ការសាងសង់ផ្លូវជាតិលេខ ២ និង ២២ សម្រេចបាន ១៦%ហើយ

• 16 ខែ​តុលា 2020
• Uncategorized
• 10 មើល

បន្ទាប់ពីបើកការដ្ឋានការដ្ឋានកាលពីខែ កុម្ភៈ មក ការដ្ឋានស្ដារ និងសាងសង់ផ្លូវជាតិលេខ ២ និងលេខ ២២ (ពីតាខ្មៅ ដល់ អង្គតាសោម) មកដល់បច្ចុប្បន្នសម្រេចបាន ១៦% ហើយ។

នេះបើតាមការឱ្យដឹងពី ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណៈការ និងដឹកជញ្ជូន ក្នុងឱកាសចុះត្រួតពិនិត្យស្ថានភាពផ្លូវដែលប៉ះពាល់ដោយជំនន់ទឹកភ្លៀង កាលពីថ្ងៃទី ១៦ តុលានេះ។

ឯកឧត្តមបានឱ្យដឹងថា៖ «តាមការគ្រោងទុក គឺអត់ខុសអីទេ សន្ទុះនៃការធ្វើ បើយើងធ្វើការប្រៀបធៀបទៅនឹងផែនការ គឺយើងបាន ១៦ភាគរយ នេះបើតាមរបាយការណ៍អ្នកបច្ចេកទេសរបស់ខ្ញុំ ដែលបានមកត្រួតពិនិត្យ»។

ឯកឧត្តម តែងណែនាំក្រុមការងារមកត្រួតពិនិត្យការស្ថាបនាផ្លូវទាំងពីរខែ្សនេះដោយឌិតដល់ ដើម្បីជៀសវាងកុំឲ្យមានការយឺតយ៉ាវដំណើរការសាងសង់ ដូចដែលពេល ឯកឧត្តមបានចុះទៅពិនិត្យការដ្ឋានផ្ទាល់កាលពីខែ ឧសភា កន្លងទៅ។ (អានបន្ថែម)

គួរបញ្ចាក់ផងដែរថា ផ្លូវជាតិលេខ២ និងលេខ២២ ដែលត្រូវស្ដារឡើងវិញ គឺមានប្រវែងសរុបជាង ៧២គីឡូម៉ែត្រ។ គម្រោងនេះកំពុងសាងសង់ដោយប្រើប្រាស់ថវិកាប្រមាណ ៥៦លានដុល្លារ ដែលជាហិរញ្ញប្បទានពីរដ្ឋាភិបាលសាធារណរដ្ឋកូរ៉េ រួមជាមួយថវិកាបដិភាគរបស់រាជរដ្ឋាភិបាលកម្ពុជាផងដែរ។

ផ្លូវទាំង ២ ខ្សែរនេះ នឹងសាងសង់ជាប្រភេទផ្លូវបេតុងកៅស៊ូ AC (Asphalt Concrete) ដែលមានគុណភាពជាប់បានយូរ ហើយការសាងសង់នឹងប្រើប្រាស់រយៈពេលប្រមាណជា ៣០ខែ។ (អានបន្ថែម)

• គម្រោងអភិវឌ្ឍន៍
• ផ្លូវ និងហេដ្ឋារចនាសម្ព័ន្ធ
• Road and Infrastructure
• Projects Development
• គម្រោងអភិវឌ្ឍន៍