រដ្ឋចេញនីតិវិធីថ្មីជួយសម្រួលដល់សំណង់អគារ រោងចក្រ និងឃ្លាំង ដែលសង់មុនឆ្នាំ២០១៩ ដោយផ្តល់ជា…

• 19 ខែ​ធ្នូ 2023
• Uncategorized @km
• 9 មើល

ក្រសួងរៀបចំដែនដី នគរូបនីយកម្ម និងសំណង់ សហការជាមួយក្រុមហ៊ុនត្រួតពិនិត្យ​និងបញ្ជាក់សំណង់ដែលទទួលបានអាជ្ញាបណ្ណពីក្រសួង សម្រួលនីតិវិធី និងបញ្ចុះតម្លៃក្នុងការផ្តល់វិញ្ញាបនបត្រប្រើប្រាស់សំណង់ដល់អគាររោងចក្រ និងឃ្លាំង ដែលបានសាងសង់មុនច្បាប់ស្តីពីសំណង់២០១៩។​ នេះបើតាមលិខិតលេខ ០៤៣ ដនស/អសណ/សជណ ចុះថ្ងៃទី១៣ ខែធ្នូ ឆ្នាំ២០២៣។

ការសម្រួលនេះ ធ្វើឡើងក្រោយពីមានការស្នើសុំពីសមាគមវាយនភណ្ឌ សម្លៀកបំពាក់ ស្បែកជើង និងទំនិញធ្វើដំណើរ នៅកម្ពុជា (TAFTAC)។

ក្រសួងរៀបចំដែនដី នគរូបនីយកម្ម និងសំណង់ បានធ្វើការសម្របសម្រួលរវាងសមាគម TAFTAC និងក្រុមហ៊ុនត្រួតពិនិត្យនិងបញ្ជាក់សំណង់ ក្នុងគោលបំណងផ្តល់វិញ្ញាបនបត្រប្រើប្រាស់សំណង់ដែលបានសាងសង់រួចមុនច្បាប់ស្ដីពីសំណង់ចូលជាធរមាន ជូនដល់ម្ចាស់សំណង់ អគាររោងចក្រឬឃ្លាំង ស្របតាមប្រកាសលេខ១៧៧ ដនស/ប្រក.ចុះថ្ងៃទី៦ ខែធ្នូ ឆ្នាំ២០១៩ ស្តីពីបែបបទនិងនីតិវិធីនៃការផ្តល់វិញ្ញាបនបត្រប្រើប្រាស់សំណង់ដែលបានសាងសង់រួចមុនច្បាប់សំណង់ចូលជាធរមាន និងលិខិត លេខ២៣៦១ សហវ.លស. តសហ ចុះថ្ងៃទី១៣ ខែមីនា ឆ្នាំ២០២៣ ស្តីពីករណីសំណើពិនិត្យលទ្ធភាពក្នុងការសម្របសម្រួលនិងដោះស្រាយលើបញ្ហាទាក់ទងនឹងការផ្តល់វិញ្ញាបនបត្រប្រើប្រាស់សំណង់ របស់ក្រសួងសេដ្ឋកិច្ច និងហិរញ្ញវត្ថុ។

ជាលទ្ធផល ក្រសួងបានសម្រួលបែបបទ និងនីតិវិធីក្នុងការផ្តល់វិញ្ញាបនបត្រប្រើប្រាស់សំណង់ ដោយបន្ថយចំនួនឯកសារតម្រូវ និងក្រុមហ៊ុនត្រួតពិនិត្យនិងបញ្ជាក់សំណង់បានយល់ព្រមបញ្ចុះតម្លៃមកត្រឹមអត្រា មួយសមស្របនិងមានការឯកភាពពីតំណាង TAFTAC ផងដែរ។

ដោយឡែក ក្រសួងនឹងផ្តល់វិញ្ញាបនបត្រប្រើប្រាស់សំណង់ជូនម្ចាស់សំណង់អគាររោងចក្រឬឃ្លាំងដែលមាន លិខិតអនុញ្ញាតសាងសង់ មានលិខិតអនុញ្ញាតបើកការដ្ឋានសំណង់ បានសាងសង់រួចក្រោយច្បាប់ស្តីពីសំណង់ចូលជាធរមាន និង/ ឬមានលិខិតបិទការដ្ឋាន ដើម្បីសម្រួលដល់វិនិយោគិននិងអាចឆ្លើយតបឱ្យបានទាន់សភាពការណ៍នៃការវិនិយោគក្នុង វិស័យវាយនភណ្ឌ។

• Laws and Regulation