រឿងដ៏អស្ចារ្យទាំង៥ ក្នុងហេដ្ឋារចនាសម្ព័ន្ធឌីជីថលប្រចាំសប្តាហ៍

១ កញ្ញា ២០២៤
ព័ត៌មានសំណង់
1131 មើល

អឌ្ឍគោលខាងជើងបានឆ្លងកាត់រដូវក្តៅបំផុតក្នុងរយៈពេល 2,000 ឆ្នាំមុន ហើយឆ្នាំ 2024 អាចនឹងក្តៅជាងនេះ។ សប្តាហ៍នេះ យើងមើលពីរបៀបដែលឌីជីថលភ្លោះកំពុងជួយអ្នកភូមិក្នុងការសម្របខ្លួនទៅនឹងការកើនឡើងសីតុណ្ហភាព ប្រយុទ្ធប្រឆាំងនឹងភ្លើងឆេះព្រៃ ការព្យាករណ៍ ការពារទឹកជំនន់ និងគ្រប់គ្រងធនធានទឹក។ ប៉ុន្តែរដូវក្តៅក៏ជាពេលវេលាដ៏ល្អសម្រាប់អ្នកចូលចិត្តហែលទឹកដែរ ហើយឌីជីថលភ្លោះអាចជួយអ្នកហែលទឹកកែលម្អពីរបៀបហែលដើម្បីប្រកួតប្រជែង។ ដើម្បីស្វែងយល់ពីភាពអស្ចារ្យទាំងនេះ សូមអានអត្ថបទដែលបង្ហាញពីភាពអស្ចារ្យទាំងនេះដូចតទៅ។

ចលនាភ្លើងឆេះព្រៃក្នុងឌីជីថលភ្លោះ

ការគ្រប់គ្រងគំរូចលនាធ្វើភ្លើងឆេះព្រៃដែលពិពណ៌នាអំពីការរីករាលដាលក្នុងកម្រិត PM 2.5 aerosols កំឡុងពេលឆេះ។ រូបភាព៖ ណាសា / សាកលវិទ្យាល័យ San Jose State

គំរូឌីជីថលភ្លោះភ្លើងឆេះព្រៃដែលត្រូវបានបង្កើតឡើងដោយការិយាល័យបច្ចេកវិទ្យាវិទ្យាសាស្ត្រផែនដីរបស់អង្គការ NASA កំពុងប្រើប្រាស់បញ្ញាសិប្បនិម្មិត (AI) និងម៉ាស៊ីនសិក្សា (ML) ដើម្បីព្យាករណ៍គន្លងផ្លូវដែលឆេះ និងផ្សែងហុយក្នុងរយៈពេលត្រឹមតែប៉ុន្មាននាទីប៉ុណ្ណោះជាជាងប្រើពេលរាប់ម៉ោងខុសពីមុន។ “ខណៈពេលដែលគំរូសកលបច្ចុប្បន្នដែលពិពណ៌នាអំពីការរីករាលដាលនៃភ្លើងឆេះព្រៃ និងផ្សែងដែលមានកម្រិតបង្ហាញទំហំត្រឹមតែ 10 គីឡូម៉ែត្រក្នុងមួយភីកសែល នោះ Wildfire Digital Twin នឹងផលិតម៉ូដែលជាមួយនឹងកម្រិតភាពច្បាស់ពី 10 ទៅ 30 ម៉ែត្រក្នុងមួយភីកសែល ដែលជាការធ្វើឱ្យប្រសើរឡើងនៃពីររបៀបដោយឡែកពីគ្នាក្នុងការពង្រីកទំហំ។” តាមការលើកឡើងរបស់ណាសា។

ហេតុអ្វីបានជាវាសំខាន់៖ អង្គការ NASA បាននិយាយថា ការទទួលបានគំរូលឿន និងលម្អិត ផ្តល់នូវ “តម្លៃយ៉ាងសម្បើម” សម្រាប់អ្នកចូលអន្តរគមន៍ដំបូងដែលប្រណាំងនឹងពេលវេលាដើម្បីជួយសង្គ្រោះជីវិត ការពារផ្ទះសំបែង និងហេដ្ឋារចនាសម្ព័ន្ធ។ លោក Milton Halem សាស្ត្រាចារ្យផ្នែកវិទ្យាសាស្ត្រកុំព្យូទ័រ និងវិស្វកម្មអគ្គិសនីនៅសាកលវិទ្យាល័យ Maryland ក្រុង Baltimore County បាននិយាយថា “យើងចង់ផ្តល់អ្នកពន្លត់អគ្គីភ័យនូវព័ត៌មានដែលមានប្រយោជន៍ និងទាន់ពេលវេលា”។ លោក Halem បានកត់សម្គាល់ថា “ជាទូទៅមិនមានអ៊ិនធឺណិតគ្រប់ទីកន្លែងទេ ហើយក៏មិនមានការចូលប្រើកុំព្យូទ័រធំៗដែរ” សម្រាប់អ្នកចូលអន្តរគមន៍ដំបូងក្នុងអំឡុងពេលភ្លើងឆេះព្រៃ។ ប៉ុន្តែជាមួយនឹងគំរូរបស់ NASA ក្រុមអ្នកពន្លត់ភ្លើងឆេះព្រៃអាចទំនាក់ទំនង និង “ដំណើរការឌីជីថលភ្លោះមិនត្រឹមតែនៅលើកុំព្យូទ័រយួរដៃរបស់គេប៉ុណ្ណោះទេ ប៉ុន្តែសូម្បីតែថេប្លេត” ហើយតាមរយៈ ឌីជីថលភ្លោះក៏អាចជួយតាមដាននិន្នាការភ្លើងឆេះព្រៃជាសកលផងដែរ។

គំរូហែលទឹកបំប្លែងជាទិន្នន័យ

ការបង្ហាញចលនាហែលទឹកជា Illustrations

ព្រឹត្តិការណ៍កីឡាអូឡាំពិកអាចនឹងបញ្ចប់ ប៉ុន្តែទិន្នន័យវិទ្យាសាស្ត្រ និងកីឡានៅតែមានក្នុងព័ត៌មាន។ ទិន្នន័យគណិតវិទ្យា និងឌីជីថលភ្លោះ – ជំនួយដោយបច្ចេកវិទ្យាដែលបំពាក់ជាមួយកីឡាករ – មានសក្តានុពលក្នុងការដាក់អ្នកហែលទឹកប្រកួតប្រជែងនៅក្នុងល្បឿនដែលលឿនជាងមុន។ លោក Ken Ono សាស្ត្រាចារ្យគណិតវិទ្យា និងវិទ្យាសាស្ត្រទិន្នន័យនៅសាកលវិទ្យាល័យ Virginia បានផលិតសៀវភៅមួយដែលមានចំណងជើងថា “Swimming in Data” ដោយសហការជាមួយសិស្សរបស់គាត់ជាច្រើននាក់ រួមទាំងអ្នកហែលទឹកមេដាយមាសអូឡាំពិក កញ្ញា Kate Douglass ផងដែរ។ លោក Ono ជឿជាក់ថា វិធីសាស្រ្តបែបវិទ្យាសាស្ត្រនេះ គឺដើម្បីបង្កើតយុទ្ធសាស្ត្រហែលទឹក នឹងក្លាយជាស្តង់ដារឆាប់ៗនេះ។ លោកបានថ្លែងថា៖ «ប្រាំឆ្នាំទៅមុខ គិតចាប់ពីពេលនេះទៅ រឿងរបស់យើងនឹងមិនមែនព្រេងនិទាននោះទៀតទេ។ “វានឹងក្លាយជារឿង… អូអស្ចារ្យ! អ្នករាល់គ្នាកំពុងធ្វើវាឥឡូវនេះ។” សៀវភៅកំណត់ត្រាបានបង្ហាញពីរបៀបដែលគណិតវិទ្យា និងរូបវិទ្យា រួមផ្សំជាមួយបច្ចេកវិទ្យាដើម្បីទទួលបានទិន្នន័យកម្រិតបុគ្គល ដែលអាចជួយអត្តពលិកកែលម្អ ជីវ-មេកានិចនៃការហែលទឹករបស់ពួកគេ។ លោក Ono បាននិយាយថា “វាគឺជាការប្រកួតកីឡា ក៏ដូចជាការប្រកួតប្រជែងផ្នែកវិទ្យាសាស្ត្រ”។ លោក Will Tenpas ជាអ្នកហែលទឹក និងជានិស្សិតវិទ្យាសាស្ត្រទិន្នន័យនៅ UVA បាននិយាយថា វាមានភាពងាយស្រួលក្នុងការជ្រួតជ្រាបដោយកត្តាជាច្រើនដែលពាក់ព័ន្ធនឹងការហែលទឹក។ “មានការកំណត់ភាពបត់បែនគ្រប់ប្រភេទ វាប្រៀបដូចជាអ្នកមានទឹកដើរមករកអ្នក អ្នកភ្ញាក់ហើយ អ្នកមានចលនា”។

ហេតុអ្វីបានជាវាសំខាន់៖ ក្រុមអ្នកស្រាវជ្រាវបានប្រើឧបករណ៍ចាប់សញ្ញាដែលដាក់នៅលើកដៃ កជើង និងខ្នងរបស់អ្នកហែលទឹក ដើម្បីចាប់យកទិន្នន័យ និងបង្កើតគំរូឌីជីថលភ្លោះ ដែលចម្លងចលនារបស់អត្តពលិកយ៉ាងជាក់លាក់។ គំរូទាំងនេះបានបង្ហាញពីភាពខ្លាំង និងភាពខ្សោយ ផ្តល់ឱ្យគ្រូបង្វឹកនូវការយល់ដឹងដើម្បីណែនាំអំពីការកែលម្អបច្ចេកទេស និងយុទ្ធសាស្ត្រ។ លោក August Lamb ដែលជាអតីតអ្នកហែលទឹក UVA បាននិយាយថា “វាជាប្រភពព័ត៌មានដ៏មានតម្លៃមិនគួរឱ្យជឿ” ។ “អាចមានប្រភពព័ត៌មាននេះ ដែលអ្នកអាចសាកល្បងមួយខែ ហើយបន្ទាប់មកចំណាយពេលមួយ ឬពីរខែដើម្បីធ្វើការកែតម្រូវ ហើយបន្ទាប់មកសាកល្បងម្ដងទៀត ហើយមើលថាមានអ្វីខុសប្លែកពីគេ។” លោក Lamp បានប្រៀបធៀបឌីជីថលភ្លោះទៅនឹងលក្ខណៈពិសេសមួយនៅក្នុងហ្គេម Nintendo នៃ Mario Kart ដែលជាកន្លែងដែលអ្នកអាចប្រកួតប្រជែងជាមួយនឹងកម្លាំងខ្លួនឯង។ កីឡាករអូរឡាំពិក កញ្ញា Douglass ដែលជាសហអ្នកនិពន្ធឯកសារនោះបានកំណត់ឃើញកំហុសនៅក្នុងទីតាំងក្បាលរបស់នាងក្នុងការលោតចូលទឹកដោយការបង្អាក់ដង្ហើមក្នុងចម្ងាយ ២០០ ម៉ែត្រ។ ដោយប្រើគំរូឌីជីថលភ្លោះ គ្រូបង្វឹករបស់នាងបានកំណត់ចំនួនពេលវេលាដែលនាងអាចសន្សំបានដោយការកែលម្អពីរបៀបលោតចូលទឹក។ នៅពេលដែលបច្ចេកទេសរបស់នាង ត្រូវបានធ្វើតេស្តនៅឆ្នាំ 2020 ការបង្អាក់ដង្ហើមក្នុងចម្ងាយ 200 ម៉ែត្រគឺមិនមានសូម្បីតែនៅក្នុងបញ្ជីតាមដានសកម្មភាពរបស់នាងរាល់ពេលហែលទឹកក៏ដោយ។ ក្នុងព្រឹត្តិការណ៍កីឡាអូឡាំពិកឆ្នាំនេះ នាងបានបង្កើតកំណត់ត្រាសម្រាប់ប្រទេសអាមេរិក និងឈ្នះមេដាយមាសក្នុងព្រឹត្តិការណ៍នេះ។

ការប្រែប្រួលផ្ទៃសមុទ្រនៅម៉ៃអាមី

សាស្រ្តាចារ្យសាកលវិទ្យាល័យបានបង្កើតគំរូគណិតវិទ្យាដែលអាចជួយអ្នករៀបចំផែនការទីក្រុងជាមួយនឹងការសម្រេចចិត្តកែលម្អហេដ្ឋារចនាសម្ព័ន្ធ។ រូបថត៖ រដ្ឋ Virginia Tech។

គំរូគណិតវិទ្យាដែលបង្កើតឡើងដោយសាស្រ្តាចារ្យនៅសាកលវិទ្យាល័យ Florida Atlantic, សាកលវិទ្យាល័យ Virginia Tech និងសាកលវិទ្យាល័យ Houston អាចជួយអ្នករៀបចំផែនការទីក្រុងធ្វើការសម្រេចចិត្តប្រកបដោយប្រសិទ្ធភាព និងត្រឹមត្រូវអំពីការកែលម្អហេដ្ឋារចនាសម្ព័ន្ធ។ ក្របខណ្ឌដែលបានបោះពុម្ពផ្សាយនៅក្នុងការគ្រប់គ្រងផលិតកម្ម និងប្រតិបត្តិការ ផ្តល់នូវវិធីសាស្រ្តដ៏ទូលំទូលាយមួយក្នុងការធ្វើឱ្យការវិនិយោគទទួលបានព័ត៌មានចំពេលមានការប្រែប្រួលខ្លាំងទាក់ទងនឹងអាកាសធាតុ។ គួរកត់សម្គាល់ក្នុងចំណោមបញ្ហាប្រឈម រួមទាំងការកើនឡើងហានិភ័យនៃទឹកជំនន់នៅក្នុងទីក្រុងតាមឆ្នេរសមុទ្រពីការកើនឡើងកម្រិតទឹកសមុទ្រ។ គំរូនេះក៏រួមបញ្ចូលសន្ទស្សន៍ភាពងាយរងគ្រោះសង្គមដែលត្រូវបានបង្កើតឡើងដោយមជ្ឈមណ្ឌលគ្រប់គ្រង និងការពារជំងឺរបស់សហរដ្ឋអាមេរិកផងដែរ។ ក្រុមស្រាវជ្រាវបានប្រើប្រាស់ហេដ្ឋារចនាសម្ព័ន្ធបង្ហូរទឹកសំណល់រឹងរបស់ទីក្រុងម៉ៃអាមីជាករណីសិក្សា ដោយវាយតម្លៃលើសេណារីយ៉ូ ដើម្បីបង្កើនប្រសិទ្ធភាពនៃការបែងចែកធនធាននៅទូទាំង 72 តំបន់។ អ្នកស្រាវជ្រាវក៏បានពិចារណាលើកត្តាមួយចំនួនដូចជា ភាពងាយរងគ្រោះក្នុងសង្គម និងផលប៉ះពាល់ដែលបានព្យាករណ៍ពីការកើនឡើងកម្រិតទឹកសមុទ្រ។ វិធីសាស្រ្តដ៏សម្បូរបែបទាំងនេះគឺអាចអនុវត្តបានចំពោះវិស័យហេដ្ឋារចនាសម្ព័ន្ធសំខាន់ៗផ្សេងទៀត រួមទាំងថាមពល ការដឹកជញ្ជូន និងសុខភាពសាធារណៈ។

ហេតុអ្វីបានជាវាសំខាន់៖ ច្បាប់ស្តីពីការវិនិយោគ និងការងារហេដ្ឋារចនាសម្ព័ន្ធរបស់សហរដ្ឋអាមេរិកបានបែងចែក 1.25 ទ្រីលានដុល្លារក្នុងឆ្នាំ 2021 ដើម្បីការពារទីក្រុងដែលមានហេដ្ឋារចនាសម្ព័ន្ធចាស់ជរាពីឥទ្ធិពលអាកាសធាតុប្រែប្រួលខ្លាំង។ ប៉ុន្តែអ្នករៀបចំផែនការទីក្រុងត្រូវការដំណោះស្រាយដើម្បីចែកចាយធនធានទាំងនេះដោយតុល្យភាព និងមានប្រសិទ្ធភាព។ លោក Chris Zobel ដែលដឹកនាំ គម្រោង និងជាសាស្ត្រាចារ្យផ្នែកបច្ចេកវិទ្យាព័ត៌មានអាជីវកម្មនៅមហាវិទ្យាល័យពាណិជ្ជកម្ម Pamplin របស់ Virginia Tech បាននិយាយថា “ទោះបីជាមានមូលនិធិបន្ថែមចាំបាច់នេះក៏ដោយ ទីក្រុងជាធម្មតានឹងមិនអាចកែលម្អគ្រប់ផ្នែកនៃហេដ្ឋារចនាសម្ព័ន្ធរបស់ខ្លួនបានច្រើនដូចដែលគេចង់បាននោះទេ ជាពិសេសដោយសារតែពួកគេត្រូវការការពារប្រឆាំងនឹងព្យុះនាពេលបច្ចុប្បន្ន និងនាពេលអនាគត” ។ “ពួកគេក៏ដឹងយ៉ាងច្បាស់អំពីសារៈសំខាន់នៃការបញ្ចូលសមធម៌ក្នុងការសម្រេចចិត្តថាតើគម្រោងកែលម្អមួយណាដែលជាអាទិភាពត្រូវជ្រើសរើស ដូច្នេះពួកគេអាចផ្តល់ឱ្យក្រុមដែលងាយរងគ្រោះក្នុងសង្គមដែលងាយរងគ្រោះដោយការការពារពួកគេដោយយុត្តិធម៌។” តាមរយៈកត្តានៃទិន្នន័យប្រជាសាស្រ្ត និងសេដ្ឋកិច្ចសង្គម គំរូផ្តល់អាទិភាពដល់ការវិនិយោគដែលបង្កើនភាពធន់នឹងហេដ្ឋារចនាសម្ព័ន្ធ និងដោះស្រាយវិសមភាពសេដ្ឋកិច្ចសង្គមដែលចេញពីកម្លាំងទឹកជំនន់។ លោក Zobel បាននិយាយថា “វាសំខាន់ណាស់ក្នុងការគិតអំពីថាតើអ្នកណាដែលរងផលប៉ះពាល់ដោយទឹកជំនន់” ។ “បន្ទាប់មកលុយអាចត្រូវបានបែងចែកតាមរបៀបដែលវាមិនត្រឹមតែមានប្រសិទ្ធភាពប៉ុណ្ណោះទេ វាក៏នឹងជួយមនុស្សដែលត្រូវការវាច្រើនបំផុតផងដែរ។”

នៅពេលដែលទិន្នន័យហូរដូចទឹក

ទិដ្ឋភាពពីលើអាកាសនៃភ្នំពណ៌បៃតងនៅលើដីសណ្ដទន្លេគុជ ភាគខាងកើតទីក្រុងហុងកុង ប្រទេសចិនភាគខាងត្បូង

បច្ចេកទេសគំរូថ្មីមួយត្រូវបានបង្កើតឡើងដោយក្រុមអ្នកស្រាវជ្រាវអន្តរជាតិអាចកំណត់វិធីដែលមានប្រសិទ្ធភាពក្នុងការគ្រប់គ្រងទឹក និងជួយកាត់បន្ថយការខ្វះខាតទឹកជាសកលបាន 50%។ ការសិក្សារបស់ក្រុមដែលបានបោះពុម្ពផ្សាយនៅក្នុង Nature Communications បានរកឃើញថា ការស្រាវជ្រាវអំពីកង្វះទឹកបច្ចុប្បន្នផ្តល់អាទិភាពដល់បរិមាណទឹកជាងគុណភាព។ ក្រុមការងារបានស្វែងយល់ពីកង្វល់នេះនៅក្នុងបរិបទនៃអាងទន្លេគុជនៅភាគខាងត្បូងប្រទេសចិន ហើយបានពិចារណាលើសេណារីយ៉ូសេដ្ឋកិច្ចសង្គម និងការប្រែប្រួលអាកាសធាតុខុសៗគ្នា។ អ្នកស្រាវជ្រាវបានពិនិត្យមើលជម្រើសនៃការគ្រប់គ្រងគុណភាពទឹក ដូចជាកាត់បន្ថយការប្រើប្រាស់ជីគីមី និងប្រព្រឹត្តិកម្មទឹកសំណល់ជាដើម។ ពួកគេក៏បានពិនិត្យជម្រើសបរិមាណទឹក ដូចជាការផ្ទុកទឹក និងបច្ចេកទេសសន្សំសំចៃទឹក។ ការសិក្សាបានណែនាំវិធីសាស្រ្តគំរូថ្មីមួយ ក្នុងចំណោមបុព្វហេតុទាំងអស់ គឺការពិចារណាពីផលប៉ះពាល់នៃជីវគីមីវិទ្យា ការប្រែប្រួលអាកាសធាតុ និងសកម្មភាពរបស់មនុស្សនៅលើដី។ “បញ្ហាប្រឈមរបស់យើងគឺការកាត់បន្ថយការខ្វះខាតទឹកប្រកបដោយប្រសិទ្ធភាព ធានាបាននូវទឹកគ្រប់គ្រាន់ និងមានគុណភាពល្អ ដើម្បីបំពេញតម្រូវការរបស់មនុស្ស បរិស្ថាន សង្គម និងសេដ្ឋកិច្ច។ និងគាំទ្រការអភិវឌ្ឍន៍ប្រកបដោយនិរន្តរភាព” នេះជាការសរសេឡើងរបស់សហអ្នកនិពន្ធ Taher Kahil អ្នកដឹកនាំក្រុមស្រាវជ្រាវសន្តិសុខទឹកនៅក្នុងកម្មវិធីជីវចម្រុះ និងធនធានធម្មជាតិនៅវិទ្យាស្ថានអន្តរជាតិសម្រាប់ការវិភាគប្រព័ន្ធប្រតិបត្តិការ (IIASA)។

ហេតុអ្វីបានជាវាសំខាន់៖ ជាងពាក់កណ្តាលនៃចំនួនប្រជាជនក្នុងពិភពលោករស់នៅក្នុងតំបន់ដែលមានទឹកស្អាតមិនគ្រប់គ្រាន់។ នេះបង្កបញ្ហាប្រឈមចំពោះតុល្យភាពរវាងការផ្គត់ផ្គង់ទឹក និងតម្រូវការ ហើយបង្កើតហានិភ័យសម្រាប់វិស័យសេដ្ឋកិច្ចដែលប្រើប្រាស់ទឹក ដូចជាកសិកម្មជាដើម។ វិស័យធនធានទឹកទទួលបានតិចជាង 1% នៃការវិនិយោគពីបច្ចេកវិទ្យាអាកាសធាតុ នេះបើយោងតាមវេទិកាសេដ្ឋកិច្ចពិភពលោក។ ការផ្លាស់ប្តូរឌីជីថលរបស់វិស័យនេះមានសារៈសំខាន់សម្រាប់ការគ្រប់គ្រងធនធាន និងនិរន្តរភាព។ បច្ចេកវិទ្យាឆ្លាតវៃដូចជាឧបករណ៍ចាប់សញ្ញាពីចម្ងាយ ប្រព័ន្ធធារាសាស្រ្តឆ្លាតវៃ និងឌីជីថលភ្លោះអាចឱ្យការត្រួតពិនិត្យបានទាន់ពេលវេលា និងជាក់ស្តែង ហើយការប្រើប្រាស់ទឹកប្រកបដោយប្រសិទ្ធភាព។ លោក Kahil បាននិយាយថា “កង្វះទឹកគឺជាបញ្ហាបរិស្ថានដ៏សំខាន់មួយនៅក្នុងពិភពលោក”។ “ការវិភាគរបស់យើងអាចប្រើជាប្លង់មេសម្រាប់វាយតម្លៃភាពខ្វះខាតទឹកនៅក្នុងអាងទន្លេដែលមានបញ្ហាកង្វះទឹក និងមានការបំពុលយ៉ាងធ្ងន់ធ្ងរ ដោយណែនាំដល់ការអភិវឌ្ឍន៍នៃយុទ្ធសាស្ត្រសន្សំសំចៃដើម្បីកាត់បន្ថយការខ្វះខាតទឹក”។

យល់ដឹងអំពីទឹកជំនន់

គំរូនេះបង្កើតឡើងវិញនូវជម្រៅនៃទឹកជំនន់ ប៉ុន្តែក៏មានល្បឿននៃទឹកជំនន់ដែលតំណាងដោយការផ្លាស់ប្តូរពណ៌ផងដែរ។ រូបភាព៖ សាកលវិទ្យាល័យអូសាកា។

ក្រុមអ្នកស្រាវជ្រាវនៅសាកលវិទ្យាល័យ Osaka នៃប្រទេសជប៉ុនបានបង្កើតប្រព័ន្ធគំរូជាក់ស្តែងចម្រុះមួយសម្រាប់ការព្យាករណ៍ និងការព្យាការណ៍ទឹកជំនន់ ដែលអ្នកប្រើប្រាស់អាចចូលប្រើប្រាស់បានពីស្មាតហ្វូន និងឧបករណ៍ចល័តផ្សេងទៀត។ ប្រព័ន្ធនេះធ្វើឱ្យប្រសើរឡើងនូវការត្រៀមខ្លួន និងការឆ្លើយតបរបស់សហគមន៍។ លោក Ryoma Tsujimoto អ្នកចងក្រងឯកសារបាននិយាយថា “យើងរំពឹងថាការសិក្សារបស់យើងនឹងជួយមនុស្សឱ្យយល់ច្បាស់អំពីហានិភ័យទឹកជំនន់ ដោយមិនគិតពីជំនាញរបស់ពួកគេ” ។ លោកបន្តថា នៅទីបំផុត លទ្ធផលស្រាវជ្រាវនឹងធ្វើឲ្យប្រសើរឡើងនូវសុវត្ថិភាពទូទៅរបស់មនុស្ស។

ហេតុអ្វីវាសំខាន់៖ ការប្រែប្រួលអាកាសធាតុកំពុងបង្កើនហានិភ័យទឹកជំនន់នៅក្នុងតំបន់ទីក្រុង។ ការកសាងគំរូជាលេខព្យាករណ៍ពីទឹកជំនន់ ពីភ្លៀងធ្លាក់ខ្លាំង និងទឹកទន្លេហូរ ដោយលទ្ធផលនៅលើផែនទីផ្ទៃរាបដែលមានមាត្រដ្ឋានកំណត់ អាចបង្កការលំបាកសម្រាប់សហគមន៍ក្នុងការយល់ដឹងពេញលេញអំពីហានិភ័យទឹកជំនន់។ ប្រព័ន្ធគំរូពិតស្តែងចម្រុះ (mixed reality system) នឹងបង្ហាញពីការមើលឃើញទិន្នន័យនៅលើរូបភាព ដោយទាញចេញជាពេលវេលាជាក់ស្តែងតាមតំបន់ទីក្រុង ដែលអនុញ្ញាតឱ្យអ្នកប្រើប្រាស់មើលឃើញកន្លែងដែលទឹកជំនន់ទំនងជានឹងកើតឡើង និងការរំដោះខ្លួនចេញពីហានិភ័យទឹកជំនន់។

ប្រភព៖ Bentley’s blog
អត្ថបទដោយ: Jay Moye

- Video Advertisement -

ព័ត៌មានដែលទាក់ទង

រដ្ឋសម្រេចដំឡើងរ៉ាដាព្យាករអាកាសធាតុបន្ថែមទៀត នៅខេត្តកណ្តាល ដើម្បីអាចព្យាករបានលឿនរហ័ស

១៥ ឧសភា ២០២៥

ក្រសួងធនធានទឹក និងឧតុនិយម គ្រោងនឹងពង្រឹងសមត្ថភាពព្យាករណ៍អាកាសធាតុនៅខេត្តកណ្តាល ជាមួយនឹងការដំឡើងប្រព័ន្ធរ៉ាដាថ្មីមួយនៅតំបន់ភ្នំប្រសិទ្ធ ក្នុងស្រុកពញាឮ។ គំនិតផ្តួចផ្តើមនេះ ត្រូវបានធ្វើឡើងក្នុងគោលបំណងផ្តល់នូវការព្យាករណ៍អាកាសធាតុបានលឿនរហ័ស និងត្រឹមត្រូវជាងមុន។ ប្រកាសដ៏សំខាន់នេះ ត្រូវបានលើកឡើងក្នុងអំឡុងពេលត្រួតពិនិត្យគម្រោង ដែលដឹកនាំដោយ ឯកឧត្តម ចាន់ ស៊ីណាត រដ្ឋលេខាធិការក្រសួង នៅថ្ងៃទី១១ ខែឧសភា ឆ្នាំ២០២៥។ នាឱកាសនោះ ឯកឧត្តម ចាន់ ស៊ីណាត បានឱ្យដឹងថា រ៉ាដាថ្មីនេះ គឺជាគម្រោងសាងសង់អគាររ៉ាដាតេជោសែនទី២ ស្ថិតនៅតំបន់ភ្នំប្រសិទ្ធិ៍ ស្រុកពញាឮ ខេត្តកណ្តាល ខណៈគម្រោងសាងសង់នេះទទួលហិរញ្ញប្បទានពីធនាគារអភិវឌ្ឍន៍អាស៊ី (ADB) តាមរយៈកិច្ចសហប្រតិបត្តិការដ៏ជិតស្និទ្ធជាមួយក្រសួងសេដ្ឋកិច្ច និងហិរញ្ញវត្ថុ។ ឯកឧត្តមបញ្ជាក់ថា ការដំឡើងរ៉ាដាថ្មីបន្ថែមនេះ គឺដើម្បីជួយផ្តល់ទិន្នន័យទាន់ពេលវេលា (real time) បម្រើដល់ការព្យាករអាកាសធាតុ និងធាតុអាកាស ជាពិសេសជួយដល់ការគ្រប់គ្រងវិស័យធនធានទឹក និងបម្រើឱ្យគ្រប់វិស័យពាក់ព័ន្ធ ហើយដែលជាតម្រូវការចាំបាច់ក្នុងបរិបទនៃការប្រែប្រួលអាកាសធាតុ។ គួររម្លឹកដែរថា ធនាគារអភិវឌ្ឍន៍អាស៊ី (ADB) ធ្លាប់បានបញ្ជាក់ជំហររបស់ខ្លួនយ៉ាងមុតមាំថានឹងផ្តល់ហិរញ្ញប្បទានលើការដំឡើងស្ថានីយ Doppler Radar(ស្ថានីយឧតុនិយម) តេជោសែនទី២ នៅអាកាសយានដ្ឋានអន្តរជាតិតេជោក្រុងតាខ្មៅ ក្នុងស្រុកកណ្តាលស្ទឹង ខេត្តកណ្តាល ក្នុងករណីដែលហិរញ្ញប្បទានពីសហគមន៍អឺរ៉ុបមានការយឺតយ៉ាវ។ (អានបន្ថែម) […]

ក្រុមហ៊ុន GGear និងLG នាំយកម៉ាស៊ីនត្រជាក់ ដែលប្រើបច្ចេកវិទ្យា(AI)ទំនើបចុងក្រោយបំផុត មកដល់កម្ពុជាហើយ

៩ ឧសភា ២០២៥

ដើម្បីឆ្លើយតបនឹងតម្រូវការលើទីផ្សារ ក្រុមហ៊ុនជីហ្គៀ គ្រុប និង LG Electronics បានសហការគ្នាក្នុងនាំចូលម៉ាស៊ីនត្រជាក់ម៉ាកទំនើបថ្មី និងជាបច្ចេកវិទ្យាចុងក្រោយបំផុតគឺ LG AI Air ដែលជាម៉ាស៊ីនត្រជាក់ឆ្លាតវៃ ងាយស្រួលប្រើប្រាស់និងសន្សំសំចៃខ្ពស់។ នៅថ្ងៃទី០៨ ខែឧសភា ឆ្នាំ ២០២៥ ក្រុមហ៊ុនទាំងពីរបានរៀបចំពិធីសម្ពោធ និងដាក់តាំងបង្ហាញនូវផលិតផលម៉ាស៊ីនត្រជាក់ថ្មីនេះ ក្នុងសណ្ឋាគារសាំងហ្គ្រីឡា ភ្នំពេញផងដែរ ដោយមានការចូលរួមពីអ្នកតំណាងលក់ជាច្រើន។ បើតាមសេចក្ដីប្រកាសព័ត៌មានរបស់ ក្រុមហ៊ុន ជីហ្គៀ គ្រុប បានឱ្យដឹងថា ម៉ាស៊ីនត្រជាក់ LG DualCool AI Air ជាប្រភេទម៉ាស៊ីនត្រជាក់ប្រភេទ Premiums ទាំងនៅលើទីផ្សារអេឡិចត្រូនិចលើពិភពលោក និងនៅក្នុងទីផ្សារកម្ពុជា។ នាឱកាសនោះ លោកឧកញ៉ា សុខ ពិសិដ្ឋ អគ្គនាយកក្រុមហ៊ុន ជីហ្គៀ គ្រុប មានប្រសាសន៍ថា បច្ចុប្បន្ន ភាពរីកចម្រើននៃបច្ចេកវិទ្យា AI និងតម្រូវការបច្ចេកវិទ្យានេះ បានជំរុញឱ្យមានការបញ្ជារទិញម៉ាស៊ីនត្រជាក់ និងគ្រឿងអេឡិចត្រូនិច LG មានការកើនឡើងកាន់តែខ្លាំង ជាពិសេសម៉ូដែល ដែលមានមុខងារឆ្លាតវៃ […]

ក្រុមហ៊ុនបច្ចេកវិទ្យាឈានមុខគេមកពីតៃវ៉ាន់ ចង់មកវិនិយោគលើវិស័យ១នេះនៅកម្ពុជា

១ ឧសភា ២០២៥

នៅក្នុងការអភិវឌ្ឍន៍ដ៏សំខាន់មួយសម្រាប់ទិដ្ឋភាពបច្ចេកវិទ្យារបស់ប្រទេសកម្ពុជា ក្រុមហ៊ុន ADATA Technology Co., Ltd. ដែលជាក្រុមហ៊ុនបច្ចេកវិទ្យាឈានមុខគេរបស់តៃវ៉ាន់បានបង្ហាញពីចំណាប់អារម្មណ៍របស់ខ្លួនជាផ្លូវការក្នុងការវិនិយោគលើវិស័យបច្ចេកវិទ្យាទំនើបនៅកម្ពុជា។ ការប្រកាសនេះធ្វើឡើងក្នុងជំនួបរវាងលោក ហ៊ុន ម៉ាណែត នាយករដ្ឋមន្ត្រីកម្ពុជា និងលោក CHEN Simon ប្រធាន ADATA ដែលប្រព្រឹត្តទៅនៅថ្ងៃទី៣០ ខែមេសា ឆ្នាំ២០២៥។ ក្នុងកិច្ចពិភាក្សារបស់ពួកគេ លោក CHEN Simon បានលើកឡើងពីកិច្ចខិតខំប្រឹងប្រែងរបស់ក្រុមហ៊ុន មិនត្រឹមតែការវិនិយោគប៉ុណ្ណោះទេ ប៉ុន្តែថែមទាំងចង់សហការជាមួយក្រសួង ស្ថាប័ននានារបស់កម្ពុជា ដើម្បីបង្កើនការបណ្តុះបណ្តាល និងការអភិវឌ្ឍធនធានមនុស្សក្នុងវិស័យបច្ចេកវិទ្យាទំនើបថែមទៀតផង។ ការផ្តោតជាយុទ្ធសាស្ត្រនេះ មានគោលបំណងចង់លើកកម្ពស់សមត្ថភាពរបស់កម្ពុជាក្នុងវិស័យបច្ចេកវិទ្យានាយុគសម័យថ្មីនេះ។ ជាការឆ្លើយតប សម្តេចធិបតី បានស្វាគមន៍ ក្រុមហ៊ុនដែលចាប់អារម្មណ៍វិនិយោគនៅកម្ពុជា ខណៈសម្តេចថា ការអភិវឌ្ឍវិស័យបច្ចេកវិទ្យានៅកម្ពុជា គឺជាវិស័យអាទិភាពមួយរបស់រាជរដ្ឋាភិបាល។ ទន្ទឹមគ្នានេះដែរ សម្តេច ក៏បានលើកទឹកចិត្តឱ្យក្រុមហ៊ុនបន្តភ្ជាប់ទំនាក់ទំនងជាមួយក្រសួងពាក់ព័ន្ធបន្ថែមទៀត ដើម្បីចាប់យកឱកាសវិនិយោគនៅកម្ពុជា។ គួររម្លឹកថា កាលថ្ងៃទី១៤ ខែធ្នូ ឆ្នាំ២០២៣ ក្រុមហ៊ុនរបស់តៃវ៉ាន់ ADATA Technology Co., Ltd ធ្លាប់បានប្រកាសពីគម្រោងវិនិយោគរបស់ខ្លួនម្តងរួមមកហើយ ដែលគម្រោងនោះមានតម្លៃដល់ជាង ១០០លានដុល្លារ ក្នុងការសាងសង់រោងចក្រសម្រាប់ផលិតផលអេឡិចត្រូនិកជាច្រើនប្រភេទនៅប្រទេសកម្ពុជា។ […]

ក្រុមហ៊ុនចិនមកពីគ័ងចូវ ចង់វិនិយោគវិស័យយានយន្តដែលប្រើប្រាស់ថាមពលថ្មី នៅកម្ពុជា

២៩ មេសា ២០២៥

ក្រុមហ៊ុន Infinite Capital Holding Company (ICAP) ដែលជាក្រុមហ៊ុនឈានមុខគេក្នុងវិស័យបច្ចេកវិទ្យា និងកសិ-ឧស្សាហកម្ម និងមានមូលដ្ឋាននៅទីក្រុងក្វាងចូវ ប្រទេសចិន បានប្រកាសពីចេតនារបស់ខ្លួនក្នុងការវិនិយោគលើវិស័យយានយន្តដោយប្រើប្រាស់ថាមពលថ្មី និងកសិឧស្សាហកម្ម ជាពិសេសផ្តោតលើកសិផលគ្រាប់ស្វាយចន្ទីនៅកម្ពុជា។ នេះបើតាមជំនួបរវាងឯកឧត្តម ជា វុទ្ធី អគ្គលេខាធិការក្រុមប្រឹក្សាអភិវឌ្ឍន៍កម្ពុជា ជាមួយលោក ចាង ឆាវមីន (Zhang Chaomin) ប្រធាន និងជាអគ្គនាយកប្រតិបត្តិនៃក្រុមហ៊ុន នៅថ្ងៃទី២៨ ខែមេសា ឆ្នាំ២០២៥។ ក្នុងជំនួបនេះ ឯកឧត្តម ជា វុទ្ធី បានជំរុញលើកទឹកចិត្តឱ្យក្រុមហ៊ុនរួសរាន់បណ្តាក់ទុនវិនិយោគនៅកម្ពុជា ដើម្បីចាប់យកកាលានុវត្តភាពដែលកំពុងមាន និងឆាប់ទទួលបានផលចំណេញ។ ក្នុងនោះដែរ ឯកឧត្តមក៏ បានរំលេចឡើងនូវសក្តានុពល និងកាលានុវត្តភាពក្នុងការវិនិយោគលើវិស័យទាំងពីរនេះនូវគោលនយោបាយគាំទ្រ និងក្របខណ្ឌលើកទឹកចិត្តផ្សេងៗដល់ក្រុមហ៊ុនខាងលើ។ ធាតុសំខាន់នៃកិច្ចពិភាក្សានេះ ក៏បានផ្តោតទៅលើគោលនយោបាយជាតិស្តីពីការអភិវឌ្ឍវិស័យយានយន្តអគ្គិសនី ២០២៤-២០៣០ ដែលដើរតួនាទីជាផែនទីបង្ហាញផ្លូវ និងជាកម្លាំងចលករដ៏មានប្រសិទ្ធភាពសម្រាប់តម្រង់ទិសដល់ការវិនិយោគ ការជំរុញការប្រើប្រាស់ និងការអភិវឌ្ឍប្រព័ន្ធអេកូទ្បូស៊ីយានយន្តអគ្គសនី។ ដើម្បីជំរុញការងារក្នុងស្រុក និងជំរុញកំណើនសេដ្ឋកិច្ចក្នុងតំបន់ សម្តេចនាយករដ្ឋមន្រ្តី ហ៊ុន ម៉ាណែត បានសម្រេចផ្តល់នូវគោលការណ៍បង្កើតសួនឧស្សាហកម្មស្វាយចន្ទីដល់អាជ្ញាធរខេត្តកំពង់ធំ។ (អានបន្ថែម) តំបន់កសិឧស្សាហកម្មស្វាយចន្ទីនេះ នឹងទទួលបានការលើកទឹកចិត្តទាំងផ្នែកសារពើពន្ធ […]

រនាំងពន្ធគយអាមេរិកនឹងជះឥទ្ធិពលខ្លាំងដល់គម្រោងសាងសង់មជ្ឈមណ្ឌលទិន្នន័យដ៏ធំ១នៅ…

២៥ មេសា ២០២៥

រនាំងពន្ធគយអាមេរិកនឹងជះឥទ្ធិពលអវិជ្ជមានដល់ការសាងសង់មជ្ឈមណ្ឌលទិន្នន័យ ជាលទ្ធផល ការចំណាយលើដំណើរការ AI នឹងកាន់តែខ្ពស់។ ជាធម្មតា ការកសាងមជ្ឈមណ្ឌលទិន្នន័យតម្រូវឱ្យមានសម្ភារៈផ្គត់ផ្គង់ ដូចជាឧបករណ៍សំណង់ បរិក្ខារអគ្គិសនី និងប្រព័ន្ធម៉ាស៊ីនត្រជាក់ជាដើម។ល។ ទោះបីជាកាលមុនបណ្តាញ IT និងហេដ្ឋារចនាសម្ព័ន្ធរបស់វាត្រូវបានសាងសង់ហើយក៏ដោយ ក៏រាល់ថ្លៃដើមសំណង់នឹងមានការកើនឡើង ដូច្នេះចំណាយនៃការងារសាងសង់អគារមជ្ឈមណ្ឌលទិន្នន័យនឹងជះឥទ្ធិពលដល់អតិថិជនដែលជាសហគ្រាស។ នៅបើយោងតាម yahoo finance។ ភាពមិនច្បាស់លាស់នៅពេលបច្ចុប្បន្ន បានធ្វើឱ្យផែនការរយៈពេលវែងកាន់តែពិបាក ហើយការរចនាប្លង់ និងការសាងសង់ទាមទារនូវការគិតគូរយ៉ាងប្រុងប្រយ័ត្ន ក៏ដូចជា ផែនការយុទ្ធសាស្រ្តសម្រាប់ការគ្រប់គ្រងគម្រោង។ ពន្ធលើដែកថែប អាលុយមីញ៉ូម និងទង់ដែង សម្ភារៈប្រើប្រាស់សម្រាប់ការសាងសង់មជ្ឈមណ្ឌលទិន្នន័យនឹងប្រែក្លាយទៅជាការចំណាយដ៏ខ្ពស់បំផុត។ ពន្ធគយអាមេរិកនឹងរំខានដល់ទីផ្សារខាងក្នុងផ្ទាល់របស់សហរដ្ឋអាមេរិក ដោយសារតែសមាសធាតុភាគច្រើនដែលប្រើប្រាស់ក្នុងការសាងសង់មជ្ឈមណ្ឌលទិន្នន័យត្រូវបានផលិតនៅខាងក្រៅសហរដ្ឋអាមេរិក ហើយសូម្បីតែផលិតផលដែលផលិតនៅសហរដ្ឋអាមេរិកក៏នឹងមានតម្លៃថ្លៃជាងមុនផងដែរ នេះក៏ដោយសារតែតម្រូវការខ្ពស់ និងការកើនឡើងនៃតម្លៃវត្ថុធាតុដើមនាំចូល។ គ្រឿងបរិក្ខារ រួមទាំងហេដ្ឋារចនាសម្ព័ន្ធអគ្គិសនី និងប្រព័ន្ធម៉ាស៊ីនត្រជាក់ដែលនាំចូលពីប្រទេសដែលមានពន្ធខ្ពស់មួយចំនួនដូចជា ចិន តៃវ៉ាន់ និងប្រទេសផ្សេងទៀតនៅក្នុង APAC នឹងកាន់តែពិបាកសម្រាប់ការនាំចូល ដែលនឹងនាំឱ្យមានការពន្យារពេលផែនការពង្រីកមជ្ឈមណ្ឌលទិន្នន័យ។ ទោះបីជាមានការផ្អាករយៈពេល ៩០ថ្ងៃ ក្នុងការអនុវត្តពន្ធលើទំនិញនាំចូលទាំងអស់ក៏ដោយ ប៉ុន្តែពេលវេលាកំណត់អាចបង្កឱ្យមានភាពចលាចលបន្ថែមទៀតចាប់ពីថ្ងៃទី៩ ខែកក្កដា ឆ្នាំ២០២៥ តទៅ នៅពេលដែលថ្ងៃផុតកំណត់នៃសង្គ្រាមពាណិជ្ជកម្មនឹងមកដល់។ ពន្ធ រួមមានអត្រា ៣២% សម្រាប់តៃវ៉ាន់ ឬ […]

រដ្ឋកំណត់គោលការណ៍គ្រប់គ្រងសំណល់បរិក្ខារអគ្គិសនី និងអេឡិចត្រូនិច ដើម្បីពង្រឹងសុវត្តិភាពបរិស្ថាននៅកម្ពុជា

២៧ មិនា ២០២៥

នៅក្នុងវិធានការដ៏សំខាន់មួយ ដើម្បីបង្កើនសុវត្ថិភាពបរិស្ថាន ក្រសួងបរិស្ថាននៅកម្ពុជា បានបង្កើតគោលការណ៍ណែនាំថ្មីសម្រាប់ការគ្រប់គ្រងសំណល់អគ្គិសនី និងអេឡិចត្រូនិច (សំណល់អេឡិកត្រូនិក)។ គំនិតផ្តួចផ្តើមនេះដែលមានចែងក្នុងប្រកាសលេខ ២១៩៦/០៣២៥ ប្រក.ប.ស្ថ/អគព ចុះថ្ងៃទី១៨ ខែមីនា ឆ្នាំ២០២៥ ក្នុងគោលបំណងធានាថា ក្រុមហ៊ុនផលិត អ្នកនាំចូល និងអ្នកផ្គត់ផ្គង់ផ្តាច់មុខនៃឧបករណ៍អគ្គិសនី និងអេឡិចត្រូនិច ប្រកាន់ខ្ជាប់នូវទំនួលខុសត្រូវផ្នែកបរិស្ថានសម្រាប់ការគ្រប់គ្រងកាកសំណល់ទាំងនោះ។ ប្រកាសដដែលនេះ បានឱ្យដឹងបន្ថែមថា រូបវន្តបុគ្គល ឬនីតិបុគ្គលជាអ្នកផលិតអ្នកនាំចូល ឬផ្គត់ផ្គង់ផ្តាច់មុខលើបរិក្ខារអគ្គិសនី និងអេឡិចត្រូនិក ត្រូវរៀបចំ និងអនុវត្តប្រព័ន្ធប្រមូលដោយខ្លួនឯងដោយមានការអនុញ្ញាតពីក្រសួងបរិស្ថាន ឬសហការជាមួយ ក្រុមហ៊ុនផ្តល់សេវាប្រមូលដឹកជញ្ជូន និងទុកដាក់សំណល់បរិក្ខារអគ្គិសនី និងអេឡិចត្រូនិកដែលមានលិខិតអនុញ្ញាតពីក្រសួងបរិស្ថាន។ ក្នុងនោះ ការរៀបចំការប្រមូល ដឹកជញ្ជូន និងទុកដាក់សំណល់បរិក្ខារអគ្គិសនី និងអេឡិចត្រូនិក មានដូចខាងក្រោមនេះ៖ រៀបចំយន្តការប្រមូល ដឹកជញ្ជូន និងទុកដាក់សំណល់បរិក្ខារអគ្គិសនី និងអេឡិចត្រូនិក រៀបចំទីតាំងប្រមូល ដោយធ្វើការបែងចែក និងដាក់ស្លាកសញ្ញាសម្គាល់ប្រភេទសំណល់បរិក្ខារអគ្គិសនី និងអេឡិចត្រូនិក រៀបចំទីតាំងទុកដាក់ចុងក្រោយសំណល់បរិក្ខារអគ្គិសនី និងអេឡិចត្រូនិកដែលប្រមូលបាន ឬ ត្រូវនាំត្រឡប់ទៅប្រទេសដើមវិញ។ បន្ថែមពីនេះ អ្នកផលិត អ្នកនាំចូល ឬអ្នកផ្គត់ផ្គង់ផ្តាច់មុខលើបរិក្ខារអគ្គិសនី និងអេឡិចត្រូនិក ត្រូវទទួលខុសត្រូវគ្រប់គ្រង និងប្រព្រឹត្តិកម្មសំណល់បរិក្ខារអគ្គិសនី […]

រឿង​ដ៏អស្ចារ្យ​​ទាំង៥ ក្នុង​ហេដ្ឋារចនាសម្ព័ន្ធឌីជីថលប្រចាំសប្តាហ៍