Urban Village សហការជាមួយសមាគមអចលនទ្រព្យសកលដើម្បីពង្រឹងការលក់ក្នុងកំឡុងកូវីដ ១៩

• 15 ខែ​កញ្ញា 2020
• ព័ត៌មានអចលនទ្រព្យ
• 9 មើល

ក្រុមហ៊ុនអភិវឌ្ឍន៍អចលនទ្រព្យ Urban Village កាលពីថ្ងៃទី ១៤ កញ្ញា ២០២០នេះ បានចុះអនុស្សរណៈយោគយល់គ្នាជាមួយសមាគមនអចលនទ្រព្យសកល (GRA) ដើម្បីពង្រឹងការលក់របស់ខ្លួន ក្នុងកំឡុងវិបត្តិកូវីដ ១៩។

លោក Ben Li ស្ថាបនិក និងអគ្គនាយកក្រុមហ៊ុនអភិវឌ្ឍន៍អចលនទ្រព្យ Urban Village បានប្រាប់ទស្សនាវដ្ដីសំណង់ និងអចលនទ្រព្យថា ៖ «អនុស្សារណៈយោគយល់នេះ គឺដើម្បីជាការជួយគាំទ្រគ្នាទៅវិញទៅមក ពោលគឺ ខាងសមាគម (GRA) នឹងជួយពង្រឹកការលក់ខុនដូរបស់យើង ហើយយើងនឹងជួយគាំទ្រដល់កម្មវិធីផ្សេងៗដល់សមាគមវិញ»។

លោកបានបន្ថែមថា៖ « GRA មានមេដឹកនាំឆ្នើមដូច លោក សំ សុខ នឿន (សេម) ដែលជាបុគ្គលលេចធ្លោនៅក្នុងអចលនទ្រព្យ ដែលតែងតែផ្តោតសំខាន់លើគុណភាព ក៏ដូចជាធ្វើការស្រាវជ្រាវយ៉ាងលម្អិតលើគម្រោងនីមួយៗ។ មុនពេលសហការជាមួយយើង លោក សេម បានខិតខំយកចិត្តទុកដាក់សិក្សាស្រាវជ្រាវលើគម្រោងយើងអស់រយៈពេលជាងកន្លះឆ្នាំ។ នេះជាហេតុផលដែលយើងសហការជាមួយ GRA»។

គួរបញ្ជាក់ផងដែរ គម្រោង Urban Village ដំណាក់កាលទី ២ គឺជាគម្រោងទី ៣ របស់ក្រុមហ៊ុនបន្ទាប់ពីគម្រោង Urban Village ទី១ និង Urban Loft។ គម្រោងដំណាក់កាលទី ២ បច្ចុប្បន្នកំពុងបុកគ្រឹះ ដែលបានប្រមាណ ៤៥០ សសរហើយ ក្នុងចំណោមសសរសរុប ៥៤០ ។

ចំពោះដំណាក់កាលទី ២ គឺគ្រោងនឹងបញ្ចប់ការសាងសង់នៅខែ មិថុនា ឆ្នាំ ២០២៣ ខាងមុខនេះ។

• គម្រោងអភិវឌ្ឍន៍
• គម្រោងអភិវឌ្ឍន៍