គម្រោងស្តារ និងលើកកម្ពស់ផ្លូវជាតិលេខ៤៨ សម្រេចបានជាង ២៥%ហើយ

• 15 ខែ​ឧសភា 2023
• ព័ត៌មានក្នុងស្រុក
• 8 មើល

គិតមកត្រឹមខែមេសា ឆ្នាំ២០២៣ គម្រោងស្តារ និងលើកកម្ពស់ផ្លូវជាតិលេខ៤៨ ប្រវែង ១៤៨គីឡូម៉ែត្រ សម្រេចបាន ២៥.៥៧% ហើយ។ នេះបើតាមការចុះត្រួតពិនិត្យការដ្ឋានរបស់លោកជំទាវ មិថុនា ភូថង អភិបាល និងលោកស្រី អ៊ី នារីនេត អភិបាលរង ខេត្តកោះកុង កាលពីថ្ងៃទី១៤ ខែឧសភា ឆ្នាំ២០២៣។

លោកជំទាវ និងក្រុមការងារបានចុះត្រួតពិនិត្យលើទីតាំងចំនួន ៤ចំណុច៖

• ចំណុចទី១ ចាប់ពី ឃុំបឹងព្រាវ ស្រុកស្រែអំបិល ជាគីឡូម៉ែត្រ០ ត្រួតពិនិត្យផ្លូវដើរសាធារណៈ
• ចំណុចទី២ គីឡូម៉ែត្រ ៦០ ត្រួតពិនិត្យតំបន់ទំនប់ទឹកខ្ពស់
• ចំណុចទី៣ គីឡូម៉ែត្រ ១២០ ត្រួតពិនិត្យតំបន់ត្រូវកាយយកថ្មចេញ មកបំពេញទីតាំងដែលទាប
• ចំណុចទី៤ គីឡូម៉ែត្រ ១៤២ ត្រួតពិនិត្យតំបន់ដែលមាន ៤គន្លងសម្រាប់យាន្តយន្ត។ គួរបញ្ជាក់ថា ផ្លូវជាតិលេខ៤៨ ទីតាំង៤គន្លងសម្រាប់យាន្តយន្ត បានចំនួន ៥កន្លែង។

បើតាមការត្រួតពិនិត្យនេះ បានបញ្ជាក់បន្ថែមឱ្យដឹងថា គម្រោងស្តារ និងលើកកម្ពស់ផ្លូវនេះ នឹងត្រូវបន្ថែមពេល ១២ខែទៀត ពីលើកាលកំណត់បញ្ចប់ពីលើកមុន។

គួរបញ្ជាក់ថា គម្រោងសាងសង់ផ្លូវជាតិលេខ៤៨នេះ មានប្រវែងសរុប១៤៨គីឡូម៉ែត្រ ចាប់ផ្តើមពីPK ១៤១+៧៥០ (ចំការហ្លួង) ត្រង់បំបែកផ្លូវជាតិលេខ៤ រហូតដល់ក្រុងខេមរភូមិន្ទ ខេត្តកោះកុង ដែលបានបើកការដ្ឋានសាងសង់នៅថ្ងៃទី០៣ ខែមករា ឆ្នាំ២០២២ ដោយប្រើប្រាស់ថវិកាប្រមាណ ៧៨លានដុល្លារអាមេរិក។ (អានបន្ថែម)

• Road and Infrastructure