ផ្លូវល្បឿនលឿនពន្យាពេលដាក់សាកល្បងដល់ខែកញ្ញា​ ខណៈការសាងសង់សម្រេចបាន៩៣%

• 8 ខែ​មិថុនា 2022
• Uncategorized
• 6 មើល

គម្រោងសាងសង់ផ្លូវល្បឿនលឿនដំបូងគេនៅកម្ពុជា តភ្ជាប់រវាងរាជធានីភ្នំពេញ និងខេត្តព្រះសីហនុ បានពន្យារពេលដាក់សាកល្បងពី កក្កដា ដល់ខែកញ្ញា ២០២២ ខណៈការសាងសង់សម្រេចបាន ៩៣ភាគរយ ​ហើយ គិតត្រឹមសប្តាហ៍ទី១ ខែមិថុនា នេះ។

ក្រសួងសាធារណការនិងដឹកជញ្ជូន កំពុងស្នើឱ្យក្រុមហ៊ុនសាងសង់ពន្លឿនដល់ការងារសាងសង់ដើម្បីធ្វើយ៉ាងណា ឱ្យគម្រោងដាក់សាកល្បងនៅពេលខាងមុខ សម្រេចតាមផែនការ នេះបើតាមឯកឧត្តម យិន ប៊ុណ្ណា រដ្ឋលេខាធិការ​ក្រសួងសាធារការនិងដឹកជូន ឆ្លើយទៅកិច្ចសម្ភាសន៍ជាមួយ ទូរទស្សន៍បាយ័ន នៅថ្ងៃទី៧ ខែមិថុនា។​

ឯកឧត្តមបានបញ្ជាក់ថា ការដាក់ឱ្យប្រើប្រាស់ជាផ្លូវការផ្លូវល្បឿនលឿននេះ នឹងអាចធ្វើឡើងនៅចុងឆ្នាំនេះ ឬដើមឆ្នាំក្រោយ​ ដោយបច្ចុប្បន្នក្រុមហ៊ុនសាងសង់កំពុងរៀបចំបំពាក់ភ្លើងសញ្ញា និងគំនូសចរាចរណ៍ ស្ថានីយបង់ថ្លៃផ្លូវ ជាដើម។

គួរបញ្ជាក់ថា ចំណាយទឹកប្រាក់សាងសង់ផ្លូវល្បឿនលឿននេះប្រមាណ ២ប៊ីលានដុល្លារ មានប្រវែងសរុប ១៩០ គីឡូម៉ែត្រ សាងសង់ដោយក្រុមហ៊ុន China Road and Bridge Engineering។​ (អានបន្ថែម)

• គម្រោងអភិវឌ្ឍន៍
• ផ្លូវ និងហេដ្ឋារចនាសម្ព័ន្ធ
• Road and Infrastructure
• Projects Development
• គម្រោងអភិវឌ្ឍន៍