បច្ចេកវិទ្យា និងវិស្វកម្ម
ជប៉ុនជួយធ្វើទំនើបកម្មប្រព័ន្ធលូ និងទឹកកខ្វក់ នៅកម្ពុជា ដោយប្រើបច្ចេកវិទ្យាថ្មី២
ជប៉ុនកំពុងជួយធ្វើទំនើបកម្ម និងពង្រឹងប្រសិទ្ធភាពប្រព័ន្ធលូ និងទឹកកខ្វក់ នៅកម្ពុជា តាមរយៈបច្ចេកវិទ្យាថ្មី ២ គឺវិធីសាស្ត្រខួងបែប Pipe Jacking Method និង ប្រព័ន្ធ WOW to Japan Projects។ ភាគីជប៉ុនបានចែករំលែកបទពិសោធន៍ និងចំណេះដឹងទាក់ទងនឹងបច្ចេកវិទ្យាទាំង ២ ក្នុង សិក្ខាសាលាបច្ចេកទេសរួមគ្នារវាងកម្ពុជា ជប៉ុនកាលពីថ្ងៃទី ២៥ តុលា កន្លងទៅ ដែលដឹកនាំដោយឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន ។ សិក្ខាសាលានេះ ក៏មានការចូលរួមក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ជប៉ុន (MLIT) ទីភ្នាក់ងារ JICA Cambodia ក្រសួងបរិស្ថាន សាលារាជធានីភ្នំពេញ ស្ថានទូតជប៉ុន ភ្នាក់ងារការងារទឹកកខ្វក់ជប៉ុន (JS) ក្រុងគីតាឃ្សឹស្សឹ (City of Kitakyushu) ក្រុមហ៊ុនឯកជនជប៉ុន និងមន្ត្រីពាក់ព័ន្ធជាច្រើនរូប។ កិច្ចប្រជុំធ្វើឡើងក្នុងទិសដៅ ពង្រឹង និងពង្រីកការអភិវឌ្ឍ និងគ្រប់គ្រងប្រព័ន្ធទឹកកខ្វក់នៅកម្ពុជា […]
អានបន្ថែម
ឡានហោះ ផលិតដោយចិន ហោះសាកល្បងលើកដំបូងនៅទីក្រុងឌូបៃ
“រថយន្តអគ្គិសនីហោះលើអាកាស” ដែលផលិតដោយក្រុមហ៊ុនចិន Xpeng Inc បានបើកហោះសាកល្បងជាលើកដំបូងនៅក្នុងប្រទេសអារ៉ាប់រួម កាលពីថ្ងៃទី ១១ ខែតុលា ខណៈក្រុមហ៊ុនកំពុងត្រៀមពង្រីកផលិតផលនេះទៅកាន់ទីផ្សារអន្តរជាតិឆាប់ៗ។ យោងតាមទីភ្នាក់ងារព័ត៌មាន Reuters រថយន្តហោះមានឈ្មោះថា X2។ ឡានហោះនេះ គឺអាចហោះឡើង និងចុះចត បែបត្រង់បាន ពោលគឺមិនចាំបាច់ត្រូវការផ្លូវរត់ធំ ដើម្បីយកអេឡង់ឡើងដូចយន្តហោះធម្មតាទេ។ ជាក់ស្ដែង វាចុះឡើងដូចជាឧទ្ធម្ភាគចក្រដូច្នោះដែល ប៉ុន្តែមិនត្រូវការទីធ្លាធំ នោះទេ ដែលអាចឡើងចុះបានឱ្យស្រួល ឬភាសាអង់គ្លេសហៅថ electric vertical take-off and landing (eVTOL) aircraft។ ការបង្ហាញខ្លួនជាសាធារណៈជាលើកដំបូងនៅក្នុងទីក្រុងឌូបៃ គឺជាការហោះហើរសាកល្បងរយៈពេល 90 វិនាទី ប៉ុន្តែវាគឺជា “មូលដ្ឋានដ៏សំខាន់សម្រាប់រថយន្តហោះហើរជំនាន់ក្រោយ” ។ លោក Minguan Qiu អ្នកគ្រប់គ្រងទូទៅនៃក្រុមហ៊ុន Xpeng Aeroht បាននិយាយថា យើងកំពុងធ្វើការមួយជំហានម្តងៗ ទៅកាន់ទីផ្សារអន្តរជាតិ។ ដំបូងយើងជ្រើសរើសទីក្រុងឌូបៃ ព្រោះទីក្រុងឌូបៃជាទីក្រុងដែលមានភាពច្នៃប្រឌិតបំផុតក្នុងពិភពលោក។ photo credit: Reuters/Amr Alfiky
អានបន្ថែម
ក្រុមហ៊ុនឯកជន ២ ចុះMoU នាំចូលមនុស្សយន្តមកកម្ពុជា សម្រាប់បម្រើឱ្យវិស័យ…
ក្រុមហ៊ុនក្នុងស្រុក AZ Group បានចុះMoU ជាមួយក្រុមហ៊ុនថៃ TKK Corporation ដើម្បីនាំចូលមនុស្សយន្ត ឬ Robot ដែលអាចដើរដោយស្វ័យប្រវត្តិសម្រាប់មកបម្រើក្នុងវិស័យផ្សេងៗ ដែលវិស័យសំណង់ និងអចលនទ្រព្យក៏ស្ថិតក្នុងគោលដៅរបស់ក្រុមហ៊ុនទាំង ២ នេះ ដែរ។ MoU ត្រូវបានចុះហត្ថលេខាកាលពីថ្ងៃទី ១៤ តុលា កន្លងមក រវាងតំណាងក្រុមហ៊ុន AZ Group និង ក្រុមហ៊ុន TKK Corp។ ឧកញ៉ា លឹម ប៊ុនសួរ ប្រធានក្រុមហ៊ុន AZ Group បានឱ្យដឹងថា MoU នេះ នឹងផ្លាស់ប្តូរមុខមាត់នៃវិស័យឧស្សាហកម្ម និងសេវាកម្មនៅកម្ពុជា។ មនុស្សយន្តដែលនាំចូលនឹងអាចប្រើបានក្នុងវិស័យផលិតកម្មឧស្សាហកម្ម និងសេវាកម្មគ្រប់ប្រភេទ។ គួរបញ្ជាក់ថា AZ Group ជាក្រុមហ៊ុនដំបូងគេដែលនាំចូលបច្ចេកវិទ្យាថ្មីនេះ ចូលមកទីផ្សារកម្ពុជា។ មនុស្សយន្តទាំងនេះ នឹងជួយសម្រួលដល់វិស័យជាច្រើន ទាំងឧស្សាហកម្ម និងសេវាកម្ម ដូចជាទទួលភ្ញៀវនៅសណ្ឋាគារ ខុនដូ ឬភោជនីយដ្ឋាន តំឡើងគ្រោងសំណង់ខ្នាតតូចផ្នែកខាងក្នុងអគារ និង […]
អានបន្ថែម
អូស្ដា្រលីជួយកម្ពុជាកែសម្រួល និងធ្វើទំនើបកម្ម បទដ្ឋានបច្ចេកទេសសំណង់ផ្លូវ
អូស្ដា្រលី បាននឹងកំពុង ជួយកម្ពុជាកែសម្រួល និងធ្វើទំនើបកម្ម បទដ្ឋានបច្ចេកទេសសំណង់ផ្លូវ និងហេដ្ឋារចនាសម្ព័ន្ធដឹកជញ្ជូននានា តាមរយៈកម្មវិធី P4I (Partners For Infrastructure) & Austroads។ សិក្ខាសាលាស្ដីនេះប្រព្រឹត្តទៅរយៈពេល ០៣ថ្ងៃ ពីថ្ងៃទី០៣-០៥ ខែតុលា កន្លងទៅ ដែលចូលដោយក្រសួងសាធារណការ និងដឹកជញ្ជូន ក្រសួងពាក់ព័ន្ធ និងប្រតិភូ P4I។ គោលបំណងនៃសិក្ខាសាលា គឺដើម្បីពិនិត្យ និងពិភាក្សាលើជំនួយផ្នែកបច្ចេកទេសក្នុងវិស័យសាធារណការ និងដឹកជញ្ជូន ក៏ដូចជាការចែករំលែកចំណេះដឹង សម្រាប់ពិនិត្យកែសម្រួល និងធ្វើបច្ចុប្បន្នភាពសៀវភៅបទដ្ឋានបច្ចេកទេសរបស់ក្រសួងសាធារណការ និងដឹកជញ្ជូន។ សិក្ខាសាលា បានពិនិត្យពិភាក្សាលើប្រធានបទចំនួន ៥ រួមមាន៖ ១). គោលនយោបាយ នៃការអភិវឌ្ឍវិស័យផ្លូវថ្នល់ (Policy of Road Development) ២). បទដ្ឋានបច្ចេកទេសស្ថាបនាផ្លូវថ្នល់ (Pavement Design Guideline) ៣). បច្ចេកទេសនៃការធ្វើតេស្ដសម្ភារ (Testing of Materials) ៤). ការរួមបញ្ចូល ផ្នែកសមភាពយេនឌ័រ […]
អានបន្ថែម
ដៃគូឧស្សាហកម្មជាច្រើនកំពុងចាប់អារម្មណ៍ប្រើប្រាស់កម្មវិធី AutoBEM ដើម្បីកាត់បន្ថយការបំភាយឧស្ស័នកាបូនិច
ពីរឆ្នាំបន្ទាប់ពីមន្ទីរពិសោធន៍ជាតិ Oak Ridge របស់ក្រសួងថាមពលសហរដ្ឋអាមេរិក បានផ្តល់គំរូអគារទាំងអស់នៅអាមេរិក ពេលនេះដៃគូពាណិជ្ជកម្មកំពុងប្រើប្រាស់ឧបករណ៍សម្រាប់កិច្ចការនានាចាប់ពីការរចនាអគារ និងទីក្រុងដែលផ្តោតសំខាន់ការសន្សំសំចៃថាមពល រហូតដល់ការភ្ជាប់ប្រសិទ្ធភាពថាមពលទៅនឹងតម្លៃអចលនទ្រព្យ និងហានិភ័យនៅពេលអនាគត។ ក្រុមហ៊ុនអន្តរជាតិដូចជា Google និង SmithGroup កំពុងចែករំលែកអត្ថប្រយោជន៍ និងរៀបចំទិន្នន័យ ដើម្បីសាធារណជនអាចទាញយកមកប្រើប្រាស់បាន។ ដោយសារវិស័យសំណង់បានប្រើប្រាស់ថាមពលស្មើ 40% នៃថាមពលនៅក្នុងសហរដ្ឋអាមេរិក ដូចនេះការបង្កើនប្រសិទ្ធភាពរបស់វាគឺមានសារៈសំខាន់ខ្លាំងណាស់ចំពោះគោលដៅកាត់បន្ថយឧស្ម័នកាបូនសាយភាយ (Decarbonization) ថ្នាក់ជាតិ។ អ្នកដឹកនាំគម្រោង Joshua New បាននិយាយថា ក្រុមហ៊ុនជាច្រើនបានស្នើសុំទិន្នន័យពីកម្មវិធី Automatic Building Energy Modeling software របស់ ORNL ឬ AutoBEM។ គាត់ និងក្រុមរបស់គាត់បានបង្កើត AutoBEM ដោយប្រើកុំព្យូទ័រដែលមានសមត្ថភាពខ្ពស់ ដើម្បីរចនាស្រទាប់ទិន្នន័យជារូបភាពជាមួយនឹងព័ត៌មានអំពីអគារនីមួយៗ ដូចជាទំហំ ការប្រើប្រាស់ សម្ភារៈសំណង់ និងបច្ចេកវិទ្យាកម្តៅ និងត្រជាក់។ លោក Joshua New បាននិយាយថា “ប្រធានបទរួម គឺដើម្បីបង្កើតឌីជីថលភ្លោះ (Digital Twin) នៃអគារទំាងឡាយដែលបានសាងសង់ក្នុងសហរដ្ឋអាមេរិក”។ […]
អានបន្ថែម
ចិនបើកការដ្ឋានបំពង់បង្ហូរប្រេងប្រវែង ៣៣០០ គម ភ្ជាប់ភាគខាងកើតនិងខាងលិចនៃប្រទស
រដ្ឋាភិបាលចិន និងក្រុមហ៊ុនឯកជន កាលពីថ្ងៃទី ២៨ កញ្ញា កន្លងមកនេះ បានបើកការដ្ឋានសាងសង់គម្រោងបំពង់បង្ហូរប្រេង និងឧស្ម័នខ្នាតយក្សទី ៤ នៅក្នុងប្រទេស ជាផ្លូវការហើយ។ យោងតាមសារព័ត៌មាន China Daily បំពង់នេះមានប្រវែង ៣៣៤០ គីឡូម៉ែត្រ ដែលតភ្ជាប់ពីតំបន់ Wuqia ក្នុងភាគខាងលិញនៅប្រទេស ទៅទីក្រុង Zhongwei នៅភាគកើត។ នៅពេលបញ្ចប់ការសាងសង់ បំពង់បង្ហូរប្រេងនេះនឹងជួយបង្កើនសមត្ថភាពបញ្ជូនថាមពលប្រចាំឆ្នាំរបស់ចិនដល់ទៅ ១០០ ប៊ីលានម៉ែត្រគូប។ លើសពីនេះ កំពង់បញ្ជូនថាមពលខ្នាតយក្សនេះ នឹងជួយឱ្យការដឹកបញ្ជូនប្រេងលឿន និងមានប្រសិទ្ធភាពជាងមុន ខណៈតម្លៃក៏នឹងទាបជាងមុនផងដែរ។ អ្នកវិភាគថា េហដ្ឋារចនាសម្ព័ន្ធនេះ នឹងធ្វើឱ្យចិនមានស្ថេរភាពថាមពលជាងមុន ហើយក៏ចូលរួមកាត់បន្ថយឧស្ម័នកាបូនផងដែរ។
អានបន្ថែម
ស្វីស និងអង់គ្លេស រួមគ្នាបង្កើតDrone ហោះសាងសង់ និងជួសជុលអគារខ្ពស់ៗស្វ័យប្រវត្តិ
អ្នកស្រាវជ្រាវពីប្រទេសស្វីស និងចក្រភពអង់គ្លេស បានបង្កើតមនុស្សយន្តហោះ ឬDrone ដែលអាចសាងសង់ និងជួសជុលការដ្ឋាន នៅតាមទីតាំងដែលមានហានិភ័យ ដូចជាអគារខ្ពស់ៗជាដើម។ Drone នេះ ហោះហើរ និងសាងសង់អគារបានដោយស្វ័យប្រវត្តិ ប៉ុន្តែត្រូវបានត្រួតពិនិត្យដោយមនុស្សពីចំងាយ ។ មានឈ្មោះថា “BuilDrones” Drone នេះ ត្រូវបានផ្ទុកដោយសម្ភារៈសំណង់ចាំបាច់នានា ក៏ដូចជាបំពាក់ដោយប្រព័ន្ធវាស់វែងទិន្នផលបែបឆ្លាតវៃ ដែលអាចសាងសង់ ឬជួសជុលអគារបានភ្លាមៗ ក្នុងអំឡុងពេលហោះត្រួតពិនិត្យអគារខ្ពស់ៗ។ គួរបញ្ជាក់ថា ក្រុមស្រាវជ្រាវដែលបង្កើត Drone នេះគឺមកពី Imperial College London និង Swiss Federal Laboratories of Materials Science and Technology-EMPA។ អ្នកដឹកនាំការស្រាវជ្រាវ លោកសាស្រ្តាចារ្យ Mirko Kovac បាននិយាយថា Drone នេះត្រូវបានសាកល្បងនៅក្នុងមន្ទីរពិសោធន៍ប៉ុណ្ណោះ ប៉ុន្តែវាអាចអភិវឌ្ឍបន្ថែមដើម្បីប្រើក្នុងវិស័យសំណង់ជាក់ស្ដែងនាពេលអនាគត។
អានបន្ថែម
Bentley ប្រកាសជ័យលាភីជាប់ឈ្មោះទៅប្រកួតផ្ដាច់ព្រ័ត្រពានសំណង់ឆ្នើម២០២២ នៅក្រុងឡុងដ៍
ក្រុមហ៊ុន Bentley Systems ដែលជាក្រុមហ៊ុនអាមេរិកឈានមុខគេផ្នែក software គ្រប់គ្រងគម្រោងសំណង់បែបឌីជីថល កាលពីថ្ងៃទី ១៩ កញ្ញា បានប្រកាសឈ្មោះបេក្ខភាពជ័យលាភីទាំង ៣៦ ដែលជាប់ចូលទៅប្រកួតក្នុងវគ្គផ្ដាច់ព្រ័ត្រពានរង្វាន់នៃកម្មវិធីហេដ្ឋារចនាសម្ព័ន្ធឆ្នើមប្រចាំឆ្នាំ ២០២២ ឬ 2022 Going Digital Awards in Infrastructure។ បេក្ខភាពទាំង ៣៦ នឹងត្រូវធ្វើបទបង្ហាញពីគម្រោងសំណង់របស់ខ្លួនជាលើកចុងក្រោយ នៅថ្ងៃទី ៨ ខែវិច្ឆិកា ខណៈលទ្ធផលជ័យលាភីចុងក្រោយនឹងត្រូវប្រកាសនៅក្នុងកម្មវិធីប្រគល់ពានរង្វាន់ ដែលនឹងធ្វើឡើងទីក្រុងឡុងដ៍ នៃប្រទេសអង់គ្លេស នៅថ្ងៃទី ១៥ វិច្ឆិកា ខាងមុខនេះ។ កម្មវិធីពានរង្វាន់ប្រចាំនេះ គឺជាកម្មវិធីជ្រើសរើសគម្រោងសំណង់ឆ្នើម ឆ្លាតវៃ គិតគូរពីបរិស្ថាន និងមានគុណភាពខ្ពស់ មកពីជុំវិញពិភពលោក។ សម្រាប់ឆ្នាំនេះ មានគម្រោងជាង ៣០០ មកពី ៤៧ ប្រទេស ដែលចូលរួមប្រកួត។ ក្នុងនោះគណៈវិនិច្ឆ័យឯករាជ្យចំនួន ១១ រូប បានជ្រើសរើសបេក្ខជនចុងក្រោយត្រឹម ៣៦ប៉ុណ្ណោះ ក្នុង ១២ ប្រភេទរង្វាន់ ដែលមានសិទ្ធិចូលទៅបទបង្ហាញពីគម្រោងសំណង់របស់ខ្លួន […]
អានបន្ថែម
កម្ពុជាប្រើ Robots ជំនួសមនុស្ស ដើម្បីត្រួតពិនិត្យប្រព័ន្ធលូ
ក្រសួងសាធារណការ និងដឹកជញ្ជូន បានប្រើប្រាស់បច្ចេកវិទ្យាទំនើបនិងថ្មីបំផុតគឺ ឧបករណ៍ Robots ជំនួសឱ្យមនុស្ស ក្នុងការត្រួតពិនិត្យប្រព័ន្ធលូ ដែលជាការបោះជំហ៊ានមួយទៀត នៃទំនើបកម្មក្នុងវិស័យសាធារណការ។ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន បានដឹកនាំក្រុមការងារបច្ចេកទេស ចុះត្រួតពិនិត្យហេដ្ឋារចនាសម្ព័ន្ធផ្លូវថ្នល់ និងប្រព័ន្ធលូ នៅក្នុងក្រុងសៀមរាប ខេត្តសៀមរាប កាលពីថ្ងៃទី១៣ ខែកញ្ញា។ តាមការបញ្ជាក់របស់ក្រសួង ការប្រើប្រាស់នូវ Robot ត្រួតពិនិត្យប្រព័ន្ធលូនេះ ជាបច្ចេកវិទ្យាទំនើប ដែលមានភ្ជាប់ជាមួយនិងកាមេរ៉ា អាចឱ្យគេមើលឃើញស្ថានភាពជាក់ស្ដែង ប្រព័ន្ធលូផ្ទៃខាងក្នុង ដូចជាការកកស្ទះ ឬការខូចខាត ដើម្បីចាត់វិធានការដោះស្រាយ បានទាន់ពេលវេលា។ ការចុះពិនិត្យនេះ មានគោលបំណងចាត់វិធានការដោះស្រាយ និងស្វែងរកមូលហេតុ នៃការបង្កឱ្យមានជំនន់ទឹកភ្លៀង ជន់លិចបណ្តាផ្លូវមួយចំនួន ក្នុងក្រុងសៀមរាប ដែលបង្កឱ្យមានការបាក់ច្រាំងដងស្ទឹងសៀមរាប និងខូចខាតដល់ហេដ្ឋារចនាសម្ព័ន្ធមួយចំនួន។
អានបន្ថែម
ឌូបៃចង់សង់អគាររង្វង់អវកាសដ៏ធំ ឡោមព័ទ្ធអគារខ្ពស់ជាងគេលើពិភពលោក
ក្រុមហ៊ុនស្ថាបត្យកម្ម ZNera Space បានស្នើចង់រចនា និងសាងសង់អគាររង្វង់អវកាសខ្នាតយក្សដំបូងគេលើលោក ដើម្បីឡោមព័ទ្ធអគារខ្ពស់បំផុតលើលោក Burj Khalifa។ នេះបើយោងតាមសារព័ត៌មាន CNN ។ គម្រោងនេះមានឈ្មោះថា Downtown គឺជារចនាសម្ព័ន្ធរាងជារង្វង់ធំ ៥ ថ្នាក់ ដែលបំពាក់ដោយបច្ចេកវិទ្យាពណ៌ និងភ្លើងបែបឆ្លាតវៃ បែបពិភពលោកនាពេលអានាគត។ សំណង់នេះនឹងមានកម្ពស់ ៥៥០ ម៉ែត្រ និងមានអង្កត់ផ្ចិតរង្វង់ជាង ៣ គីឡូម៉ែត្រ។ រង្វង់ទាំងមូល នឹងត្រូវទ្រដោយសសរធំចំនួន ៥ បែបទំនើប។ ស្ថាបត្យករសំខាន់របស់ ZNera Space គឺ Najmus Chowdry និង Nils Remess ថាអគារនេះនឹងក្លាយអនាគតនៃស្ថាបត្យកម្មរបស់ឌូបៃដែលមានភាពច្នៃប្រឌិតខ្ពស់បំផុត។ អគារនេះនឹងមានរចនាបទ និងបច្ចេកវិទ្យាគ្រប់គ្រងសីតុណ្ហភាពបែបធម្មជាតិ និងមាននិរន្តរភាពបំផុង ដែលសាកសម្យនឹងអាកាសធាតុដ៏ក្ដៅខ្លាំងនៃប្រទេសឌូបៃ ពោលគឺការស្រូបយកខ្សល់បរិសុទ្ធមកប្រើឱ្យបានច្រើនបំផុតជំនួសម៉ាស៊ីនត្រជាក់។ លើសពីនេះ អគារក៏នឹងបំពាក់ដោយថាមពលបៃតងពោលគឺ បន្ទះសូឡាស្រូបពន្លឺព្រះអាទិត្យ និងបច្ចេកវិទ្យាបំប្លែងទឹកទៅជាអ៊ីដ្រូសែន ដើម្បីយកថាមពលទៅប្រើសម្រាប់ម៉ាស៊ីនត្រជាក់ និងបង្កើតជាអគ្គិសនីប្រើប្រាស់ទូទៅនានា។ លើសពីនេះ ជុំវិញវង្វង់នេះ ក៏មានរថភ្លើងអគ្គិសនីល្បឿន ១០០ គម/ម៉ោង […]
អានបន្ថែម