គម្រោងធំៗ របស់ HLH ដំណើរការដោយរលូន ខណៈក្រុមហ៊ុនចង់បោះទុន៤០០លានបន្ថែមទៀត

• 20 ខែ​មករា 2022
• Uncategorized
• 8 មើល

គម្រោងអចលនទ្រព្យធំៗ ២ របស់ក្រុមហ៊ុន Hong Lai Huat (HLH) នៅប្រទេសកម្ពុជា Royal Platinum និង D’Seaview កំពុងដំណើរការទៅដោយរលូនទាំងការសាងសង់ និងការលក់ ទោះវិបត្តិកូវីដនៅតែបន្ដក្ដី ខណៈក្រុមហ៊ុនយក្សនេះ ក៏គ្រោងនឹងបោះទុន ៤០០លានដុល្លារបន្ថែមទៀតក្នុងគម្រោង២ ថ្មីផ្សេងទៀត។

យោងរបាយការណ៍សរុបស្ថានភាពអាជីវកម្មរបស់ក្រុមហ៊ុន គម្រោង Royal Platinum នៅភ្នំពេញ បានសាងសង់ដល់ជាន់ទី ១០ ហើយ ដែលនៅសល់ ១៨ ជាន់ទៀត ខណៈការលក់បានឈានដល់ប្រមាណ ៩០% ។

ដូចគ្នានេះ គម្រោង D’Seaview ក៏ដំណើរការដោយរលូន ដោយកាលពីឆ្នាំមុន ត្រូវបានលក់ផ្នែកសណ្ឋាគារ ដោយជោគជ័យ។ (អានបន្ថែម)

ក្រៅពីនេះ ក្រុមហ៊ុន HLH ក៏បានទិញដី ២ កន្លែងទៀតដែរ ដោយមួយកន្លែងនៅភ្នំពេញ និងមួយទៀតនៅខេត្តព្រះសីហនុ។

យោងតាម Edge Prop គម្រោងទាំង ២ បច្ចុប្បន្នកំពុងស្ថិតក្រោមការសិក្សាពីលទ្ធភាព ហើយត្រូវបានគេរំពឹងថាមានតម្លៃវិនិយោគប្រមាណ ៤០០ លានដុល្លារអាមេរិក។

កាលពីខែតុលា ឆ្នាំមុន ក្រុមហ៊ុនក៏បានបានចុះហត្ថលេខាលើកិច្ចព្រមព្រៀងបណ្តាក់ទុនរួមជាមួយនឹង HSC Group ដើម្បីស្វែងរករ៉ែនៅខេត្តកំពង់ស្ពឺ។ (អានបន្ថែម)

លើសពីនេះនេះ ក្រុមហ៊ុន HLH Development (HLHD) និង Smart Winner កាលពីថ្មីៗនេះ ក៏បានព្រមព្រៀងវិនិយោគរួមគ្នាបង្កើតគម្រោងអភិវឌ្ឍចម្រុះថ្មីមួយកន្លែង តម្លៃប្រមាណ ៥០លានដុល្លារ លើផ្ទៃដី ១១,៥ ហិកតា ក្នុងក្រុងព្រះសីហនុ។ (អានបន្ថែម)

• គម្រោងអភិវឌ្ឍន៍
• ធុរកិច្ច និងទីផ្សារ
• Business and Market
• Projects Development
• គម្រោងអភិវឌ្ឍន៍
• ធុរកិច្ច និងទីផ្សារ