ផ្លូវ និងហេដ្ឋារចនាសម្ព័ន្ធ
ការសាងសង់ស្ពានថ្មើរជើងស្តុបសន្ធរម៉ុក ចូលដល់ដំណាក់កាលដំឡើងគ្រោងដែកស្ពាន
រដ្ឋបាលរាជធានីភ្នំពេញ នឹងធ្វើការដំឡើងគ្រោងដែកស្ពានអាកាសថ្មើរជើងនៅស្តុបសន្ធរម៉ុក បន្ទាប់ពីបញ្ចប់ការសាងសង់បង្គោលស្ពានថ្មើរជើងចំនួន៤រួចមក។ ដំណើរការនៃការដំឡើងគ្រោងដែកស្ពាននេះ នឹងធ្វើឱ្យប៉ះពាល់ដល់ចរាចរណ៍ក្នុងតំបន់នេះ។ នេះបើយោងតាមសេចក្តីជូនដំណឹងរបស់រដ្ឋបាលរាជធានីភ្នំពេញកាលពីថ្ងៃទី២៨ ខែតុលា។ រដ្ឋបាលរាជធានី សម្រចរបិទចរាចរលើនៃផ្លូវប្រសព្វទាំង ៤ រយៈពេល ៣យប់ គឺ នៅយប់ថ្ងៃទី២៩ និង ៣១ ខែតុលា និងយប់ថ្ងៃទី០២ ខែវិច្ឆិកា ចាប់ពីម៉ោង ៨:០០យប់ ដល់ម៉ោង ៧:០០ព្រឹក។ សូមបញ្ជាក់ថា ស្ពានថ្មើរជើងស្តុបសន្ធរម៉ុក បានបើកការដ្ឋានកាលពីចុងឆ្នាំ ២០១៩ ដំណាលគ្នា និងការដ្ឋានសាងសង់ស្ពានថ្មើរជើងផ្សារដើមគរ ដែលបានបញ្ចប់ការសាងសង់ និងដាក់ឱ្យប្រើប្រាស់រួចហើយ៕
អានបន្ថែម
ចិនកំពុងពន្លឿនព្រលានតារាសាគរទទួលយន្តហោះបានចុងឆ្នាំ ស្របនឹងការបើកប្រទេស
ក្រុមហ៊ុនចិន Union Development Group កំពុងពន្លឿនការសាងសង់អាកាសយានដ្ឋានតារាសាគរក្នុងខេត្តកោះកុង ឱ្យចប់តាមការគ្រោងទុកនៅចុងឆ្នាំ ឬដើមឆ្នាំក្រោយ ស្របពេលនឹងការបើកប្រទេសទទួលភ្ញៀវទេសចរ ខណៈខេត្តកោះកុងក៏ជាខេត្តគោលដៅដំបូងមួយផងដែរ។ ឯកឧត្តម ស៊ិន ចាន់សេរីវុត្ថា អ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល បានឱ្យដឹងនៅថ្ងៃទី២៨ តុលា នេះថា ការសាងសង់នៃអាកាសយានដ្ឋានតារាសាគរ រងផលប៉ះពាល់បន្តិចបន្តួចពីអាកាសធាតុ និងការឆ្លងសហគមន៍នៃជំងឺកូវីដ ប៉ុន្តែក្រុមហ៊ុន អះអាងថា កំពុងពន្លឿនការសាងសង់បញ្ចប់តាមការគ្រោងទុក។ ឯកឧត្តម ស៊ិន ចាន់សេរីវុត្ថា ថ្លែងថា៖ «ឥឡូវនេះ ការសាងសង់ជិតបញ្ចប់ហើយ ប៉ុន្តែការហោះហើរមិនមែនធ្វើឡើងភ្លាមៗទេ។ ជាផែនការ យើងនឹងបើកទទួលទេសចរណ៍ ប៉ុន្តែយើងនៅមានកិច្ចការជាច្រើនទៀត ដែលត្រូវធ្វើបន្តបន្ទាប់»។ បើតាមអ្នកនាំពាក្យដដែល ក្រុមហ៊ុននឹងធ្វើការស្នើសុំការហោះហើរសាកល្បងបន្ទាប់ពីការងារសាងសង់បញ្ចប់ ជាមួយនឹងនិតីវិធីផ្សេងៗទៀត ដែលត្រូវបំពេញមុនធ្វើការហោះហើរជាផ្លូវការ។ វិនិយោគដោយក្រុមហ៊ុនចិន Union Development Group អាកាសយានដ្ឋានតារាសាគរអន្តរជាតិ ត្រូវបានសាងសង់លើផ្ទៃដីសរុប ៤,៥ហិកតា ស្ថិតក្នុងស្រុកបទុមសាគរនៃខេត្តកោះកុង និងបច្ចុប្បន្ន ការសាងសង់សម្រេចបាន ប្រមាណជាង៩០%។ សូមបញ្ជាក់ថា រដ្ឋាភិបាលកម្ពុជា បានប្រកាសបើកទទួលទេសចរដែលបានចាក់វ៉ាក់សាំងរួច ចាប់ពីចុងខែវិច្ឆិកានេះតទៅ សម្រាប់ទិសដៅទេសចរណ៍ចំនួន៣កន្លែងរួមមាន ក្រុងព្រះសីហនុ កោះរ៉ុងនៃខេត្តព្រះសីហនុ […]
អានបន្ថែម
វៀតណាម អនុម័តថវិកាជាង១០ប៊ីលានដុល្លារ សាងសង់រថភ្លើងជិត ៥ពាន់ គ.ម ទូទាំងប្រទេស
វៀតណាមបោះជំហានកាន់តែធំលើការពង្រីកគុណភាពប្រព័ន្ធដឹកជញ្ជូនតាមផ្លូវរថភ្លើង ដោយទើបតែអនុម័តថវិកាប្រមាណ ១០,៥ប៊ីលានដុល្លារ សម្រាប់កសាង និងលើកកម្ពស់ផ្លូវរថភ្លើង ១៦ខ្សែ មានប្រវែងសរុប ៤ ៨០០គីឡូម៉ែត្រ ក្នុងរយៈពេល១០ឆ្នាំ។ នេះបើយោងតាម Global Construction Review កាលពីថ្ងៃទី២៧ ខែតុលា ។ ផែនការនេះ ត្រូវបានប្រកាសដោយ លោក Le Van Thanh ឧបនាយករដ្ឋមន្រ្តីវៀតណាម ដោយបញ្ជាក់ថា ថវិកានេះនឹងត្រូវប្រើសម្រាប់លើកកម្ពស់ផ្លូវរថភ្លើងចំនួន៧ខ្សែ មានប្រវែងសរុប ២ ៤០០ គីឡូម៉ែត្រ និងដើម្បីកសាងផ្លូវរថភ្លើង៩ខ្សែ ផ្សេងទៀត ដែលមានប្រវែងប្រហាក់ប្រហែលគ្នា។ ជាមួយនឹងផែនការនេះ អាជ្ញាធរវៀតណាម រំពឹងថា នឹងលើកកម្ពស់ប្រព័ន្ធដឹកជញ្ជូនក្នុងស្រុក និងភ្ជាប់ការដឹកជញ្ជូនកាន់តែប្រសើរជាមួយប្រព័ន្ធដឹកជញ្ជូនរបស់ប្រទេសជិតខាង។ គួរបញ្ជាក់ថា អាជ្ញាធរវៀតណាម ផ្តោតសំខាន់ទៅលើផ្លូវរថភ្លើងល្បឿនលឿន ភ្ជាប់ពីភាគខាងជើង និងខាងត្បូង។ ផែនការនេះ ក៏ផ្តោតផងដែរលើការអភិឌ្ឍផ្លូវរថភ្លើង តភ្ជាប់ទៅនឹងតំបន់កំពង់ផែសមុទ្រ អាកាសយានដ្ឋាន និងទីក្រុងធំៗ។ ទន្ទឹមនឹងនេះ អាជ្ញាធរវៀតណាម ក៏បានបើកភ្លើងខៀវដល់ក្រុមហ៊ុនបរទេសធំៗ ឱ្យចូលរួមវិនិយោគលើវិស័យដឹកជញ្ជូនតាមរថភ្លើង ដោយចង់ឃើញការអភិវឌ្ឍផ្លូវភ្លើងវៀតណាមកាន់តែទំនើប។
អានបន្ថែម
ស្ពានអរិយក្សត្រអាចសង់ឆ្នាំក្រោយ ព្រោះរដ្ឋដាក់គម្រោងនេះក្នុងផែនការចំណាយ២០២២ ហើយ
គម្រោងស្ពានជ្រោយចង្វារ-ស្វាយជ្រុំ (អរិយក្សត្រ) អាចនឹងចាប់ផ្ដើមការសាងសង់នៅឆ្នាំក្រោយ ព្រោះរដ្ឋាភិបាលបានដាក់គម្រោងនេះជាគម្រោងអាទិភាពសម្រាប់ផែនការចំណាយឆ្នាំ ២០២២ ហើយ។ នេះបើយោងខ្លឹមសារសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២ របស់ក្រសួងសេដ្ឋកិច្ច និងហិរញ្ញវត្ថុ។ សេចក្ដីព្រៀងច្បាប់បញ្ជាក់ថា មានគម្រោងចំនួន៧ ត្រូវបានចាត់ជាគម្រោងអាទិភាព ដែលរដ្ឋាភិបាលគ្រោងនឹងអនុវត្តនៅឆ្នាំក្រោយ តាមរយៈប្រភពហិរញ្ញប្បទានពីក្រៅប្រទេស និងក្នុងស្រុកតាមរយៈការបោះផ្សាយលក់មូលបត្ររដ្ឋ ដោយគម្រោងសាងសង់ស្ពានមិត្តភាពកម្ពុជា-កូរ៉េ ក៏ស្ថិតនៅក្នុងបញ្ជីដែរ។ ស្ពាននេះដែល នឹងភ្ជាប់តំបន់ជ្រោយចង្វារនៃរាជរាជធានីភ្នំពេញ ទៅកាន់ស្រុកល្វាឯមនៃខេត្តកណ្តាល កាត់ទន្លេមេគង្គត្រង់ចំណុចទន្លេចតុមុខ។ ជាក់ស្ដែង គម្រោងត្រូវបានប្រកាសកាលពីឆ្នាំមុន ដោយថវិកាសម្រាប់អនុវត្តគម្រោងនេះ នឹងជាហិរញ្ញប្បទានពីសាធារណរដ្ឋកូរ៉េ។ បើយោងតាមឯកឧត្តម វ៉ាស៊ីម សុរិយា អ្នកនាំពាក្យក្រសួងសាធារណការ និងដឹកជញ្ជូន កាលពីខែកក្កដា ក្រុមជំនាញប្រទេសកូរ៉េខាងត្បូង កំពុងសិក្សាគូសប្លង់ និងជ្រើសរើសទីតាំង។ (អានបន្ថែម)
អានបន្ថែម
គម្រោងផ្លូវ ៣៨ខ្សែ នៅសៀមរាបសម្រេចបាន៨៤%ហើយ លឿនជាងផែនការ ២%
គម្រោងស្ថាបនាផ្លូវ ៣៨ខ្សែ នៅក្រុងសៀមរាប បច្ចុប្បន្នសម្រេចបាន ៨៤% ហើយ លឿនជាងផែនការ២% ដោយគ្រោងនឹងបញ្ចប់ជាស្ថាពរនៅចុងឆ្នាំ២០២១។ ដោយឡែក គម្រោងស្ថាបនាផ្លូវជាតិលេខ៦ ប្រវែងជាង ៥គម នៅក្នុងភូមិសាស្រ្តក្រុងសៀមរាប ក៏នឹងបញ្ចប់ដំណើរគ្នានេះផងដែរ។ នេះបើយោងតាមការចុះត្រួតពិនិត្យដំណើរការសាងសង់របស់ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន កាលពីថ្ងៃទៅ២៥ ខែតុលានេះ។ ក្នុងឱកាសនេះ ឯកឧត្តមក៏បានជំរុញក្រុមហ៊ុនម៉ៅការសាងសង់ឱ្យបន្ថែមក្រុមការងារសាងសង់ ដើម្បីធ្វើយ៉ាងណាឱ្យការងារសាងសង់បញ្ចប់តាមផែនការ ឬលឿនជាផែនការបើអាចទៅរួច។ ជាមួយគ្នានេះ ឯកឧត្តមក៏បានស្នើឱ្យប្រជាពលរដ្ឋយោគយល់លើបញ្ហាផ្លូវលំបាក ដីហុយ និងការកកស្ទះនានា ដោយអះអាងថាការងារគឺមិនយឺតយ៉ាវទេ បច្ចុប្បន្នអាចលំបាកបន្ដិចមែន តែចុងឆ្នាំនឹងថ្មីប្លែកភ្នែក មានផ្លូវថ្មីស្រឡាង។
អានបន្ថែម
ស្ពានបេតុងឫស្សីកែវ-ជ្រោយចង្វារ សង់បានជិត៦០% គ្រោងនឹងបញ្ចប់ខែមីនា ឆ្នាំ២០២៣
នៅខែមីនាឆ្នាំ២០២៣ខាងមុខនេះ រាជធានីភ្នំពេញ នឹងមានវត្តមានស្ពានបេតុងថ្មីមួយទៀត គឺស្ពានឫស្សីកែវ-ជ្រោយចង្វារ ត្រង់ប្រសព្វផ្លូវជាតិលេខ៥ ក្បែរស្ពានបាឡេបច្ចុប្បន្ន ដោយគិតមកទល់ពេលនេះ ការដ្ឋានស្ពានទាំងមូល សម្រេចបានប្រមាណបាន៥៩% ហើយ។ មន្ទីសាធារណការ និងដឹកជញ្ជូនរាជធានីភ្នំពេញ បានឲ្យដឹងកាលពីកាលពីថ្ងៃទី២៤ ខែតុលា កន្លងមកថា ១)៖ «បើត្រឹមថ្ងៃទី២៣ ខែតុលា ឆ្នាំ២០២១ ការដ្ឋានសាងសង់ស្ពានឫស្សីកែវ ឆ្លងកាត់ទន្លេសាប សម្រេចលទ្ឋផលបាន ៥៩%។ ការដ្ឋាននឹងបញ្ចប់ការសាងសង់នៅខែមីនា ឆ្នាំ២០២៣ខាងមុខ» ។ គួរបញ្ជាក់ថា ស្ពានឫស្សីកែវ ដែលបានសាងសង់ឆ្លងកាត់ទន្លេសាបខាងលើនេះ ត្រូវបានបើកការដ្ឋានកាលថ្ងៃទី២៣ ខែតុលា ឆ្នាំ២០១៧ ក្រោមវត្តមានសម្តេច ហ៊ុន សែន។ ស្ពានមួយខ្សែនេះ ប្រវែងជិត១គីឡូម៉ែត្រ ឆ្លងកាត់ទន្លេសាបពីតំបន់អភិវឌ្ឍន៍ក្រុងរណបជ្រោយចង្វារ ទៅកាន់ផ្លូវជាតិលេខ៥ ដោយគ្រោងចំណាយថវិកាប្រមាណ ៣៥លានដុល្លារអាមេរិក។ (អានបន្ថែម) គម្រោងស្ពាននេះ នឹងបង្កើតលំហូរចរាចរថ្មី តភ្ជាប់ពីផ្លូវជាតិលេខ៥នៃខណ្ឌឫស្សីកែវ និងផ្លូវជាតិលេខ៦នៃខណ្ឌជ្រោយចង្វារ ហើយក៏ជាការបង្កើតផ្លូវថ្មីតភ្ជាប់ចរាចរក្នុងទីក្រុងទៅពហុកីឡដ្ឋានជាតិមរតកតេជោ ដែលកម្ពុជានឹងទទួលរៀបចំធ្វើជាម្ចាស់ផ្ទះនៃព្រឹត្តិការណ៍ប្រកួតកីឡា SEA GAME ២០២៣ ខាងមុខ៕
អានបន្ថែម
រដ្ឋត្រូវការទុនបម្រុងចំនួន ១៦០០លាន SDR ដើម្បីអភិវឌ្ឍវិស័យអាទិភាព៦ ក្នុងឆ្នាំ២០២២
ក្នុងឆ្នាំ២០២២ ខាងមុខនេះ រដ្ឋាភិបាលកម្ពុជាត្រូវការកម្ចីហិរញ្ញប្បទានចំនួន ១៦០០លាន SDR (ជាទុនបម្រុងអន្តរជាតិរបស់IMF ដែលអាចប្ដូរទៅជាលុយសុទ្ធបានតាមតម្រូវការ*) ដើម្បីអភិវឌ្ឍវិស័យអាទិភាពធំៗចំនួន ៦ ឬស្មើនឹង ៣៥គម្រោង។ នេះបើតាមសេចក្តីព្រាងច្បាប់ស្តីពីហិរញ្ញវត្ថុសម្រាប់គ្រប់គ្រងឆ្នាំ២០២២។ វិស័យអាទិភាពទាំង ៦ នោះ រួមមាន វិស័យថាមពល ៨ គម្រោង វិស័យធារាសាស្ត្រ ៥ គម្រោង ហេដ្ឋរចនាសម្ព័ន្ធរូបវ័ន្ត ៧ គម្រោង សុខាភិបាល ៣ គម្រោង វិស័យអប់រំ ២ គម្រោង វិស័យកសិកម្ម ៣គម្រោង និងវិស័យអាទិភាពផ្សេងទៀត ៦ គម្រោង។ បើពិនិត្យដោយឡែកទៅលើវិស័យហេដ្ឋារចនាសម្ព័ន្ធរូបវ័ន្ត គម្រោងទាំង ៧ នោះរួមមាន៖ ១) គម្រោងសាងសង់ស្ពានទន្លេមេគង្គ និងផ្លូវតភ្ជាប់ខេត្តក្រចេះ ២) គម្រោងពង្រីកកំណាត់ផ្លូវជាតិលេខ៧ (ស្គន់-កំពង់ចាម)។ គម្រោងនេះ នឹងចាប់ផ្តើមការដ្ឋានសាងសាង់ឆាប់នេះៗ ខណៈក្រុមការងារក្រសួងកំពុងពន្លឿនបញ្ចប់ការសិក្សា។ (អានបន្ថែម) ៣) រៀបបចំច្រកទ្វារអន្តរជាតិស្ទឹងបត់ និងផ្លូវតភ្ជាប់ទៅផ្លូវជាតិលេខ៥ ជំហានទី២។ បើគិតត្រឹមចុងខែមិថុនា […]
អានបន្ថែម
ផ្លូវជាតិលេខ៥ ក្នុងភូមិសាស្ត្រខេត្តពោធិ៍សាត់ គ្រោងបញ្ចប់ចុងឆ្នាំនេះ ឬដើមឆ្នាំក្រោយ
អភិបាលខេត្តពោធិ៍សាត់ថ្មី ឯកឧត្តម ជាវ តាយ កាលពីថ្មីៗនេះ បានស្នើទៅកាន់ ក្រុមការងារអន្តរក្រសួង ឱ្យជួយពន្លឿនបញ្ចប់ការស្ថាបនាផ្លូវជាតិលេខ៥ ក្នុងភូមិសាស្ត្រខេត្តពោធិ៍សាត់ ឱ្យបានត្រឹមចុងឆ្នាំនេះ ឬដើមឆ្នាំ ២០២២ ខាងមុខ ទិសដៅដើម្បីសម្រួលដល់ការធ្វើដំណើររបស់ប្រជាពលរដ្ឋ។ ឯកឧត្តម ស្នើដូច្នេះ កិច្ចប្រជុំជាមួយក្រុមការងារពាក់ព័ន្ធដើម្បីដោះស្រាយផលប៉ះពាល់នានានៃគម្រោង កាលពីថ្ងៃទី២១ ខែតុលា ឆ្នាំ២០២១ កន្លងទៅ ។ ឯកឧត្តមបានឱ្យដឹងថា បច្ចុប្បន្ន ទាំងរដ្ឋបាលខេត្ត និងក្រុមការងារសាងសង់ កំពុងជួយគ្នាដោះស្រាយបញ្ហារាំងស្ទះ និងធ្វើយ៉ាងណាឱ្យការសាងសង់ទៅមុខដោយរលូន។ គួរបញ្ជាក់ថា ផ្លូវជាតិលេខ៥នេះ ត្រូវបានសាងសង់បែងចែកជាកំណាត់ៗ។ កំណាត់បាត់ដំបង-សិរីសោភ័ណ្ឌសាងសង់រួចហើយ ខណៈឯកំណាត់ពីព្រែកក្តាម-ពោធិ៍សាត់ និងពោធិ៍សាត់-បាត់ដំបង កំពុងសាងសង់ ដោយគ្រោងបញ្ចប់នៅឆ្នាំ២០២២ និង២០២៣ ខាងមុខ។ (អានបន្ថែម) បើគិតត្រឹមខែមិថុនា ការដ្ឋានផ្លូវជាតិលេខ៥ ជារួមសម្រេចបានប្រមាណ ៦០% ហើយ ដោយកំណាត់ព្រែកក្តាម-ធ្លាម្អម សម្រេច ៤៦,០៥% និងកំណាត់ភាគកណ្តាលធ្លាម្អម-បាត់ដំបងសម្រេច ៣៨,០៨%។ គម្រោងទាំងមូល មានប្រវែងសរុបចំនួន ៣៦៦គីឡូម៉ែត្រ ដែលជាការពង្រីកផ្លូវពី ២ ទៅ […]
អានបន្ថែម
រដ្ឋបង្កើតក្រុមការងារពិសេស៤ ដើម្បីត្រួតពិនិត្យគុណភាពផ្លូវ៣៤ខ្សែ មុនប្រគល់ទទួលជាផ្លូវការ
ក្រសួងរៀបចំដែនដី នគរូបនីយកម្ម និងសំណង់ បានបង្កើតក្រុមការងារពិសេសចំនួន៤ក្រុម ដើម្បីចុះពិនិត្យគុណភាព និងកង្វះខាតនានាៗនៃការងារស្ថាបនាផ្លូវទាំង ៣៤ខ្សែ នៅក្នុងក្រុងព្រះសីហនុ មុនធ្វើការប្រគល់ទទួលជាផ្លូវការ។ ឯកឧត្តម លី រស្មី អនុរដ្ឋលេខាធិការក្រសួង បានឱ្យដឹងក្នុងកិច្ចប្រជុំកាលពីថ្ងៃទី១៩ ខែតុលា កន្លងទៅថា ផ្លូវ ៣៤ខ្សែ នឹងត្រៀមរៀបចំការប្រគល់ទទួលជូនរដ្ឋបាលខេត្តព្រះសីហនុ ជាអ្នកគ្រប់គ្រងបន្តនាពេលឆាប់ៗនេះ។ «ហេតុនេះ ដើម្បីធានានិរន្តរភាព ក្រសួងបានបង្កើតក្រុមការងារពិសេសចំនួន៤ក្រុម រួមមាន ក្រុមការងាររបស់រដ្ឋបាលខេត្ត មន្ទីរ អង្គភាពពាក់ព័ន្ធចូលរួម និងក្រុមការងាររបស់គណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា ដើម្បីជួយគ្នាពិនិត្យ» ឯកឧត្តមបានបន្ត។ ក្រុមការងារទាំង៤នេះ មានភារកិច្ច ចុះពិនិត្យការងារស្ថាបនាផ្លូវដោយផ្តោតសំខាន់លើចំណុចជាច្រើនដូចជា៖ កម្រាលផ្លូវ ប្រព័ន្ធលូទឹកភ្លៀង លូទឹកកខ្វក់ ចិញ្ចើមផ្លូវ ការងារក្រាលថ្មក្រានីត បង្គោលភ្លើងបំភ្លឺផ្លូវសាធារណៈ ជញ្ជាំងថ្មនៅតាមបណ្តោយឆ្នេរ លូចំហរ បេតុងអ៊ុតកៅស៊ូ គំនូសចរាចរណ៍ និងការងារដាំដើមឈើលម្អផ្លូវជាដើម។ ជាមួយគ្នានេះដែរ លោក ជាវ វិជ្ជាក់ អភិបាលរងខេត្តព្រះសីហនុ ក៏បានស្នើឱ្យក្រុមការងារចុះពិនិត្យ វាយតម្លៃ ការខូចខាត និងចន្លោះខ្វះខាតដែលនៅសេសសល់ ដើម្បីឱ្យក្រុមហ៊ុនធ្វើការជួសជុល។ […]
អានបន្ថែម
ហេដ្ឋារចនាសម្ព័ន្ធផ្លូវ៣៨ខ្សែនៅសៀមរាប បច្ចុប្បន្នសាងសង់សម្រេចជាង ៨០%ហើយ
ទោះបញ្ហាកូវីដមិនទាន់ស្ងប់ស្ងាត់ក្ដី គម្រោងសាងសង់ផ្លូវទាំង ៣៨ខ្សែ នៅក្រុងសៀមរាបនៅតែដំណើរការដោយរលូន ខណៈបច្ចុប្បន្នការដ្ឋានសាងសង់ទាំងមូលសម្រេចបានប្រមាណ ៨០% ហើយ។ នេះបើយោងតាមកិច្ចប្រជុំ ពិភាក្សារៀបចំសណ្ដាប់ធ្នាប់លើកំណាត់ផ្លូវ ៣៨ខ្សែ ក្នុងក្រុងសៀមរាប កាលថ្ងៃទី១៣ ខែតុលាេ។ លោក ពិន ប្រាកដ អភិបាលរងខេត្តសៀមរាប បានឱ្យដឹងថា គម្រោងទាំងមូលអាចនឹងបិទការដ្ឋាននៅចុងឆ្នាំ ហើយគ្រោងនឹងបើកសម្ភោធដាក់ឱ្យប្រើប្រាស់ជាផ្លូវការ នៅដើមឆ្នាំក្រោយ។ យ៉ាងណា លោកបន្តថា៖ «នៅលើដងផ្លូវ ៣៨ខ្សែ ដែលកំពុងសាងសង់នេះ ត្រូវបានប្រជាពលរដ្ឋមួយចំនួន យកធ្វើកន្លែងលក់ដូរអនាធិបតេយ្យ និងចតយានយន្ដគ្មានសណ្ដាប់ធ្នាប់»។ ហេតុនេះ រដ្ឋបាលខេត្តបានព្រមានម្ដងហើយម្ដងទៀត ឱ្យពលរដ្ឋកុំបំពានដីចំណីផ្លូវ និងចិញ្ចើមផ្លូវ ពោលគឺដើម្បីសម្រួលដល់ដំណើរការសាងសង់។ (អានបន្ថែម) អាជ្ញាធរសៀមរាប៖ ហាមដាច់ខាតមិនឱ្យចតយានជំនិះ លក់ដូរ និងរំលោភចិញ្ចើមផ្លូវទៀតទេ គួរជម្រាបថា គម្រោងកែលម្អហេដ្ឋារចនាសម្ព័ន្ធផ្លូវទាំង ៣៨ខ្សែក្នុងក្រុងសៀមរាប មានប្រវែងសរុប ១០៨ គីឡូម៉ែត្រ ប្រើប្រាស់ថវិកាជាតិសរុបប្រមាណជាង ១៤៩លានដុល្លារអាមេរិក ដោយក្នុងនោះ ចំនួន ៩លានដុល្លារអាមេរិក បន្ថែមទៀត នឹងត្រូវចំណាយលើការរៀបចំស្ថាបនាប្រព័ន្ធបង្ហូរទឹកភ្លៀង និងទឹកកខ្វក់ផងដែរ។ ការដ្ឋានសាងសង់ផ្លូវនេះ បានបើកការដ្ឋានកាលពីថ្ងៃទី៣០ […]
អានបន្ថែម