ក្រសួងសាធារណការ កែលម្អគុណភាពផ្លូវជាតិ៤ខ្សែរដែលស្ថិតក្នុងខេត្តត្បូងឃ្មុំ និងខេត្តក្រចេះ

27 ខែមីនា 2020
Uncategorized
12 មើល

ផ្លូវជាតិចំនួន ៤ ខ្សែ ដែលមានប្រវែងសរុប ១៣០ គីឡូម៉ែត្រ ស្ថិតក្នុងខេត្តត្បូងឃ្មុំ និងខេត្តក្រចេះ កំពុងត្រូវបានកែលម្អគុណភាព ក្រោមជំនួយហិរញ្ញប្បទានពីធនាគារពិភពលោក ដើម្បីសម្រួលដល់ការធ្វើដំណើររបស់ប្រជាពលរដ្ឋ និងអភិវឌ្ឍសេដ្ឋកិច្ចប្រទេស។

យោងទៅតាមគេហទំព័រផ្លូវការរបស់ក្រសួងសាធារណការ និងដឹកជញ្ជូន ផ្លូវជាតិទាំងបួនខ្សែ ដែលកំពុងកែលម្អគុណភាពនេះ រួមមានផ្លូវជាតិលេខលេខ៧ លេខ៧៣ លេខ៣៧៧ និង៣៧៧A។ ក្នុងនោះ ផ្លូវជាតិលេខ៧ (៣១.២៥គ.ម) ផ្លូវជាតិលេខ ៧៣ (៥០គ.ម) នឹងធ្វើការចាក់អ៊ុតក្រាលកៅស៊ូ AC ។

ចំណែកឯង ផ្លូវខេត្តលេខ ៣៧៧ (៣៥.៥គ.ម) និង ៣៧៧A (១៣.៦គ.ម) នឹងចាក់កៅស៊ូពីរជាន់ DBST ព្រោះវារឹងមាំធន់ទៅនឹងការបម្រែបម្រួលអាកាសធាតុ សំដៅជួយសម្រួលដល់ការធ្វើដំណើរពីតំបន់ជនបទ ឆ្ពោះទៅកាន់សាលារៀន មណ្ឌលសុខភាព ផ្សារ ទីប្រជុំជន និងបណ្តាញផ្លូវសំខាន់ៗផ្សេងទៀត។

គួរបញ្ជាក់ផងដែរថា ខេត្តក្រចេះគឺជាខេត្តមួយក្នុងចំណោមខេត្តចំនួនបួន ដែលនឹងក្លាយជាប៉ូលសេដ្ឋកិច្ចថ្មីសម្រាប់កម្ពុជា តាមរយៈការតភ្ជាប់ហេដ្ឋារចនាសម្ព័ន្ធ និងលំហូរចូលភ្ញៀវទេសចរ។ នេះបើយោងតាមលទ្ធផលនៃកិច្ចប្រជុំត្រីភាគីរវាងប្រមុខរដ្ឋាភិបាលរកិច្ចសហប្រតិបត្តិការអភិវឌ្ឍតំបន់ត្រីកោណ CLV ដែលបានប្រព្រឹត្តទៅកាលពីថ្ងៃទី២៣ ខែមិថុនា ឆ្នាំ២០១៩ កន្លងទៅនេះ៕(អានបន្ថែម)