អ្វីទៅជាដីសម្បទានសង្គមកិច្ច? ដើម្បីទទួលបានដីសម្បទានសង្គមកិច្ច តើត្រូវមានលក្ខខណ្ឌអ្វីខ្លះ?

តាំងពីចាប់ផ្ដើមគម្រោងកាលពីឆ្នាំ ២០០៨ មកទល់បច្ចុប្បន្ន ដីធ្លីសរុបយ៉ាងហោចជាង ៣ម៉ឺនហិកតា ត្រូវបានផ្ដល់ជូនប្រជាពលរដ្ឋក្រីក្រជាង ៥ ម៉ឺនគ្រួសារ ដោយចំណាយថវិកាសរុបជិត ៤០ លានដុល្លារ តាមរយៈគម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ច ឬស្គាល់ជាទូទៅថា LASED ។

តើដីសម្បទានសង្គមកិច្ចជាអ្វី? ពលរដ្ឋក្រីក្រត្រូវមានលក្ខណៈសម្បត្តិអ្វីខ្លះទើបទទួលបានដី? ប្រជាជនទូទៅមានសិទ្ធិឬទេ?

បើតាមអនុក្រឹត្យលេខ ១៩ អនក្រ.បក ចុះថ្ងៃទី១៩ ខែមីនា ឆ្នាំ២០០៣ ដីសម្បទានសង្គមកិច្ច គឺជាយន្តការផ្ទេរដីឯកជនរបស់រដ្ឋតាមផ្លូវច្បាប់ សម្រាប់គោលបំណងសង្គមកិច្ចដល់ជនក្រីក្រ ដែលខ្វះខាតដីសម្រាប់សង់លំនៅឋាន ឬ/និងធ្វើកសិកម្មជាលក្ខណៈគ្រួសារ។

ដីសម្បទានសង្គមកិច្ចនេះមានច្រើនទម្រង់ និងច្រើនកម្មវិធី ប៉ុន្តែកម្មវិធីដែលពេញនិយមជាងគឺ LASED ដែលជាការសហការគ្នារវាងក្រសួងរៀបចំដែនដី នគរូបនីយកម្ម និងសំណង់ និងធនាគារពិភពលោក និងសរុបជំហានទី ៣ ក្រោមទឹកប្រាក់ ១៣០លានដុល្លារ។ (អានបន្ថែម)

តាមច្បាប់ ដីសម្បទានសង្គមកិច្ចសម្រាប់សង់លំនៅឋាន គឺមានទំហំធំបំផុត ១២០០ ម៉ែត្រការ៉េ តែករណីដីមានទីតាំងនៅតំបន់ជនបទ ដីអាចមានទំហំដល់ទៅ ៣៦០០ ម៉ែត្រការ៉េ។ ដោយឡែក ចំពោះនៅតាមតំបន់ទីក្រុង សម្បទានដីសង្គមកិច្ចខ្លះ អាចផ្ដល់ឱ្យជាទម្រង់សហកម្មសិទ្ធិ ។

រីឯ ដីសម្បទានសង្គមកិច្ចសម្រាប់ធ្វើកសិកម្មវិញ មានទំហំធំបំផុត ២ហិកតា ។ ប៉ុន្តែនៅក្នុងតំបន់ខ្លះ អាចដំឡើងរហូតដល់ ៥ ហិកតា អាស្រ័យទៅតាមលក្ខណៈដីសក្តានុពល ដីប្រភេទដំណាំ និងកម្លាំងពលកម្មរបស់គ្រួសារអ្នកសុំដី។

បើតាមច្បាប់ ជនដែលអាចស្នើសុំដីត្រូវមានលក្ខណៈសម្បត្តិដូចខាងក្រោម៖

  • មានសញ្ជាតិខ្មែរ និងមានសមត្ថភាពតាមផ្លូវច្បាប់ ដែលភាគច្រើន ជាគ្រួសារក្រីក្រ គ្រួសារផ្លាស់ទីលំនៅដោយសារគម្រោងហេដ្ឋារចនាសម្ព័ន្ធសាធារណៈ គ្រួសាររងគ្រោះដោយសារគ្រោះធម្មជាតិ និងគ្រួសារយុទ្ធជនពលីពិការ ជាដើម
  • ជាមេគ្រួសារនៃគ្រួសារដែលមានសមាជិក ២ ឬច្រើននាក់ ដែលជាប់សាច់សាលោហិតជាមួយគ្នា ហើយរស់នៅជាមួយគ្នាក្នុងលំនៅឋានតែមួយ
  • បំពេញលក្ខណៈវិនិច្ឆ័យខាងហិរញ្ញវត្ថុ របស់ក្រសួងសង្គមកិច្ច (បញ្ជាក់ថាក្រីក្រពិតមែន)
  • មិនមែនជាកម្មសិទ្ធិដីផ្សេងទៀតដែលមានទំហំស្មើ ឬលើសពីការកំណត់នៃទំហំដីសម្បទានសង្គមកិច្ច
  • ត្រៀមខ្លួនរួចជាស្រេច មានឆន្ទៈ និងមានលទ្ធភាពចូលរួមក្នុងកម្មវិធីសម្បទានដីសង្គមកិច្ច ស្របតាមផែនការ

បន្ថែមពីនេះ ប្រជាពលរដ្ឋដែលជាមុខសញ្ញាទទួលបានដីសម្បទានសង្គមកិច្ច ត្រូវធ្វើកិច្ចសន្យាជាលាយលក្ខណ៍អក្សរជាមួយអាជ្ញាធរមានសមត្ថកិច្ចផ្តល់ដី ដែលបញ្ជាក់ពីសិទ្ធិ និងការទទួលខុសត្រូវរបស់ខ្លួន។

ក្រោយចុះកិច្ចសន្យា មុខសញ្ញាអ្នកទទួលដីសង្គមកិច្ច ត្រូវសាងសង់លំនៅឋានអចិន្ត្រៃយ៍ក្នុងរយៈពេល ៣ខែ ហើយសមាជិកនៃគ្រួសារត្រូវរស់នៅឱ្យបានពិតប្រាកដ និងជាអចិន្ត្រៃយ៍ឱ្យបានលើសពី ៦ ខែក្នុងមួយឆ្នាំ។

ដោយឡែកដីសម្បទានសង្គមកិច្ចសម្រាប់កសិកម្មជាលក្ខណៈគ្រួសារ មុខសញ្ញាអ្នកទទួលបានដី ត្រូវធ្វើកសិកម្មជាក់ស្តែងលើដីនោះ ក្នុងរយៈពេល ១២ខែ ហើយបន្តប្រើប្រាស់ដីនោះស្របតាមលក្ខខណ្ឌ។

គួរបញ្ជាក់ថា បន្ទាប់ពីបានអនុវត្តត្រឹមត្រូវតាមលក្ខខណ្ឌបាន ៥ឆ្នាំ មុខសញ្ញាអ្នកទទួលដីមានសិទ្ធិលើដីនោះ និងអាចស្នើ សុំប័ណ្ណកម្មសិទ្ធិបាន។

- Video Advertisement -

ព័ត៌មានដែលទាក់ទង

រដ្ឋកំណត់យកភូមិល្វា ក្នុងខេត្តបាត់ដំបង អភិវឌ្ឍទៅជាភូមិគំរូគន្លឹះរបស់កម្ពុជា

ក្នុងជំហានដ៏សំខាន់មួយឆ្ពោះទៅរកការអភិវឌ្ឍន៍ជនបទ រដ្ឋាភិបាលកម្ពុជាបានកំណត់យកភូមិល្វាក្នុងខេត្តបាត់ដំបងអភិវឌ្ឍទៅជាភូមិគំរូសម្រាប់ភូមិដទៃៗទៀតនៅទូទាំងប្រទេស។ គំនិត​ផ្តួចផ្តើម​នេះ​មាន​គោលបំណង​លើក​កម្ពស់​កម្រិត​ជីវភាព​ក្នុង​មូលដ្ឋាន និង​លើកកម្ពស់​ការ​អភិវឌ្ឍ​ប្រកបដោយ​ចីរភាព​នៅ​ជនបទ​។ នៅថ្ងៃទី០៣ ខែមីនា ឆ្នាំ២០២៥ ឯកឧត្តម ឆាយ រិទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានដឹកនាំគណៈប្រតិភូចុះពិនិត្យភូមិល្វា ឃុំល្វា ស្រុកបវេល ខេត្តបាត់ដំបង។ ការចុះត្រួតពិនិត្យនេះធ្វើឡើងតាមសំណើរបស់មន្ទីរអភិវឌ្ឍន៍ជនបទខេត្តបាត់ដំបង ដែលមានបំណងចង់ប្រែក្លាយភូមិល្វាទៅជាភូមិគំរូសម្រាប់ភូមិផ្សេងៗទៀតនៅទូទាំងប្រទេស។ ភូមិនេះ ស្ថិតនៅលើផ្ទៃដី ៥៦៤ហិកតា ក្នុងនោះមានផ្ទៃដីកសិកម្មចំនួន ៦៤ហិកតា ផ្ទៃដីសហគមន៍ជាង ១ហិកតា និងដីលំនៅដ្ឋានចំនួន ៤៦០ហិកតា។ ភូមិ​នេះ​មាន​ផ្ទះ​ចំនួន ៣៦៩ខ្នង ដែល​អាច​ស្នាក់នៅ​បាន​ ៦១៦គ្រួសារ។ ហេដ្ឋារចនាសម្ព័ន្ធនៅភូមិល្វាមានភាពរឹងមាំ មានសាលារៀន មណ្ឌលសុខភាព ផ្សារ មជ្ឈមណ្ឌលសហគមន៍ពហុបំណង បណ្តាញផ្លូវថ្នល់ និងប្រឡាយចំនួនបី ដែលមានប្រវែងសរុប ២,៦ គីឡូម៉ែត្រ។ ជាងនេះទៅទៀត ភូមិល្វាមានទីតាំងនៅជិតទន្លេមង្គលបូរី ដែលអាចធានាបាននូវការផ្គត់ផ្គង់ទឹកប្រកបដោយស្ថិរភាព សម្រាប់កសិករក្នុងស្រុកធ្វើស្រែបានច្រើនដងក្នុងមួយឆ្នាំ។ ក្រសួងអភិវឌ្ឍន៍ជនបទមានផែនការក្នុងការអភិវឌ្ឍន៍ភូមិគំរូយ៉ាងហោចណាស់ឱ្យបាន៥០ ជារៀងរាល់ឆ្នាំរវាងឆ្នាំ ២០២៥ – ២០២៨ ដោយផ្តោតលើតំបន់ដែលមានសហគមន៍ជនជាតិដើមភាគតិច និងភូមិផ្សេងទៀតដែលបង្ហាញពីសក្តានុពល។ គំនិតផ្តួចផ្តើមនេះមានគោលបំណងបង្កើនចំនួនភូមិគំរូសរុបក្នុងប្រទេសកម្ពុជាដល់ ២៣០ នៅឆ្នាំ ២០២៨។(អានបន្ថែម)  […]

រដ្ឋាភិបាលកម្ពុជាសម្រេចលើកលែងពន្ធអចលនទ្រព្យនៅទីតាំង១ចំនួន និងបន្ទូរបន្ថយពន្ធសម្រាប់ដីកសិកម្ម

នៅក្នុងចលនាដ៏សំខាន់មួយដើម្បីគាំទ្រដល់កំណើនសេដ្ឋកិច្ច និងកសិកម្ម រដ្ឋាភិបាលកម្ពុជាបានសម្រេចពីការពន្យារពេលនៃការលើកលែងពន្ធលើអចលនទ្រព្យ និងការកាត់បន្ថយលក្ខខណ្ឌសម្រាប់តំបន់ជាក់លាក់មួយចំនួននៅទូទាំងប្រទេស។ នេះបើយោងតាមលិខិតលេខ ៦៤០២ របស់អគ្គនាយកដ្ឋានពន្ធដារ ស្តីពីការលើកលែងពន្ធលើអចលនទ្រព្យនឹងអនុវត្តចំពោះទីក្រុងដែលទើបបង្កើតថ្មី និងដីកសិកម្មមិនបានប្រើប្រាស់លើសពី ៥ហិកតា រហូតដល់ដំណាច់ឆ្នាំ ២០២៥។ ក្នុងនោះ អគ្គនាយកដ្ឋានពន្ធដារ បន្តលើកលែងពន្ធលើអចលនទ្រព្យរហូតដល់ដំណាច់ឆ្នាំ២០២៥ ចំពោះអច​ល​ន​ទ្រព្យដែលស្ថិតក្នុងសង្កាត់ចំនួន៤ ក្នុងក្រុងតាខ្មៅ រួមមាន សង្កាត់ស្វាយរលំ សង្កាត់កោះអន្លង់ចិន សង្កាត់សិត្បូ និង​សង្កាត់រកាខ្ពស់ ដែលបានកាត់មកពីស្រុកស្អាង និងស្រុកកណ្តាលស្ទឹង នៃខេត្តកណ្តាល។ រីឯ ក្រុងចំនួន ៤ទៀត ក៏ទទួលបានការលើកលែងពន្ធលើអចលនទ្រព្យរហូតដល់ដំណាច់ឆ្នាំ២០២៥ ផងដែរ ក្រុងទាំងនោះរួមមាន៖ ក្រុងឧដុង្គម៉ែជ័យ ក្នុងខេត្តកំពង់ស្ពឺ ក្រុងអរិយក្សត្រ និងក្រុងសំពៅពូន ស្ថិតក្នុងខេត្តកណ្តាល និងក្រុងបូកគោ ស្ថិតក្នុងខេត្តកំពត។ ចំពោះអចលនទ្រព្យដែលស្ថិតក្នុងក្រុងរុនតាឯកតេជោសែន ក្នុងខេត្តសៀមរាប និងក្រុងកំពង់សោម ក្នុងខេត្តព្រះសីហនុ ដែលទើបបានបង្កើតថ្មី រដ្ឋនឹងបន្តការលើកលែងពន្ធលើអចលនទ្រព្យរហូតដល់ដំណាច់ឆ្នាំ២០២៥ ផងដែរ។ ដោយឡែក ការបន្ធូបន្ធយលក្ខខណ្ឌលើកលែងពន្ធដីធ្លីមិនបានប្រើប្រាស់ គឺតម្រូវឱ្យមានភ្ជាប់លិខិតអនុញ្ញាត ឬលិខិតបញ្ជាក់អំពីការប្រើប្រាស់ដីធ្លីកសិកម្មពីអាជ្ញាធរមូលដ្ឋាន ឬរដ្ឋបាលសារពើពន្ធ ចំពោះអចលនទ្រព្យលើសពី ៥ហិកតា ដែលនៅលើឯកសារកាន់កាប់ដី (បណ្ណកម្មសិទ្ធិ ឬលិខិតផ្ទេរសិទ្ធិ) […]

អាជ្ញាធរខេត្តស្ទឹងត្រែងសម្រេចដកហូតដីជិត ១២០ហិកតា ពីការកាន់កាប់ខុសច្បាប់

ក្នុង​ចំណាត់ការ​យ៉ាង​ម៉ឺងម៉ាត់​ក្នុង​ការ​ការពារ​ដីព្រៃ​របស់​រដ្ឋ និង​គោរព​ច្បាប់​បរិស្ថាន អាជ្ញាធរ​ខេត្តស្ទឹងត្រែង បាន​ប្រកាស​ជា​ផ្លូវការ​នូវ​ការដកហូត​យក​ដី​ជិត ១២០ហិកតា ​មកវិញ​ពី​ការកាន់កាប់​ខុសច្បាប់​។ សកម្មភាពនេះធ្វើឡើងបន្ទាប់ពីការចេញដីកាលេខ ០០៨/២៥ ដ.ក ចុះថ្ងៃទី ១៩ ខែកុម្ភៈ ឆ្នាំ ២០២៥ នាពេលថ្មីៗនេះ។ ដីកា​នេះ​រៀបរាប់​លម្អិត​ពី​ការ​ដកហូត​យក​ដីចំនួន២កន្លែង មាន​ទំហំ ១១៩,២៤ ហិកតា ដែលបានរងនូវការកាប់គាស់ រុករាន ទន្ទ្រានយកដីព្រៃរបស់រដ្ឋដើម្បីវាតយកដីធ្វើកម្មសិទ្ធិដោយខុសច្បាប់ តាមរយៈការដាំដំណាំនៅលើដីទាំងអស់ខាងលើ ដែលមានទីតាំងនៅក្នុងតំបន់ឧទ្យានជាតិវើនសៃ-សៀមប៉ាង ស្ថិតក្នុងឃុំតាឡាត ស្រុកសេសាន ខេត្តស្ទឹងត្រែង។ យោង​តាម​ដីកាដដែល​នេះ អាជ្ញាធរ​បានកំណត់​រយៈពេល​៣០​ថ្ងៃ គិត​ចាប់ពី​ថ្ងៃ​ចុះ​ហត្ថលេខា ដើម្បីធ្វើការតវ៉ាជំទាស់។ ទោះជាយ៉ាងណាក៏ដោយ វាជារឿងសំខាន់ក្នុងការកត់សម្គាល់ថា សកម្មភាព ឬបទប្បញ្ញត្តិទាំងឡាយណាដែលផ្ទុយនឹងដីកាខាងលើនេះ នឹងត្រូវចាត់ទុកជានិរាករណ៍។ អាជ្ញាធរជំរុញឱ្យបុគ្គលទាំងអស់អនុវត្តតាមបទបញ្ជានេះ ដើម្បីលើកកម្ពស់ការប្រើប្រាស់ដីប្រកបដោយនិរន្តរភាព និងការការពារបរិស្ថាន។ ការ​មិន​គោរព​តាម​អាច​បណ្តាល​ឱ្យ​មាន​ផល​វិបាក​ផ្លូវ​ច្បាប់។ អាជ្ញាធរខេត្តនៅតែប្តេជ្ញាការពារធនធានធម្មជាតិក្នុងតំបន់ និងរក្សាតុល្យភាពអេកូឡូស៊ីក្នុងខេត្តស្ទឹងត្រែង។ ប្រជាពលរដ្ឋត្រូវបានលើកទឹកចិត្តឱ្យរាយការណ៍ពីសកម្មភាពខុសច្បាប់ទាក់ទងនឹងការកាន់កាប់ដីធ្លី ឬការកាប់បំផ្លាញព្រៃឈើ ដើម្បីធានាដល់ការអភិរក្សបរិស្ថានរបស់ពួកគេផងដែរ។ - Video Advertisement -

មកទល់ពេលនេះកម្ពុជា បោសសម្អាតមីនបានជិត ៣៣០០គីឡូម៉ែត្រការ៉េ ក្នុងខេត្តចំនួន១៥

មកទល់ពេលនេះ មានរយៈពេល ៣២ឆ្នាំហើយ ដែលរដ្ឋាភិបាលកម្ពុជាបានបើកយុទ្ធនាការបោសសម្អាតមីន ដោយសម្រេចលទ្ធលផលជាផ្ទៃដីគ្មានមីនបានប្រមាណ ៣.២៩៧គីឡូម៉ែត្រការ៉េ នៅរាជធានី-ខេត្ត ចំនួន១៥។ នេះបើតាមសារលិខិតរបស់សម្តេចនាយករដ្ឋមន្រ្តី ហ៊ុន ម៉ាណែត ក្នុងឱកាសប្រារព្ធខួបលើកទី២៦ នៃទិវាជាតិយល់ដឹងអំពីមីននៅថ្ងៃទី ២៤ កុម្ភៈ ២០២៥។ តាមរយៈសារលិខិតខាងលើ បានបង្ហាញថា គិតចាប់ពីឆ្នាំ១៩៩២ ដល់ឆ្នាំ២០២៤ អស់រយៈពេលប្រមាណ ៣២ឆ្នាំកន្លងមក ផ្ទៃដីទំហំ ៣.២៩៧គីឡូម៉ែត្រការ៉េ ត្រូវបានបោសសម្អាត សម្រាប់យកទៅប្រើប្រាស់និងបង្កបង្កើនផល ក្នុងនោះវិស័យកសិកម្មមាន ៨១%, ហេដ្ឋារចនាសម្ព័ន្ធមាន ៤% និងផ្សេងៗមាន ១៥% ដែលរួមមានការសាងសង់លំនៅឋាន ភូមិករ សាលារៀន មណ្ឌលសុខភាពជាដើម ដោយមានប្រជាពលរដ្ឋទទួលផលមានប្រមាណជាង ១០លាននាក់។ ដោយឡែក នៅក្នុងឆ្នាំ២០២៤ តែមួយ ប្រភពដដែលបានបង្ហាញថា មានផ្ទៃដីចំនួន ២៧៣គីឡូម៉ែត្រការ៉េ ត្រូវបានបោសសម្អាតរួច ក្នុងនោះបានរកឃើញ និងបំផ្លាញចោលមីនប្រឆាំងមនុស្សចំនួន ១៧.៨៥៣គ្រាប់ មីនប្រឆាំងរថក្រោះចំនួន ២២៨គ្រាប់ និងសំណល់ជាតិផ្ទុះពីសង្គ្រាមចំនួន ៩១.១១១គ្រាប់។ ចំនួនជនរងគ្រោះបានថយចុះពី ៤.៣២០នាក់ ក្នុងឆ្នាំ១៩៩៦ […]

កម្ពុជាកំពុងពន្លឿនការចុះបញ្ជីដីនៃប្រព័ន្ធធារាសាស្ត្រនៅទូទាំងប្រទស ដើម្បីបង្កភាពងាយស្រួលដល់ការអភិវឌ្ឍន៍

នៅក្នុងចលនាដ៏សំខាន់មួយក្នុងការជំរុញការអភិវឌ្ឍន៍ កម្ពុជាកំពុងបង្កើនកិច្ចខិតខំប្រឹងប្រែងក្នុងការចុះបញ្ជីដីធារាសាស្ត្រ និងអាងស្តុកទឹកនៅទូទាំងប្រទេស។ គំនិតផ្តួចផ្តើមដែលដឹកនាំដោយក្រសួងធនធានទឹក និងឧតុនិយមនេះ មានគោលបំណងចាត់ថ្នាក់ធនធានសំខាន់ៗទាំងនេះជាសម្បត្តិសាធារណៈ ដើម្បីបង្កើនការគ្រប់គ្រង និងធានាការប្រើប្រាស់ប្រកបដោយនិរន្តរភាព។ ការពន្លឿននេះ បានធ្វើឡើងនៅក្នុងកិច្ចប្រជុំពិភាក្សាលម្អិតអំពីនីតិវិធី និងដំណោះស្រាយ ដើម្បីជំរុញការចុះបញ្ជីដីអាងស្តុកទឹក និងអាងទឹកនៃប្រព័ន្ធធារាសាស្ត្រ ក្នុងក្របខ័ណ្ឌទូទាំងប្រទស កាលថ្ងៃទី៦ ខែកុម្ភ: ឆ្នាំ២០២៥។ឯកឧត្តម ឈា ប៊ុនរិទ្ធ រដ្ឋលេខាធិការប្រចាំការ ក្រសួងធនធានទឹក បានបញ្ជាក់ថា ការជំរុញចុះបញ្ជីដីអាងស្តុកទឹក និងអាងទឹកនៃប្រព័ន្ធធារាសាស្ត្រក្នុងក្របខ័ណ្ឌទូទាំងប្រទេសនេះ​ គឺដើម្បីកំណត់ព្រំដីអាងឱ្យបានច្បាស់លាស់ជាទ្រព្យសម្បត្តិសាធារណៈរបស់រដ្ឋ ដើម្បីងាយស្រួលនៅក្នុងការគ្រប់គ្រង និងអភិវឌ្ឍ។ ឆ្លៀតឱកាសនោះ ឯកឧត្តម ក៏បានណែនាំដល់មន្ទីរធនធានទឹក និងឧតុនិយមរាជធានី-ខេត្តទាំងអស់ឱ្យយកចិត្តទុកដាក់ខ្ពស់ក្នុងការពន្លឿនការងារចុះបញ្ជីដីអាងស្តុកទឹក និងអាងទឹកនៃប្រព័ន្ធធារាសាស្ត្រដែលនៅសេសសល់ ដោយផ្អែកលើការសិក្សាតាមលក្ខណៈបច្ចេកទេស ដែលមានកម្រិតកម្ពស់ខ្សែដីឱ្យត្រឹមត្រូវ ហើយសហការជាមួយមន្ទីរជំនាញពាក់ព័ន្ធ និងអាជ្ញាធរដែនដីពាក់ព័ន្ធ ដើម្បីធ្វើការកំណត់ដីព្រំប្រទល់អាងឱ្យបានច្បាស់លាស់។ គួរបញ្ជាក់ថា នៅទូទាំងប្រទេសមានអាងស្តុកទឹក និងអាងទឹកសរុបចំនួន ១.៥៦២ ដែលចាំបាច់ធ្វើ​ការចុះបញ្ជី​ ក្នុងនោះមានចំនួន ២៤០​ បានចុះបញ្ជីរួច ចំនួន ៤៣២​ បាននិងកំពុងរៀបចំនីតិវិធីដំណើរការចុះបញ្ជី និងចំនួន ៨៩០​ មិនទាន់បានចុះបញ្ជី។នេះបើតាមរបាយការណ៍ពីក្រសួងរៀបចំដែនដី កាលពីថ្ងៃទី២៩ ខែមករា ឆ្នាំ២០២៥។ (អានបន្ថែម) […]

រដ្ឋសម្រេចផ្តល់ដីជូនពលរដ្ឋក្រីក្រ១ពាន់គ្រួសារនៅតំបន់អូរសែវ ខេត្តស្ទឹងត្រែង, ខណៈ១គ្រួសារបាន ៣ហិកតា

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងជាប្រធានគណៈកម្មាធិការជាតិដឹកនាំអនុវត្តកម្មវិធីផ្តល់ដី ការពារព្រៃ ដើម្បីរួមគ្នាអភិវឌ្ឍដោយចីរភាព (ផ.ក.អ.) សម្រេចនឹងផ្តល់ដីជូនពលរដ្ឋក្រីក្រ ១០០០គ្រួសារនៅតំបន់អូរសែវ ខេត្តស្ទឹងត្រែង ដោយក្នុងមួយគ្រួសារនឹងទទួលបានដីលំនៅឋាន និងដីកសិកម្មទំហំសរុប ៣ហិកតា។ គួរបញ្ជាក់ថា បច្ចុប្បន្ននៅតំបន់នេះមានដីបម្រុងទុកជិត ១០.០០០ហិកតា ស្ថិតនៅជាប់ទីតាំងគម្រោងដីសម្បទានសង្គមកិច្ច។ បើតាមសេចក្តីប្រកាសព័ត៌មានស្តីពីលទ្ធផលកិច្ចប្រជុំពេញអង្គគណៈរដ្ឋមន្ត្រី កាលពីថ្ងៃទី២៤ ខែមករា ឆ្នាំ២០២៥ បន្ទា​ប់ពីបានសិក្សាលក្ខណៈបច្ចេកទេសបម្រើឱ្យជីវភាពដោយវិភាគប្រព័ន្ធក្សេត្រ-បរិស្ថាន សិក្សាពីគុណភាពដឹកសិ​ក​ម្ម ស្រាវជ្រាវពីប្រភពទឹក និងវាយតម្លៃហេដ្ឋារចនាសម្ព័ន្ធចាំបាច់រួចមក  សម្តេចធិបតីនាយករដ្ឋមន្ត្រី បានសម្រេចកំណត់យកចំណុចអូរសែវ ភូមិហាងសារ៉ាត ឃុំសាមមួយ ស្រុកសេសាន ខេត្តស្ទឹងត្រែង ជាទីតាំងជំហានទី១ ដោយគ្រោង ផ្តល់ដីជូនប្រជាពលរដ្ឋក្រីក្រីគ្មានដីពិតប្រាកដ ហើយមានបំណងទៅរស់នៅទីតាំងនេះ ចំនួន ៥០០គ្រួសារ ដោយក្នុងមួយគ្រួសារទទួលបានដីលំនៅឋាន និងដីកសិកម្មទំហំសរុប ៣ហិកតា។ ជំហានបន្ទាប់នឹងផ្តល់ជូនចំនួន ៥០០គ្រួសារ បន្ថែមទៀតនៅទីតាំងដដែល។ តាមការគ្រោងទុកកម្មវិធីនេះ នឹងដាក់ឱ្យដំណើរការជំហានទី១ ចាប់ពីថ្ងៃទី០១ ខែកុម្ភៈ ឆ្នាំ២០២៥ តទៅ ដោយមានចំនួន ៥ដំណាក់កាលសំខាន់ៗ រួមមាន ទី១. ដំណាក់កាលរៀបចំ […]