Total Solar គ្រោងផ្គត់ផ្គង់ថាមពលពន្លឺព្រះអាទិត្យថ្មីនៅលើកោះរ៉ុងសន្លឹម

9 ខែមិថុនា 2020
Uncategorized @km
5 មើល

ក្រុមហ៊ុន Total Solar Cambodia គ្រោងនឹងផលិត និងផ្គត់ផ្គង់ថាមពលអគ្គិសនី ដើរដោយពន្លឺព្រះអាទិត្យថ្មីមួយនៅលើកោះរ៉ុងសន្លឹម ដើម្បីផ្គត់ផ្គង់តម្រូវការរបស់ប្រជាជនក្នុងតំបន់នេះ។ នេះបើយោងតាម ការចេញផ្សាយរបស់ក្រុមហ៊ុន កាលពីពេលថ្មីៗនេះ។

គម្រោងថាមពលពន្លឺព្រះអាទិត្យនេះ នឹងសាងសង់ជាប្រព័ន្ធហាយប្រីដ ក្រៅបណ្តាញ ដែលរៀបបញ្ចូលគ្នារវាងស្ថានីយថាមពលសូឡា មានអានុភាព ១,២៥ មេហ្កាវ៉ាត់ និងប្រព័ន្ធអាគុយសមត្ថភាព ២,០ មេហ្កាវ៉ាដែលមានទីតាំងស្ថិតនៅលើកោះរ៉ុងសន្លឹម សម្រាប់ផ្គត់ផ្គង់ថាមពលអគ្គិសនី ដល់ប្រជាជន ក៏ដូចជាអាជីវកម្មដែលស្ថិតនៅលើកោះនេះផងដែរ។

គួរបញ្ជាក់ផងដែរថា គម្រោងកោះរ៉ុងសន្លឹមនេះគឺជាផ្នែកមួយនៃការអនុវត្ត “គម្រោងថាមពលសូឡាអាស៊ីប៉ាស៊ីហ្វិក២០២០” ដែលក្រុមហ៊ុនTotal Solar DG នេះ គ្រោងនឹងសាងសង់ស្ថានីយថាមពលអគ្គិសនី ដើរដោយពន្លឺព្រះអាទិត្យនៅប្រទេសចំនួន 0៣។ យោងតាមការចុះផ្សាយរបស់ PV magazine កាលពីចុងខែមុន។

នៅប្រទេសថៃ គម្រោងសូឡាលើដំបូលរោងចក្រចំនួន ២៤ ឱ្យក្រុមហ៊ុនThai agro-industrial giant Betagro Groupដែលមានទំហំ ២៥ MW ប្រើប្រាស់ ៦២ ០០០ ផ្ទាំងសូឡា។ នៅប្រទេសឥណ្ឌូនេស៊ី គម្រោងសូឡាសម្រាប់ព្រលានយន្តហោះ APT Pranoto Airport នៅលើកោះ Samarindaដែលជានឹងក្លាយព្រលានយន្តហោះទីមួយ ដំណើរការដោយថាមពលសូឡា។ និងគម្រោងទី០៣ នៅកម្ពុជា គឺគម្រោងកោះរ៉ុងសន្លឹមនេះ។

បច្ចុប្បន្ននេះ ក្រុមហ៊ុនTotal Solar DG បាននិងកំពុងអភិវឌ្ឍន៍នូវគម្រោងថាមពលសូឡា បានសរុបប្រមាណ ៦០០ មេហ្កាវ៉ាត់ហើយ នៅប្រទេសអាស៊ីប៉ាស៊ីហ្វិក រួមមានប្រទេស ហ្វីលីពីន កម្ពុជា ថៃ និងឥណ្ឌូនេស៊ី និងគ្រោងសម្រេចឱ្យបាន គម្រោងថាមពលសូឡាលើដំបូល ១០០០ មេហ្កាវ៉ាត់ ត្រឹមពីរបីឆ្នាំក្រោយ៕

- Video Advertisement -