ក្រុមហ៊ុនចិន៣ រួមគ្នាផ្តល់ជំនួយជាង ៤លានដុល្លារ ដល់កម្ពុជាសង់អគារសំខាន់ៗ ២

• 10 ខែ​កុម្ភៈ 2023
• ព័ត៌មានក្នុងស្រុក
• 7 មើល

ក្រុមហ៊ុនធំៗចំនួន ០៣ របស់ចិន បានរួមគ្នាផ្តល់ជំនួយជាង ៤លានដុល្លារ ដល់កម្ពុជាដើម្បីសាងសង់អគារសំខាន់ៗចំនួន០២។ នេះបើតាមជំនួបរវាងសម្តេចនាយករដ្ឋមន្រ្តី ហ៊ុន សែន និងក្រុមហ៊ុនចិន០៣ នៅថ្ងៃទី០៩ ខែកុម្ភៈ ឆ្នាំ២០២៣ ក្នុងដំណើរបំពេញទស្សនកិច្ចជាផ្លូវការនៅសាធារណៈរដ្ឋប្រជាមានិតចិន។

ក្រុមហ៊ុនវិនិយោគធំៗទាំង៣នោះ រួមមានក្រុមហ៊ុន​សាជីវកម្ម​ស្ពាន​ថ្នល់​ចិន​ ក្រុមហ៊ុន​Beijing Urban Construction Group និង​ក្រុមហ៊ុន​China Metro Group។

ជំនួយទី១ មានតម្លៃ ២,៥លានដុល្លារ សម្រាប់សាងសង់អគារវិទ្យាស្ថានសម្តេចតេជោសែន សាធារណការ និងដឹកជញ្ជូនចំនួន ១ខ្នង កម្ពស់ ៤ជាន់ ដែលរួមមានបន្ទប់សិក្សា ការិយាល័យរដ្ឋបាល មន្ទីរពិសោ​ធ​ន៍ និងការបំពាក់សម្ភារសិក្សា និងឧបករណ៍បច្ចេកទេសពិសោធន៍ទំនើបៗ។

ចំណែកជំនួយ ២លានដុល្លារទៀត គឺសម្រាប់ជួយសាងសង់អគារពន្ទីរពេទ្យតេជោសែន កោះធំ ស្រុកកោះធំ ខេត្តកណ្តាល។

គួរបញ្ជាក់ថា គិតមកទល់បច្ចុប្បន្ន ការដ្ឋានសាងសង់អគារមន្ទីរពេទ្យតេជោ សែន កោះធំ សម្រេចបាន ៨០.៥១% ហើយ។ (អានបន្ថែម)

• Investment and Funding
• Projects Development