ក្រសួងសាធារណការបញ្ចប់ការសិក្សាផ្លូវក្រវ៉ាត់ក្រុងទី៤ ហើយ

• 1 ខែ​តុលា 2020
• Uncategorized
• 9 មើល

ឯកឧត្ដម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន កាលពីថ្ងៃទី ៣០ កញ្ញានេះ បានឱ្យដឹងថា មកដល់បច្ចុប្បន្ន ក្រសួងបានបញ្ចប់ការសិក្សាផ្លូវក្រវាត់ក្រុងទី៤ ហើយ។

ឯកឧត្តមបានមានប្រសាសន៍ថា ទោះបីជាយើងជួបប្រទះបញ្ហាកូវីដ ១៩ ក៏ដោយ រដ្ឋាភិបាននៅតែបន្តគម្រោងហេដ្ឋារចនាសម្ព័ន្ធនានា …តូយ៉ាងការកសាងផ្លូវក្រវាត់ក្រុងទី ៣ កំពុងដំណើរការ ហើយផ្លូវក្រវាត់ក្រុងទី ៤ បានបញ្ចប់ការសិក្សាហើយ។

គម្រោងសាងសង់ផ្លូវក្រវាត់ក្រុងទី៤ នេះត្រូវបានសិក្សា និងបានបញ្ចូលទៅក្នុងផែនការមេក្នុងការអភិវឌ្ឍន៍ហេដ្ឋារចនាសម្ព័ន្ធក្រុងតាំងមួយរយៈមកហើយ ប៉ុន្តែរដ្ឋមិនធ្លាប់បានបង្ហាញពីទីតាំងពិតប្រាកដរបស់គម្រោងនេះទេ ព្រោះការពារមិនឱ្យដីឡើងថ្លៃ។ (អានបន្ថែម)

ដោយឡែក ផ្លូវក្រវាត់ក្រុងទី ៣ សម្រេចការសាងសង់បានប្រមាណ ៤០% ហើយ។ កាលពីខែ មិថុនា កន្លងទៅ ស្ពានអាកាសថ្មី ដែលជាផ្នែកមួយនៃគម្រោងសាងសង់ផ្លូវក្រវាត់ក្រុងទី ៣ ដែលមានទីតាំងស្ថិតនៅ ប្រសព្វមហាវិថី ឈ្នះឈ្នះ និងផ្លូវជាតិលេខ ៤ ចាប់ផ្តើមដំណើរការការដ្ឋានសាងសង់ហើយដែរ។ (អានបន្ថែម)

ក្រៅពីគម្រោងផ្លូវក្រវាត់ក្រុង ក្នុងថ្ងែជាមួយគ្នានេះ ឯកឧត្តម ក៏បានរៀបរាប់ពីសមិទ្ធិផលមួយចំនួនផ្សេងៗទៀត រួមមាន ការពង្រីកផ្លូវជាតិលេខ ៣ និង ៥ ការកសាងផ្លូវល្បឿនលឿនភ្នំពេញ-ព្រះសីហនុដែលគ្រោងបញ្ចប់ខែ កញ្ញា ឆ្នាំ២០២២។

លើសពីនេះ ក៏មានគម្រោងបានចរចារចប់សព្វគ្រប់ដូចជា ស្ពានឆ្លងទន្លេមេគង្គក្រចេះ ផ្លូវជាតិលេខ៤១ ផ្លូវជាតិលេខ៣១ ផ្លូវជាតិ៣៣ ផ្លូវជាតិ៧១C ជាដើម។

• គម្រោងអភិវឌ្ឍន៍
• ផ្លូវ និងហេដ្ឋារចនាសម្ព័ន្ធ
• Road and Infrastructure
• Projects Development
• គម្រោងអភិវឌ្ឍន៍