water infrastructure
រោងចក្រប្រព្រឹត្តិកម្មទឹកស្អាតខេត្តកំពត តម្លៃជាង២ លានដុល្លារដាក់ឲ្យប្រើប្រាស់ជាផ្លូវការ
រោងចក្រប្រព្រឹត្តិកម្មទឹកស្អាត “ម្លេច” មានតម្លៃប្រមាណ ១០,៦៦០ពាន់លានរៀល ស្មើនឹង ២,៦៦៥ លានដុល្លារអាមេរិក ត្រូវបានប្រកាសដាក់ឲ្យប្រើប្រាស់ជាផ្លូវការ ស្ថិតនៅក្នុងភូមិបាក់នឹម ឃុំច្រេស ស្រុកជុំគីរី ខេត្តកំពត។ នេះបើតាមពិធីសម្ពោធកាលពីថ្ងៃទី១០ ខែឧសភា ឆ្នាំ២០២២។ រោងចក្រប្រព្រឹត្តកម្ម និងប្រព័ន្ធចែកចាយទឹក ព្រមទាំងហេដ្ឋារចនាសម្ព័ន្ធផ្សេងៗ ត្រូវបានសាងសង់ឡើងនៅថ្ងៃទី ២៤ ខែធ្នូ ឆ្នាំ២០១៨ និងបញ្ចប់ដំណើរការសាកល្បងផលិតទឹកស្អាតនៅថ្ងៃទី០៩ ខែមិថុនា ឆ្នាំ២០២០។ រោងចក្រនេះ មានសមត្ថភាពផលិតទឹកស្អាតបាន ២ពាន់ម៉ែត្រគូប ក្នុងមួយថ្ងៃ ដែលអាចឲ្យមជ្ឈមណ្ឌលព្យាបាល និងស្តារនីតិសម្បទា និងកងពលតូចថ្មើរជើងលេខ៣១ និងប្រជាជនក្នុងតំបន់ជុំវិញ ប្រើប្រាស់ទឹកស្អាតបាននេះបានយ៉ាងងាយស្រួល។
អានបន្ថែម
គម្រោងការពារទឹកជំនន់ និងការកែលម្អប្រព័ន្ធលូដំណាក់កាលទី៥ នៅភ្នំពេញចាប់ផ្តើមឆាប់ៗនេះ
គម្រោងការពារទឹកជំនន់ និងការកែលម្អប្រព័ន្ធប្រឡាយ-លូ ដំណាក់កាលទី៥ នៅរាជធានីភ្នំពេញ នឹងចាប់ផ្តើមអនុវត្តក្នុងពេលឆាប់ៗនេះ ក្រោមជំនួយឧបត្ថម្ភរបស់រាជរដ្ឋាភិបាលជប៉ុន។ នេះបើតាមកិច្ចប្រជុំកាលពីថ្ងៃ ១០ ខែឧសភា ឆ្នាំ២០២២។ គម្រោងទី៥ ស្ថិតនៅក្នុងដំណាក់កាលសិក្សាពីលទ្ធភាព ដែលនឹងអនុវត្តគ្របដណ្តប់លើផ្នែកខាងលិចឆៀងខាងត្បូងនៃរាជធានីភ្នំពេញ ពោលគឺតំបន់ជម្រាល (Catchment Areas) ទី១, ២, ៣, ៤, ៥, ៦, ៨, និងទី៩ នៅក្នុងផែនការមេ ដែលមានសរុប ២៧ តំបន់ជម្រាល។ គួរបញ្ជាក់ថា រដ្ឋបាលរាជធានីភ្នំពេញ បានអនុវត្តគម្រោងប្រភេទនេះ ចំនួន ៤ លើកមកហើយ ដោយអភិវឌ្ឍប្រព័ន្ធប្រឡាយលូយ៉ាងល្អប្រសើរ និងបញ្ចៀសបាននូវការលិចលង់ធ្ងន់ធ្ងរនៅរដូវវស្សា។ ក្នុងនោះ គម្រោងការពារទឹកជំនន់ និងការកែលម្អប្រព័ន្ធប្រឡាយ-លូ ជំហានទី៤ ដែលសាងសង់ក្រោមជំនួយឥតសំណងរបស់ជប៉ុន ៣៦លានដុល្លារអាមេរិក ត្រូវបានបញ្ចប់ជាស្ថាពរហើយ កាលពីថ្ងៃ១៧ ខែកញ្ញា ឆ្នាំ២០២១ កន្លងទៅ។ (អានបន្ថែម)
អានបន្ថែម
រោងចក្រប្រព្រឹត្តកម្មទឹកស្អាតបាក់ខែងជំហានទី១ នឹងបញ្ចាប់ការសាងសង់តាមផែនការ
គិតមកដល់បច្ចុប្បន្ននេះ ដំណើរការសាងសង់រោងចក្រប្រព្រឹត្តកម្មទឹកស្អាតបាក់ខែងជំហានទី១ សម្រេចលទ្ធផលបានប្រមាណ ៦០% ហើយ ដោយគ្រោងនឹងបញ្ចប់តាមការគ្រោងទុក។ នេះបើសេចក្តីប្រកាសរបស់រដ្ឋាករទឹកស្វយ័តក្រុងភ្នំពេញ កាលថ្ងៃទី២ ខែឧសភា ឆ្នាំ២០២២។ រដ្ឋាករទឹកស្វយ័តក្រុងភ្នំពេញ បានឲ្យដឹងបន្តថា នៅត្រឹមត្រីមាសទី១ ឆ្នាំ២០២២ គម្រោងជំហានទី១ ដែលមានសមត្ថភាពផលិតជិត ២០ម៉ឺនម៉ែត្រគូបក្នុងមួយថ្ងៃ សម្រេចបានប្រមាណជា៦០% ។ក្នុងនោះគម្រោងនេះ បានបែងចែកការដ្ឋានជាបីផ្នែកធំៗរួមមាន៖ -ផ្នែកទី១ ការដ្ឋានសាងសង់រោងចក្រប្រព្រឹត្តកម្មទឹកស្អាត (អាងទទួល អាងកូរយឺត-លឿន អាងរងកករ អាងច្រោះ អាងស្តុកទឹក អគារដាក់វត្ថុធាតុដើម អគារក្ល័រ មន្ទីរពិសោធ៍ទឹក ស្ថានីយបូមទឹកស្អាត និងអគាររដ្ឋបាល) សម្រេចបាន ៥០% ។ -ផ្នែកទី២ ការដ្ឋានស្ថានីយបូមទឹកល្អក់៖ ការងារសាងសង់ស្ថានីយបូមទឹកល្អក់ សម្រេចបាន ៥៥% និង ការងារដាក់បំពង់មេនាំទឹកល្អក់ទំហំ ១៤០០ ចំនួន ២ខ្សែ សម្រេចបាន ៤៥% ។ -ផ្នែកទី៣ ការដ្ឋានដាក់បំពង់មេនាំទឹកស្អាត៖ ការងារដាក់បំពង់មេនាំទឹកស្អាតទំហំ ២០០០មម ប្រវែង ៧គម សម្រេចបាន […]
អានបន្ថែម
រដ្ឋបង្ហើបថា គម្រោងសង់កំពង់ផែរណប ៧ តាមដងទន្លេ នឹងចំណាយប្រមាណ ៧០ លានដុល្លារ
ការសាងសង់កំពង់ផែរណបតាមដងទន្លេចំនួន ៧ ដែលបានគ្រោងទុក អាចនឹងត្រូវចំណាយថវិកាប្រមាណ៧០ លានដុល្លារ ជារួម ឬប្រមាណ ១០លានដុល្លារសម្រាប់កំពង់ផែមួយ ដែលទុនវិនិយោគគឺប្រែប្រួលអាស្រ័យលើស្ថានភាព និងទីតាំងនៃកំពង់ផែនីមួយៗ។ ឯកឧត្តម ហ៊ី ប៉ាវី អគ្គនាយកកំពង់ផែស្វ័យតភ្នំពេញ បានឱ្យដឹងនៅថ្ងៃទី២៥ ខែមេសា ថា កំពង់ផែចំនួន ៤ ក្នុងចំណោមកំពង់ផែរណបដែលបានគ្រោងទុកទាំង ៧ កំពុងស្ថិតក្នុងការសាងសង់ហើយ។ ឯកឧត្តម បញ្ជាក់ថា ការសាងសង់កំពង់រណបនេះ គឺជាការវិនិយោគរបស់វិស័យឯកជនសហការជាមួយកំពង់ផែស្វ័យតភ្នំពេញ ដោយថវិកាសាងសង់បានមកពីវិស័យឯកជន និងដីសម្រាប់សាងសង់ជារបស់កំពង់ផែស្វ័យ ភ្នំពេញ។ ឯកឧត្តម ហ៊ី ប៉ាវី ថ្លែងថា៖ «ទាក់ទងនឹងទុនវិនិយោគសាងសង់ អាចនឹងមានចំនួនខុសគ្នា ប៉ុន្តែក្នុងប្រមាណជា ១០លានដុល្លារ តម្លៃទៅតាមកន្លែងខ្លះ លើសពី១០លានដុល្លារ កន្លែងខ្លះអាចទាបជាង១០លានដុល្លារ ទៅតាមភូមិសាស្រ្តជាក់ស្តែង«។ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន មានប្រសាសន៍ថាកំពង់ផែរណបតាមដងទន្លេមេគង្គ និងទន្លេសាប គឺដើម្បីសម្រួលដឹកទំនិញ តាមបណ្តាខេត្ត ចូលទៅកំពង់ផែភ្នំពេញ ដើម្បីនាំចេញ។ គួរបញ្ជាក់ថា គម្រោងចំណតផែរណបទាំង៧ […]
អានបន្ថែម
ផែរណបពហុបំណង TS១១ សាងសង់បាន ៨៥% ហើយ គ្រោងដាក់ដំណើរការដើមខែកក្កដា
គម្រោងអភិវឌ្ឍន៍ចំណតផែរណបពហុបំណង TS១១ របស់កំពង់ផែស្វយ័តភ្នំពេញ បច្ចុប្បន្នសម្រេចការសាងសង់បានប្រមាណ ៨៥% គ្រោងបញ្ចប់ការសាងសង់បើកឱ្យដំណើការប្រើប្រាស់អំឡុងដើមខែកក្កដា ឆ្នាំ ២០២២ ខាងមុខ។ នេះបើតាមការបញ្ជាក់ពីឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន នាឱកាសចុះពិនិត្យវឌ្ឍនភាពការដ្ឋាន កាលពីថ្ងៃទី២៥ ខែមេសា ឆ្នាំ២០២២។ ឯកឧត្តម ស៊ុន ចាន់ថុល ថា គម្រោងអភិវឌ្ឍន៍នេះ សាងសង់ឡើងដើម្បីគាំទ្រដល់ការអភិវឌ្ឍន៍ និងការរីកចម្រើនប្រកបដោយនិរន្តភាពនៃអាជីវកម្មរបស់កំពង់ផែស្វយ័តភ្នំពេញ។ ឯកឧត្តម បន្ដថាការដឹកជញ្ជូនតាមផ្លូវទឹក គឺសំខាន់ណាស់ ហើយក្នុងនាមក្រសួងសាធារណការ និងដឹកជញ្ជូន សូមគាំទ្រ និងខិតខំប្រឹងប្រែងជំរុញធ្វើយ៉ាងណាឲ្យការដឹកជញ្ជូនតាមផ្លូវទឹកឱ្យបានច្រើនថែមទៀត។ ក្រៅពីនេះ កំពង់ផែស្វយ័តភ្នំពេញ បាននឹងកំពុងរៀបចំគម្រោងអភិវឌ្ឍន៍ផ្សេងៗទៀត ក្នុងនោះរួមទាំងគម្រោងអភិវឌ្ឍន៍ចំណត ផែរណបតាមផងទន្លេ ចំនួន ៧ ទីតាំងផងដែរ៕
អានបន្ថែម
ក្រសួង និងអ្នកជំនាញចិន រួមគ្នាសិក្សាគម្រោងជីកផ្លូវទឹកថ្មីភ្ជាប់ពីខេត្តកណ្ដាលដល់កែប
ក្រសួងសាធារណការ និងដឹកជញ្ជូន និងក្រុមហ៊ុនជំនាញចិន (CRBC) នឹងសហការគ្នាសិក្សាគម្រោង អភិវឌ្ឍប្រព័ន្ធផ្លូវទឹកថ្មីមួយ តភ្ជាប់រវាងទន្លេបាសាក់ ក្នុងភូមិសាស្រ្តខេត្តកណ្តាល ទៅខេត្តកែប។ ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានឱ្យដឹងនៅថ្ងៃទី ២៥ ខែមេសា នេះ ការសិក្សាបឋមដោយក្រសួងបានបញ្ចប់ជាស្ថាពរ ដែលបង្ហាញថាគម្រោងផ្លូវទឹកថ្មីនេះ អាចដំណើការបាន។ សម្រាប់ការសិក្សាលម្អិតលើគម្រោងនេះ ក្រសួងសាធារណការ និងក្រុមហ៊ុនចិន បានឯកភាពថានឹងសិក្សារួមគ្នា ដោយគ្រោងនឹងចាប់ផ្ដើមឆាប់ៗខាងមុខនេះ។ ឯកឧត្តម ស៊ុន ចាន់ថុល ថ្លែងថា៖ «ក្រុមការងាររបស់គាត់ នឹងចុះមកធ្វើការជាមួយនឹងក្រសួងសាធារណការ និងដឹកជញ្ជូនដើម្បីឈានទៅរកការពិនិត្យមើលការសិក្សាថា ធ្វើបានឬមិនបាន។ បើការសិក្សាចប់សព្វគ្រប់ យើងនឹងដាក់ជូនទៅក្រសួងស្ថាប័នពាក់ព័ន្ធ ដើម្បីជួយពិនិត្យ តើវាប៉ះពាល់អ្វីខ្លះ? ធ្វើបានឬធ្វើមិនបាន?»។ ឯកឧត្តម ស៊ុន ចាន់ថុល លើកឡើងថា ក្នុងករណីគម្រោងនេះ ធ្វើបាន កម្ពុជា នឹងមានផែយុទ្ធសាស្រ្ត នៅស្រុកស្អាង នៅខេត្តតាកែវ និងនៅកែប។
អានបន្ថែម
រដ្ឋគ្រោងសាងសង់កំពង់ផែរណបតាមដងទន្លេ ចំនួន៧
ក្រសួងសាធារណការ និងដឹកជញ្ជូន គ្រោងសាងសង់កំពង់ផែរណបចំនួន ៧ នៅតាមដងទន្លេមេគង្គ និងទន្លេសាប ដើម្បីសម្រួលដឹកទំនិញ តាមបណ្តាខេត្ត ចូលទៅកំពង់ផែភ្នំពេញ ដើម្បីនាំចេញ។ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន បានលើកឡើងបែបនេះ នាឱកាសចុះពិនិត្យវឌ្ឍនភាពគម្រោងអភិវឌ្ឍន៍ចំណតផែរណបពហុបំណង TS១១ របស់កំពង់ផែស្វយ័តភ្នំពេញ នៅថ្ងៃទី ២៥ ខែមេសា។ គម្រោងចំណតផែរណបទាំង៧ ទីតាំងនោះរួមមាន ចំណតផែរណបពហុបំណងកោះរកា (LM២៦), ចំណតផែនកុងតឺន័រ LM១៧, ចំណតផែរពនពហុបំណងព្រែកអញ្ចាញ (UM១), ចំណតផែរណបពហុបំណងទន្លេបិទ (UN២), ចំណតផែនរណបពហុបំណងឆ្លូង (ក្រចេះ), ចំណតផែរណបពហុបំណងកំពង់ឆ្នាំង និងចំណតផែរណបពហុបំណងព្រែកក្តាម។ ឯកឧត្តម ស៊ុន ចាន់ ថ្លែងថា៖ «យើងមានផែនការសាងសង់កំពង់ផែរណប ចំនួន៧ ដើម្បីឱ្យងាយស្រួលក្នុងការប្រមែប្រមូលទំនិញ ទូទាំងប្រទេសយើង ដើម្បីចូលមកកំពង់ផែភ្នំពេញ ហើយយកទៅលក់នៅបរទេស»។ សូមបញ្ជាក់ថា គម្រោងអភិវឌ្ឍន៍ចំណតផែរណបពហុបំណង TS១១ របស់កំពង់ផែស្វយ័តភ្នំពេញ សាងសង់សម្រេចបានប្រមាណ ៨៥% គ្រោងបញ្ចប់ការសាងសង់បើកឳ្យដំណើការប្រើប្រាស់អំឡុងខែមិថុនា ឆ្នាំ២០២២ខាងមុខ។
អានបន្ថែម
ជប៉ុន ចុះហត្ថលេខាផ្ដល់ជំនួយឥតសំណង ២៤ លានដុល្លារ ពង្រីកប្រព័ន្ធទឹកស្អាតនៅស្វាយរៀង
ជប៉ុន បានសម្រេចផ្ដល់ជំនួយឥតសំណងប្រមាណ ២៤លានដុល្លារ ដល់កម្ពុជា សម្រាប់ពង្រីកសមត្ថភាពប្រព័ន្ធផ្គត់ផ្គង់ទឹកស្អាត នៅខេត្តស្វាយរៀង។ កិច្ចព្រមព្រៀងជំនួយ ត្រូវបានចុះហត្ថលេខា កាលថ្ងៃទី ១១ ខែមីនា ដោយ ឯកឧត្តម អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និង លោកស្រី កាមេ ហារុកូ ប្រធានតំណាង ទីភ្នាក់ងារសហប្រតិបតិ្តការអន្តរជាតិនៃប្រទេសជប៉ុន (JICA) ប្រចាំនៅកម្ពុជា។ គម្រោងនេះ នឹងបង្កើតសមត្ថភាពផ្គត់ផ្គង់ទឹកស្អាតរហូតដល់ ៦ ០០០ ម៉ែត្រគូន ក្នុងមួយថ្ងៃ និងធ្វើអោយប្រសើរឡើងនូវការទទួលបានទឹកស្អាតក្នុងក្រុងស្វាយរៀង។ ការសាងសង់គម្រោងគម្រោងពង្រីកសមត្ថភាពប្រព័ន្ធផ្គត់ផ្គង់ទឹកស្អាត ខេត្តស្វាយរៀងនេះ នឹង ចំនួន២៩ខែ ហើយគ្រោងនឹងបញ្ចប់នៅឆ្នាំ ២០២៤ខាងមុខ៕ គួរបញ្ជាក់ថា នេះគឺជាកិច្ចព្រមព្រៀងហិរញ្ញប្បទានឥតសំណងទី១៣ ដោយរាប់ចាប់តាំងពីឆ្នាំ ១៩៩៣ ពីដ្ឋាភិបាលជប៉ុនតាមរយៈ JICA ។
អានបន្ថែម
ការដ្ឋានពង្រីកស្ថានីយទឹកស្អាតតាខ្មៅតម្លៃ៣០លានដុល្លារ នឹងចាប់ផ្ដើម នៅខែមិថុនា ឆ្នាំនេះ
រដ្ឋាករទឹកស្វយ័តក្រុងភ្នំពេញ និងក្រុមហ៊ុនជប៉ុន KKKCT Consortium កាលពីថ្ងៃទី ៧ មីនា នេះ បានចុះហត្ថលេខាកិច្ចសន្យាសាងសង់ លើគម្រោងពង្រីកប្រព័ន្ធផ្គត់ផ្គង់ទឹកស្អាតក្រុងតាខ្មៅ តម្លៃ ៣០លានដុល្លារ ក្រោមជំនួយឥតសំណងរបស់ប្រទេសជប៉ុន។ នៅក្រោមកិច្ចសន្យានេះ គម្រោងនឹងចាប់ផ្តើមបើកការដ្ឋាននៅខែមិថុនា ឆ្នាំ២០២២ នេះ ដោយគ្រោងបញ្ចប់នៅខែធ្នូ ឆ្នាំ២០២៤។ យោងតាមឯកឧត្តម ឡុង ណារ៉ូ អគ្គនាយក រដ្ឋាករទឹកស្វយ័តក្រុងភ្នំពេញ គម្រោងថ្មីនេះ មានកញ្ចប់ថវិកា ៣០លានដុល្លារ ជាជំនួយឥតសំណងរបស់ប្រទេសជប៉ុន ហើយរដ្ឋាករទឹកស្វយ័តក្រុងភ្នំពេញ នឹងបន្ថែមថវិកា១០លានដុល្លារទៀត សម្រាប់គម្រោងបណ្តាញចែកចាយទឹកស្អាត។ គម្រោងនេះនឹងពង្រីកសមត្ថភាពផលិតទឹកស្អាតនៅស្ថានីយក្រុងតាខ្មៅឱ្យបាន ៣០ពាន់ម៉ែត្រគូប ក្នុង១ថ្ងៃ នៅឆ្នាំ ២០២៤ ដើម្បីបំពេញសេចក្តីត្រូវការប្រើប្រាស់ទឹកនៅភាគខាងត្បូង និងខាងលិចនៃរាជធានីភ្នំពេញ និងក្រុងតាខ្មៅ។
អានបន្ថែម
ជប៉ុនជួយកម្ពុជារៀបចំផែនការមេអភិវឌ្ឍទឹកស្អាត ២០២០-២០៣០ បច្ចុបន្នការសិក្សាបានបញ្ចប់ហើយ
ភាគីជប៉ុនបានសិក្សាផែនការមេអភិវឌ្ឍន៍ទឹកស្អាតទី៣ ចាប់ពីឆ្នាំ២០២០ ដល់ឆ្នាំ២០៣០ ចប់ហើយ ដោយនឹងឈានទៅរកការអនុវត្តឆាប់ៗ។ ឯកឧត្តម ឡុង ណារ៉ូ អគ្គនាយករដ្ឋាករទឹកស្វយ័តក្រុងភ្នំពេញ បានឱ្យកាលថ្ងៃទី១ ខែមីនា ជប៉ុនបានជួយសិក្សាគម្រោងផែនការមេអភិវឌ្ឍន៍ទឹកស្អាតដល់រដ្ឋាករទឹកភ្នំពេញ ចំនួន៣គម្រោង រួមមាន៖ គម្រោងទី១-ចាប់ពីឆ្នាំ១៩៩១-២០០០, គម្រោងទី២-ឆ្នាំ២០០០-២០១០ និងគម្រោងទី៣ -ឆ្នាំ២០២០-២០៣០។ «សម្រាប់គម្រោងទី ៣ ការសិក្សាទើបបញ្ចប់កាលពីខែចុងខែមករា ឆ្នាំ២០២២ នេះ។ នៅឆ្នាំ២០៣០ រាជធានីភ្នំពេញ ត្រូវមានសមត្ថភាពផលិតទឹក ១,៨ លានម៉ែត្រគូប ដើម្បីធានាដល់ការប្រើប្រាស់ទឹក» ឯកឧត្តមបន្ត។ គួរបញ្ជាក់ថា ចាប់ពីឆ្នាំ១៩៩៣-២០២០ ការផ្គត់ផ្គង់ទឹកស្អាតនៅក្នុងរាជធានីភ្នំពេញ បានប្រើប្រាស់ថវិកាអស់ ៦៩០លានដុល្លារ ដែលធ្វើឱ្យសមត្ថភាពផលិតទឹកកើនពី ៦៣ពាន់ម៉ែត្រគូប/ថ្ងៃ រហូតដល់ ៥៩២ពាន់ម៉ែត្រគូប/ថ្ងៃ។ យ៉ាងណាក្ដី រដ្ឋាករទឹកស្វយ័តក្រុងភ្នំពេញ ក៏បានអំពាវនាវឱ្យពលរដ្ឋភ្នំពេញសន្សំសំចៃទឹក ខណៈក្រុងភ្នំពេញកំពុងប្រឈមនឹងបញ្ហាពីរ គឺ៖ -កត្តាទី១៖ ប្រជាជនចូលក្រុងភ្នំពេញកើន (ខណៈក្នុងមនុស្សម្នាក់សព្វថ្ងៃបានប្រើប្រាស់ទឹកលើសតម្រូវការរហូត២០០-២៨០លីត្រ/ថ្ងៃ ដែលជាទូទៅក្នុងម្នាក់អាចប្រើបាន១៥០ម៉ែត្រគូប/ថ្ងៃប៉ុណ្ណោះ)។ -កត្តាទី២៖ កំរិតទឹកទន្លេមេគង្គបានស្រក់ចុះខុសពីប្រក្រតី ១ម៉ែត្រ រយៈពេល៥ឆ្នាំមកនេះ ដែលធ្វើឲ្យតំបន់មួយចំនួនខ្វះខាត់ទឹកប្រើប្រាស់ ពិសេសនារដូវប្រាំង៕
អានបន្ថែម