ផ្លូវ និងហេដ្ឋារចនាសម្ព័ន្ធ
ទូតសិង្ហបូរី បានបង្ហាញបំណងបន្តពង្រឹង និងពង្រីក ប្រព័ន្ធដឹកជញ្ជូននៅកម្ពុជា
កម្ពុជា និងសិង្ហបុរី បានប្តេជ្ញាចិត្តរួមគ្នា ពង្រីកកិច្ចសហប្រតិបត្តិការលើប្រព័ន្ធដឹកជញ្ជូនឱ្យកាន់តែប្រសើរឡើង។ នេះបើយោងតាមជំនួបពិភាក្សាការងាររវាងឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន និងលោកជំទាវ Teo Lay Cheng ឯកអគ្គរដ្ឋទូតសិង្ហបុរីប្រចាំកម្ពុជា កាលពីទី ១១ ខែឧសភា កន្លងមកនេះ។ លោកជំទាវ Teo Lay Cheng បានថ្លែងថា សិង្ហបូរីមានបំណងចង់បន្តពង្រឹង និងពង្រីកកិច្ចសហប្រតិបត្តិជាមួយកម្ពុជាកាន់តែរឹងមាំ ជាពិសេសលើប្រព័ន្ធដឹកជញ្ជូន។ ជាក់ស្ដែង កន្លងមកសិង្ហបុរីបានជួយជ្រោមជ្រែងជាច្រើនក្នុងវិស័យហេដ្ឋារចនាសម្ព័ន្ធដឹកជញ្ជូននៅកម្ពុជា។ តួយ៉ាងដូចជា គម្រោងអភិវឌ្ឍន៍មជ្ឈមណ្ឌលព័ស្តុភារកម្មភ្នំពេញតម្លៃជាង ២០០លានដុល្លារ ដែលគ្រោងនឹងសាងសង់ក្នុងពេលឆាប់ៗនេះ។ គម្រោងមជ្ឈមណ្ឌលភ័ស្តុភារកម្មភ្នំពេញនេះ ត្រូវបានចុះហត្ថលេខា Framework Agreement កាលពីថ្ងៃទី ០៤ ខែមីនា កន្លងទៅ រវាងក្រសួងសាធារណការ និងដឹកជញ្ជូន និងក្រុមហ៊ុន YCH និង Infrastructure Asia (IA) របស់ប្រទេសសិង្ហបុរី។ (អានបន្ថែម) ឯកឧត្ដម ស៊ុន ចាន់ថុល បានឱ្យដឹងថា គម្រោងនេះនឹងដើរតួនាទីជាចំណុចកណ្តាលសម្រាប់បណ្តាញចែកចាយទំនិញនៅក្នុងប្រទេស […]
អានបន្ថែម
ការសិក្សាគម្រោងផ្លូវល្បឿនលឿនភ្នំពេញ-បាវិត ដើរទៅមុខមួយជំហានទៀតហើយ
រដ្ឋមន្ត្រីក្រសួងសាធារណការ និងដឹកជញ្ជូន ឯកឧត្តម ស៊ុន ចាន់ថុល កាលពីថ្ងៃទី១០ ខែឧសភា បានប្រជុំអនឡាញជាមួយនឹងអភិបាលខេត្តស្វាយរៀង ឯកឧត្តម ម៉ែន វិបុល ក៏ដូចជាមន្រ្តីពាក់ព័ន្ធ ដើម្បីពន្លឿនផែនការអនុវត្តគម្រោងផ្លូវល្បឿនលឿនភ្នំពេញ-បាវិត។ នេះសឱ្យឃើញថាគម្រោងនេះ ដើរទៅមុខមួយជំហានទៀតហើយ។ ក្នុងកិច្ចប្រជុំ ក្រុមការងារពិភាក្សាលើប្លង់ដែលស្នើដោយ JICA និងប្លង់ដែលស្នើឡើងដោយក្រុមហ៊ុនចិន China Railway International Group Co., Ltd។ យ៉ាងណាមិញ អង្គប្រជុំមិនបានបង្ហាញនូវលទ្ធផលថានឹងជ្រើសមួយណានៅឡើយទេ។ ជាក់ស្ដែង ក្រសួងសាធារណការ និងដឹកជញ្ជូន បាននឹងកំពុងពិចារណា និងប្រៀបធៀប ប្លង់ផ្លូវល្បឿនលឿន ភ្នំពេញ-បាវិត ដែលស្នើដោយចិន និងជប៉ុន មួយរយៈធំមកហើយ ពោលគឺតាំងពីចុងឆ្នាំ ២០២០ មកម្ល៉េះ។ (អានបន្ថែម) កាលពីខែ កញ្ញា ឆ្នាំ ២០២០ កន្លងទៅ ក្រុមហ៊ុន China Railway International Group Co., Ltd បានបង្ហាញគំរូប្លង់ចំនួន ៣ […]
អានបន្ថែម
រដ្ឋបាលខេត្តបាត់ដំបងចុះពន្លឿនការរុះរើសំណង់ប៉ះពាល់គម្រោងកែលម្អផ្លូវជាតិលេខ៥
រដ្ឋបាលខេត្តបាត់ដំបង បានចុះជំរុញឱ្យពលរដ្ឋដែលរស់នៅជាប់ផ្លូវជាតិលេខ៥ ទាំងអ្នកដែលមានអគារ ឬសំណង់ស៊ីចំណីផ្លូវខុសច្បាប់ និងអ្នកដែលមានអគារត្រឹមត្រូវតែទទួលបានសំណងរួចហើយ ឱ្យរុះរើជាបន្ទាន់ ដើម្បីពន្លឿនការដ្ឋានកែលម្អផ្លូវឱ្យសម្រេចបានតាមកាលកំណត់។ នេះបើយោងតាម កិច្ចចុះត្រួតពិនិត្យការដ្ឋានផ្ទាល់របស់ អភិបាលខេត្តបាត់ដំបង ឯកឧត្តម ងួន រតនៈ កាលពីថ្ងៃទី ១០ ឧសភា កន្លងមកនេះ។ គម្រោងកែលម្អរផ្លូវជាតិលេខ៥ ជាការពង្រីកកំណាត់ផ្លូវជាតិមានស្រាប់ពី ២ គន្លងទៅ ៤ គន្លង មានទទឹង ២៣ ម៉ែត្រ ជាប្រភេទផ្លូវបេតុងកៅស៊ូអាស្វាល់ (AC) ដែលត្រូវចំណាយទឹកប្រាក់ប្រមាណ ៥00 លានដុល្លារអាមេរិក ក្រោមកម្ចីឥណទានពីរដ្ឋាភិបាលជប៉ុន។ ការសាងសង់ផ្លូវមួយខ្សែនេះ ចែកចេញជា ៣ផ្នែក គឺ ១)កំណាត់បាត់ដំបង-សិរីសោភ័ណ ដែលមានប្រវែងសរុបប្រមាណ ៨៤គ.ម ២) កំណាត់ធ្លាម្អម-បាត់ដំបង ដែលមានប្រវែងសរុបប្រមាណ ១៣៤គ.ម និងកំណាត់ព្រែកក្តាម-ធ្លាម្អម ដែលមានប្រវែងសរុបប្រមាណ ១៣៥គ.ម។ ទោះបីជាមានការរីករាលត្បាតជំងឺកូវីដី១៩ក្តី គម្រោងស្ដារ និងស្ថាបនាផ្លូវជាតិលេខ៥ នៅតែបន្តដំណើរការដោយរលូនដូចការគ្រោងទុក។ អាជ្ញាធរមិនបានបញ្ជាក់ពីតួរលេខវិឌ្ឍនភាពបច្ចុប្បន្ននោះទេ តែបើយោងតាមទិន្នន័យចុងក្រោយកាលពីខែកុម្ភៈ គម្រោងទាំងមូលសម្រេចបានជាង ៥០% ហើយ។ […]
អានបន្ថែម
ផ្លូវល្បឿនលឿនភ្នំពេញ-ខេត្តព្រះសីហនុ ចាប់ផ្ដើមក្រាលកៅស៊ូជាផ្លូវការហើយ
គម្រោងស្ថាបនាផ្លូវល្បឿនលឿនភ្នំពេញ-ខេត្តព្រះសីហនុ តម្លៃ ២ពាន់លានដុល្លារ បានឈានទៅមុខមួយជំហានទៀតហើយ ដោយការក្រាលកៅស៊ូបេតុងបានចាប់ផ្ដើមជាផ្លូវការ។ នេះបើយោងតាមហ្វេសប៊ុករបស់ផ្លូវល្បឿនលឿនភ្នំពេញ-ព្រះសីហនុ កាលពីថ្ងៃទី ១០ ឧសភា នេះ។ ប្រភពដដែលបានឱ្យដឹងថា កៅស៊ូបេតុងនេះ ជាប្រភេទកៅស៊ូជាប់បានល្អ ឬហៅថា ATB-25 ដោយការងារបានចាប់ផ្ដើមក្រោយវិស្វករបញ្ចប់ការក្រាលផ្នែកសាកល្បងជាស្ថាពរកាលពីខែ មីនា កន្លងទៅ។ ទំព័រហ្វេសប៊ុកមិនបានបញ្ជាក់ពីវឌ្ឍនភាពគម្រោងទេ តែបើយោងតាមតួលេខចុងក្រោយបង្អស់ គម្រោងសម្រេចបានប្រមាណពី ៤០% ទៅ ៥០% ហើយ។ គួរបញ្ជាក់ផងដែរថា គម្រោងសាងសង់ផ្លូវល្បឿនលឿនភ្នំពេញ-ក្រុងព្រះសីហនុ បានបើកការដ្ឋានសាងសង់ កាលពីថ្ងៃទី២២ ខែមីនា ឆ្នាំ២០១៩។ ផ្លូវនេះមានប្រវែង ១៩០គីឡូម៉ែត្រ សាងសង់ដោយក្រុមហ៊ុន Cambodian PPSHV Expressway Co., Ltd ហើយគ្រោងនឹងប្រើរយៈពេលសាងសង់ ៤៨ខែ។ អ្នកនាំពាក្យក្រសួងសាធារណការ និងដឹកជញ្ជូន ឯកឧត្តម វ៉ាស៊ីម សុរិយា បានឱ្យដឹងកាលពីថ្មីៗនេះ ថា ដំណើរការសាងសង់គម្រោងនេះ នៅតែបន្តដោយរលូន ទោះមានការបិទខ្ទប់ និងវិបត្តិកូវីដក្ដី។ (អានបន្ថែម)
អានបន្ថែម
ផ្លូវក្រវាត់ក្រុងទី៣ សម្រេចបាន ៥០% ហើយ គ្រោងបញ្ចប់តាមផែនការនៅខែកញ្ញា ឆ្នាំ២០២២
ការដ្ឋានផ្លូវយុទ្ធសាស្ត្រក្រវាត់ក្រុងទី៣ នៅតែបន្តដោយរលូន ទោះមានកូវីដ-១៩ ក្ដី ខណៈបច្ចុប្បន្នសម្រេចប្រមាណ ៥០% ហើយ ដោយគ្រោងនឹងបញ្ចប់ជាស្ថាពរ នៅថ្ងៃទី៥ ខែកញ្ញា ឆ្នាំ២០២២។ នេះបើយោងតាមអ្នកនាំពាក្យក្រសួងសាធារណការ និងដឹកជញ្ជូន លោក ហ៊ាង សុទ្ធាយុត្តិ កាលពីថ្ងៃទី៩ ខែឧសភា។ ផ្លូវក្រវាត់ក្រុងមួយខ្សែនេះ មានប្រវែងសរុបប្រមាណជា ៥២,៩ គីឡូម៉ែត្រ ឆ្លងកាត់ខេត្តកណ្តាលប្រវែងជិត ៣៨ គីឡូម៉ែត្រ និងរាជធានីភ្នំពេញប្រមាណ ១៥ គីឡូម៉ែត្រ ដែលនឹងត្រូវចំណាយថវិកាប្រមាណ ២៧៣លានដុល្លារអាមេរិក ដែលជាកម្ចីពីប្រទេសចិន។ (អានបន្ថែម) ផ្លូវក្រវាត់ក្រុងខ្សែទី៣ នេះ បានបើកការដ្ឋានកាលពីថ្ងៃទី ១៤ មករា ២០១៩ កន្លងមក ហើយកំពុងសាងសង់ដោយក្រុមហ៊ុន Shanghai Construction Group Co., Ltd. និងត្រួតពិនិត្យបច្ចេកទេសក្រុមហ៊ុន Guangzhou Wanan Construction Supervision Co., Ltd.។ លោក ហ៊ាង សុទ្ធាយុត្តិ […]
អានបន្ថែម
ខេត្តពោធិ៍សាត់កំពុងលើកកម្ពស់ហេដ្ឋារចនាសម្ព័ន្ធធំៗ ៤ គម្រោង ជុំវិញបឹងទន្លេសាប
រដ្ឋបាលខេត្តពោធិ៍សាត់ សហការជាមួយនឹងមន្ទីរសាធារណការខេត្ត កំពុងធ្វើការយ៉ាងសកម្មលើកកម្ពស់ហេដ្ឋារចនាសម្ព័ន្ធធំៗ ចំនួន ៤ ជុំវិញបឹងទន្លេសាប រួមមាន ប្រព័ន្ធលូរំដោះទឹកភ្លៀង អាងប្រព្រឹត្តិកម្មកខ្វក់ ទីលានចាក់សំរាម និងការស្ដារទំនប់ការពារទឹកជំនន់ថ្មី។ លោក ស៊ី វុធ អនុប្រធានមន្ទីរសាធារណការខេត្តបានឱ្យដឹងកាលពីពេលចុះពិនិត្យការដ្ឋាន កាលពីថ្ងៃទី ៦ ខែឧសភា កន្លងមកនេះថា គម្រោងទាំង ៤ បាន និងកំពុងដំណើរការដោយរលូន ទោះមានបញ្ហាកូវីដក្ដី ហើយបច្ចុប្បន្នការងារសម្រេចបានមួយផ្នែកធំហើយ។ លោកមានប្រសាសន៍ថា៖ «ជាក់ស្ដែងសម្រាប់គម្រោងលូរំដោះទឹកភ្លៀង ក្រុមហ៊ុនកំពុងធ្វើការតភ្ជាប់បណ្តាញរឺហ្គ៊ែចាស់ ចូលបណ្ដាញលូថ្មី។ ខណៈគម្រោងអាងប្រព្រឹត្តិកម្ម ក្រុមការងារបានបញ្ចូលទឹកចេញតាមបណ្តាញលូជាបណ្តើរៗ ហើយ»។ «ដោយឡែក សម្រាប់ទីលានចាក់សំរាមវិញ ក្រុមហ៊ុនបានបញ្ចប់ការសាងសង់ផ្លូវចូលទីលាន និងកំពុងពន្លឿនជីករណ្តៅសំរាមក្នុងទីលាន។ សម្រាប់ គម្រោងស្ដារទំនប់ការពារទឹកជំនន់ ក៏បានកាយត្រាសបង្ហាប់ដីរួចហើយដែរ»។ លោក ស៊ី វុធ បានចាត់ទុកថា គម្រោងធំៗទាំង៤នេះ គឺជាសមិទ្ធផលថ្មីបំផុតរបស់ខេត្តពោធិ៍សាត់ បន្ទាប់ពីផ្លូវជាតិ លេខ៥៥ សាងសង់រួច និងផ្លូវជាតិលេខ៥ និង ផ្លូវជាតិលេខ១០ ដែលកំពុងសាងសង់។ រដ្ឋបាលខេត្តរំពឹងថា ក្រោយពេលគម្រោងទាំងនេះសាងសង់រួច ក្រុងពោធិ៍សាត់នឹងមិនមានការលិចលុងដោយទឹកភ្លៀងទៀតទេ។ […]
អានបន្ថែម
រដ្ឋបាលខេត្តសៀមរាប ចេញគោលការណ៍ថ្មី ៤ ចំណុច ដើម្បីពង្រឹងគុណភាពការដ្ឋានផ្លូវទាំង ៣៨ខ្សែ
រដ្ឋបាលខេត្តសៀមរាប បានចេញគោលការណ៍ថ្មី ៤ ចំណុចធំៗ ដាក់ឱ្យដល់អាជ្ញាធរមូលដ្ឋាន ក្រុមការងារស្ថាបនា និងម្ចាស់សំណង់ អនុវត្តក្នុងគោលបំណងដើម្បីពង្រឹងគុណភាពការដ្ឋានផ្លូវ ៣៨ខ្សែនៅសៀមរាប។ នេះបើយោងតាមការចុះពិនិត្យការដ្ឋាន កាលពីថ្ងៃទី ៤ ខែឧសភា។ លោក ង៉ាន់ ភិរុណ អភិបាលរងខេត្ត និងជាប្រធានក្រុមការងារទី៦ បានឱ្យដឹងថា គោលការណ៍ទាំង ៤ចំណុច នោះ រួមមាន៖ ១-ក្រុមការងារទាំងអស់ត្រូវពិនិត្យ តាមដាន និងវាយតម្លៃបញ្ហាបច្ចេកទេសសាងសង់ជាប្រចាំ។ លើសពីនេះ គ្រប់អង្គភាពសាងសង់ទាំងអស់ ត្រូវអនុវត្តតាមបទដ្ឋានបច្ចេកទេស ដើម្បីចូលរួមកាត់បន្ថយភាពខ្ជះខ្ជាយថវិកាជាតិ និងពេលវេលា ។ ២-រដ្ឋបាលសង្កាត់ត្រូវជួយសម្របសម្រួលលើការងារដាក់ពាក្យស្នើសុំភ្ជាប់បណ្តាញលូទឹកស្អុយរបស់ប្រជាពលរដ្ឋ ដោយបើកឱ្យអង្គភាពលូបានចូលទៅផ្សព្វផ្សាយ និងចែកពាក្យស្នើសុំ។ ៣-ត្រូវពិនិត្យលើលក្ខណៈបច្ចេកទេសសាងសង់ និងអនុវត្តតាមស្តង់ដាបច្ចេកទេស ធ្វើយ៉ាងណាឱ្យការងារសម្រេចបានទាន់ពេលវេលា។ ៤-ពន្លឿនដោះស្រាយបញ្ហាប្រឈមដែលនៅសេសសល់។ កន្លងមក ៤ ទីតាំង បានដោះស្រាយរួចរាល់ និង ១ ទីតាំងទៀត ត្រូវស្នើសុំគោលការណ៍បន្តពីថ្នាក់ដឹកនាំ។ គួរបញ្ជាក់ផងដែរ គម្រោងស្ថាបនារផ្លូវ ៣៨ខ្សែ បានបើកការដ្ឋានសាងសង់ កាលពីថ្ងៃទី៣០ ខែវិច្ឆិកា ឆ្នាំ២០២០។ ផ្លូវទាំង៣៨ខ្សែនេះ […]
អានបន្ថែម
ការដ្ឋានជួសជុលកំណាត់ផ្លូវជាតិលេខ ៧៦A ក្នុងខេត្តមណ្ឌលគិរី ចាប់ផ្តើមដំណើរការហើយ
កំណាត់ផ្លូវជាតិលេខ៧៦A ក្នុងភូមិសាស្រ្តស្រុកកែវសីមាដែលរងការខូចខាតខ្លាំង ត្រូវបានអាជ្ញាធរខេត្តមណ្ឌលគីរី បើកការដ្ឋានជួសជុលជាផ្លូវការហើយ កាលពីរសៀលថ្ងៃទី៥ ខែឧសភា ឆ្នាំ២០២១។ ការដ្ឋានជួសជុលនេះមានប្រវែង ៤ ៣៨០ ម៉ែត្រ គឺពីចន្លោះគីឡូម៉ែត្រលេខ ៦៧+៥០០ ដល់ ៧១+៨៨០។ ដោយសារតែផ្លូវមានការខូចខាតធ្ងន់ធ្ងរ ទើបមន្ទីរសម្រេចជួសជុលឡើងវិញ១០០% ព្រោះស្ថានភាពផ្លូវចាស់មានសភាពប៉ោងស្រុតរមួល ដែលមិនអាចថែទាំជាប្រចាំបាន។ បើយោងតាម លោក រស់ គីមធន ប្រធានមន្ទីរសារធារណការ និងដឹកជញ្ជូនខេត្តមណ្ឌលគិរី ការជួសជុលនេះទៀតសោត នឹងប្រើថវិកាថែទាំប្រចាំឆ្នាំ ២០២១។ ឯកឧត្តម ស្វាយ សំអ៊ាង អភិបាលខេត្តមណ្ឌលគិរី បានឱ្យដឹងថា ការជួសជុលកំណាត់ផ្លូវជាតិលេខ៧៦Aនេះ គឺដើម្បីបង្កភាពងាយស្រួលដល់ប្រជាពលរដ្ឋក្នុងការធ្វើដំណើរ ដឹកជញ្ជូនកសិផល និងទំនិញផ្សេងៗ។ គួរបញ្ជាក់ផងដែរថា ផ្លូវជាតិលេខ ៧៦Aនេះ គឺជាសសៃឈាមសេដ្ឋកិច្ចដ៏សំខាន់បំផុតរបស់ខេត្តមណ្ឌលគិរី ដែលបានដាក់ឱ្យប្រើប្រាស់តាំងេពីឆ្នាំ ២០១២ មកម្ល៉េះ។ កន្លងមក កំណាត់ផ្លូវនេះបានរងការខូចខាតជាច្រើន ប៉ុន្តែមន្ទីរសាធារណការ និងដឹកជញ្ចូនខេត្ត ក៏បានធ្វើការជួសជុលជាបន្តបន្ទាប់ផងដែរ។
អានបន្ថែម
គម្រោងរថភ្លើងល្បឿនលឿនបំផុតលើពិភពលោកគ្រោងនឹងចំណាយបន្ថែមជាង ១៤ ពាន់លានដុល្លារ
គម្រោងសាងសង់រថភ្លើងល្បឿនលឿនជាងគេលើលោក ឬ ហៅ Magnetic Levitation នៅប្រទេសជប៉ុន កំណាត់តូក្យូ-ណាហ្គូយ៉ា នឹងត្រូវចំណាយថវិការហូតដល់ទៅ ៦៤ពាន់លានដុល្លារអាមេរិក ពោលគឺកើនឡើងបន្ថែមជិត ១៤ ពាន់លានដុល្លារ ពីតម្លៃប៉ាន់ស្មានដំបូង។ នេះបើយោងតាមសារព័ត៌មាន Nikkei Asia កាលពីថ្មីៗនេះ។ ការកើនឡើងនៃចំណាយនេះគឺ ដោយសារតែការងារផ្នែកស្មុគស្មាញមួយចំនួន ការដាក់បញ្ចូលនូវបច្ចេកវិទ្យាការពារគ្រោះការរញ្ជួយដី និងការងារបូមដីចេញពីការជែករូងក្រោមដីដើម្បីធ្វើផ្លូវរថភ្លើង។ កំណាត់រថភ្លើងតូក្យូ-ណាហ្គូយ៉ាងនេះ មានប្រវែង ២៩០ គីឡូម៉ែត្រ ដែលជាផ្នែកមួយនៃខ្សែតូក្យូ-អូសាកាប្រវែងសរុប ៥០០ គីឡូម៉ែត្រ។ គម្រោងនេះត្រូវបានស្នើឡើងនៅឆ្នាំ ២០១៤ ហើយរំពឹងថានឹងដាក់ដំណើរការនៅឆ្នាំ ២០២៧។ ទោះយ៉ាងណាក្ដី កាលបរិច្ឆេទបើកដំណើរការអាចនឹងប្រែប្រួល ឬយឺតយ៉ាវ បន្ទាប់ពីខេត្ត Shizuoka ស្នើសុំឱ្យពន្យារការដ្ឋាន ដោយមានការបារម្ភរឿងផលប៉ះពាល់បរិស្ថាន កាលពីឆ្នាំមុន។ យោងទៅតាម GCR រថភ្លើងនឹងរត់ជាខ្សែរត្រង់ ពុះកាត់ជួរភ្នំអាល់របស់ជប៉ុន ដូច្នេះ ៩០% នៃផ្លូវរថភ្លើងប្រវែង ៥០០ គីឡូម៉ែត្រនេះ ភាគច្រើនគឺជាផ្លូវរូងក្រោមដី។ គួរបញ្ជាក់ផងដែរថា រថភ្លើង Magnetic Levitation ឬ […]
អានបន្ថែម
សំណើដែល Cambodia Airports ចង់រួមទុនជាមួយ OCIC លើគម្រោងព្រលានថ្មី នៅមិនទាន់សម្រេច
សំណើចង់រួមទុន និងសហការគ្នាលើគម្រោងអភិវឌ្ឍព្រលានយន្តហោះភ្នំពេញថ្មី របស់ក្រុមហ៊ុន Cambodia Airports ទៅកាន់ក្រុមហ៊ុនOCIC នៅតែមិនទាន់សម្រេច ដោយភាគីទាំង២ កំពុងបន្តពិភាក្សាម្ដងហើយម្ដងទៀត។ នេះបើយោងតាមអ្នកនាំពាក្យអាកាសចរណ៍ស៊ីវិល កាលពីសប្ដាហ៍មុន។ ជាក់ស្ដែង សំណើចង់បង្កើតក្រុមហ៊ុនរួម និងសហការលើគម្រោងព្រលានថ្មីនេះ ត្រូវបានធ្វើឡើងតាំងពីដើមឆ្នាំ ២០២០ មកម្ល៉េះ តែមកទល់បច្ចុប្បន្នមិនទាន់សម្រេចចេញជាផ្លែផ្កានោះទេ។ (អានបន្ថែម) ភាគីស្នើគឺក្រុមហ៊ុន Vinci Airports និង ក្រុមហ៊ុន SCA ឬស្គាល់ជាទូទៅថាជាក្រុមហ៊ុន Cambodia Airports ដែលជាក្រុមហ៊ុនគ្រប់គ្រងលើព្រលានភ្នំពេញនាពេលបច្ចុប្បន្ន។ ហើយសំណើគឺស្នើទៅកាន់ក្រុមហ៊ុន OCIC ដែលជាក្រុមហ៊ុនទទួលសិទ្ធិសាងសង់ព្រលានថ្មី។ បើយោងតាម ឯកឧត្តម ស៊ិន ចាន់សេរីវុត្ថា អ្នកនាំពាក្យអាកាសចរណ៍ស៊ីវិល កិច្ចពិភាក្សាលើប្រធានបទនេះគឺនៅតែបន្ត ដើម្បីរកសេចក្តីសម្រេចរួមគ្នាមួយ ។ លោកថ្លែងថា៖ «ការពិភាក្សាគ្នាផ្តោតសំខាន់ថា តើភាគីទាំងពីរអាចសហការនឹងគ្នាបានឬទេ? ហើយបាន ឬមិនបាន គឺអាស្រ័យលើ Consensus [ការព្រមព្រៀងគ្នា] រវាងភាគីទាំង ២»។
អានបន្ថែម