គម្រោងកែប្រព័ន្ធផ្លូវដែកចាស់ ជាផ្លូវបេតុងប្រវែងជាង៤ពាន់ម៉ែត្រ ក្នុងខណ្ឌឫស្សីកែវ សម្រេច ៦៥%ហើយ

• 2 ខែ​សីហា 2023
• ព័ត៌មានក្នុងស្រុក
• 8 មើល

ការស្ថាបនាប្រព័ន្ធផ្លូវដែកចាស់ប្រវែងជាង ៤៤០០ម៉ែត្រ ជាបេតុងឆ្អឹងដែក ក្នុងខណ្ឌឫស្សីកែវ សម្រេចបាន ៦៥%ហើយ។ នេះបើតាមការចុះផ្សាយរបស់ទូរទស្សន៍ជាតិកម្ពុជា កាលពីថ្ងៃទី៣១ ខែកក្កដា ឆ្នាំ២០២៣។

គម្រោងស្ថាបនាផ្លូវនេះ ឱ្យទៅជាផ្លូវយុទ្ធសាស្ត្រដើម្បីអាចជួយរំដោះចរាចរ ក្នុងតំបន់បឹងកក់  តំបន់ទួលសង្កែ និងតំបន់ច្រាំងចំរេះត្រង់គីឡូម៉ែត្រលេខ៦ ដល់កែងផ្លូវជាតិលេខ៥ ក្នុងខណ្ឌប្ញស្សីកែវ។

គួរបញ្ជាក់ថា បច្ចុប្បន្ន ផ្លូវនេះ កំពុងស្ថាបនាដោយចាក់ជាបេតុងទទឹង ១៦,៥ម៉ែត្រថ្មី មានសួនច្បារកណ្តាល ២,៥ម៉ែត្រ ដាក់ឆ្អឹងដែក១២លី ក្រាលថ្មម៉ិច កំម្រាស់ ២ទឹក។

គួររម្លឹកទៀតថា គម្រោងនេះ ស្ថិតក្រោមគម្រោងរបស់រដ្ឋបាលរាជធានីភ្នំពេញ ដែលបានសហការជាមួយក្រុមហ៊ុនជំនាញ (SCE) និងBBE។

• Road and Infrastructure