ថវិកាប្រមាណ ២០០ លានដុល្លារ សម្រាប់ការធ្វើឲ្យប្រសើរឡើងនូវផ្លូវក្នុងតំបន់ជនបទ

• Proeksa Meas
• 1 February 2017
• Construction Focus
• 1117 Views

នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសពីគម្រោងក្នុងការចំណាយថវិកា ប្រមាណ ២០០ លានដុល្លារ ដើម្បីធ្វើឲ្យប្រសើរឡើងនូវផ្លូវដីចំនួន ៧៥ ក្នុងខេត្តចំនួន ១០ ស្មើនឹង ១២០០ គ.ម ឲ្យទៅជាផ្លូវកៅស៊ូវិញ។ សម្តេចនាយករដ្ឋមន្ត្រី ហ៊ុន សែន ធ្លាប់បានលើកឡើងបង្ហាញពីគម្រោងនេះ នៅថ្ងៃទី ២ វិច្ឆិកា ក្នុងពិធីសម្ពោធផ្លូវកៅស៊ូ មួយខ្សែប្រភេទ DBST ដែលមានប្រវែង ៥៤៣ គ.ម ក្នុងខេត្តត្បូងឃ្មុំ កន្លងទៅថ្មីៗនេះ។

គម្រោងអភិវឌ្ឍដំណាក់កាលទី ២ នឹងផ្តោតសំខាន់ទៅលើផ្លូវក្នងខេត្តត្បូងឃ្មុំ ខេត្តកំពង់ចាម ខេត្តកំពង់ធំ ខេត្តសៀមរាប ខេត្តបន្ទាយមានជ័យ ខេត្តបាត់ដំបង ខេត្តពោធិ៍សាត់ ខេត្តកំពង់ឆ្នាំង ខេត្តកំពង់ស្ពឺ និងខេត្តតាកែវ។

ថវិកាចំនួន ១៧.៨ ភាគរយជាថវិកាបដិភាគរបស់រដ្ឋាភិបាល ១៤២ លានដុល្លារ ជាប្រាក់កម្ចីពីធនាគារអភិវឌ្ឍន៍អាស៊ី (ADB) រដ្ឋាភិបាលនៃសាធារណរដ្ឋកូរ៉េ និងបារាំង។ ចំណែកទឹកប្រាក់ចំនួន ៣៣ លានដុល្លារ ទៀតជាជំនួយរបស់រដ្ឋាភិបាលអូស្ត្រាលី អង្គការ CCC និងអង្គការ Nordic Development Fund។

គម្រោងនេះនឹងចំណាយរយៈពេល ៦ឆ្នាំ ចាប់ពីឆ្នាំ ២០១៥ ដល់ ឆ្នាំ ២០២០៕