Bentley បង្ហាញបច្ចេកវិទ្យាថ្មី ២ ក្នុង វេទិកាដឹកជញ្ជូនធំជាងគេបំផុតរបស់ពិភពលោក

• ១៦ ខែមករា ឆ្នាំ ២០២៦

ក្រុមហ៊ុន Bentley Systems ដែលជាក្រុមហ៊ុនជំនាញផ្នែកកម្មវិធីវិស្វកម្មហេដ្ឋារចនាសម្ព័ន្ធ បានបង្ហាញបច្ចេកវិទ្យាសំខាន់ ២ គឺ AI និង Digital Twin នៅក្នុងវេទិកាដឹកជញ្ជូនធំជាងគេបំផុតរបស់ពិភពលោក ដែលបច្ចេកវិទ្យានឹងក្លាយជានិន្នាការដែលជះឥទ្ធិពលខ្លាំងបំផុតក្នុងវិស័យសំណង់នៅពេលអនាគត។​ ក្នុងវេទិកាដឹកជញ្ជូននេះធ្វើឡើងនៅរដ្ឋធានីនៃសហរដ្ឋអាមេរិក ដោយមានការចូលរួមពីថ្នាក់ដឹកនាំ អ្នកបង្កើតគោលនយោបាយ និងវិស្វករមកពីជុំវិញពិភពលោក ចំនួន ១២ ០០០ នាក់។ ចំណុចស្នូលនៃកិច្ចពិភាក្សានេះទីមួយគឺ “ទិន្នន័យតភ្ជាប់” (Connected Data)។ និន្នាការនេះ មិនមែនគ្រាន់តែជាការនិយាយឱ្យពិរោះស្ដាប់នោះ ប៉ុន្តែវាគឺជាឧបករណ៍ដ៏សំខាន់សម្រាប់ថែទាំផ្លូវថ្នល់ និងស្ពានដែលចាស់ៗនៅជុំវិញពិភពលោក។ ដោយសារស្ថាប័នដឹកជញ្ជូនកំពុងប្រឈមមុខនឹងកង្វះបុគ្គលិក និងថវិកាមានកម្រិត ក្រុមហ៊ុន Bentley បានបង្ហាញនូវការច្នៃប្រឌិតថ្មីដែលត្រូវបានរចនាឡើងដើម្បីធ្វើការងារឱ្យបានច្រើនដោយប្រើប្រាស់ធនធានតិចបំផុត។ ចំណុចលេចធ្លោបំផុតនៅក្នុងវេទិកានេះគឺកម្មវិធី Blyncsy ដែលជាដំណោះស្រាយវិភាគផ្លូវថ្នល់របស់ Bentley។ បច្ចេកវិទ្យានេះប្រែក្លាយយានយន្តទូទៅឱ្យទៅជាអ្នកត្រួតពិនិត្យចល័ត តាមរយៈការប្រមូលរូបភាពពីកាមេរ៉ាជាប់រថយន្ត (Dash-cam) ដើម្បីតាមដានស្ថានភាពផ្លូវ ដោយប្រើប្រាស់ AI និងការរៀនរបស់ម៉ាស៊ីន (Machine Learning) ដើម្បីស្វែកកំហូចនានា។ លើសពីនេះ បច្ចេកវិទ្យានេះគឺមានអត្ថប្រយោជន៍ណាស់ ពិសេសនៅតំបន់ដាច់ស្រយាលដែលជារឿយៗត្រូវបានមើលរំលងដោយការត្រួតពិនិត្យដោយផ្ទាល់។ បច្ចេកវិទ្យានេះកំពុងត្រូវបានប្រើរួចមកហើយដោយក្រសួងដឹកជញ្ជូនហាវ៉ៃ (Hawai‘i Department of […]