ផ្លូវថ្មីពីផ្លូវជាតិលេខ៤ ទៅកាន់ភ្នំបូកគោ អាចឱ្យយានជំនិះប្រភេទ Off-Road ធ្វើដំណើរបាន

• 1 ខែ​ឧសភា 2023
• ព័ត៌មានក្នុងស្រុក
• 4 មើល

គម្រោងសាងសង់ផ្លូវប្រវែង ៦១គីឡូម៉ែត្រ ភ្ជាប់ផ្លូវជាតិលេខ ៤ ទៅភ្នំបូកគោ អាចឱ្យយានជំនិះប្រភេទ Off-Road ធ្វើដំណើរកំសាន្តឆ្លងកាត់បាន។ នេះបើតាមការបញ្ជាក់ពីក្រុមហ៊ុន Thansur Sokha Hotel ក្នុងទំព័រហ្វេកប៊ុកផ្លូវការរបស់ខ្លួន កាលពីថ្ងៃទី២៥ ខែមេសា ឆ្នាំ២០២៣។

ប្រភេទយានជំនិះ ដែលអាចធ្វើដំណើរឆ្លងកាត់ផ្លូវនេះបាន រួមមាន រថយន្តប្រភេទខ្ពស់ (4 Wheel Drive) និងប្រភេទម៉ូតូធំៗ។

ជាមួយនឹងចំណាប់អារម្មណ៍ធ្វើដំណើរលើផ្លូវនេះ លោកអ្នកអាចទាក់ទងតាមទូរសព្ទលេខ ០៨៨ ៣ ៣៥៥ ៦០៨/០៨៨ ៣៣៥ ៥៥៣៥ សម្រាប់ការជិះជាក្រុមកម្សាន្តជាមួយគ្នា។

គួរបញ្ជាក់ថា គម្រោងសាងសង់ផ្លូវប្រវែង ៦១គីឡូម៉ែត្រ ភ្ជាប់ផ្លូវជាតិលេខ ៤ ទៅភ្នំបូកគោ សម្រេចបានប្រមាណ ៣០%​ ហើយ ក្រោយបានបញ្ចប់ការងារឈូសឆាយជាស្ថាពរនៅថ្ងៃទី០១ មេសា កន្លងទៅថ្មីៗនេះ។ (អានបន្ថែម)