះ CDC ក៏បានចេញវិញ្ញាបនបត្រចុះបញ្ជីឱ្យក្រុមហ៊ុន ៩ ផ្សេងទៀតដែលមានតម្លៃវិនិយោគសរុបប្រមាណ ៧០០ លានដុល្លារអាមេរិក។ គួរបញ្ជាក់ថា កំពតជាខេត្តដែលមានសក្តានុពលខ្ពស់ ដែលបាននិងកំពុងទាក់ទាញគម្រោងអភិវឌ្ឍន៍ជាច្រើនដូចជា រោងចក្រស៊ីម៉ងត៍ ផ្ទះលំហែ កំពង់ផែទេសចរណ៍ គម្រោងអេកូទេសចរណ៍ និងគម្រោងហេដ្ឋារចនាសម្ព័ន្ធជាច្រើនទៀត។ ថ្មីៗនេះ ក្រុមហ៊ុនចិនក៏បានបង្ហាញពីផែនការបង្កើតរោងចក្រផលិតឧស្ម័ន LNG និងតំបន់សេដ្ឋកិច្ចពិសេសនៅក្នុងខេត្តនេះផងដែរ។ (អានបន្ថែម)
អានបន្ថែម
ជប៉ុននឹងចាប់ផ្ដើមធ្វើទំនើបការកម្មប្រព័ន្ធគ្រប់គ្រងផែព្រះសីហនុ នៅខែឧសភានេះ
គម្រោងលើកកម្ពស់ប្រព័ន្ធគ្រប់គ្រង និង ប្រតិបត្តិការនៅចំណតផែកុងតឺន័រ នៃកំពង់ផែក្រុងព្រះសីហនុ-ជំហានទី៣ នឹងចាប់ផ្តើមអនុវត្តនៅខែឧសភា ខាងមុខនេះ ខណៈភាគីកម្ពុជា និងជប៉ុន ទើបបានចុះហត្ថលេខាលើកំណត់ហេតុអង្គប្រជុំរួចរាល់។ កម្មវិធីចុះហត្ថលេខាដើម្បីដាក់ឱ្យដំណើរការជាផ្លូវការនូវគម្រោងខាងលើ ត្រូវធ្វើឡើងកាលពី ថ្ងៃទី១៧ ខែមករា ឆ្នាំ ក្រោមវត្តមាន ឯកឧត្តម លូ គឹមឈន់ អគ្គនាយកកំពង់ផែស្វយ័តក្រុងព្រះសីហនុ និង លោកស្រី Kamei Haruko ប្រធានតំណាងទីភ្នាក់ងាJICA នៅកម្ពុជា។ គម្រោងអភិវឌ្ឍន៍សមត្ថភាពលើការគ្រប់គ្រង និង ប្រតិបត្តិការចំណតផែកុងតឺន័រ នៅកំពង់ផែស្វយ័តក្រុងព្រះសីហនុ-ជំហានទី៣ នេះ មានរយៈពេល៤ ឆ្នាំ ដោយនឹងជួយពង្រឹងភាពប្រកួតប្រជែងរបស់កំពង់ផែស្វយ័តក្រុងព្រះសីហនុ ថែមមួយកម្រិតទៀត។ ក្រៅពីគម្រោងនេះ កាលពីចុងឆ្នាំ ២០២១ ជប៉ុន ក៏បានផ្តល់ហិរញ្ញប្បទានឥតសំណង ១៣,៩លានដុល្លារ ដើម្បីបំពាក់គ្រឿងចក្រលើកដាក់គែមផែចល័ត នៅកំពង់ផែស្វយ័តក្រុងព្រះសីហនុ ផងដែរ។ (អានបន្ថែម) គួរបញ្ជាក់ថា ជប៉ុនបាន និងកំពុងជួយអភិវឌ្ឍកំពង់ផែស្វយ័តក្រុងព្រះសីហនុជាបន្ដបន្ទាប់។ ជាក់ស្ដែង គម្រោងពង្រីកកំពង់ផែប្រវែង៣៥០ម៉ែត្រ និងជម្រៅទឹក១៤,៥ម៉ែត្រ ក្នុងជំហានទី១ ក្រោមកម្ចីជប៉ុន ២០០លានដុល្លារ នឹងចាប់ផ្ដើមការសាងសង់នៅឆ្នាំ២០២២ នេះ។ […]
អានបន្ថែម
ពហុកីឡដ្ឋានថ្មី នៅខេត្តពោធិ៍សាត់ ប្រកាសដាក់ឱ្យដំណើរការហើយ
ពហុកីឡដ្ឋានថ្មី ស្រុកភ្នំក្រវាញ នៅលើទឹកដី ខេត្តពោធិ៍សាត់ បានប្រកាសដាក់ឲ្យដំណើរការជាផ្លូវការហើយ ក្រោមវត្តមាន ឯកឧត្តម ជាវ តាយ អភិបាលខេត្តពោធិ៍សាត់ និងឯកឧត្តម ទី នរិន្ទ រដ្ឋលេខាធិការ ក្រសួងរ៉ែ និងថាមពល កាលពីថ្ងៃទី១៥ ខែមករា ឆ្នាំ២០២២។ ពហុកីឡដ្ឋានថ្មី បានកសាងឡើងតាំងពីឆ្នាំ២០១៨ និងបញ្ចប់រួចរាល់ជាស្ថាពរ ក្នុងឆ្នាំ២០២១កន្លងទៅ ក្រោមថវិកាជាតិប្រមាណជាង ១០០ លានរៀល។ ពហុកីឡាដ្ឋានថ្មីនេះ រួមមាន៖ តារាងបាល់ទាត់ចំនួន១, តារាងបាលទះចំនួន២, រោងបោះបូលចំនួន១, វេទិកាចំនួន១, បន្ទប់ទឹក១ខ្នង៤បន្ទប់, ប្រឡាយរំដោះទឹក២ខ្សែ, លូបង្ហូរទឹក២កន្លែង, ផ្លូវរត់អត្តពលកម្មជុំវិញតារាងបាលទាត់ និងទីលានចតរថយន្ត ម៉ូតូ។ ឯកឧត្តម ជាវ តាយ ថា ពហុកីឡដ្ឋាននេះ ជាផ្នែកមួយនៃការអភិវឌ្ឍន៍ស្រុកភ្នំក្រវាញ បន្ថែមពីលើហេដ្ឋារចនាសម្ព័ន្ធផ្សេងៗដូច ផ្លូវ ថ្នល់ ស្ពាន និងសំណង់អាគារសាធារណៈជាដើម។ ក្រៅពីនេះ រដ្ឋបាលខេត្តក៏នឹងផ្តល់ជូននូវអំពូលភ្លើងបំភ្លឺផ្លូវសាធារណៈឆ្លាតវៃ ប្រភេទLED ជូនដល់ប្រជាពលរដ្ឋនៅទីប្រជុំជនស្រុកភ្នំក្រវាញ ក្នុងពេលដ៏ខ្លីខាងមុខផងដែរ។
អានបន្ថែម
ខេត្តព្រះសីហនុ និងតាកែវ ស្វាគមន៍គម្រោងវិនិយោគធំៗ ២ តម្លៃជាង ២២ លានដុល្លារ
ក្រុមប្រឹក្សាអភិវឌ្ឍន៍កម្ពុជា(CDC) បានសម្រេចអនុម័តឱ្យក្រុមហ៊ុនឯកជនបោះទុនវិនិយោគ ប្រមាណជាង ២២លានដុល្លារអាមេរិក បង្កើតរោងចក្រចំនួន ២កន្លែង គឺស្ថិតក្នុងខេត្តព្រះសីហនុ និងខេត្តតាកែវ ។ យោងតាមប្រកាសរបស់ក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី១៤ ខែមករា ឆ្នាំ២០២២ គម្រោងទាំង ២ រួមមាន៖ ១- ក្រុមហ៊ុន YH FINE MATERIALS CO., LTD: បង្កើតរោងចក្រផលិតម្សៅស៊ីលីកា (Micro Silica & Silica Powder) ដែលមានទីតាំងវិនិយោគស្ថិតនៅភូមិព្រែកប្រស់ ឃុំទឹកថ្លា ស្រុកព្រៃនប់ ខេត្តព្រះសីហនុ មានទុនវិនិយោគប្រមាណ ១៨,៦លានដុល្លារអាមេរិក។ ២- ក្រុមហ៊ុន MASTERY (MFG) CO., LTD: បង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិតាឌូ សង្កាត់រកាក្រៅ ក្រុងដូនកែវ ខេត្តតាកែវ មានទុនវិនិយោគចំនួន ៣,៥លានដុល្លារអាមេរិក។ គម្រោងទាំង ២ ខាងលើនេះ អាចបង្កើតការងារជូនពលរដ្ឋកម្ពុជា បានរហូតដល់ ៧៥៥កន្លែងឯណោះ។ សូមរម្លឹកថា […]
អានបន្ថែម