UNDP សន្យាជួយកៀងគរជំនួយហិរញ្ញវត្ថុសម្រាប់គម្រោងរោងចក្រថាមពលនានានៅកម្ពុជា

• 30 ខែ​វិច្ឆិកា 2021
• Uncategorized
• 8 មើល

UNDP បានសន្យាថា នឹងជួយស្វែងរកជំនួយផ្សេងៗ និងកៀងគរថវិកាពីដៃគូអភិវឌ្ឍន៍នានា ដើម្បីអភិវឌ្ឍវិស័យថាមពលរបស់កម្ពុជា ជាពិសេសលើគម្រោងប្រសិទិ្ធភាពថាមពល និងការប្រយុទ្ធប្រឆាំងបញ្ហាប្រែប្រួលអាកាសធាតុ។

នេះជាការលើកឡើងរបស់លោកស្រី Alissar Chaker ប្រធានUNDP ប្រចាំកម្ពុជាក្នុងជំនួបរវាងឯកឧត្តម ស៊ុយ សែម រដ្ឋមន្រ្តីក្រសួងរ៉ែ និងថាមពលនៅថ្ងៃទី៣០ ខែវិច្ឆិកា ឆ្នាំ២០២១។

ក្នុងជំនួបខាងលើនេះ ភាគីទាំងពីរ បានស្វែងយល់បន្ថែមអំពីទស្សន:វិស័យរបស់ក្រសួង និងគម្រោងអាទិភាពនានាពាក់ព័ន្ធទៅនឹងការអភិវឌ្ឍប្រសិទិ្ធភាពថាមពល ក៏ដូចជាឱកាស និងគំនិតផ្តួចផ្តើមថ្មីៗបន្ថែមទៀត ដើម្បីបន្តនិងជំរុញកិច្ចសហប្រតិបត្តិការក្នុងវិស័យថាមពល។

លើសពីនេះ ភាគីទាំងពីរ ក៏បេ្តជ្ញាពង្រឹងការអនុវត្តស្របតាមអនុស្សារណៈយោគយល់គ្នា និងពង្រឹងភាពជាដៃគូ ក្នុងវិស័យថាមពលបន្តទៀត។

ឯកឧត្តមរដ្ឋមន្ត្រី ស៊ុយ សែម បានបង្ហាញនូវគោលដៅនៃការអភិវឌ្ឍវិស័យថាមពលនៅកម្ពុជា លទ្ធផលការងារ ក៏ដូចជាការរៀបចំគោលនយោបាយជាតិស្តីពីប្រសិទ្ធិភាពថាមពលពាក់ព័ន្ធទៅនឹងបញ្ហាអាកាសធាតុផងដែរ។

 

• ថាមពល និងបរិស្ថាន
• Energy and Environment
• ថាមពល និងបរិស្ថាន